အတိတ်ကာလမှ အင်မော်တယ် အင်ပါယာများ (၂) …

~လုရီသည်ပင်လျှင် အင်မော်တယ်ဘုရင်များနှင့် အင်မော်တယ်အင်ပါယာများထံမှ အကြည့်အနည်းငယ်ကို ခံစားလိုက်ရသည်။

သူတို့၏မျက်နှာအမူအရာများမှာ ရှုပ်ထွေးသော ခံစားချက်များ ဖြစ်ပေါ်သွား၏။

လုရီက အသာအယာ အသက်ရှူထုတ်လိုက်ပြီး၊ မျက်လုံးမှေးစင်းကာ သူ့ပတ်လည်မှ ကျင့်ကြံသူအားလုံးကို ကြည့်လိုက်သည်။

နောက်တစ်ခဏတွင်၊ တောက်ပသော မီးတောက်များဖြင့် ဖုံးလွှမ်းနေသော အင်မော်တယ် အင်ပါယာ တစ်ပါးက အသိစိတ် ပြန်ဝင်လာပြီး ဆိုလိုက်သည်။

“ဒီမိစ္ဆာ နတ်ဘုရားတွေကို တားထားရမယ်”

ထိုသူ သတိပေးလာသည်နှင့်၊ အင်မော်တယ် အင်ပါယာငါးပါးမှာ တစ်ပြိုင်နက်တည်း အကြည့်များပြန်လည်ရုပ်သိမ်းလိုက်ပြီး သူတို့၏ပြိုင်ဘက်များကို ကြည့်လိုက်ကြ၏။

သူတို့၏ အသက်ရှူသံများ ပြင်းထန်လာပြီး၊ သတ်ိ အနေအထား စောင့်ကြည့်နေကြသည်။

အင်မော်တယ် ဘုရင်များမှာလည်း အသိစိတ်ပြန်ဝင်လာကြပြီး၊ အများစုမှာ သူတို့၏ ပြိုင်ဘက်များကို အလစ်မပေး အကဲခတ်နေကြသည်။

ထိုအထဲမှ အနည်းငယ်မှာမူ ကောင်းကင်ယံမှ ဖရိုဖရဲချီကို အခါအားလျော်စွာ လှမ်းကြည့်နေကြသေးသည်။

တစ်ချိန်တည်းမှာပင်၊ ကျိုယိုမိစ္ဆာများနှင့် ကျိုယိုကျင့်ကြံသူအားလုံးမှာ ရူးသွပ်သွားကြပြီး၊ မာန်ဖီကာ လုရီထံသို့ တိုးဝင်လာကြသည်။

သူတို့သည် လုရီကို၊ သူ့ပတ်လည်မှ ဖရိုဖရဲချီနှင့်အတူ၊ လုံးဝ ဝါးမြိုလိုကြသည်။

အင်မော်တယ်အင်ပါယာများနှင့် အင်မော်တယ်ဘုရင်များမှာလည်း လှုပ်ရှားလာကြပြီး၊ သူတို့၏ပြိုင်ဘက်များကို တားဆီးရန် အစွမ်းကုန် ကြိုးစားကြ၏။

သို့သော်လည်း၊ ဤကြိုးပမ်းမှုကြားမှပင်၊ ကျိုယို အင်မော်တယ်ဘုရင်များနှင့် အင်မော်တယ်အင်ပါယာအတော်များများမှာ ပိတ်ဆို့မှုကို ဖောက်ထွက်ပြီး လုရီထံသို့ တိုးဝင်လာကြသည်။

အကြောင်းမှာတော့၊ ကျိုယိုမိစ္ဆာများကြားမှ အင်မော်တယ်ဘုရင်များနှင့် အင်မော်တယ်အင်ပါယာများ၏ အရေအတွက်မှာ အစစ်အမှန် စကြဝဠာထက် သိသိသာသာ ကျော်လွန်နေသောကြောင့်တည်း။

