မူလကျောက်စိမ်းလိပ်ပြာ_၂...

~သမိုင်းရဲ့ တစ်နေရာရာမှာ ပြတ်တောက်မှုတစ်ခု ရှိခဲ့တာ ဖြစ်နိုင်တယ်။

ဤလောက၏ လျှို့ဝှက်ချက်များမှာ သူမျှော်လင့်ထားသည်ထက်ပင် ပိုမိုများပြားနေပုံရ၏။

“လူကြီးမင်းတို့အားလုံးကို ကျုပ်တို့

ရီမိသားစုရဲ့ မဟာမိတ်များဖြစ်လာဖို့၊ ကျုပ်တို့ရဲ့ အထောက်အပံ့ကို ခံစားဖို့ စိတ်ရင်းမှန်နဲ့ ဖိတ်ခေါ်ပါတယ်။ မကြာမီကျရောက်လာတော့မယ့် ဖရိုဖရဲ အခြေအနေကို ရင်ဆိုင်ရာမှာ၊ ကျုပ်တို့ အတူတကွ ရှေ့တန်းနောက်တန်းညီစွာ ချီတက်နိုင်မှာပါ။ ဒီအပေါ်မှာ ခင်ဗျားတို့ရဲ့ အတွေးအမြင်တွေကို ကြားချင်ပါတယ်။”

ရီဖန်သည် မူလကျောက်စိမ်းလိပ်ပြာ၏ လျှို့ဝှက်ချက်များကို အလျင်စလို

မဖော်ထုတ်သေးဘဲ၊ ယင်းအစား မာနကြီးစစ်မှန်သောနတ်ဘုရားနှင့် အခြားသူများကို ဧည့်ခံလိုက်သည်။

ဤမကြာမီကျရောက်လာတော့မည့် ဖရိုဖရဲ အခြေအနေသည် တစ်စုံတစ်ခု ကွဲပြားခြားနားမှုကို ဆောင်ကြဉ်းလာ၏။

ရီမိသားစု၏ တည်ငြိမ်သော ကြီးထွားမှုကို အာမခံနိုင်ရန်အတွက်၊ ကြိုတင်ပြင်ဆင်မှုများ ပြုလုပ်ထားရပေမည်။

ယခင်တည်းက ရီဖန်သည် နဂါးမျိုးနွယ်စုနှင့် ဖီးနစ်မျိုးနွယ်စု အစရှိသည်တို့ကို ကောင်းစွာအသုံးချနိုင်ပြီး မြေတောင်မြှောက်ပေးနိုင်သည်ဟု

တွက်ဆမိသည်။

“ကျွန်တော်တို့ နဂါးမျိုးနွယ်စု သဘောတူပါတယ်။”

“ကျွန်တော်တို့ ဖီးနစ်မျိုးနွယ်စုလည်း အတူတူပါပဲ။”

“ကျွန်တော်တို့ အေးစိမ့်လမင်း နတ်ဘုရားဂိုဏ်းလည်း သဘောတူပါတယ်။”

...

ဤအင်အားစုများအတွက် ရီဖန်၏

ဖိတ်ခေါ်မှုကို ငြင်းပယ်ရန် အကြောင်းပြချက် မရှိခဲ့သည်မှာ သေချာသည်။

အထက်ဘုံနယ်များစွာ ပြိုလဲကျဆုံးသွားသည်နှင့်အမျှ၊ အင်အားစုအသီးသီးသည် သူတို့ ရင်ဆိုင်နေရသော ကြီးမားသည့်ဖိအားကို နားလည်လာကြသည်။

သူတို့၏ လက်ရှိ အင်အားမှာ ဤဖရိုဖရဲလောကကြီးတွင် သူတို့၏ ငြိမ်းချမ်းမှုကို အာမ,မခံနိုင်တော့ပေ။ ကြိုတင်ပြင်ဆင်မှုများမှာ မရှိမဖြစ် လိုအပ်လာပေသည်။

ယုံကြည် စိတ်ချရသော မဟာမိတ်ဖွဲ့ခြင်းသည် အလွန် အရေးကြီးဆုံး ဖြစ်၏။

သူတို့ သိသော အင်အားစုများထဲတွင်၊ အခြားသူများကလည်း သူတို့ကို ကမ်းလှမ်းနေကြသော်လည်း၊ သူတို့က သဘောမတူခဲ့ကြသေးပေ။

