သေမင်းနတ်ဘုရားလိုဏ်ဂူ

လီဖူချန်းရဲ့ရေ‌နတ်ဘုရားအုတ်ဂူသို့ခရီးက အကြိုနတ်ဘုရားအသုံးအဆောင်ပစ္စည်းအတွက်ပဲဖြစ်တယ်။

စကြာဝဠာထဲမှာ အကြိုနတ်ဘုရားလက်နက်တွေရှိတဲ့နေရာအနည်းငယ်သာရှိတယ်။ နှိုင်းစာမယ်ဆိုရင် ရေနတ်ဘုရားအုတ်ဂူက ဘေးကင်းတဲ့အထဲမှာ ပါတယ်လို့ ဆိုနိုင်တယ်။ ဥပမာအားဖြင့် စကြာဝဠာရဲ့နံပါတ်တစ်အန္တရာယ်နယ်မြေဖြစ်တဲ့အင်းဆက်နတ်ဘုရားစစ်မြေပြင်က တစ်ချိန်တုန်းက မျိုးနွယ်စုတစ်ရာနဲ့အင်းဆက်မျိုးနွယ်အကြားအဓိကစစ်မြေပြင်ဖြစ်ခဲ့တယ်။ အကြိုနတ်ဘုရားတော်တော်များများက ထိုနေရာမှာ သေခဲ့တယ်၊ ဒါကြောင့် အကြိုနတ်ဘုရားအသုံးအဆောင်ပစ္စည်းတွေ ထိုနေရာမှာရှိတာ သဘာဝပါပဲ။ ဒါပေမယ့် အကြိုနတ်ဘုရားတွေက အင်းဆက်နတ်ဘုရားစစ်မြေပြင်ကို အလွယ်တကူခြေမချရဲဘူး၊ အကြောင်းက‌တော့ ၎င်းက အင်းဆက်မျိုးနွယ်ရဲ့အသိုက်နဲ့ချိတ်ဆက်ထားလို့ပဲ။ ထိုနေရာမှာ အင်းဆက်မျိုးနွယ်အကြိုနတ်ဘုရားတွေတောင် ရှိချင်ရှိနိုင်တယ်။

"ငါ ရေနတ်ဘုရားသုံးခွမှိန်းကို ရရင် အပြင်ရောက်တဲ့အခါ ရေတာအိုကို အလုံးစုံတတ်သိနားလည်ခြင်းအဆင့်ထိ ကျင့်ကြံရမယ်"

လီဖူချန်းက စိတ်ထဲမှာ တွေးလိုက်တယ်။

"မင်းတို့နှစ်ယောက် ကမ္ဘာနှလုံးသားထဲကို အရင်ဝင်နေလိုက်"

Li Fuchen took Yan Qingwu and the werewolf incarnation into the heart of the world.

လီဖူချန်းက ရန်ချင်းဟူနဲ့သမန်းဝံပုလွေလူဝင်စားတို့ကို ကမ္ဘာနှလုံးသားထဲကို ထည့်လိုက်တယ်။

ရေနတ်ဘုရားနန်းတော်ကို ဝင်ရောက်ဖို့က အန္တရာယ်များလွန်းတယ်၊ လီဖူချန်းတစ်ယောက်တည်းလှုပ်ရှားတာက ပိုအဆင်ပြေပါလိမ့်မယ်။

ဖောက်.......

အပြာရင့်ရောင်ရေဖန်သားပြင်ကို ဖြတ်ပြီးနောက် လီဖူချန်းရဲ့ရေနတ်ဘုရားနန်းတော်ရဲ့စင်္ကြံလမ်းကို ရောက်ရှိလာတယ်။

ရုတ်တရက် ရေနတ်ဘုရားအစောင့်အားလုံးက လီဖူချန်းကို သတိပြုမိသွားတယ်။

သူ့မှာ ရွေးချယ်စရာမရှိခဲ့ပါဘူး၊ ဒီနေရာမှာ သူ့ကိုယ်သူဖုံးကွယ်ဖို့နည်းလမ်းတစ်ခုမှ မရှိလို့လေ။ လီဖူချန်းက သူ့ရဲ့ချီတည်ရှိမှုကို ဖုံးကွယ်ရင်တောင် သူ့ရဲ့ရန်သူက သူ့ကို ပကတိမျက်စိနဲ့ မြင်နိုင်ပါလိမ့်မယ်။

ကမ္ဘာဦးမူလလက်ကောက်က ကမ္ဘာဦးချပ်ဝတ်နဲ့ကမ္ဘာဦးဓားအဖြစ်သို့ ပြောင်းသွားတယ်။ လီဖူချန်းက အသက်ကို တစ်ချက်ရှုကာ ရှေ့ကို တစ်ဟုန်ထိုးပြေးသွားတယ်။

ဝုန်း ဝုန်း ဝုန်း....

အရင်က ရေနတ်ဘုရားအုတ်ဂူထဲမှာ ဘယ်အဆင့်နိမ့်ရေနတ်ဘုရားအစောင့်မဆို လီဖူချန်းကို ရိုက်နှက်နိုင်တယ်။ ဒါပေမယ့် အခုတော့ မတူတော့ဘူး။ ဒီလောက်များတဲ့ရေနတ်ဘုရားအစောင့်တွေနဲ့ ရင်ဆိုင်ရတဲ့အခါ လီဖူချန်းက သူ့ဓားကို ဝှေ့ယမ်းလိုက်တယ်၊ ဆောင်းလေက ကြွေကျနေတဲ့သစ်ရွက်တွေကို ရိုက်ခတ်သွားသလိုမျိုးပေါ့။ အဆင့်နိမ့်ဒါမှမဟုတ်အလယ်ဆင့်စကြာဝဠာရတနာဖြစ်စေ၊ သူတို့အားလုံးကို ခြောက်သွေ့သွားတဲ့သစ်ကိုင်းငယ်တွေပမာ လွင့်ထွက်သွားကြတယ်။