ကျန်ရှိနေသော အင်မော်တယ်ဘုရင်များနှင့် အင်မော်တယ်အင်ပါယာများကိုသာ မှီခိုရုံဖြင့်၊ သူတို့သည် ဤမျှများပြားသော အင်အားကြီးပုဂ္ဂိုလ်များကို မတားဆီးနိုင်ကြပေ။

ကျိုယိုမိစ္ဆာနတ်ဘုရားခြောက်ပါးနှင့် ကျိုယိုအင်မော်တယ်ဘုရင်အများအပြားမှာ ပိတ်ဆို့မှုကို ဖောက်ထွက်လာကြသည်။

သူနှင့် မူလက ရင်ဆိုင်နေခဲ့သော လူသားပုံသဏ္ဌာန် ကျိုယိုမိစ္ဆာနတ်ဘုရားနှင့်အတူ၊ ဤမျှများပြားသော အင်အားကြီးပုဂ္ဂိုလ်များကြောင့် လုရီ၏ မျက်နှာအမူအရာမှာ တဖြည်းဖြည်း လေးနက်လာခဲ့တော့သည်။

ဖရိုဖရဲရတနာကဲ့သို့ တာအိုရတနာတစ်ခုကို ကျွမ်းကျင်ပိုင်နိုင်ထားသည့်တိုင်၊ ဤမျှများပြားသော ကျိုယိုစွမ်းအားရှင်များနှင့် ရင်ဆိုင်ရသောအခါ၊ ခံစားချက်ကင်းမဲ့စွာ နေရန် ခက်ခဲနေဆဲပင်။

လုရီက ပြင်းထန်စွာ မာန်သွင်းလိုက်ရာ၊ အင်မော်တယ် မီးလျှံအင်ပါယာ

ခေါင်းလောင်းမှာ တုန်ခါသွားပြီး၊ ကြက်သွေးရောင် ရွှေရောင်မီးတောက် အစုအဝေးများကို ထုတ်လွှတ်လိုက်သည်။

၎င်းတို့က တည်ငြိမ်သော ကြယ်များကဲ့သို့ မီးလုံးများအသွင် ပြောင်းလဲသွားပြီး၊ ကျိုယိုမိစ္ဆာများထံသို့ အပြင်းအထန် တိုးဝင်သွားသည်။

ပြင်းထန်သော အပူရှိန်က တဟုန်ထိုးထွက်ပေါ်လာ၏။

အကယ်၍သာ ပတ်ဝန်းကျင်ကို ဖရိုဖရဲချီက လွှမ်းခြုံမထားပါက၊ မတူညီသော နေရာလပ်မှာ ယခုအခါ မီးလောင် ပြာကျသွားလောက်ပြီ ဖြစ်ပါ၏။ ကောင်းကင်ကြယ်တာရာ နယ်မြေပင်လျှင် ချက်ချင်းဆိုသလို လုံးဝ ပြာအဖြစ်သို့ ချုပ်ငြိမ်းသွားပေလိမ့်မည်။

ထိုအချိန်တွင်၊ လုရီ တန်ဖိုးထားသော လူများနှင့် အရာများအားလုံးမှာ ပျောက်ကွယ်သွားပေလိမ့်မည်။

ဤသို့သော အားကောင်းသည့် တိုက်ခိုက်မှုများနှင့် ရင်ဆိုင်ရသောအခါ၊ ကျိုယိုမိစ္ဆာ နတ်ဘုရားများမှာလည်း မျက်နှာအမူအရာများ လေးလံသွားကြသည်။ ဟိန်းဟောက်ကာ တည်ငြိမ်သော ကြယ်များနှင့် တူသော မီးလုံးများကို ခုခံရန်နှင့် ရှောင်တိမ်းရန် သူတို့၏ အစွမ်းထက်ဆုံးသော အင်အားများကို ထုတ်လွှတ်လိုက်ကြသည်။

