ဓားစာခံ ဖမ်းဆီးခြင်း

Vol. 27 Ch. 352

ဆယ်ရက်ကြာပြီးနောက် ယွမ်ရှောင်သည် ပြည့်စုံခြင်းအဆင့် ကံပင်လယ် နယ်ပယ်သို့ ရောက်ရှိသွားကာ ဖြတ်သန်းစီးဆင်းနေသည့် ချီစွမ်းအားပမာဏကြောင့် မျက်လုံးများ တောက်ပနေသည်။ တာအိုနှလုံးသားနယ်ပယ်နှင့် အထက်အဆင့်များတွင် ကျင့်ကြံရာ၌ ဆေးလုံးများကိုချည်း အားကိုးမရနိုင်ဘဲ ပို၍ အားထုတ်ရပြီး အတိတ်၌ အဆင့်ကြီးတစ်ဆင့် ကျော်ဖြတ်ရန် ဤမျှ မခက်ခဲပေ။ အချိန်နည်းနည်း ပိုရလျှင် သူက အဆင့်ထပ်တက်နိုင်သော်လည်း နောက်ဆုံးတိုက်ပွဲ နီးကပ်လာနေသောကြောင့် အဆင်မပြေလှချေ။ နောက်ကျောဘက်တွင် နတ်ဆိုးဖြူက ခေါင်းမိုးအစွန်း၌ ဖြူဖျော့သော ခြေထောင်များ တွဲလောင်းချ၍ သစ္စာရှိလက်ထောက်ပမာ စောင့်ကြည့်ပေးနေ၏။ သူမက အမိန့်တိုင်းကို တွန့်ဆုတ်ခြင်းမရှိ လိုက်နာခဲ့ပြီး အမြဲ စောဒကတက်နေသော စစ်မင်းသမီးနှင့် ယှဥ်လျှင် ပိုမို သင့်လျော်သည့် နောက်လိုက်တစ်ယောက်ပင်။

"သွားကြစို့"

ယွမ်ရှောင် ခေါင်မိုးအထက်မှ ဆင်းလာသောအခါ သူမလည်း လိုက်ပါလာခဲ့ပြီး အလင်းနန်းတော်အတွင်း ရွှေရောင်ဝတ်ရုံနှင့် ဓားအစောင့်အရှောက် အပြင် သုံးရောင်ခြယ် အမြှီးကို ပိုင်ဆိုင်ထားသည့် ရေသူမဘုရင် ရပ်နေကာ မုတလုံနှင့် သက်တူရွယ်တူဖြစ်သော်လည်း နုပျိုလှနေသည်။

"ဒါက ရေသူမဘုရင် ဖြစ်ရမယ်"

ယွမ်ရှောင် နှုတ်ဆက်လာသောအခါ တစ်ဖက်လူသည် လေးစားစွာ ဦးညွှတ်၍ မော်ပင်မကြည့်ခဲ့သော်လည်း အနားတွင် လက်ထောင်ပမာ ရပ်နေသော နတ်ဆိုးဖြူကို မြင်သောအခါ တက်ကြွလာခဲ့သည်။

"ဒီကို ရောက်လာတာ နောက်ဆုံးတိုက်ပွဲရဲ့ စည်းမျဥ်းတွေနဲ့ ပတ်သက်လို့လား"

"ဟုတ်ပါတယ်"

"စိတ်ချပါ။ အနာဂတ်မှာ မင်းတို့ မရှုံးစေရဘူး"

ရေသူမဘုရင် ခေါင်းညိတ်ပြသောအခါ သူက အာမခံလိုက်ပြီး တိုက်ပွဲကွင်းထံ ချက်ချင်း ပျံသန်းသွားသောအခါ ငရဲကိုးထပ်၌ အပြောင်းအလဲ ဖြစ်လာမည်ဟု ယုံကြည်နိုင်စရာပင်။

"ရေသူမတွေက အမြဲတမ်း အလင်းရှိရာကို ကူးခတ်နေကြတယ်။ ဒီတစ်ခေါက် အမှားလုပ်မိတာ မဟုတ်ပါဘူး"