ဒါပေမယ့် ရေနတ်ဘုရားအစောင့်တွေကို သတ်ဖို့က မဖြစ်နိုင်ဘူး။ တစ်ယောက်ကို သတ်ဖို့တောင် အချိန်အများကြီးလိုအပ်လိမ့်မယ်။ စင်္ကြံလမ်းထဲရှိရေနတ်ဘုရားအစောင့်အားလုံးကို သတ်ဖို့ အချိန်ဘယ်လောက်လိုမှန်း မသိနိုင်ဘူး။ လီဖူချန်းရဲ့ရည်ရွယ်ချက်က ရေနတ်ဘုရားနန်းတော်ထဲကို အရင်ပြေးဝင်သွားနိုင်ဖို့ပဲ။

တစ်ခဏအတွင်း လီဖူချန်းက သူ့ရဲ့နည်းလမ်းအတိုင်း ဖြတ်ကျော်ကာ ရေနတ်ဘုရားနန်းတော်ရဲ့ဝင်ပေါက်ကို ရောက်ရှိလာတယ်။

"ဒီလောက်များတဲ့ရေနတ်ဘုရားအစောင့်တွေ"

လီဖူချန်းက အထဲကို ကြည့်လိုက်မိပြီး အသက်ရှုမနိုင်ဖြစ်သွားရတယ်။ ရေနတ်ဘုရားနန်းတော်အတွင်းပိုင်းက စကြာဝဠာတစ်ခုနဲ့တူတယ်။ နေရာလပ်ဇုန်က ကြီးမားပြီး တစ်ယောက်မှ အဆုံးကိုမမြင်နိုင်ဘူး။

အကြည့်တစ်ချက်မျှနဲ့ လီဖူချန်းက အဆင့်နိမ့်ရေနတ်ဘုရားအစောင့်တစ်ထောင်၊ အလယ်ဆင့်ရေနတ်ဘုရားအစောင့်တစ်ရာနီးပါးနဲ့ အဆင့်မြင့်ရေနတ်ဘုရားအစောင့်ငါးယောက်တို့ကို သတိပြုမိခဲ့တယ်။

လီဖူချန်းက တွက်ချက်လိုက်တယ်၊ သူက အဆင့်နိမ့်ရေနတ်ဘုရားအစောင့်တစ်ယောက်ကို တစ်ယောက်ချင်းစီးအနေအထားမှာ အလွယ်တကူရင်ဆိုင်နိုင်ပါတယ်။

ဆယ်ယောက်တစ်ယောက်ဆိုရင် အတော်လေး ဒုက္ခများပြီး စွမ်းအင်အမြောက်အများလိုအပ်ပါလိမ့်မယ်။

အယောက်နှစ်ဆယ်ဆိုရင် လီဖူချန်းက ယုံကြည်ချက်မရှိတော့ဘူး။

အယောက်တရာဆိုရင် တိုက်ပွဲက ဆက်သွားရင် လီဖူချန်းက သေချာပေါက်ရှုံးနိမ့်ရမှာပဲ။

အယောက်တစ်ထောင်ဆိုရင် လီဖူချန်းက ပိတ်မိကာ မလွတ်မြောက်နိုင်တော့ဘဲ သူက သေချာပေါက်သေရပါလိမ့်မယ်။

ထပ်ပြောရရင် အဆင့်နိမ့်ရေနတ်ဘုရားအစောင့်တွေအပြင် အလယ်ဆင့်နဲ့အဆင့်မြင့်ရေနတ်ဘုရားအစောင့်တွေလည်း ရှိသေးတယ်။

စင်္ကြံလမ်းထဲရှိ ရေနတ်ဘုရားအစောင့်တွေက ဝန်းရံထားပြီးပြီ။ လီဖူချန်းက တစ်ခဏတုံ့ဆိုင်းပြီးနောက် သူက ရေနတ်ဘုရားနန်းတော်ထဲသို့ လျှပ်တစ်ပြက်ပြေးဝင်သွားတော့တယ်။

ဝုန်း ဝုန်း ဝုန်း......

လီဖူချန်းက ဓားတာအိုစကြာဝဠာကို ချက်ချင်းဖော်ထုတ်ခဲ့ပေမယ့် ဒီလောက်များတဲ့ရေနတ်ဘုရားအစောင့်တွေ တိုက်ခိုက်နေမှတော့ ဓားတာအိုစကြာဝဠာက ချက်ချင်းပျက်စီးသွားရတော့တယ်။ ကံကောင်းတာကတော့ လီဖူချန်းက ကမ္ဘာဦးဓားနဲ့အတူ ဓားပင်လယ်မိုးကုတ်စက်ဝိုင်းကို ဖော်ထုတ်ခဲ့ပြီး ရေနတ်ဘုရားအစောင့်တွေရဲ့ပထမတိုက်ခိုက်မှုလှိုင်းတွေကို အလွယ်တကူတားဆီးနိုင်ခဲ့တယ်။

"ငါ ရေနတ်ဘုရားသုံးခွမှိန်းကို မြင်ရပြီ။ ဒါပေမယ့် အဲဒါကို ရဖို့က ခက်ခဲလွန်းတယ်"

နန်းတော်ရဲ့အဆုံးမှာ စားပွဲတစ်ခုရှိပြီး စားပွဲပေါ်မှာ အနက်ရောင်အလင်းစက်လုံးတစ်ခုရှိတယ်။ သုံးခွမှိန်းတစ်ခုက အလင်းစက်လုံးထဲမှာ လွင့်မျောနေတယ်။

သုံးခွမှိန်းရဲ့ချီတည်ရှိမှုကို အနက်ရောင်အလင်းစက်လုံးက သီးခြားထားပေမယ့် ၎င်းကို ပကတိမျက်လုံးနဲ့ကြည့်လိုက်ရုံမျှနဲ့ သူ့မျက်လုံးနဲ့သူတော်စင်လိပ်ပြာထဲကိုထိုးဖောက်သွားတဲ့နာကျင်မှုတစ်ခုကို လီဖူချန်းက ခံစားလိုက်ရတယ်။ သူ့ရဲ့စိတ်ဝိညာဉ်ကသာ ဒီဖိအားကို အလွယ်တကူရင်ဆိုင်နိုင်တယ်။

"အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်း၊ အဲဒါက အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတစ်ခုပဲ ဖြစ်ရမယ်"

လီဖူချန်းက အရင်က ပထမတန်းစားအဆင့်အကြိုနတ်ဘုရားအသုံးအဆောင်ပစ္စည်းတွေကို မြင်ဖူးပေမယ့် သူတို့က သုံးခွမှိန်းလောက် မစူးရှသလိုလွှမ်းမိုးခြင်းလည်းမရှိပါဘူး။ သူတို့ရဲ့အဆိီအနှစ်၊ ချီတည်ရှိမှုနဲ့ စိတ်ဝိညာဉ်တွေမှာ ကြီးမားတဲ့ကွဲပြားချက်တစ်ခုနေရှိတယ်။

ထပ်ပြောရရင် အကြိုနတ်ဘုရားတွေကို အဆင့်ငါးဆင့်ခွဲခြားထားတယ်၊ သာမန်အကြိုနတ်ဘုရား၊ အဆင့်မြင့်အကြိုနတ်ဘုရား၊ ပထမတန်းစားအကြိုနတ်ဘုရား၊ အထွတ်အထိပ်အကြိုနတ်ဘုရား၊ ပြိုင်ဘက်ကင်းအကြိုနတ်ဘုရား၊ အဲထက်တောင် ပိုမြင့်မားတဲ့အဆင့်တွေရှိတယ်။ ဒါပေမယ့် အကြိုနတ်ဘုရားအသုံးအဆောင်ပစ္စည်းတွေကိုတော့ အဆင့်လေးဆင့်သာ ခွဲခြားထားတယ်၊ သာမန်အကြိုနတ်ဘုရားအသုံးအဆောင်ပစ္စည်း၊ အဆင့်မြင့်အကြိုနတ်ဘုရားအသုံးအဆောင်ပစ္စည်း၊ ပထမတန်းစားအကြိုနတ်ဘုရားအသုံးအဆောင်ပစ္စည်း၊ အထွတ်အထိပ်အကြိုနတ်ဘုရားအသုံးအဆောင်ပစ္စည်း။ ပြိုင်ဘက်ကင်းအကြိုနတ်ဘုရားအသုံးအဆောင်ပစ္စည်းဆိုတာ မရှိပါဘူး။

ဆိုလိုတာကတော့ အထွတ်အထိပ်အကြိုနတ်ဘုရားအသုံးအဆောင်ပစ္စည်းတွေက အကောင်းဆုံးအကြိုနတ်ဘုရားအသုံးအဆောင်ပစ္စည်းတွေပဲဖြစ်တယ်။ အဲထက်ပိုမြင့်ရင် ဒဏ္ဍာရီလာနတ်ဘုရားအသုံးအဆောင်ပစ္စည်းတွေပဲ ဖြစ်ပါလိမ့်မယ်။

လီဖူချန်းက ရေနတ်ဘုရားသုံးခွမှိန်းကို ရရှိပြီး သူ့ရဲ့ရေတာအိုကို အလုံးစုံတတ်သိနားလည်ခြင်းအဆင့်သို့ ကျင့်ကြံနိုင်ရင် သူက အထွတ်အထိပ်အဆင့်အကြိုနတ်ဘုရားတစ်ယောက် ချက်ချင်းဖြစ်လာလိမ့်မယ်။ ဒါ့ပြင် သူက အထွတ်အထိပ်အဆင့်အကြိုနတ်ဘုရားတွေအကြားမှာ အသန်မာဆုံးဖြစ်လာပြီး ပြိုင်ဘက်ကင်းအဆင့်အကြိုနတ်ဘုရားတွေအောက်သာ နိမ့်ကျပါလိမ့်မယ်။

ယေဘုယျပြောရရင် အသန်မာဆုံးအရှင်ကသာ သင့်တော်တဲ့အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတစ်ခုကို ရရင် ပြိုင်ဘက်ကင်းအကြိုနတ်ဘုရားတစ်ယောက်ဖြစ်လာလိမ့်မယ်။

လီဖူချန်းက အထွတ်အထိပ်အဆင့်ဓားတာအိုအကြိုနတ်ဘုရားအသုံးအဆောင်ပစ္စည်းတစ်ခုကို မရခဲ့ရင် သူက ပြိုင်ဘက်ကင်းအကြိုနတ်ဘုရားတစ်ယောက်ဖြစ်လာမှာမဟုတ်ဘူး။

ရေနတ်ဘုရားအစောင့်တွေများလွန်းတာကြောင့် သူက ရွှံ့နွံအိုင်တစ်ခုအထဲမှာ ရောက်ရှိနေသလို ခံစားရတယ်။ ရှေ့တိုးခြေလှမ်းတိုင်းက ကြီးမားတဲ့စွမ်းအင်ပမာဏကို လိုအပ်တယ်။ အချက်အလက်အရ အချိန်ကြာလာတာနဲ့အမျှ သူ့အနေနဲ့ ပြန်ဆုတ်ဖို့တောင် ခက်ခဲတယ်။

”

"ငါ စွန့်စားသင့်လား"

မျှော်လင့်ချက်အစတစ်ခုရှိတယ်ဆိုတာ လီဖူချန်းက ယုံကြည်ပေမယ့် စွန့်စားရတဲ့တန်ဖိုးက သေစေတဲ့အထိဖြစ်သွားနိုင်တာကို သူက ရှင်းလင်းစွာ သိတယ်။

"ထားလိုက်တော့။ ရေနတ်ဘုရားသုံးခွမှိန်းကို အကြိုနတ်ဘုရားနယ်ပယ်အောက်ကသူတွေ ရဖို့ မဖြစ်နိုင်ဘူး။ အတင်းဖိအားပေးဖို့မလိုပါဘူး"

ဒါနဲ့ပတ်သက်ပြီးစဉ်းစားပြီးနောက် လီဖူချန်းက ပြန်ဆုတ်ဖို့ ဆုံးဖြတ်လိုက်တယ်။

အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတစ်ခုက ကောင်းပေမယ့် သူ့အသက်ကို စွန့်စားရလောက်တဲ့အထိတော့ မလိုအပ်ပါဘူး။

