ငါ့မိန်းမက အင်မော်တယ်ဧကရီ

လင်းဖန်သည် မတော်တဆမှု တစ်ခုကြောင့် အင်မော်တယ်နတ်ဆိုးတိုက်ကြီးဆီသို့ ကူးပြောင်းသွားခဲ့သည် ။ သူ နည်းမျိုးစုံဖြင့် ကြိုးစားရုန်းကန်ခဲ့ပြီးနောက် နတ်ဆိုးနယ်မြေ၏ အမြင့်မြတ်ဆုံး အရှင်သခင် ဖြစ်လာခဲ့၏ ။ သို့သော်လည်း အင်မော်တယ်များနှင့် နတ်ဆိုးများ၏ မဟာစစ်ပွဲကြီးက စတင်လာခဲ့သည် ။ နတ်ဆိုး နယ်မြေ၏ အသန်မာဆုံးဖြစ်သော နတ်ဆိုးအရှင် တစ်ဦးအနေဖြင့် အင်မော်တယ်များ၏ ဧကရီဖြစ်သော လုံယွဲ့နှင့် နောက်ဆုံး အဆုံးအဖြတ်တိုက်ပွဲကို ဆင်နွဲခဲ့ကြ၏ ။ သူတို့နှစ်ဦး၏ တိုက်ပွဲကြောင့် ဟင်းလင်းပြင်ကြီး ပေါက်ကွဲသွားကာ ကောင်းကင်ဘုံတာအို ပျက်ဆီးသွားပြီး သူတို့ နှစ်ဦးစလုံး ဟင်းလင်းပြင်အက်ကွဲကြောင်းအတွင်းသို့ ကျဆင်းသွားခဲ့သည် ။ လင်းဖန်သည် သူမျက်လုံးပြန်ဖွင့်လိုက်သောအခါ ဂြိုလ်ပြာသို့ ပြန်လည်ရောက်ရှိနေသဖြင့် ဆွံ့အသွားတော့၏ ။ သို့သော်လည်း ပြန်ရောက်လာသည်က သူတစ်ယောက်ထဲ မဟုတ်ဘဲ သူနှင့် ပါလာသူက သူ၏ ရန်သူတော်ကြီး လုံယွဲ့ဖြစ်နေသည် ။ " နတ်ဆိုးအရှင်... ဒီကမ္ဘာမြေပေါ် ရောက်နေရင်တောင် ငါ့အသက်ကိုရင်းပြီး နင့်ကို သတ်မယ်.. " " နတ်ဆိုးအရှင်... ငါ လမ်းဘေးမှာ ငတ်သေရရင်တောင် နင်ကျွေးတာကို တစ်လုတ်မှ မစားဘူး.. " " နတ်ဆိုးအရှင်... ဒီလ အိမ်ငှားခကို နောက်လ မှ ပေးလို့ ရမလားဟင်.. ဒီ ဧကရီက ဘာမဆို လုပ်ပါ့မယ်.. " " လင်းဖန်..လင်းဖန်.. ငါ ဒါကို လိုချင်တယ်.. ဝယ်ပေး.. " " ယောကျ်ား... တို့နှစ်ယောက်ရဲ့ ကလေးကို နာမည် ဘယ်လို မှည့်ရင် ကောင်းမလည်းဟင်.. "