တန်ရှကြယ်တာရာနယ်မြေ၊ ချန်းယန်ကြယ်...

~ဆယ်စုနှစ်တစ်ခုကျော် ကြာပြီးနောက်။

ကျယ်ပြောလှသော ကြယ်တာရာနယ်မြေတစ်ခုအလယ်တွင် နေရာလပ်သည် အနည်းငယ် လိမ်ယှက်သွားပြီး နောက်တစ်ခဏ၌ ကျောက်စိမ်းဖြူဖြင့် သွန်းလုပ်ထားသော ကောင်းကင်ယာဉ်ပျံတစ်စင်း ရုတ်တရက် ပေါ်ထွက်လာခဲ့၏။

ကျောက်စိမ်းဖြူ ကောင်းကင်ယာဉ်ပျံအတွင်း၌ လုရီနှင့် လျိုနင်ရွှမ်းတို့အပါအဝင် အခြားသူများသည် ခန်းမဆောင်တွင် ရပ်နေကြပြီး ပြတင်းပေါက်အပြင်ဘက်မှ ကျယ်ပြောလှသော ကြယ်တာရာမြစ်ကို ငေးမောကြည့်ရှုနေကြ၏။

၎င်းသည် ကောင်းကင်ကြယ်တာရာ နယ်မြေနှင့် လုံးဝ ကွဲပြားခြားနားသော ကြယ်တာရာနယ်ပယ်တစ်ခု ဖြစ်ပြီး ကြီးမားသောခရုပတ်ပုံ အာကာသဟင်းလင်းပြင်များ၊ သေးငယ်သော ခရုပတ်ပုံ အာကာသဟင်းလင်းပြင်များ အရပ်လေးမျက်နှာသို့ ပျံ့ကျဲနေ၏။ အလယ်ဗဟိုတွင် တောက်ပထွန်းလင်းနေသော အလင်းပြင်တစ်ခုက အလွန်ပြင်းထန်ပြီး ကျယ်ပြောလှသော စွမ်းအင်တစ်ခုကို ထုတ်လွှတ်နေသည်။

"ကြယ်တာရာမြေပုံပေါ်က လမ်းညွှန်ချက်အရဆိုရင် ဒီနေရာပဲဖြစ်ရမယ်"

လုရီက ကြယ်တာရာမြေပုံကို တစ်ချက်ကြည့်လိုက်ပြီးနောက် အဝေးမှ ကြယ်များထံသို့ ပြန်လှည့်ကြည့်လိုက်၏။

"ထျန်းယန် စံအိမ်က ရတဲ့ သတင်းအချက်အလက်တွေအရ ဒီကြယ်တာရာနယ်မြေကို တန်ရှ ကြယ်တာရာနယ်မြေလို့ခေါ်တယ်၊

အင်မော်တယ် အရှင်သခင်အဆင့် အင်အားစုသုံးခုက ပူးတွဲထိန်းချုပ်ထားတယ်။ သူတို့က ရေခဲဓာတ်ကို အထူးပြုတဲ့ ရွှမ်ပင်းအင်မော်တယ်ဂိုဏ်း၊ မီးဓာတ်ကို အထူးပြုတဲ့ မီးလျှံစွန့်ခွာခြင်းဂိုဏ်းနဲ့ ရွှေဓာတ်နည်းစနစ်တွေကို အထူးပြုတဲ့ လော့မိသားစုတို့ပဲ။ အင်မော်တယ် သူတော်စင်အဆင့် အင်အားစုသုံးခုက ပူးပေါင်းဆောင်ရွက်တဲ့ ဆက်ဆံရေးရှိပြီး တန်ရှ မဟာမိတ်အဖွဲ့ကို ဖွဲ့စည်းထားတယ်တဲ့..."

