ပင်ကိုပျက်ဆီးခြင်းပင်လယ်၏ အခင်းအကျင်း (၂)...

~ပြောရမည်ဆိုလျှင်၊ ဒီလို အကြောင်းပြချက်ကောင်း တစ်ခု ပေးသည့်အတွက် ဗဟိုဒေသမှ မဟာသူတော်စင်များကို ကျေးဇူးတင်ရပေမည်။

လျှို့ဝှက်ဆန်းကြယ်သော အင်အား၏ အကျပ်အတည်းမှာ လက်တကမ်းတွင် ရှိနေသေးသော်လည်း၊ ၎င်းက သူတို့ကို လုယက်ခြင်းမှ တားဆီးမထားနိုင်ပေ။

ရွှေရောင်မြင့်မြတ်သူတော်စင်သည် အနာဂတ်ကို အိပ်မက်မက်နေရင်း၊ မိုးကြိုးကျားသူတော်စင်၏ မျက်လုံးများထဲမှ လှောင်ပြောင်မှုကို လုံးဝသတိမထားမိခဲ့ချေ။

အထွတ်အထိပ်ရှိ မဟာသူတော်စင်တစ်ဦး၏ စွမ်းအားသည် အမှန်ပင် ကြီးမားလှ၏။

သို့သော် ဆက်လက်ကြီးထွားရန်အတွက်မူ ပို၍ပင်များပြားသော အရင်းအမြစ်များ လိုအပ်နေသေးသည်။

မိုးကြိုးကျားမဟာမိတ်အဖွဲ့တစ်ခုတည်းကိုသာ အားကိုးနေရခြင်းမှာ အနည်းငယ် မလုံလောက်တော့ပေ။

နောက်ဆုံးတွင်တော့ မဟာမိတ်အဖွဲ့နှစ်ခုလုံးမှာ သိပ်မထင်ရှားလှသဖြင့် ပါဝင်လာသော အင်အားစုများမှာလည်း ထင်သလောက် အားမကောင်းကြချေ။

မိုးကြိုးကျားသူတော်စင်၏ အမြင်တွင်တော့ အပြင်ဒေသ၌ မဟာမိတ်အဖွဲ့တစ်ခုတည်းသာ လိုအပ်သည်။

အထွတ်အထိပ်အဆင့်ရှိ မဟာသူတော်စင်တန်ခိုးရှင်များအတွက် တစ်ယောက်ဆိုလျှင်ပင် လုံလောက်ပြီဖြစ်သည်။

ထို့ထက်ပိုများလာလျှင် အရင်းအမြစ်များ ချို့တဲ့လာပေလိမ့်မည်။

ရွှေရောင် မြင့်မြတ်မဟာမိတ်အဖွဲ့ကတော့... ပျောက်ကွယ်သွားလျှင်ပင် ကောင်းမည်။

မိုးကြိုးကျားက သူ၏ဂုဏ်သတင်းကို မထိခိုက်စေဘဲ

ရွှေရောင်မြင့်မြတ်ကို မည်သို့ ပျောက်ကွယ်သွားစေရမည်ကို စဉ်းစားနေဆဲမှာပင်၊ အထွတ်အထိပ် တန်ခိုးရှင် မဟာသူတော်စင် နှစ်ဦး၏ အရှိန်အဝါများ မိုးကြိုးကျား

သူတော်စင်ဂိုဏ်းအပေါ်သို့ ကျဆင်းလာသည်။

မိုးကြိုးကျား သူတော်စင်ဂိုဏ်း၏ ဂိုဏ်းကာကွယ်ရေး အခင်းအကျင်းသည် ချက်ချင်းဆိုသလို စုတ်ပြဲသွားတော့သည်။

"တောက်... ဖရိုဖရဲ မဟာမိတ်အဖွဲ့က လူထုအမျက်ကို မကြောက်ဘူးလား။"

