ရှုပ်ထွေးကုန်ခြင်း

Vol. 153 Ch. 2178

ထိုအချိန်တွင် ကြည့်ရှုနေသူများ မသိသည်မှာ ရီဖူရှင်းသည် သူ၏ ကျင့်ကြံခြင်းမှ ဝေဒနာကို ခံစားနေရပေသည်။ သူက လက်ရှိ ကျင့်ကြံဆင့်ကို ချိုးဖျက်သွားနိုင်သော်လည်း မုန်တိုင်းထန်နေသည်။ သူ၏ ပုံရိပ်ယောင်လောကအတွင်းတွင် သူ့ရှေ့၌ ရှေးဟောင်းနတ်ဘုရားတစ်ပါး ရပ်နေသလို ထင်မှတ်ရပေသည်။

အဆုံးမဲ့သင်္ကေတအက္ခရာများက သူ၏ သက်စောင့်ဟော်နန်းအတွင်း မျောလွင့်နေသည်။ ထိုအခိုက်အတန့်တွင် ကမ္ဘာ့သစ်ပင်က မြင့်မားသော နတ်သစ်ပင်တစ်ပင်အဖြစ် ပြောင်းလဲသွားပြီး ကမ္ဘာသစ်တစ်ခုကို ဖန်တီးထားသည်။ သစ်ပင်အောက်တွင် ရီဖူရှင်း ထိုင်ချလိုက်သည်နှင့် သူက ၎င်းနှင့် ပေါင်းစပ်သွားသကဲ့သို့ သူ့မျက်နှာက ကမ္ဘာသစ်အတွင်း ပေါ်ပေါက်လာသည်။

ရီဖူရှင်းက မည်သည့်အတွက်ကြောင့် ထိုသို့ ဖြစ်နေရသည်ကို နားမလည်ပေ။ မည်သို့ပင်ဖြစ်စေ ထိုအင်အားနှစ်ခု၏ ထိပ်တိုက်တွေ့ဆုံခြင်းက ကမ္ဘာတုန်လှုပ်နိုင်သော အကျိုးသက်ရောက်မှုကို ဖန်တီးခဲ့သည်။ ရီဖူရှင်းသည် သူ၏ ခန္ဓာကိုယ်အတွင်း ဖြစ်ပျက်နေသည်များကို ခံနိုင်ရည်စွမ်း ရှိလိမ့်မည် မဟုတ်ပေ။ သူသည် ချက်ချင်းပင် သေဆုံးသွားနိုင်ပေသည်။

ကံကောင်းစွာပင် ထိုထိပ်တိုက်တွေ့ဆုံမှုက သူ၏ သက်စောင့်ဟော်နန်းအတွင်း ဖြစ်ပွားနေခြင်း ဖြစ်သည်။

လူအုပ်ကြီးသည် ထိုအချိန်၌ ထိတ်လန့်အံ့အားသင့်ဖွယ် မြင်ကွင်းကို မျက်မြင်တွေ့နေကြရသည်။ နတ်ဘုရားခေါင်းတလားထဲမှ မဟာအင်ပါယာရှန်ကျား၏ ခန္ဓာကိုယ်သည် ပြင်းပြင်းထန်ထန် တုန်ခါလာပြီး ဖြေးညင်းစွာ ကြွတက်လာကာ လေထဲတွင် ရစ်ဝဲနေခဲ့သည်။ ရီဖူရှင်း၏ ခန္ဓာကိုယ်က မျောလွင့်နေသည့် မရေတွက်နိုင်သော သင်္ကေတအက္ခရာများနှင့် အပြည့်အဝ ဖုံးလွှမ်းသွားခဲ့သည်။

ထို့နောက်တွင် နတ်ဘုရားရုပ်ကြွင်းက ရီဖူရှင်း ခန္ဓာကိုယ် ရှိရာသို့ ရွေ့လျားသွားခဲ့၏။

“ဘာဖြစ်နေတာလဲ။” ထိုမြင်ကွင်းကို မြင်ရသည့်အခါ လူတိုင်း၏ နှလုံးသားများက အလျင်အမြန် ခုန်ပေါက်လာပေသည်။