မကြာမီမှာပဲ လီဖူချန်းက ဝမ်းသာသွားရတယ်။

သူပြန်ဆုတ်တာသာ အနည်းငယ်နောက်ကျသွားရင် ဝိုင်းရံထားတာကနေ သူ ထိုးဖောက်နိုင်မှာမဟုတ်ဘူး။

……

သေမင်းနတ်ဘုရားရေကန်က အလင်းဖြာထွက်ကြယ်ပိုင်နက်ရှိနံပါတ်၂အန္တရာယ်နယ်မြေဖြစ်ပြီး စကြာဝဠာရှိထိပ်တန်းအန္တရာယ်နယ်မြေဆယ်နေရာထဲအပါအဝင်ဖြစ်တယ်။

သေမင်းနတ်ဘုရားရေကန်က အလွန်ထူးခြားတယ်။ ၎င်းက ရေနတ်ဘုရားအုတ်ဂူထက် ပိုအန္တရာယ်ရှိတယ်ဆိုပေမယ့် သေမင်းနတ်ဘုရားရေကန်ကိုလာရောက်သူတွေများစွာရှိတယ်။ သာမန်အရှင်အချို့က‌တောင် သေမင်းနတ်ဘုရားရေကန်ထဲကို ဝင်ရောက်ရဲကြတယ်။

ဒါပေမယ့် ‌သေမင်းနတ်ဘုရားရေကန်နဲ့ရင်းနှီးသူတွေက သေမင်းနတ်ဘုရားရေကန်ကို နယ်မြေနှစ်ခုခွဲခြားထားတာကို သိတယ်။ တစ်ခုက အစွန်အဖျားနယ်မြေဖြစ်ပြီး အခြားတစ်ခုက ‌သေမင်းနတ်ဘုရားရေကန်နယ်မြေဖြစ်တယ်။

သေမင်းနတ်ဘုရားရေကန်ရဲ့အစွန်းအဖျားနယ်မြေက အန္တရာယ်တစ်ခုမှမရှိပါဘူး။ ဒါ့ပြင် သေမင်းနတ်ဘုရားပင်တွေ ပေါကြွယ်ဝပြီး အရှင်အရေအတွက်မြောက်များစွာကို ဆွဲဆောင်ခဲ့တယ်။

ဒါပေမယ့် ‌‌သေမင်းနတ်ဘုရားရေကန်နယ်မြေက မတူပါဘူး။ ပြိုင်ဘက်ကင်းအရှင်တစ်ယောက်ရဲ့ခွန်အားမရှိဘဲနဲ့ သေမင်းနတ်ဘုရားနယ်မြေကို ဝင်ချင်တာက သေကြောင်းကြံတာနဲ့အတူတူပါပဲ။ ပြိုင်ဘက်ကင်းအရှင်တစ်ယောက်က သေမင်းနတ်ဘုရားရေကန်ကို ဝင်ရင်တောင် သေဆုံးခြင်းနှုန်းက ငါးဆယ်ရာခိုင်နှုန်းကျော်မှာရှိတယ်။

သေမင်းနတ်ဘုရားရေကန်ရဲ့စည်းရိုးတစ်ခုမှာ.....

အဖြူနက်ရောင်မြူတစ်ခုက သေမင်းနတ်ဘုရားရေကန်တစ်ခုလုံးကို လွှမ်းခြုံထားတယ်။ မြူမှလွင့်‌မျောနေတဲ့လှေကလေးတစ်ခုရှိတယ်။ လှေကလေးအပေါ်မှာ ဝါးလှော်တက်နဲ့‌လူတစ်ယောက်ရှိတယ်။ သူက နက်ရှိုင်းသိပ်သည်းတဲ့သေမင်းချီတည်ရှိမှုတစ်ခုကို ထုတ်လွှတ်နေတယ်၊ သူသေဆုံးခဲ့တာ နှစ်ပေါင်းမရေမတွက်များစွာကြာညောင်းခဲ့သလိုပါပဲ။

"ဒီကူးတို့သမားတွေက အသက်ရှင်နေတယ်လို့ထင်လားဒါမှမဟုတ်သေနေတယ်လို့ထင်လား"

လှေပေါ်တက်ပြိီးနောက် ရန်ချင်းဟူက လီဖူချန်းကို မေးလိုက်တယ်။

လိဖူချန်းက ပြောလိုက်တယ်"သေမင်းနတ်ဘုရားက သေခြင်းနဲ့ရှင်ခြင်းကိုထိန်းချုပ်တယ်။ ဒီလူတွေက သေနေတဲ့အကြိုနတ်ဘုရားတွေပဲဖြစ်မယ်"

သေမင်းနတ်ဘုရားက ဆန္ဒရှိသရွေ့ သူသတ်ခဲ့တဲ့သူတွေက သူတို့ရဲ့ရုပ်ပိုင်းဆိုင်ရာပုံစံတွေ မပျောက်ကွယ်သွားဘဲ သေမင်းနတ်ဘုရားရဲ့ကျွန်တွေဖြစ်လာလိမ့်မယ်။ သေမင်းနတ်ဘုရားရေကန်ပေါ်ရှိကူးတို့သမား၁၀၈ယောက်လုံးက သေမင်းနတ်ဘုရားသတ်ခဲ့တဲ့အကြိုနတ်ဘုရားတွေပဲလို့ ကောလဟောလ‌ရှိတယ်။

"အသတ်ခံရပြီးတာတောင် သူတို့က ‌သေမင်းနတ်ဘုရားရဲ့ထိန်းချုပ်မှုအောက်မှာရှိနေသေးတယ်။ အရင်တုန်းက သေမင်းနတ်ဘုရားက ဘယ်လောက်တောင်သန်မာသလဲကို ငါ သိချင်မိတယ်။ သူ တကယ်ပဲ နတ်ဘုရားတစ်ယောက်အဖြစ် အဆင့်တက်သွားတာလား" ရန်ချင်းဟူက ညင်သာစွာသက်ပြင်းချလိုက်တယ်။

