အဖြူရောင်စာရွက်ထွက်ပေါ်လာခြင်း...

အချို့ အလွှာဆယ့်တစ် သက်ရှိများက အနာဂတ်တွင် ကြီးမြတ်သူဖြစ်လာရန် မျှော်လင့်ချက်ရှိသောကြောင့် အချိန်ကို ဆွဲဆန့်ကြပြီး အချို့က သက်တမ်းကုန်ဆုံးခါနီးသောကြောင့် ကြီးမြတ်သူဖြစ်လာရန် ကြိုးစားကြသည်။

" ငါ့ရဲ့ လက်ရှိခွန်အားက ရှေးဟောင်းနတ်ဘုရားထို့ပါကို ယှဉ်နိုင်ဖို့ ဝေးသေးတယ်။ " လင်းယွမ်က တွေးလိုက်သည်။

ရှေးဟောင်းနတ်ဘုရားထို့ပါက အလွှာဆယ့်တစ်၏ ပဉ္စမအဆင့်တွင်ရှိပြီး လင်းယွမ်က လက်ရှိတွင် အလွှာဆယ့်တစ် ဒုတိယအဆင့်များနှင့်သာ ယှဉ်နိုင်သောကြောင့် သူတို့ကြား ခွန်အားကွာခြားမှုက ကြီးမားနေဆဲ ဖြစ်သည်။

" နောက်ထပ် နှစ်တစ်ထောင်လောက်ပဲ စောင့်ပါ။ " လင်းယွမ်က ရှေးဟောင်းနတ်ဘုရားထို့ပါကို သတ်လိုစိတ်ရှိသော်လည်း လက်တွေ့တွင် မဖြစ်နိုင်သေးပေ။

သူ၏ လက်ရှိတိုးတက်မှုနှုန်းနှင့် နောက်ထပ် နှစ်တစ်ထောင် သို့မဟုတ် နှစ်ထောင်အတွင်း ဖြစ်နိုင်လေသည်။

ရှယိုဆင့်ကဲပြောင်းလဲခြင်းမျှော်စင်တွင်။

လင်းယွမ်နှင့်အတူ အလွှာတစ်ဆယ် အဆင့်အေ ဆင့်ကဲပြောင်းလဲသူများ ရောက်လာကြသည်။

" မင်းတို့မှာ နှစ်တစ်ရာပဲ အချိန်ရှိတယ်။ နှစ်တစ်ရာအတွင်းမှာ ဒီအော်ရိုရာအပိုင်းကို တတ်နိုင်သမျှ နားလည်အောင် ကြိုးစားပါ။ " ကြီးမြတ်သူရှချင်က ပြောလိုက်ပြီး တောက်ပသော အော်ရိုရာအပိုင်းတစ်ခုက လေထဲသို့ ပျံဝဲလာသည်။

ကြီးမြတ်သူကိုးယောက်၏ သဘောတူညီချက်အရ အော်ရိုရာက ဆင့်ကဲပြောင်းလဲခြင်းမျှော်စင်တစ်ခုစီတွင် နှစ်တစ်ရာ ထားရှိမည်ဖြစ်သည်။ နှစ်ကိုးရာကြာပြီးလျှင် ၎င်းက အမြင့်ဆုံးလက်နက်ပြုလုပ်ရာတွင် အဓိကပါဝင်ပစ္စည်းဖြစ်လာပေလိမ့်မည်။

" စစ်မြေပြင်ကြီးတစ်ခုကို အလွယ်တကူ ဖျက်ဆီးခဲ့တဲ့ အော်ရိုရာလား။ " လင်းယွမ်က အော်ရိုရာကို ကြည့်လိုက်သည်။

[ သင်က ကောင်းကင်ကိုဆန့်ကျင်သော နားလည်နိုင်စွမ်းဖြင့် အမည်မသိ အော်ရိုရာကို လေ့လာပြီး အလင်းနိယာမအပေါ် သင်၏ နားလည်မှုက ပိုမိုနက်ရှိုင်းလာပါပြီ။ ]

[ သင်က ကောင်းကင်ကိုဆန့်ကျင်သော နားလည်နိုင်စွမ်းဖြင့် အမည်မသိ အော်ရိုရာကို လေ့လာပြီး လေဟာနယ်နိယာမအပေါ် သင်၏ နားလည်မှုက ပိုမိုနက်ရှိုင်းလာပါပြီ။ ]

