မိသားစု၏ အင်အားကြီးသူ၊ စစ်မှန်သော နတ်ဘုရား နယ်ပယ်...

~နတ်စွမ်းအား တစ်ခု မွေးဖွားလာခဲ့ပြီ။ စစ်မှန်သောနတ်ဘုရား တစ်ပါး၏ အရှိန်အဝါသည် ကောင်းကင်ဘုံချိတ်ဆက်နယ်မြေတစ်ခုလုံးသို့ ပျံ့နှံ့သွားလေ၏။

ရီရှောင်းရှောင်းသည် သူမ၏ အဆင့်ချိုးဖြတ်တက်ရောက်ခြင်းကို ဖုံးကွယ်ရန် စိတ်ကူးမရှိပေ။ သို့ဖြစ်ပေရာ သူမထံမှ ထွက်ပေါ်လာသော စစ်မှန်သော နတ်ဘုရားနယ်မြေ၏ အရှိန်အဝါသည် ကောင်းကင်ဘုံချိတ်ဆက်နယ်မြေအတွင်းရှိ စစ်မှန်သောနတ်ဘုရားအဆင့် ကျွမ်းကျင်သူ

အများအပြား၏ အာရုံကို ချက်ချင်းဖမ်းစားသွားလေတော့သည်။

တစ်စုံတစ်ယောက် စစ်မှန်သောနတ်ဘုရားအဆင့်ကို ထပ်ပြီး တက်လှမ်းသွားပြန်ပြီလား။

ဒီအရှိန်အဝါက အရမ်းအစွမ်းထက်လွန်းနေပါရောလား။ တကယ်ပဲ အခုမှ စစ်မှန်သောနတ်ဘုရားအဆင့်ကို ဖြတ်ကျော်လာတဲ့သူတစ်ယောက်က ဒီလောက်စွမ်းအားမျိုး ပိုင်ဆိုင်နိုင်လို့လား။

နှစ်သိန်းပေါင်းများစွာ ကြိုးစားကျင့်ကြံခဲ့သော်လည်း တိုးတက်မှုတစ်စုံတစ်ရာမရှိခဲ့သော စစ်မှန်သောနတ်ဘုရားအဆင့် ကျွမ်းကျင်သူအချို့ ရုတ်တရက် စိတ်ဓာတ်ကျသွားကြသည်။

ငါတို့ နှစ်သိန်းပေါင်းများစွာ ကြိုးစားလာခဲ့တာတောင်မှ အခုမှ အဆင့်ချိုးဖြတ်လာတဲ့ တစ်ယောက်က ဒီဲလိုလေး ကျော်ဖြတ်သွားတယ်ပေါ့လေ။

ကောင်းကင်ဘုံချိတ်ဆက်နယ်မြေတွင် စစ်မှန်သောနတ်ဘုရား ထောင်ရွက်ကဲ့သို့သော တည်ရှိမှုမျိုး နောက်တစ်ဦး မွေးဖွားလာတော့မည်လား။

ဘယ်သူကများ အဆင့်ချိုးဖြတ်သွားတာလဲ။

မရေမတွက်နိုင်သော နတ်အာရုံများသည် နေရာအနှံ့သို့ ပျံ့နှံ့ထွက်သွားသည်။

များမကြာမီမှာပင် သူတို့သည် ယနေ့အဆင့်ချိုးဖြတ်တက်ရောက်ပွဲ၏

ဇာတ်လိုက်ကို အတည်ပြုနိုင်ခဲ့လေ၏။

တာ့ယွီနတ်မင်းဆက်၏ မြင့်မြတ်သောမြို့တော်အတွင်းမှာ တစ်စုံတစ်ယောက် အဆင့်ချိုးဖြတ်သွားတာလား။

အားလုံး၏စိတ်ထဲတွင် ပုံရိပ်တစ်ခု ထွက်ပေါ်လာသည်။

ဒါက..

