ရှောင်ကွန်း သူ့ကို ဘာလို့ ဆရာတင်တာလဲ နောက်ဆုံးတော့ နားလည်ပြီ

ထိုနေရာသည် 'Z' အကွေ့ဖြစ်ပြီး အကွေ့၏ထောင့်သည် အလွန်ရှုပ်ထွေးလှသည်။

သတိမထားမိပါက ကားမှောက်သွားနိုင်သည်။

ဖန်းရှောင်ကွန်းသည် ပထမထောင့်သို့ ဝင်လာသောအခါ အနည်းငယ် နှေးကွေးသွားသည်။

သို့သော် ကားသည် အလွန်မြန်နေဆဲဖြစ်ပြီး မျဉ်းကွေးကို လှပစွာ ကွေ့လိုက်သည်။

လူတိုင်း ချက်ချင်း ထအော်သည်။

" ရှောင်ကွန်းရဲ့ အရည်အချင်းတွေက ပိုကောင်းလာတာပဲ။ လွန်ခဲ့တဲ့ တစ်နှစ်ခွဲလောက်ကဆိုရင် သူ ဒါကို သေချာပေါက် လုပ်နိုင်မှာ မဟုတ်ဘူး "

" ဟုတ်တယ်၊ ဒီဒရစ်ဆွဲတဲ့ လှုပ်ရှားမှုက ချောမွေ့လွန်းတယ်။ ငါ့ကို အရမ်းစိတ်လှုပ်ရှားစေတာပဲ "

" မင်းပါးစပ်က ရှောင်ကွန်းထက် မောင်းတာ ပိုမြန်တယ်လို့ ငါ ဘာလို့ ခံစားနေရတာလဲ။ မင်း ကားတောင် မောင်းတတ်လို့လား "

" ငါ အမှန်တိုင်းပြောနေတာ။ ဒီလိုပုံစံကို လုပ်နိုင်တဲ့လူ များများစားစား မရှိဘူးဆိုတာ ငါပြောရဲတယ် "

" ငါလည်း သဘောတူတယ်။ ရှောင်ကွန်းရဲ့ အရည်အချင်းတွေက အရမ်းသန်မာလာတာ။ ဒီကာလအတွင်း သူ ပြင်းပြင်းထန်ထန် လေ့ကျင့်ထားတော့ တော်တော် တိုးတက်နေပြီ "

" သူ ဘာလို့ ဒီကောင်လေးကို သူ့ဆရာအဖြစ် ခံယူချင်လဲဆိုတာ ငါ တကယ် နားမလည်ဘူး။ ဒီကလေးက ဘယ်လောက်တောင် အစွမ်းထက်တယ်ဆိုတာ ငါ မမြင်သေးဘူး "

" ရှူး၊ ရှောင်ကွန်း အဲ့စကားကို မကြားစေနဲ့။ သူ့အရည်အချင်း ဘယ်လောက်ပဲ ညံ့နေပါစေ သူက ရှောင်ကွန်းရဲ့ ဆရာဖြစ်နေတုန်းပဲ။ ငါတို့ သူ့ကို နည်းနည်း လေးစားရမယ် "

ထိုလူသည် နှုတ်ခမ်းကို ရွဲ့လိုက်သော်လည်း တခြားဘာမှ မပြောပေ။

အားလုံးသည် ပြိုင်ပွဲကျင်းပနေသည်ကို ဆက်လက် ကြည့်နေခဲ့ကြသည်။

ထိုအချိန်တွင် ဖန်းရှောင်ကွန်းသည် ဒုတိယအကွေးမှ လျင်မြန်စွာ မောင်းလာပြီး ထို့နောက် လမ်းဖြောင့် ပြန်ဖြစ်လာခဲ့သည်။

ယဲ့ဖန်သည် ပထမအကွေ့သို့ ဝင်ရောက်လာခဲ့သည်။

လူတိုင်းသည် ယဲ့ဖန် အရှိန်လျှော့တော့မည်ဟု တွေးလိုက်သော်လည်း သူတို့ မှားသွားသည်ကို ရုတ်တရက် သိလိုက်ရသည်။