လီဖူချန်းက ပြောလိုက်တယ်"အကြိုနတ်ဘုရားနယ်ပယ်အထက်မှာ ပိုမြင့်မားတဲ့နယ်ပယ်တစ်ခုသေချာပေါက်ရှိတယ်။ ဒါနဲ့ပတ်သက်ပြီးသံသယဖြစ်စရာမလိုဘူး။ ဒါပေမယ့် စကြာဝဠာမှာ ဒီနှစ်မရေမတွက်များစွာအတွင်း တစ်ခုခုဖြစ်ခဲ့ပုံရတယ်။ အချိန်အတော်ကြာတဲ့အထိ နတ်ဘုရားနယ်ပယ်ကို အဆင့်တက်နိုင်တဲ့သူမရှိတာက လူတိုင်းကို နတ်ဘုရားတစ်ယောက်အဖြစ်သို့အဆင့်တက်တာနဲ့ပတ်သက်ပြီး ယုံကြည်မှုကင်းမဲ့လာခဲ့ကြတာပေါ့"

နတ်ဘုရားစစ်မြေပြင်ဖြစ်စေ၊ အကြိုနတ်ဘုရားနယ်မြေဖြစ်စေ၊ ဒါမှမဟုတ် ရွှေရောင်အဆောင်ဖြစ်စေ၊ သူတို့အားလုံးက ဒီစကြာဝဠာအထက်မှာ ပိုမြင့်မားတဲ့နယ်ပယ်တစ်ခုရှိတဲ့အကြောင်း လီဖူချန်းကို ပြောပြခဲ့တယ်။

ဒါပေမယ့် နတ်ဘုရားတစ်ယောက်ဖြစ်ဖို့လမ်းကြောင်းမှာ လမ်းလွဲမှုအချို့ရှိခဲ့ပုံရတယ်လို့ လီဖူချန်းက ရေးတေးတေးခံစားမိတယ်။ ရလဒ်အနေနဲ့ စကြာဝဠာမှာ အကြိုနတ်ဘုရားတွေ ပိုပိုများလာတယ်။ ဓားသမားအစည်းအရုံးမှာတောင် အကြိုနတ်ဘုရားနှစ်ဆယ်နီးပါးရှိတယ်။ ထာဝရစစ်တပ်အပါအဝင်အခြားဂိုဏ်းကြီးရှစ်ဂိုဏ်းအသီးသီးမှာ အနည်းဆုံးအကြိုနတ်ဘုရားဆယ်ယောက်ရှိတယ်။ အထူးသဖြင့် နတ်ဘုရားခန်းမပဲ၊ သူတို့မှာ အကြိုနတ်ဘုရားသုံးဆယ်ကျော်ရှိတယ်။  ဂိုဏ်းကြီးကိုးဂိုဏ်းလုံးကို ပေါင်းလိုက်ရင် အကြိုနတ်ဘုရားတွေ နှစ်ရာပတ်လည်လောက်ရှိတယ်။

အခြားဂိုဏ်းကြီးတွေကိုပါထပ်ပေါင်းလိုက်ရင် စကြာဝဠာတစ်ခုလုံးမှာ အကြိုနတ်ဘုရားတွေသုံးရာကျော်ရှိတယ်။

ကံကောင်းတာကတော့ အကြိုနတ်ဘုရားတွေအားလုံးက နတ်ဘုရားစစ်မြေပြင်နဲ့အကြိုနတ်ဘုရားနယ်မြေမှာပဲ စုစည်းနေလို့ပဲ။ သို့မဟုတ်ရင် စကြာဝဠာက ကမောက်ကမဖြစ်နေပေလိမ့်မယ်။

လှေက  မြူကိုဖြတ်လျက် သူတို့သုံးယောက်ကို တိတ်ဆိတ်စွာ သယ်ဆောင်သွားတယ်။ ရံဖန်ရံခါမှာ ရေစီးသံတွေကို ကြားရနိုင်တယ်။

ဟာ့......

ရုတ်တရက် မြူက သိပ်သည်းသွားပြီး ကြောက်စရာကောင်းတဲ့ပုံရိပ်တစ်ခုက လှေရဲ့ဦးပိုင်းမှာ ထွက်ပေါ်လာတယ်။

"ငါ့တာအိုက သေခြင်းရှင်ခြင်းတာအိုပဲ။ မင်း အသက်မရှိရင် မင်း သေရမယ်။ မင်း မသေရင် မင်း အသက်မရှိရဘူး။ ငါ့ရဲ့သေခြင်းရှင်ခြင်းလက်ဝါးကို လက်ခံစမ်း"

ကြောက်စရာကောင်းတဲ့ပုံရိပ်က သူတို့သုံးယောက်ထံ လက်ဝါးရိုက်ချက်တစ်ခုကို ထုတ်ဖော်လိုက်တယ်။

ကူးတို့သမားက ဂရုမစိုက်ပါဘူး၊ ကြည့်ရတာ သူက ဘာတစ်ခုကိုမှ မခံစားရနိုင်သလိုပါပဲ။

"စိတ်ဝင်စားစရာပဲ"

လီဖူချန်းက လက်ဝါးရိုက်ချက်တစ်ခုကို တန်ပြန်ထုတ်ဖော်လိုက်တယ်။

ဝုန်း ဝုန်း......