စစ်မှန်သောနတ်ဘုရား ထောင်ရွက်၏ ညီမ၊ တာ့ယွီနတ်မင်းဆက်၏ ခေါင်းဆောင်

ရီရှောင်းရှောင်းပင်။

အော်… အဲဒီ ပုဂ္ဂိုလ်ရဲ့ ညီမလား။ ဒါဆိုရင်တော့ တော်ပြီ။

မူလက ရည်မှန်းချက်ကြီးမားသော စစ်မှန်သောနတ်ဘုရားအဆင့် ကျွမ်းကျင်သူများသည် ဤအခိုက်အတန့်တွင်

သူတို့၏အတွေးစများကို အကုန်အဆုံးသတ်လိုက်ကြသည်။

အလိုလေး။ အဲဒီတစ်ယောက်ကိုတော့ ရန်သွားစလို့ မဖြစ်ဘူး။

သို့သော် အနာဂတ်တွင် ရီမိသားစုသည် ပို၍ပင် အင်အားကြီးမားလာတော့မည်။

ရီဖန်ကဲ့သို့သော စစ်မှန်သောနတ်ဘုရားအဆင့် ကျွမ်းကျင်သူတစ်ဦး ရှိနေခြင်းက တစ်မျိုး ၊ ယခုတွင် ရီဖန်ထက် အားမနည်းဟုထင်ရသော နောက်ထပ်စစ်မှန်သောနတ်ဘုရားတစ်ဦး ပေါ်ထွက်လာပြန်လေပြီ။

အနာဂတ်တွင် ဤဝါရင့် စစ်မှန်သောနတ်ဘုရားများသည် လုံးဝချေမှုန်းခံရနိုင်ဖွယ်ရှိသည်။

ရီရှောင်းရှောင်းဘက်တွင်မူ သူမ၏အဆင့်ချိုးဖြတ်ခြင်းသည်လည်း အဆုံးသတ်သို့ နီးကပ်လာခဲ့ပြီဖြစ်သည်။ သူမ၏ နတ်စွမ်းအား အသွင်ပြောင်းလဲခြင်းသည် လုံးဝပြီးမြောက်သွားပြီး နတ်ကိုယ်ထည်နှင့် သွေးမျိုးဆက် အသွင်ပြောင်းလဲခြင်းကလည်း ရီရှောင်းရှောင်းအတွက် အခက်အခဲကြီးကြီးမားမား မဖြစ် စေခဲ့ပါပေ။

၎င်းသည် များမကြာမီပင် ပြီးမြောက်သွား၏။

ရီရှောင်းရှောင်းက သူမ၏ အဆင့်

ချိုးဖြတ်ခြင်း ပြီးဆုံးသွားပြီဟု ထင်မှတ်နေချိန်တွင် ထူးခြားသော စွမ်းအား တစ်ခုသည် လေဟာနယ်မှ ထွက်ပေါ်လာပြီး

ရီရှောင်းရှောင်း၏ အောင်မြင်စွာ အသွင်ပြောင်းလဲပြီး ဖြစ်သော နတ်ကိုယ်ထည်ကို ထပ်မံ ပြောင်းလဲစေခဲ့သည်။

ရီရှောင်းရှောင်းသည် သူမ၏နှလုံးသားထဲမှ ဤအပြောင်းအလဲကို ချက်ချင်းနားလည်လိုက်သည်။ သူမ၏အစ်ကို ရီဖန်ကဲ့သို့ပင် သူမသည်လည်း ကိုယ်ပိုင်ထူးခြားသော ရုပ်ခန္ဓာကို ထုဆစ်နိုင်ခဲ့ပြီ ဖြစ်ရမည်။

