ကုန်သွယ်ရေး ဧရိယာ ပြုပြင်ပြောင်းလဲခြင်း

ရှားလော့ခ်သည် ဖိုရမ် စာမျက်နှာများကို အဆက်မပြတ် ပြန်လည် စတင် နေခဲ့သော်လည်း သူ စိတ်ဝင်စားသော အကြောင်းအရာကိုမူ မမြင်တွေ့ခဲ့ရပေ။

သူ၏ အတွေ့အကြုံအရ ငွေအမြောက်အမြား သုံးစွဲကာ ပင့်ကူဂူအသစ်ကို ဖန်တီးပြီးနောက် ဂိမ်းမာများသည် နည်းဗျူဟာ လမ်းညွှန်ကို စိတ်အားထက်သန်စွာ ဆွေးနွေး နေကြပြီး ချီးကျူး ထောပနာ ပြုနေကြသင့်သည်။

တတိယမြောက် စာမျက်နှာတွင် မြေအောက်ပင့်ကူများအကြောင်း အရေးမပါသော ပိုစ့်အချို့ ရှိနေခဲ့သော်လည်း ၎င်းတို့မှာ သနားစရာ ကောင်းလောက်အောင် တုံ့ပြန်မှု နည်းပါး နေခဲ့သည်။

ယခင်စာမျက်နှာသုံးမျက်နှာတွင် ပထမစာမျက်နှာရှိ ပထမဆုံး ပိုစ့်နှင့် အလားတူ အကြောင်းအရာများသာ ရှိနေခဲ့သည်။

[ချမ်းသာသော ဂိမ်းမာနှင့် အစွမ်းထက် ဂိမ်းမာတို့ တစ်ဦးနှင့် တစ်ဦး တိုက်ခိုက်ခဲ့ ကြသည်။ မိုးလက်ဖက်ရည် ရောဂါကြောင့် ဆေးရုံ တင်ထားရသည်။ သူမသည် ဂိုဏ်းခွဲ နတ်ဘုရားမ ဖြစ်သည်။]

အကြောင်းအရာမှာ မိုးလက်ဖက်ရည် နေမကောင်း ဖြစ်ပြီး ဆေးရုံ တင်ထားရခြင်း အကြောင်း ဖြစ်သည်။

အာသာ သူမထံသို့ မည်သည့် အချိန်က သွားရောက်လည်ပတ်ခဲ့သည်ကို မသိရှိရသော်လည်း အခြားသော လျှို့ဝှက် ဆန်းကြယ်သော အစွမ်းထက် ဂိမ်းမာတစ်ဦးနှင့် တွေ့ဆုံခဲ့ပြီး ပဋိပက္ခ တစ်ခု ဖြစ်ပွားခဲ့ကာ သူတို့ တစ်ဦးနှင့် တစ်ဦး တိုက်ခိုက်ခဲ့ကြသည်။

ပိုစ့်တွင် အစွမ်းထက် ဂိမ်းမာမှာ နဂါးမျိုးနွယ်သား ဖြစ်ကြောင်း နည်းလမ်း များစွာဖြင့် အရိပ်အမြွက် ဖော်ပြ ထားခဲ့သည်။

ပိုစ့်မှာ အဆက်မပြတ်သော တုံ့ပြန်မှုများ ရရှိနေခဲ့သည်။

"ဂိမ်းမာတွေနဲ့ ဘာဖြစ်နေတာလဲ။ ငါ ပင့်ကူဂူကို တိုးတက် ကောင်းမွန်အောင် အားထုတ်မှုများစွာ သုံးစွဲခဲ့ပေမဲ့ သူတို့ ဘာတန်ဖိုးထားမှုမှ မပြကြဘူး။ ဒါပေမဲ့ သူတို့က အရေးမပါတဲ့ ဂိမ်းမာ တစ်ယောက်ကိုကျ အရမ်း ဂရုစိုက်နေကြတယ် ဟုတ်လား။" ရှားလော့ခ်က မျက်မှောင်ကြုတ်ရင်း မေးလိုက်သည်။

"ငါတို့ ကမ္ဘာက လူသားတွေတောင် ဘုရင်ကိုပဲ အာရုံစိုက်ကြလိမ့်မယ်၊ မင်းသမီး တစ်ပါးကို မဟုတ်ဘူး။"

