အထူးမြေပြင်နှင့်ဂမ္ဘီရနွယ်! ၂

Vol. 72 Ch. 1080

၄၂ လွှာ!

၄၃ လွှာ!

သူဆက်တူးသော်လည်း ရွှေ၊ငွေ၊ကြေးနီ၊စိန်ကလွဲပြီး ဘာမှထူးထူးခြားခြားမတွေ့။

၄၄ လွှာရောက်သောအခါ တဝက်သာတူးရသေး၊ အထူးအသိပေးစာတက်လာသည်:

(ဂုဏ်ယူပါတယ်... အထူးအာကာသဥက္ကာခဲတူးဖော်ရရှိပါတယ် - အန္တရာယ်မရှိ!)

အသိပေးစာမြင်ပြီး ချင်လင်မျက်စိကျယ်သွားသည်။

နောက်ဆုံးတော့ တစ်ခုခုရပြီ။

အာကာသဥက္ကာခဲက ကောင်းချီးပေါက်ပြားနဲ့တူးနိုင်တဲ့ဂြိုလ်အစိုင်အခဲအုပ်စုထဲပါမယ်မလား?

ဒါ ကောင်းချီးပေါက်ပြားရပြီး ပထမဆုံးတူးရသောထူးထူးခြားခြားပစ္စည်းပင်။

ချင်လင်ကစိုက်ပျိုးရေးခြံအမြန်ပြန်စေပြီး အတွေးနှင့်ဂိမ်းထဲဝင်လိုက်သည်။ ဥက္ကာခဲအရည်အသွေးကိုသူဖတ်ကြည့်သည်:

(အာကာသဥက္ကာခဲ: အထူး!)

(အာကာသထဲမှအထူးဥက္ကာခဲဖြစ်သည်။ ပင်လယ်ရေကြောင့် ရေကန်သတ္တုတွင်းမှာသောင်လာတင်သည်။ နှစ်ပေါင်းများစွာအနည်ကျပြီး ရောင်ခြည်မထွက်နိုင်တော့။ အထူးမြေပြောင်းလဲရန်အသုံးချနိုင်သည်!)

မှတ်ချက်အရ ဒီအာကာသဥက္ကာခဲမှာ ထူးထူးခြားခြားအာနိသင်ရှိပုံမပေါ်။

သို့ရာတွင် သူ့ဂိမ်းဇာတ်ကောင်အဆင့်တက်လာသော်လည်း အဆင့်မတက်သေးသောအထူးမြေကွက်အကြောင်းကိုရုတ်တရက်တွေးမိသည်။

အထူးမြေကွက်အဆင့်မြှင့်ရန် အထူးပစ္စည်းများလိုသည်။ အရင်ကဘာပစ္စည်းနဲ့မှ ထိုမြေကိုအဆင့်မမြှင့်နိုင်။

အခုဒီဥက္ကာခဲက မြေပြောင်းနိုင်တယ်ဆိုတော့ အထူးမြေကွက်အဆင့်မြှင့်ဖို့သုံးနိုင်တာများလား?

ထိုအကြောင်းတွေးရင်း ချင်လင်ကဂိမ်းထဲမှထွက်ပြီး ဂိမ်းဇာတ်ကောင်အားထိုမြေကွက်ဆီသွားစေသည်။ ထို့နောက် မြေကြီးပေါ်တွင်တစ်ချက်နှိပ်ပြီးအဆင့်မြှင့်မည်ကိုရွေးလိုက်သည်။

ဒီတစ်ခါ အသိပေးစာတစ်မျိုးထွက်လာသည်။

(ဥက္ကာခဲသုံးပြီးအဆင့်မြှင့်လိုပါသလား?)