လူသားဧကရာဇ်၏ ထူးခြားသောရုပ်ခန္ဓာ၊ ဧကရာဇ်၏ ကိုယ်ထည်ပင်တည်း။

ဧကရာဇ်၏ ကိုယ်ထည်သည် နတ်ကိုယ်ထည်ကို လူသားဧကရာဇ်၏ စွမ်းအားဖြင့် ထုဆစ်ခြင်းဖြစ်သည်။ ထူးခြားသော ရုပ်ခန္ဓာများထဲတွင်ပင် ဧကရာဇ်၏ ကိုယ်ထည်အဆင့်သည် ထိပ်ဆုံးတန်းတွင် ရှိ၏။

စွမ်းအားတွေက အရင်ကထက် အဆပေါင်းများစွာ ပိုအားကောင်းလာပါလား။

ရီရှောင်းရှောင်းသည် သူမ၏စွမ်းအားကို အာရုံခံမိလိုက်သည်။

သူမ၏ ထူးဆန်းအံ့ဩဖွယ်ကောင်းသော အစ်ကိုတစ်ယောက်သာလျှင် စစ်မှန်သော နတ်ဘုရားနယ်ပယ်သို့ မဖြတ်ကျော်မီကပင် စစ်မှန်သော နတ်ဘုရားနယ်ပယ်၏ စွမ်းအားကို ပိုင်ဆိုင်နိုင်ပေလိမ့်မည်။

"ဟတ်ချိုး.."

အဝေးမှ ကျိုဖန်မြို့တွင် ရီဖန် ရုတ်တရက် နှာချေလိုက်သည်။

“ ဘယ်သူ… ငါ့ အကြောင်း စဉ်းစားနေတာလဲကွာ…”

တစ်ချိန်တည်းမှာပင် ရီဖန်၏ စိတ်ထဲ၌ သူ ကြာမြင့်စွာ စောင့်မျှော်နေခဲ့သော စနစ်၏ အချက်ပေးသံ တစ်ခု ပေါ်လာသည်။

“ဂုဏ်ယူပါတယ် ပိုင်ရှင်၊ ရေရှည်တာဝန် ဖြစ်သော မိသားစုကျွမ်းကျင်သူ နှစ်ဆယ့်နှစ်ဦး- စစ်မှန်သောနတ်ဘုရားနယ်မြေ တက်လှမ်းမှု(ပြီးမြောက်သွားပါပြီ။)

ဆုလာဘ်များ ရယူနိုင်ပါပြီ။”

ရီရှောင်းရှောင်း အဆင့်

ချိုးဖြတ်သွားပြီလား။

ရီဖန် ချက်ချင်းပင် ရီရှောင်းရှောင်းကို တွေးလိုက်မိသည်။

ရီမိသားစုတွင် မဟာသူတော်စင် အဆင့် ကျင့်ကြံသူ အများအပြား ရှိနေသော်လည်း အဆင့်ချိုးဖြတ်ရန် မျှော်လင့်ချက်အရှိဆုံးမှာ ရီရှောင်းရှောင်းပင် ဖြစ်သည်။

အတွေးတစ်ချက်ဖြင့် ရီဖန်သည် နေရာမှ ရုတ်ချည်း ပျောက်ကွယ်သွား၏။ သူ

ပြန်ပေါ်လာသည့် အချိန်တွင် ကောင်းကင်ဘုံချိတ်ဆက်နယ်မြေသို့ ပြန်ရောက်နေပြီ ဖြစ်သည်။

တာ့ယွီ၏ မြင့်မြတ်သော မြို့တော်တွင် ကျန်ရှိနေသေးသော စစ်မှန်သော နတ်ဘုရားနယ်မြေ၏ အရှိန်အဝါကို ခံစားမိသောအခါ ရီရှောင်းရှောင်း အဆင့် ချိုးဖြတ်သွားပြီ ဖြစ်ကြောင်း ရီဖန် အတည်ပြုနိုင်ခဲ့သည်။

“အစ်ကို။”

ရီရှောင်းရှောင်းသည်လည်း ရီဖန်၏ ရောက်ရှိလာမှုကို ချက်ချင်း အာရုံခံမိပြီး

ရီဖန်၏ အရှေ့တွင် ပေါ်လာသည်။

“အစ်ကို၊ အခု ကျွန်မလည်း အဆင့် ချိုးဖြတ်သွားပြီ။”