မဟာအင်ပါယာရှန်ကျား၏ ရုပ်ကြွင်းက ရီဖူရှင်းနှင့် ပေါင်းစပ်နေခဲ့သည်။ ယခု သူက နတ်ဘုရားရုပ်ကြွင်းကို သူ့ကိုယ်ပိုင်အဖြစ် လုယက်ရန် ကြိုးစားနေသည်လား။

တောက်ပသော အလင်းတန်းများက ထိုးထွက်လာခဲ့သည်။ လူတိုင်း၏ အံ့အားသင့်ထိတ်လန့်မှုများအောက်တွင် နတ်ဘုရားရုပ်ကြွင်း ရီဖူရှင်း၏ ခန္ဓာကိုယ်နှင့် စတင်၍ ပေါင်းစပ်လာခဲ့သည်။ ရီဖူရှင်းသည် သင်္ကေတအက္ခရာများနှင့် အပြည့်အဝ ပေါင်းစပ်သွားပုံရပြီး မဟာအင်ပါယာရှန်ကျား၏ ရုပ်ကြွင်းက သင်္ကေတအက္ခရာများ၏ အကူအညီနှင့် ရီဖူရှင်းခန္ဓာကိုယ်အတွင်းသို့ ပေါင်းစပ်သွားခဲ့ပေသည်။

“ဒါက...” လူအများကြီးက ထိုအဖြစ်အပျက်ကြောင့် အံ့သြထိတ်လန့်သွားကြပေသည်။ ရီဖူရှင်းသည် လမ်းစဥ်နှင့် သဟဇာတဖြစ်အောင် လုပ်ဆောင်ရုံမျှမက ယခု မဟာအင်ပါယာရှန်ကျား၏ ရုပ်ကြွင်းကို သူ့ ခန္ဓာကိုယ်ထဲသို့ ပေါင်းစည်းနေခဲ့ပေသည်။

လူတိုင်း၏ စောင့်ကြည့်မှုအောက်တွင် မဟာအင်ပါယာရှန်ကျား၏ ရုပ်ကြွင်းက အမှန်တကယ်ပင် ရီဖူရှင်း၏ ခန္ဓာကိုယ်အတွင်း ပေါင်းစပ် ပျောက်ကွယ်သွားပေသည်။ ရီဖူရှင်း၏ အရေပြားပေါ်၌ မရေတွက်နိုင်သော ရှေးဟောင်း သင်္ကေတအက္ခရာများက ထွင်းထုထားသလို ဖြစ်ပေါ်လာပြီး ကြောက်မက်ဖွယ် နတ်အလင်းတို့နှင့် တောက်ပနေခဲ့သည်။ ကြည့်ရသည်မှာ သူက မဟာအင်ပါယာရှန်ကျား၏ ရုပ်ကြွင်းနှင့် ပေါင်းစပ်သွားပုံရလေသည်။

“ဟမ်...”

သူက အမှန်တကယ်ပင် မဟာအင်ပါယာရှန်ကျား၏ ခန္ဓာကိုယ်ကို ဝါးမြိုခဲ့သည်လား။

တုန်ခါနေသော ဆူညံသံက အဆက်မပြတ်ထွက်ပေါ်နေပြီး ရပ်တန့်သွားခြင်း မရှိပေ။ နယ်မြေသခင်သည်ပင် သူ၏ ခြေလှမ်းများကို ရပ်တန့်လိုက်၏။ သူ့ထံမှ ထုတ်လွှတ်နေသော အလင်းလွှာက မှိန်ဖျော့သွားပြီး ခေါင်းကိုငုံ့ကာ ရီဖူရှင်းအား ကြည့်လိုက်သည်။

မည်သည့်အရာတို့ ဖြစ်ပွားနေသနည်း။

ရီဖူရှင်းက မဟာအင်ပါယာရှန်ကျား၏ ခန္ဓာကိုယ်နှင့် မည်သည့်အတွက်ကြောင့် ပေါင်းစပ်သွားရသနည်း။ သူက သဟဇာတဖြစ်အောင် လုပ်ဆောင်နိုင်လျှင်ပင် သူ့အတွက် အောင်မြင်ရန်မှာ မည်သို့ဖြစ်နိုင်ပါမည်နည်း။

နယ်မြေသခင်သည် အရာအားလုံးကို သူ့မျက်လုံးများနှင့် မြင်တွေ့နေရသော်လည်း ရီဖူရှင်း မည်သို့ လုပ်ဆောင်သည်အား မဖော်ထုတ်နိုင်သေးပေ။