သို့တိုင်အောင်ပင်၊ ကြယ်များသည် ပိတ်ဆို့မှုကို ထိုးဖောက်သွားဆဲ ဖြစ်ပြီး၊ ကျိုယို အင်မော်တယ်

ဘုရင်များအလယ်သို့ ကျရောက်သွားသည်။

အော်ဟစ်သံမရှိ၊ ငိုယိုသံမရှိဘဲ၊ ကြက်သွေးရောင်ရွှေရောင်မီးတောက်များဖြင့် မျိုချခြင်းခံလိုက်ရသော ကျိုယိုအင်မော်တယ်ဘုရင်များမှာ ချက်ချင်းပင် အသန့်စင်ဆုံးသော ကျိုယိုချီပုံစံအဖြစ်သို့ ပြောင်းလဲသွာသငည်။၊ ထို့နောက် ကျိုယိုချီပင်လျှင် ကြက်သွေးရောင်ရွှေရောင်မီးတောက်များအောက်တွင် အငွေ့ပျံသွားတော့သည်။

တစ်ခဏအတွင်းမှာပင်၊ ကျိုယိုအင်မော်တယ်ဘုရင်အများအပြား သေဆုံးသွားခဲ့၏။

သို့သော်လည်း၊ တည်ငြိမ်သော ကြယ်များသည် ကျိုယိုမိစ္ဆာနတ်ဘုရားများကို သိသာစွာ မထိခိုက်စေနိုင်ပေ။

တိုက်ခိုက်မှုများကို ခုခံရှောင်တိမ်းပြီးနောက်၊ ကျိုယိုမိစ္ဆာနတ်ဘုရားများမှာ လုရီထံသို့ တစ်ဖန်ပြန်၍ ချဉ်းကပ်လာကြ၏။

လူသားပုံသဏ္ဌာန် ကျိုယိုမိစ္ဆာနတ်ဘုရားမှာ အနီးဆုံးဖြစ်လေသည်။ သူ၏ ပတ်ပတ်လည်တွင် ရေဘဝဲ လက်တံများ တဟုန်ထိုးထွက်ပေါ်လာပြီး၊ ကြောက်မက်ဖွယ်ကောင်းသော တွင်းနက်ကြီးများအဖြစ်သို့ ပြောင်းလဲကာ၊ လုရီကို အပိုင်းပိုင်းစုတ်ဖြဲရန် ရည်ရွယ်နေသည်။

လုရီ၏ ကိုယ်မှာ မူလဇာစ်မြစ်စွမ်းအားဖြင့် တဖျပ်ဖျပ်လက်နေပြီး၊ စုပ်ယူအားကို အပြင်ဘက်တွင် သီးခြားခွဲထုတ်ထား၏။

ထိုစဉ် အင်မော်တယ်မီးလျှံ အင်ပါယာ

ခေါင်းလောင်းကို တစ်ဖန်ပြန်၍ အသက်သွင်းလိုက်ရာ၊ မီးတောက်များက လူသားပုံသဏ္ဌာန် ကျိုယိုမိစ္ဆာနတ်ဘုရား၏ ရေဘဝဲလက်တံများပေါ်တွင် လောင်ကျွမ်းသွားသည်။

ရေဘဝဲလက်တံများ ကခုန်သွားသည်နှင့်၊ တွင်းနက်ကြီးများမှာ ပျောက်ကွယ်သွား၏။ တဆက်တည်း၌ ရေဘဝဲ လက်တံများပေါ်တွင် ပါးစပ်များ ပွင့်လာကာ၊ စူးရှသော အော်သံနက်များကို ထုတ်လွှတ်လိုက်သည်။