ပင်ကိုပျက်ဆီးခြင်း ပင်လယ်မှ အထွတ်အထိပ် တန်ခိုးရှင် အရေအတွက်မှာ အနည်းငယ်မျှသာ ရှိပြီး၊ တစ်ဦးစီမှာ

ထူးခြားသော အရှိန်အဝါများ

ပိုင်ဆိုင်ထားကြသည်။

မိုးကြိုးကျားသူတော်စင်သည် တိုက်ခိုက်လာသော သူတော်စင် နှစ်ဦး မည်သူမည်ဝါ ဖြစ်ကြောင်းကို ချက်ချင်းမှတ်မိလိုက်၏။ ထို့ကြောင့်ပင် သူ့မျက်နှာမှာ အလွန် ခက်ထန်သွားခြင်းဖြစ်သည်။

ဤအထွတ်အထိပ် တန်ခိုးရှင်နှစ်ဦးမှာ ကြောက်မက်ဖွယ်ကောင်းလှ၏။

သူတို့ထဲမှ တစ်ဦးတည်းနှင့်ပင် သူရင်ဆိုင်နိုင်သည်ထက် ပိုနေပြီဖြစ်ရာ၊ နှစ်ဦးဆိုလျှင် ပြောဖွယ်ရာမရှိတော့ပေ။

မိုးကြိုးကျားသူတော်စင်သည် မူလက ဖရိုဖရဲမဟာမိတ်အဖွဲ့က ဤမျှအထိ အသေးအဖွဲကိစ္စကို အရေးလုပ်မည်မဟုတ်ဟု ထင်ခဲ့သည်။ သူက အတွင်းပိုင်းဒေသတွင် မဟာမိတ်အဖွဲ့တစ်ခု တည်ထောင်ရုံမျှသာဖြစ်ပြီး၊ ဖရိုဖရဲမဟာမိတ်အဖွဲ့ကို များစွာမထိခိုက်ပေ။

သို့သော် အထွတ်အထိပ်မဟာသူတော်စင်နှစ်ဦး ပေါ်ထွက်လာသည်နှင့် မိုးကြိုးကျားသည် သူ့တွက်ကိန်း မှားသွားကြောင်း သိလိုက်ရသည်။

ဤဖရိုဖရဲမဟာမိတ်အဖွဲ့၏ ရည်မှန်းချက်မှာ ကြီးမားလှသည်။

ထိုသူတို့ လိုချင်သည်မှာ ပင်ကိုပျက်ဆီးခြင်းပင်လယ်တစ်ခုလုံး

ဖြစ်ပြီး၊ အကုန်လုံးကို သုတ်သင်ရှင်းလင်းရန် ကြံစည်နေကြသည်ပင်။

ယခုတော့ မိမိတို့သည် အခြားသူများကို ခြိမ်းခြောက်ရန်အတွက် ယဇ်ပူဇော်ခံ သိုးငယ်များ ဖြစ်လာခဲ့ကြပြီတကား။

မိုးကြိုးကျား သူတော်စင်တို့၏ နှလုံးသားထဲတွင် ဒေါသလှိုင်းလုံးများ တိုးဝှေ့တက်လာသော်လည်း၊ တစ်ချိန်တည်းမှာပင် ကူကယ်ရာမဲ့သော ခံစားချက်က လွှမ်းမိုးသွားသည်။

သူတို့သည် ဖရိုဖရဲမဟာမိတ်အဖွဲ့က ဂရုစိုက်မည်မဟုတ်ဟု အမြဲလောင်းကြေးထပ်ခဲ့ကြပြီး၊ ဂရုစိုက်ခဲ့လျှင်ပင် အချိန်မရွေး အဖွဲ့ကိုဖျက်သိမ်းနိုင်သည်ဟု တွေးခဲ့ကြသည်။

သို့သော် ဖြစ်လာသည့်အခါတွင်တော့ သူတို့ကို အဖွဲ့ဖျက်သိမ်းခွင့်ပင် မပေးခဲ့ပေ။

သတိပေးချက်မရှိဘဲ ထိုသူတို့က ကျွမ်းကျင်သူများကို ချက်ချင်းစေလွှတ်လိုက်သည်ကို ကြုံတွေ့လိုက်ရ၏။