လုရီသည် ယခင်က ယွီရှင်း ပြောကြားခဲ့သော သတင်းအချက်အလက်များကို ပြန်လည်အမှတ်ရလိုက်သည်။

ဤသတင်းအချက်အလက်များအားလုံးမှာ ထိုစဉ်က ယွီမိသားစုက ထျန်းယန်စံအိမ်ထံမှ ဝယ်ယူခဲ့ခြင်း ဖြစ်သည်။

ထိုစဉ် လျိုနင်ရွှမ်းက ညင်သာစွာ ဆိုလိုက်၏။

"အင်မော်တယ်ဘုရင်စီနီယာက မီးဓာတ်နည်းစနစ်ကို ကျင့်ကြံခဲ့တာ။ ဖြစ်နိုင်တာကတော့ ငါတို့ မီးလျှံ စွန့်ခွာခြင်း ဂိုဏ်းကနေ စတင်နိုင်လောက်တယ်။ သူတို့ကလည်း မီးဓာတ်နည်းစနစ်ကို ကျင့်ကြံကြပြီး ဒီဒေသမှာ ရှိနေကြတာ။

တစ်ချိန်က တည်ရှိခဲ့တဲ့ အနီရောင် မျိုးနွယ်အကြောင်း သူတို့ သိကောင်း သိနိုင်တယ် နော်။"

"နင်ရွှမ်း ပြောတာ မှန်တယ်၊ မီးလျှံစွန့်ခွာခြင်းဂိုဏ်းကနေ စတင်တာက ရွေးချယ်မှုကောင်း

တစ်ခုပဲ"

လင်းလောင်တောင်ထိပ်သခင်မက သဘောတူညီလိုက်သည်။

"ထျန်းယန်ဂိုဏ်းရဲ့ သတင်းအချက်အလက်ထဲမှာ ဒီကြယ်တာရာနယ်မြေရဲ့ အင်အားစု ဖြန့်ကျက်မှုမြေပုံ မပါဘူးလား။ ငါတို့ မီးလျှံစွန့်ခွာခြင်းဂိုဏ်းကို တိုက်ရိုက်သွားသင့်တယ်။"

လုရီက သုန်းကုန်းမင်ယွဲ့နှင့် အခြားသူများကို တစ်ချက် ကြည့်လိုက်ပြီး သူမတို့တွင် ကန့်ကွက်ချက်မရှိသည်ကို မြင်သော် ခေါင်းအသာညိတ်လိုက်၏။

သူသည်လည်း အကယ်၍ အနီရောင်မျိုးနွယ်သာ ရှိနေသေးပါက မီးလျှံစွန့်ခွာခြင်းဂိုဏ်းသည် အခြားထိပ်တန်းအင်အားစုနှစ်ခုထက် ၎င်းအကြောင်းကို သိရှိနိုင်ခြေပိုများမည်ဟု ခံစားမိသည်။

"ဒါဆိုရင် ငါတို့ မီးလျှံစွန့်ခွာခြင်းဂိုဏ်းတည်ရှိရာ ဒေသဆီကို ဦးတည်သွားကြတာပေါ့။"

သို့နှင့် ကျောက်စိမ်းဖြူ ကောင်းကင်ယာဉ်ပျံသည် တစ်ဖန်ပြန်လည် ပျောက်ကွယ်သွားပြီး တန်ရှကြယ်တာရာနယ်မြေအတွင်းမှ မီးလျှံစွန့်ခွာခြင်းဂိုဏ်း၏ ဒေသဆီသို့ ဦးတည်သွားတော့သည်။

-----

တန်ရှကြယ်တာရာနယ်မြေမှာ အားကောင်းပြီး ကောင်းကင်ကြယ်တာရာ နယ်မြေထက် အင်မော်တယ် အရှင်သခင်များ ပို၍ပင်များပြားကာ ၎င်း၏ လျော့ရဲသော မဟာမိတ်သဘာဝကြောင့် တန်ရှကြယ်တာရာနယ်မြေမှ ကျင့်ကြံသူများသည် အခြေခံအားဖြင့် အထူးကန့်သတ်ချက်များမရှိဘဲ လွတ်လပ်စွာ သွားလာနိုင်ကြသည်။

မီးလျှံစွန့်ခွာခြင်းဂိုဏ်း၏ ဒေသသို့ ဝင်ရောက်ပြီးနောက် လုရီနှင့် သူ၏အဖော်များသည် ထျန်းယန်ဂိုဏ်းမှ သတင်းအချက်အလက်များကို အသုံးပြုကာ ချန်းယန်ကြယ်ဟုခေါ်သော စည်ကားလှသော ဂြိုဟ်တစ်ခုကို လျင်မြန်စွာ ရှာဖွေတွေ့ရှိခဲ့သည်။