လူသားပုံသဏ္ဌာန် ကျိုယိုမိစ္ဆာနတ်ဘုရားကို တွန်းလှန်ပြီးနောက်၊ လုရီက အနီးအနားမှ အခြားသော ကျိုယိုမိစ္ဆာနတ်ဘုရားများကို တစ်ချက်ကြည့်လိုက်၏။ အလားတူ တွန်းလှန်ရန်အတွက် အင်မော်တယ်မီးလျှံအင်ပါယာ

ခေါင်းလောင်းကို တစ်ဖန်ပြန်၍ အသက်သွင်းလိုက်၏။

သို့တိုင်အောင်ပင်၊ ကျိုယိုချီအစုအဝေးများက ပိတ်ဆို့မှုကို ထိုးဖောက်သွားနိုင်ပြီး၊ လုရီအပေါ်သို့ ကျရောက်လာသည်။

အင်မော်တယ်အင်ပါယာအဆင့် တိုက်ခိုက်မှုက လုရီကို နောက်သို့ အရှိမ်ပြင်းပြင်း လွင့်စဉ်သွားစေပြီး၊ သူ့ကိုယ်မှာ အက်ကွဲကာ၊ သွေးများ စီးကျလာသည်။

သို့သော် နောက်တစ်ခဏတွင်၊ စိမ်းလန်းသော အလင်းတန်း အမျှင်တန်းများက သူ့ကိုယ်ပေါ်တွင် တောက်လောင်လာပြီး၊ သူ၏ ဒဏ်ရာများကို လျင်မြန်စွာ ကုသပေးလိုက်သည်။

ထို့နောက်၊ လုရီ၏ အသံသည် အင်မော်တယ် အင်ပါယာ အားလုံး၏ စိတ်ထဲတွင် ပဲ့တင်ထပ်သွားသည်။

“လေးစားအပ်ပါသော စီနီယာတို့… ကျွန်တော် ခင်ဗျားတို့ကို ဖရိုဖရဲချီအမျှင်တန်းတစ်ခု ပေးခဲ့ရင်၊ ခင်ဗျားတို့ရဲ့ စွမ်းအားကို နည်းနည်း‌လောက် မြှင့်တင်နိုင်မလားခင်ဗျာ။”

ဤသို့သော ကြီးမားသည့် ကျိုယိုမိစ္ဆာနတ်ဘုရားများ၏ ဖိအားအောက်တွင်၊ လုရီသည် အသစ်စက်စက် တက်လှမ်းထားသော အင်မော်တယ်ဘုရင်နယ်ပယ်ကိုသာ မှီခိုရုံဖြင့်က မရှုံးနိမ့်ဘဲ တောင့်ခံထားနိုင်ရုံသာ တတ်နိုင်၏။

ဤကျိုယိုမိစ္ဆာ နတ်ဘုရားများကို အနိုင်ယူရန်မှာ လုံးဝ မဖြစ်နိုင်ကြောင်း နားလည်ထားသည်။

ပြီးတော့ သူ၏ တာအိုစွမ်းအင်မှာ အဆုံး မရှိပေ။ သူသည် ယခုအခါ သူ၏တာအိုစွမ်းအင် အားလုံးနှင့် ပေါင်းစည်းပြီး ဖရိုဖရဲချီ အစအန တစ်စနှင့်ပင် ပေါင်းစည်းထးသည်။ အလွန် ကြောက်မက်ဖွယ် ကောင်းသော ပြန်လည် ကောင်းမွန်နိုင်စွမ်း အဆင့်သို့ ရောက်ရှိနေသော်လည်း…

အင်မော်တယ် မီးလျှံ အင်ပါယာ

ခေါင်းလောင်းကို အသုံးပြုခြင်းသည် သိသာထင်ရှားသော စွမ်းအားကို သုံးစွဲရသည်။ ၎င်းပင်လျှင် စွမ်းအား စားသုံးမှုမရှိဘဲ အဆက်မပြတ် မတိုက်ခိုက်နိုင်ပေ။