"မိုးကြိုးကျား၊ အခုငါတို့ ဘာလုပ်သင့်လဲ။"

ရွှေရောင်မြင့်မြတ်မှာ ထိတ်လန့်နေခဲ့သည်။

မိုးကြိုးကျားသူတော်စင်သည် အထွတ်အထိပ်တန်ခိုးရှင်တစ်ဦးဖြစ်သော်လည်း၊ သူက နှောင်းပိုင်းမဟာသူတော်စင်

တစ်ဦးသာဖြစ်ရာ၊ ဤပွဲတွင် ပါဝင်ကစားရန် အရည်အချင်းပင်မရှိပေ။

"မိုးကြိုးကျား၊ ရွှေမြင့်မြတ်၊ ပင်ကိုပျက်ဆီးခြင်းပင်လယ်ရဲ့ ကံကြမ္မာ အရေးကြုံနေတဲ့အချိန်မှာ မင်းတို့က ကိုယ့်အကြောင်းပဲကိုယ်တွေးနေကြတယ်။ ဒီနေ့ ငါတို့ ပင်ကိုပျက်ဆီးခြင်းပင်လယ်ရဲ့ ကပ်ဘေးဖြစ်တဲ့မင်းတို့ကို ရှင်းလင်းဖို့လာခဲ့တာပဲ။"

ထိုသူတို့ ပါးစပ်ဟလိုက်သည်နှင့် ကိုယ်ကျင့်တရားအရ အသာစီးရသောနေရာကို ယူကာ ကိုယ့်လုပ်ရပ်များကို မှန်ကန်ကြောင်း သက်သေပြကြသည်။

ထိုသူတို့၏စကားများက မိုးကြိုးကျားသူတော်စင်နှင့် ရွှေရောင်မြင့်မြတ်ကို မထီမဲ့မြင်ပြုနေသော်လည်း၊ သူတို့က ပြန်မပြောဝံ့ကြချေ။

*မင်းတို့က တရားမျှတမှုအတွက် မဟာမိတ်ဖွဲ့တယ်၊ ငါတို့ကတော့ ကပ်ဘေးအတွက် မဟာမိတ်ဖွဲ့တယ်ပေါ့လေ။*

*စကားကောင်းတွေအကုန်လုံး မင်းတို့ပဲပြောသွားမှတော့ ငါတို့က ဘာများထပ်ပြောစရာ ရှိတော့မှာလဲ။*

*အားလုံးက လှေတစ်စင်းတည်းစီးနေကြတာပဲ၊ ဘယ်သူက ဘယ်သူ့ကို ဝေဖန်နိုင်မှာလဲ။*

သို့သော် လက်ရှိအခြေအနေနှင့် မိုးကြိုးကျားသည် နောက်ဆုံးအခွင့်အရေးကိုသာ ရှာဖွေနိုင်တော့သည်။

"သွေးလက်၊ ထျန်းယိ၊ ငါအခုချက်ချင်း မဟာမိတ်အဖွဲ့ကို ဖျက်သိမ်းနိုင်တယ်။"

အရိုက်ခံရသည့်အခါ မတ်မတ်ရပ်ပါ။

သူ ပြန်မတိုက်နိုင်မှတော့ မာမာထန်ထန် ပြောနေလည်း အသုံးမဝင်တော့ပေ။

ရွှေရောင် မြင့်မြတ်ကတော့ ပါးစပ်ပင်

မဟဝံ့။ သူက နှောင်းပိုင်း

မဟာသူတော်စင် တစ်ဦး ဖြစ်ရာ၊ ဤနေရာတွင် စကားပြောပိုင်ခွင့် မရှိပေ။

"ဖျက်သိမ်းမယ် ဟုတ်လား။ အခုချိန်မှာတော့ အရမ်း နောက်ကျသွားပြီ။"

"တိုက်။"