[ သင်က ကောင်းကင်ကိုဆန့်ကျင်သော နားလည်နိုင်စွမ်းဖြင့် အမည်မသိ အော်ရိုရာကို လေ့လာပြီး ကြောင်းကျိုးနိယာမအပေါ် သင်၏ နားလည်မှုက ပိုမိုနက်ရှိုင်းလာပါပြီ။ ]

လင်းယွမ်က ထိုအော်ရိုရာမှ နိယာမများစွာကို ခံစားလိုက်ရပြီး အလင်းနှင့် ကြောင်းကျိုးနိယာမများက အပြင်းထန်ဆုံးဖြစ်လေသည်။

" အလင်းနိယာမ..." လင်းယွမ်က အော်ရိုရာအတွင်းမှ အလင်းနိယာမမှာ ပုံမှန်မဟုတ်သည်ကို ခံစားလိုက်ရ၏။ ကြောင်းကျိုးနိယာမက အစပိုင်းတွင် လွယ်ကူပြီး နက်ရှိုင်းစွာ နားလည်ရန် ခက်ခဲလေသည်။

" အနက်ရောင်ဂြိုလ်ပေါ်က ကျန်တဲ့ ပေါင်းစပ်နိယာမခြောက်ခုထဲက နှစ်ခုမှာ ကြောင်းကျိုးနိယာမတွေပါဝင်တယ်။ ဒီအော်ရိုရာက ကြောင်းကျိုးနိယာမကို နားလည်ဖို့ ကူညီပေးနိုင်လောက်တယ်။ " လင်းယွမ်က တွေးလိုက်သည်။

ကြောင်းကျိုးနိယာမက အဓိကနိယာမမဟုတ်သော်လည်း အလွန်အရေးပါပြီး ခက်ခဲမှုက အဓိကနိယာမအချို့ထက် ကျော်လွန်လေသည်။ ထို့အပြင် ကြောင်းကျိုးနိယာမ ပါဝင်သော ပေါင်းစပ်နိယာမများက အလွန်ထူးခြားပြီး ကြိုတင်ခန့်မှန်း၍ မရပေ။

စစ်မြေပြင် A098။

လင်းယွမ်က ထိုင်နေပြီး သူ၏ ခေါင်းအထက်မှ ထာဝရလေဟာနယ်အက်ကြောင်းမှ လေဟာနယ်အတက်အကျများ ထုတ်လွှတ်နေသည်။

ထိုအချိန်တွင် လင်းယွမ်၏ အမူအရာက အနည်းငယ် ပြောင်းလဲသွားသည်။

" ဒီခံစားချက်က... " လင်းယွမ်က ထာဝရလေဟာနယ်အက်ကြောင်းကို မော့ကြည့်လိုက်သည်။

ထာဝရလေဟာနယ်အက်ကြောင်းအတွင်း မှိန်ဖျော့သော ပြောင်းလဲမှုတစ်ခု ဖြစ်သွားခဲ့သည်ဟု သူခံစားလိုက်ရသည်။ လင်းယွမ်၏ အကြည့်အောက်တွင် အဖြူရောင်စာရွက်တစ်ရွက်က ဝင်ရောက်လာခဲ့သည်။ အဖြူရောင်စာရွက်က အလျားနှင့်အနံသာ ရှိပြီး ထူထဲသော သဘောတရားမရှိပေ။

" အဖြူရောင်စာရွက်..." လင်းယွမ်က အဖြူရောင်စာရွက်ကို စိုက်ကြည့်ပြီး ဦးရေပြားပင် အနည်းငယ် ထုံကျဉ်သွားသည်။

ရွှပ် ရွှပ်...