လက်ရှိစားသုံးမှုနှုန်းအရ၊ အများဆုံး အင်မော်တယ် မီးလျှံ အင်ပါယာ

ခေါင်းလောင်းသည် ဆယ်စုနှစ်အနည်းငယ်ကြာ ပြင်းထန်သော တိုက်ပွဲများတွင် ပါဝင်နိုင်ပြီးနောက် စွမ်းအား ကုန်ဆုံးသွားပေလိမ့်မည်။

ထိုအခါကျလျှင်၊ ခေါင်းလောင်းသည် တန်ပြန်တိုက်ခိုက်လိုစိတ် ရှိကောင်းရှိနိုင်သော်လည်း ခွန်အားတော့ ရှိတော့မည် မဟုတ်ပေ။

ထို့ကြောင့်၊ လုရီသည် အခြားသော အင်မော်တယ် အင်ပါယာများထံသို့သာ လှည့်နိုင်တော့သည်။

အကယ်၍ အခြားသော အင်မော်တယ် အင်ပါယာများက ဤအင်မော်တယ် ဘုရင်များနှင့် အင်မော်တယ်

အင်ပါယာများကို တောင့်ခံထားနိုင်ပြီး၊ သူ့ကို အချိန်အနည်းငယ် ပေးမည်ဆိုလျှင်၊ လုရီသည် ဖရိုဖရဲချီ၏ အထူးလက္ခဏာကို အသုံးပြု၍ မိမိကိုယ်မိမိ သီးခြားခွဲထုတ်ကာ၊ တတ်နိုင်သမျှ မိမိကိုယ်မိမိ အားဖြည့်နိုင်ပေလိမ့်မည်။ အင်မော်တယ်ဘုရင်နယ်ပယ်သို့ ရောက်ရှိပြီးနောက်၊ လုရီ၏ဆုလာဘ်မှာ ဖရိုဖရဲချီနှင့် ပေါင်းစည်းမှုကို အရှိန်မြှင့်တင်ပေးခြင်း ဖြစ်သည်။

သူ၏အဆင့် ချိုးဖြတ်ခြင်းမှစ၍ နှစ်အနည်းငယ်အတွင်းမှာပင်၊ ခန္ဓာကိုယ်ထဲမှ ဖရိုဖရဲချီ၏ ပေါင်းစည်းမှုတိုးတက်မှုမှာ ယခင် နှစ်သောင်းပေါင်းများစွာ၏ အချိန်ကာလကို ကျော်လွန်သွားခဲ့သည်။

ဆယ်စုနှစ်အနည်းငယ်မျှသာ ပေးလိုက်ပါက၊ နယ်ပယ်ကို မချိုးဖြတ်နိုင်သည့်တိုင်၊ ဖရိုဖရဲချီများ ပိုမိုပေါင်းစည်းခြင်းဖြင့်၊ လုရီသည် ဤကျိုယိုမိစ္ဆာနတ်ဘုရားများကို တိုက်ခိုက်ရန် စွမ်းအား ရှိလာပေလိမ့်မည်။

သို့သော် ၎င်းမှာ အချိန်အပေါ်တွင် မူတည်နေသည်။ လုရီသည် ဤအင်မော်တယ်အင်ပါယာများထံမှ အကူအညီကိုသာ တောင်းခံနိုင်တော့သည်။

ဤသည်မှာ လုရီ၏ ဤအင်မော်တယ်အင်ပါယာများနှင့် ပထမဆုံးတွေ့ဆုံခြင်းဖြစ်ပါသည်။ သို့သော်လည်း၊ ဤအင်မော်တယ်အင်ပါယာများက သူတို့၏ ဘေးကင်းမှုကို လျစ်လျူရှုကာ ကျိုယိုမိစ္ဆာများကို ခုခံရန် ကျိုယိုကမ္ဘာသို့ ဝင်ရောက်လိုစိတ် ရှိနေသည်။ ဖရိုဖရဲချီဖြင့် ဖွဲ့စည်းထားသော အတွင်းစကြဝဠာကို မြင်သောအခါ ကိုယ့်ကိုယ်က်ို မကုစားဘဲ သူတို့သည် လုရီကို နှောင့်နှေးစေရန် ကူညီရန် ရွေးချယ်သင့်သည်။

