ပြိုင်ဘက်ကင်းလေလံရုံ

ရွှမ်းထျန်းကုန်းမြေသည် ကျယ်ပြန့်ပြီး နယ်နိမိတ် အဆုံးအစမရှိပေ။ ထိုနေရာတွင် အစွမ်းထက်သူများကိုသာ လေးစားကြသည်။ လင်းရှောင်သည် အမှတ်မထင် ကူးပြောင်းလာခဲ့ပြီး ကျဆင်းယိုယွင်းနေသော လေလံရုံတစ်ခု၏သခင်လေး ဖြစ်လာခဲ့၏။ လေလံရုံ ဒေဝါလီခံရတော့မည့် အချိန်တွင် အဆသောင်းချီ တုံ့ပြန်မှုစနစ် ထွက်ပေါ်လာသည်။ [သင်သည် ဒုတိယ အဆင့်မြင့် ရတနာဖြစ်သော စိတ်ဝိညာဉ်အားဖြည့် ကျောက်စိမ်းကို လေလံတင်လိုက်သည်။ အဆသောင်းချီ တုံ့ပြန်မှုကို အသက်ဝင်စေသည်] 'ဆဋ္ဌမအဆင့်နိမ့် ရတနာဖြစ်တဲ့ စိတ်ဝိညာဉ်အားဖြည့် ကျောက်စိမ်းကို ရရှိတဲ့အတွက် အိမ်ရှင်ကို ဂုဏ်ပြုပါတယ်...' … [သင်သည် စတုတ္ထအဆင့်နိမ့် ရတနာဖြစ်သော တောက်ပနေမင်းဓားကို လေလံတင်လိုက်သည်။ အဆထောင်ချီ တုံ့ပြန်မှုကို အသက်ဝင်စေသည်] 'ဆဋ္ဌမ အထွတ်အထိပ်အဆင့် ရတနာဖြစ်တဲ့ နဂါးသတ်ဓားကို ရရှိတဲ့အတွက် အိမ်ရှင်ကို ဂုဏ်ပြုပါတယ်...' … [သင်သည် ဒုတိယ အထွတ်အထိပ်အဆင့် စိတ်ဝိညာဉ်သားရဲဖြစ်သော... မြေကျောက်လိပ်ကို လေလံတင်လိုက်သည်။ အဆသိန်းချီ တုံ့ပြန်မှုကို အသက်ဝင်စေသည်] 'ကောင်းကင်အက်ကွဲခြင်းနယ်ပယ် အလယ်အလတ်အဆင့် စိတ်ဝိညာဉ်သားရဲဖြစ်တဲ့ ကျောက်ဆောင် နဂါးလိပ်ကို ရရှိတဲ့အတွက် အိမ်ရှင်ကို ဂုဏ်ပြုပါတယ်...' … နှစ်ပေါင်းများစွာ ကြာပြီးနောက်... ပြင်ပလောကမှ ကမ္ဘာခြားမျိုးနွယ်များ ဝင်ရောက် ကျူးကျော်လာခဲ့ပြီး ရွှမ်းထျန်းကုန်းမြေသည် မျှော်လင့်ချက်ကင်းမဲ့သော အခြေအနေထဲသို့ ကျဆင်းသွားခဲ့သည်။ ထိုအချိန်တွင် ရွှေရောင် အလင်းတန်းများ ထုတ်လွှတ်နေသော ဧရာမပုံရိပ်တစ်ခုသည် လေဟာပြင်ကို ချိုးဖျက်ကာ ထွက်ပေါ်လာပေ၏။ သူသည် အစစ်အမှန် နဂါးကိုးကောင်ကို ခြေဖြင့်နင်းထားပြီး သူ၏လက်ထဲတွင် အထွတ်အထိပ် အင်မော်တယ် ရတနာကို ကိုင်ဆောင်ထားကာ အေးအေးလူလူလေသံဖြင့် ပြောဆိုသည်။ "ငါ့ရဲ့ ပိုင်နက်ထဲကို လာပြီးပြဿနာရှာဖို့ ဘယ်သူက မင်းတို့ကို သတ္တိတွေ ပေးလိုက်တာလဲ..."