ဓားအစောင့်အရှောက်က တစ်ချက်ပြုံး၍ သူမကို အားပေးနေစဥ် မီးမိစ္ဆာသည် ဆွေမျိုးသုံးယောက်အပါအဝင် အစွမ်းထက်ကျင့်ကြံသူ ရှစ်ယောက်ကို တိတ်တဆိတ် စုဝေးထားသည်။

"ယင်မိစ္ဆာတွေနဲ့ ဘာကြောင့် အချိန်ဖြုန်းရမှာလဲ"

သံပြားပမာ ပြောင်လက်နေသော ဦးခေါင်းပိုင်ရှင် ယန်မိစ္ဆာတစ်ကောင်က မေးလိုက်ပြီး တုတ်ခိုင်သန်မာသော ခြေလက်များ ရှိ၏။

"ရေသူနတ်ဆိုးတွေ သစ္စာဖောက်သွားတယ်။ ယင်မိစ္ဆာတွေကလည်း နောက်ကျော ဓားနဲ့ထိုးနိုင်တယ်။ နောက်ဆုံးတိုက်ပွဲမှာ အမှားအယွင်း မခံဘူး။ ဒါကြောင့် စစ်မင်းသမီးကို ဓားစာခံအဖြစ် ဖမ်းထားလိုက်ရင် ငါတို့ကို သစ္စာဖောက်ရဲမှာ မဟုတ်တော့ဘူး"

မီးမိစ္ဆာ၏ အစီအစဥ်ကို ကျန်ရှစ်ယောက်က လက်ခံလိုက်ကြပြီး ယင်မိစ္ဆာမျိုးနွယ်အပေါ် မကောင်းကြံရမည်ဖြစ်သောကြောင့် တက်ကြွနေသည်။

"ဦးလေးသုံးက ငါပြီးရင် အသန်မာဆုံးပဲ။ ယင်မိစ္ဆာဘုရင်ကို ငါ တိုက်ခိုက်မယ်။ ဦးလေးက ဓားစာခံကို ဖမ်းထားပေးပါ"

မီးမိစ္ဆာသည် ကတုံးပြောင်မိစ္ဆာကို ညွှန်ကြားလိုက်သောအခါ တစ်ဖက်လူ၏ မျက်လုံးများ တဏှာမီး တောက်လောင်လာ၏။

"ကိစ္စမရှိဘူး။ သူမရဲ့ ခွန်အားနဲ့ ပတ်သက်ပြီး ပြောပြ"

"ဆယ့်ရှစ်နှစ်မတိုင်ခင် ကောင်းကင်ခန်းဆောင်နယ်ပယ်ကို ရောက်နေပြီ။ ဒါကြောင့် ဦးလေးသုံးကို လိုအပ်တာ"

"ဒါက ရှားပါးပါရမီရှင်တစ်ယောက်ပဲ။ အခုမလုပ်ရင် အခွင့်အရေးရမှာ မဟုတ်ဘူး"

"ပါရမီရှင်တစ်ယောက်တင် မဟုတ်ဘူး၊ ယင်မိစ္ဆာတွေကို ဦးဆောင်ပြီး နေမင်းငရဲကို ဖျက်ဆီးနိုင်လောက်အောင် သန်မာလာလိမ့်မယ်"

ကတုံးမိစ္ဆာက ကောက်ချက်ချလိုက်သကဲ့သို့ မီးမိစ္ဆာက မနာလိုစိတ်ဖြင့် သတိပေးလိုက်သည်။

"သတ်လိုက်ရမှာလား"

"ဒီလောက်ကောင်းတဲ့ လိင်ကျွန်ကို ဘာကြောင့် အလဟဿဖြစ်အောင် လုပ်ရမှာလဲ။ ဒီပါရမီရှင်ကို အသုံးချပြီး ကိုးဆင့်မျိုးဆက်သွေးနဲ့ ယန်မိစ္ဆာမျိုးဆက် ပြန့်ပွားခိုင်းရမယ်"

