လင်းရွှမ်၏မြင့်တက်လာမှု
Vol. 5 Ch. 72
“အကြီးအကဲကို အမြန် သတင်းပို့ပါ”
အကြီးအကဲတစ်ဦးသည် သူတပည့်တစ်ဦးကို ချက်ချင်းညွှန်ကြားလိုက်ရာ ထိုတပည့်သည်လည်း တမ်းထွက်သွားလေသည်။
“ လက်လုပ်လက်စားတစ်ယောက်လို့ထင်ခဲ့တဲ့သူက ကောင်းကင်က ပေးတဲ့ ပါရမီရှင်လို့ ဘယ်သူထင်မလဲ”
တယောက်သည် စိတ်လှုပ်ရှားဖွယ်ကြွေးကြော်လျက် ပြောသည်။
“ကံကောင်းမှုက ကောင်းကင်ဓားဂိုဏ်းအတွက်ရောက်လာပြီ ။ ဟားဟား… အခြားကျောင်းတွေမှာတော့ ငါတို့နဲ့ယှဉ်ရင် တပည့်
အမှိုက်တွေပဲရှိတယ်”
“လင်းရွှမ်တစ်ယောက် အပြင်တပည့်အဆင့်မှာ မနေရဘူး။ သတင်းကြားတဲ့ တောင်ထိပ်အကြီးအကဲတွေ ချက်ချင်းပေါ်လာလိမ့်မယ်”
“ ဟုတ်တယ် အရင်တုန်းကတော့ မြစိမ်းရောင်တိမ်တိုက် တောင်ထိပ်က ပိုင်ရှင်းယွဲ့ကိုရခဲ့တယ်။ ဒီတစ်ခါတော့ ချင်းလန်က လင်းရွှမ်ကို လိုချင်မှာပဲ”
“ဒါပေမယ့် နောက်ဆုံးတော့ လင်းရွှမ် ကိုယ်တိုင် ဘယ်တောင်ထိပ်ကို ရွေးမလဲဆိုတာပဲ ဆုံးဖြတ်ရမှာ။ အနည်းဆုံးတော့ သူက တကယ့် ကောင်းကင်ဓားဂိုဏ်းကျောင်းသားဖြစ်သွားပြ”
«ဒါပေမယ့်… လင်းရွှမ် သတင်းတွေကို ကြားမိတယ်”
“ ဘာတွေလဲ”
“သူကို ပိုင်ကျီဟန် ကိုယ်ပိုင် အလုပ်အကျွေးအနေနဲ့ ခေါ်ထားခဲ့တယ်တဲ့။ အဆိုးရွားဆုံး တွေ ကြုံခဲ့ရတယ်လို့ ဆိုကြတယ်”
“ဟေ့..တကယ်လား? အဲ့ဒါမှန်ရင်တော့ ပိုင်ကျီဟန်က တာဝန်ယူရမှာ “
ပုံမှန်ဆိုရင် သူတို့သည် ပိုင်ကျီဟန်ကို မစော်ကားရဲပေ အထူးသဖြင့် ပိုင်မျိုးနွယ်။ကိုပင်။ လက်လုပ်လက်စားသမားအတွက် စကားမပြောကြဘဲ လျစ်လျူရှုလိမ့်မည်။
ဒါပေမယ့် ယခုတော့ လက်လုပ်လက်စားသည် တာအိုပဲ့တင်မှန်တွင် ရွှေရောက်တောက်လာသည့်အခါ အရာတွေက မတူတော့ချေ။
