မိသားစု၏ အင်အားကြီးသူ၊ စစ်မှန်သော နတ်ဘုရား နယ်ပယ်…

~“စနစ်၊ ဆုလာဘ်ကို ရယူမယ်။”

“ဂုဏ်ယူပါတယ် ပိုင်ရှင်၊ သင် ရရှိသောဆုများမှာ- မိသားစု လက္ခဏာ၊ ဉာဏ်အလင်းပွင့်ခြင်း (အုပ်စိုးခြင်းနယ်မြေ)၊ ဘိုးဘေးစုန်းမ ရာထူး တစ်ခုတို့ ဖြစ်ပါသည်။”

ဤတစ်ကြိမ်တွင် ရရှိသော ဆုလာဘ်သည် ရီဖန်ကို စိတ်မပျက်စေခဲ့ပေ။ အုပ်စိုးခြင်းနယ်မြေအဆင့် ဉာဏ်အလင်းပွင့်ခြင်း မိသားစု လက္ခဏာသည် နောက်ဆုံးတွင် ပေါ်ထွက်လာခဲ့ပြီ ဖြစ်သည်။

စစ်မှန်သော နတ်ဘုရား သိုင်းနည်းစနစ်ကို ဖော်ထုတ်ရန်နှင့် လုပ်ငန်း အဆင့်ရာထူးကို ဖြတ်ကျော်ရန်မှာ လက်တစ်ကမ်း အလိုသို့ ရောက်ရှိလာပုံ ရ၏။

သို့သော် ဒုတိယဆုလာဘ်ကမူ ရီဖန်ကို အနည်းငယ် မှိုင်သွားစေသည်။

ဒီ ဘိုးဘေးစုန်းမရာထူး ဆယ့်နှစ်ခုက ကောင်းတဲ့ ရာထူးရော ဟုတ်ရဲ့လား။ ဘိုးဘေးစုန်းမ ဆယ့်နှစ်ဖော်ဆိုတာ ပန်ကုစကြဝဠာထဲက စုန်းမမျိုးနွယ်စုရဲ့ ဇာစ်မြစ် မဟုတ်ဘူးလား။

သုံးပါးစင်စစ် ပုဂ္ဂိုလ်တွေတောင် သူတော်စင်အဆင့် စွမ်းအားရှင်တွေပဲ။

ဒီဘိုးဘေးစုန်းမ ဆယ့်နှစ်ဖော်က သူတော်စင် နယ်ပယ်ရဲ့ အမွေအနှစ်ပဲ ဖြစ်မှာပေါ့။

သို့သော် ရီဖန်သည် ဘိုးဘေးစုန်းမရာထူး ဆယ့်နှစ်ခု၏ မိတ်ဆက်ကို မြင်လိုက်ရသောအခါ သူ ချက်ချင်းပင် မငြိမ်မသက် ဖြစ်သွားတော့သည်။

ဘိုးဘေးစုန်းမ ရာထူးများ- ဖရိုဖရဲ၏ အထွတ်အထိပ် စွမ်းအားရှင် ပန်ကု၏ အနှစ်သာရနှင့် သွေးတို့ဖြင့် အသွင် ပြောင်းလဲထားပြီး အုပ်စိုးခြင်းနယ်မြေကို ကိုယ်စားပြုသည်…

ဖရိုဖရဲ၏ အထွတ်အထိပ် စွမ်းအားရှင်။ အုပ်စိုးခြင်းနယ်မြေ။

ရီဖန်သည် သူ မြင်လိုက်ရသည်မှာ မှားနေသလားဟု ထင်မှတ်ကာ အကြိမ်များစွာ စစ်ဆေး ကြည့်ရှုလိုက်၏။

ကံမကောင်းစွာပင် အမှားအယွင်း တစ်ခုမျှမရှိခဲ့ပေ။

ဤဘိုးဘေးစုန်းမ ဆယ့်နှစ်ဖော်သည် ရီဖန် စိတ်ကူးထားသလို သူတော်စင်များ မဟုတ်ဘဲ အုပ်စိုးခြင်း နယ်ပယ်မှ စွမ်းအားရှင်များ ဖြစ်ကြသည်။