ဤဂြိုဟ်၏ ပတ်ပတ်လည်တွင် အရောင်ဖျော့သော မီးလျှံတစ်ခု လောင်ကျွမ်းနေ၏။

၎င်းမှာ မီးလျှံစွန့်ခွာခြင်းဂိုဏ်းမှ ထိပ်တန်းစွမ်းအားရှင်တစ်ဦး၊ အင်မော်တယ် အရှင်သခင် အဆင့် စွမ်းအားရှင် အရှင်သခင် ချန်းယန်

ချန်ထားရစ်ခဲ့သော ချန်းယန် အမှတ်အသားဖြစ်ပြီး ကြယ်တာရာနေရာလပ်ကို ဖိနှိပ်ထားလေသည်။

မည်သို့ပင် ဖြစ်စေ ဤနေရာတွင် လွတ်လပ်စွာ သွားလာနေသော တကိုယ်တော် ကျင့်ကြံသူများ အလွန်များပြားလှရာ ပဋိပက္ခများမှာ မလွှဲမရှောင်သာပေ။ အကယ်၍ ပဋိပက္ခတစ်ခု ပြင်းထန်လာခဲ့လျှင် ၎င်းမှာ ချန်းယန်ကြယ်အတွက် သိသာထင်ရှားစွာ မကောင်းမွန်ပေရာ၊ ချန်းယန်အမှတ်အသားက နေရာလပ်ကို တစ်ဖန်ပြန်လည် ဖိနှိပ်ထားပြီး တကိုယ်တော် ကျင့်ကြံသူများကြားတွင် ကြီးမားသော ပဋိပက္ခတစ်ခု ရှိခဲ့လျှင်ပင် သူတို့သည် အတိုင်းအတာတစ်ခုအထိ မျက်နှာသာပေးကြပေလိမ့်မည်။

ကျောက်စိမ်းဖြူ ကောင်းကင်ယာဉ်ပျံသည် အလင်းတန်းတစ်ခုအဖြစ်သို့ ပြောင်းလဲသွားပြီး ဆိပ်ကမ်းဆီသို့ ဦးတည်ကာ အောက်သို့ ပျံသန်းဆင်းသက်သွားသည်။

ကျောက်စိမ်းဖြူ ကောင်းကင်ယာဉ်ပျံပေါ်မှ ထူးကဲသော တာအိုပုံစံများနှင့် အားကောင်းပြီး ဖိနှိပ်နိုင်စွမ်းရှိသော အင်မော်တယ်ဝိညာဉ်ချီတို့သည် အနီးအနားမှ ကောင်းကင်ယာဉ်ပျံများပေါ်မှ ကျင့်ကြံသူများ၏ ဘေးစောင်းအကြည့်များကို ဆွဲဆောင်ခဲ့ပြီး သူတို့၏မျက်လုံးများမှာ အံ့ဩမှုများဖြင့် ပြည့်နှက်နေခဲ့သည်။

"ဒီကောင်းကင်ယာဉ်ပျံ... ဒီလောက်ပြင်းထန်တဲ့ ဝိညာဉ်ဖိအား။"

"ကျစ်... ဒီကောင်းကင်ယာဉ်ပျံပေါ်က အခင်းအကျင်းပုံစံတွေက ထူးကဲလိုက်တာ၊ ဒါက အင်မော်တယ်အရှင်သခင်အဆင့်ကို ကျော်လွန်နေလောက်တယ်၊ ဟုတ်တယ်မလား။ ဒီကောင်းကင်ယာဉ်ပျံက ဖန်တီးမှု ဝိညာဉ်ရတနာတစ်ခုများ ဖြစ်နိုင်မလား။"

"ဒီလောက်အားကောင်းတဲ့ ကောင်းကင်ယာဉ်ပျံနဲ့၊ ဒီပုဂ္ဂိုလ်ကြီးက ဘယ်သူများဖြစ်နိုင်မလဲ။ မီးလျှံစွန့်ခွာခြင်းဂိုဏ်းက အကြီးအကဲ တစ်ယောက်များလား။"