ချင်လင်မျက်စိကျယ်သွားသည်။

ဟုတ်တာပေါ့။

သူက မြှင့်မည်ကိုရွေးလိုက်သည်။

အရင်အဆင့်မမြှင့်နိုင်တဲ့မြေက မထင်မှတ်ဘဲအဆင့်မြှင့်နိုင်တော့မည်။

နောက်ခဏတွင် အထူးမြေကွက်ကိုအဆင့်မြှင့်ပြီးကြောင်းအသိပေးစာတက်လာသည်။

ဒီတစ်ခါအဆင့်မြှင့်တဲ့မြေက အရင်မြေနဲ့လုံးဝမတူ။ လှုပ်လှုပ်ရှားရှားကြယ်များ၊အာကာသပုံများထွက်လာသည်။

ထိုပုံများထွက်ပြီးနောက် စိုက်ပျိုးရေးခြံတွင်အထူးမြေကွက်ပေါ်လာသည်။

တချိန်တည်း ဂိမ်းဖန်သားပြင်ပေါ်တွင်လည်း မြေကွက်နာမည်ပေါ်လာသည်ကိုချင်လင်တွေ့ရသည်: အာကာသ!

အထူးအာကာသအရည်အသွေးရှိသော အာကာသမြေကွက်ဖြစ်သည်။ အာကာသမျိုးပြောင်းသောအထူးအပင်များစိုက်နိုင်သည်။

ဒီအချက်အလက်ကို ချင်လင်သိပ်နားမလည်။

သို့ရာတွင် မြေကွက်အဆင့်တက်လျှင် အထူးမျိုးစေ့များပေါ်လာမည်။

ထို့ကြောင့် ချင်လင်ကချက်ချင်း သူ့ဂိမ်းဇာတ်ကောင်အား သတ္တုမြို့တော်မျိုးစေ့ဆိုင်သွားစေသည်။

NPC ပေါ်နှိပ်လိုက်ရာ အာကာသမျိုးစေ့ဆိုသောအပင်စာရင်းအသစ်ပေါ်လာသည်။

သူ့ဂိမ်းဇာတ်ကောင်ကိုတစ်ချက်နှိပ်စေသည်။ နောက်ထပ်စာပေါ်လာ၏:

အာကာသမျိုးစေ့များက အလွန်ရှားသည်။ မျိုးစေ့အသစ်ဝယ်နိုင်ရန်ကံကောင်းဖို့လိုသည်။

နောက်ခဏတွင် ပါဝင်စာရင်းကိုနှိပ်လိုက်သည်။

အထဲတွင် 'မျိုးပြောင်းအာကာသနွယ်'ဆိုသောမျိုးစေ့တစ်စေ့သာရှိသည်!

မျိုးပြောင်းအာကာသနွယ်က ဘာမှန်းချင်လင်မသိသော်လည်း အသစ်ပေါ်လာမှတော့ မဝယ်မဖြစ်ဝယ်ရမည်။

နောက်ပြီး မျိုးပြောင်းအာကာသနွယ်ကကြယ်ပုံပါသောမျိုးစေ့ဖြစ်သည်။

ချင်လင်ကမျိုးပြောင်းအာကာသနွယ်ဝယ်ပြီး ချက်ချင်းဂိမ်းဇာတ်ကောင်အား စိုက်ပျိုးရေးခြံပြန်စေသည်။ တခါတည်း သူကဂိမ်းထဲဝင်ပြီး မျိုးပြောင်းအာကာသနွယ်အရည်အသွေးကိုစစ်ကြည့်လိုက်သည်။

(မျိုးပြောင်းအာကာသနွယ်: အထူး!)

(အာကာသထဲမျိုးပြောင်းသောနွယ်ပင်ဖြစ်သည်။ အထူးလုပ်ဆောင်ချက်ရှိသည်။ နေ့အချိန်အလင်းရောင်စုပ်ယူပြီး ဆဲလ်အပေါ်အထူးအာနိသင်ရှိသည်။ ညဘက်အလင်းရောင်လည်းထုတ်နိုင်သည်။ အချိန်အချိုးအစားမှာ:

အလင်းဖျော့ဖျော့ +၁၊ စိတ်တည်ငြိမ်စေခြင်း +၁၊ အလင်း +၁၊ ရသ +၁၊ ကြီးထွားနှုန်း +၁!)