တန်ခိုးရှင်နှစ်ဦး၏ အရှိန်အဝါ များ ပေါက်ကွဲထွက်လာပြီး၊ သူတို့၏ သူတော်စင်စွမ်းအားက မိုးကြိုးကျားသူတော်စင်ဂိုဏ်းကို လွှမ်းခြုံသွားသည်။

မိုးကြိုးကျားသူတော်စင်နှင့် ရွှေရောင် မြင့်မြတ်ကို ထွက်ပြေးခွင့်ပေးရန် ရည်ရွယ်ချက်မရှိကြောင်း ပြသနေ၏။

သူတို့သာမက၊ မဟာမိတ် အဖွဲ့နှစ်ခုလုံးကိုလည်း သုတ်သင်ပစ်ရန် လိုအပ်သည်။

"သွေးလက်၊ မင်း သေတဲ့အထိတိုက်မလို့လား။"

အထွတ်အထိပ်မဟာသူတော်စင်တစ်ဦး၏ အစွမ်းက မိုးကြိုးကျားကို ယုံကြည်မှုအနည်းငယ်ပေးသည်။

သူ၏မုတ်ဆိတ်နှင့်ဆံပင်များ ထောင်ထလာပြီး၊ သူ၏နောက်တွင် မိုးကြိုးကျားတစ်ကောင်၏ တစ္ဆေပုံရိပ်တစ်ခု ပေါ်လာကာ၊ အထွတ်အထိပ်မဟာသူတော်စင်နှစ်ဦးနှင့် ယှဉ်ပြိုင်နိုင်ဟန်ရှိသည်။

"သေတဲ့အထိတိုက်မယ် ဟုတ်လား။ မင်းက ထိုက်တန်လို့လား။"

ကိုးဘဝသွေးလက်။

ရုတ်ချည်းပင် ကောင်းကင်သို့

ထိုးတက်နေသော သွေးစွန်းသည့် လက်တစ်ဖက်က မိုးကြိုးကျားသူတော်စင်ထံသို့ ရိုက်ခတ်သွားသည်။

တိုက်ပွဲသည် ချက်ချင်းပင် ပေါက်ကွဲထွက်တော့သည်။

မဟာသူတော်စင် မိုးကြိုးကျားသည်လည်း ရှုံးနိမ့်ကြောင်း ဝန်မခံဘဲ ပြန်လည် တိုက်ကွက် ဖော်ထုတ်လိုက်၏။

ယခု တိုက်ခိုက်မှသာ သူတို့တွင် ရှင်သန်ရန် အခွင့်အရေးရှိပေမည်။

ရွှေရောင်မြင့်မြတ် မဟာသူတော်စင်မှာတော့ ထွက်ပြေးရန် အခွင့်အရေးကို ရှာဖွေရင်း အခြေအနေကို အကဲခတ်နေသည်။

သို့သော် အခွင့်အရေးက ဘယ်တော့မှ ရောက်မလာဘဲ၊ မိုးကြိုးကျား

မဟာသူတော်စင်သည် သွေးလက် သူတော်စင်ကို မခုခံနိုင်ရုံသာမက...။

အထွတ်အထိပ်

မဟာသူတော်စင်များကြားမှာပင် ကွာခြားချက်များ ရှိသည်။

မကြာသေးမီကမှ အဆင့်ချိုးဖြတ်တက်ရောက်ခဲ့သော မိုးကြိုးကျားမဟာသူတော်စင်သည် မရေမတွက်နိုင်သော နှစ်များစွာ အမွေဆက်ခံခဲ့သည့် သွေးလက်သူတော်စင်နှင့် မည်သို့ယှဉ်နိုင်မည်နည်း။

"ငါ လက်မခံနိုင်ဘူး။"

"ဒါတွေ အားလုံးက အရင်းအမြစ်တွေအတွက်ပဲ၊ ဘာလို့ မင်းတို့က ရပြီး ငါတို့က မရနိုင်ရတာလဲ။"