ယဲ့ဖန်သည် အရှိန်လျှော့ရန် အစီအစဉ်မရှိပေ။

ထိုအစား သူသည် အနည်းငယ်ပင် အရှိန်မြှင့်လိုက်သည်။

" သူ ဘာလုပ်နေတာလဲ။ လမ်းအကွေ့မှာ အရှိန်မလျှော့တာ ရူးနေတာလား "

" ငါ့ကို လာနောက်နေတာလား။ ဒီလောက်မြန်တဲ့အရှိန်နဲ့ ကွေ့နေတာ မှောက်သွားနိုင်တယ် "

" သူက ရှုံးတော့မှာဆိုတော့ အလျင်လိုနေပြီထင်တယ်။ သူ့ဘဝနဲ့ ကစားနေတာ မဟုတ်လား "

" သူ့ရဲ့ စိတ်ထားက အရမ်းဆိုးနေတာမဟုတ်ဘူးလား။ သူ ရှုံးရင်ရော ဘာဖြစ်လဲလဲ။ ကိုယ့်တပည့်ကို ရှုံးရတာ ရှက်စရာမဟုတ်ဘူး "

အားလုံးသည် ယဲ့ဖန် ရူးနေပြီဟု ခံစားလိုက်ရသည်။

သူသည် ထိုအကွေ့ကို တကယ်ပင် အရှိန်မလျှော့ပေ။

သူသည် လူအများအမြင်၌ သေတွင်းတူးနေသလို ဖြစ်နေသည်။

သူတို့ အံ့သြနေကြချိန် ယဲ့ဖန်သည် အလွန်လျင်မြန်သည့် အရှိန်နှင့် ကွေ့လိုက်သည်။

ကျွီ

Hummer၏ တာယာများသည် မြေပြင်ပေါ်သို့ ပွတ်တိုက်ပြီး အကွေ့ကို ချောမွတ်စွာ ဝင်သွားသည်။

ထို့နောက် နားမနေဘဲ နောက်တစ်အကွေ့ဆီသို့ ဆက်သွားခဲ့သည်။

" ဟေး ..... ဒီနည်းစနစ်က အရမ်းမိုက်နေတာ မဟုတ်ဘူးလား "

" ဒါက အဆင်ရော ပြေရဲ့လား။ ဒီဒရစ်ဆွဲတာက ရှောင်ကွန်းထက်တောင် ပိုမိုက်နေသေးတယ် "

" ဒီဒရစ်ဆွဲပုံကို မှတ်တမ်းတင်နိုင်တယ်။ အခု ငါ့ဆံပင်တွေတောင် ထောင်နေပြီ။ အဲ့တာက ငါမြင်ဖူးသမျှထဲ အမိုက်ဆုံးပဲ "

" ရှောင်ကွန်းက သူ့ကို ဘာလို့ ဆရာအဖြစ် အသိအမှတ်ပြုချင်လဲဆိုတာ နောက်ဆုံးတော့ ငါ နားလည်ပြီ။ သူ့ရဲ့ အရည်အချင်းက ပုံမှန်မဟုတ်အောင် အားကောင်းလွန်းတယ် "

" ငါတော့ ဒီဘိုးဘေးကို ဒူးထောက်ချင်လာပြီ ...... "

လူတိုင်းသည် ယဲ့ဖန် ကွေ့လိုက်သည့် ကျွမ်းကျင်မှုကြောင့် အံ့အားသင့်နေကြသည်။

သူတို့အားလုံးသည် အော်ဟစ်အားပေးရန် တိုက်ပွဲဝင်နေကြသည်။

မကြာခဏ ကားပြိုင်ကြသူနှစ်ယောက်သည် ခေါင်းငုံ့၍ပင် ရှိခိုးနေကြသည်။

ယခင်က ယဲ့ဖန်၏ အရည်အချင်းကို သူတို့ သံသယရှိနေခဲ့သော်လည်း ယခုအခါ သူတို့ ယုံသွားပြီ ဖြစ်သည်။

