ယွီမိသားစု၏ အင်မော်တယ် အရှင်သခင်များ...

~ရာရှိုမွန်မျိုးနွယ်မှ ဤအင်မော်တယ် အရှင်သခင်၏ စကားများက သူ၏ မျိုးနွယ်တူအားလုံးကို တိတ်ဆိတ်သွားစေသည်။

ထို့နောက် ရာရှိုမွန်မျိုးနွယ်၏ အင်မော်တယ် ဧကရာဇ်တစ်ဦးက တုံ့ဆိုင်းပြီးမှ စကားဆိုလာ၏။

"တစ်ခါတစ်ရံ… သူတို့က နှစ်ဦးနှစ်ဖက်လုံး အပြင်းအထန် နာကျင်ရမယ့် အောင်ပွဲမျိုးကို ကြောက်နေတာ ဖြစ်နိုင်မလား၊ ဘာပဲဖြစ်ဖြစ် အဲဒီလူသားမျိုးနွယ် အင်မော်တယ် ဧကရာဇ် ပြသခဲ့တဲ့အစွမ်းက အင်မော်တယ် အရှင်သခင်တစ်ပါးနဲ့တောင် ယှဉ်နိုင်ပုံ ရပါတယ်။ ကောင်းကင်ကြယ်တာရာ နယ်မြေမှာ ရှိပြီးသား စွမ်းအားရှင်များစွာနဲ့ ပေါင်းလိုက်ရင် သူတို့သာ ကျွန်တော်တို့ ရာရှိုမွန် ကြယ်တာရာ နယ်မြေကို ကျူးကျော်ဖို့ ကြံစည်ခဲ့ရင် ကျွန်တော်တို့ ခုခံနိုင်မှာမဟုတ်ပါဘူး။"

ထိုအခါ အခြား အင်မော်တယ် ဧကရာဇ်တစ်ဦးက တစ်စုံတစ်ခုကို တွေးမိပြီး ခေါင်းညိတ်လိုက်သည်။

"ကျွန်တော် ကြားရတာတော့ ယွီမိသားစုက

ယွီချန်က ထပ်ပြီးတိုးတက်မှုတွေ ရလာပြီး မူလဇာစ်မြစ် စွမ်းအားကို နားလည်သွားပြီတဲ့။ ဒီလူသားမျိုးနွယ် အင်မော်တယ် ဧကရာဇ်နဲ့ပေါင်းလိုက်ရင် သူတို့ရဲ့အစွမ်းက အင်မတန် ကြောက်ဖို့ ကောင်းနေမှာပဲနော်"

ဤတွင် ရာရှိုမွန်မျိုးနွယ်၏ အင်မော်တယ် အရှင်သခင် တစ်ဦးက မျက်မှောင်ကြုတ်ကာ ခေါင်းခါယမ်းလိုက်၏။

"မဖြစ်နိုင်ဘူး။ အဘိုးကြီး ယွီချန်နဲ့ ဒီလူသားမျိုးနွယ် လူငယ်လေးနှစ်ယောက်လုံး အားကောင်းတယ်ထားဦး၊ သူတို့ ငါတို့ ရာရှိုမွန်မျိုးနွယ်ကို တည့်တည့်တိုး အနိုင်ယူနိုင်တယ်ဆိုရင်တောင် ငါတို့လို ထိပ်တန်းတိုက်ခိုက်ရေးသမားတွေ ရှိနေသရွေ့တော့ တိုက်ရိုက်ရင်ဆိုင်တာကို ရှောင်ပြီး သူတို့ကို အကြီးအကျယ် ဆုံးရှုံးအောင် လုပ်နိုင်သေးတယ်လေ၊ ဒီရလဒ်ကို သူတို့ မလိုချင်လောက်ဘူး။"

"ဒီလိုဆိုရင်…"

အင်မော်တယ် ဧကရာဇ်များစွာတို့ တစ်ယောက်ကိုတစ်ယောက် ကြည့်လိုက်ကြပြီး မည်သူမျှ ချေပခြင်းမပြုခဲ့ပေ။ အင်မော်တယ် ဧကရာဇ်များစွာတို့ တစ်ယောက်ကိုတစ်ယောက် ကြည့်လိုက်ကြပြီး မည်သူမျှ ချေပခြင်းမပြုခဲ့ပေ။

