ခင်ဗျားတို့ သုံးနေတာတွေအားလုံး ကျုပ် ရီမိသားစုရဲ့ အရင်းအမြစ်တွေပဲ (အပိုင်း ၂)...

~သူတို့ ကြောက်တာက ကိုယ့်လက်နက်ကောင်းကို ထုတ်သုံးရမှာကို မဟုတ်။ ထုတ်သုံးပြီးသွားမှ အဲ့ဒီလက်နက်ကောင်းက အသုံးမဝင်တော့တာကို သိလိုက်ရမှာကို ကြောက်တာပင်။

အနက်ရောင်နဂါးရုပ်သေးရုပ်ကလည်း မဟာသူတော်စင်တန်ခိုးရှင်များစွာ၏ လက်နက်ကောင်းများကို အစွမ်းကုန် ခုခံနေရသည်။

သူ၏နောက်မှ အနက်ရောင်နဂါးအရိပ်သည်လည်း အထဲတွင် ကျန်ရှိနေသော အနက်ရောင်နဂါးစစ်မှန်သောနတ်ဘုရား၏ စွမ်းအားများကို မီးထိုးလောင်ကျွမ်းစေလိုက်၏။

စစ်မြေပြင်သည် မိုင်ပေါင်းတစ်သန်းတိုင်အောင် ကျယ်ပြန့်သွားတော့သည်။

...

ထိုနေရာများတွင် သေရေးရှင်ရေးတိုက်ပွဲများ ဖြစ်ပွားနေစဉ်မှာပင်၊ မြေဘီလူး

စစ်မှန်သောနတ်ဘုရားသည် ထိုရင်းနှီးသော အငွေ့အသက်ကို တစ်ဖန်ပြန်လည် ခံစားလိုက်ရပြန်သည်။

ဒီတစ်ကြိမ်မှာတော့ ထိုအငွေ့အသက်က မျက်စိတစ်မှိတ်အတွင်း ပျောက်ကွယ်မသွားဘဲ၊ မြေဘီလူးစစ်မှန်သောနတ်ဘုရားက ၎င်းကို အပြည့်အဝ ဖမ်းဆုပ်ထားနိုင်လိုက်သည်။

အနက်ရောင်နဂါး စစ်မှန်သောနတ်ဘုရားရဲ့ အငွေ့အသက်ပါလား။

"ဒါ... ဒါဘယ်လိုဖြစ်နိုင်မှာလဲ။ အနက်ရောင်နဂါးစစ်မှန်သောနတ်ဘုရား သေသွားပြီမဟုတ်ဘူးလား။"

သူ့စိတ်ထဲမှာတော့ မယုံကြည်နိုင်ခြင်းများဖြင့် ပြည့်နှက်သွား၏။

*ဟင်း... ဖြစ်နိုင်တယ်။ အဲ့ဒီတုန်းက ရီမိသားစုခေါင်းဆောင်ဆိုတဲ့ ကြောက်စရာကောင်းတဲ့ လူ အနက်ရောင်နဂါးကို တိုက်ခိုက်တုန်းက သူ့ကျင့်ကြံခြင်းအဆင့်က စစ်မှန်သောနတ်ဘုရားအဆင့်တောင် မရောက်သေးဘူး။ ဒီတော့ အနက်ရောင်နဂါးကို အပြတ်မသတ်နိုင်ခဲ့တာက ဖြစ်လောက်ပါတယ်။*

ထိုသို့ မြေဘီလူးစစ်မှန်သောနတ်ဘုရား၏ စိတ်ထဲတွင် အတွေးတစ်ခု လင်းလက်လာသည်။

"အဟင်း... အနက်ရောင်နဂါးသာ မသေသေးဘူးဆိုရင် သူ့ခန္ဓာကိုယ်ထဲက သွေးမျိုးဆက်က ငါ့အတွက်တော့ အဖိုးတန်ပစ္စည်းတစ်ခုပဲ။"

*ငါ သွားကြည့်လိုက်ဦးမယ်*

မြေဘီလူးစစ်မှန်သောနတ်ဘုရားသည် သူ၏ "မိတ်ဆွေဟောင်း" ကို သွားကြည့်ရန် ရည်ရွယ်လိုက်တော့သည်။

...