မီးမိစ္ဆာ၏ မျက်နှာအထက်တွင် ရွံစရာအပြုံးတစ်ခု ရှိနေပြီး ကျန်ယန်မိစ္ဆာများလည်း ကျေနပ်စွာ ရယ်မောရင်း တဏှာစိတ်ကို ဖြေရှင်းရန် ယင်မိစ္ဆာမများအပေါ်.အလွန်တရာ တပ်မက်သူများ ဖြစ်ကြသည်။

"ဦးလေးသုံးကို အားကိုးမယ်"

"စိတ်ချ။ ငါက ယင်မိစ္ဆာမတွေကို ဖမ်းဆီးတဲ့ နေရာမှာ ကျွမ်းကျင်တယ်။ ဘယ်တော့မှ မမှားဘူး"

မီးမိစ္ဆာက လေးနက်စွာ မှာကြားလိုက်သောအခါ ကတုံးမိစ္ဆာသည် ရဲရဲကြီး အာမခံလိုက်၏။ သူက ယင်မိစ္ဆာ ဖမ်းသူအဖြစ် ကျော်ကြားပြီး နန်းဆောင်အတွင်း ယင်မိစ္ဆာမ သုံးရာကျော် ပိုင်ဆိုင်ထားသည်ဟု သတင်းများပင် ရှိသည်။

"သွားကြစို့"

မီးမိစ္ဆာ၏ အမိန့်နှင့်အတူ ထိုအုပ်စုက ထွက်ခွာလာပြီး နောက်ဆုံးတိုက်ပွဲအတွက် ပြင်ဆင်နေသော တိုက်ပွဲကွင်း ပတ်ဝန်းကျင်၌ မျိုးနွယ်ပေါင်းစုံ ရောနှောနေကြသည်။ အဆောင်ဧကရာဇ်က မည်သို့ လှုပ်ရှားရမည်ကို ညွှန်ကြားနေပြီး နားထောင်နေသူများအနက် ယင်မိစ္ဆာများ ပါဝင်ကာ ပြန်ပေးဆွဲမှုမျိုး မည်သူမှ မျှော်လင့်မထားပေ။ ယန်မိစ္ဆာများ ရောက်လာသောအခါ အဆောင်ဧကရာဇ်က မျက်လုံးဖြင့် အချက်ပြ၍ ယင်မိစ္ဆာဘုရင်ကို သတိမထားမိစေရန် စကားစလိုက်သည်။ အုပ်စုအကြားတွင် စစ်မင်းသမီးက ထင်းထွက်နေပြီး လူသား၊ နတ်ဆိုးနှင့် မိစ္ဆာအားလုံးကို ဆွဲဆောင်နိုင်လောက်အောင် လှပသူဖြစ်၏။

"ဒီလိုအလှလေးနဲ့ ပျော်ပါးရမယ်ဆိုရင် သက်တမ်းဆယ်နှစ်လောက် စတေးလိုက်ချင်တယ်"

ကတုံးမိစ္ဆာသည် ဤသို့သော အလှပဂေးမျိုးကို မမြင်ဖူးသဖြင့် စိုက်မကြည့်ဘဲမနေနိုင်သည့်အပြင် တစ်ဖက်လူမှာ အပျိုစင်ဖြစ်နေသည်။ သူက မနာလိုခြင်းကြီးစွာ ဖြစ်နေပြီး ပြန်ပေးဆွဲရာ၌ အဓိက အခန်းဏ္ဍတွင် ပါဝင်သော်လည်း မီးမိစ္ဆာ၏ အပိုင်ဖြစ်နေခဲ့သည်။ အကယ်၍ သူသာ အသက်ကြီးရင့်မနေလျှင် မီးမိစ္ဆာကို လုပ်ကြံ၍ စစ်မင်းသမီးအား လုယူမိပေလိမ့်မည်။ ခဏအတွင်း ယင်မိစ္ဆာများအနားသို့ ပြန်ပေးဆွဲသမား ရှစ်ယောက် နီးကပ်လာသောအခါ ဦးလေးနှစ် ယင်မိစ္ဆာနှင့် ယင်မိစ္ဆာဘုရင်သည် အကြည့်ချင်းဖလှယ်လိုက်၏။

