လေမိုးကြိုးမြှားအတတ်။ မိုးပြာပင်လယ်ဧရိယာ။ (၂)

"အင်း ငါ့နာမည် လီထိုက်လေ့။ ဒါက ငါ ပထမဆုံး ပင်လယ်ထွက်တာဘဲ" စူးချန်ခုန်းက နာမည်လွဲပြောပြီး ခေါင်းညိတ်လိုက်သည်။

"ဒါဆို နောက်ကျရင် သတိထား"

လူလတ်ပိုင်းအရွယ် အမျိုးသားက သတိပေးပြီးသည်နှင့် နောက်တစ်ကြိမ် နှုတ်ဆိတ်သွားပြန်၏။

“ဝူး!”

ဧရာမ ဝေလငါးဂိုဏ်းမှ သိုင်းပညာရှင်များသည် လှော်ခတ်ပြီး အမြန်လှေလေးစင်းသည် အဝေးမှ ထူထပ်သော မြူများဆီသို့ လျင်မြန်စွာ ဦးတည်သွားကြသည်။

ယခုအချိန်သည် အရုဏ်တက်ချိန်ဖြစ်ပြီး ကောင်းကင်ကြီးက မှောင်မိုက်နေဆဲပင်။ ပင်လယ်ပြင်မှာ မြူခိုးတွေ လွင့်မျောနေ၏။ သတ်မှတ်ထားသော အကွာအဝေးတွင် စူးချန်ခုန်းသည် မြူခိုးများကြား၌ လေနှင့်အတူ ရွက်လွှင့်နေသော ဖြည်းညှင်းစွာ ရွေ့လျားနေသည့် အခြားသင်္ဘောတစ်စီး၏ ပုံသဏ္ဍာန်ကို ဖမ်းနိုင်ခဲ့သည်။ ဤသင်္ဘောပေါ်ရှိ လူအများစုသည် ရက်အတော်ကြာ ရွက်လွှင့်ပြီးနောက် အနားယူနေကြပုံရပြီး ကုန်းပတ်ပေါ်တွင် စောင့်ကြည့်နေကြသည့် မီးခိုးရောင်ဝတ်ထားသည့် ၀တ်စုံဖြင့် အမျိုးသားများ ရှိကာ အားလုံးမှာ ပင်ပန်းနွမ်းနယ်နေပုံရသည်။

သင်္ဘောပေါ်တွင် ဖြတ်သန်းနေရသော ဘဝသည် အလွန်ပင် ပင်ပန်းလွန်းလှသည်။

အမြန်ရေယာဉ်လေးစင်းသည် သင်္ဘောအနီးသို့ တိတ်တဆိတ် ချဉ်းကပ်လာသောအခါ လှေတစ်စင်းစီမှ ခေါင်းဆောင်များက အချက်ပြလိုက်ကြသည်။

နောက်တစ်စက္ကန့်မှာတော့ လူတိုင်းက သံကြိုးတွေ လှုပ်ပြီး တပြိုင်နက် လှုပ်ရှားကြလေ၏။ ကြိုးများ၏အဆုံးတစ်ဖက်တွင် သင်္ဘောပေါ်တက်ရန်အတွက် အထူးထုတ်လုပ်ထားသည့် သတ္တုချိတ်များပါရှိသည်။

“ဒုတ် ဒုတ် ဒုတ်”

သိုင်းပညာရှင်တို့၏ သန်မာသော လက်မောင်းအားများဖြင့် ချိတ်များသည် ပျံထွက်သွားပြီး သင်္ဘောကုန်းပတ်အစွန်းတွင် ချိတ်ကာ သစ်သားထဲသို့ ထိုးဖောက်ဝင်ရောက်သွားသည်။

ထို့နောက် တစ်ယောက်ပြီး တစ်ယောက် ခြေရော လက်ရော အသုံးပြုကာ မျောက်ဝံများထက်ပင် ပို၍ သွက်လက်စွာဖြင့် ကုန်းပတ်ဆီသို့ တက်လာကြသည်။

သိုင်းပညာရှင်အချို့သည် ရေထဲသို့ တိုက်ရိုက်ခုန်ဆင်းကာ သင်္ဘောကိုယ်ထည်ဆီသို့ ချဉ်းကပ်ကာ ဘေးဘက်သို့ တက်ခဲ့ကြသည်။

ထိုသို့သော စစ်ဆင်ရေးတွင် ပါဝင်ကြသူများသည် ခန္ဓာကိုယ် သန့်စင်မှုတွင် မဟာအောင်မြင်မှုများ ရရှိထားကြသော အထက်တန်းအဆင့် တိုက်ခိုက်ရေးသမားများ အပါအဝင် ခွန်အားသန့်စင်ခြင်းနယ်ပယ် အထက်မှ ကျွမ်းကျင်ပညာရှင်များ ဖြစ်ကြသည်။

သိုင်းပညာရှင်များ သင်္ဘောပေါ်ကို တစ်ယောက်ပြီးတစ်ယောက် တက်လာကြလေ၏။

စူးချန်ခုန်းသည် အမြန်လှေမှ လူအာလုံး ထွက်ခွာသွားသည်အထိ တိတ်တဆိတ် စောင့်ဆိုင်းနေခဲ့ပြီး နောက်ဆုံးတွင် သူ မလှုပ်ရှားမီ ခုန်တက်ရန် သူ့ခြေထောက်များ အနည်းငယ် ကွေးလိုက်သည်။

“ဝုန်း!”