သူသည် အောက်ဘက်ရှိ ငွေရောင်ဆံပင်နှင့် လူကို ကြည့်လိုက်ပြီး ထိုအခြေအနေအား မည်သို့ ကိုင်တွယ်ရမည်ကို မသိပေ။

ထိုအချိန်တွင် ခြိမ်းခြောက်နိုင်သော ဖိအားက ပျောက်ကွယ်သွားသည်။ ဆရာသခင်ကျင့်ကြံသူများ အားလုံးက မတူညီသော နေရာများမှ ထွက်ပေါ်လာကာ ရှေ့သို့ ခြေလှမ်းရင်း ရီဖူရှင်းအား မည်းမှောင်သည့် မျက်နှာထားများနှင့် ကြည့်နေကြသည်။ မည်သို့ပင်ဖြစ်စေ ရီဖူရှင်းက နိုးလာခြင်းမရှိသေးပေ။ သူသည် ကျင့်ကြံနေဆဲ ဖြစ်ပုံရပြီး သူ့ခန္ဓာကိုယ်အတွင်းမှ ကြောက်မက်ဖွယ် ဆူညံသံများ ထွက်ပေါ်နေဆဲ ဖြစ်သည်။

လူတစ်ယောက်က ရီဖူရှင်းထံ လျှောက်လာခဲ့သည်။ ၎င်းက အဘိုးမာဖြစ်သည်။ သူသည် ရီဖူရှင်းက အန္တရာယ်များသော အခြေအနေသို့ ရောက်ရှိနေပြီး ယခု တိုက်ခိုက်ခံရနိုင်ချေ အတော်လေးများကြောင်း သိရှိပေသည်။ အဆုံးမှာတော့ ရီဖူရှင်းက ဆရာသခင်အဆင့် ကျင့်ကြံသူများပင် မက်မောတောင့်တသော မဟာအင်ပါယာရှန်ကျား၏ ရုပ်ကြွင်းကို ဝါးမြိုလိုက်ခြင်း ဖြစ်သည်။

ရီဖူရှင်းက သူ့ကိုယ်တိုင်အတွက် အမှန်တကယ် ဝါးမြိုလိုက်ပါလျှင် ထိုအစွမ်းထက်ပုဂ္ဂိုလ်များက မည်သည့်အခါမှ လွှတ်ပေးလိမ့်မည် ဖြစ်သည်။ သူတို့က ရီဖူရှင်းကို အမှန်တကယ် လိုက်ဖမ်းကြပေလိမ့်မည်။

အဘိုးမာက ဆိုးရွားသော ခံစားချက်ကို ခံစားနေရပေသည်။ အခြေအနေမှာ ရီဖူရှင်းအတွက် မျှော်လင့်ချက်ရှိပုံမပေါ်ပေ။

သို့သော် သူတို့ထဲက မည်သူကမှ ရီဖူရှင်းက ဤအခြေအနေနှင့် ပတ်သတ်၍ မည်သို့မှ မတတ်နိုင်ခဲ့ကြောင်း မသိကြပေ။ သူသည် မဟာအင်ပါယာရှန်ကျား၏ ရုပ်ကြွင်းကို ဝါးမြိုရန် မရည်ရွယ်ခဲ့ပါချေ။ ဆန့်ကျင်ဘက်အနေနှင့် မဟာအင်ပါယာရှန်ကျားကသာ ရီဖူရှင်း၏ ခန္ဓာကိုယ်နှင့် ပေါင်းစပ်ရန် ရွေးချယ်ခဲ့ခြင်း ဖြစ်သည်။

ရီဖူရှင်းသည် ယခုတွင် ပြင်းထန်သော နာကျင်မှုကို ခံစားနေရပြီး သူ့ကိုယ်သူ ဤအခြေအနေမှ လွတ်မြောက်စေရန် မတတ်နိုင်ခဲ့ပေ။