သူတော်စင် ကိုယ်ထည်ပေါ်တွင် ပေါ်လာသော အက်ကြောင်းများက မိုးကြိုးကျားမဟာသူတော်စင်သည် သူ၏အင်အားကုန်ဆုံးခါနီးပြီဖြစ်ကြောင်းကို ပြသနေသည်။

"ဘာလို့လဲ ဟုတ်လား။ ဘာလို့လဲဆိုတော့ ငါတို့က ပင်ကိုပျက်ဆီးခြင်းပင်လယ်ကို နှစ်ပေါင်းများစွာ ထိန်းချုပ်ခဲ့လို့ပဲ။ ဘာလို့လဲဆိုတော့ ငါတို့အင်အားက မင်းတို့ထက်ကြီးလို့ပဲ။ ဒါပဲ။"

တောတွင်းဥပဒေ၊ သဘာဝ၏စီရင်မှုသည် ကျင့်ကြံခြင်းကမ္ဘာတွင် မှန်ကန်လျက်ရှိသည်။

"ငါသေရင်တောင် အလွယ်တကူတော့ အဖြစ်မခံနိုင်ဘူး။"

တဖျပ်ဖျပ်လက်နေသော မိုးကြိုးများသည် ရုတ်တရက် မိုးကြိုးကျားသူတော်စင်ဂိုဏ်းတစ်ခုလုံးကို လွှမ်းခြုံသွားသည်။

ရွှေမြင့်မြတ်မဟာသူတော်စင်သည်

မိုးကြိုးကျားမဟာသူတော်စင် သေဆုံးရမည်မှာ ဖရိုဖရဲမဟာမိတ်အဖွဲ့၏ လက်ထဲတွင်မဟုတ်ဘဲ၊ သူ့မဟာမိတ် အဖွဲ့၏ မိမိကိုယ်ကိုဖျက်ဆီးမှုတွင် ဖြစ်လိမ့်မည်ဟု အ်ိပ်မက် မမက်ဖူးခဲ့ပေ။

မိုးကြိုးအလင်းရောင်များ ပျောက်ကွယ်သွားသည်။

မြေကြီးက ငိုကြွေးကာ ကောင်းကင်က

မျက်ရည်ကျလျက် မိုးကြိုးကျားမဟာသူတော်စင်၏ ကျဆုံးမှုကို ဝမ်းနည်းပူဆွေးနေကြသည်။

ထိုအခါ မိုးကြိုးကျားသူတော်စင်ဂိုဏ်းသည် ကောင်းကင်နှင့်မြေကြီးကြားမှ ပျောက်ကွယ်သွားခဲ့လေ၏။

"ရွှေရောင်မြင့်မြတ်မဟာမိတ်အဖွဲ့ကို ရှင်းပြီးရင်တော့ ငါတို့ ပင်ကိုပျက်ဆီးခြင်းပင်လယ်ကို အပြည့်အဝ ထိန်းချုပ်နိုင်လောက်ပြီ။"

ဟင်းလင်းပြင်ထဲတွင် မဟာသူတော်စင်တန်ခိုးရှင်များသည် သူတို့ရှေ့မှ မြင်ကွင်းကြောင့် ကြောက်ရွံ့နေကြသည်။

သူတို့သည် ဖရိုဖရဲမဟာမိတ်အဖွဲ့၏ အနိုင်ကျင့်ဗိုလ်ကျမှုနှင့် ခိုင်မာသောဆုံးဖြတ်ချက်ကို အပြည့်အဝ မြင်တွေ့ခဲ့ရသည်။

မိုးကြိုးကျားမဟာသူတော်စင်နှင့် ရွှေမြင့်မြတ်မဟာသူတော်စင်ကို အတုယူရန် ကြံစည်ထားခဲ့သော မဟာသူတော်စင်တန်ခိုးရှင်များစွာမှာ ချွေးစေးများပြန်လာသည်။