များသောအားဖြင့်၊ လူတစ်ဦး ရရှိသည့် အရာသည် ကြီးမားသော စွန့်လွှတ်အနစ်နာခံမှုများနှင့် ဆက်စပ်နေတတ်သည်။

ထို့ကြောင့် ယုံကြည် စိတ်ချရသော အင်အားစု တစ်ရပ်မှာ အလွန် အရေးကြီးလေသည်။

ဂရုတစိုက် စဉ်းစားပြီးနောက်၊ ရီမိသားစုသည် မလွဲဧကန် အသင့်တော်ဆုံးသော ရွေးချယ်မှုပင်။ ဤနှစ်များတစ်လျှောက်

ရီမိသားစု ပြသခဲ့သော သဘောထားက

သူတို့ကို စိတ်ချစေခဲ့သည်။

သူတို့သည် ရီမိသားစုနှင့် ငြိမ်းချမ်းသော ဆက်ဆံရေးတစ်ခု ရှိနှင့်ပြီး ဖြစ်သည်။ ယခုအခါ ရီမိသားစု၏ စုဆောင်းမှုကို လက်ခံခြင်းသည် အစမှစ၍ ဆက်ဆံရေးကို ပြုစုပျိုးထောင်ရန် မလိုအပ်ဘဲ၊ သူတို့ကို တစ်ဆင့် ပိုမိုနီးကပ်သွားစေရုံသာ ဖြစ်သည်။

သူတို့သည် ယခုအခါတွင် မဟာမိတ်များဖြစ်လာပြီဖြစ်သောကြောင့်၊ ရီဖန်သည်လည်း ရက်ရက်ရောရော မျှဝေခဲ့သည်မှာ သေချာသည်။ ရီမိသားစု၏ လက်ရှိအခြေအနေအရ၊ နတ်ဘုရားလက်နက်များနှင့် နတ်ဆေးလုံးများ ရောင်းချမှုကြောင့် အရင်းအမြစ်များ ပိုလျှံနေခဲ့၏။

သို့သော်လည်း၊ ရီမိသားစုသည် အလွန်အကျွံ မရောင်းချနိုင်ခဲ့ပေ။ အကောင်းဆုံးနည်းလမ်းမှာ ထိုအရင်းအမြစ်များကို အသုံးချပြီး မိမိတို့၏ကိုယ်ပိုင်အင်အားစုများကို ပျိုးထောင်ရန် ဖြစ်သည်။

ရီဖန်..သူ၏လက်ကို အသာ ဝှေ့ယမ်းလိုက်သည်နှင့်တပြိုင်နက်၊ ကျောက်စိမ်းပုလင်း ဒါဇင်ပေါင်းများစွာမှာ လူတိုင်း၏

ရှေ့မှောက်တွင် ပေါ်ထွက်လာခဲ့သည်။

နတ်ဆေးလုံးများ...။

နတ်ဘုရားအသွင်ပြောင်းဆေးလုံးများ...။

အားလုံးမှာ ထိပ်တန်း အရည်အသွေးများသာ ဖြစ်ကြ၏။

စစ်မှန်သော နတ်ဘုရား နယ်ပယ်မှ ကျွမ်းကျင်သူများ၏ ကျင့်ကြံခြင်းကို မြှင့်တင်ပေးမည့် ဆေးလုံးများ။

ပင်လယ်ဖြတ်ကျော် နတ်ဆေးလုံးများ...။ စစ်မှန်သော နတ်ဘုရား နယ်ပယ်မှ ကျွမ်းကျင်သူများ သူတို့၏ အဟန့်အတားများကို အဆင့်ချိုးဖြတ်ရန်အတွက် ဖြစ်သည်။

...