ထိုနည်းပညာမှာ အလွန်မိုက်လှသည်။

အားလုံး ထိတ်လန့်တကြား အော်နေကြချိန် ယဲ့ဖန်သည် ထိုအကွေ့ကို ဖြတ်ကျော်ပြီး ဖန်းရှောင်ကွန်း၏ အနောက်ကို ဆက်၍ လိုက်နေသည်။

လမ်းအကွေ့၌ အချိန်များစွာ သက်သာစေခဲ့သောကြောင့် ဖန်းရှောင်ကွန်း၏ ကားနှင့် နီးကပ်လာသော်လည်း ပြောင်းလဲမှုများစွာ မရှိသေးပေ။

လူတိုင်းသည် မတတ်နိုင်ဘဲ ခေါင်းယမ်းကာ သက်ပြင်းချကြသည်။

" ယဲ့လူကြီးမင်း အရည်အချင်းက တကယ်ကို အထင်ကြီးစရာပဲ။ ဒါပေမယ့် ကားက အရမ်းစုတ်နေတယ်။ အဲ့တာကို ကျွမ်းကျင်မှုနဲ့ ပေါင်းစပ်ဖို့ ခက်တယ် "

" ဟုတ်တယ်၊ သူ့မှာ ပိုကောင်းတဲ့ကားရှိရင် သူက အခု ရှောင်ကွန်းကို ကျော်တက်နိုင်ပြီ မဟုတ်လား "

" ဟူး၊ အရည်အချင်းကောင်းရှိတော့ ဘာသုံးရမှာလဲ။ သူက မာနကြီးလွန်းတယ်။ ပြိုင်ဘက်ကို လျှော့တွက်တဲ့အတွက် ပေးဆပ်ရတဲ့ တန်ကြေးက အမြဲတမ်းရှိတယ် "

" နောက်တစ်ခု ကျန်သေးတယ်။ သူ့မှာ အခွင့်အရေးတစ်ခုပဲ ရှိတော့တာ။ ရှောင်ကွန်းကို မကျော်နိုင်ဘူးဆိုရင် ဒီပွဲက ပြီးသွားပြီ "

" သူ့မှာ အခွင့်အရေးရှိမယ် မထင်ဘူး ..... "

" အား ..... "

ယဲ့ဖန်သည် ရူးသွပ်သော နည်းစနစ်ဖြင့် အကွေ့ကို ဖြတ်ကျော်လာခဲ့ရာ ခရီးသည်ထိုင်ခုံတွင် ရှိနေသော ဖုမာကျန်းဝူမှာ အော်ဟစ်နေရတော့သည်။

သို့သော် သူမ၏အော်သံသည် ကြောက်ရွံ့ခြင်းမှ မဟုတ်ဘဲ စိတ်လှုပ်ရှားမှုကြောင့်ဖြစ်သည်။

" သခင်ကြီး၊ အရမ်းစိတ်လှုပ်ရှားဖို့ ကောင်းတာပဲ။ ကျေနပ်စရာကောင်းတယ် "

ဖုမာကျန်းဝူသည် ယဲ့ဖန်အား စိတ်လှုပ်ရှားစွာ ကြည့်နေသည်။

ယဲ့ဖန်၏ ကားမောင်းခြင်းကို အနှောင့်အယှက် မဖြစ်ပါက သူမ သူ့ကို နမ်းပစ်လိုက်ချင်မိသည်။

ယဲ့ဖန် လှည့်ကြည့်ကာ သူမကို စိုက်ကြည့်နေသည်။

သူ့မျက်နှာ၌ ဆိုးသွမ်းသော အပြုံးတစ်ခု ရှိနေသည်။

" ဘယ်လောက်ကောင်းတာလဲ။ ကိုယ်တို့အိပ်ရာဝင်တုန်းကထက်တောင် ပိုကောင်းတာလား "