ရီရှောင်းရှောင်း၏ မျက်နှာသည်

ရီဖန်၏ ချီးကျူးမှုကို ဂုဏ်ယူစွာဖြင့် ရှာဖွေနေသည်။

ရီဖန်သည်လည်း သူ၏ ချီးကျူးစကားကို ရက်ရောစွာ ပေးလိုက်၏။

“ငါ့ညီမလေး ရီရှောင်းရှောင်းကတော့ အုပ်စိုးသူတစ်ယောက်ရဲ့ အရည်အချင်းတွေ ရှိနေတာပဲ။”

ဤအလွန်အကျွံ ချီးကျူးစကားကြောင့် ရီရှောင်းရှောင်း အနည်းငယ် မျက်နှာနီသွားသည်။

“အစ်ကိုနော်။”

ခြေတစ်ချက်ဆောင့်ရင်း ရီရှောင်းရှောင်းသည် ချက်ချင်း ပြေးပုန်းသွားတော့သည်။

ဤမိန်းကလေးဆန်သော အပြုအမူသည် အခြားမည်သူ့ကိုမဆို အံ့အားသင့်သွားစေမည် ဖြစ်သည်။ ရီဖန်မှလွဲ၍ ရီရှောင်းရှောင်း၏

မိန်းကလေးဆန်မှုကို ထုတ်ဖော်နိုင်သူ အခြား မည်သူမျှ မရှိပေ။

နှစ်ပေါင်းများစွာ ကြာမြင့်ခဲ့ပြီး ရီရှောင်းရှောင်း စစ်မှန်သောနတ်ဘုရားနယ်မြေသို့ တက်လှမ်းသွားသည့်တိုင် သူမသည် ရီဖန်၏ အရှေ့တွင်တော့

ဆယ်ကျော်သက်ကလေး တစ်ယောက်ကဲ့သို့ ရှိနေဆဲပါပင်။

အခြားတစ်ဖက်တွင်မူ ရီရှောင်းရှောင်းသည် ရီဖန်ထံမှ တစ်ခုခု လိုချင်သည့်အခါ ဘယ်တော့မှ နောက်မတွန့်ခဲ့ပေ။

သွေးသားတော်စပ်မှု၏ ချည်နှောင်ခြင်းသည် ဂိုဏ်း၏ အမွေဆက်ခံမှုထက် ပိုမိုရင်းနှီးပေသည်။ အနည်းဆုံး ယခုအချိန်အထိတော့ ရီမိသားစုမှ လူများသည် သူတို့၏

ဘိုးဘေးဖြစ်သူ ရီဖန်အပေါ် ရင်ထဲမှ လှိုက်လှိုက်လှဲလှဲ ရင်းနှီးမှုကို ခံစားနေရဆဲပင်။

ရီဖန်သည်လည်း ထိုသို့သော မိသားစု ရှိသည့်အတွက် ကျေးဇူးတင်မိ၏။

အင်မော်တယ်တာအို၏ အထွတ်အထိပ်သို့ တက်လှမ်းရာတွင် သူ့ကို ထောက်ပံ့ပေးသော ဆွေမျိုးများစွာ ရှိနေသည် မဟုတ်ပါလား။

သို့မဟုတ်ပါက သူတစ်ယောက်တည်းသာ ဆိုလျှင် အလွန် အထီးကျန်နေပေလိမ့်မည်။

ရီရှောင်းရှောင်း၏ အဆင့် ချိုးဖြတ်ခြင်းနှင့် ပတ်သက်၍ ရီဖန် မကြိုက်သည့် တစ်ခုတည်းသော အရာမှာ သူမသည် သူ့ထက် နတ်ဘုရား လက်နက်များ ပိုမို ပိုင်ဆိုင်သွားခြင်းပင် ဖြစ်နိုင်သည်။