"အရှင်ရှားလော့ခ်၊ စိတ်ထဲမထားပါနဲ့။ ဒါက ဟော်မုန်း အလွန်အကျွံ ထွက်ခြင်း ကိစ္စ တစ်ခုပါပဲ။" ဘရုက "မြေပုံအသစ်ရဲ့ အကျိုးသက်ရောက်မှုက အရမ်း ကောင်းပါတယ်။ ဂိမ်းမာတွေ ဂူထဲမှာ သေဆုံးမှုကြောင့် ပစ္စည်းကိရိယာ အမြောက်အမြား ဆုံးရှုံးခဲ့ကြပါတယ်။ ပန်းပဲဆိုင်မှာ တန်းစီ စောင့်ဆိုင်းနေကြတဲ့ ရှည်လျားတဲ့ တန်းစီတန်းတွေအရ ကျွန်တော်တို့ အမြတ်အစွန်း ကောင်းကောင်း ရရှိနေပါတယ်။"ဟု ဆိုလိုက်သည်။

"ကောင်းပြီ၊ ငါ့ အစီအစဉ်အတိုင်း ဆက်လက် တည်ဆောက်ပါ။ ငါ့ ရည်မှန်းချက်က လူနေ ဧရိယာတွေကို ချဲ့ထွင်ဖို့ပဲ။" ရှားလော့ခ်က အမိန့်ပေးလိုက်သည်။

"ကျွန်တော် နားလည်ပါတယ် အရှင်ရှားလော့ခ်။ အရှင့်ရဲ့ သစ္စာရှိ အစေခံ တစ်ယောက်အနေနဲ့ ကျွန်တော့်မှာ အကြံပြုချက်ကောင်း တစ်ခု ရှိပါတယ်။ ကျွန်တော်တို့ ကုန်သွယ်ရေး ဧရိယာမှာ နေရာအကျယ်အဝန်းကြီး တစ်ခု ရှိပေမဲ့ ဆိုင်ခန်းတွေတော့ မရှိသေးပါဘူး။ ဒါက စီးပွားရေးလုပ်ငန်း ဆောင်ရွက်မှုတွေ အတွက် မကောင်းပါဘူး။ ဂိမ်းမာတွေ သူတို့ရဲ့ ကိုယ်ပိုင် ကုန်ပစ္စည်းတွေကို ရောင်းချနိုင်ဖို့ ဆိုင်ခန်းတွေကို လေလံစနစ်နဲ့ ဝယ်ယူခွင့် ပြုလိုက်ဖို့ ကျွန်တော် အကြံပြုပါတယ်။ ဂိမ်းမာတွေ ယာယီဆိုင်ခန်းတွေ တည်ထောင်ပြီး သူတို့ရဲ့ ကုန်ပစ္စည်းတွေကို ရောင်းချနေတဲ့ လမ်းကြောင်းကို ရပ်တန့်ပစ်ရပါမယ်၊ သူတို့ ဆိုင်ခန်းတွေ အတွက် သီးခြား ကန့်သတ်နေရာ တစ်ခု သတ်မှတ်ပေးရပါမယ်။"

ဘရုက "ဟုတ်ပါတယ်၊ ကုန်သွယ်ရေးဆိုင်ခန်း ဖြစ်စေ၊ ယာယီဆိုင်ခန်း ဖြစ်စေ၊ ကျွန်တော်တို့ လုပ်ငန်းဆောင်ရွက်ခ၊ စီမံခန့်ခွဲမှုကြေး၊ ဒန်ဂျင်အလှဆင်ကြေး၊ အခွန်အခများ၊ အသုံးစရိတ်များ၊ အသက်ရှုခ၊ လမ်းအသုံးပြုခနဲ့ တခြားသော အထွေထွေ အခကြေးငွေတွေကို ကောက်ခံရပါမယ်။"ဟု ဆိုလိုက်သည်။

"အင်း၊ မင်း မှန်တယ်။ အဲ့ကျ သူတို့ ဆန္ဒပြမှာ မဟုတ်ဘူးလား။" ရှားလော့ခ်က ခေါင်းညိတ်ရင်း မေးလိုက်သည်။

"သူတို့ မကျေနပ်ကြမှာတော့ သေချာပါတယ်။ ဒါပေမဲ့ ဂိမ်းမာအရေအတွက် သိသိသာသာ တိုးများလာတဲ့ အတွက် ကုန်သွယ်ရေး ဧရိယာမှာ လမ်းလျှောက်ဖို့ နေရာတောင် မရှိသလောက် ဖြစ်နေပါပြီ။ အခြေအနေ ပိုဆိုးမလာအောင် တားဆီးဖို့ ကျွန်တော်တို့ အတိုင်းအတာ တစ်ခုအထိ ဆောင်ရွက်ရပါလိမ့်မယ်။" ဘရုက မာန်ပါပါ ဆိုလိုက်သည်။

ရှားလော့ခ်က ခေါင်းညိတ်ကာ ဘရု၏ အကြံပြုချက်ကို အသုံးချရန် ဆုံးဖြတ်လိုက်သည်။

ရှားလော့ခ်သည် ဆိုင်ခန်းများနှင့် ယာယီဆိုင်ခန်းများ အတွက် အပ်ဒိတ် တစ်ခု ဖန်တီးရန် လိုအပ်သည်ဟု မခံစားမိဘဲ မူရင်းပိုစ့်တွင် အသေးစိတ် အချက်အလက်များ ထပ်ထည့်ရန်သာ လိုအပ်ခဲ့သည်။ ထို့နောက် သူ ဂိမ်းမာများအား အစီအစဉ်ကို အကောင်အထည် ဖော်ခွင့် ပြုလိမ့်မည်။

...