ဤနေရာတွင်တော့ တိုက်ပွဲများက ဆက်လက်ပြင်းထန်နေဆဲ။

ခရမ်းလမင်းမဟာသူတော်စင်နှင့် အပေါင်းအပါများမှာ ဒီအနက်ရောင်နဂါးရုပ်သေးရုပ်က အလွန်အမင်း အကြောမာလွန်းကြောင်း တွေ့ရှိလိုက်ရသည်။

သူတို့ လက်နက်ကောင်းများစွာ ထုတ်သုံးပြီး အနက်ရောင်နဂါးရုပ်သေးရုပ်ကို ဖိအားပေးနိုင်ခဲ့သော်လည်း၊ ယခုအချိန်အထိ

သူတို့က ၎င်းကို ဖိနှိပ်ထားနိုင်ရုံသာရှိပြီး အနိုင်မတိုက်နိုင်သေးပေ။

ပိုဆိုးသည်မှာ သူတို့၏ လက်နက်ကောင်းများ တဖြည်းဖြည်း ကုန်ဆုံးလာသည်နှင့်အမျှ၊ အနက်ရောင်နဂါးရုပ်သေးရုပ်ကို ဖိနှိပ်ရန် ပို၍ ၊ ပို၍ ခက်ခဲလာကြောင်း တွေ့ရှိရသည်။

ဒီအတိုင်းသာ ဆက်သွားနေလျှင်၊ သူတို့လက်နက်ကောင်းတွေ ကုန်သွားသည်နှင့် သူတို့၏ သေဆုံးချိန်လည်း ရောက်လာတော့မည်။

"ဒီအနက်ရောင်နဂါး ရုပ်သေးရုပ်ကို အနိုင်

မတိုက်နိုင်ရင်၊ ဒါကို ထိန်းချုပ်နေတဲ့ကောင်ကို အရင်ရှင်းပစ်လိုက်!"

ခရမ်းလမင်းမဟာသူတော်စင်သည်

ရီကျင်းထျန်ထံသို့ လှည့်ကြည့်လိုက်သည်။

အရွက်တစ်ထောင်ဆေးခန်း၏ ဆေးခန်းပိုင်ရှင်ဖြစ်တဲ့ ရီကျင်းထျန်ဆိုသောကောင်ကတော့ သူတို့၏ ထောက်လှမ်းရေးစာရင်းထဲမှာ ပါပြီးသားပငိ။

ရီမိသားစုခေါင်းဆောင်၏ သားအကြီးဆုံးဖြစ်နေလေတော့ ဒီဆေးခန်းပိုင်ရှင် ဟူသောကောင်က အရေးပါသည့် နေရာမှာ ရှိနေသည်။

ယခုလို ရီမိသားစုနှင့် သေရေးရှင်ရေးတိုက်ပွဲဖြစ်နေချိန်မှာတော့ ခရမ်းလမင်းမဟာသူတော်စင်မှာ သူ့အတွက် အသက်ကယ်ဖက်တစ်ခုခုတော့ မဖြစ်မနေ လိုအပ်လာပြီဟု ခံစားလိုက်ရသည်။

'ဟုတ်ပြီ... ရီကျင်းထျန်... ဒီကောင်ကတော့ အံကိုက်ပဲ။'

'ဟိုတစ်ပိုင်းနတ်ဘုရားရုပ်သေးရုပ်ကို အနိုင်မတိုက်နိုင်ခဲ့ရင်တောင်... ဒီကောင့်ကိုသာ ငါ့လက်ထဲမှာ ထည့်ထားနိုင်ရင်... အနည်းဆုံးတော့ ငါ့အသက်ကို ငါကယ်နိုင်လောက်သေးတယ်။'