ရီဖန်က ဆေးလုံးအသစ်တစ်မျိုးကို မိတ်ဆက်ပေးလိုက်တိုင်း၊ မာနကြီး စစ်မှန်သောနတ်ဘုရားနှင့် အခြားသူများ၏ အသက်ရှူသံများမှာ ပိုမို မြန်ဆန်လာခဲ့သည်။

သူတို့ ရီမိသားစုသို့ ဝင်ရောက်သည့်အခါ၊ မူလက သူတို့၏အင်အားစုများတွင် စစ်မှန်သော နတ်ဘုရားနယ်ပယ်မှ ကျွမ်းကျင်သူ အရေအတွက်ကို တိုးမြှင့်ရန်နှင့်

လာမည့် ဖရိုဖရဲ အခြေအနေအတွက်

သူတို့၏ အင်အားကို မြှင့်တင်ရန်အတွက် နတ်ဘုရားအသွင်ပြောင်း ဆေးလုံးအချို့ကို ရရှိရန် မျှော်လင့်ခဲ့ကြသည်။

ယခုမူ၊ ရီဖန် ထုတ်ယူလာသော ဆေးလုံးအားလုံးထဲတွင်၊ နတ်ဘုရားအသွင်ပြောင်းဆေးလုံးမှာ အသုံးအများဆုံး တစ်ခု ဖြစ်နေပုံရ၏။

အခြားဆေးလုံးအမျိုးအစားအားလုံးမှာ စစ်မှန်သောနတ်ဘုရားနယ်ပယ်မှ ကျွမ်းကျင်သူများအကြား အလုအယက်တိုက်ခိုက်မှုကို ဖြစ်ပွားစေနိုင်စွမ်းရှိသည်။

စစ်မှန်သောနတ်ဘုရားနယ်ပယ်ဆေးလုံးများအပြင်၊ သူတော်စင်အဆင့်ဆေးလုံးများလည်း များစွာရှိနေသေးသည်။

အကယ်၍ ဤအရင်းအမြစ်များကို အပြည့်အဝ စုပ်ယူနိုင်မည်ဆိုလျှင်၊ သူတို့သည် သူတို့၏အင်အားစုများ၏ အစွမ်းကို များစွာမြှင့်တင်နိုင်ပေလိမ့်မည်။

ယခုအခါတွင်၊ ဤလိုချင်တပ်မက်ဖွယ်ကောင်းသော အရင်းအမြစ်များမှာ

မျက်‌စိရှေ့တွင် အလွယ်တကူပင် ချထားလေသည်။ သူတို့ မည်သို့

စိတ်မလှုပ်ရှားဘဲ နေနိုင်မည်နည်း။

သူတို့သည် ဆေးလုံးများနှင့်အတူ ရီမိသားစုမှ ထွက်ခွာသွားသည့်တိုင်အောင် ရင်တွင်း စိတ်လှုပ်ရှားမှုမှာ တဖြည်းဖြည်း ငြိမ်သက်မသွားခဲ့ပါပေ။

အချင်းချင်း မျက်လုံးချင်း ဆုံမိကြပြီး၊

တစ်ယောက်၏ မျက်လုံးထဲမှ စိတ်လှုပ်ရှားမှုကို အခြားတစ်ယောက်က မြင်တွေ့နေကြရသည်။

ရီမိသားစုသို့ ဝင်ရောက်ရန် ရွေးချယ်ခဲ့ခြင်းသည် သူတို့ဘဝတစ်လျှောက်တွင် ပြုလုပ်ခဲ့သော အကောင်းဆုံးဆုံးဖြတ်ချက်ဖြစ်နိုင်ကြောင်း သူတို့ တွေ့ရှိသွားကြသည်။

“လူတိုင်းပဲ၊ ခုချိန်ကစပြီး၊ ငါတို့ အချင်းချင်း အပြန်အလှန်ကူညီရမယ်၊ ပြီးတော့ ရီမိသားစုရဲ့ ဖွံ့ဖြိုးတိုးတက်မှုအတွက် ငါတို့ရဲ့အင်အားကို ပေးလှူရမယ်။”

“ခုချိန်ကစပြီး ရီမိသားစုဟာ ကျုပ်တို့တစ်သက်လုံး ကာကွယ်စောင့်ရှောက်သွားရမယ့်အရာပဲ။”

ဤစစ်မှန်သောနတ်ဘုရားနယ်ပယ်မှ ကျွမ်းကျင်သူများသည် စိတ်အားထက်သန်သော လူငယ်ကလေးများကဲ့သို့ပင် ရီမိသားစုအပေါ် သူတို့၏စိတ်အားထက်သန်မှုကို ထုတ်ဖော်ပြောဆိုကြသည်။

မည်သူမျှ သူတို့ကို လှောင်ပြောင်ခြင်းမရှိခဲ့ပေ။ သူတို့အားလုံးတွင် ရှိသည်မှာ ခိုင်မာသော ယုံကြည်ချက်သာ ဖြစ်လေသည်။

ရီမိသားစုသည် သူတို့ထံမှ ဤသို့သော ဆက်ဆံမှုကို ခံယူထိုက်ပေသည်။

...