မျက်တောင်တစ်ခတ်အတွင်း မီးမိစ္ဆာသည် ယင်မိစ္ဆာဘုရင်ကို နဂါးတံဆိပ်ဖြင့် ပစ်ခတ်လိုက်ပြီး ရုတ်တရက် ဆန်လွန်းသောကြောင့် ကျင့်ကြံသူများ အံ့သြကုန်သည်။ ယင်မိစ္ဆာဘုရင်က သမီးဖြစ်သူကို ကာကွယ်ရန် ချက်ချင်း အမိန့်ပေးကာ ပိုက်ကွန်သဏ္ဍာန် ရတနာတစ်ခု ဆင့်ခေါ်၍ ရင်ဆိုင်လိုက်သည်။

"ပြေးကြ"

နတ်ဆိုးများနှင့် ရုန်းကျင့်ကြံသူများ ထွက်ပြေးကုန်သဖြင့် အခြေအနေ ရှုပ်ထွေးနေစဥ် စစ်မင်းသမီး၏ ဦးလေးခြောက်ယောက်မှာ ယန်မိစ္ဆာခုနစ်ယောက်နှင့် ထိပ်တိုက်ရင်ဆိုင်နေရပြီး ယင်နှင့် ယန် တိုက်ပွဲ ဖြစ်ပေါ်လာ၏။ ထိုအခိုက်တွင် ကတုံးမိစ္ဆာက ကောက်ကျစ်စွာ ပြုံး၍ စစ်မင်းသမီးထံ ဝင်ရောက်သွားသောအခါ နာမည်ဆိုးဖြင့် ကျော်ကြားသူဖြစ်၍ ယင်မိစ္ဆာများ ထိတ်လန့်ကုန်သည်။ အဆုံးမဲ့ငရဲပြည်တွင် ကတုံးမိစ္ဆာသည် ပြန်ပေးဆွဲမှုများကြောင့် ရွံရှာခံရသူဖြစ်၏။ ယန်မိစ္ဆာများ၏ ပစ်မှတ်က စစ်မင်းသမီးဖြစ်ပြီး နားခိုရာဂိုဏ်း ဝင်ရောက်စွက်ဖက်ခြင်း ရှိမရှိ မည်သူမှ အတပ်မပြောနိုင်ပေ။

"ငါ့လက်ထဲကနေ လွတ်မှာ မဟုတ်ဘူး"

ကတုံးမိစ္ဆာ၏ လက်တစ်ဖက်က စစ်မင်းသမီး၏ လည်ချောင်းထံ ဆန့်ထွက်လာပြီး ကျန်လက်တစ်ဖက်ဖြင့် ရင်နှစ်မွှာကို လှမ်းကိုင်သည်။ သို့ရာတွင် သူမက တည်ငြိမ်စွာ ရှိနေပြီး ငရဲသွေးကျာပွတ်ဖြင့် တစ်ချက်ယမ်းလိုက်သောအခါ တန်ပြန်တိုက်ခိုက်ရဲမည်ဟု မျှော်လင့်မထားသည့်အတွက် ကတုံးမိစ္ဆာ၏ မျက်နှာကို ထိမှန်သွားသည်။ ကြမ်းတမ်းသော ရိုက်ချက်ကြောင့် နှာခေါင်းနှင့် မျက်လုံးတစ်ဖက် ပေါက်ကွဲထွက်သွား၍ နာကျင်စွာ အော်ဟစ်ရင်း လဲကျသွားသည်။ ပစ်မှတ်ကို လျှော့တွက်ခဲ့သောကြောင့် ပေးဆပ်ရသော အဖိုးအခမှာ မနည်းလှပေ။

"ညစ်ပတ်တဲ့ တဏှာရူး အဘိုးကြီး"