'ဒါပေါ့... တကယ်လို့ ရီမိသားစုက ဒီဆေးခန်းပိုင်ရှင်ဆိုတဲ့ကောင်ကို ဂရုမစိုက်ဘူးဆိုရင်တော့... အဲ့ဒီအခါကျမှ အတူတူသေကြတာပေါ့'

ထိုသို့ တွေးတောကာ ခရမ်းလမင်းက အသံခပ်အုပ်အုပ်ဖြင့် အမိန့်ပေးလိုက်သည်။

"မင်းတို့အားလုံး ဒီအနက်ရောင်နဂါးရုပ်သေးရုပ်ကို ထိန်းထား။ ငါ အရွက်တစ်ထောင်ဆေးခန်းရဲ့ ဆေးခန်းပိုင်ရှင်ကို သွားကိုင်တွယ်လိုက်မယ်!"

ပြောပြောဆိုဆိုနှင့် ခရမ်းလမင်း

မဟာသူတော်စင်သည် သူ၏လက်ကိုလှန်လိုက်ကာ နောက်ထပ်အဆောင်တစ်ခုကို ထုတ်ယူလိုက်သည်။

ခရမ်းလမင်းသည် ထိုအဆောင်ကို သူ၏ ကိုယ်ပေါ်သို့ ကပ်လိုက်သည်နှင့်... သူ၏ မှေးမှိန်နေပြီ ဖြစ်သော ဓမ္မ နတ်ဘုရားအရိပ်သည် တစ်ဖန်ပြန်လည် ထွက်ပေါ်လာပြန်သည်။

'ဒီတစ်ခါပေါ်လာတဲ့ ဓမ္မ ပုံရိပ်က အရင်

တစ်ခေါက်လောက်တော့ အစွမ်းမထက်ဘူး... ဒါပေမဲ့ နှောင်းပိုင်းအဆင့် မဟာသူတော်စင်တစ်ကောင်လောက်ကို ကိုင်တွယ်ဖို့တော့... လုံလောက်တာထက်တောင် ပိုသေးတယ်။'

ခရမ်းလမင်းမဟာသူတော်စင်၏ စိတ်ထဲတွင်တော့ တွက်ချက်ပြီးသားပင်။

'ဟုတ်တယ်လေ... ရွှေစမ်းနဲ့ ငွေစမ်းညီနောင် သေသွားတာကလည်း ဟိုတစ်ပိုင်းနတ်ဘုရားရုပ်သေးရုပ် လက်ချက်ပဲ ဖြစ်ရမယ်။'

'ရီကျင်းထျန်က ဘယ်လောက်ပဲ သန်မာနေပါစေ... လက်နက်ကောင်းသုံးပြီး တစ်ပိုင်းနတ်ဘုရားအဆင့်ရောက်နေတဲ့ ငါ့လို တန်ခိုးရှင်တစ်ယောက်ကိုတော့ ဘယ်လိုနည်းနဲ့မှ ယှဉ်နိုင်မှာမဟုတ်ဘူး!'

ခရမ်းလမင်းမဟာသူတော်စင်က သူ၏ လက်နက်ကောင်းတစ်ခုကို တစ်ဖန်ပြန်လည် အသက်သွင်းလိုက်ရာ၊ သူတို့၏ လက်နက်ကောင်းများ ကုန်ဆုံးပြီးဖြစ်သော တခြားမဟာသူတော်စင်များစွာ၏ ရင်ထဲတွင် ဒေါသမီးများ တဟုန်းဟုန်းတောက်လောင်သွားသည်ကိုတော့ ရှောင်လွှဲ၍မရပေ။

'တောက်! ခွေးမသား ခရမ်းလမင်း! ငါတို့ကိုကျတော့ လက်မနှေးနဲ့ဆိုပြီး အော်ဟစ်နေပြီးတော့ သူကိုယ်တိုင်ကျတော့ ဖွက်ထားသေးတယ်။ လူလည်ကောင်!'