မည်သို့ပင်ဆိုစေကာမူ အင်မော်တယ်အရှင်သခင်များသာ ထွက်ပြေးလိုပါက ထွက်ပြေးရန် နည်းလမ်းများစွာ ရှိသည်သာ။ ယွီမိသားစုသည် ကံကြမ္မာသိုင်းနည်းစနစ်၌ ကျွမ်းကျင်ပြီး ခြေရာခံရာတွင် ကောင်းမွန်သော်လည်း၊ သူတို့နှင့် နှစ်ပေါင်းများစွာ တိုက်ခိုက်ခဲ့ပြီးနောက် သူတို့တွင်လည်း သက်ဆိုင်ရာ တန်ပြန် ကာကွယ်နည်းများ မရှိဘဲတော့ မနေပေ။

သူတို့ကို ဖမ်းဆီးမထားနိုင်သရွေ့ အင်မော်တယ် အရှင်သခင်အဆင့် စွမ်းအားရှင်များသည် ကောင်းကင်ကြယ်တာရာ နယ်မြေကို မြေလှန်ပစ်နိုင်စွမ်း ရှိကြသည်။

ထိုစဉ် အင်မော်တယ် ဧကရာဇ်တစ်ဦးက နားမလည်နိုင်စွာ မေးခွန်းထုတ်လိုက်သည်။

"ဒါဆို ဒီလူသားမျိုးနွယ် အင်မော်တယ် ဧကရာဇ်က အတိအကျ ဘာကို စဉ်းစားနေတာလဲ။ သူက ငါတို့ ရာရှိုမွန်မျိုးနွယ်ကို ကျိုယိုမိစ္ဆာတွေ ခုခံရာမှာ တကယ်ပဲ ကူညီဖို့ ကြံနေတာလား။"

အခြားသူများက ခေါင်းခါယမ်းလိုက်ကြပြီး အဖြေတစ်ခုကို မပေးနိုင်ခဲ့ကြချေ။

အင်မော်တယ် အရှင်သခင် တစ်ဦးက ဆိုလိုက်၏။

"ဒီကိစ္စကို ထပ်ပြီး ဆွေးနွေးကြတာပေါ့။ အကယ်၍ စွန့်စားရမယ့် အန္တရာယ်က အမှန်တကယ် မကြီးမားဘူးဆိုရင် သူတို့နဲ့ မဟာမိတ်ဖွဲ့ဖို့ စဉ်းစားနိုင်ပါတယ်။ ဘာပဲဖြစ်ဖြစ်… ကျိုယိုက ငါတို့အားလုံးရဲ့ ဘုံရန်သူပဲ။"

အင်မော်တယ် ဧကရာဇ်အားလုံးက သဘောတူညီစွာ ခေါင်းညိတ်လိုက်ကြသည်။

…

ယွီမိသားစု၏ ကောင်းကင်ယာဉ်ပျံပေါ်တွင်

ယွီရှင်းနှင့် အခြားသူများသည်လည်း အလားတူပင် လုရီအား အဘယ်ကြောင့် ရာရှိုမွန်မျိုးနွယ်ကို ကျိုယိုဥမင် တံဆိပ်ခတ်ရာတွင် ကူညီရန် ကြံရွယ်သည်ကို မေးမြန်းနေကြသည်။

လုရီသည် အလုပ် ဆုလာဘ်များ ရရှိနိုင်သောကြောင့်ဟု သဘာဝကျကျ ပြောမည်မဟုတ်ပေ။ သူက ပြုံးရုံသာပြုံးလိုက်၏။

"ကျိုယိုမိစ္ဆာတွေရဲ့ ခြိမ်းခြောက်မှုက တစ်နေ့တခြား ကြီးမားလာနေပြီ။ ပြန်လည်နိုးထလာတဲ့ ကျိုယိုမိစ္ဆာတွေက ကျိုယိုဥမင်ကို