အဖြူရောင်စာရွက်က စကြာဝဠာထဲသို့ ထိုးဖောက်ပြီး စစ်မြေပြင်ကြီးသို့ ဝင်ရောက်လာခဲ့သည်။

စစ်မြေပြင်ကြီးက ပြိုကွဲသွားခြင်းမရှိဘဲ ဒိုင်မန်ရှင်းပြိုကျမှုတစ်ခု ဖြစ်သွားခဲ့ပြီး လေဟာနယ်သဘောတရားကို ဆုံးရှုံးသွားသည်။ ခဏအတွင်း အလင်းနှစ် တစ်ထောင်နီးပါးကျယ်ဝန်းသော စစ်မြေပြင်ကြီးက စာလိပ်တစ်ခုအဖြစ် ဖိသိပ်ခံလိုက်ရပြီး အဖြူရောင်စာရွက်ထဲသို့ ပေါင်းစပ်သွားခဲ့သည်။

အဖြူရောင်စာရွက်က ကြယ်စကြာဝဠာသို့ ဆက်လက်ပျံသန်းသွားသည်။ ၎င်းက မည်သည့်နေရာသို့ သွားသည်ဖြစ်စေ လေဟာနယ်ကိုယ်တိုင်က ဖိသိပ်ခံရပြီး အဖြူရောင်စာရွက်ထဲသို့ ပေါင်းစပ်သွားကြသည်။

" အဲ့ဒါဘာလဲ။ " ကြီးမားသော ပုံရိပ်တစ်ခုက နောက်သို့ လျင်မြန်စွာ ဆုတ်လိုက်ပြီး အဖြူရောင်စာရွက်ကို မယုံကြည်နိုင်စွာ ကြည့်နေသည်။

သူက အလွှာဆယ့်နှစ် ကြီးမြတ်သူတစ်ယောက်ဖြစ်ပြီး ခဏသတိမပြုမိသည့်အချိန်တွင် အဖြူရောင်စာရွက်ထဲသို့ စုပ်ယူခြင်းခံခဲ့ရသည်။ သို့သော် သူက အချိန်မြစ်ထဲမှ ထွက်လာသော သက်ရှိတစ်ယောက်ဖြစ်ပြီး ဒိုင်မန်ရှင်းပြိုကျမှုက သူ့ကို အပြည့်အဝ ဖိနှိပ်နိုင်ခဲ့ခြင်းမရှိပေ။ ထို့ကြောင့် သူက လွတ်မြောက်လာခဲ့ခြင်းဖြစ်သည်။

သူက လွတ်မြောက်လာခဲ့သော်လည်း အလွှာဆယ့်တစ်သက်ရှိများအပါအဝင် စစ်မြေပြင်A098 ရှိ သက်ရှိတိုင်းက အဖြူရောင်စာရွက်ထဲသို့ ကျဆင်းသွားကြသည်။

" ထိုက်ယွမ်အမွေအနှစ်... အဲ့ဒါက ထိုက်ယွမ်အမွေအနှစ်ရှိတဲ့ဘက်က လာတာပဲ။ "

ကြီးမြတ်သူများက တစ်ယောက်ပြီးတစ်ယောက် ပေါ်လာကြပြီး ထွက်ခွာသွားသော အဖြူရောင်စာရွက်ကို လေးနက်စွာ ကြည့်နေကြသည်။

" ထိုက်ယွမ်အမွေအနှစ်မှာ တကယ်ဘာတွေဖြစ်နေတာလဲ။ " ဦးချိုတစ်ချောင်းနှင့် ကြီးမြတ်သူက ပြောလိုက်သည်။

လွန်ခဲ့သော နှစ်ငါးဆယ်ကျော်မှ အော်ရိုရာကလည်း ထိုက်ယွမ်အမွေအနှစ်မှ လာခဲ့ခြင်းဖြစ်သည်။ ယခု ထိုထူးဆန်းသော အဖြူရောင်စာရွက်ကလည်း ထိုက်ယွမ်အမွေအနှစ်၏ ဦးတည်ရာဘက်မှ လာခြင်းဖြစ်သည်။

" လူကြီးမင်းတို့ အခုက ထိုက်ယွမ်အမွေအနှစ်အတွက် စိုးရိမ်ရမယ့် အချိန်မဟုတ်ဘူး။ "

" ငါတို့သာ အဲ့ဒီအဖြူရောင်စာရွက်ကို ဆက်လက်ပျံသန်းခွင့်ပြုရင် စကြာဝဠာရဲ့ တစ်သောင်းပုံတစ်ပုံလောက် စုပ်ယူခြင်းခံလိုက်ရလိမ့်မယ်။ " ကြီးမြတ်သူတစ်ယောက်က ဝင်ပြောလိုက်သည်။