“နယ်မြေသခင် ဒွန်ဟောင်တော်ဝင်နန်းတော်က မဟာအင်ပါယာရှန်ကျားရဲ့ ရုပ်ကြွင်းကို ဒီနေရာမှာ ထားစေတာကြောင့် ရှန်ချင်းနယ်မြေမှာ ရှိတဲ့ လူတိုင်း ဒါနဲ့ ကျင့်ကြံဖို့ အခွင့်အရေး ရသင့်တယ်။ ကျုပ်တို့ အခု ဒါနဲ့ ဘယ်လိုရင်ဆိုင်မလဲ။” နန်ဟိုင်ကလန်ခေါင်းဆောင်က မေးလိုက်သည်။ သူသည် သေချာပေါက် ရီဖူရှင်းအား မဟာအင်ပါယာရှန်ကျား၏ ရုပ်ကြွင်းကို ယူဆောင်သွားခွင့် ပေးလိမ့်မည် မဟုတ်ပေ။

သူတို့ထဲမှ မည်သူကမှ စစ်မှန်စွာ နားလည်သဘောပေါက်ခြင်း မရှိခဲ့ပေ။ သူတို့က ရီဖူရှင်းကို တစ်ယောက်တည်း အကျိုးအမြတ် ခံစားခွင့်ပေးလိမ့်မည် မဟုတ်ပါချေ။

ထို့အပြင် ရီဖူရှင်းက နတ်ဘုရား ရုပ်ကြွင်းကို အသုံးပြုကာ ကျင့်ကြံဆင့်ကို ချိုးဖျက်ကာ အဆင့်ခြောက်ကို ရောက်ရှိသွားပြီး ဖြစ်လေသည်။

“နယ်မြေသခင်.. မဟာအင်ပါယာရှန်ကျားရဲ့ ရုပ်ကြွင်းက ရှန်ချင်းနယ်မြေကို ဒွန်ဟောင်ဧကရာဇ်နန်းတော်က ကျင့်ကြံရေး အထောက်အပံ့အဖြစ် ပေးအပ်ထားတဲ့ အရာပါ။ နတ်ဘုရားဂူဗိမာန်ကို တည်ဆောက်ကတည်းက ရီဖူရှင်း တစ်ယောက်တည်းပဲ နတ်ဘုရားရုပ်ကြွင်းကို နားလည်သဘောပေါက်နိုင်တယ်ဆိုတာ ဒီမှာရှိတဲ့ လူတိုင်း မျက်မြင်တွေ့ကြတယ်။ သူက အခု မဟာအင်ပါယာရှန်ကျားနဲ့တောင် ပေါင်းစည်းနိုင်တယ်။ ဒီလိုဆိုမှတော့ ကျုပ်တို့ သူ့ကို ဘာလို့ အောင်မြင်ခွင့်မပေးရမှာလဲ။ ရီဖူရှင်းက လေးမျက်နှာကျေးရွာမှာ ကျင့်ကြံနေတာဆိုတော့ သူ့ကိုလည်း ရှန်ချင်းနယ်မြေက လူတစ်ယောက်အနေနဲ့ သတ်မှတ်သင့်တယ်။” အဘိုးမာက ခေါင်းကို မော့ကာ ပြောလိုက်သည်။ သူ၏ အသံက တည်ငြိမ်နေသော်လည်း သူသည် ရီဖူရှင်းက အန္တရာယ်ထဲ ရောက်သွားမည်ကို တိတ်တဆိတ် စိတ်ပူနေခဲ့သည်။

“ကျုပ်တို့ ဘာမှ နားမလည်နိုင်ဘူးလို့ ဘယ်သူပြောလဲ။” တစ်စုံတစ်ယောက်က ငြင်းချက်ထုတ်လိုက်သည်။ “ပြီးတော့ နတ်ဘုရားရုပ်ကြွင်းက ဒွန်ဟောင်အင်ပါယာနန်းတော်ကနေ ရှန်ချင်းနယ်မြေကို ပေးအပ်ခဲ့တာပဲ။ သူက တစ်ယောက်တည်း အပိုင်စီးလို့ ဘယ်ဖြစ်မှာလဲ။”

နတ်ဘုရားဂူဗိမာန်၌ ချက်ချင်းပင် အခြေအနေက သိသိသာသာ တင်းမာလာပေသည်။

အဘိုးမာသည် ရီဖူရှင်း၏ ဘေးတွင် ရပ်ကာ လူအုပ်ကြီးအား ဝေ့ကြည့်လိုက်သည်။ ရုတ်တရက် အားကောင်းသော လေဟာနယ်မုန်တိုင်းတစ်ခု ဖြစ်ပေါ်လာကာ လေဟာနယ်တံခါးတစ်ချပ် ပွင့်ဟလာပေသည်။