စူးချန်ခုန်းအောက်ရှိ အမြန်လှေသည် တုန်ခါပြီး လှုပ်သွားကာ ရေပြင်ပေါ်တွင် လှိုင်းလုံးများ ဖြစ်ပေါ်လာသည်။ ထိုအချိန်တွင် သူသည် ချောက်နက်ကြီးကို ခုန်ကူးလိုက်သော ကျားတစ်ကောင်အလား မီတာများစွာကို ကျော်လွန်ကာ လေထဲသို့ ခုန်လျက် သင်္ဘောကုန်းပတ်ပေါ်သို့ တည်တည်ငြိမ်ငြိမ် ဆင်းသက်သွားလေ၏။

"ခန္ဓာကိုယ်သန့်စင်ခြင်း မဟာအောင်မြင်မှုအဆင့်လား?"

ဧရာမဝေလငါးဂိုဏ်းမှ သိုင်းပညာရှင်တစ်ဦးသည် ထိုမြင်ကွင်းကိုမြင်တွေ့ပြီး စိတ်ထဲတွင် တုန်လှုပ်သွားခဲ့သည်။ ခန္ဓာကိုယ် သန့်စင်ခြင်းမဟာအောင်မြင်မှု ရှိသူသာလျှင် ထိုကဲ့သို့ ပေါက်ကွဲနိုင်သော စွမ်းအားနှင့် ခုန်ပေါက်နိုင်သော စွမ်းရည်ကို ပိုင်ဆိုင်နိုင်မည်ဖြစ်သည်။ ဧရာမဝေလငါးဂိုဏ်းအတွင်း၌ပင် ထိုသို့သောပုဂ္ဂိုလ်သည် အထက်တန်းအဆင့်အဖြစ် သတ်မှတ်ခံရမည်ဖြစ်ပြီး သူတို့သည် ပိုမိုတိုးတက်လာပါက ဒုတိယခန်းမခေါင်းဆောင်ရာထူးကို ရနိုင်ရန်ပင် အရည်အချင်းပြည့်မီမည်ဖြစ်သည်။

"အဲဒီမှာ ဘယ်သူလဲ"

သင်္ဘောပေါ်တက်လာသည့် ရုန်းရင်းဆန်ခတ်အသံက မီးခိုးရောင် ၀တ်ထားသော အမျိုးသားများကို ထိတ်လန့်တကြား အော်ဟစ်စေခဲ့သည်။

အိပ်နေသည့် သို့မဟုတ် အနားယူနေသည့် သင်္ဘောသားများသည်လည်း အခန်းများထဲမှ ရုတ်တရက် ဓားများကိုင်ဆောင်ကာ ထွက်လာကြပြီး သင်္ဘောပေါ်တက်လာသော ဧရာမဝေလငါးဂိုဏ်းသားများကို ရင်ဆိုင်ရန် အသင့်ပြင်ထားလေ၏။

"လူကြီးမင်းတို့၊ မပြောမဆိုဘဲ ရောက်ချလာတာ ဘာအဓိပ္ပါယ်များလဲ။” မုတ်ဆိတ်မွေးနှင့် ကပ္ပတိန်ဖြစ်နိုင်သည်ဟု ယူဆရသော လူတစ်ယောက်က တိတ်တဆိတ် စီးနင်းလာသော ကျူးကျော်သူများသည် သာမန်လူများမဟုတ်ကြောင်း သတိပြုမိရာ စိုးရိမ်တကြီး အော်ပြောလိုက်လေ၏။

"မင်းတို့က ဘယ်သူ့ရဲ့ ကုန်သွယ်ရေယာဉ်စုကလဲ။ ငါတို့က ဧရာမဝေလငါးဂိုဏ်းထဲက သိုင်းပညာရှင်တွေပဲ။ မင်းတို့ရဲ့အထောက်အထားတွေကို ငါတို့အတည်ပြုရမယ်။"

ဧရာမဝေလငါးဂိုဏ်းမှ အဖွဲ့ဝင်တစ်ဦးက ခက်ထန်စွာ ကြေညာလိုက်သည်။

အကယ်၍များ ဒီသင်္ဘောကြီးပေါ်က လူတွေက ဧရာမဝေလငါးဂိုဏ်းကို အကာအကွယ်ပေးရတဲ့ ကုန်သည်တွေဖြစ်ရင် အားလုံးအဆင်ပြေသွားလိမ့်မည်။ သို့ပေမယ့် သူတို့ဟာ ပင်လယ်ဓားပြတွေဆိုရင်...