ကြက်ဥခေါင်းသည် သူ၏ အသိုက်တွင် အိပ်ပျော် နေခဲ့သည်။ မနေ့က အရှင်ရှားလော့ခ် အပြင်ထွက်နေစဉ် သူ ကွန်ပျူတာ ဂိမ်းများကို အချိန်ကြာမြင့်စွာ ခိုးကစားခဲ့သည်။

သူ တန်ရာတန်ကြေး ပေးဆပ် ရမည် ဖြစ်သည်။ သူ အနားမယူမီ ရှားလော့ခ် သူ့ကို ခေါ်ယူလိုက်သည်။

"ငါ မရှိတုန်း မင်း တစ်ညလုံး ဂိမ်းကစား နေခဲ့တာလား။"

ကြက်ဥခေါင်း ထိတ်လန့်ခြင်း မရှိခဲ့ပေ။ သူ၏ အနက်ရောင် အသားအရေကြောင့် သူ၏ မျက်ကွင်းညိုများကို မြင်တွေ့နိုင်ဖွယ် မရှိခဲ့ပေ။

" မဟုတ်ပါဘူး၊ ကျွန်တော် မလုပ်ခဲ့ပါဘူး။ ကျွန်တော် မနေ့ညက နှစ်နှစ်ခြိုက်ခြိုက် အိပ်ပျော်ခဲ့ပါတယ်။"

ဘရုက ရှားလော့ခ်အား "သူ မနက် ၃ နာရီမှာ အော့ဖ်လိုင်း ဖြစ်သွားခဲ့တယ်"ဟု တိုးတိုးလေး ပြောကြားနေသည်ကိုတော့ ကြက်ဥခေါင်း မသိခဲ့ပေ။

"ငါ မင်းကို မစ်ရှင် တစ်ခု ပေးမယ် ကြက်ဥခေါင်း။"

ရှားလော့ခ်သည် ဒန်ဂျင်အရှင် ခန်းမဆောင်ရှိ ဆိုးဆေးပုံး အနည်းငယ်ကို လက်ညှိုးထိုး ပြလိုက်ပြီး မျက်လုံးများကို အားစိုက်ဖွင့်ရန် ကြိုးစားနေသော ကြက်ဥခေါင်းအား "အစိမ်းရောင် အသားအရေ ရှိတဲ့ သတ္တဝါအချို့ကို ခေါ်ပြီး မျဉ်းတွေ ဆွဲခိုင်းလိုက်။"ဟု ဆိုလိုက်သည်။

...

ကြက်ဥခေါင်းသည် ဒန်ဂျင်အရှင် ခန်းမဆောင် အပြင်ဘက် ရင်ပြင်ရှိ ဆိုးဆေးပုံး များစွာ ဘေးတွင် ရပ်နေခဲ့သည်။ သူ စုရုံးနေသော လူအုပ်ကြီးထဲမှ ဂိမ်းမာ အနည်းငယ်ကို ကျပန်း ရွေးချယ်ကာ ကုန်သွယ်ရေး ဧရိယာသို့ ခေါ်ဆောင်သွားခဲ့သည်။

ရွေးချယ်ခံရသော ဂိမ်းမာများ ကြွေးကြော်ကြပြီး ရွေးချယ်မခံရသော သူများမှာ မကျေမနပ် ပြောဆိုကာ အခြားမစ်ရှင်များ လုပ်ဆောင်ရန် ထွက်ခွာ သွားကြသည်။

ကုန်သွယ်ရေး ဧရိယာသို့ သွားရာလမ်းတွင် ကြက်ဥခေါင်းနောက်မှ ဂိမ်းမာများသည် အဆက်မပြတ် စကားစမြည် ပြောဆို နေကြသည်။

"ဆယ်ဗားနပ်စ်က ကောလာဟလတွေကို ဖြေရှင်းလိုက်ပြီ။ သူက အာသာ မိုးလက်ဖက်ရည်ကို သွားတွေ့ခဲ့တာ မှန်ပေမဲ့ နဂါးမျိုးနွယ်သားနဲ့ မတိုက်ခိုက်ခဲ့ဘူးလို့ ပြောတယ်။"

"အလိုလေး၊ တကယ်လား။ ဒါက ကောလာဟလတွေကို ဖြေရှင်းတာ မဟုတ်ဘူး၊ အမှန်တရားကို အတည်ပြုတာပဲ။"

"အာသာက မိုးလက်ဖက်ရည်ရဲ့ တည်နေရာကို ဘယ်လို သိတာလဲ။ နဂါးမျိုးနွယ်သားက,ကော ဘယ်လို သိတာလဲ။"

"ငါ ဘယ်လို သိနိုင်မှာလဲ။"

"နောက်ဆုံးပေါ် ၈၁၈ (အတင်းအဖျင်းသတင်း)ကို စောင့်လိုက်ပါ။"

...