ထို့အပြင်၊ ဖရိုဖရဲချီကို ကမ်းလှမ်းခြင်းသည် ဤအင်မော်တယ်အင်ပါယာများအတွက် အိပ်မက်တစ်ခု အမှန်တကယ် ဖြစ်လာခြင်းပင် ဖြစ်သည်။

လုရီ၏ တစ်ခုတည်းသော မသေချာမှုမှာ ဤကျန်ရှိနေသော အင်မော်တယ်အင်ပါယာများသည် ဤမျှများပြားသော ကျိုယိုမိစ္ဆာနတ်ဘုရားများနှင့် ကျိုယိုအဖြစ်သို့ ပြောင်းလဲသွားသော အင်မော်တယ်အင်ပါယာနှစ်ပါးက်ုပါ ရင်ဆိုင်နိုင်မည်လား ဆိုသည်ကိုပင်။

အကယ်၍ သူတို့ တောင့်မခံနိုင်ခဲ့ပါက၊ ဖရိုဖရဲချီ မည်မျှပင် အားကောင်းသည်ဖြစ်စေ၊ မိမိသည် နောက်ဆုံးတွင် အင်မော်တယ်ဘုရင်

နယ်ပယ်တွင်သာ ရှိနေသေးသည် မဟုတ်ပါလော။

အတွင်းစကြဝဠာသည် တိုက်ပွဲများ၏ နောက်ဆက်တွဲအကျိုးဆက်များကို ခံနိုင်ရည်ရှိသော်လည်း၊ ဤမျှများပြားသော ကျိုယိုစွမ်းအားရှင်များ၏ ကြီးမားသည့် တိုက်ခိုက်မှုကို သေချာပေါက် မခုခံနိုင်ပေ။ ထိုအခါကျလျှင်၊ ကျိုယိုမိစ္ဆာနတ်ဘုရားများက အတွင်းစကြဝဠာထဲသို့ ဖောက်ထွက်ဝင်ရောက်လာပြီး၊ အစစ်အမှန် စကြဝဠာထဲသို့ ဝင်ရောက်ကာ၊ အတွင်းစကြဝဠာထဲမှ ဖရိုဖရဲချီကိုပင် မျိုချရန် ကြိုးစားပေလိမ့်မည်။

ဤသည်မှာ လုရီ လုံးဝ လက်မခံနိုင်သော အရာတစ်ခု ဖြစ်သည်။

လုရီ၏ အသံကို ကြားသောအခါ၊ အင်မော်တယ်အင်ပါယာအားလုံးမှာ တုန်လှုပ်သွားကြသော်လည်း၊ သူတို့၏တိုက်ခိုက်မှုက မရပ်တန့်ဘဲ၊ ရန်သူကို အဆက်မပြတ် ခုခံ ကာကွယ်နေကြသည်။

သူတို့သည် စိတ်ဖြင့် ဆက်သွယ်တုံ့ပြန်လိုက်ကြသည်။

“ဖရိုဖရဲချီနဲ့ဆိုရင်၊ ငါတို့ရဲ့စွမ်းအားကို ပိုပြီးမြှင့်တင်နိုင်တယ်။ ငါတို့ ဒီလောက်များတဲ့ ကျိုယိုမိစ္ဆာနတ်ဘုရားတွေနဲ့ အဲ့ဒီသစ္စာဖောက်နှစ်ယောက်ကို ခံနိုင်ရည်ရှိမလားဆိုတာ ငါမသေချာပေမဲ့၊ အခြေအနေကတော့ အခုထက်တော့ သေချာပေါက် တိုးတက်လာမှာပဲ။”