ချိုးဖောက်နိုင်လောက်တဲ့ အစွမ်းကို ပိုင်ဆိုင်ဖို့

မကြာခင် အချိန်ပဲ လိုတော့မယ်ထင်တယ်။ အဲဒီအချိန်ကျရင် အခြေအနေက ပိုပြီးဆိုးရွားသွားမှာကို စိုးရိမ်မိတယ်။ ကျွန်တော့်ရဲ့ အင်မော်တယ် အခင်းအကျင်းက သူတို့ကို ခဏလောက်ပဲ တောင့်ခံထားနိုင်မှာပါ၊ ဒါက ရောဂါ လက္ခဏာကို ကုသတာပဲရှိတယ်၊ ရင်းမြစ်ကို ကုစားတာမဟုတ်ဘူး။ အခု ရာရှိုမွန် မျိုးနွယ်ရဲ့ စွမ်းအားရှင်တွေကို အနားယူခွင့်ပေးနိုင်ခဲ့ရင်၊ အချိန် အတိုင်းအတာတစ်ခု ကြာပြီးနောက်မှာ သူတို့လည်း ကျိုယိုမိစ္ဆာတွေကို ဆန့်ကျင် တိုက်ခိုက်ရာမှာ အားကောင်းတဲ့ အင်အားစု တစ်ခု ဖြစ်လာနိုင်ပါတယ်။"

ဤသည်ကို ကြားသောအခါ ယွီရှင်းနှင့် အခြားသူများမှာ စဉ်းစားတွေးတောဟန်ဖြင့် ခေါင်းညိတ်လိုက်ကြသည်။

ယွီရှင်းက ခေါင်းညိတ်လိုက်ပြီး ညင်သာစွာ သက်ပြင်းချလိုက်၏။

"ရီအာ၊ ပြောတာ မှန်တယ်၊ ဒီချဉ်းကပ်ပုံက ပိုတောင်ကောင်းသေးတယ်။ ဒီလို ငြိမ်းချမ်းတဲ့နေ့ရက်တွေကို ငါတို့ ဘယ်လောက်ကြာကြာ ထိန်းသိမ်းထားနိုင်ဦးမလဲဆိုတာ ဘယ်သူသိမှာလဲ။"

အခြားသူများ၏ နှလုံးသားထဲတွင်လည်း လေးလံသော တည်ကြည်မှု တစ်ခုကို ခံစားလိုက်ကြရသည်။

ရာရှိုမွန်မျိုးနွယ်ထံ သွားရောက်လည်ပတ်ပြီး

ကျိုယို မိစ္ဆာများ၏ ပုံမှန် မဟုတ်သော အခြေအနေကို မျက်မြင်တွေ့ရှိခဲ့ပြီးနောက်၊ ရှေးခေတ်ကာလများမှ ကျိုယို ဘေးအန္တရာယ်သည် ပြန်လည် ပေါ်ထွက်လာရန် မဝေးတော့ကြောင်း သူတို့ သဘောပေါက်သွားကြသည်။

…

ကောင်းကင်ကြယ်တာရာ နယ်မြေသို့ ပြန်လည်ရောက်ရှိပြီးနောက် လူတိုင်းသည် သူတို့၏ သက်ဆိုင်ရာ နေရာများသို့ မပြန်ကြသေးဘဲ ဦးစွာ လုရီကို ကြယ်တာရာ နယ်မြေအတွင်းမှ ကျိုယို စစ်မြေပြင်အမျိုးမျိုးသို့ ခေါ်ဆောင်သွားလေည်။

ရာရှိုမွန် မျိုးနွယ်၏ စစ်မြေပြင်မှာကဲ့သို့ပင် သူတို့သည် ကျိုယို မိစ္ဆာအားလုံးကို သတ်ဖြတ်ပြီး လုရီက တာအို အင်မော်တယ် အခင်းအကျင်းကို အသုံးပြု၍ ကျိုယို ဥမင်များကို တံဆိပ်ခတ်ခဲ့သည်။