သူလိုမျိုးကို ရယူနိုင်မည်ဆိုလျှင် ပိုင်မျိုးနွယ်နဲ့ ပဋိပက္ခကိုတောင် မရှောင်တော့ပေ။
ပိုင်မျိုးနွယ်မှထုတ်ပယ်ထားသော ပိုင်ရှင်းယွဲ့ကို လက်ခံထားတာပင် ပိုင်မျိုးနွယ်ကို စော်ကားမိတာပင်
အခြား ကောင်းကင်ဘုံပါရမီရှင်ကိုလက်ခံခြင်းသည် သိပ်မခြားနားပေ
“အဲဒါကကောလဟာလပဲ ။ ဒါပေမယ့် လင်းရွှမ်ကိုယ်တိုင် တိုင်ကြားလာမယ်ဆိုရင်တော့ စုံစမ်းရမယ်။ ဒီလို ကောင်းကင်အဆင့် ကျောင်းသားကို လက်မလွှတ်စေမဲ့အပြင် အခြားကျောင်းကို ထွက်သွားစေမနေရဘူး”
တခြားသူများလည်း ခေါင်းညွတ်၍ သဘောတူကြသည်။
ထိုအချိန်တွင် ရွှေရောင်အလင်းတန်းများ တဖြည်းဖြည်း မှိန်ဖျော့သွားသော်လည်း ကျန်ရစ်သူအားလုံး၏ နှလုံးသားထဲတွင် တုန်လှုပ်ချောက်ချားမှုများ ရှိနေသည်။
လင်းရွှမ်၏စမ်းသပ်မှုအပြီးတွင် တိတ်ဆိတ်မှုသည် ပြည့်လုနီးပါးဖြစ်သည်။ တပည့်တစ်ယောက်မှ စကားမပြောပေ။ တစ်ယောက်မှ မလှုပ်ပေ။
တောင်ကဲ့သို့ ငြိမ်သက်နေသော တာအိုပဲ့တင်မှန်ပေါ်တွင် လက်တင်ကာ ရပ်နေဆဲ လူငယ်လေးအပေါ် အားလုံး၏ မျက်လုံးများ ရောက်နေကြသည်။
ရှားရှားပါးပါး အပြုံးတစ်ခု သူ့မျက်နှာပေါ်တွင် ပွင့်နေသော်လည်း
(ကျွန်တော်လုပ်နိုင်ပြီ)
လင်းရွှမ်သည် ဝမ်းသာအားရနှင့် အံ့အားသင့်စွာတွေးလိုက်မိသည်။
အပြာရောင်နဲ့ဖြတ်သန်းရရင်ပင် သူကျေနပ် မည်ပင်။ သူတကယ်ရွှေရမည်ဟု မည်သူထင်မည်နည်း။
အဓိပ္ပါယ်ကို သူသိ၏ ။ ဘာကိုဆိုလိုသည်ကို အတိအကျသိသည်။
ပင်မစင်မြင့်ပေါ်တွင် ပွဲကြီးကြပ်နေသော အကြီးအကဲသည် မုတ်ဆိတ်မွေးများကို ပွတ်ကာ ရှေ့သို့ တိုးလာသည်။
"အဟမ်း..လင်းရွှမ် မလား?"
