ကြမ်းတမ်းသော တိုက်ပွဲ (၂)...

~ဤအချိန်တွင် လုရီက ခေတ္တမျှ ရပ်တန့်သွားပြီးနောက် ဆက်လက်မှာကြားလိုက်၏။

“ကျွန်တော် ဖရိုဖရဲချီကို စုပ်ယူတဲ့အခါ ခင်ဗျားတို့လည်း ဖရိုဖရဲတာအိုအင်းကွက်တွေကို နားလည်သဘောပေါက်ခွင့် ရလိမ့်မယ်။ ကျွန်တော်က ဖရိုဖရဲချီကို ခင်ဗျားတို့ဆီကို သတိရှိရှိနဲ့ လမ်းကြောင်းပေးမယ်။ ဒါမှ ခင်ဗျားတို့လည်း ကျွန်တော်နဲ့အတူတူ စုပ်ယူနိုင်မှာ။ တကယ်လို့ ဖရိုဖရဲချီနဲ့ ပေါင်းစည်းနိုင်ခဲ့ရင်၊ ခင်ဗျားတို့ရဲ့ စွမ်းအားကလည်း သေချာပေါက် အားကောင်းလာလိမ့်မယ်။ အဲ့ဒီအခါကျရင်

ယင်ယန်တာအိုအင်းကွက်ရဲ့ စွမ်းအားကလည်း မြင့်တက်လာပြီး ကျွန်တော်တို့ အနိုင်ရနိုင်ခြေက ပိုများလာမှာပဲ။”

လုရီ၏ စကားကို ကြားသောအခါ၊ လျိုနင်ရွှမ်းနှင့် အခြားသူများမှာ သဘာဝအတိုင်း ကန့်ကွက်စရာအကြောင်းမရှိပါချေ။ လုရီ၏ နဖူးပြင်ထက်မှ တာအိုအင်းကွက်သည် ဆန်းကြယ်သော

တာအိုအလင်းများ လက်သွားပြီး၊ လျိုနင်ရွှမ်းနှင့် အခြားသူများမှာ မိမိတို့ကိုယ်ကို အသင့်ပြင်ဆင်လိုက်ကြ၏။

လုရီက အသာအယာ အသက်ရှူထုတ်လိုက်ပြီးနောက်၊ လေဟာနယ်အလယ်တွင် တင်ပျဉ်ခွေထိုင်ချလိုက်၏။ အပြင်ဘက်မှ အခြေအနေကို လျစ်လျူရှုလျက် ဖရိုဖရဲချီနှင့် အပြည့်အဝ ပေါင်းစည်းရန် စတင်လိုက်တော့သည်။

လုရီ ပေါင်းစည်းလိုက်သည်နှင့်အမျှ၊ ဖရိုဖရဲချီအမျှင်တန်းများမှာ သူ၏စုပ်ယူခြင်းကို ခံလိုက်ရသည်။ အပြင်ဘက်မှ ဖရိုဖရဲချီများမှာလည်း လှိုင်းဂယက်ထကာ ဒီရေများအဖြစ်သို့ ပြောင်းလဲသွားလေသည်။

ကျိုယို မိစ္ဆာ နတ်ဘုရားအုပ်စုနှင့် ကျိုယိုအင်မော်တယ်အင်ပါယာများသည် ထိုအပြောင်းအလဲများကို သတိပြုမိသွားကြရာ သူတို့၏ မျက်နှာအမူအရာများမှာ အနည်းငယ် လေးနက်သွား၏။

အင်မော်တယ်အင်ပါယာအဆင့်ရှိ ပုဂ္ဂိုလ်များအနေဖြင့် သူတို့တွင် သဘာဝအတိုင်း အချို့သော ခန့်မှန်းချက်များ ရှိနေကြသည်။

ထို့နောက်တွင်တော့၊ ကျိုယိုအင်မော်တယ်

အင်ပါယာများနှင့် မိစ္ဆာနတ်ဘုရားများ၏ မျက်နှာများမှာ အေးစက်သွားပြီး တိုက်ခိုက်မှုများ ပိုမိုပြင်းထန်လာသည်။