လူတိုင်း ထွက်ခွာသွားပြီးနောက်တွင်၊

ရီဖန်သည် နောက်ဆုံးတွင် ဤရှေးဟောင်းရတနာဟုဆိုကြသော မူလကျောက်စိမ်းလိပ်ပြာကို အနီးကပ်လေ့လာရန် အချိန်ရခဲ့လေသည်။

ရီဖန်၏ စိတ်အာရုံက မူလကျောက်စိမ်းလိပ်ပြာထဲသို့ ထိုးဖောက်ဝင်ရောက်သွားသည့်အခါ၊ သူသည် ပုံမှန်မဟုတ်သောအရာတစ်ခုကို အလျင်အမြန် ရှာတွေ့လိုက်၏။ ကျောက်စိမ်းလိပ်ပြာအတွင်း၌

မရေမတွက်နိုင်သော နိယာမတရားများနှင့် စည်းမျဉ်းများက ရှုပ်ထွေးစွာ ဖြတ်သန်းယှက်နွယ်နေကြသည်။

လိပ်ပြာ၏ ထူထပ်သော ရှုပ်ထွေးမှုက ရီဖန်ကို မူးဝေသွားစေသည်။ နတ်ဘုရားစွမ်းအင်ကို သွင်းလိုက်သည်နှင့်၊ ထူးခြားသော စွမ်းအင်လှိုင်းတစ်ခုသည် မူလကျောက်စိမ်းလိပ်ပြာမှ လျင်မြန်စွာ စတင်ပျံ့နှံ့လာခဲ့သည်။

ဤစွမ်းအင်လှိုင်း၏ လွှမ်းမိုးမှုအောက်တွင် သူ၏နားလည်နိုင်စွမ်းနှင့် အခြားအရာများမှာသိသိသာသာ တိုးတက်လာသည်ကို ခံစားလိုက်ရသည်။ ရှုထောင့်တစ်ခုမှ ကြည့်မည်ဆိုလျှင်၊

ရီဖန်၏ ဉာဏ်အလင်းပွင့်မှုမှာ အုပ်စိုးခြင်းနယ်ပယ်အဆင့်တွင် ရှိနေသည်။

သူ့အတွက်မူ၊ သာမန်ဆေးလုံးများကို မဆိုထားနှင့်၊ နတ်ဆေးလုံးများပင်လျှင် ကြီးမားသော

ခြားနားမှုကို မဖြစ်ပေါ်စေတော့ပေ။ သို့သော်လည်း၊ မူလကျောက်စိမ်းလိပ်ပြာ၏ ထူးခြားသော တုန်ခါမှုမှာ ရီဖန်၏ ဉာဏ်အလင်းပွင့်မှုကို ထပ်မံ မြှင့်တင်ပေးနိုင်လောက်အောင် အစွမ်းထက်နေခဲ့သည်။ ဤစွမ်းဆောင်နိုင်မှု

တစ်ခုတည်းကပင် ၎င်းကို အဖိုးမဖြတ်နိုင်သော ရတနာတစ်ခု ဖြစ်စေခဲ့၏။

မည်သို့ပင် ဖြစ်စေ၊ လေ့ကျင့်မှုအရှိန်နှင့်ပတ်သက်လာလျှင်၊ မူလကျောက်စိမ်းလိပ်ပြာသည် ရီဖန်အပေါ်တွင် အကျိုးသက်ရောက်မှု မရှိခဲ့ပေ။ ရီဖန်၏ လေ့ကျင့်မှုစွမ်းရည်မှာ မူလအဆင့်သို့ ရောက်ရှိနေခဲ့လေပြီ။ သာမန်ကျင့်ကြံခြင်းနည်းလမ်းများဖြင့်ပင် သူသည် အုပ်စိုးခြင်းနယ်ပယ်သို့ ရောက်ရှိနိုင်ပေသည်။