“ငါတို့ စမ်းကြည့်လို့ရတယ်။”

“မင်း ဘာလုပ်ဖို့ စီစဉ်ထားလဲ။”

ကျိုယိုအင်မော်တယ်ဘုရင် — မဟုတ်သေး၊ ယခုအခါ ကျိုယိုအင်မော်တယ် အင်ပါယာ ဖြစ်နေသူက စိတ်ဖြင့် တန်ပြန်မေးခွန်းထုတ်လိုက်သည်။

ထိုအခါ လုရီက အသက်ရှူထုတ်လိုက်ပြီး၊ ဝင်လာသော ကျိုယိုမိစ္ဆာနတ်ဘုရားများကို တွန်းလှန်ရင်း တုံ့ပြန်လိုက်သည်။

“ကျွန်တော့်ကို နှစ်ငါးဆယ် ပေးပါ။ ကျွန်တော် အချိန်နည်းနည်းလိုတယ်။”

“နှစ်ငါးဆယ်။”

အင်မော်တယ်အင်ပါယာအားလုံး၏ စိတ်ထဲမှ အသံများမှာ အံ့ဩမှုဖြင့် ပဲ့တင်ထပ်သွားသည်။

နှစ်ငါးဆယ်အတွင်း ဘာကို ပြောင်းလဲ နိုင်ပါမည်နည်း။

အင်မော်တယ် အင်ပါယာ တစ်ပါးအတွက်၊ တစ်ရေးတစ်မော အိပ်ခြင်းပင်လျှင် နှစ်ငါးဆယ်ကို ကျော်လွန်သွား၏။ ဤသို့သော အချိန်ကာလမှာ အလွန်တိုတောင်းလှသည်။

သို့တိုင်အောင်ပင်၊ ဤမျှများပြားသော ဖရိုဖရဲချီရှိသော လုရီနှင့် ရင်ဆိုင်ရသောအခါ၊ သူတို့သည် သူ့ကို ယုံကြည်ကြလေသည်။

ကံကြမ္မာအင်မော်တယ်အင်ပါယာက ခပ်ဖွဖွရယ်မောလိုက်ရင်း ဆိုသည်။ (ဘုရင် မဟုတ်တော့ပါဘူး။ အဆင့်တက်သွားလို့ပါ။ )

“ကယ်တင်ရှင်တစ်ပါး ဖြစ်ဖို့ ထိုက်တန်လှတာပဲ။ ဒီလောက် ကြွယ်ဝတဲ့ ဖရိုဖရဲချီကို ပိုင်ဆိုင်ထားတာ၊ တကယ်ပဲ မနာလိုစရာကောင်းတယ်ကွာ… မင်း ဘာစီစဉ်ထားလဲ ငါ မသိပေမဲ့၊ ငါတို့ စမ်းကြည့်လို့ ရပါတယ်။”

“ဒီကျိုယိုမိစ္ဆာနတ်ဘုရားတွေကို တောင့်ခံထားပေးရင် ဖရိုဖရဲချီအမျှင်တန်း တစ်ခု ရနိုင်တယ်ဆိုတော့၊ ငါတို့အတွက်တော့ ဒါက အမြတ်ပဲ။ ဟားဟားဟား။”

တောင်တစ်လုံးကဲ့သို့ အရပ်အမောင်း မြင့်မားသော အင်မော်တယ်

အင်ပါယာ တစ်ပါးက စိတ်ထဲမှ ဝမ်းသာအားရ ရယ်မောလိုက်သည်။

“တကယ်တော့၊ ဒီတာအိုကမ္ဘာကို ကျော်လွန်ဖို့ ကြိုးစားရာမှာ၊ ဖရိုဖရဲချီက မရှိမဖြစ်ပဲ။ ငါ့ကိုပါ ထည့်တွက်လိုက်ကွာ။”