"ဧရာမ ဝေလငါးဂိုဏ်း?"

မုတ်ဆိတ်မွေးနှင့်လူနှင့် အခြားအမှုထမ်းများ၏ မျက်နှာများသည် ထိုနာမည်ကြောင့် ဖျော့တော့သွားလေ၏။ မိုးပြာပင်လယ်မှာရှိတဲ့ ဧရာမဝေလငါးဂိုဏ်းရဲ့ ကြောက်စရာကောင်းတဲ့ ဂုဏ်သတင်းကို လူတိုင်းသိကြပါသည်။

"သူတို့ကိုသတ်ပစ်!"

မကြာမီ မုတ်ဆိတ်မွေးနှင့်လူ၏ မျက်နှာသည် ရက်စက်ကြမ်းကြုတ်သော မျက်နှာထားဖြင့် ကျယ်လောင်စွာ ကြွေးကြော်လိုက်သည်။ သူတို့သည် ဧရာမဝေလငါးဂိုဏ်းမှ သိုင်းပညာရှင် ဖြစ်သောကြောင့် ငြိမ်းငြိမ်းချမ်းချမ်း ဆုံးဖြတ်ချက်ချရန် မဖြစ်နိုင်ကြောင်း သူ သိသည်။ တစ်ခုတည်းသော ရွေးချယ်စရာမှာ သူတို့ကို ဖယ်ရှားပြီး ဤနေရာမှ တတ်နိုင်သမျှ မြန်မြန် ရွက်လွှင့်ရန် ဖြစ်သည်။

"အားလုံးကိုသတ်ပစ်!"

ဧရာမဝေလငါးဂိုဏ်းမှ အဖွဲ့ဝင်များကလည်း ဤသင်္ဘောသားများသည် သူတို့၏ အထောက်အထားများကို စစ်ဆေးရန် ကြောက်လန့်နေကြကြောင်းနှင့် မိုးပြာပင်လယ်တွင် ဖြတ်သန်းသွားသော သင်္ဘောများကို လုယက်နေသော ပင်လယ်ဓားပြများ သေချာလုနီးပါးရှိကြောင်း သဘောပေါက်လိုက်ကြသည်။ သူတို့ကို ငဲ့ညှာနေစရာ မလိုတော့။

“သတ်!”

နှစ်ဖက်စလုံးက လက်နက်ဆွဲကာ အပိုစကားမဆိုဘဲ စိတ်အားထက်သန်စွာဖြင့် သေသည်အထိ အပြင်းအထန် တိုက်ပွဲကို စတင်လိုက်ကြသည်။

မီးခိုးရောင်ဝတ်စုံနှင့် ပင်လယ်ဓားပြသည် စူးချန်ခုန်းဆီသို့ ကြမ်းတမ်းခက်ထန်သော လေပြင်းများသယ်ဆောင်လာသည့် ဓါးဖြင့် ခုတ်လွှဲရင်း သူ့မျက်နှာက ယုတ်မာစွာဖြင့် တွန့်ချိုးနေ၏။

"ဘုန်း!"

သို့ပေမယ့် နောက်တစ်စက္ကန့်မှာ စူးချန်ခုန်း ခြေထောက်ကို မြှောက်ပြီး သူ့ကို ကန်ထုတ်လိုက်သည်။ ထိုပင်လယ်ဓားပြသည် ဝမ်းဗိုက်ထိပြီး သူရောက်လာသည့် နေရာထက်ပင် လျှင်မြန်စွာ လွင့်ပျံသွားလေ၏။ သူ့အတွင်းပိုင်းတွေ ကွဲထွက်ပြီး အရိုးတွေ တွန့်လိမ်ကာ သူ့နောက်က တခြားပင်လယ်ဓားပြတွေနဲ့ တိုက်မိပြီး ကျိုးပဲ့နေတဲ့ အလောင်းတွေ အပုံလိုက်ဖြစ်သွားလေ၏။

“အားနည်းလွန်းတယ်…”