ရီဖန်၏ လက်ရှိ စိတ်အခြေအနေနှင့်ပင် သူတစ်ခဏမျှ အသက်ရှူအောင့်ထားမိ၏။

အကယ်၍ ဘိုးဘေးစုန်းမ

ဆယ့်နှစ်ဖော်သည် အုပ်စိုးခြင်းနယ်ပယ်တွင် ရှိနေပြီး၊ ပန်ကုသည် အထွတ်အထိပ် ဖရိုဖရဲ နယ်ပယ်တွင် ရှိနေပါက၊ ပန်ကုစကြဝဠာ၏ ဒဏ္ဍာရီထဲမှ ရှေးဟောင်း စွမ်းအားရှင်များသည် ထိုမျှ ရိုးရှင်းကြပါ့မလား။

ရီဖန်သည် ပန်ကုစကြဝဠာကို လုံးဝ ထိန်းချုပ်ပြီးနောက် ဒဏ္ဍာရီ ပုံပြင်များထဲမှ အခြား စွမ်းအားရှင်များ၏ အမွေအနှစ်ကို စူးစမ်း ရှာဖွေခဲ့သော်လည်း တစ်ခုမျှ မတွေ့ရှိခဲ့ပေ။ ဒဏ္ဍာရီများထဲမှ ဖရိုဖရဲ နတ်ဘုရားများနှင့် နတ်ဆိုးများပင်လျှင် အားလုံး ပျောက်ကွယ်သွားခဲ့ကြသည်။

မူလက ရီဖန်သည် များများစားစား ဂရု

မစိုက်ခဲ့သော်လည်း ယခုအခါတွင် အရာအားလုံးသည် သူ ထင်ထားသလောက် မရိုးရှင်းတော့ပေ။

ပန်ကု စကြဝဠာသည် မြူခိုးများဖြင့် ဖုံးလွှမ်းနေပုံ ရ၏။

ရီဖန်သည် ပန်ကု စကြဝဠာအကြောင်း များစွ မသိရှိကြောင်း သဘောပေါက်လိုက်သည်။

ပန်ကု စကြဝဠာအပြင်ဘက်တွင်

ရီဖန်သည် ဤဒဏ္ဍာရီလာ ပုဂ္ဂိုလ်များအကြောင်းကို တစ်ခါမျှ မကြားဖူးခဲ့ပေ။

ဤဒဏ္ဍာရီလာ ပုဂ္ဂိုလ်များသည် အမှန်တကယ်ပင် ထိုမျှ ရိုးရှင်းကြပါသလား။

အကယ်၍ ဘိုးဘေးစုန်းမ ရာထူးသာ ပေါ်မလာခဲ့ပါက ရီဖန်သည် ဤမျှလောက် တွေးတောနေမည် မဟုတ်ပေ။ သို့သော် ယခုအခါတွင် သူသည် ပို၍ တွေးမိလေတော့သည်။

အကယ်၍ ဘိုးဘေးစုန်းမများသည် အုပ်စိုးခြင်းနယ်ပယ်တွင် ရှိနေပြီးဖြစ်ပါက၊ တောနက်ကြီး ဒဏ္ဍာရီထဲမှ သူတော်စင်များသည် ပို၍ပင် အစွမ်းထက်ရမည် မဟုတ်ပါလား။ ရာထူးမိတ်ဆက်တွင် ဖရိုဖရဲ ၏ အထွတ်အထိပ် စွမ်းအားရှင်ဟု ရေးထားသည် မဟုတ်ပါလား။

မူလက စစ်မှန်သော နတ်ဘုရားနယ်ပယ်သို့ ဖြတ်ကျော်ပြီးနောက် အနည်းငယ် စိတ်အေးလက်အေးဖြစ်နေသော ရီဖန်သည် ရုတ်တရက် ဆန္ဒစောနေတော့သည်။

စစ်မှန်သော နတ်ဘုရား နယ်ပယ်က ထင်သလောက် အစွမ်းထက်ပုံ မပေါ်‌ပေ။

အကယ်၍ ဤဒဏ္ဍာရီလာ ပုဂ္ဂိုလ်များ ပေါ်ထွက်လာခဲ့ပါက၊ လက်ရှိ သူသည် ခုခံနိုင်ပါ့မလား။

ရီဖန်တွင် ယုံကြည်မှုများစွာနှင့် ဝှက်ဖဲများစွာ ရှိနေသည့်တိုင် သူသည် အုပ်စိုးခြင်းနယ်မြေမှ စွမ်းအားရှင် တစ်ဦးနှင့် ယှဉ်ပြိုင်နိုင်မည်ဟု မထင်ပေ။