ဖရိုဖရဲချီကို စုပ်ယူထားသော်လည်း၊ အစစ်အမှန်စကြဝဠာထဲမှ အင်မော်တယ် အင်ပါယာများ၏ အရေအတွက်မှာ အတော်ပင် နည်းပါးနေဆဲ ဖြစ်ပြီး၊ စုစုပေါင်း ငါးဦးသာ ရှိလေသည်။

ဆန့်ကျင်ဘက်အားဖြင့်၊ ကျိုယိုမိစ္ဆာ နတ်ဘုရားနှင့် ကျိုယိုအင်မော်တယ် အင်ပါယာပေါင်း စုစုပေါင်း (၁၄) ပါးအထိ ရှိနေ၏။

ကွာခြားချက်မှာ သုံးဆနီးပါး ရှိနေပြီး၊ အစစ်အမှန်စကြဝဠာ၏ အင်မော်တယ် အင်ပါယာများမှာ ချက်ချင်းပင် ကြီးမားသော ဖိအားကို ခံစားလိုက်ရကာ သူတို့၏ မျက်နှာအမူအရာများမှာ ခက်ထန်သွားကြသည်။

အမှန်တကယ်တော့၊ ဤသည်မှာ သူတို့ ဤမျှများပြားသော ကျိုယိုမိစ္ဆာ နတ်ဘုရားများနှင့်

အင်မော်တယ် အင်ပါယာများထံမှ ဤမျှကြီးမားသော တိုက်ခိုက်မှုကို ပထမဆုံးအကြိမ် ရင်ဆိုင်ရခြင်း ဖြစ်သည်။

ကျိုယိုကမ္ဘာထဲတွင်၊ ကံကြမ္မာ အင်မော်တယ်ဘုရင်သည် အင်မော်တယ် အင်ပါယာအဆင့်သို့ တက်လှမ်းသွားသောကြောင့်၊ ကံဆိုးမိုးမှောင်ကျမှုအပေါ် သူ၏ ခံစားနားလည်နိုင်စွမ်းမှာ ပိုမိုအားကောင်းလာခဲ့၏။ သူ၏ ကံကြမ္မာကို ဆုပ်ကိုင်နိုင်စွမ်းကို အားကိုးလျက်၊ ကံကြမ္မာ

အင်မော်တယ် အင်ပါယာ၏ လမ်းညွှန်မှုအောက်တွင် သူတို့သည် ကျိုယိုမိစ္ဆာ နတ်ဘုရားများနှင့် အင်မော်တယ်အင်ပါယာများနှင့်အတူ ပြောက်ကျားစစ်ကို ဆင်နွှဲနိုင်ခဲ့ကြသည်။

သူတို့ထဲမှ ကျိုယိုမိစ္ဆာနတ်ဘုရားအများအပြားမှာ အစစ်အမှန်စကြဝဠာ၏ အင်မော်တယ်ဂဘုရင်များနှင့် အင်ပါယာများ၏ ပထမလှိုင်းတိုက်ခိုက်မှုအပြီးတွင် အိပ်စက်သွားခဲ့ကြပြီး

မကြာသေးမီကမှ နိုးထလာခဲ့ကြခြင်း ဖြစ်သည်။

ဤအကြောင်းကြောင့်ပင်၊ အင်မော်တယ်အင်ပါယာများသည် ကျိုယိုကမ္ဘာထဲတွင် ကြီးမားသော ဖိအားကို ကြုံတွေ့ခဲ့ရသော်လည်း၊ ဤသို့သော အင်အားဖွဲ့စည်းပုံမျိုးနှင့် တစ်ခါမျှ မရင်ဆိုင်ခဲ့ရဖူးပေ။