“သတိထား။ သူထွက်ပြေးတော့မယ်။” တစ်စုံတစ်ယောက်က အေးစက်စွာ ပြောလိုက်သည်။

အသံက ပျောက်ကွယ်မသွားခင် အဘိုးမာက ရီဖူရှင်းအား ဆွဲကာ လေဟာနယ်တံခါးထဲ ခြေချလိုက်ပြီ ဖြစ်သည်။

လူအများသည် နယ်မြေသခင်က ဝင်ရောက်မဟန့်တားသည့်အတွက် အံ့အားတသင့် ပြန်လှည့်ကြည့်လိုက်ကြပေသည်။

မည်သို့ပင်ဖြစ်စေ နန်ဟိုင်မိသားစုခေါင်းဆောင်နှင့် ရှန်းယွီနတ်ပြည်ထောင်၏ အင်ပါယာအရှင်က သူတို့ လက်များကို ရှေ့သို့ ဆန့်ထုတ်လိုက်သည်။ သူတို့က လေဟာနယ်တံခါးကို ဆွဲဖွင့်ကာ အဘိုးမာနှင့် ရီဖူရှင်းတို့နောက်သို့ လိုက်သွားခဲ့သည်။

အခြား ဆရာသခင်အဆင့်တန်ခိုးရှင်များသည်လည်း နတ်ဘုရားဂူဗိမာန်မှ ထွက်ခွာကာ သူတို့နောက်သို့ လိုက်ပါသွားပေသည်။ အခြားတစ်ဖက်တွင် အခြားသော ကျင့်ကြံသူများက ဆိုးယုတ်သော အကြည့်များနှင့် လေးမျက်နှာကျေးရွာမှ ကျန်နေခဲ့သည့် လူများကို ကြည့်လိုက်ကြသည်။

“ဒါက နတ်ဘုရားရုပ်ကြွင်းနဲ့ပဲ သက်ဆိုင်နေတဲ့ ကိစ္စလေ။ ကျုပ်တို့ တခြားအပြစ်မဲ့သူတွေကို မထိခိုက်စေသင့်ဘူး။” ရှေးဟောင်းတော်ဝင် သွမ့်မိသားစုမှ သွမ့်ထျန်းရှုံက ပြောလိုက်သည်။ အခြားလူများက ရွေးချယ်စရာမရှိဘဲ လေးမျက်နှာကျေးရွာမှ ကျင့်ကြံသူများအား တိုက်ခိုက်မည့် အကြံအစည်ကို လက်လျှော့လိုက်ပေသည်။

“လေးမျက်နှာကုန်းမြေကို သွားကြစို့။” သွမ့်ထျန်းရှုံက ပြောလိုက်သည်။ သူက လူအုပ်ကြီးထံသို့ လက်ကို ယမ်းလိုက်၏။

နယ်မြေသခင်နှင့် သူ့ဘေးမှ ကျိုးမုဟွမ်တို့က ရီဖူရှင်းနှင့် အဘိုးမာတို့ ပျောက်ကွယ်သွားရာ နေရာကို ကြည့်နေကြသည်။ မည်သူကမှ သူတို့ မည်သည့်အရာကို တွေးနေသည်အား မသိကြပေ။

“လေးမျက်နှာကုန်းမြေကို သွားကြမယ်။” နယ်မြေသခင်က ပြောလိုက်သည်။ သူတို့က ချက်ချင်းပင် နတ်ဘုရားဂူဗိမာန်မှ ထွက်ခွာသွားကြပေသည်။

အဘိုးမာနှင့် ရီဖူရှင်းက လေဟာနယ်တံခါးမှ ထွက်ခွာသွားသော်လည်း သူတို့သည် အခြားသွားစရာနေရာမရှိဘဲ လေးမျက်နှာကျေးရွာသို့သာ သွားလိမ့်မည် ဖြစ်သည်။ သူတို့သည် အင်အားစုအသီးသီးမှ ဆရာသခင်အဆင့် တန်ခိုးရှင်များ လိုက်ဖမ်းနေသည်အား စောင့်ကြည့်နေကြသည်။ သူတို့က ထိုလူများ၏ လက်မှ လွတ်မြောက်နိုင်ရန် နည်းလမ်းမရှိပေ။