ဖုမာကျန်းဝူ ရှက်သွားသည်။

" သခင်ကြီး၊ ရှင်က အခုပြိုင်ပွဲမှာ ရောက်နေတာနော်။ စိတ်ကူးတွေ အဲ့လောက် မမှောင်ပါနဲ့ "

ယဲ့ဖန်သည် စတီယာရင်ဘီးကို လက်တစ်ဖက်ဖြင့် ကိုင်ပြီး သူမ၏မျက်နှာကို နောက်တစ်ဖက်နှင့် ဖိလိုက်သည်။

" ဘာလဲ၊ မင်းက မင်းသခင်ကို အထင်သေးနေတာလား။ ဒီကောင်လေးနဲ့ ပြိုင်ဖို့ ကိုယ် အဲ့လောက် လုပ်စရာ မလိုပါဘူး "

ဖန်းကျန်းဝူ ခေါင်းညိတ်သဘောတူသည်။

" အဲ့တာ အမှန်ပဲ။ သခင်ကြီးဟာ အင်အား အကြီးဆုံးပဲ "

ယဲ့ဖန်သည် လှည့်ပြီး သူမကို ကြည့်လိုက်သည်။

ယနေ့ သူမသည် ခေါင်းကို ponytailပုံစံ ခေါင်းစီးထား၍ မျက်နှာမှာ ရှင်းလင်းကာ အလွန်လန်းဆန်းနေပုံရသည်။

သူမ၏ ခန္ဓာကိုယ်ပေါ်မှ ယူနီဖောင်းနှင့်အတူ သူမသည် သူရဲကောင်းဆန်နေပြီး ထူးခြားသော ဆွဲဆောင်မှုတစ်ခုရှိတေသည်။

" ကျန်းဝူ၊ ဒီထက်ကောင်းတာ စမ်းကြည့်ချင်လား "

ယဲ့ဖန် သူ့နှုတ်ခမ်းကို ကိုက်လျက် ဆိုးသွမ်းစွာ ပြုံးလိုက်သည်။

" ဘာကောင်းတာလဲ "

ဖုမာကျန်းဝူ သူ့ကို စူးစမ်းစွာ ကြည့်နေသည်။

ယဲ့ဖန် ဘာမှ မပြောပေ။

သူသည် သူမ၏ ချယ်ရီနှုတ်ခမ်းများကို ညွှန်ပြလိုက်သည်။

" မင်း နားလည်လား "

ဖုမာကျန်းဝူသည် ယဲ့ဖန်ကို ငုံ့ကြည့်ကာ သူ၏ဆိုလိုရင်းကို ချက်ချင်း သဘောပေါက်သွားသည်။

သူမ အပြင်ကို အမြန်ကြည့်ကာ ပြောလိုက်သည်။

" သခင်ကြီး၊ ဒါက ပြိုင်ပွဲနော်။ အရမ်းအန္တရာယ်များတယ် "

ယဲ့ဖန်သည် ချက်ချင်းပင် စိတ်မချမ်းသာစွာဖြင့် မျက်လုံးကို မှိတ်လိုက်သည်။

" မင်းသခင်ရဲ့ အရည်အချင်းကို မယုံသေးဘူးလား "

ဖုမာကျန်းဝူသည် သူမ၏ အောက်နှုတ်ခမ်းကို ကိုက်လိုက်သည်။

ခဏအကြာတွင် သူမ လေးနက်စွာ ခေါင်းညိတ်လိုက်သည်။

" သခင့်ကို ယုံပါတယ် "

ထိုစကားကို ပြောပြီးနောက် သူမ ခေါင်းကို ဖြည်းညှင်းစွာ ငုံ့လိုက်သည်။

" အား ..... "