အဖြူရောင်စာရွက်၏ ဒိုင်မန်ရှင်းလျှော့ချမှုက ကြီးမြတ်သူများအပေါ် သက်ရောက်မှုမရှိသော်လည်း သူတို့၏ မျိုးနွယ်များက လျှော့ချခြင်းနယ်ပယ်ထဲတွင် ရှိနေကြသည်။

" ငါတို့ ပူးပေါင်းကြစို့။ "

" ငါတို့ပူးပေါင်းရင် အဲ့ဒီစာရွက်ကို တားနိုင်လောက်တယ်။ "

" မှန်တယ်။ ငါတို့ အဲ့ဒီစာရွက်ကို ဆက်ပြီး ပျံသန်းခွင့်ပေးလို့မရဘူး။ "

ကြီးမြတ်သူများက လျင်မြန်စွာ ဆုံးဖြတ်ချက် ချလိုက်ပြီး အချိန်လေဟာနယ်စွမ်းအားဖြင့် စာရွက်၏ လှုပ်ရှားမှုများကို ကန့်သတ်ရန် စတင်လိုက်ကြသည်။

မကြာမီ အဖြူရောင်စာရွက်၏ အရှိန်က နှေးကွေးသွားပြီး နောက်ဆုံး ကြယ်စကြာဝဠာထဲတွင် ရပ်တန့်သွားသည်။ အဖြူရောင်စာရွက်က ဖြည်းညင်းစွာ ဖြန့်လာပြီး ကြီးမြတ်သူများ၏ ရှေ့တွင် နက်နဲဆန်းကြယ်သော အော်ရာတစ်ခုကို ထုတ်လွှတ်လိုက်သည်။

လင်းယွမ်က မူးဝေနေပြီး နောက်ဆုံးတွင် သတိပြန်ဝင်လာသည်။

" ဒါဘယ်နေရာလဲ။ " လင်းယွမ်က ပတ်ဝန်းကျင်ကို ကြည့်လိုက်ပြီး သူက ကျဉ်းမြောင်းသော အခန်းတစ်ခုထဲတွင် လဲလျောင်းနေသည်ကို တွေ့လိုက်ရသည်။

သူက သတိမလစ်ခင် အဖြူရောင်စာရွက်တစ်ရွက်ကို မြင်ခဲ့ရသည်။ လင်းယွမ်က အချိန်နှင့်လေဟာနယ် ပြင်းထန်စွာ ပြောင်းလဲသွားသည်ကို ခံစားခဲ့ရသည်။

" ဘာဖြစ်ခဲ့တာလဲ။ " လင်းယွမ်က သူ၏ မူလခန္ဓာကိုယ်နှင့် ပြန်လည်ဆက်သွယ်နိုင်သောကြောင့် သက်ပြင်းချလိုက်သည်။

" မဟုတ်သေးဘူး။ " လင်းယွမ်၏ အမူအရာက လေးနက်သွားသည်။ " လေဟာတယ်အလွှာတွေ ဘယ်မှာလဲ။ ပြီးတော့ နိယာမအတက်အကျတွေကရော။ "

မယုံကြည်နိုင်စရာကောင်းစွာပင် လင်းယွမ်က နိယာမအတက်အကျ တစ်ခုမှ မခံစားရပေ။ သူက လေဟာနယ်အလွှာတစ်ခုမှကိုလည်း ရှာမတွေ့ခဲ့ပေ။ ဤကမ္ဘာကြီးက အလွန်ပါးလွှာသော လေဟာနယ်အလွှာတစ်ခုအတွင်း ရှိနေသကဲ့သို့ ဖြစ်သည်။

လေဟာနယ်အလွှာများမရှိလျှင် ဤကမ္ဘာက မပြည့်စုံပေ။ မပြည့်စုံသော ကမ္ဘာတစ်ခုက သူ့လို အလွှာတစ်ဆယ် သက်ရှိတစ်ယောက်ကို နေရာပေးနိုင်လေသည်။

နဂါးငွေ့တန်းပင်မကြယ်။

လင်းယွမ်က မျက်မှောင်ကြုတ်နေသည်။

" နိယာမအတက်အကျတွေနဲ့ လေဟာနယ်အလွှာတွေ ရှိနေတုန်းပဲ။ "