သူမ၏ ကျာပွတ်က အနီရောင်တောက်ပနေကာ လှံတစ်ချောင်းအဖြစ် ဖြောင့်စင်းသွား၍ တစ်ဖက်လူ၏ ဝမ်းဗိုက်ထံ ထုတ်ချင်းပေါက် ဖောက်ထွက်သွား၏။ ယင်မိစ္ဆာမများ၏ အဖြစ်ဆိုးအတွက် သူမက လက်စားချေပေးခဲ့ပြီး ကျာပွတ်ရိုက်သံ တရွှမ်းရွှမ်းအောက်တွင် နေမင်းငရဲ၏ အကြီးအကဲတစ်ယောက်မှာ အသားတုံးများအဖြစ် ပဲ့ထွက်သွားသည်။ တိုက်ပွဲကွင်းတလျှောက် နာကျင်စွာ အော်သံများ ပဲ့တင်ထပ်နေပြီး စစ်မင်းသမီးသည် ကျာပွတ်ကို ရုတ်သိမ်းကာ အခြားသူများဘက်လှည့်၍ ပြုံးပြလိုက်သည်။

"ဘာကြည့်နေတာလဲ။ မိန်းမလှလေးတစ်ယောက်ကို မမြင်ဖူးဘူးလား"

မီးမိစ္ဆာနှင့် နောက်လိုက်များသည် ယင်မိစ္ဆာဘုရင်တို့ ညီအစ်ကိုများကို နောက်ပြတ်ဆုတ်စေရန် ဖိအားပေးနေစဥ် နာကျင်စွာ အော်သံများကြောင့် ကြည့်လိုက်မိသောအခါ ကတုံးမိစ္ဆာ ရှုံးနိမ့်သွားသည်ကိုသာ တွေ့ခဲ့ရ၏။

"နိမ့်ကျပြီး ရိုင်းစိုင်းတဲ့ တိရိစ္ဆာန်တွေကများ ကိုယ့်ကိုကိုယ် အထင်ကြီးနေရလား"

စစ်မင်းသမီး၏ ရဲတင်းမှုက ယင်မိစ္ဆာများအနက် ရှားမှရှားသော သတ္တိမျိုးဖြစ်ကာ မီးမိစ္ဆာသည် ဒေါသထွက်နေသော်လည်း ကြောက်လန့်စပြုလာသည်။

"ဒီစစ်မင်းသမီးက ယွမ်ရှောင်နဲ့ ယှဥ်နိုင်လောက်အောင် အစွမ်းထက်တယ်"

ကျင့်ကြံသူအများအပြားထံမှ တီးတိုးစကားသံများ ထွက်ပေါ်လာကာ ဘုံခေါင်းစဥ်တစ်ခုအဖြစ် ဆွေးနွေးနေကြလေသည်။

ဓားစာခံ ဖမ်းဆီးခြင်း

Vol. 27 Ch. 352

"သွားကြစို့"

"ဒါက ရေသူမဘုရင် ဖြစ်ရမယ်"

"ဒီကို ရောက်လာတာ နောက်ဆုံးတိုက်ပွဲရဲ့ စည်းမျဥ်းတွေနဲ့ ပတ်သက်လို့လား"

"ဟုတ်ပါတယ်"

"စိတ်ချပါ။ အနာဂတ်မှာ မင်းတို့ မရှုံးစေရဘူး"

"ယင်မိစ္ဆာတွေနဲ့ ဘာကြောင့် အချိန်ဖြုန်းရမှာလဲ"

"ကိစ္စမရှိဘူး။ သူမရဲ့ ခွန်အားနဲ့ ပတ်သက်ပြီး ပြောပြ"

"ဒါက ရှားပါးပါရမီရှင်တစ်ယောက်ပဲ။ အခုမလုပ်ရင် အခွင့်အရေးရမှာ မဟုတ်ဘူး"

"သတ်လိုက်ရမှာလား"

"ဦးလေးသုံးကို အားကိုးမယ်"

"သွားကြစို့"

"ပြေးကြ"

"ငါ့လက်ထဲကနေ လွတ်မှာ မဟုတ်ဘူး"

"ညစ်ပတ်တဲ့ တဏှာရူး အဘိုးကြီး"

"ဘာကြည့်နေတာလဲ။ မိန်းမလှလေးတစ်ယောက်ကို မမြင်ဖူးဘူးလား"

"ဒီစစ်မင်းသမီးက ယွမ်ရှောင်နဲ့ ယှဥ်နိုင်လောက်အောင် အစွမ်းထက်တယ်"