သူ၏နှလုံးသားထဲမှ စိတ်မရှည်မှုသည် တစ်ခဏချင်းတွင် ငြိမ်သက်သွား၏။ အနာဂတ်တွင် ဖြစ်နိုင်ခြေရှိသော အန္တရာယ်မှန်သမျှကို ရင်ဆိုင်နိုင်ရန်အတွက် သူ ဆက်လက်ကြီးထွားရန် လိုအပ်သည်။

စစ်မှန်သောနတ်ဘုရားနယ်ပယ်သည် မလုံလောက်သေးပေ။ သူ အုပ်စိုးခြင်းနယ်မြေသို့ ရောက်ရှိမှသာလျှင် လုံခြုံမှုရှိသည်ဟု ခံစားရနိုင်မည် ဖြစ်သည်။

အနာဂတ်တွင် မည်သူမျှ ရီမိသားစု၏ ကျင့်ကြံခြင်းကို မနှောင့်ယှက်ဘဲ၊ သူတို့ကို အချိန်အနည်းငယ် တိတ်ဆိတ်စွာ ဖွံ့ဖြိုးတိုးတက်ခွင့် ပေးစေရန် သူ မျှော်လင့်မိ၏။

တဖြည်းဖြည်းနှင့် ရီမိသားစုသည် ဖွံ့ဖြိုးတိုးတက်မှုအပေါ် အာရုံစိုက်လာပြီး

၎င်းတို့၏ တည်ရှိမှုကို လူသိ နည်းပါးစေခဲ့သည်။

အချိန်ကာလ၏ ဖြတ်သန်းမှုသည် သာမန်ကျင့်ကြံသူအပေါ် ကြီးမားသော သက်ရောက်မှုရှိ၏။ အချိန် ကြာလာသည်နှင့်အမျှ ကျင့်ကြံသူ မျိုးဆက်တစ်ဆက် အိုမင်းသွားပြီး မျိုးဆက်သစ် တစ်ခု ထပ်မံ ထွန်းကားလာသည်။

နှစ်သောင်းပေါင်းများစွာ ကြာပြီးနောက်

ရီမိသားစုသည် ကောင်းကင်ဘုံချိတ်ဆက် နယ်ပယ်နှင့် ပင်ကိုပျက်ဆီးခြင်း ပင်လယ်ရှိ သာမန် ကျင့်ကြံသူများ၏ တဖြည်းဖြည်း မေ့လျော့ခြင်းကို ခံခဲ့ရသည်။

အစွမ်းထက်သော ကျင့်ကြံသူများသာလျှင် ကျဆုံးသွားသည့် စစ်မှန်သော နတ်ဘုရားအဆင့် ကျွမ်းကျင်သူများကို မှတ်မိနေကြသေးသည်။

ရီမိသားစုတွင် တက်ကြွစွာ ကျန်ရှိနေသည့် တစ်ခုတည်းသောအရာမှာ အရွက်

တစ်ထောင်ဆေးခန်း ဖြစ်လေ၏။

အခြား တစ်နေရာတွင် အထီးကျန်နေသော ထာဝရ အသက်ဂိုဏ်းသည် နှစ်တစ်သောင်းကြာပြီးနောက်တွင်ပင် သိသာ ထင်ရှားသော အပြောင်းအလဲများ မရှိသေးပေ။

ဤနှစ်တစ်သောင်းသည် တုန်းဖန်းယိအတွက် အလွန်မခံမရပ်နိုင် ဖြစ်စေခဲ့သည်။

မူလက တုန်းဖန်းယိသည် နှစ်တစ်ထောင်ဟူသော အချိန်က ထာဝရအသက်ဂိုဏ်းကို သိမ်းပိုက်ရန် လုံလောက်မည်ဟု တွက်ဆခဲ့သော်လည်း၊ နှစ်သောင်းပေါင်းများစွာ ကြာမြင့်ခဲ့ပြီး သိသာထင်ရှားသော တိုးတက်မှုများ မရှိလာခဲ့ပေ။

