အဆင့်တတ်ခြင်း

ရထားတွဲ အမှတ် ၂ – ထုတ်လုပ်ရေး & ပြုပြင်ရေး

G-3 လျှပ်စစ်သံလိုက်အမြောက် ပြီးစီးသွားခဲ့ပြီ။

ပစ်နှုန်း: ၁၅ စက္ကန့် တစ်ကြိမ်။

ဖွဲ့စည်းပုံကို အပြီးသတ်ပြီးနောက် လင်းရှန်သည် 1130 CIWS ကျည်ဆန်များကို ချက်ချင်း ထုတ်လုပ်ခဲ့သည်။

တစ်ချိန်တည်းမှာပင် သူသည် သူ၏ ယန္တရားနှလုံးသားကို အသုံးပြု၍ ရထားတစ်လျှောက်ရှိ ပျက်စီးမှုများကို စကင်ဖတ်ကာ ပြုပြင်ခဲ့သည်။

ညက တိုက်ပွဲကြောင့် အပိုင်းအချို့ ထိခိုက်ခဲ့ပြီး ရထားတွဲများအတွင်း လေအေးစိမ့်ဝင်ခြင်းမှ ကာကွယ်ရန် အပေါက်တိုင်းကို ပိတ်ဆို့ရန် လိုအပ်သည်။

ထိုအချိန်တွင် ချန်ဆီရွှမ်သည် ရထားတွဲထဲသို့ ဝင်လာခဲ့သည်။

သူမသည် လင်းရှန် မနားမနေ အလုပ်လုပ်နေသည်ကို သိသောကြောင့် ရေတစ်ပုလင်းနှင့် အစားအစာအချို့ကို ယူလာခဲ့သည်။

သို့သော် လင်းရှန်သည် အနားယူရန် အချိန်မရှိပဲ အလွန် အလုပ်များနေသည်—

ဤအချိန်တွင် သူသည် ရထားတစ်ခုလုံး၏ ခုန်နေသော နှလုံးသားဖြစ်လာပြီး စနစ်တိုင်းကို အလုပ်လုပ်စေရန် ထိန်းသိမ်းထားသည်။

“ကျွန်မတို့မှာ ဒီစက်ရုပ်တွေ ပိုများများရှိရင် ကောင်းမယ်”

ချန်ဆီရွှမ်၏ စိုးရိမ်ပူပန်မှုသည် လင်းရှန် မမောမပန်း အလုပ်လုပ်နေသည်ကို ကြည့်ရင်း ထင်ရှားလာသည်။

“အနည်းဆုံးတော့ ရှင် ကောင်းကောင်း အနားယူလို့ ရမယ်”

“တစ်ဆင့်ချင်းစီပေါ့”

လင်းရှန်သည် မြေပြင်ဘက်သို့ မေးဆတ်ပြလိုက်သည်၊၊ ထိုနေရာတွင် အသစ်ထုတ်လုပ်ထားသော Meteor-3 စနိုက်ပါရိုင်ဖယ်တစ်လက်ကို ချထားသည်။

သူသည် ၎င်းကို ရထားတွဲ ၁၂ တွင် အစောပိုင်းက တည်ဆောက်ခဲ့သော်လည်း ချန်ဆီရွှမ် အပြင်၌ အလုပ်များနေသောကြောင့် သူ မနှောင့်ယှက်ခဲ့ပေ။

ယင်းအစား သူသည် ကျည်ဆန်များကို ဦးစွာ ဖန်တီးခြင်းအပေါ် အာရုံစိုက်ခဲ့သည်။

ချန်ဆီရွှမ်၏ မျက်လုံးများ အံ့ဩစွာ ပြူးကျယ်သွားသည်။

သူမသည် ရိုင်ဖယ်ကို ကောက်ယူပြီး ၎င်း၏ ချောမွတ်ပြီး တောက်ပြောင်သောကိုယ်ထည်ပေါ်တွင် လက်ချောင်းများဖြင့် ပွတ်သပ်လိုက်သည်။

“ရှင် ဒါကို ကျွန်မအတွက် လုပ်ပေးတာလား”

“ဒါက မင်းရဲ့ အရင်ဟာထက် ပိုပေါ့တယ်။ Aiစနစ် ပြန်ကန်အားလျော့စေတဲ့ စနစ်လည်း ပါလာတယ်—ပိုပြီး ကိုင်လို့ကောင်းမယ် ထင်တယ်။ စမ်းကြည့်ပါဦး”