စူးချန်ခုန်းသည် အတန်ငယ် ပျင်းရိလာပြီး တိုက်ပွဲဝင်ရန် မည့်သည့်အရာကမှ စိတ်ဝင်စား‌ဖို့ ကောင်းမနေပေ။ ဤပင်လယ်ဓားပြအများစုသည် ခွန်အားသန့်စင်ခြင်း နယ်ပယ်တွင်သာရှိပြီး စွမ်းအားများက အကန့်အသတ်နှင့်။ မုတ်ဆိတ်မွေးနှင့် ခေါင်းဆောင်တစ်ဦးတည်းကသာ အစွမ်းအစရှိသဖြင့် နတ်ဘုရားခွန်အားနယ်ပယ်ရှိ ဧရာမ ဝေလငါးဂိုဏ်း၏ တပည့်သုံးဦးကို ဆုတ်ခွာအောင် လုပ်နိုင်သည်။

သို့သော်လည်း ဧရာမဝေလငါးဂိုဏ်း၏ ထိပ်တန်းအဖွဲ့ဝင်များထဲတွင် ကိုယ်ခံအားကောင်းမွန်သော မဟာအောင်မြင်မှု နတ်ဘုရားရဲစွမ်းသတ္တိနယ်ပယ်အဆင့် သိုင်းပညာရှင်များ ရှိပါသည်။

“ရွှီး!”

နတ်ဘုရားရဲစွမ်းသတ္တိနယ်ပယ်အဆင့် သိုင်းပညာရှင်တစ်ဦးက လှုပ်ရှားလိုက်ပြီး မုတ်ဆိတ်မွေးနှင့်လူကို ချက်ချင်း အနိုင်ယူကာ ခုနစ်ကြိမ် သို့မဟုတ် ရှစ်ကြိမ်အတွင်းတွင် ခေါင်းဖြတ်လိုက်လေ၏။

"ခေါင်းဆောင်သေပြီ"

"ပြေးကြတော့!"

တစ်ဖက်သတ် အစုလိုက် အပြုံလိုက် သတ်ဖြတ်ခံရသော ကျန်ပင်လယ်ဓားပြများသည် သူတို့၏ ခေါင်းဆောင်က ရန်သူ့လက်ချက်ကြောင့် အလွယ်တကူ အသတ်လိုက်ခံရကြောင်း သဘောပေါက်ကာ ထိတ်လန့်တုန်လှုပ်သွားကြသည်။ အများအပြားက ရေထဲသို့ ခုန်ဆင်းရန် ရွေးချယ်ခဲ့ကြသည်။

သူတို့သည် ကမ်းနှင့်ဝေးနေသောကြောင့် ရေထဲသို့ခုန်ချသူများသည် အစာငတ်ခြင်း သို့မဟုတ် ရေနစ်ခြင်းအထိ ဖြစ်တတ်သည်။

တိုက်ပွဲပြီးဆုံးရန် သိပ်မကြာလိုက်ပါ။

"ဂိုဏ်းခေါင်းဆောင်ငယ်လေးကို အကြောင်းကြားလိုက်။ ငါတို့ ဖြေရှင်းပြီးပြီလို့။ ကျန်တဲ့သူတွေအားလုံး သင်္ဘောကို ရှာဖွေပြီး အသက်ရှင်ကျန်ရစ်သူတွေ ရှိမရှိ လိုက်ကြည့်ကြ။"

ခန္ဓာကိုယ် သန့်စင်မှု မဟာအောင်မြင်မှုအဆင့်ရှိသော ဧရာမ ဝေလငါးဂိုဏ်းမှ လက်ရွေးစင်တစ်ယောက်က ချက်ချင်း အမိန့်ပေးခဲ့သည်။

“ဟုတ်ကဲ့”

လူတိုင်း နားလည်ကာ ခေါင်းညိတ်ပြပြီး အဖိုးတန်ပစ္စည်းများအတွက် သင်္ဘောကို စတင်ရှာဖွေကြသည်။

ဧရာမဝေလငါးဂိုဏ်း၏ စည်းမျဉ်းများအရ ဦးခေါင်းအရေအတွက်ကို အခြေခံ၍ ပင်လယ်ဓားပြများကို သတ်ဖြတ်ခြင်းအတွက် ဆုလာဘ်များသာမက သူတို့ကဲ့သို့ ရှေ့တန်းစစ်မျက်နှာတွင် တိုက်ပွဲဝင်သူများသည်လည်း စစ်ပွဲ၏ လုယက်မှုများထဲမှ ရွေးချယ်ပိုင်ခွင့် ရှိသည်။ ထို့ကြောင့် သူတို့က ရှေ့တန်းတက်ရန် အလွန်စိတ်အားထက်သန်နေခဲ့ကြတာပင်။

စူးချန်ခုန်းသည် သင်္ဘောကိုရှာဖွေရာတွင် အခြားသူများနှင့်ပူးပေါင်းကာ ငွေနှစ်ဆယ် သို့မဟုတ် သုံးဆယ်ကို ရှာဖွေတွေ့ရှိခဲ့သည်။ ဒီပမာဏက သူ့အတွက်တော့ သေချာပေါက် နည်းနည်းလေးဖြစ်သည်။