ကြက်ဥခေါင်းသည် သူတို့ ပြောဆိုသည်များကို နားမလည်ခဲ့သလို စိတ်ဝင်စားခြင်းလည်း မရှိခဲ့ပေ။ သူ ရှားလော့ခ်၏ မစ်ရှင်ကို ပြီးမြောက် အောင်မြင်စေပြီး အိပ်စက်ရန် ပြန်သွားလိုခဲ့သည်။

"အဲဒါ... ငါ ကြည့်လိုက်ဦးမယ်..."

ကြက်ဥခေါင်းသည် မြေပြင်ပေါ်တွင် ထိုင်ကာ သူ၏ ရှည်လျားသော အမြီးကို သူ၏ နောက်ကျောတွင် ထားလိုက်ပြီး ရှားလော့ခ်၏ ပုံကြမ်းကို ဆုပ်ကိုင်ကာ စစ်ဆေး ကြည့်ရှု ခဲ့သည်။

"ဒီနေရာကနေ မျဉ်းစဆွဲလိုက်။"

"အဲဒီနေရာအထိ တောက်လျှောက်ပဲ။ ပြီးရင် နှစ်မီတာအကွာအဝေး ချန်ထားပြီး နောက်ထပ် မျဉ်းတစ်ကြောင်း ထပ်ဆွဲလိုက်။ အင်း၊ ဒါပဲ။" ကြက်ဥခေါင်းက လျှောက်သွားပြီး ဆိုလိုက်သည်။

ဂိမ်းမာများသည် ကြက်ဥခေါင်းထံမှ ဆိုးဆေးပုံးများနှင့် စုတ်တံများကို ရယူပြီးနောက် အလုပ် စတင်ခဲ့ကြသည်။

အလုပ်မှာ မရှုပ်ထွေးခဲ့ပေ။ အမှန်မှာ ကောင်းမွန်သော ဆုလာဘ်များဖြင့် အပန်းဖြေစရာ ဖြစ်ခဲ့သည်။ ဂိမ်းမာများသည် ဇွဲလုံ့လရှိရှိဖြင့် အလုပ်လုပ် နေကြပြီး မကြာမီ သူတို့ သေတ္တာနေရာပုံစံ ထောင်ပေါင်းများစွာ ဆွဲသားပြီး ဖြစ် နေခဲ့သည်။

၎င်းတို့သည် ကုန်သွယ်ရေး ဧရိယာ၏ နံရံများနှင့် နီးကပ်စွာ မျဉ်းတားထားပြီး ကားပါကင်နေရာများ ကဲ့သို့ ပုံစံပေါက် နေခဲ့သည်။

အလုပ် ပြီးဆုံးပြီးနောက် ကြက်ဥခေါင်းသည် ဂိမ်းမာများအား နံရံပေါ်တွင် ဆေးခြယ်ရန် အမိန့် ပေးလိုက်သည်။

ပုံဆွဲခြင်းများ ပြီးဆုံးပြီးနောက် ကြက်ဥခေါင်းသည် လက်ခုပ်တီးလိုက်ပြီး "ငါတို့ ပြီးပြီ။ အနာဂတ်မှာ မင်းတို့ ဒီနေရာမှာပဲ ဆိုင်ခန်းတွေ တည်ထောင်နိုင် တော့မယ်။ စည်းကမ်းတွေ ဖောက်ဖျက်ရင် ပြစ်ဒဏ်တွေ ခံရလိမ့်မယ်။" ဟု ဆိုလိုက်သည်။

ဂိမ်းမာများ အံ့ဩတကြီး ပါးစပ်အဟောင်းသား ဖြစ်နေစဉ် ကြက်ဥခေါင်းက ပြောဆိုလိုက်သည်။

ဂိမ်းမာတစ်ဦးက "အလိုလေး။ တရားဝင် ဆွေးနွေးခန်းဖိုရမ်မှာ သတင်း တစ်ခု ရှိနေတယ်။ ဂိမ်းက အပ်ဒိတ် လုပ်ထားတယ်ရော။ ဒီတစ်ခါ ဆိုင်ခန်းတွေနဲ့ ဆိုင်ခုံတွေ တည်ထောင်တာနဲ့ ပတ်သက်တယ်တဲ့ ။"ဟု အော်ဟစ်လိုက်သည်။