(ကန့်သတ်ချက်: မျိုးပြောင်းအာကာသနွယ်ပင်ဖြစ်သောကြောင့် ပတ်ဝန်းကျင်လိုအပ်ချက်မြင့်မားသည်။ တစ်ကြိမ်သာပတ်ဝန်းကျင်နှင့်လိုက်လျောညီထွေဖြစ်နိုင်ပြီး ပတ်ဝန်းကျင်အလင်းရောင်နည်းနည်းပြောင်းသည်နှင့်ရှင်သန်ရန်ခက်သည်!)

ချင်လင်ကမှတ်ချက်ဖတ်ပြီး မျိုးပြောင်းအာကာသနွယ်ကအထူးပစ္စည်းမှန်းသီသွားသည်။ အထူးမြေမှာသာစိုက်ပျိုးနိုင်သည်။

ဒီပစ္စည်းက နည်းနည်းအံ့ဩစရာ။

အလင်းထွက်သောအပင်များရှိသော်လည်း အမှောင်ထဲမှာသာလင်းကြသည်။ သို့ရာတွင် အလင်းအကန့်အသတ်ရှိပြီး အများစုကအန္တရာယ်များသည်။

သို့သော် ဒီမျိုးပြောင်းအာကာသနွယ်က နေရောင်ကိုစုပ်ယူပြီး ညဘက်အလင်းထုတ်နိုင်သည်။ အလင်း အရည်အသွေး ၁ ရှိသည်။

ဒါလမ်းမီးထက်တော့မလျော့လောက်ဘူးမလား?

အထူးသဖြင့် ဒီအလင်းရောင်ကအန္တရာယ်မရှိ။

နောက်ပြီး အလင်းဖျော့ဖျော့ +၁၊ စိတ်တည်ငြိမ်စေခြင်း +၁၊ ရသ +၁ လည်းရှိသည်။ ပသာဒဖြစ်ရုံသာမက တရေးအိပ်ပြီးနားဖို့လည်းသင့်တော်သည်။

စံအိမ်အနောက်ဘက်တောင်တန်းမှာ ကေဘယ်ကားပရောဂျက်နှင့်တောင်တက်ပရောဂျက်ရှိသည်။ တောင်ထိပ်တွင် ပန်းအိမ်စိုက်ထားပြီးနေထွက်ရှုခင်းကြည့်ပရောဂျက်လုပ်မည်။

မျိုးပြောင်းအာကာသနွယ်ရှိရင် တောင်ပေါ်အနှံ့စိုက်မည်။ တောင်တစ်ခုလုံး အလင်းရောင်တမျိုးထွက်ပြီး ညဘက်ရှုခင်းလှမည်။

အထူးသဖြင့် ဒီပစ္စည်းက ကြီးထွားနှုန်း +၁ ရှိ၍အကြီးမြန်သည်။

အဓိကအကျဆုံးက ပတ်ဝန်းကျင်အကန့်အသတ်ရှိခြင်းပင်။ ပတ်ဝန်းကျင်လိုအပ်ချက်မြင့်သောကြောင့် တစ်ကြိမ်သာစိုက်ပျိုးနိုင်သည်။ ရွှေ့စိုက်ပါက ပတ်ဝန်းကျင်အလင်းရောင်ပြောင်းလဲမှုကြောင့် ရှင်သန်ဖို့ခက်ခဲလိမ့်မည်။

ရှန်းရွှေလက်ဆောင်ဆန်ကိုသူတွေးမိသည်။

ဒီအပင်လိုအပ်ချက်က ရှန်းရွှေလက်ဆောင်ဆန်ထက်တောင်မြင့်နိုင်သည်။

တနည်းပြောရရင် သူထုတ်လာသောနေရာမှာသာမျိုးစေ့စိုက်နိုင်မည်။