လှေက တုန်ခါသွားပြီး ကြောက်စရာကောင်းတဲ့ပုံရိပ်က ပျောက်ကွယ်သွားတယ်။

"ဒါ သေခြင်းမဲ့စိတ်ဝိညာဉ်လား" ရန်ချင်းဟူက သိလိုစိတ်ပြင်းပြနေတယ်။

လီဖူချန်းက ခေါင်းခါလိုက်တယ်"အဲလောက်မရိုးရှင်းဘူး။ သေမင်းနတ်ဘုရားရေကန်မှာ တာအိုတွေအသေင်္ချေပါဝင်တယ်။ ထိုလူက သေသွားပေမယ့် သူ့ရဲ့ကျင့်ကြံခြင်းက မ‌ပျောက်သွားဘူး"

"သူက သေသွားပေမယ့် သူ့ရဲ့ကျင့်ကြံခြင်းက မပျောက်သွားဘူးလား" ရန်ချင်းဟူက နားမလည်ပါဘူး။

လီဖူချန်းရဲ့အမူအရာက လေးနက်နေတယ်။ ထိုအချိန်မှာ သေမင်းနတ်ဘုရားရဲ့ကျင့်ကြံခြင်းနယ်ပယ်က ဘယ်လောက်ကြောက်စရာကောင်းသလဲကို သူ နောက်ဆုံးတော့ သိလာပြီ။ သူက နတ်ဘုရားတောင် ဖြစ်သွားလောက်တယ်။

သေမင်းနတ်ဘုရားရေကန်က ကြီးမားပြီး လှေရဲ့အရှိန်က မြန်တယ်လို့မသတ်မှတ်နိုင်ပါဘူး။ လမ်းတစ်လျောက်မှာ မြူကနေဖြစ်တည်လာတဲ့ပုံရိပ်တွေက သူတို့သုံးယောက်ကို သဲကြီးမဲကြီးတိုက်ခိုက်ခဲ့တယ်။ ဒိပုံရိပ်တွေရဲ့အားအနည်းဆုံးက ပြိုင်ဘက်ကင်းအရှင်ဖြစ်ပြီး အားအကောင်းဆုံးက အကြိုနတ်ဘုရားအဆင့်ရှိတယ်။ ပြိုင်ဘက်ကင်းအရှင်တွေရဲ့တစ်ဝက်ကျော်လောက်က ရေနတ်ဘုရားအုတ်ဂူထဲမှာ သေတယ်လို့ပြောတာ အံ့ဩစရာမရှိဘူးပဲ။

တစ်လတိတိပြီးနောက် လှေက  သေမင်းနတ်ဘုရားကျွန်းကို နောက်ဆုံးမှာ ရောက်ရှိလာခဲ့တယ်။

"မင်းတို့အားလုံးသေရမယ်၊ မင်းတို့အားလုံးသေရမယ်"

လမ်းတစ်လျှောက် စကားတစ်လုံးတောင်မဟခဲ့တဲ့ကူးတို့သမားက ကြောက်စရာကောင်းစွာအော်ဟစ်ပြီး အဝေးကို လှော်ခတ်သွားတော့တယ်။

"ထူးထူးဆန်းဆန်း‌တွေလုပ်နေတာပဲ"

သမန်းဝံပုလွေလူဝင်စားက တစ်ချက်ဝေ့ကြည့်လိုက်တယ်။

လီဖူချန်းက ပြောလိုက်တယ်"စွဲလမ်းမှုအရိပ်အငွေ့နဲ့မုန်းတီးခြင်းအရိပ်အယောင်တစ်ခုမျှပဲ။ သူနဲ့ပတ်သက်ပြီး အာရုံစိုက်စရာမလိုဘူး"

ကူးတို့သမားက သေသွားတာကြာပြီလေ။ ကျန်ရှိနေတာက သူ့ရဲ့ကျင့်ကြံခြင်းနဲ့သူ့ရဲ့စွဲလမ်းမှုအရိပ်အငွေ့လေးတစ်ခုပါပဲ။

သေမင်းနတ်ဘုရားကျွန်းက မကြီးလှဘူး၊ သူတို့သုံးယောက်က မကြာမီမှာပဲ သေမင်းနတ်ဘုရားလိုဏ်ဂူရဲ့အနီးဝန်းကျင်ကို ရောက်ရှိသွားတယ်။

"ဒါ မူလအဆုံးစွန်းအရှင်ပဲ"

သေမင်းနတ်ဘုရားလိုဏ်ဂူရဲ့အနီးဝန်းကျင်မှာ ပြိုင်ဘက်ကင်းအရှင်အနည်းငယ်ရှိတယ်။ လီဖူချန်းကို မြင်တဲ့အခါ သူတို့အားလုံးက စိုးရိမ်သွားကြတယ်။

လီဖူချန်းက ပြောလိုက်တယ်"မင်းတို့တွေ ဝင်ချင်ရင် မြန်မြန်ဝင်ကြ။ မင်းတို့က အကြိုနတ်ဘုရားအသုံးအဆောင်ပစ္စည်းတစ်ခုရရင်‌တောင် ငါ မင်းတို့ရဲ့အမွှေးတစ်ပင်တောင် မထိဘူးလို့ အာမခံတယ်"

"မူလအဆုံးစွန်းအရှင်၊ ငါ မင်းကို ယုံတယ်"

သေခြင်းကျောက်တုံးကိုကိုင်ထားတဲ့ပြိုင်ဘက်ကင်းအရှင်တစ်ယောက်က ‌သေမင်းနတ်ဘုရားလိုဏ်ဂူထဲသို့ ခုန်ဝင်သွားလိုက်တယ်။

အချိန်တစ်ခုကြာပြီးနောက် ပြိုင်ဘက်ကင်းအရှင်က မထွက်လာသေးပါဘူး။

"သူ သေသွားပြီးထင်တယ်"

ပြိုင်ဘက်ကင်းအရှင်တစ်ယောက်က ခေါင်းခါယမ်းလိုက်တယ်။

သေမင်းနတ်ဘုရားလိုဏ်ဂူက အလွန်နတ်ဆိုးဆန်တယ်။ ဝင်ရောက်တဲ့သူတွေအတွက် သေတာနဲ့ရှင်တာ နှစ်ခုပဲရှိတယ်။ အရေးကြီးဆုံးကတော့ အသက်ရှင်တဲ့သူတွေက သူတို့ဘယ်လိုအသက်ရှင်လာမှန်းကို မသိဘူးတဲ့။ သူတို့က ကြုံရာအသုံးအဆောင်ပစ္စည်းတစ်ခုကို ကောက်ယူပြီး ထွက်လာခဲ့တယ်လို့ပဲ သိကြတယ်။