ဤသို့သော သေးငယ်သည့် တုန်ခါမှုမှာ သူ၏ ကျင့်ကြံခြင်းအရှိန်အပေါ်တွင် အကျိုးသက်ရောက်မှုမရှိခဲ့ပေ။ တစ်ဖန်၊

ရီဖန်သည် မူလကျောက်စိမ်းလိပ်ပြာ စုပ်ယူရန်အတွက် များပြားလှသော ရတနာများကို ထုတ်ယူလိုက်သည်။

၎င်းစုပ်ယူပြီးစီးသွားပြီးနောက်၊ သူသည် မူလကျောက်စိမ်းလိပ်ပြာကို တစ်ဖန်ပြန်လည် လှုံ့ဆော်လိုက်သည်။ လိပ်ပြာ၏ စွမ်းအားမှာ အမှန်ပင် တိုးတက်လာခဲ့သည်။ မည်မျှအထိဟု ဖော်ပြရန်ခက်ခဲသော်လည်း၊ ရီဖန်အတွက်မူ ဤပြောင်းလဲမှုမှာ အကန့်အသတ်ရှိနေဆဲ ဖြစ်ရာ သူ့ကို အနည်းငယ် စိတ်ပျက်သွားစေသည်။

၎င်းမှာ အရင်းအမြစ် မလုံလောက်ခြင်းကြောင့်လား၊ သို့မဟုတ် ပျက်စီးမှုကြောင့်ဖြစ်ပေါ်လာသော မူလကျောက်စိမ်းလိပ်ပြာဟု ခေါ်သည့် အရာ၏ ချို့တဲ့မှုကြောင့်လားဟု သူ အတပ်

မပြောနိုင်ခဲ့ပေ။

အကြိမ်ပေါင်းများစွာ ကြိုးစားပြီးနောက်တွင်၊

ရီဖန်သည် စွမ်းအင် စုပ်ယူမှု တစ်ခုချင်းစီအပြီးတွင်၊ မူလ ကျောက်စိမ်းလိပ်ပြာအတွင်းမှ ပျက်စီးနေသော နေရာမှာ အနည်းငယ် ပြန်လည် ပြုပြင်သွားသည်ကို သတိပြုမိလိုက်၏။

တိုးတက်မှုမှာ အနည်းငယ်မျှသာ ဖြစ်သော်လည်း၊ ၎င်းမှာ အခိုင်အမာပင် အရေးပါလှသည်။ အနာဂတ်တွင် ၎င်းကို အပြည့်အဝ ပြန်လည် ပြုပြင်နိုင်မည့် အခွင့်အရေးပင် ရှိနိုင်ပေသည်။ ရီဖန်သည် ဤမူလကျောက်စိမ်းလိပ်ပြာမှာ အံ့ဖွယ်လက်နက် တစ်ခု ဖြစ်ပြီး၊ သူယခုအချိန်အထိ ရရှိခဲ့သော ထိပ်တန်းရတနာများထဲမှ တစ်ခု ဖြစ်နိုင်ကြောင်း သေချာသွားသည်။

သူသည် မူလကျောက်စိမ်းလိပ်ပြာအတွက် အသင့်တော်ဆုံးသော နေရာချထားမှုကိုလည်း ရှာဖွေတွေ့ရှိသွားခဲ့သည်။ ၎င်းကို ရီမိသားစု၏ မျိုးရိုးစဉ်ဆက်မှ ကျင့်ကြံသူများက အကောင်းဆုံးအသုံးပြုနိုင်ပေလိမ့်မည်။

မူလကျောက်စိမ်းလိပ်ပြာကို ထုတ်ပေးခြင်းသည် ဒုတိယတန်းစား ကျွမ်းကျင်မှုတစ်ခုအတွက် အရှိန်မြှင့်စက်တစ်ခုနှင့် ညီမျှပါလိမ့်မည်။ ၎င်း၏အကူအညီဖြင့်၊ အနည်းငယ်

နှေးကွေးသော ဒုတိယတန်းစား ကျွမ်းကျင်သူများသည် တဟုန်ထိုး တိုးတက်မှုကို သေချာပေါက် တွေ့မြင်ကြရပေလိမ့်မည်။