ထာဝရအသက်ဂိုဏ်းသည် ထာဝရအသက်မဟာသူတော်စင်၏ လက်ထဲတွင် ဩဇာအာဏာ စွဲမြဲနေဆဲ ဖြစ်သည်။

ရီဟိုင်ကျောင်း၏ ဩဇာကို အသုံးပြု၍ တုန်းဖန်းယိသည် လူအနည်းငယ်ကို ထာဝရအသက်ဂိုဏ်းထဲသို့ ထည့်သွင်းနိုင်ခဲ့သည်မှာ မှန်၏။

သို့သော် ထိုလူတို့သည် ရာထူးမြင့်များသို့

မရောက်ရှိနိုင်ခဲ့ပေ။ သူသည်

ရီဟိုင်ကျောင်း၏ ဩဇာကို အထင်ကြီးလွန်းခဲ့သည်သာ။ ရာထူးမြင့်များသည် ရီကျင်းဟိုင်၏ လက်ထဲတွင် တင်းတင်းကျပ်ကျပ် ရှိနေဆဲဖြစ်သည်။

တုန်းဖန်းယိသည် အလျင်စလို မလုပ်ရဲသေးပေ။ အကြောင်းမှာ ရီဟိုင်ကျောင်း၏ သူ့အပေါ်ထားရှိသော သဘောထား ပြောင်းလဲလာသည်ကို သူ မထင်မရှား ခံစားမိသောကြောင့် ဖြစ်သည်။

အကယ်၍ အလျင်စလို ပြုမူခဲ့ပါက

ရီဟိုင်ကျောင်း သံသယဝင်မှာလည်း ကြောက်ရသေး၏။

နှစ်တစ်သောင်းသည် အထွတ်အထိပ်

မဟာသူတော်စင် တစ်ဦးအတွက် ကြာမြင့်သော အချိန်ဟု မသတ်မှတ်နိုင်ပေ။

တစ်ခုတည်းသော နှစ်သိမ့်မှုမှာ ထာဝရအသက် မဟာသူတော်စင်၏ ကျင့်ကြံမှုအဆင့်သည် မဖြတ်ကျော်သေးဘဲ မဟာသူတော်စင်၏ အလယ်အလတ် အဆင့်တွင်သာ ရှိနေသေးပြီး သူ အချိန်မရွေး ထိန်းချုပ်နိုင်သေးသည်။

“နောက်ထပ် အနှစ်တစ်ရာပဲ။ နည်းလမ်း မရှိသေးဘူးဆိုရင်တော့ ငါ့နည်းလမ်းနဲ့ ငါပဲ လှုပ်ရှားရတော့မယ်။”

တုန်းဖန်းယိသည် ဂူအိမ်ထဲတွင် ကျင့်ကြံနေဆဲဖြစ်သော ရီဟိုင်ကျောင်းကို ကြည့်ရင်း တီးတိုး ကြုံးဝါးလိုက်၏။

တုန်းဖန်းယိ မသိသောအရာမှာ

ရီကျင်းဟိုင်၏ ဂူအိမ်ထဲ၌ ရီကျင်းဟိုင်၏ ခန္ဓာကိုယ်အတွင်း အထွတ်အထိပ်မဟာသူတော်စင်တစ်ဦး၏ အရှိန်အဝါ လည်ပတ်နေခြင်းပင် ဖြစ်သည်။

သို့သော် ၎င်းကို အခင်းအကျင်းက ပိတ်ဆို့ထားသောကြောင့် အပြင်သို့ လုံးဝ မပေါ်ထွက်ပေ။

ရီမိသားစုထဲတွင် စွမ်းရည်များကို ဖုံးကွယ်ရာ၌ အကောင်းဆုံးဖြစ်သူအနေဖြင့် ရီကျင်းဟိုင်သည် သူ၏ကျင့်ကြံမှုအဆင့်ကို မည်သို့ ထုတ်ဖော်နိုင်မည်နည်း။