သူ့လေသံကို တည်ငြိမ်အောင် ကြိုးစားရင်း ပြောလိုက်သည် ။
လင်းရွှမ်သည် နောက်ဆုံးတွင် ရွေ့လာပြီး သူ့အကြည့်သည် စင်မြင့်ဆီသို့ လှည့်လိုက်သည်။
"ဟုတ်ကဲ့အကြီးအကဲ”
"မင်း ထူးခြားတဲ့ စွမ်းရည်ကို ပြသခဲ့ပြီးပြီ။ တာအိုပဲ့တင်မှု ကောင်းကင်အဆင့်... ကောင်းကင်ဓားဂိုဏ်းက ဒီနှစ်အတွက် တကယ်ကို ကောင်းချီးရပုံပဲ”
အကြီးအကဲ၏ မျက်လုံးများ တောက်ပလာသည်။
"အဲဒါ ဘာကိုဆိုလိုတာလဲ မင်းနားလည်တယ်မလား"
လင်းရွှမ်သည် ခေါင်းညိတ်လိုက်သည်။
၎င်းသည် ပုံမှန်မဟုတ်ဟု ခံစားရသော်လည်း တာအိုပဲ့တင်မှန်တွင် ရွှေရရှိခြင်း၏ အဓိပ္ပါယ်ကို သူသိသည်။
ထိုစွမ်းရည်အဆင့်ဖြင့် သူသည် သူအလိုရှိသော အထွတ်အထိပ်၏ အတွင်းတပည့်တစ်ဦး ဖြစ်လာနိုင်သည် ။
နောက်ဆုံးတွင် သူတို့၏တောင်ပံအောက်တွင် ကောင်းကင်ဘုံမှ ပါရမီရှင်တစ်ဦးကို အလိုမရှိသော တောင်ထိပ်သခင်မရှိပေ
သူတို့သည် အခွင့်အလမ်းအတွက် တိုက်ပွဲဝင်ကြပြီး အခွင်းအလမ်းများ ပေးကြမည်ပင်။
"ဒါဆို မင်း အဆင်သင့်ပြင်ထားသင့်တယ်" အကြီးအကဲသည် လင်းရွှမ်ကို စိတ်ရှုပ်ထွေးအောင် ပြောလိုက်သည်။
(ဘာအတွက် ပြင်ဆင်ထားရမလဲ)
သူသည် အမြင့်ဆုံးအဆင့်ကို ရရှိခဲ့သည်။ နောက်ထပ်ဘာတွေပြင်ဆင်ဖို့ရှိလဲ။
သူမမေးမီတွင် ဂိုဏ်းခေါင်းဆောင်သည် အကြီးအကဲများ၊ အထွတ်အထိပ်ခေါင်းဆောင်များနှင့်အတူ ရောက်လာသည်။
ကွင်းပြင်ပေါ်သို့ ကြီးမားသော ဖိအားတစ်ခု ဆင်းသက်လာသည်နှင့်အမျှ လေထုသည် အနည်းငယ်တုန်ခါသွားသည်။
တည်ငြိမ်အေးဆေးပြီး ခြေလှမ်းတိုင်းတွင် အခွင့်အာဏာကို ဖြန့်ကျက်ထားကာ လျှောက်လာသော ခမ်းနားထည်ဝါသည့် ရုပ်ပုံသည် စင်မြင်ြ၏အစွန်းတွင် ပေါ်လာသည်။
နောက်ထပ်ရုပ်ပုံတစ်ဒါဇင်သည် နောက်တွင် လိုက်ပါလာကာ တစ်ယောက်စီသည် ကျင့်ကြံမှုကမ္ဘာ၏ အထွတ်အထိပ်တွင် ရပ်နေသကဲ့သို့ အရိပ်အယောင်ကို ဖြာထွက်နေသည်။
ဂိုဏ်းခေါင်းဆောင် ထျန်းယုဟမ် ရောက်လာ၏
ထိုနေရာတွင် ရှိနေသူတွေအားလုံး ဒူးထောက်လိုက်ကြသည်။
"ဂိုဏ်းခေါင်းဆောင်ကို နှုတ်ဆက်ပါတယ်”
အကြီးအကဲများလည်း လေးလေးနက်နက် ဦးညွှတ်ကြသည်။