ဤအခိုက်အတန့်တွင်၊ သူတို့ ခံစားနေရသော ဖိအားမှာ ကျိုယိုကမ္ဘာထဲတွင် ရှိနေစဉ်ကထက်ပင် ကျော်လွန်နေခဲ့သည်။ သို့သော်လည်း၊ ယခုအခါ သူတို့သည် ဖရိုဖရဲချီကို စုပ်ယူချေဖျက်ခဲ့ပြီးဖြစ်ရာ စွမ်းအားမှာ အလွန်မြင့်မားစွာ တိုးတက်လာပြီး ယခင်ကထက် ပိုမို သန်မာနေကြသည်။ ဤအကြောင်းကြောင့်ပင် သူတို့ မနည်း တောင့်ခံထားနိုင်ခြင်း ဖြစ်၏။

သို့ရာတွင် မည်မျှကြာအောင် တောင့်ခံထားနိုင်မည်ကိုတော့ သူတို့ကိုယ်တိုင်ပင် ယုံကြည်ချက်

မရှိကြပေ။ အင်မော်တယ် ဘုရင်များနှင့် အင်ပါယာများကြားမှ တစ်ခုတည်းသော အတွေးမှာ လုရီ အလျင်အမြန် အောင်မြင်မှု တစ်ခုခု ရရှိ မျှော်လင့်နေခြင်းသာ ဖြစ်လေသည်။ ထိုအခါမှသာ သူတို့သည် လက်ရှိ အားနည်းချက်ကို ပြောင်းပြန်လှန်နိုင်ရန် မျှော်လင့်နိုင်မည် ဖြစ်သည်။

မတူညီသော နေရာလပ်အတွင်း၌၊ အင်မော်တယ်အင်ပါယာများသည် ကျိုယိုအင်မော်တယ်ဘုရင်များနှင့် အင်ပါယာများနှင့် ပြင်းထန်စွာ တိုက်ခိုက်နေကြ၏။ အင်မော်တယ်ဘုရင်များမှာမူ ကျိုယိုအင်မော်တယ်ဘုရင်များနှင့် ရင်ဆိုင်နေရပြီး၊ တိုက်ပွဲမှာ ထပ်တူထပ်မျှ ကြမ်းတမ်းလှသည်။

‌ဤနေရာ၌ လုရီက ယခင်က အင်မော်တယ်မီးလျှံအင်ပါယာခေါင်းလောင်းဖြင့် ကျိုယိုအင်မော်တယ်ဘုရင်အများအပြားကို ချေမှုန်းပစ်ခဲ့သည်ကို ကျေးဇူးတင်ရမည်။ အစစ်အမှန် စကြဝဠာ၏ အင်မော်တယ် ဘုရင်များ၏ အခြေအနေမှာ

လုံးဝ ဆိုးရွားမနေခဲ့ပေ။

သို့တိုင်အောင်ပင်၊ သူတို့ မည်မျှ ကြာအောင် တောင့်ခံထားနိုင်မည်ကို မသိရှိကြသေးပါ။

မတူညီသော နေရာလပ်အတွင်းမှ တိုက်ပွဲမှာ အလွန်တရာ ပြင်းထန်လှပြီး၊ အစစ်အမှန် စကြဝဠာထဲမှ တိုက်ပွဲမှာလည်း ထပ်တူထပ်မျှ ကြမ်းတမ်းလှ၏။

လူသားပုံသဏ္ဌာန် ကျိုယိုမိစ္ဆာနတ်ဘုရား တိုးထွက်လာသောအခါ၊ မရေမတွက်နိုင်သော

ကျိုယိုမိစ္ဆာများမှာလည်း ပေါ်ထွက်လာ၏။

မိစ္ဆာများမှာ သိပ်သည်းစွာ ပြည့်ကျပ်နေလေသည်။

လူသားပုံသဏ္ဌာန် ကျိုယိုမိစ္ဆာနတ်ဘုရားသည်

မတူညီသော နေရာလပ်ထဲသို့ ဝင်ရောက်သွားပြီး၊ ကျိုယိုအင်မော်တယ် ဘုရင် အများစုမှာလည်း လုရီ၏ ကိုင်တွယ်ခံလိုက်ရပြီး ဖြစ်သည်။ သို့သော်ငြားလည်း ကောင်းကင်ကြယ်တာရာ နယ်မြေ၏ အခြေအနေမှာမူ ဆိုးရွားနေဆဲပင်။