ယဲ့ဖန်သည် ချက်ချင်းပင် စိတ်တက်ကြွလာသည်။

သူသည် အင်အားအပြည့် ရှိနေခဲ့သည်။

ဝူး

ထိုအချိန်တွင် ဖန်းရှောင်ကွန်း၏ ကားသည် နောက်တစ်ကွေ့သို့ ရောက်နေပြီဖြစ်သည်။

ထိုအကွေ့သည် အရင်ကထက် ပိုကြောက်စရာ ကောင်းသဘ်။

ဤနေရာသည် 'Z' အကွေ့ နှစ်ကွေ့ဆက်တိုက်ဖြစ်သောကြောင့် ဂရုတစိုက်ထိန်းချုပ်ရမည်။

မဟုတ်ပါက အလွန်အန္တရာယ်များလိမ့်မည် ဖြစ်သည်။

ဖန်းရှောင်ကွန်းသည် နောက်ကြည့်မှန်ကို ကြည့်လိုက်သည့်အခါ သူ့ဆရာ၏ Hummerသည် သူနှင့် မီတာသုံးဆယ်လောက် ကွာနေသည်ကို တွေ့လိုက်ရသည်။

သူ ချက်ချင်း စိတ်သက်သာရာ ရသွားသည်။

ထို့နောက် သူသည် အရှိန်လျှော့ကာ အကွေ့သို့ စတင်ဝင်ရောက်ခဲ့သည်။

ပထမ Z ပုံသဏ္ဍာန် အကွေ့ကို အလွယ်တကူ ကျော်ဖြတ်နိုင်ခဲ့ပြီး နောက်အကွေ့သို့ ဝင်တော့မည် ဖြစ်သည်။

သို့သော် ထိုအခိုက်အတန့်တွင် အနက်ရောင် အရိပ်တစ်ခုသည် သူ့အား ဘယ်ဘက်မှ ရုတ်တရက် ဖြတ်ကျော်လာ၌ သူ့ကို ထိတ်လန့်သွားစေသည်။

သူ ကြည့်လိုက်သည့်အခါ ယဲ့ဖန်၏ကား Hummer နောက်ကျောဘက်ကို တွေ့လိုက်ရသည်။

" ဒါက ဘယ်လိုလုပ် ဖြစ်နိုင်မှာလဲ "

သူ အော်ပြောပြီး ဘရိတ်ကို နင်းမိမတတ် ဖြစ်သွားသည်။

သူသည် သူ့အနောက် မီတာသုံးဆယ်အကွာမှ Hummerကို မြင်လိုက်ရပြီး ဖြစ်သည်။

မျက်စိတစ်မှိတ်အတွင်းမှာ သူ့ကို တကယ် အကွေ့ကနေ ကျော်သွားတာလား။

ဤသို့ ပုံမှန်မဟုတ်သည့် နည်းပညာမျိုးကို တွေးကြည့်လို့ပင် မရပေ။

ကံကောင်းစွာဖြင့် ဖန်းရှောင်ကွန်းသည် ခိုင်မာသော စိတ်ဓာတ်ကြံ့ခိုင်မှု ရှိသည်။

သူသည် ခဏတာသာ ထိတ်လန့်ပြီးနောက် အရှိန်ပြင်းစွာဖြင့် ဆက်လိုက်သည်။

တစ်ချိန်တည်းမှာပင် ကလပ်မှလူများမှာ ဆူညံပွက်သွားတော့သည်။

" ဘာရယ်၊ သူက တကယ် ကျော်သွားတာလား။ တကယ်ကြီး အကွေ့မှာ သူ့ကို ကျော်သွားတာလား "

" အို ဘုရားရေ။ သူ့အရှိန်က မမြန်လွန်းဘူးလား။ မျက်စိတစ်မှိတ်အတွင်းမှာ ဖမ်းမိသွားသလိုပဲ "

" Hummer တစ်စီးက ဒီလိုအရှိန်နဲ့ မောင်းနိုင်တာလား။ သူ ဘယ်လိုလုပ်လိုက်တာလဲ "