ကောင်းကင်ဖုံးကွယ်ခြင်း လျှို့ဝှက်နည်းစနစ်ကို အမြဲတစေ အသက်သွင်းထား၏။

ရီကျင်းဟိုင်၏ လက်ရှိ ကျင့်ကြံမှုအဆင့်သည် ရီရှောင်းရှောင်း ပြီးလျှင် ရီမိသားစုတွင် စစ်မှန်သော နတ်ဘုရားနယ်ပယ်ကို အဆင့်ချိုးဖြတ်မည့် ပထမဆုံးသော တည်ရှိမှု ဖြစ်နိုင်သည်ကို ရီမိသားစု၏ အထက်ပိုင်း ဩဇာရှိသူများမှလွဲ၍ မည်သူမျှ မသိပေ။

သူ၏ ကျင့်ကြံမှုအဆင့်သည် အထွတ်အထိပ် မဟာသူတော်စင်သို့ ကြာမြင့်စွာကတည်းက ရောက်ရှိခဲ့ပြီးဖြစ်ကာ သူသည် စစ်မှန်သောနတ်ဘုရားနယ်ပယ်နှင့် ခြေတစ်လှမ်းအကွာတွင်သာ ရှိတော့သည်။

အကယ်၍ သူ၏ ခန္ဓာကိုယ်အတွင်းရှိ သွေးမျိုးဆက်ကို အသုံးပြု၍ စစ်မှန်သော နတ်ဘုရား နယ်ပယ်သို့ အဆင့်ချိုးဖြတ်ချိန်တွင် သီးသန့် နတ်ကိုယ်ထည် တစ်ခုကို ဖွဲ့တည်လို၍သာ မဟုတ်ခဲ့ပါက ရီကျင်းဟိုင်သည် စစ်မှန်သော နတ်ဘုရား နယ်ပယ်ကို အဆင့်ချိုးဖြတ်ပြီး ဖြစ်နိုင်ဖွယ် ရှိသည်။

ရီရှောင်းရှောင်း အဆင့် ဖြတ်ကျော်ပြီး တစ်ရှိန်တည်း သီးသန့် နတ်ကိုယ်ထည်

တစ်ခုကို စုစည်းနိုင်ခဲ့သည့် အချိန်မှစ၍ သီးသန့် နတ်ကိုယ်ထည်သည် ရီမိသားစုမှ လူများအတွက် စွဲလမ်းမှု တစ်ခု ဖြစ်လာခဲ့၏။

အကယ်၍ တစ်စုံတစ်ယောက်သည် ဤမျှအားကောင်းသော သွေးမျိုးဆက်နှင့် အရည်အချင်းကို ပိုင်ဆိုင်ထားသော်လည်း သီးသန့်နတ်ကိုယ်ထည် တစ်ခုကို ဖွဲ့တည်ရန် အဆင့် မချိုးဖြတ်နိုင်ခဲ့ပါက ၎င်းသည် အမှန်တကယ်ပင် အရှက်ရစရာ ဖြစ်ပေလိမ့်မည်။

ယခုအခါ ရီမိသားစု၏ အထွတ်အထိပ်

မဟာသူတော်စင်များသည် ၎င်းတို့၏ အဆင့်ချိုးဖြတ်လိုသော ဆန္ဒကို ချုပ်တည်းကာ အံကြိတ်ထားကြသည်။

ရီဖန်၏ စကားများသည် ရီမိသားစုအတွက် မမျှော်လင့်ထားသောအရာ ဖြစ်ခဲ့လေသည်။

ယွမ်ကနဦး နတ်ကိုယ်ထည်သည် အလွန်အမင်း စွမ်းအား မြင့်မားလွန်းသောကြောင့် ရီဖန်ကို အဆင့်ချိုးဖြတ်ပြီးနောက် ချက်ချင်း နတ်ကိုယ်ထည် တစ်ခုကို ဖွဲ့တည်ခြင်းမှ တားဆီးခဲ့သည်။

“ဘယ်လို အခြေအနေ ရှိလဲ။”

ရီကျင်းဟိုင်က ရီရှန်ဟယ်ကို မေးလိုက်ခြင်းပါ။

နှစ်များတစ်လျှောက် ရီကျင်းဟိုင်သည် တုန်းဖန်းယိအပေါ် တစ်ခါမှ အလစ်မပေးခဲ့ပေ။ သို့သော် တုန်းဖန်းယိသည် ပိပိရိရိ ဖုံးကွယ်ထားပြီး စုံစမ်းစစ်ဆေးမှုမှ