ကျိုယိုမိစ္ဆာ အများအပြားမှာ အနက်ရောင်မြူခိုးများထဲမှ တဟုန်ထိုး ထွက်ပေါ်လာပြီး၊ အစစ်အမှန်စကြဝဠာ၏ ကျင့်ကြံသူများစွာကို တိုက်ခိုက်ကြသည်။ ယွီချန်နှင့် အင်မော်တယ်ဘုရင်အဆင့်သို့ တက်လှမ်းသွားခဲ့သော အခြားကျင့်ကြံသူများမှာ မယုံနိုင်လောက်အောင် တုန်လှုပ်သွားကြရာ၊

အင်မော်တယ်ဘုရင်အဆင့်အောက်ရှိသူများအတွက်မူ မဆိုသာတော့ပေ။ အကယ်၍သာ

ကျိုယိုမိစ္ဆာများ၏ ရည်ရွယ်ချက်မှာ အစစ်အမှန်စကြဝဠာတစ်ခုလုံးကို တိုက်စားဖို့ ဖြစ်ပြီး၊ ထွက်ပြေးစရာ နေရာ ရှိပါက၊ သူတို့ထဲမှ အများအပြားမှာ ဟိုးယခင်ကတည်းက ထွက်ပြေးသွားကြလောက်ပြီ ဖြစ်သည်။

ယခုအခါတွင်မူ၊ နောက်ဆုတ်စရာလမ်းမရှိတော့ဘဲ၊ ကြယ်တာရာနယ်မြေအမျိုးမျိုးမှ စွမ်းအားရှင်များမှာ အံတုဟစ်အော်ကြွေးကြော်ရင်း၊ ကျိုယိုမိစ္ဆာများကို ခုခံကြတော့သည်။

ဤစွမ်းအားရှင်များသည် မတူညီသော ကြယ်တာရာ နယ်မြေများမှ ဆင်းသက်လာကြပြီး၊ သူတို့ထဲတွင် ကျိုယို စစ်မြေပြင်တွင် တိုက်ပွဲများကို ရင်ဆိုင်ခဲ့ဖူးပြီး၊ ကျိုယိုမိစ္ဆာများနှင့် တိုက်ခိုက်ရာတွင် ရင်းနှီး ကျွမ်းဝင်သူများလည်း သဘာဝအတိုင်း ပါဝင်လေသည်။ သို့သော်လည်း၊ မည်သည့် ကျိုယို စစ်မြေပြင်မျှ ယခုကဲ့သို့ မကြမ်းတမ်းခဲ့ဖူးပေ။

မိနစ်တိုင်း၊ စက္ကန့်တိုင်းတွင်၊ ရွှေအင်မော်တယ်ဖြစ်စေ၊ အင်မော်တယ်ဧကရာဇ်ဖြစ်စေ၊ အစစ်အမှန်စကြဝဠာမှ ကျင့်ကြံသူဖြစ်စေ၊ သို့မဟုတ် ကျိုယိုမိစ္ဆာဖြစ်စေ၊ စွမ်းအားရှင်

တစ်ဦး ကျဆုံးသွားလေသည်။

ယခု အခိုက်အတန့်တွင်၊ ဤဒေသသည် အကြင်နာတရားကင်းမဲ့ဆုံးသော အသားကြိတ်စက်ကြီး ဖြစ်သွားလေတော့၏။

ယွီချန်သည် ရှင်ကျန်နေသော ကျိုယိုအင်မော်တယ်ဘုရင်တစ်ပါးနှင့် တိုက်ခိုက်ရင်း၊ လျှို့ဝှက်စွာ အမိန့်များ ထုတ်ပြန်နေသည်။