လူအများ၏ ခရမ်းလမင်းမဟာသူတော်စင်အပေါ်ထားသော အထင်အမြင်သည် တဖြည်းဖြည်းနှင့် ပို၍ဆိုးရွားလာတော့သည်။

ရီကျင်းထျန်ကတော့ သူ့ထံ ချဉ်းကပ်လာသော ခရမ်းလမင်းမဟာသူတော်စင်ကို ကြည့်ရင်း ကောင်းကင်ယံမှာ ခိုင်မာစွာ ရပ်နေဆဲ။ ထွက်ပြေးမည့် အရိပ်အယောင်တစ်စက်မှမရှိ။

ရီမိသားစုက ဘယ်တုန်းကမှ ရုပ်သေးစစ်သားတွေကို အားမကိုး။ သူတို့ အားကိုးသည်မှာ သူတို့ကိုယ်ပိုင်အစွမ်းအစသာ ဖြစ်သည်။

နတ်ဘုရားရိုက်ကြာပွတ်ကိုပင် ထုတ်မသုံးသေးဘဲ၊ ရီကျင်းထျန်သည် အေးဆေးသက်သာသောပုံစံဖြင့် မူလအစနိယာမတရားများကို အသုံးပြုကာ ခရမ်းလမင်းမဟာသူတော်စင်ကို ရင်ဆိုင်လိုက်၏။

"အုန်း"

သူတော်စင်စွမ်းအားများ ရောယှက်သွားပြီး ကောင်းကင်ယံတစ်ခုလုံး တုန်ခါသွားသည်။

ခရမ်းလမင်းမဟာသူတော်စင် မိုင်တစ်ရာခန့် နောက်သို့ တဟုန်ထိုး ဆုတ်သွားရပြီး၊

ရီကျင်းထျန်ကတော့ နေရာမှာပင်

မလှုပ်မယှက်ပင်။

ဤတိုက်ကွက်တစ်ချက်တည်းနှင့်ပင်

ရီကျင်းထျန်၏ တိုက်ခိုက်နိုင်စွမ်းက လက်ရှိ ခရမ်းလမင်းမဟာသူတော်စင်ထက် အားနည်းမနေကြောင်းမှာတော့ ထင်ရှားနေလေပြီ။

အားနည်းမနေရုံသာမက... တစ်ပန်းသာနေသေးသည်ဟုပင် ဆိုရပေမည်။

"ဒါ... ဒါဘယ်လိုဖြစ်နိုင်မှာလဲ။"

ခရမ်းလမင်းမဟာသူတော်စင်၏ မျက်နှာက ပုပ်သိုးသွားသည်။

သူ၏ တစ်ကိုယ်လုံးမှ တဆစ်ဆစ် နာကျင်မှုနှင့်အတူ ခရမ်းလမင်းမဟာသူတော်စင်၏ မျက်နှာသည်လည်း မည်းမှောင်သွားတော့၏။

ခရမ်းလမင်းနိယာမ။

ခရမ်းရောင် လမင်းတစ်စင်း ဖွဲ့တည်လာပြီး လမင်း၏ စွမ်းအားများက သူ၏ခန္ဓာကိုယ်ထဲသို့ အရူးအမူး သွန်းလောင်း၍ လာသည်။

သူ၏ ကြောက်မက်ဖွယ်အရှိန်အဝါသည် တစ်ဖန်ပြန်လည် ပြင်းထန်လာ၏။

ထို့နောက် ခရမ်းလမင်းမဟာသူတော်စင်သည် သူ၏ အဆင့်မြင့်မဟာသူတော်စင်လက်နက်ကို ကိုင်စွဲကာ ရီကျင်းထျန်ကို အပြင်းအထန် တိုက်ခိုက်လိုက်သည်။

"ခွပ်!"