မည်သည့်ရလဒ်မျှ မထွက်ပေါ်လာခဲ့ပေ။

ရီဟိုင်ကျောင်း၏ ခံစားချက်များကို ထည့်သွင်းစဉ်းစားသောအားဖြင့် ရီကျင်းဟိုင်သည် တုန်းဖန်းယိ၏ အချက်အလက်များကို စုံစမ်းရန် အခြားနည်းလမ်းများကို အသုံးမပြုခဲ့ပေ။

သို့သော် တစ်စုံတစ်ယောက် လှုပ်ရှားလိုက်သည်နှင့် အမြဲတမ်း ခြေရာများ ကျန်ရစ်ခဲ့စမြဲပင်။

နောက်ဆုံးတွင် တုန်းဖန်းယိသည် သူ့နောက်ကွယ်မှ လူများနှင့် လျှို့ဝှက်

ဆက်သွယ်လေသောအခါ ရီရှန်ဟယ်သည် သဲလွန်စများကို ရှာဖွေတွေ့ရှိခဲ့သည်။

“အဖေ၊ တုန်းဖန်းယိရဲ့ နောက်ကွယ်က အင်အားစုက နတ်ဘုရားဂိုဏ်းတစ်ခုခု ဖြစ်နိုင်ပါတယ်။”

နတ်ဘုရားဂိုဏ်း။

အကယ်၍ အတိတ်ကာလတွင် ဖြစ်ခဲ့ပါက ရီကျင်းဟိုင်သည် “နတ်ဘုရားဂိုဏ်း” ဟု ကြားလျှင် အနည်းငယ် လန့်နိုင်သည်။

သို့သော် ယခုအခါ ရီမိသားစုတွင်

စစ်မှန်သော နတ်ဘုရားအဆင့် ကျွမ်းကျင်သူနှစ်ဦး ရှိပြီး ၎င်းတို့ နှစ်ဦးစလုံးသည် သီးသန့် နတ်ကိုယ်ထည်များကို ပိုင်ဆိုင်ထားကြသည်။

သာမန် စစ်မှန်သော နတ်ဘုရားအဆင့် ကျွမ်းကျင်သူများသည် ရီမိသားစု၏ ရှေ့တွင် အမှန်တကယ် ထည့်တွက်စရာ

မလိုအပ်ချေ။

“တုန်းဖန်းယိက ငါ့ရဲ့ထာဝရ အသက်ဂိုဏ်းကို တကယ် လိုချင်နေတာပဲ၊ သူ ဘယ်လောက်ကြာကြာ သည်းခံနိုင်မလဲဆိုတာ ကြည့်ရတာပေါ့ကွာ”

ရီကျင်းဟိုင်၏ မျက်နှာပေါ်တွင် အပြုံး

တစ်ခု ပေါ်လာသည်။

သားဖြစ်သူ ရီရှန်ဟယ်သည် သူ့အဖေ၏ ရည်ရွယ်ချက်ကို ချက်ချင်း နားလည်သွားပြီး လှုပ်ရှားလာတော့သည်။

—----

“ကျောက်ပင်လယ်၊ မင်းက အပြင်ဂိုဏ်းအကြီးအကဲ တစ်ယောက်အနေနဲ့ အပြင်ဂိုဏ်းတပည့်တွေကို ဖိနှိပ်နေတယ်၊ မင်းကို ဘယ်လိုအပြစ်ပေးသင့်လဲ။”

ကျောက်ပင်လယ်သည် သူ့ကို ဖမ်းဆီးထားသော အတွင်းဂိုဏ်း အကြီးအကဲကို ကြည့်ရင်း တုန်လှုပ်သွားသည်။

“အကြီးအကဲဟယ်၊ ဒါက နားလည်မှု လွဲတာပါ။ အကြီးအကဲ တုန်းဖန်းယိနဲ့ ကျွန်တော်က နှစ်ပေါင်းများစွာ မိတ်ဆွေတွေပါဗျာ၊ ဒီတစ်ခါတော့ ကျွန်တော့်ကို လွှတ်ပေးပါလား။”