မူလက သူတို့သည် အမြန်ဆုံးဖြစ်ပြီး အများဆုံးရရှိခဲ့သော မဟာသူတော်စင် နှစ်ဦးကို အနည်းငယ် မနာလိုဖြစ်ခဲ့ကြသည်။

ယခုအခါ သူတို့မှာ စိတ်သက်သာရာ ရနေကြပြိီး လှုပ်ရှားရန် နှေးကွေးခဲ့သည့်အတွက် ကြိတ်၍ ဝမ်းသာနေကြ၏။

သို့မဟုတ်လျှင် ယနေ့ ဤနေရာတွင် ရှိနေသူများမှာ မိမိတို့သာ ဖြစ်ပေလိမ့်မည်။

မဟာသူတော်စင်တန်ခိုးရှင်အားလုံးမှာ ဆက်မနေဝံ့တော့ဘဲ ချက်ချင်းပင် အဝေးသို့ထွက်ပြေးကာ သတင်းကို ဖြန့်ကြတော့သည်။

သဘာဝကျစွာပင် သွေးလက်နှစ်ဖော်သည် လေဟာနယ်ထဲမှ မဟာသူတော်စင်များအကြောင်းကို သိကြသော်လည်း၊ သူတို့တွင် တိုက်ခိုက်ရန် ရည်ရွယ်ချက် မရှိချေ။

ကြက်ကို သတ်ပြီးလျှင် မျောက်က မမြင်ပါက အားထုတ်ရကျိုး နပ်မည် မဟုတ်ပေ။

…

မိုးကြိုးကျား မဟာမိတ်အဖွဲ့နှင့် ရွှေမြင့်မြတ် မဟာမိတ်အဖွဲ့တို့၏ ပျက်စီးခြင်းသတင်းသည် ပင်ကိုပျက်ဆီးခြင်းပင်လယ်တစ်ခွင် လျင်မြန်စွာ ပျံ့နှံ့သွားပြီး၊ အင်အားစုများစွာ၏ ကျောရိုးထဲသို့ စိမ့်ဝင်သွားစေခဲ့သည်။

တုံ့ဆိုင်းနေဆဲဖြစ်သော အချို့အင်အားစုများသည် သူတို့၏ရွေးချယ်မှုကို လျင်မြန်စွာ ပြုလုပ်ခဲ့ကြသည်။

လက်ရှိအခြေအနေအောက်တွင် သူတို့တွင် ရွေးချယ်စရာတစ်ခုသာ

ရှိသည်၊ ၎င်းမှာ ဖရိုဖရဲ မဟာမိတ်အဖွဲ့သို့ ဝင်ရောက်ခြင်းပင်။

သို့မဟုတ်လျှင် သူတို့သည် နောက်ထပ် မိုးကြိုးကျား မဟာမိတ်အဖွဲ့ ဖြစ်လာပေလိမ့်မည်။

အထီးကျန်နေခြင်းသည် ရွေးချယ်စရာ တစ်ခု မဟုတ်တော့ပေ။

အစွန်အဖျားဒေသပင်လျှင် ထိခိုက်ခဲ့သည်။

မဟာသူတော်စင်မရှိသော အင်အားစုငယ်အချို့သည်လည်း ဖရိုဖရဲမဟာမိတ်အဖွဲ့ထံမှ ပါဝင်ရန် ဖိတ်ခေါ်ချက်များ လက်ခံရရှိခဲ့သည်။

ပင်ကိုပျက်ဆီးခြင်းပင်လယ်အပေါ် လုံးဝထိန်းချုပ်မှုဆိုသည်မှာ နောက်စရာမဟုတ်ပေ။

အစွန်အဖျားဒေသရှိ အသန်မာဆုံးမိသားစုအနေဖြင့် ရီမိသားစုသည်လည်း ဖိတ်ခေါ်ချက်တစ်ခုကို လက်ခံရရှိခဲ့သော်လည်း ရီကျင်းထျန်က လျစ်လျူရှုလိုက်သည်။