အဆင့်မြင့်မဟာသူတော်စင်လက်နက်ပေါ်တွင် မျက်စိဖြင့် မမြင်နိုင်လောက်အောင် သေးငယ်သော အက်ရာတစ်ခု ထင်ရှားစွာ ပေါ်လာသည်။

ရီကျင်းထျန်၏ လက်ထဲတွင်တော့ နတ်ဘုရားရိုက်ကြာပွတ်က နတ်အလင်းများ တောက်ပစွာ ထွန်းလင်းနေ၏။

"တစ်ပိုင်းနတ်ဘုရားအဆင့်လက်နက်!"

ခရမ်းလမင်းမဟာသူတော်စင်သည် အံကြိတ်လိုက်မိသည်။

'...'

ရီကျင်းထျန်၏ လက်ထဲမှ နတ်ဘုရားရိုက်ကြာပွတ်ကို ကြည့်ရင်း သူ၏မျက်လုံးထဲတွင် လောဘအရိပ်အယောင်များဖြင့် ပြည့်နှက်သွားတော့၏။

'ငါ... ငါကွာ! ဒီပင်လယ်တစ်ခုလုံးမှာ အသန်မာဆုံးဆိုတဲ့ ဘွဲ့ကို ဒီအဆင့်မြင့်မဟာသူတော်စင်လက်နက်လေးတစ်ခုနဲ့ ရထားတာ! အခုတော့... ဘယ်ကမှန်းမသိတဲ့ရီကျင်းထျန်ဆိုတဲ့ ပမွှားကောင်က တစ်ပိုင်းနတ်ဘုရားအဆင့်အဆောင်ကို လွယ်လွယ်ကူကူ ထုတ်သုံးပြနေတယ် ဟုတ်လား။'

'ဇာတ်လမ်းက ဒီလိုလာရမှာ မဟုတ်ဘူးလေ!'

'ပြီးတော့... ရီကျင်းထျန်ဆိုတဲ့ကောင်က နှောင်းပိုင်းသူတော်စင်အဆင့်ပဲ ရှိသေးတာ။ သူ့မှာ တစ်ပိုင်းနတ်ဘုရားအဆင့်အဆောင် ရှိနေရင်တောင် ငါ့ရဲ့အစွမ်းကို ဘယ်လိုနည်းနဲ့မှ မယှဉ်နိုင်သင့်ဘူး!'

သူသည် အတွေးများကို ပြင်ပသို့ အသံထုတ်၍ မေးလိုက်တော့၏။

"မင်းက ဘယ်သူလဲ... မင်းလို နှောင်းပိုင်းသူတော်စင်အဆင့်ကောင်က ငါ့လို တစ်ပိုင်းနတ်ဘုရားကို ဘယ်လိုလုပ် အနိုင်တိုက်နိုင်ရမှာလဲ!"

ခရမ်းလမင်းမဟာသူတော်စင်၏ စကားကိုကြားသော် ရီကျင်းထျန်က ဟားတိုက်ရယ်မောလိုက်သည်။

"တစ်ပိုင်းနတ်ဘုရား? ဟား... ကိုယ့်ကိုယ်ကို ရွှေချမနေစမ်းပါနဲ့ဗျာ။ အထွတ်အထိပ်သူတော်စင်က အထွတ်အထိပ်သူတော်စင်ပဲ။ ကိုယ့်ဘာသာကိုယ် နယ်ပယ်အသစ်တစ်ခု တီထွင်ပြီး နာမည်တပ်မနေနဲ့။"

"ခင်ဗျားတို့လိုကောင်တွေက စစ်မှန်သောနတ်ဘုရားအဆင့်ကို မတက်နိုင်တော့ ကိုယ့်အဆင့်ကို တခြားသူတွေနဲ့ ကွဲပြားသွားအောင် နာမည်အသစ်ပေးပြီး ဟန်လုပ်နေကြတာပဲ မဟုတ်လား။"