လူသေတွေအတွက်‌ကတော့ အထဲမှာ ဘာတွေဖြစ်ခဲ့မှန်း မသိကြပါဘူး။

မကြာမီမှာပဲ ဒုတိယမြောက်ပြိုင်ဘက်ကင်းအရှင်က သေမင်းနတ်ဘုရားလိုဏ်ဂူထဲသို့ ဝင်ရောက်သွားတယ်။

သူတို့က သေခြင်းတရားကို မကြောက်တာတော့ မဟုတ်ပေမယ့် အကြိုနတ်ဘုရားတစ်ယောက်ဖြစ်ဖို့အတွက်ဆိုရင် သူတို့က စွန့်စားဖို့ဆန္ဒရှိပါတယ်။

သေမင်းနတ်ဘုရားလိုဏ်ဂူမှာ ပစ္စည်းတွေအများကြီးမရှိပေမယ့် အကြိုနတ်ဘုရားအသုံးအဆောင်ပစ္စည်းတွေကတော့ ပေါကြွယ်ဝတယ်။ သေမင်းနတ်ဘုရားရှိစဉ်အခါတုန်းက သေမင်းနတ်ဘုရားရဲ့လက်ထဲမှာ သေဆုံးခဲ့တဲ့အကြိုနတ်ဘုရား‌တွေများစွာရှိတယ်။ ဒီတော့ သေမင်းနတ်ဘုရားက အကြိုနတ်ဘုရားအသုံးအဆောင်ပစ္စည်းအမြောက်အများကို ရရှိခဲ့တာပေါ့။

ဒါပေမယ့် သေမင်းနတ်ဘုရားလိုဏ်ဂူကို ဝင်ရောက်ပြီးနောက် အကြိုနတ်ဘုရားအသုံးအဆောင်ပစ္စည်းတစ်ခုကို သေချာပေါက်ရရှိမယ်လို့တော့ မဆိုလိုပါဘူး။ ဒါပေမယ့် နှစ်ပေါင်းမရေမတွက်များစွာကြာ သေမင်းနတ်ဘုရားလိုဏ်ဂူမှထွက်လာပြီးနောက် အကြိုနတ်ဘုရားဖြစ်သွားတဲ့သူတွေ အမှန်တကယ်ရှိပါတယ်။

လေထုက မွန်းကျပ်နေတယ်။ ဒုတိယမြောက်ပြိုင်ဘက်ကင်းအရှင်က မထွက်လာနိုင်ဘဲ တိတ်တဆိတ်ပျောက်ကွယ်သွားပြန်တယ်။

"ငါ ဒါကို မယုံဘူး"

တတိယမြောက်ပြိုင်ဘက်ကင်းအရှင်က အံကြိတ်ကာ ခုန်ဝင်သွားတယ်။

"ဟားဟားဟားဟားဟား......."

တတိယမြောက်ပြိုင်ဘက်ကင်းအရှင်က ကံကောင်းတယ်၊ သူက အသက်ရှင်လျက်ထွက်လာနိုင်ပြီး အဆင့်နိမ့်စကြာဝဠာရတနာတစ်ခုကိုတောင် ယူလာခဲ့တယ်။

ဒါက အကြိုနတ်ဘုရားအသုံးအဆောင်ပစ္စည်းတစ်ခုမဟုတ်ပေမယ့် အဆင့်နိမ့်စကြာဝဠာရတနာတစ်ခုနဲ့အတူ အသက်ရှင်လျက်ထွက်လာနိုင်တာက သူ့ကို အလွန်အမင်းစိတ်လှုပ်ရှားစေဖို့ လုံလောက်တယ်။

"မူလအဆုံးစွန်းအရှင်၊ မင်း မလှုပ်ရှားဘူးမလား"

ရုတ်တရက် ပြိုင်ဘက်ကင်းအရှင်က တစ်ခုခုကို တွေးမိသွားတယ်။

လီဖူချန်းက ပြုံးကာ ပြောလိုက်တယ်"ငါ့မှာ စကြာဝဠာရတနာတွေအများကြီးရှိတယ်၊ ငါ အဲဒါကို စိတ်ဝင်စားမယ်လို့ မင်း ထင်တာလား"

"ဒါ ဟုတ်ပါတယ်" ပြိုင်ဘက်ကင်းအရှင်က တစ်ခုခုကို အမှတ်ရသွားပြီး စိတ်သက်သာရာရသွားလေတော့တယ်။ လီဖူချန်းမှာ အဆင့်မြင့်စကြာဝဠာရတနာတစ်ခုတောင် ရှိတာလေ၊ သူက ဘာလို့ ဒီလိုအဆင့်နိမ့်စကြာဝဠာရတနာတစ်ခုကို ဂရုစိုက်ရမှာလဲ။

ထို့နောက် စတုတ္ထမြောက်ပြိုင်ဘက်ကင်းအရှင်က အံကြိတ်ကာ အံကြိတ်ကာ သေမင်းနတ်ဘုရားလိုဏ်ဂူထဲကို ဝင်ရောက်သွားခဲ့တယ်။

ဒါပေမယ့် ဒီပြိုင်ဘက်ကင်းအရှင်က ကံမကောင်းဘူး၊ သူက ပထမနဲ့ဒုတိယမြောက်ပြိုင်ဘက်ကင်းအရှင်တွေရဲ့ခြေလှမ်းနောက်ကို လိုက်သွားတယ်။

ပြိုင်ဘက်ကင်းအရှင်စုစုပေါင်းလေးယောက်၊ သုံးယောက်သေပြီး တစ်ယောက်အသက်ရှင်တယ်။ သေဆုံးခြင်နှုန်းက ၇၅ရာခိုင်နှုန်းရှိတယ်။

"ဒါ အန္တရာယ်များလွန်းတယ်"

ရန်ချင်းဟူက အသက်ကို နက်ရှိုင်းစွာ ရှုသွင်းလိုက်တယ်။

သမန်းဝံပုလွေလီဖူချန်းက ပြောလိုက်တယ်"ကြွယ်ဝမှုတွေက အန္တရာယ်မှ လာတယ်။ သေမင်းနတ်ဘုရားလိုဏ်ဂူက အန္တရာယ်ပိုများလေ၊ အထဲရှိရတနာတွေက ပိုတန်ဖိုးရှိလေပဲ"