"မီးလျှံစွန့်ခွာခြင်းဂိုဏ်းက တစ်ယောက်တော့

မဖြစ်နိုင်ဘူး၊ သူတို့တောင် ဖန်တီးမှု ဝိညာဉ်ရတနာအဆင့် ရတနာတွေ အများကြီး မရှိဘူး၊ ပြီးတော့ သူတို့မှာ ကောင်းကင်ယာဉ်ပျံ နှစ်စင်းပဲရှိတယ်၊ နှစ်စင်းလုံးက ဒီပုံစံနဲ့ မတူဘူး။ တကယ်တော့ မီးလျှံစွန့်ခွာခြင်း ဂိုဏ်းတင် မကဘူး၊

လော့မိသားစုမှာလည်း ဒီလို ကောင်းကင်ယာဉ်ပျံမျိုးမရှိဘူး။ ကောင်းကင်ယာဉ်ပျံရဲ့ ဒီဇိုင်းကိုကြည့်ရတာ ဒါက တကယ်တော့ ရွှမ်ပင်း

အင်မော်တယ်ဂိုဏ်းက တစ်ခုခုနဲ့ တူတယ်။ ဖြစ်နိုင်တာက ရွှမ်ပင်း အင်မော်တယ်ဂိုဏ်းက တစ်ယောက်ယောက်များလား။"

"ရွှမ်ပင်း အင်မော်တယ်ဂိုဏ်းတဲ့လား... သူတို့ဒီမှာ ဘာလုပ်နေကြတာလဲ။"

"ဘယ်သူ သိမှာလဲ။ ငါတို့လို သာမန် သေမျိုးတွေက ဒီလို ပုဂ္ဂိုလ်ကြီးတွေရဲ့ လုပ်ရပ်တွေကို ဘယ်လို နားလည်နိုင်မှာလဲ။"

"..."

လူတိုင်းက တက်ကြွစွာ ဆွေးနွေးနေကြပြီး

သူတို့၏မျက်လုံးများမှာ ကျောက်စိမ်းဖြူ ကောင်းကင်ယာဉ်ပျံထံမှ ဘယ်သောအခါမျှ မခွာခဲ့ကြပေ။

ကောင်းကင်ယာဉ်ပျံအထက်တွင် နတ်ဘုရားအာရုံမှာ ထူးကဲစွာ ထက်မြက်သော လုရီသည် ပတ်ပတ်လည်မှ အာရုံစိုက်မှုများကို သဘာဝကျကျ ခံစားမိသည်။

သူက မျက်ခုံးပင့်လိုက်ပြီး အတွင်းစိတ်ထဲမှ အနည်းငယ် လှုပ်ခတ်သွားစေသည်ဟု တွေးလိုက်မိသည်။

ဒီလိုဖြစ်မယ်မှန်းသာသိရင် နေနီလှေပျံကိုပဲ ပြောင်းသုံးလိုက်ပါတယ်...။

ကျောက်စိမ်းဖြူ ကောင်းကင်ယာဉ်ပျံသည် မည်သို့ပင်ဖြစ်စေ ဖန်တီးမှု ဝိညာဉ်ရတနာအဆင့်ရှိသော ကောင်းကင်ယာဉ်ပျံဖြစ်ပြီး စကြဝဠာတစ်ခုလုံးတွင် ရတနာကဲ့သို့သော အရာ တစ်ခုဖြစ်သည်။

ထိုသို့သော ရတနာမျိုးမှာ သူလျှို့ဝှက်စွာ ခရီးသွားသည့်အခါ အဆင်ပြေသော်လည်း ဤသို့လူစည်ကားသော နေရာသို့ ဝင်ရောက်ခြင်းမှာ မလွှဲမရှောင်သာပင် သူ့ကို အလွန်ထင်ရှားသွားစေသည်။

သို့သော်လည်း လုရီမှာ သိပ်မစိုးရိမ်ပါ။ မီးလျှံစွန့်ခွာခြင်းဂိုဏ်းက ချန်းယန်ကြယ်ကို စောင့်ကြပ်ရန် ချန်ထားခဲ့သော ကျင့်ကြံသူမှာ သူတော်စင်