ကျင့်ကြံခြင်းတရား၏ နက်နဲလှသော လမ်းစဉ်တစ်လျှောက်တွင် 'တစ်ပိုင်းနတ်ဘုရား' ဟူသော နယ်ပယ်တစ်ခုသည် အမှန်စင်စစ် တည်ရှိခဲ့ခြင်း မရှိပေ။

၎င်းသည် နှစ်သန်းပေါင်းများစွာ စစ်မှန်သောနတ်ဘုရားတစ်ပါး မမွေးထုတ်နိုင်ခဲ့သော ပင်ကို ပျက်စီးခြင်း ပင်လယ်၏ ကျင့်ကြံသူများက သူတို့၏ ရပ်တန့်နေသော အဆင့်ကို အားမလိုအားမရဖြစ်ကာ မိမိကိုယ်ကိုယ် ဂုဏ်တင်မြှောက်ပင့်ရန် ဖန်တီးထားသော အခေါ်အဝေါ်တစ်ခုမျှသာ ဖြစ်သည်။

ပါးစပ်ဖျားတွင် ရေပန်းစားနေသော 'တစ်ပိုင်းနတ်ဘုရား' ဆိုသည်မှာလည်း အမှန်စင်စစ်တွင် အစွမ်းထက်လွန်းလှသော အထွတ်အထိပ်သူတော်စင်တစ်ပါးသာဖြစ်ပြီး၊ သူတို့တန်ဖိုးထားကြသည့် 'တစ်ပိုင်းနတ်ဘုရားအဆင့်လက်နက်' ဆိုသည်မှာလည်း အဆင့်မြင့်သူတော်စင်လက်နက်များထက် အနည်းငယ်ပို၍ အစွမ်းထက်သော လက်နက်တစ်ခုမျှသာ ဖြစ်လေ၏။

အဘယ်ကြောင့်ဆိုသော် အထွတ်အထိပ်မဟာသူတော်စင်တစ်ပါးသည် မည်မျှပင် ကြောက်မက်ဖွယ်ကောင်းအောင် သန်မာနေပါစေ၊ စစ်မှန်သောနတ်ဘုရားအဆင့်တံခါးကို မကျော်ဖြတ်နိုင်သေးသရွေ့... သူသည် အထွတ်အထိပ် သူတော်စင်တစ်ပါးမျှသာ ဖြစ်နေဦးမည် မဟုတ်လော။

ရီကျင်းထျန်၏ နောက်ခံအင်အားကိုပါ ထည့်တွက်လိုက်လျှင် ရီကျင်းထျန်သည် ထိုသူတို့အား လုံးဝ မဖြုံပေ။

ရီကျင်းထျန် ပြန်လည် ချေပသော စကားများကြောင့် ခရမ်းလမင်းမဟာသူတော်စင်နှင့် အခြားသူများမှာ စကားတစ်ခွန်းမှပင်

မဆိုနိုင်တော့။

ပင်ကို ပျက်စီးခြင်း ပင်လယ်သည် နှစ်သန်းပေါင်းများစွာ စစ်မှန်သောနတ်ဘုရားတစ်ပါး မမွေးထုတ်နိုင်ခဲ့သည်မှာ အမှန်ပင်။ သူတို့၏ တစ်ပိုင်းနတ်ဘုရားဆိုသော အခေါ်အဝေါ်သည် သူတို့လက်နက်ကောင်းများ သုံးပြီးနောက်ပိုင်းတွင် သာမန်အထွတ်အထိပ်မဟာသူတော်စင်များနှင့် ကွဲပြားသွားစေရန်အတွက် နာမည်တပ်ထားခြင်းမျှသာ ဖြစ်သည်။

တကယ်တော့... သူတို့အားလုံးသည် အထွတ်အထိပ်မဟာသူတော်စင်များသာ ဖြစ်ကြသည်။

အခုလို ရီကျင်းထျန်က ပေါ်တင်ထောက်ပြလိုက်သောအခါ သူတို့၏ မျက်နှာများမှာ အတော်လေးတော့ ပူသွားကြသည်။

"သောက်ပြောကောင်းနေရုံနဲ့တော့ အလုပ်ဖြစ်မှာမဟုတ်ဘူး။ ဟမ့်၊ မင်းရဲ့အစွမ်းအစက မင်းပါးစပ်လောက် ကောင်းရဲ့လား ကြည့်ကြသေးတာပေါ့!"