လုရီ ဤသို့သော စွမ်းဆောင်မှုကို လုပ်ဆောင်နိုင်သည်ကို မြင်တွေ့ရသောအခါ ကျိုယိုစစ်မြေပြင်တွင် တာဝန်ကျနေသော ကြယ်တာရာနယ်မြေ တပ်မတော်မှ တိုက်ခိုက်ရေးသမားများနှင့် ယွီမိသားစု၏ ထိပ်တန်း တိုက်ခိုက်ရေးသမားများမှာ မယုံနိုင်ခြင်းများဖြင့် သူတို့၏ မျက်လုံးများ ပြူးထွက်သွားကြသည်။

သူ ကျိုယိုဥမင်များကို အလွယ်တကူ တံဆိပ်ခတ်နိုင်ခြင်းသည် သူတို့၏ နှစ်ပေါင်းများစွာ ကြမ်းတမ်းပင်ပန်းစွာ ကျိုယိုစစ်မြေပြင်များကို ကာကွယ်ခဲ့ရခြင်းအား ကြေကွဲဖွယ်ရာ မလိုအပ်တော့သကဲ့သို့ ဖြစ်သွားစေသည်။ ဤတစ်ကြိမ် လုပ်ဆောင်မှုစဉ်သည် အဆင့်နိမ့် ကျိုယိုစစ်မြေပြင်များမှ အဆင့်မြင့် စစ်မြေပြင်များသို့ စတင်ခဲ့သည်။

ကျန်းအန်းစစ်မြေပြင်၊ နင်ယင်စစ်မြေပြင်၊

လော့ယွမ်စစ်မြေပြင်နှင့် အခြား စစ်မြေပြင်များ တစ်ခုပြီးတစ်ခု လုရီ၏ တာအို အင်မော်တယ် အခင်းအကျင်းကို အသုံးပြု၍ တံဆိပ်ခတ်ခြင်း ခံလိုက်ရသည်။ အတွင်းမှ ကျိုယိုချီသည် ပါးလွှာသွားပြီး ပြင်ပ စကြဝဠာနှင့် လုံးဝနီးပါး တူညီသွားကာ၊ ကျိုယိုမိစ္ဆာ တစ်ကောင်မျှ မသတ်ဘဲ

မကျန်ရစ်ခဲ့ပေ။

ဤကျိုယိုစစ်မြေပြင်များကို ခေတ်အဆက်ဆက် ကာကွယ်ခဲ့ကြသော ကြယ်တာရာနယ်မြေ တပ်မတော်နှင့် စွမ်းအားရှင်အမျိုးမျိုးအတွက်မူ နားမလည်နိုင်သော လွတ်မြောက်မှုအခိုက်အတန့်တစ်ခု ရောက်ရှိလာခဲ့သည်။

နှစ်ပေါင်းများစွာ ထမ်းဆောင်ခဲ့သော တာဝန်နှင့် ဖိအားများမှ ရုတ်တရက် လွတ်မြောက်သွားခြင်းသည် သူတို့ကို ပျော်ရွှင်စေသလို အနည်းငယ် လမ်းပျောက်သွားသလိုလည်း ခံစားရစေသည်။

သို့သော် ယေဘုယျအားဖြင့်မူ ၎င်းမှာ သတင်းကောင်းတစ်ခု ဖြစ်သည်မှာ သေချာပါသည်။ အဘယ်ကြောင့်ဆိုသော် အနာဂတ်တွင် ကျိုယိုမိစ္ဆာများကြောင့် သေဆုံးရမည့် ကျင့်ကြံသူအရေအတွက်မှာ သိသိသာသာ လျော့ကျသွားဖွယ်ရှိသောကြောင့် ဖြစ်ပါသည်။

------

နောက်ဆုံးတွင် လုရီနှင့် ယွီရှင်းတို့သည် ကောင်းကင်ကြယ်တာရာ နယ်မြေအတွင်းမှ အားအကောင်းဆုံး ကျိုယို စစ်မြေပြင် ဖြစ်သော