“တခြား ကြယ်တာရာနယ်မြေ ကျင့်ကြံသူအားလုံးကို အကြောင်းကြားလိုက်။ ကျိုယိုမိစ္ဆာတွေ အစစ်အမှန်စကြဝဠာကို ဖောက်ထွက်ဝင်ရောက်လာပြီ။ မင်းတို့တွေ မသေချင်ရင်၊ အမြန်ဆုံး အင်အားဖြည့်တင်းမှုတွေ ပို့လိုက်လို့။”

“ပြီးတော့… ရီအာ ချန်ထားခဲ့တဲ့ အခင်းအကျင်းပြားတွေကို အမြန်ဆုံး ထုတ်ယူ၏။ အဲ့ဒါတွေကိုသုံးပြီး ဒီကျိုယိုမိစ္ဆာတွေကို ခုခံ တိုက်ခိုက်စမ်း”

လုရီသည် ကြိုတင် စီမံထားပြီး ဖြစ်လေ၏။ အကယ်၍ ကျိုယိုမိစ္ဆာများ အစစ်အမှန် စကြဝဠာကို ကျူးကျော်လာခဲ့လျှင် လွှမ်းမိုးနိုင်သော

ကျိုယိုမိစ္ဆာ အရေအတွက်နှင့် နှိုင်းယှဉ်ပါက အင်မော်တယ်ဘုရင်အရေအတွက်က အလွန် နည်းပါးသည်မဟုတ်ပါလား။ လုရီသည် ထိန်းချုပ်ရယူပြီး ကျိုယိုမိစ္ဆာများကို ချေမှုန်းရန် နည်းလမ်းတစ်ခုကို ရှာဖွေခဲ့သည်။

ထို့နောက် လုရီသည် တာအိုအင်မော်တယ်အခင်းအကျင်း ဖန်တီးဖို့ အကြံရခဲ့သည်။

အင်မော်တယ်အရှင်သခင်နယ်ပယ်တွင် ရှိနေစဉ်က၊ သူ စီစဉ်ခဲ့သော တာအိုအင်မော်တယ်အခင်းအကျင်းသည် ကျိုယိုဥမင်ကို တံဆိပ်ခတ်နိုင်ပြီး၊ ကြောက်မက်ဖွယ်ကောင်းသော စွမ်းအားကို ပိုင်ဆိုင်ထားလေသည်။

လုရီသည် တာအိုအင်မော်တယ်အခင်းအကျင်းကို အခင်းအကျင်းပြားများထဲသို့ ရေးထွင်းခဲ့၏။

ပစ္စည်းကန့်သတ်ချက်များကြောင့်နှင့် အခင်းအကျင်းပြား၏ အသက်သွင်းမှုမှာ လုရီကိုယ်တိုင်အပေါ် မမှီခိုသောကြောင့်၊ တာအို

အင်မော်တယ်အခင်းအကျင်း၏ စွမ်းအားမှာ သူ ကျိုယိုဥမင်ကို တံဆိပ်ခတ်ရန် အသုံးပြုစဉ်ကထက် အားနည်းနေ၏။ သို့တိုင်အောင်ပင်

အင်မော်တယ် ဘုရင်အဆင့်ရှိ ကျိုယို မိစ္ဆာများနှင့် ရင်ဆိုင်ရသည့်တိုင် ထိုသူတို့ ပိတ်မိနေရန် စွမ်းစေနိုင်သေးသည်။ လုံလောက်သော အချိန်သာ ပေးလိုက်ပါက၊ ဤအခင်းအကျင်းပြားတို့သည် ကျိုယိုအင်မော်တယ် ဘုရင် တစ်ပါးကိုပင် ချည့်နဲ့သွားစေနိုင်သည်။

သူ၏ အားလပ်ချိန်ကို အသုံးချလျက်၊ လုရီသည် အလုပ်ဆုလာဘ်များမှ အင်မော်တယ်အခင်းအကျင်းများ ဖန်တီးနိုင်သော ပစ္စည်းများအားလုံးကို သုံးစွဲခြင်းဖြင့်၊ တာအို အင်မော်တယ်အခင်းအကျင်းပြား ရာပေါင်းများစွာကို ဖန်တီးခဲ့လေသည်။