မျိုးနွယ်စု ခေါင်းဆောင် တစ်ယောက်အနေနဲ့ ဒါက ငါ့ဂုဏ်သိက္ခာကို နည်းနည်း ထိခိုက်စေသလားပဲ။

လေဟာနယ်ထဲမှ နတ်ဘုရားလက်နက်

သုံးခု၏ အရှိန်အဝါသည် ရီဖန်၏

အာရုံခံစားမှုမှ မလွတ်မြောက်နိုင်ခဲ့ပေ။

ဟုတ်ပါသည်။ ရီဖန်သည် ဤနတ်ဘုရားလက်နက်များကို သူ၏ညီမထံမှ တောင်းဆိုရန် ရည်ရွယ်ချက်မရှိပါ။

ဧကရာဇ်၏ နတ်ဘုရား

လက်နက်များသည် ရီရှောင်းရှောင်းအတွက် အသင့်တော်ဆုံး ဖြစ်ပါသည်။

၎င်းတို့သာ မိမိ၏ လက်ထဲသို့ ရောက်သွားခဲ့လျှင် သူသည် ၎င်းတို့၏ စွမ်းအား တစ်ဝက်ကိုပင် ထုတ်လွှတ်နိုင်လျှင် ကောင်းလိမ့်မည်။

ကြည့်ရတာ ရီမိသားစုရဲ့ လက်နက်သန့်စင်ခြင်းနဲ့ ဆေးပညာအဆင့်ကို အဆင့်မြှင့်တင်ဖို့ ဦးစားပေး လုပ်ဆောင်ရတော့မယ် ထင်တယ်။

လက်နက်သန့်စင်ခြင်းနှင့် ဆေးပညာတွင် အထွတ်အထိပ် မဟာသူတော်စင် အဆင့်သည် ရီမိသားစုအတွက် မလုံလောက်တော့ပေ။

ကံကောင်းသည်မှာ ရီမိသားစုတွင် နတ်ဘုရားလက်နက်များ တိုးများလာသည်နှင့်အမျှ လက်နက်သန့်စင်သူများ လေ့လာရန်အတွက် အကြောင်းအရာများ ပိုမို များပြားလာ၍ပင်။

များမကြာမီတွင် အဆင့် ချိုးဖြတ်နိုင်လိမ့်မည်ဟု သူ ယုံကြည်သည်။

အကြောင်းမူကား ရီမိသားစု၏ လက်နက်သန့်စင်သူများ၏ အလားအလာသည် အလွန်မြင့်မားနေသည် မဟုတ်ပါလော။

ထို့အပြင် စစ်မှန်သောနတ်ဘုရား

သိုင်းနည်းစနစ်များလည်း ရှိသေးသည်။

ရီရှောင်းရှောင်း၏ ကံကြမ္မာတွင် သူမ၏ကိုယ်ပိုင်ကျင့်ကြံမှုနည်းစနစ် ပါဝင်သောကြောင့် ရီဖန်အနေနှင့် ဒါကို စိတ်ပူစရာမလိုပေ။

အခြားသူများကမူ စစ်မှန်သောနတ်ဘုရားနယ်မြေသို့ ဖြတ်ကျော်ရန် မဝေးတော့ပေ။

ဖရိုဖရဲ သိုင်းကျမ်းစာ... ဖရိုဖရဲ သိုင်းကျမ်းစာအား နောက်တစ်ကြိမ် ဖော်ထုတ်ရန် အချိန်တန်ပြီ ဖြစ်ပါသည်။

စင်စစ်ဆိုရသော် ဉာဏ်အလင်း ရရှိမှုက ချို့တဲ့နေဆဲ ဖြစ်ပါသည်။ ဉာဏ်အလင်း ရရှိမှုသာ လုံလောက်ခဲ့လျှင် ကိစ္စအားလုံးသည် ပြဿနာ မဟုတ်တော့ပေ။