ရီမိသားစုအတွက်မူ၊ လက်ရှိရုန်းကန်မှုသည် သူတို့ပုံမှန်ကြုံတွေ့ရလေ့ရှိသော အရာများနှင့် လုံးဝကွဲပြားခြားနားသည်။

ယခုအခါ ရီမိသားစုသည် အဓိကအားဖြင့် စစ်မှန်သောနတ်ဘုရားအင်အားစုများနှင့် ဆက်ဆံနေရသည်။

အချို့မဟာသူတော်စင်အင်အားစုများမှာ ရီမိသားစုအတွက် ကလေးကစားစရာနှင့်တူရာ၊ ဘယ်လိုလုပ် စိတ်ဝင်စားနိုင်မည်နည်း။

ရီမိသားစု၏ အမြင်မှာ အခြားအဆင့်တစ်ခုသို့ ရောက်နေပြီဖြစ်သည်။

ထို့အပြင် အချို့ရင်းနှီးသော မိသားစုအင်အားစုများကလည်း ရီမိသားစုထံ မဟာမိတ်ဖွဲ့ရန် ချဉ်းကပ်လာကြသည်။ သူတို့က ပါဝင်ချင်ကြ၏။

အတွင်းပိုင်းဒေသ သို့မဟုတ် အခြားနေရာများနှင့် နှိုင်းယှဉ်လျှင်၊ အစွန်အဖျားဒေသမှ မိသားစုများသည် ရီမိသားစု၏စွမ်းအားကို ပိုမို နှံ့စပ်စွာ နားလည်ကြသည်။

သူတို့၏အမြင်တွင်၊ ပင်ကိုပျက်ဆီးခြင်း ပင်လယ်တစ်ခုလုံး၌ ဖရိုဖရဲ မဟာမိတ်အဖွဲ့ကို ဆန့်ကျင်နိုင်စွမ်း ရှိသော တစ်ခုတည်းသော အင်အားစုမှာ ရီမိသားစုသာ ဖြစ်နိုင်သည်။

ရီမိသားစုသည် ပုံမှန်အားဖြင့် တိုးတိုးတိတ်တိတ်နေလေ့ရှိသော်လည်း၊ ထိုသူတို့ ရံဖန်ရံခါ ပြသသော အစွမ်းသည် အများတကာ မော့ကြည့်ရလောက်အောင်ပင် ဖြစ်နေနှင့်ပြီ။

ပြီးခဲ့သည့် တစ်ကြိမ်က၊ အရွက်တစ်ထောင်ဆေးခန်းတွင် အချောင် ရဖို့ ကြိုးစားသော နှောင်းပိုင်းမဟာသူတော်စင်တစ်ဦးကို ရယ ကောက်ကာငင်ကာ ပေါ်လာသော ဝတ်စုံနက်ဝတ် လူတစ်ဦးက မဆိုင်းမတွ သတ်ပစ်လိုက်သည်ကို အင်အားစုများစွာက မျက်မြင်တွေ့ရှိခဲ့ကြသည်။

ဤမျက်မြင်သက်သေ သူတော်စင်များထဲတွင် တစ်ဦးမှာ အထွတ်အထိပ်

မဟာသူတော်စင် တန်ခိုးရှင်တစ်ဦး၏ အရှိန်အဝါကို ယခင်က ကြုံတွေ့ခဲ့ဖူးသည်။

သို့သော် အနက်ရောင်ဝတ်စုံနှင့်လူက ထုတ်ဖော်ပြသခဲ့သော အရှိန်အဝါ မှာ သူ ယခင်က တွေ့ခဲ့ဖူးသော အထွတ်အထိပ်မဟာသူတော်စင်

တန်ခိုးရှင်၏ အရှိန်အဝါထက် များစွာ သာလွန်နေခဲ့လေ၏။

ဤအနက်ရောင်ဝတ်စုံနှင့် လူသည် အထွတ်အထိပ် မဟာသူတော်စင်ကဲ့သို့ ရိုးရှင်းသူ တစ်ဦး မဟုတ်သည်မှာ သေချာပါသည်။

*****