ထိုက်ယန်မူလစိတ်ဝိညာဉ် ရှိနေသောနေရာတွင် သူက လေဟာနယ်နိယာမ၏ အတက်အကျများ မခံနိုင်သည်ကို လင်းယွမ်က စဉ်းစားမရဖြစ်နေသည်။

အနက်ရောင်ဂြိုလ်အတွင်းရှိ ပေါင်းစပ်နိယာမ လမ်းညွှန်မှုလမ်းကြောင်းများမှာပင် လေဟာနယ်အတက်အကျကို အနည်းငယ် ခံစားနိုင်လေသည်။

" ကြီးမြတ်သူ " လင်းယွမ်က ကြီးမြတ်သူရှချင်ကို ချက်ချင်း ဆက်သွယ်လိုက်သည်။

" မင်းနဲ့ စစ်မြေပြင်က သက်ရှိတွေအားလုံး အဲ့ဒီစာရွက်ထဲ ကျသွားခဲ့တယ်။ " ကြီးမြတ်သူရှချင်က လင်းယွမ်ကို မြင်သည်နှင့် ချက်ချင်း ပြောလိုက်သည်။ " ဒါပေမယ့် စိတ်မပူနဲ့။ မင်းကို ငါခေါ်ထုတ်နိုင်မလား ကြိုးစားကြည့်နေတယ်။ "

" ကျေးဇူးတင်ပါတယ် ကြီးမြတ်သူ " လင်းယွမ်က ထိုက်ယန်မူလစိတ်ဝိညာဉ်၏ အခြေအနေကို အကြမ်းဖျင်းအားဖြင့် သိရှိသွားသည်။

အဖြူရောင်စာရွက်အတွင်း။

လင်းယွမ်၏ အတွေးများက ပျံ့နှံ့နေသည်။

" ငါက အဖြူရောင်စာရွက်ထဲကို စုပ်ယူတာ ခံလိုက်ရတာပဲ။ နိယာမအတက်အကျတွေ မခံစားနိုင်တာ အံ့ဩစရာမဟုတ်ဘူး။ ငါ့ရဲ့ အတွင်းကမ္ဘာတောင် ဖိနှိပ်ခံလိုက်ရတယ်။ "

လင်းယွမ်က သူ၏ အတွင်းကမ္ဘာကို စစ်ဆေးလိုက်သည်။ အတွင်းကမ္ဘာက လုံးဝပျောက်ကွယ်နေပြီး သဲလွန်စအနည်းငယ်သာ ကျန်ခဲ့သည်ကို သတိပြုမိလိုက်သည်။

" ကြီးတော့ ငါ့ရဲ့ ရုပ်ခန္ဓာ၊ စွမ်အား၊ စိတ်ဝိညာဉ် အားလုံးက အလွန်နိမ့်ကျတဲ့အဆင့်ထိ အတင်းအကျပ် လျှော့ချခံလိုက်ရတယ်။ " လင်းယွမ်၏ အမူအရာက လေးနက်နေသည်။

" ဒါပေမယ့် အနန္တကမ္ဘာတွေရဲ့ ဂိတ်တံခါးက ရှိနေတုန်းပဲ။ " လင်းယွမ်၏ စိတ်အသိက သူ၏ စိတ်ထဲသို့ နစ်မြှုပ်သွားပြီး ကြီးကျယ်ခမ်းနားသော ဂိတ်တံခါးကို ကြည့်လိုက်သည်။

" ဒိုင်မန်ရှင်းနှစ်ခုကမ္ဘာ..." လင်းယွမ်က ထိုကဲ့သို့ ကမ္ဘာတစ်ခုကို ပထမဆုံး ကြုံတွေ့ဖူးခြင်းဖြစ်သည်။

အတိတ်တွင် အနန္တကမ္ဘာများ၏ ဂိတ်တံခါးတစ်ဆင့် ဆင်းသက်မှုကိုးကြိမ်က အခြားဒိုင်မန်ရှင်းများသို့ ဖြစ်သော်လည်း သူဆင်းသက်ခဲ့သော ဒိုင်မန်ရှင်းများ၏ အဆင့်က ပင်မစကြာဝဠာနှင့် အတူတူပင်ဖြစ်သည်။ အဆင့်နိမ့် ဒိုင်မန်ရှင်းများကို လင်းယွမ် မကြုံတွေ့ဖူးခဲ့ပေ။