ခြုံငုံကြည့်လျှင်၊ ဤရရှိမှုမှာ မလွဲဧကန်

အသီးအပွင့်များလှ၏။

သို့ဖြစ်ရာ ရီဖန်သည် မူလကျောက်စိမ်းလိပ်ပြာကို ဗဟိုပြု၍ ရီမိသားစုအတွက် အမွေအနှစ်၏အခြေခံအဖြစ် ပိုင်ရီ မျှော်စင်

တစ်ခုကို တည်ဆောက်ရန် စီစဉ်လိုက်လေ တော့သည်။

အကယ်၍ အခြား မည်သည့်စစ်မှန်သောနတ်ဘုရားမဆို မူလကျောက်စိမ်းလိပ်ပြာကို ရရှိပြီး ရီဖန်အသုံးပြုသကဲ့သို့ အသုံးပြုမည်ဆိုလျှင်၊

မိမိနှင့် အဆင့်တူ စစ်မှန်သောနတ်ဘုရား ကျွမ်းကျင်သူများ၏ သတ်ဖြတ်ခြင်းကို ခံရပေလိမ့်မည်။ အရှိန်မြှင့်ပေးသည့် အာနိသင်များကို အလွန်အမင်း စိုးရိမ်ပူပန်ခြင်းမရှိသော ရီဖန်

တစ်ဦးတည်းသာလျှင် ဤသို့သော ဖြုန်းတီးမှုမျိုးကို ပြုလုပ်နိုင်ပေသည်။

ရီဖန်အတွက်မူ၊ ပိုင်ရီမျှော်စင်ကို ဖန်တီးခြင်းသည် စိန်ခေါ်မှု တစ်ခု မဟုတ်ပေ။

သို့သော်လည်း၊ မူလကျောက်စိမ်းလိပ်ပြာထဲသို့ စွမ်းအင်ကို အကြိမ်ကြိမ် ထည့်သွင်းနေစဉ်တွင်၊ သူသည် ထူးဆန်းသော အရာတစ်ခုကို တဖြည်းဖြည်း သတိပြုမိလာခဲ့သည်။ မူလကျောက်စိမ်းလိပ်ပြာကို အသုံးပြုနေစဉ်တွင် ထူးခြားသော ခေါ်သံတစ်ခုကို ခံစားလိုက်ရသည်။

ထို့ပြင် ဤခေါ်သံ၏ ရင်းမြစ်မှာ အဝေးတွင်မရှိခဲ့ပေ။စွမ်းအင်စုပ်ယူမှု တိုးပွားလာပြီး မူလကျောက်စိမ်းလိပ်ပြာ တဖြည်းဖြည်း ပြန်လည်ပြုပြင်လာသည်နှင့်အမျှ၊ ခေါ်သံ၏ ပြင်းထန်မှုမှာလည်း ပိုမိုအားကောင်းလာခဲ့သည်။ သွားရောက် မကြည့်ရှုခဲ့လျှင်ပင်၊ ရီဖန်သည် မူလကျောက်စိမ်းလိပ်ပြာကို တွေ့ရှိခဲ့သော နေရာမှာ တောနက်ကြီးနှင့် သေချာပေါက် ဆက်စပ်နေကြောင်း သေချာနေပါသည်။

တောနက်ကြီးခေတ်ဟုခေါ်သော အရာနှင့်ပတ်သက်၍၊ ရီဖန်သည် စိတ်ဝင်စားမှုပြင်းပြစွာ ရှိနေခဲ့သည်။

သူ ယင်းခံစားမှုနောက်သို့ လိုက်ရန် ဆုံးဖြတ်လိုက်သည်နှင့်တစ်ပြိုင်နက်၊ မမျှော်လင့်ထားသော ဧည့်သည်တစ်ဦးသည် ကောင်းကင်ဘုံ

ချိတ်ဆက်နယ်မြေသို့ ရောက်ချလာခဲ့၏။

သာမန်စစ်မှန်သောနတ်ဘုရား ကျွမ်းကျင်သူများကိုပင် လန့်ဖျန့်သွားစေသည့် အရှိန်အဝါတစ်ခု နယ်မြေအတွင်း၌ ရုတ်တရက်ပေါ်ထွက်လာပြီး များပြားလှသော တန်ခိုးရှင်ကြီးများ၏ အာရုံစိုက်မှုကို ဖမ်းစားလိုက်သည်။ယး