"သေပေတော့"

ခရမ်းလမင်းမဟာသူတော်စင်၏ စိတ်ထဲတွင်တော့ ဗုံသံများ ဆူညံနေလေပြီ။

'...'

'ဒီအဆောင်ရဲ့ အာနိသင်မကုန်ခင် ရီကျင်းထျန်ကို အနိုင်မတိုက်နိုင်ရင်တော့... ငါတော့ ဒုက္ခအကြီးအကျယ်ရောက်ပြီ။'

'အဲ့ဒီအခါကျရင် ရီကျင်းထျန်ကို ဓားစာခံလုပ်ပြီး ရီမိသားစုကို ခြိမ်းခြောက်ဖို့က မဖြစ်နိုင်တော့ဘူး... ဒီနေ့တစ်နေ့ အသက်ရှင်ဖို့တောင် မသေချာတော့ဘူး!'

'ငါတို့မှာ မသုံးရသေးတဲ့ အရင်းအမြစ်တွေ အများကြီးရှိသေးတယ်။ စစ်မှန်သောနတ်ဘုရားအဆင့်ကို တက်လှမ်းဖို့ မျှော်လင့်ချက်တွေလည်း ရှိနေသေးတာ။ ဒီအတွက်နဲ့ ငါတို့ ဘယ်လောက်တောင် အချိန်ယူပြီး ကြံစည်ခဲ့ရလဲ!'

'အခုတော့ နောက်ဆုံးမိနစ်ကျမှ အစီအစဉ်တွေ ပျက်စီးပြီး သူများအတွက် အကျိုးဖြစ်သွားရတယ်လို့တော့... ဘယ်သူမှ လက်ခံနိုင်မှာမဟုတ်ဘူး!'

တထိတ်ထိတ် စိုးရိမ်မှုများနှင့်အတူ ဆေးလုံးများ တစ်လုံးပြီးတစ်လုံးပေါ်လာကာ ခရမ်းလမင်းမဟာသူတော်စင်၏ ပါးစပ်ထဲသို့ အဆက်မပြတ် ပစ်ပေါက်ထည့်လိုက်သည်။

အထွတ်အထိပ်တန်ခိုးရှင်တွေအတွက် အလွန်အဖိုးတန်သော ထိုဆေးလုံးများကို အလကားရသည့်အလား တောက်လျှောက်သုံးစွဲနေတော့သည်။

ပင်ကို ပျက်စီးခြင်း ပင်လယ်တစ်ခုလုံး၏ အရင်းအမြစ်များကို ပိုင်ဆိုင်ထားသည်နှင့်အညီ... ဤအထွတ်အထိပ် မဟာသူတော်စင်များမှာ တကယ်ပင် လက်ဖွာလှပါသည်တကား။

သို့သော်... ဤမြင်ကွင်းက ရီကျင်းထျန်ကို အနည်းငယ် မကျေမနပ်ဖြစ်သွားစေသည်။

'အ... ကောင်းလေစွ။ ခင်ဗျားတို့ သုံးနေတာတွေအားလုံးက နောင်တစ်ချိန်မှာ ကျုပ် ရီမိသားစု ပိုင်ဆိုင်ရမယ့် အရင်းအမြစ်တွေချည်းပဲလေ။'

'ငါ့မိသားစုရဲ့ ပစ္စည်းတွေကို ဖြုန်းတီးနေတယ်ပေါ့လေ။ သေချင်နေကြပြီ!'

*****