လင်းရှန်၏ လေသံသည် ပေါ့ပေါ့ပါးပါး ထွက်ပေါ်လာသည်၊၊

ချန်ဆီရွှမ်သည် ရိုင်ဖယ်ကို ခဏတာမျှ ညင်သာစွာ ပွတ်သပ်ပြီး ကျေနပ်စွာ ပြုံးလိုက်သည်။

“ရှင်က လူတိုင်းအတွက် တကယ် စဥ်းစားပေးတတ်တာပဲနော်”

“ဒါက စီမံကိန်းပဲ”

လင်းရှန်သည် နောက်ဆုံးတွင် သူမကို မော့ကြည့်လိုက်သည်။

“ငါတို့ ဒီည ရှင်သန်နိုင်ရင်….လူတိုင်းအတွက် စွမ်းအားမြှင့်သံချပ်ကာတွေ စပြီး တပ်ဆင်ပေးမယ်။

ဒါက ငါတို့ရဲ့ တိုက်ခိုက်ရေး ထိရောက်မှုနဲ့ ရွေ့လျားနိုင်မှုကိုပါ မြှင့်တင်ပေးပြီး ရှင်သန်နိုင်ခြေကို တိုက်ရိုက် တိုးစေလိမ့်မယ်”

ယခုအချိန်တွင် သူ၏ အဖွဲ့တွင် အဖွဲ့ဝင် ၃၀ ကျော် ပါဝင်ပြီး အများစုမှာ စွမ်းအားရှင်များ သို့မဟုတ် မျိုးရိုးဗီဇဆင့်ကဲတိုးတက်လာသူများ ဖြစ်ကြသည်။

သူ၏ ယန္တရားစွမ်းရည်ကို အသုံးပြုခြင်းဖြင့် လင်းရှန်သည် အဖွဲ့တစ်ခုလုံးကို လက်နက်နှင့် သံချပ်ကာ တပ်ဆင်ပေးနိုင်ပြီး အနန္တ ရထား၏ ခြိမ်းခြောက်မှုများကို ခံနိုင်ရည်ရှိမှုကို သိသိသာသာ တိုးမြှင့်ပေးနိုင်သည်။

ထို့အပြင်—

၎င်းသည် သူ၏ [ယန္တရားထုတ်လုပ်မှု] စွမ်းရည်ကိုလည်း လျင်မြန်စွာ အဆင့်တက်စေပြီး နည်းပညာအသစ်များကို ပိုမို လျင်မြန်သောနှုန်းဖြင့် သုတေသနပြုလုပ်ကာ တီထွင်နိုင်စေသည်။

ဤအကြောင်းကြောင့် လင်းရှန်သည် သူ၏ ယန္တရားစွမ်းရည်ကို မြှင့်တင်ရန် သူ့ကိုယ်သူ အဆက်မပြတ် ဖိအားပေးခဲ့သည်။

ပို၍ လျင်မြန်သော ဝါးမျိုမှု…ပို၍ လျင်မြန်သော ထုတ်လုပ်မှု…

သူ၏ ပန်းတိုင်သည် ရှင်းလင်းသည်—

သူတို့၏ တပ်ဖွဲ့တစ်ခုလုံးကို ယန္တရားတပ်ဖွဲ့အဖြစ် ပြောင်းလဲပြီး အနန္တ ရထားကို အင်အားကြီး တိုးတက်ပြောင်းလဲမှုဆီသို့ ဦးဆောင်ရန်..။

[ယန္တရားထုတ်လုပ်မှု] တိုးတက်မှု

လက်ရှိအဆင့်: ၃ (၉၆၀/၁၀၀၀ EXP)

ထုတ်လုပ်မှုမှ သိသိသာသာ ရရှိခဲ့သော အကျိုးကျေးဇူးများ:

သာလွန် စွမ်းအင်သိုလှောင်ကိရိယာများ

ဟူလုရှို့အတွက် ရိုင်ဖယ်များ & ဂတ်လင်သေနတ်များ

Meteor-3 စနိုက်ပါ ရိုင်ဖယ်

ကျည်ဆန်အမြောက်အများ ထုတ်လုပ်မှု

ဤနှုန်းဖြင့် သူသည် ညမရောက်မီ အဆင့် ၄ သို့ ရောက်ရှိမည်။

[ဆက်လက် လုပ်ဆောင်နေသော စက်မှု မြှင့်တင်မှုများ]