အခြားသော အင်မော်တယ်အင်ပါယာများမှာလည်း တစ်ယောက်ပြီးတစ်ယောက် သဘောတူညီချက်ကို ထုတ်ဖော်ပြသကြသည်။

ထိုအခါ လုရီက ခပ်ဖွဖွ ပင့်သက် ရှိုက်ထုတ်လိုက်ပြီး၊ ကျိုယိုမိစ္ဆာ နတ်ဘုရားများကို တွန်းလှန်ရင်း၊ အတွင်းစကြဝဠာ၏ ဖရိုဖရဲချီကို ထိန်းချုပ်ကာ အမျှင်တန်းငါးတန်းအဖြစ်သို့ ခွဲလိုက်သည်။

ဤအမျှင်တန်းများမှာ နေရာလပ်ထဲသို့ ပေါင်းစည်းသွားပြီး၊ နောက်ဆုံးတွင် အင်မော်တယ်အင်ပါယာများ၏ ခန္ဓာကိုယ်ထဲသို့ ဝင်ရောက်သွားသည်။

အင်မော်တယ်အင်ပါယာများသည်၊ သူတို့အတွင်းမှ တာအိုစွမ်းအင်နှင့် ကွဲပြားသော်လည်း သာလွန်နေသော — ဖရိုဖရဲချီကို ခံစားမိသောအခါ မျက်လုံးများထဲတွင် ပျော်ရွှင်သော

အကြည့်တစ်ခု ဖြတ်ပြေးသွားသည်။

တိုက်ခိုက်နေရင်း၊ သူတို့သည် ဖရိုဖရဲချီကို ပွေ့ဖက်ကာ ချေဖျက်လိုက်ပြီး၊ ဖရိုဖရဲချီ၏ စွမ်းအားကို အကြိုအသုံးချမှု စတင်လိုက်ကြသည်။

အင်မော်တယ်အင်ပါယာများအနေဖြင့်၊ သူတို့သည် ရှေးဟောင်းခေတ်တွင် အင်မော်တယ်အင်ပါယာအဆင့်ကို ရရှိခဲ့ကြပြီး၊ နှစ်သန်း‌ ပေါင်းများစွာ ကြာအောင် တာအိုကမ္ဘာ၏ အထွတ်အထိပ်သို့ ရောက်ရှိကာ၊ ဖရိုဖရဲချီ မရှိဘဲ သူတို့၏ လမ်းမှာ ပိတ်ဆို့နေခဲ့သည်။

ယခုမူ၊ ထိုလမ်းမှာ ဖွင့်ဟမှု အရိပ်အယောင် တစ်ခု ရှိလာခဲ့သည်။

သူတို့၏ စွမ်းအားမှာ အကန့်အသတ်ထက် အနည်းငယ် ကျော်လွန်သွားခဲ့သည်။

အင်မော်တယ် အင်ပါယာများ၏ ခန္ဓာကိုယ်များမှ ထုတ်လွှင့်လာသော ဖရိုဖရဲချီကို ခံစားမိသောအခါ၊ ကျိုယိုမိစ္ဆာ နတ်ဘုရား အားလုံးနှင့် ကျိုယိုအင်မော်တယ် အင်ပါယာနှစ်ပါးမှာ မှင်သက်သွားကြသည်။

ထို့နောက် ကျိုယိုမိစ္ဆာ နတ်ဘုရား အားလုံးနှင့် ကျိုယိုအင်မော်တယ် အင်ပါယာနှစ်ပါး အားလုံးမှာ အာရုံကို သူတို့ထံသို့ ပြောင်းလိုက်ကြသည်။ လုရီကို တိုက်ခိုက်ရန် ရည်ရွယ်နေသော ကျိုယိုမိစ္ဆာနတ်ဘုရားများပင်လျှင် ချွင်းချက် မရှိပေ။

ယ်သွယ်မှ ကင်းဝေးပီး ပျော်ရွှင်ကြပါစေ။