နေရာတွင်ပင် ဖမ်းမိသောကြောင့် ကျောက်ပင်လယ်မှာ ငြင်းဆိုရန် လမ်းပျောက်တော့သည်။ သူ၏ တစ်ဦးတည်းသော ရွေးချယ်စရာမှာ တုန်းဖန်းယိအကြောင်း ထည့်ပြောပြီး သူ၏ အသက်ကို ကယ်တင်ရန် မျှော်လင့်နေရုံသာ။

ကျောက်ပင်လယ်သည် တုန်းဖန်းယိ ထာဝရအသက်ဂိုဏ်းတွင် ထားရှိခဲ့သော ကျင့်ကြံသူများထဲမှ တစ်ဦး ဖြစ်ပြီး

အတော်လေး ရာထူးမြင့်လေ၏။

အခြား ကျင့်ကြံသူများသည် တုန်းဖန်းယိကဲ့သို့ ထာဝရအသက်ဂိုဏ်းတွင် ဤမျှလောက် အဆင့်အတန်း မရှိကြပေ။

ကူကယ်ရာမဲ့စွာပင် ရီကျင်းဟိုင် နှုတ်မဖွင့်လျှင် ရီဟိုင်ကျောင်းပင်လျှင် ဤလူများကို ရာထူးမြင့်များသို့ မတွန်းပို့နိုင်ပေ။

ထို့အပြင် ရီဟိုင်ကျောင်းသည် တုန်းဖန်းယိကို ချစ်သော်လည်း သူမသည် နှစ်များတစ်လျှောက် အလိမ္မာလေးတစ်ယောက် ဖြစ်ခြင်းကို ပုန်ကန်ခဲ့ပြီး ထုံအသူ တစ်ယောက် မဟုတ်ပေ။

တုန်းဖန်းယိ မည်သို့ပင် အရိပ်အမြွက်ပြသည် ဖြစ်စေ ရီဟိုင်ကျောင်းသည်

မည်သည့် အရာကိုမျှ သဘောမတူခဲ့ပေ။

အတွင်းဂိုဏ်း အကြီးအကဲသည်

တုန်းဖန်းယိကို မျက်နှာသာမပေးဘဲ ကျောက်ပင်လယ်အား အေးစက်စွာ ပြောလိုက်သည်။

“မင်း အပြစ် ဝန်ခံလိုက်၊ အပြစ်ပေးခံရဖို့ ငါနဲ့အတူ ပြန်လိုက်ခဲ့”

“ပြန်သွားရမယ်။ ဘယ်သူက ခင်ဗျားနဲ့ပြန်လိုက်မှာလဲ၊ ထွက်သွားစမ်း။”

ကျောက်ပင်လယ်သည် ဤတစ်ကြိမ်တွင် သူ လမ်းမှားလျှောက်မိကြောင်း သိပြီး

မည်သည့် အရာကိုမျှ ဂရုမစိုက်တော့ပေ။

နေရာရွှေ့ပြောင်း အဆောင် တစ်ခုကို ထုတ်ယူကာ ထာဝရ အသက်ဂိုဏ်းမှ ထွက်ပြေးရန် ကြိုးစားတော့၏။

နောက်တစ်ခဏတွင် ဧရာမ လက်တစ်ဖက်က သူ့အား ပြင်းထန်စွာ ရိုက်ချလာသည်။

ကျင့်စဉ် သူတော်စင်၏ နှောင်းပိုင်း အဆင့် ကျင့်ကြံမှုသာ ရှိသော ကျောက်ပင်လယ်သည် ၎င်းကို မခုခံနိုင်ဘဲ နေရာတွင်ပင်

ခန္ဓာ အပိုင်းပိုင်းကြေမွသွားသည်။

လှုပ်ရှားလိုက်သူမှာ အခြား မဟုတ်၊

ရီရှန်ဟယ်ပင် ဖြစ်သည်။

ဤသို့ဖြင့် ရက်အနည်းငယ်အတွင်း တုန်းဖန်းယိ ထာဝရအသက်ဂိုဏ်းတွင် သပ်လျှိုထားသော သူလျှိုများအားလုံးကို ရှင်းလင်းပစ်ခဲ့ တော့သည်။