လေအမြောက် - ယန္တရား ချဲ့ထွင်မှု

မြှင့်တင်မှု တိုးတက်မှု: ၁၂:၄၄:၂၂ ကျန်ရှိသည်

[သုတေသန စင်တာ]

TRP-4 စက်မှု လုပ်ငန်းသုံး စွမ်းအားမြှင့်ဝတ်စုံ (ပုံကြမ်း): ၁၃ ရက် ၄ နာရီ

“ငါ အဆင့် ၄ ရောက်တာနဲ့ သုတေသန စင်တာက ပိုပြီး မြန်ဆန်လာသင့်တယ်”

“လေအမြောက်ကိုလည်း မြှင့်တင်ဖို့ လိုတယ်”

လင်းရှန်သည် အချိန်ကို ကြည့်လိုက်သည်—

ညနေ ၄:၅၀ နာရီ။

ညမရောက်မီ တစ်နာရီသာ ကျန်တော့သည်။

“ဆရာမချန် လူတိုင်းကို နောက်ဆုံး ပြင်ဆင်မှုတွေအတွက် စုထားလိုက်….သူတို့ကို စောစော စားခိုင်းပါ—ညစာကို ညနေ ၅:၃၀ မှာ ကျွေးလိုက်ပါ၊၊

ငါတို့ ဟန်ရှန်းတောင်ကြားကနေ မမှောင်ခင် ထွက်ခွာမယ်၊၊ ပိုကောင်းတဲ့ နေရာယူမှုအတွက် ကွင်းပြင်တစ်ခုမှာ ရပ်မယ်။

ဒီမြို့က အရင်တုန်းက လူတွေ ပြည့်နေခဲ့တာ၊ ဒါကြောင့် ထူးဆန်းတဲ့သတ္တဝါတွေ အများကြီး ရှိနေတာ သေချာတယ်။

ငါတို့ ညမရောက်ခင် မြို့နဲ့ တတ်နိုင်သမျှ ဝေးဝေးထွက်သွားဖို့ လိုတယ်—ဒါမှ ကာကွယ်ဖို့ ပိုလွယ်မယ်”

“ရပြီ”

ချန်ဆီရွှမ်သည် ခေါင်းညိတ်ပြီး ချက်ချင်း စတင် လုပ်ဆောင်သည်။

ကုန်တင်ပလက်ဖောင်းတွင် အနန္တရထားအဖွဲ့ဝင် အားလုံး ပြန်လာရန်အမိန့်ကို လက်ခံရရှိခဲ့သည်။

ကီကီသည် မီးနတ်ဘုရား စက်ရုပ်ကို ရထားတွဲ အမှတ် ၁၁ သို့ ပြန်ပို့ခဲ့သည်။

လင်းရှန်သည် ကီကီသည် စိတ်စွမ်းအင်ဖြင့် ကြီးမားသော စက်ရုပ်ကြီးကို မြှောက်ကာ ရထားတွဲ အတွင်းသို့ ဂရုတစိုက် လမ်းညွှန်ထည့်နေသည်ကို ကြည့်နေသည်။

သူသည် ၎င်းကို ပိုမို ထိရောက်စွာ သိုလှောင်ပုံကို စဥ်းစားနေပြီ ဖြစ်သည်။

ကီကီသည် ထူးခြားသော ဖြေရှင်းချက်ကို အကြံပြုခဲ့သည်—

စတားဖလိ့၏ “စက်ရုပ်ထားနိုင်သည့် ရထားတွဲ” စနစ်ကို အသုံးပြုခြင်း။

ဤအထူးပြုရထားတွဲများကို စက်ရုပ်များသယ်ယူပို့ဆောင်ရေးအတွက် အထူးဒီဇိုင်းပြုလုပ်ထားသည်။

နံရံများ & ကြမ်းပြင်များသည် ဖြန့်ကျက်မှုအတွက် ခေါက်နိုင်သည်။

စက်ရုပ်ကြီးများသည် သတ်မှတ်ထားသော ဆိုက်ကပ်နေရာများအတွင်း ချိတ်ထားမည်။

ပိုင်းလော့များ ဝင်ရောက်ရန်အတွက် ကျဥ်းမြောင်းသောလျှောက်လမ်းသည် အလယ်ဗဟိုမှ ဖြတ်သွားသည်။

၎င်းသည် အားသွင်းခြင်း & ပြုပြင်ထိန်းသိမ်းခြင်းအတွက် အတွင်းပိုင်း စွမ်းအားစနစ်များဖြင့် တည်ဆောက်ထားသည်။

