ဘုံသဘောတရားကို ဆန့်ကျင်၍

နောက်မှ လိုက်​နေသော အဆင့် ၆ ကစားသမားများ အလွန်အံ့သြသွားကြ၏ ။ အသတ်ခံလိုက်ရသော သတိပေးချက်များက ဂိမ်းမြင်ကွင်း တစ်ခုလုံးကို ဖုံးလွှမ်းသွားသည် ။

" သောက်ခွေး.."

" ဒါမလွန်ဘူးလား.."

" အဆင့်၅ တွေက ဒါလေးကိုတောင် မရှောင်နိုင်ကြဘူးလား.. "

" Black Earth က ငါတို့ ထင်ထားတာထက် သန်မာနေတာပဲ.. "

" Black Earth က တိုက်ခိုက်ရေးစွမ်းရည် အဆင့် ၆ နောက်ပိုင်းအဆင့် ရောက်နေတာ သေချာသွားပြီ.. "

အကုန်လုံး အလေးအနက် ထားလိုက်ကြတော့သည် ။ Black Earth ၏ ခွန်အားက သူတို့ ထင်ထားသည်ထက် များစွာပိုနေပြီး စိတ်စွမ်းအားပါ ထည့်ပေါင်းလျှင် အဆင့် ၆ အထွတ်အထိပ်တစ်ယောက်ဟုပင် ဆိုနိုင်ပေသည် ။ သို့သော်လည်း သူတို့ မကြောက်သေး ။

" တက်... မြန်မြန် လိုက်ကြ.. "

" သူ ဒီအတိုင်း ဆက်သတ်နေရင် ငါတို့ မျက်နှာ ပြရဲတော့မှာ မဟုတ်ဘူး.. "

" အဆင့်၆ မရောက်သေးတဲ့ ညီအကိုတွေ ဘေးကို ရှောင်နေတော့.. အမှတ် အလကားမပေးနဲ့.. "

" အဆင့် ၅ တွေ.. အထူးလက်နက် သွားရှာကြ တွေ့ရင် ငါတို့ကို လာပေး .."

လင်းမို့သည် အဆင့် ၅ များကို သတ်ပြီးနောက် ဖိအားပိုတိုးလာသည်ကို ခံစားမိလိုက်၏ ။ နောက်မှ လိုက်လာသော အဆင့် ၆ များက ပိုမို အားစိုက်ထုတ် လာကြသည် ။

ကြက်ဘုရင်ဂိမ်းတွင် မြေပုံက အချိန်တစ်ခုရောက်လျှင် ပို၍ ကျဥ်းလာပြီး အဆိပ်ငွေ့ ဧရိယာများ တိုးလာမည်ဖြစ်သည် ။

လင်းမို့ ကွေ့ပတ် ပြေးရတော့သည် ။ နေရာ ပို၍ ကျဥ်းလာပါက နောက်ဆုံးတွင် သူပြေး၍ ရမည်မဟုတ်တော့ ။

' မဖြစ်တော့ဘူး စိတ်ထိန်းချုပ်သူ သုံးရတော့မယ်.. '

လင်းမို့ တွေးသည် ။ ပြီးနောက် အနီးဆုံးလူကို ဓားဖြင့် လှမ်းပစ်လိုက်၏ ။

" ဟားဟားဟား.. အသုံးမဝင်ဘူးကွ.. "

ထိုလူက လက်တစ်ဖက် အနာခံ၍ ဓားကို ဖမ်းလိုက်သည် ။ ဓားမြှောင်ရရှိရန် လက်တစ်ဖက် ရင်းလိုက်သည်က ပိုကောင်းပေသည် ။ Black Earth တွင် ဓားမရှိပါက အဆင့် ၆ များအား သတ်ရန် လွယ်မည်မဟုတ်တော့ ။

ထိုအခိုက် ပျံသန်းနေသော ဓားက လမ်းကြောင်းပြောင်းသွားသလို ထိုလူ၏ မျက်လုံးများကလည်း ကြောင်တောင်တောင် ဖြစ်သွား၏ ။ ပုံရိပ်ယောင်ထဲ ကျဆင်းသွားလေပြီ ။

" ဖောင်း..."

ထိုလူ၏ ခေါင်း ပေါက်ကွဲသွားသည် ။

ကြက်ဘုရင်ဂိမ်းတွင် အဆင့် ၆ အားသတ်နိုင်ရန် ချက်ကောင်း နှစ်ချက်ထိရမည်ဖြစ်၍ ဓားမြှောင်က ပြန်ကွေ့လာ၏ ။

ထိုလူ၏ ခေါင်းက ချက်ချင်း ပြန်ကောင်းလာသော်လည်း သူသတိမဝင်မီ နောက်တဖန် ပေါက်ကွဲ၍ သေဆုံးသွားလေသည် ။

လူတိုင်း အံ့သြသွားကြ၏ ။

" ဘာလို့ ရုတ်တရက် ကြောင်သွားတာလဲ.. "

" လိုင်းမကောင်းလို့များလား .."

" ပုံရိပ်ယောင် ခေါင်းဆောင်း လိုင်းမကောင်းတာ မကြားဖူးပါဘူးဟ.. "

" ပုံရိပ်ယောင်.. အဲ့တာ ပုံရိပ်ယောင်ဟ.. "

" ပုံရိပ်ယောင် စွမ်းရည် သုံးလိုက်တာ ငါလည်းခံစားမိတယ်.. "

လူတစ်ယောက်၏ အနှစ်သာရသည် အဆင့်တစ်ခုကို ရောက်လျှင် စိတ်စွမ်းအား မသုံးနိုင်သေးသော်လည်း တခြားသူများသုံးသည့် စိတ်စွမ်းအားလှိုင်းများကို ခံစားသိနိုင်သည် ။ အဆင့် ၆ တော်တော်များများ ပုံရိပ်ယောင် စွမ်းရည်ကို ခံစားမိလိုက်၏ ။

" Black Earth က စိတ်ထိန်းချုပ်သူလား.. "

" ဘယ်လိုလုပ် ဖြစ်နိုင်မှာလဲ စိတ်စွမ်းအားရှင်က စိတ်ထိန်းချုပ်သူ မဖြစ်နိုင်ဘူးလေ.. "

" ဟုတ်တယ် ဘုံသဘောတရားအရ စိတ်စွမ်းအားရှင် နဲ့ စိတ်ထိန်းချုပ်သူ က အတူတူ တွဲမရှိနိုင်ဘူး.. "

အခန်း ၂၄၂