သိပ်မကြာခင် နတ်ဘုရားဂူဗိမာန်က ကြောက်မက်ဖွယ် စွမ်းအင်လှိုင်းများနှင့် လွှမ်းမိုးခံလိုက်ရသည်။ ထိပ်သီးအင်အားစုများမှ အားလုံးသော အစွမ်းထက် တန်ခိုးရှင်များက ထိုနေရာမှ ထွက်ခွာသွားကြပြီး မကြာခင်၌ အခြားကျော်ကြားသော တန်ခိုးရှင်များသည်လည်း ထွက်ခွာသွားပေသည်။

နတ်ဘုရားဂူဗိမာန်အပြင်ဘက်မှ မရေတွက်နိုင်သော တန်ခိုးရှင်များသည် နတ်ဘုရားခေါင်းတလား ရှိခဲ့သော နေရာလွတ်အား ကြည့်လိုက်ပေသည်။ အရာအားလုံးသည် အလွန် လျင်မြန်စွာ ပြောင်းလဲသွားခဲ့သည့်အတွက် အစစ်အမှန် မဟုတ်သလိုပင် ခံစားရပေသည်။ နတ်ဘုရားဂူဗိမာန် တည်ဆောက်ပြီး မကြာခင်မှာပင် ယခုလို ဖြစ်သွားလိမ့်မည်ဟု မည်သူမှ ထင်မှတ်မထားခဲ့ပေ။

ရီဖူရှင်းက နတ်ဘုရားရုပ်ကြွင်းအား အဝေးသို့ ယူဆောင်သွားခဲ့ပေသည်။

မည်သို့ပင်ဖြစ်စေ ဆရာသခင်အဆင့် တန်ခိုးရှင်များ၏ စောင့်ကြည့်မှုအောက်တွင် မဟာအင်ပါယာရှန်ကျား၏ ခန္ဓာကိုယ်ကို ရီဖူရှင်း အမှန်တကယ် ခိုးယူနိုင်လိမ့်မည် မဟုတ်ပေ။ သူသာ နတ်ဘုရားရုပ်ကြွင်းကို အမှန်တကယ် ဝါးမြိုပစ်လိုက်လျှင် ရှန်ချင်းနယ်မြေမှ အစွမ်းထက်တန်ခိုးရှင်များက သူ့အား အရေခွံနွှာပစ်လိုက်ပေလိမ့်မည်။

...

ကြောက်မက်ဖွယ် စွမ်းအားများက လေးမျက်နှာကျေးရွာ၏ ကောင်းကင်ထက်တွင် ပေါက်ကွဲထွက်ပေါ်လာသည်။ ဘန်းဟူသော ကျယ်လောင်သည့် အသံနှင့်အတူ မြို့တစ်ခွင်လုံးက ပြင်းထန်စွာ တုန်ခါသွားခဲ့ပေသည်။ မြို့ပေါ်သို့ ပြင်းထန်သည့် စွမ်းအားများ ကျရောက်လာသည်နှင့် လေးမျက်နှာမြို့ အဘိုးမာ တည်ဆောက်ထားခဲ့သည့် လေဟာနယ်အလင်းလွှာက အက်ကွဲသွားခဲ့ပေသည်။ မျက်စိကျိန်းလောက်သော အလင်းတန်းများက လေဟာနယ်ကို ဖြတ်သန်းကာ ထိုးဖောက်လာပြီး လေးမျက်နှာကျေးရွာသို့ တိုက်ရိုက်ဦးတည်လိုက်သည်။

“မင်းက လေးမျက်နှာကျေးရွာတစ်ခုလုံးကို ပြဿနာထဲ ဆွဲသွင်းမလို့လား။” အေးစက်၍ ခြိမ်းခြောက်နိုင်သော အသံတစ်ခု ထွက်ပေါ်လာသည်။ ကောင်းကင်မှ ပိုမိုများပြားသော ဖိအား ထွက်ပေါ်လာပြီး မြို့ကို လွှမ်းခြုံသွားပေသည်။

ထိုအချိန်တွင် လေးမျက်နှာမြို့ထဲမှ တန်ခိုးရှင်များက ကြောက်ရွံ့မှုကြောင့် တုန်ယင်လာကြသည်။ မည်သည်တို့ ဖြစ်ပွားနေသနည်း။