မင်ယွမ်စစ်မြေပြင်သို့ ရောက်ရှိသွားကြသည်။

၎င်းအတွင်း၌ အင်မော်တယ် အရှင်သခင်အဆင့်ရှိ ကျိုယိုမိစ္ဆာများပင် တည်ရှိနေခဲ့၏။

ဤအကြောင်းကြောင့် ယွီမိသားစုမှ

အင်မော်တယ် အရှင်သခင် ငါးဦးအထိ ဤနေရာကို တစ်နှစ်ပတ်လုံး စောင့်ကြပ်နေကြပြီး

ထွက်ခွာသွားနိုင်ခြင်း မရှိခဲ့ပေ။

လုရီ ကျိုယိုမိစ္ဆာများကို ရှင်းလင်းခြင်းနှင့် ကျိုယိုဥမင်ကို တံဆိပ်ခတ်ခြင်း တာဝန်ကို စတင်သည်နှင့် တပ်စွဲထားသော ယွီမိသားစုမှ အင်မော်တယ် အရှင်သခင်များသည် သဘာဝကျကျ ကောင်းစွာ သိရှိကြပြီး၊ မူလဇာစ်မြစ် စွမ်းအားကို မကြာသေးမီကမှ ဆုပ်ကိုင်နိုင်ခဲ့သော ယွီချန်ပင်လျှင် ထိုနေရာသို့ ရောက်ရှိလာခဲ့သည်။

လုရီနှင့် အခြားသူများ ကျိုယို စစ်မြေပြင်အတွင်းသို့ ဝင်ရောက်သောအခါ အတွင်းမှ တန်ခိုးရှင် အားလုံးမှာ လုရီကို စောင့်ဆိုင်းနေကြပြီး ဖြစ်သည်။

ယွီချန်က ဟားတိုက် ရယ်မောလိုက်ပြီး ရှေ့သို့ တိုးလာကာ လုရီ၏ ပခုံးကို အားပါပါ ပုတ်လိုက်၏။

သူ၏ မျက်နှာ အမူအရာမှာ အတော်ပင်

စိတ်လှုပ်ရှားနေသည်။

"ဟားဟားဟား၊ ရီအာ ၊ မင်း ငါ့ကို ဒီလောက်ကြီးမားတဲ့ အံ့ဩစရာတစ်ခု ပေးလိမ့်မယ်လို့

ငါ မထင်ခဲ့ဘူး။"

ယွီချန်၏ ဘေးတွင် ဆံပင်ဖြူနှင့် ခန့်ညားသော အမျိုးသား တစ်ဦးက ရယ်မောလိုက်သည်။

"ငါတို့ ထျန်းလော့ ကြယ်တာရာနယ်မြေမှာ

ရီအာ ရှိနေတာ ငါတို့ ကံကောင်းတာပဲ။"

ယွီချန်၏ ဘေးတွင် ဆံပင်ဖြူနှင့် ခန့်ညားသော အမျိုးသားအပြင် အခြားသော အမျိုးသား၊ အမျိုးသမီးလေးဦးလည်း ရှိနေလေသည်။

သူတို့ထဲတွင် ဆံပင်ဖြူနှင့် အကြီးအကဲတစ်ဦးနှင့် လှပသော မိန်းမပျို တစ်ဦးလည်း ပါဝင်သည်။

သူတို့အားလုံးသည် နူးညံ့ဖော်ရွေသော အပြုံးများကို ဆင်မြန်းထားကြပြီး လုရီအပေါ် သူတို့၏ မျက်လုံးများမှာ ကြင်နာမှုတို့ဖြင့် ပြည့်နှက်နေ၏။

ယွီချန်က သူတို့ကို လက်ညှိုးထိုးပြပြီး မိတ်ဆက်ပေးလိုက်သည်။

"ဒါတွေက ငါ့ ယွီမိသားစုရဲ့ အင်မော်တယ် အရှင်သခင်တွေပဲ၊ ယွီရွှမ်ယီ၊ ယွီပေါ်ယွင်၊

ယွီယွင်ချင်း၊ ယွီယွမ်ယို၊ ယွီယင်းတို့ပေါ့။"