မကြာမီပင်၊ တစ်စုံတစ်ယောက်က ဤအရှိန်အဝါ၏ ပိုင်ရှင်ကို မှတ်မိသွားသည်။

မော့ရှယ် စစ်မှန်သောနတ်

ဘုရား။

မော့ရှယ် စစ်မှန်သောနတ်ဘုရားသည် နှောင်းပိုင်းအဆင့် စစ်မှန်သောနတ်ဘုရားတစ်ပါး။

စစ်မှန်သောနတ်ဘုရား ကျွမ်းကျင်သူများအကြား လေးစားခံရသော ပုဂ္ဂိုလ်တစ်ဦး ဖြစ်၏။ သူ၏ အရှိန်အဝါကို မဖုံးကွယ်ထားသောကြောင့် အလွယ်တကူ မှတ်မိနိုင်ခြင်းဖြစ်သည်။

ဤအခိုက်အတန့်တွင်၊ လူများသည် လတ်တလောက

ကောင်းကင်ဘုံချိတ်ဆက်နယ်မြေတွင် လှုပ်လှုပ်ခတ်ခတ် ဖြစ်စေခဲ့ပြီး ရီမိသားစု၏ ချေမှုန်းခံခဲ့ရသော အနက်ရောင်တောင်ဓားပြများကို အသိစိတ်တွင် ဖျတ်ခနဲ ပြန်မြင်မိကြသည်။

ဤအနက်ရောင်တောင်ဓားပြများနှင့် မော့ရှယ်စစ်မှန်သော နတ်ဘုရားတို့အကြား သိသာထင်ရှားသော ဆက်စပ်မှု တစ်ခု ရှိကြောင်းမှာ အများသိပင်။

မော့ရှယ်စစ်မှန်သောနတ်ဘုရား ဦးတည်နေသော လားရာကို မြင်လိုက်ရသည့်အခါ၊ လူအုပ်ကြီးသည် တစ်စုံတစ်ရာ ချွတ်ချော်တိမ်းစောင်းနေသည်ကို ချက်ချင်းပင် နားလည်သွားကြသည်။

ဤမော့ရှယ်စစ်မှန်သောနတ်ဘုရားသည် ရီမိသားစုကို ရှာဖွေနေခြင်း ဖြစ်၏။

ရီမိသားစုနှင့် မော့ရှယ် စစ်မှန်သောနတ်ဘုရားတို့အကြား ဖြစ်နိုင်ခြေရှိသော ထိပ်တိုက်တွေ့ဆုံမှုသည် အခြား စစ်မှန်သောနတ်ဘုရား ကျွမ်းကျင်သူများအကြား ကြီးမားသော စိတ်ဝင်စားမှုကို ချက်ချင်းပင် နှိုးဆွလိုက်တော့သည်။

ရီမိသားစု ရရှိခဲ့သော မူလကျောက်စိမ်းလိပ်ပြာနှင့်ပတ်သက်၍လည်း၊ ၎င်းမှာ လျစ်လျူရှုနိုင်စရာ စိတ်ဝင်စားမှု မဟုတ်ခဲ့ပေ။ သို့သော်လည်း၊ ရီမိသားစု၏ ဩဇာ လွှမ်းမိုးမှုကြောင့်၊ သူတို့သည် ၎င်းကို ဝန်မခံရဲခဲ့ကြပေ။

သို့သော်ငြားလည်း၊ မော့ရှယ် စစ်မှန်သော

နတ်ဘုရား၏ ရုတ်တရက် ရောက်ရှိလာမှုနှင့်အတူ၊ လူတိုင်းမှာ ယခုအခါတွင် စိတ်ဝင်စားနေကြလေပြီ။

ရီမိသားစုသည် မော့ရှယ် စစ်မှန်သော နတ်ဘုရားကို ဆန့်ကျင်၍ မူလကျောက်စိမ်းလိပ်ပြာကို ဆက်လက် ထိန်းသိမ်းထားနိုင်ပါ့မလား။

ငါ မရရင်တော့ မင်းလည်း မရစေရဘူး...။

ဤသည်ပင်လျှင် စစ်မှန်သော နတ်ဘုရား ကျွမ်းကျင်သူ အများစု၏ စိတ်ထဲတွင် ညီတူညီမျှ ခံစားနေကြသော အမှန်ကန်ဆုံးသော အတွေးပင် ဖြစ်တော့သည်။