၎င်းသည် ပြီးပြည့်စုံသော သိုလှောင်မှု ဖြေရှင်းချက် ဖြစ်သည်—

သို့သော် ကီကီတွင် ၎င်း၏ ဓာတ်ပုံများသာ ရှိသည်။

ပုံကြမ်းများ ရှိခဲ့လျှင်ပင် လင်းရှန်သည် ရထားတွဲ တစ်ခုလုံးကို အစမှ တည်ဆောက်နိုင်မည် မဟုတ်ပေ။

အနည်းဆုံးတော့ ယခုအချိန်အထိ မရသေးပေ။

ရှိပြီးသား ရထားတွဲ တစ်ခုကို သူ မရပါက ထိုသို့သောစနစ်ကို သူ အကောင်အထည်ဖော်နိုင်ရန် ကြာရှည်စွာ စောင့်ဆိုင်းရမည်ဖြစ်သည်။

[ယန္တရားထုတ်လုပ်မှု - အဆင့်တက်သွားပါသည်]

ကျည်ဆန်များ၊ ဗုံးများ၊ ပြီးတော့ အပိုမဂ္ဂဇင်းများ ရာပေါင်းများစွာကို လျင်မြန်စွာ ဖန်တီးပြီးနောက်—

ဒင်း

[ဂုဏ်ယူပါတယ်။ [ယန္တရားထုတ်လုပ်မှု] သည် အဆင့် ၄ သို့ ရောက်ရှိသွားပါပြီ]

ထုတ်လုပ်မှု စကေး & ထိရောက်မှု ကြီးမားစွာ တိုးမြှင့်သွားပါပြီ

ထိုသတိပေးချက် ပေါ်လာသည့် ခဏတာအတွင်း လင်းရှန်သည် ပြောင်းလဲမှုကို ခံစားလိုက်ရသည်—

သူ၏ ထုတ်လုပ်မှု စီးဆင်းမှုသည် သိသိသာသာ ချောမွေ့လာပြီး သူ၏ အမြန်နှုန်း နှစ်ဆတိုးလာကာ သူ၏ အရင်းအမြစ် စားသုံးမှုသည် အဆမတန် တက်လာခဲ့သည်။

သူသည် သုတေသန စင်တာကို ချက်ချင်း စစ်ဆေးလိုက်သည်—

သူ၏ မျက်လုံးများ အံ့ဩစွာ ပြူးကျယ်သွားသည်။

[မွမ်းမံထားသော သုတေသန စင်တာ တိုးတက်မှု]

TRP-4 စက်မှု လုပ်ငန်းသုံး စွမ်းအားမြှင့်ဝတ်စုံ (ပုံကြမ်း)

ကျန်ရှိသော အချိန်: ၃ ရက် ၁၆ နာရီ

(မူရင်းက ၁၃ ရက်)

“လခွမ်း…၁၃ ရက်ကနေ ၃ ရက် ဖြစ်သွားတာလား”

“ဒါကို ငါက ထုတ်လုပ်မှု တော်လှန်ရေးလို့ ခေါ်ရမယ်ဟ”

ယန္တရားထုတ်လုပ်မှုတွင် အဆင့်တက်လာခြင်းသည် သူ၏ ထိရောက်မှုနှင့် ပုံကြမ်းသုတေသနအမြန်နှုန်းကို တိုက်ရိုက်မြှင့်တင်ပေးသည်။

၎င်းသည် ရထား၏ နည်းပညာမြှင့်တင်မှုများအတွက် အရေးကြီးသည်။

ယခု—

သူသည် Dragon-Class သယ်ယူပို့ဆောင်ရေးသင်္ဘောမှ MK-66 လည်ပတ်နိုင်သောပြွန်များဖြင့် ပဲ့ထိန်းဒုံးပစ်လောင်ချာကို စတင်ဖန်တီးနိုင်ပြီ ဖြစ်သည်။

ပြီးတော့ အဲဒီနောက်—

ရထား၏ နောက်ဆုံးဝှက်ဖဲများအဖြစ် ပဲ့ထိန်းဒုံးကျည်များကို အမြောက်အမြား ထုတ်လုပ်ရန် အချိန်တန်ပေပြီ။

“ဒီစွမ်းအားမြှင့်ဝတ်စုံအသစ်က ဘာလုပ်နိုင်လဲဆိုတာ ကြည့်ရအောင်—အနန္တရထားရဲ့ ယန္တရားတိုးတက်ပြောင်းလဲမှု ပထမလှိုင်းအတွက် အချိန်ပဲ”