ချန်းယန်၏ တပည့်များဖြစ်သည်။

နန်ဟော့ အင်မော်တယ် ဧကရာဇ်ဟု အမည်ရကာ အင်အားမနည်းလှသော်လည်း အကယ်၍

အင်မော်တယ် ဧကရာဇ် တစ်ဦးမျှသာ ဆိုလျှင် လုရီမှာ သိပ်စိုးရိမ်ပူပန်မိမည် မဟုတ်ပေ။

ထိုနန်ဟော့ အင်မော်တယ် ဧကရာဇ် သို့မဟုတ် အခြားပတ်ဝန်းကျင်မှ ကျင့်ကြံသူများက ကျောက်စိမ်းဖြူ ကောင်းကင်ယာဉ်ပျံကို သဘောကျသွားလျှင်ပင် လုရီမှာ သိပ်စိုးရိမ်ပူပန်မည်မဟုတ်ပေ။

အများဆုံးတော့ အနည်းငယ်ပို၍ ဒုက္ခများရုံသာ ဖြစ်ပေလိမ့်မည်။

ဤသို့စိတ်ထဲတွင် တွေးလိုက်ပြီးနောက် လုရီသည် မိမိကိုယ်ကို စိတ်အေးလက်အေးထားလိုက်၏။

မကြာမီမှာပင် ကျောက်စိမ်းဖြူ ကောင်းကင်ယာဉ်ပျံသည် ရင်ပြင် တစ်ခုအပြင်ဘက်တွင် ရပ်တန့်သွားခဲ့သည်။

လုရီ၊ လျိုနင်ရွှမ်းနှင့် အခြားငါးဦးတို့သည် ကောင်းကင်ယာဉ်ပျံပေါ်မှ ဆင်းသက်လာကြပြီးနောက် လုရီက စိတ်ဆန္ဒ ဖော်ထုတ်လိုက်ရာ ယခင်က ကြီးမားလှသော ကျောက်စိမ်းဖြူ ကောင်းကင်ယာဉ်ပျံမှာ လျင်မြန်စွာ ကျုံ့ဝင်သွား၏။ နောက်ဆုံးတွင် အလင်းတန်းတစ်ခုအဖြစ်သို့ ပြောင်းလဲကာ လုရီ၏နဖူးထဲသို့ ပေါင်းစပ်ဝင်ရောက်သွားတော့သည်။

ရင်ပြင်ထဲမှ ကျင့်ကြံသူများသည် လုရီနှင့် သူ၏အဖော်များကို မြင်သော် ထူးဆန်းသော အမူအရာများဖြင့် တစ်ယောက်ကိုတစ်ယောက် ကြည့်လိုက်ကြသည်။

"သူတို့အားလုံးက လူသားမျိုးနွယ်တွေပဲ... သူတို့အရမ်းကို မရင်းနှီးဘူးလို့ မထင်ဘူးလား။"

"ရွှမ်ပင်းအင်မော်တယ်ဂိုဏ်းက ကောင်းကင်ယာဉ်ပျံ မဟုတ်ဘူးထင်တယ် ။ သူတို့မှာ ရွှမ်ပင်းအရှိန်အဝါမရှိဘူး နော်။"

"လော့မိသားစု ဒါမှမဟုတ် မီးလျှံစွန့်ခွာခြင်းဂိုဏ်းကလည်း မဟုတ်ဘူး။ သူတို့က တခြားကြယ်တာရာ နယ်မြေတွေက ကျင့်ကြံသူတွေလား။"

"အို..ကြည့်စမ်း..ဒီအင်အားအဆင့်... အသန်မာဆုံးက ရွှေအင်မော်တယ် တစ်ယောက်ပဲလား။ ရွှေအင်မော်တယ် တစ်ယောက်က ဖန်တီးမှု ဝိညာဉ်ရတနာအဆင့် ကောင်းကင်ယာဉ်ပျံ တစ်စင်းကို ထုတ်ကြွားရဲတယ်တဲ့ဟေ"