လီဖူချန်းက ခေါင်းညိတ်ကာ ပြုံးလျက် ပြောလိုက်တယ်"အထဲရှိရတနာတွေက အလွန်အမင်းတန်ဖိုးရှိတယ်"

သူ သေမင်းနတ်ဘုရားလိုဏ်ဂူရဲ့အနီးဝန်းကျင်ကို ရောက်ရှိခဲ့တာနဲ့ သူ့ရဲ့စိတ်ဝိညာဉ်စွမ်းအားကို အသုံးပြုကာ သေမင်းနတ်ဘုရားလိုဏ်ဂူကို စစ်ဆေးလိုက်တယ်။

သူ မျှော်လင့်ထားသလိုပဲ၊ သေမင်းနတ်ဘုရားလိုဏ်ဂူကို သေမင်းနတ်ဘုရားက ချန်ထားခဲ့ပေမယ့် အဲဒါက စိတ်ဝိညာဉ်စွမ်းအားရဲ့စစ်ဆေးမှုကို မတားဆီးနိုင်ခဲ့ဘူး။

သေမင်းနတ်ဘုရားလိုဏ်ဂူရဲ့အနက်ဆုံးအပိုင်းထဲမှာ လီဖူချန်းက ရတနာခန်းတစ်ခုကိုပဲ မြင်လိုက်ရတယ်။ ရတနာခန်းက ရတနာတွေနဲ့ ပြည့်နေပြီး အဆိုးဆုံးက ထူးကဲအဆင့်အခြေခံအသုံးအဆောင်ပစ္စည်းတစ်ခုဖြစ်တယ်။ ဒါ့ပြင် ဒီထူးကဲအဆင့်အခြေခံအသုံးအဆောင်ပစ္စည်းတွေက အမှိုက်ပုံတစ်ခုအလားတောင်တန်းတစ်ခုအလား စုပုံနေတယ်။

"အနည်းဆုံးထူးကဲအဆင့်အခြေခံအသုံးအဆောင်ပစ္စည်းတွေထောင်အနည်းငယ်ရှိမယ်"

လီဖူချန်းက အသက်ကို နက်ရှိုင်းစွာ ရှုသွင်းလိုက်မိတယ်။

သူ့မှာ ထူးကဲအဆင့်အခြေခံအသုံးအဆောင်ပစ္စည်းတွေတစ်ရာ‌ကျော်ရှိတယ်။ ဒါပေမယ့် သေမင်းနတ်ဘုရားရဲ့စုဆောင်းမှုနဲ့နှိုင်းယှဉ်ရင် အဲဒါက မှိန်ဖျော့‌နေပါသေးတယ်။

အရေးကြီးဆုံးကတော့ သေမင်းနတ်ဘုရားရဲ့ထူးကဲအဆင့်အခြေခံအသုံးအဆောင်ပစ္စည်းတွေက ပြည့်ပြည့်စုံစုံရှိတာပဲ။ အခြေခံအားဖြင့် မည်သူမဆို သူတို့နဲ့သင့်တော်တဲ့အခြေခံအသုံးအဆောင်ပစ္စည်းတစ်ခုကို ရှာတွေ့နိုင်တယ်။

"ငါ ထူးကဲအဆင့်ဓားတာအ်ိုအခြေခံအသုံးအဆောင်ပစ္စည်းအချို့ကိုရရင်တောင် ကောင်းတဲ့အရာတစ်ခုပဲ"

လီဖူချန်းရဲ့လက်ရှိကျင့်ကြံခြင်းနယ်ပယ်အရ ထူးကဲအဆင့်အခြေခံအသုံးအဆောင်ပစ္စည်းတွေက သူ့ကို အများကြီးမကူညီနိုင်ပေမယ့် သူ့ခွန်အားကို ပြန်ဖြည့်ဖို့ အသုံးပြုနိုင်တယ်။ တကယ်တော့ အလွန်အမင်းကြမ်းတမ်းတဲ့ပတ်ဝန်းကျင်တစ်ခုမှာ  ခွန်အားပြန်ဖြည့်ခြင်းက အလွန်အရေးပါပြီး သူ့အသက်ကို ကယ်ဆယ်ဖို့ အသုံးပြုနိုင်တယ်။

ထူးကဲအဆင့်အခြေခံအသုံးအဆောင်ပစ္စည်းတွေရဲ့ဘေးနားမှာ အဆင့်နိမ့်စကြာဝဠာရတနာအစုအပုံတစ်ခုရှိတယ်။ လီဖူချန်းက အကြမ်းဖျင်းရေတွက်လိုက်တယ်၊ အဆင့်နိမ့်စကြာဝဠာရတနာရာအနည်းငယ်ရှိတယ်။

လီဖူချန်းက အဆင့်နိမ့်စကြာဝဠာရတနာရာအနည်းငယ်ဆိုတာကို မတွေးဘဲ မနေနိုင်ပါဘူး။

"နှစ်မရေမတွက်များစွာကြာတောင်မှ သေမင်းနတ်ဘုရားလိုဏ်ဂူထဲရှိရတနာတွေက မကုန်သွားတာ အံ့ဩစရာမရှိပဲ"

လီဖူချန်းက ပြောစရာစကားမဲ့ကာ ထိတ်လန့်တုန်လှုပ်သွားမိတယ်။

သေမင်းနတ်ဘုရားလိုဏ်ဂူထဲကိုဝင်နိုင်တဲ့သူတွေက အနည်းစုပဲ။ သေဆုံးခြင်းငါးဆယ်ရာခိုင်နှုန်းကျော်နဲ့ဆိုရင် ရတနာတွေကို အမှန်တကယ်ယူနိုင်တဲ့သူတွေက အလွန်အမင်းရှားတယ်။ ဒီလိုနဲ့ သေမင်းနတ်ဘုရားလိုဏ်ဂူထဲရှိရတနာတွေက အချိန်အကြာကြီးတည်ရှိနေနိုင်တာ သဘာဝပဲလေ။