နယ်မြေသခင်က အစွမ်းထက်တန်ခိုးရှင်များ အားလုံးကို အထက်ကောင်းကင်ကိုးလွှာ၌ တည်ရှိသော ရှန်ချင်းကုန်းမြေသို့ ဆင့်ခေါ်ထားသည် မဟုတ်ပါလား။

အဘိုးမာက မည်သည့်အတွက်ကြောင့် သူ့နောက်လိုက်ဖမ်းနေသော အစွမ်းထက် ရန်သူများစွာနှင့်အတူ ပြန်လာရသနည်း။

လေးမျက်နှာကျေးရွာအတွင်းသို့ ကြောက်မက်ဖွယ် နတ်အလင်းများ ထိုးဆင်းလာကာ ပျောက်ကွယ်သွားသည်။ ပို၍ များပြားသော လူများက လေးမျက်နှာမြို့ကို ဝန်းရံလိုက်သည်။ ဆရာသခင်အဆင့် တန်ခိုးရှင်များက ရွာထဲသို့ ခြေမချခဲ့ကြသေးပေ။ ထို့အစား သူတို့က လေထဲမှာ ရပ်နေခဲ့ပြီး အထက်မှနေ၍ ရွာကို စောင့်ကြည့်နေသည်။

သူတို့က ဤနေရာ၌ ပိတ်ဆို့ထားလိုက်ပြီ ဖြစ်ရာ အဘိုးမာက လွတ်မြောက်နိုင်တော့မည် မဟုတ်ပေ။

သို့ဆိုလျှင်ပင် သူတို့သည် လေးမျက်နှာကျေးရွာအတွင်းမှ ဆရာသခင်ကို လေးစားမှုထားနေဆဲ ဖြစ်သည်။ ထို့ကြောင့် သူတို့ထဲက မည်သူကမှ ရွာကို အရင်ဆုံးကျူးကျော်ရန် ဆန္ဒမရှိကြပေ။ သူတို့သည် အခြားလူများ အရင် ခြေလှမ်းစရန် စောင့်ဆိုင်းချင်နေကြပေသည်။

လေးမျက်နှာမြို့အထက် ကောင်းကင်တွင် အစွမ်းထက် တန်ခိုးရှင်များ အဆက်မပြတ် ရောက်လာနေသည်။ လမ်းတစ်ဝက်၌ ရှိသေးသော တန်ခိုးရှင်များစွာလည်း ရှိသေးသည်မှာ သိသာပေသည်။ မြို့ထဲရှိ လူတိုင်းက ခြေထောက်များပင် မခိုင်လောက်အောင် တုန်လှုပ်နေကြသည်။

မည်သည့်ကိစ္စတို့ ဖြစ်ပျက်နေသနည်း။

ထိုလူများက တိုက်ခိုက်ရန် ဆုံးဖြတ်လိုက်လျှင် လေးမျက်နှာကျေးရွာက ထိုများပြားလှသည့် ရန်သူတန်ခိုးရှင်များကြောင့် ဖျက်ဆီးခံရပေလိမ့်မည်။

ထို့အပြင် သူတို့၏ ရန်သူများက ဆိုးယုတ်သော ရည်ရွယ်ချက်များနှင့် ရောက်လာပုံရလေသည်။

အခြေအနေအား မသိသည့် လူများက အဖြေကို သိရရန် စိတ်အားထက်သန်နေသည်။ ပြင်ပဘုံများမှ လေးမျက်နှာမြို့သို့ ပြောင်းရွှေ့လာသူများမှာ လေးမျက်နှာကျေးရွာ ဖျက်ဆီးခံရလျှင် သူတို့အား သက်ရောက်မှု ရှိလာမည်ကို စိုးရိမ်နေကြသည်။

ထို့အပြင် ထိုဆရာသခင်အဆင့် တန်ခိုးရှင်များသည် သူတို့၏ အထက်ကောင်းကင်၌ အမှန်တကယ် တိုက်ခိုက်ရန် ရွေးချယ်မလား မသိပေ။

ဤနေရာ၌ တိုက်ပွဲသာ ဖြစ်ပွားခဲ့လျှင် မြို့တစ်ခုလုံး ပြားပြားဝပ်သွားပေလိမ့်မည်။

***