ထျန်းယုဟမ်သည် သူ့လက်ကို ဝှေ့ယမ်းလိုက်သည်နှင့် ပျော့ပျောင်းသော ဝိညာဉ်စွမ်းအားလှိုင်းများ ထွက်လာပြီး လူတိုင်းကို ခြေဖျားမှမကာ ညင်သာစွာ မြှောက်လိုက်ကြသည်။
"အဲ့လောက်ထိ ကြိုဆိုစရာ မလိုပါဘူး။ ကောင်းကင်ဘုံက ပါရမီရှင်ကို ကိုယ့်မျက်စိနဲ့ မြင်ဖို့ လာတာ"
ပြောပြီး သူ့အကြည့်သည် လင်းရွှမ်ဘက်သို့ လှည့်သွားသည်။
လင်းရွှမ်သည် ဂိုဏ်းခေါင်းဆောင်၏ အကြည့်အောက်တွင် အနည်းငယ် တောင့်တင်းသွားသည်။
၎င်းသည် ဖိနှိပ်ချုပ်ချယ်ခြင်းမဟုတ်သော်လည်း စူးရှထက်မြက်သည်။ စိတ်ဝိညာဉ်ထဲသို့တိုးဝင်ကာ လျှို့ဝှက်ချက်တိုင်းကို မြင်နိုင်သည့် ဓားတစ်ချောင်းကဲ့သို့ စူးရှသည်။
စမ်းသပ်မှုတစ်ခု။
လင်းရွှမ်သည် မတ်မတ် ရပ်လိုက်သည်။
မတုန်လှုပ်ဘဲ ထျန်းယုဟမ်၏ အကြည့်ကို ရင်ဆိုင်လိုက်သည်။
အချိန်အတော်ကြာပြီးနောက် ဂိုဏ်းခေါင်းဆောင်သည် မှုန်ကုပ်ကုပ်နဲ့ ပြုံးလိုက်သည်။
"ကောင်းပြီ၊ ကောင်းကင်အဆင့်တာအိုနဲ့ လိုက်ဖက်တဲ့ ထက်မြက်တဲ့ နှလုံးသားရှိတယ်။"
သူသည် ယခု အသက်မရှိသော တာအိုပဲ့တင်မှန်ရှေ့မှာ ရပ်ကာ ရှေ့ကို ဖြည်းညှင်းစွာ လျှောက်သွားသည်။
ထို့နောက် အကြီးအကဲများဘက်သို့ လှည့်ကြည့်လိုက်သည်။
"ဒီတပည့်က လင်းရွှမ်မလား?"
သူ ရှင်းရှင်းလင်းလင်း သိထားပြီးသားဖြစ်သလို မေးသည်။
“ဟုတ်ကဲ့၊ ဂိုဏ်းခေါင်းဆောင်” ဟု စစ်ဆေးမှုကို ကြီးကြပ်သော အကြီးအကဲက လျင်မြန်စွာ ပြန်ဖြေသည်။
“အရင်က လက်လုပ်လက်စားတပည့် ဆိုပေမယ့် အခု…”
"သူတစ်ယောက်တည်း ကျန်နေမှာမဟုတ်ဘူး" ထျန်းယုဟမ် အသံသည် တည်ငြိမ်သော်လည်း ခိုင်မာသည်။
“ဒီအချိန်ကစပြီး အတွင်းတပည့်အဖြစ်သို့ တိုးမြှင့်ခြင်းခံရမယ်”
ပိုင်ရှင်းယွဲ့ကဲ့သို့ပင် သူတို့၏ အရည်အချင်းသည် သာလွန်ကောင်းမွန်သော်လည်း သူတို့၏ ကျင့်ကြံမှုမှာ ချို့တဲ့နေဆဲဖြစ်သည်။
သူတို့ကို အဓိကတပည့်များအဖြစ် တိုက်ရိုက် မြှင့်တင်လိုသော်လည်း အဆင့်မြင့် သွန်သင်ချက်များသည် ဝိညာဉ်အခြေတည်ကာစနှင့် အထက်ရှိသူများအတွက်သာ အံဝင်ခွင်ကျဖြစ်စေသည်။ ၎င်းတို့၏ လက်ရှိအဆင့်ကို ထိန်းထားရအုံးမည်
