တာအို၏ဘိုးဘေး

ကျန်းချန်ရှန်းသည် ကျန်းတိုင်းပြည်၏ အိမ်ရှေ့စံအဖြစ် ပြန်လည်ဝင်စားခဲ့သော်လည်း မွေးစကတည်းက ဘုရားကျောင်းတစ်ခုဆီ စေလွှတ်ခံခဲ့ရသည်။ ငယ်စဉ်ကတည်းက ဘုရားကျောင်းတွင် နေထိုင်ခဲ့ရသဖြင့်တာအိုဝါဒီတစ်ဦးအဖြစ် ကြီးပြင်းလာခဲ့သည်။ သူ၏ ကံကြမ္မာ အပြောင်းအလဲက ဆိုးရွားလှသည်။ ကံကောင်းထောက်မစွာဖြင့် ရှင်သန်ရေးစနစ်ကိုအသက်သွင်းနိုင်ခဲ့ပြီး မသေဆုံးနိုင်သော စွမ်းအားများကိုရရှိခဲ့သည်။ အန္တရာယ်ကြီးမားတးသော အဖြစ်အပျက်များမှ လွတ်မြောက်ပြီးတိုင်းလည်း ဆုလာဘ်တွေ ရနိုင်ခဲ့သည်။ သူ့စီနီယာအစ်ကိုကြီးက သူ့ကိုမတော်တဆသတ်ပစ်လုနီးပါးဖြစ်ခဲ့ပြီ ယင်းစီနီယာအစ်ကိုကြီးကြောင့်သာ ရှင်သန်ရေးစနစ်ကို အသက်သွင်းနိုင်ခဲ့ခြင်းဖြစ်သည်။ ထိုမတော်တဆမှုကနေ ရှင်သန်ရေးစနစ် ရရှိပြီးသည့်အပြင် နတ်ဘုရားအရိပ်ကန်ချက်ကိုလည်း ဆုလာဘ်အဖြစ်ရရှိခဲ့သေးသည်။ ငလျင်လှုပ်နေချိန်မှာ ခေါင်းပေါ် မျက်နှာကြက်ပြိုကျမလိုဖြစ်ပြီး နတ်ဘုရားကိုးပါးနဂါးခြေလှမ်းကျင့်စဉ်ကိုရရှိခဲ့ပြန်သည်။ နောက်တဖန် နတ်ဆိုးများ၏ကျူးကျော်မှုကိုကျော်လွှားနိုင်သဖြင့် နတ်ဆိုးကျိုင်းကိုရရှိခဲ့သည်။ ကျန်းချန်ရှန်းရောက်ရှိနေသောကမ္ဘာကြီးသည် ပြိုင်ဆိုင်မှုမြင့်မားသောနိုင်ငံများ၊နတ်ဆိုးများနှင့် သိုင်းပညာကျင့်ကြံသူများအုပ်စိုးရာ ကမ္ဘာကြီးတစ်ခုဖြစ်သည်။ နှစ်ပေါင်း သုံးရာ ကုန်လွန်ပြီးချိန်တွင် ကျန်းနိုင်ငံစတင်ပြိုလဲလာခဲ့သည်။ မြို့စားများ စုပေါင်းပြီး ဧကရာဇ်မင်းမြတ်ကို ရုပ်သေးရုပ်အဖြစ်ကြိုးကိုင်ချယ်လှယ်နေသဖြင့် နိုင်ငံတော် ပြိုကွဲလုနီးပါးဖြစ်နေခဲ့ချေပြီ. ... ဆယ်စုနှစ်ပေါင်းများစွာကြာမြင့်သော ပြည်တွင်းပဋိပက္ခများအပြီးတွင် နိုင်ငံတော်သည် တိုင်းတပါးသားများ၏ ကျူးကျော်ဝင်ရောက်မှုကိုခံခဲ့ရပြန်သည်။ တိုင်းသူပြည်သားတွေအတွက် ငရဲကျနေခဲ့သလိုပင်..... တစ်နေ့သ၌ ရုပ်သေးရုပ်ဘုရင် ကျန်းရွှမ်ကျန်းတစ်ယောက် ဘုရားကျောင်းကိုရောက်လာခဲ့ပြီး..... "ဘိုးဘေး.....ကျေးဇူးပြုပြီး ကျန်းတိုင်းပြည်ရဲ့ဂုဏ်ကျက်သရေကိုပြန်လည်ဆောင်ကျဉ်းပေးပါ....!!!" ** ဘာသာပြန်သူ၏အမှာ - ဒီစာစဥ်ကတော့ တိတ်တဆိတ်ကျင့်ကြံသူ ဟန်ကျွယ် ရေးသူရဲ့နောက်တအုပ်ပါ။ ဒီစာစဥ်မှာ တာအိုလမ်းစဥ်နဲ့ သိုင်းလမ်းစဥ် ကြားအားပြိုင်မှုကိုဖတ်ရှူရမှာ။ ဖတ်ရသလောက်တော့တော်လေးကောင်းတယ်ဗျ။ **