လှည့်ကွက်

ခေတ်သစ်ကမ္ဘာမှ လူငယ်တစ်ဦးဖြစ်သည့် ဆုမိုသည် သိုင်းလောကသို့ ကူးပြောင်းရောက်ရှိလာခဲ့၏။ ကျဆုံးလုနီးပါးဖြစ်နေသော ဆုမိသားစု၏ တစ်ဦးတည်းသော မျိုးဆက်အနေဖြင့် သူသည် ပြိုလဲလုဆဲဆဲဖြစ်နေသည့် ဇီယန်အာမခံဌာနကို ဆက်ခံခဲ့ရသည်။ ဆုမိုသည် မိသားစုလုပ်ငန်းကို ရှေးယခင်ကကဲ့သို့ တဖန် ပြန်လည်ထင်ပေါ်ကျော်ကြားလာအောင် ကြိုးပမ်းရန် ဆုံးဖြတ်ထားသော်လည်း သူသည် ငယ်ရွယ်ပြီး အတွေ့အကြုံနုနယ်လှသေး၏။ ထို့အပြင် သိုင်းလောကဟူသည် အန္တရာယ်များနှင့် လှည့်ကွက်ပရိယာယ်များ ပြည့်နှက်နေသော နေရာမဟုတ်ပါလော။ သို့သော်လည်း ကံတရားက သူ့ကို မျက်နှာသာပေးလာ၏။ ပို့ဆောင်ရေးတာဝန်တစ်ခု ပြီးမြောက်တိုင်း ဆုလာဘ်များ ပေးအပ်သည့် စနစ်တစ်ခု မ‌မျှော်လင့်ဘဲ ပေါ်ပေါက်လာသည်။ ဤဆုလာဘ်စနစ်၏ အကူအညီဖြင့် ဆုမိုသည် တစ်ခါမှ မကြုံဖူးသော အထွတ်အထိပ်အဆင့်တစ်ခုသို့ တက်လှမ်းနိုင်ခဲ့သည်။ လုံရှန်းဉာဏ်ဖွင့်နတ်ဘုရားစွမ်းရည်ကို တတ်မြောက်ခဲ့ပြီး ၎င်းပညာရပ်က သူ၏ အတွင်းအားကို ပြောင်းလဲစေကာ တာဝန်များကို ထမ်းဆောင်ရာတွင် အကန့်အသတ်မဲ့ စွမ်းအင်နှင့် ခံနိုင်ရည်တို့ကို ပေးစွမ်းနိုင်ခဲ့သည်။ သို့တိုင်အောင် ရိုးသားသော စာပေပညာရှင်တစ်ဦးကို လိုက်လံစောင့်ရှောက်ရသည်မှစ၍ သေခါနီးလူတစ်ယောက်အတွက် နက်နဲဆန်းကြယ်သော သေတ္တာတစ်လုံးကို ပို့ဆောင်ပေးရသည်အထိ တာဝန်များ ထမ်းဆောင်ရာလမ်းတစ်လျှောက်တွင် အခက်အခဲပြဿနာများက သူ့ထံသို့ အဆက်မပြတ် ဝင်ရောက်လာခဲ့သည်။ ဆုမိုတစ်ယောက် သူတစ်ပါး၏ ကိစ္စရပ်များကြားတွင် ဝင်ရောက်ပတ်သက်မိခြင်းမှ ရှောင်လွှဲနိုင်ပါမည်လော။ ရက်စက်ကြမ်းကြုတ်လှသော သိုင်းလောကမုန်တိုင်းများကြားတွင် အသက်ရှင်ရပ်တည်နိုင်ပြီး ကိုယ်ပိုင်နေရာတစ်ခု ရယူနိုင်ပါမည်လော...။