သို့သော် ၎င်းတို့၏ အဆင့်အတန်းသည် အတွင်းတပည့်အဖြစ် ဆက်လက်တည်ရှိနေသော်လည်း ၎င်းတို့ရရှိသော အရင်းအမြစ်များသည် အခြားသော အတွင်းတပည့်များ ရရှိမည့် ပမာဏထက် ပိုမိုများပြားမည်ဖြစ်သည်။
ထို့နောက် လင်းရွှမ်ဘက်လှည့်လိုက်သည်။
"မင်းရဲ့ အစွမ်းအစတွေကို ကောင်းကင်ကို ပြသခဲ့ပြီးပြီ။ ဒီနေ့ကစပြီး ဂိုဏ်းက မင်းကို သူ့ရဲ့သိတတ်မှုကို ပြသလိမ့်မယ်။"
သူသည် သူ့နောက်မှ တောင်ထိပ်သခင်အတန်းဆီသို့ လက်ပြလိုက်သည်။
ချက်ချင်းပင် မုန်တိုင်းအသံများ ထွက်ပေါ်လာသည်။
" လင်းရွှမ်၊ ငါက မိုးကြိုးတိမ်တိုက် တောင်ထိပ်သခင် အကြီးအကဲရှီ။ ငါတို့ တောင်ထိပ်က မိုးကြိုးနည်းစနစ်တွေနဲါအရည်အသွေးမြင့် အရင်းအမြစ်တွေကို အထူးပြုတယ်။ ငါနဲ့ ပူးပေါင်းရက် ကိုယ်ပိုင်ဝင်းတစ်ခုနဲ့ တစ်လကို ဝိညာဉ်ငွေ့ရည်ဖွဲ့ဆေးပြားသုံးပြားကိုပေးဖို့ အာမခံတယ်”
"သူပြောတာကို နားမထောင်နဲ့။ ငါက စိန်းလမ်းမီးတောင်ထိပ်က အကြီးအကဲဝမ်ပါ။ ငါတို့က မီးကို ကျင့်ကြံတယ်၊ ငါတို့နဲ့ ပူးပေါင်းပြီး မင်းကို ကိုယ်ပိုင် မီးနဂါးမန္တာန်နဲ့ အထူးအဆင့် မီးတောက်ဓားတစ်ချောင်း ပေးမယ်။"
"ငါက အကြီးအကဲလျန်ဟွာ"
"အကြီးအကဲ လျန်ဟွာ၊ ကျေးဇူးပြုပြီး မင်းမှာပိုင်ရှင်းယွဲ့ ရှိနေပြီပဲ”
တောင်ထိပ်သခင် တစ်ယောက်စီသည် လင်းရွှမ်ကိုစုဆောင်းရန် အခြားသူများထက် သာလွန်အောင်ကြိုးစားခြင်းဖြင့် လေလံစစ်ပွဲတစ်ခုဖြစ်ပွားခဲ့သည်။
ပိုင်ရှင်းယွဲ့ရှိပြီးသား မြစိမ်းရောင်တိမ်တိုက်တောင်ထိပ်သခင်ပင်လျှင် ၎င်းတို့၏ လေလံစစ်ပွဲကို စတင်ခဲ့သည်။
နောက်ဆုံးတွင် တောင်ထိပ်သခင်သည် ကောင်းကင်ဘုံမှ ထူးချွန်သော ပါရမီရှင် နှစ်ဦးကို မရနိုင်ဟု စည်းကမ်းမရှိပေ။
နှစ်ယောက်မပြောနဲ့။ ကောင်းကင်ဘုံ ပါရမီရှင် တစ်ယောက် ရှိဖို့ဆိုတာပင် အလွန်ရှားနေပြီ ဖြစ်တာကြောင့် တောင်ထိပ်တစ်ခုသည် နှစ်ယောက်စလုံးကို မရနိုင်ဟု စည်းကမ်းမရှိခဲ့ပေ။
အခြား တောင်ထိပ်သခင်တွေသည် အကြီးအကဲလျန်ဟွာကို စုဆောင်းခြင်းရာတွင် ပါဝင်ခြင်းမှ ရပ်တန့်ဖို့ တတ်နိုင်သမျှ လုပ်ခဲ့သည်။
ထိုအချိန်တွင် လင်းရွှမ်သည် စောစောကအကြီးအကဲ၏ ဆိုလိုရင်းကို နားလည်သွားသည်-
"အသင့်ပြင်ထား”