နယ်မြေနှစ်ခုကြား တိုက်ပွဲ ၃

မိုင်ဆယ်နှင့်ချီဝေးသော နေရာ၌ လင်းဇီချန်က “ကောင်းကင်မျက်လုံး” နှင့် “အန္တရာယ်သိမြင်နိုင်စွမ်း” ကဲ့သို့သော သွေးမျိုးဆက်စစွမ်းအားဂုဏ်သတ္တိများဖြင့် စစ်မြေပြင်ရှိ အခြေအနေကို စောင့်ကြည့်နေသည်။

သူ၏ ခန့်မှန်းချက်အရ ဤကြီးမားသော နျူကလီးယားတိုက်ခိုက်မှုသည် မြင့်မြတ်သူအဆင့်အောက်ရှိ ဂြိုလ်သားမျိုးနွယ်အားလုံးကို သုတ်သင်ရှင်းလင်းနိုင်သင့်သည်။ အမှန်ပင် သူထင်ထားသည့်အတိုင်း နျူကလီးယားပေါက်ကွဲမှု၏ ပြင်းထန်သော သက်ရောက်မှုအောက်တွင် စစ်မြေပြင်ရှိ ဆန်းကြယ်သစ်ပင်များအားလုံး ချက်ချင်းပျက်ဆီးသွားကာ ပြာများနှင့် အပျက်အစီးများအဖြစ်သို့ လျော့ကျသွားသည်။

သို့သော်လည်း အစိမ်းရောင်မီးရောင်လှိုင်းလုံးကြီး တောက်လောင်နေချိန်၌ စက္ကန့်ပိုင်းလေးအတွင်း၌ပင် မူလမြေမှ ပြာများနှင့် အပျက်အစီးများအဖြစ် ပြောင်းလဲသွားသော ဆန်းကြယ်သစ်ပင်များသည် ၎င်းတို့၏ အထွတ်အမြတ်ထားရာ မြေကြီးထဲသို့ ခိုင်မြဲစွာ အမြစ်တွယ်လာကြသည်။

"ပြီးသွားပါပြီ၊ နျူကလီးယား ပေါက်ကွဲမှုတွေက ထိရောက်မှု မရှိဘူး၊ ဖျက်ဆီးခံရတဲ့ ဆန်းကြယ်သစ်ပင်တွေက ချက်ချင်းပြန်ရှင်လာတယ်…”

ရှန်ချင်းဟန်သည် စစ်မြေပြင်မှ အခြေအနေကို မြင်လိုက်ရပြီး ချက်ချင်းပင် စိုးရိမ်မှုဖြင့် သူမ၏ နှလုံးသားသည် မအီမသာ ဖြစ်နေသည်။ သူမစကားဆုံးသည်နှင့်တစ်ပြိုင်နက် စစ်မြေပြင်တွင် နောက်ထပ် နျူကလီးယား ပေါက်ကွဲမှုများ ထွက်ပေါ်လာပြန်သည်။

“ဘမ်း ဘမ်း ဘမ်း”

နျူ ကလီးယား ပေါက်ကွဲသံများနှင့်အတူ မြေကြီးတုန်ခါသွားသည်။ မှိုတိမ်တိုက်ကြီးများ တစ်ခုပြီးတစ်ခုတက်လာကာ ကောင်းကင်တစ်ခုလုံးကို လျင်မြန်စွာ လွှမ်းခြုံလျက် အောက်ဘက်ရှိ စစ်မြေပြင်ကို နေရောင်ကင်းစင်သော အရိပ်တစ်ခုအဖြစ်သို့ ပြောင်းလဲပစ်လိုက်သည်။

ရှင်ပြန်ထမြောက်ခဲ့သော ဆန်းကြယ်အပင်များကို နျူကလီးယားဗုံးဖြင့် ထပ်မံဖျက်ဆီးခဲ့သော်လည်း မကြာမီတွင် ထာဝရအသက်၏ကောင်းချီးနှင့်အတူ၊ ပျောက်ကွယ်သွားခဲ့သော ဆန်းကြယ်သစ်ပင်များသည် နောက်တစ်ကြိမ် ပြန်လည်ရှင်သန်လာကာ မြေကြီးပေါ်တွင် တစ်ဖန်အမြစ်တွယ်လာခဲ့သည်။

ဘမ်း

ဘမ်း

ဘမ်း

ဆန်းကြယ်သစ်ပင်များ ပြန်လည်ရှင်သန်လာသောအခါတွင်၊ နျူကလီးယားပေါက်ကွဲမှုအသစ်တစ်ခု ထွက်ပေါ်လာသည်။

ဤနည်းအားဖြင့်၊ နူကလီးယားပေါက်ကွဲမှုများသည် ခေတ္တရပ်တန့်ခြင်းမရှိဘဲ ထာဝရအသက်ဖြင့် လျင်မြန်စွာ ပြန်လည်ရှင်သန်ထမြောက်လာသည့် ဆန်းကြယ်သစ်ပင်များကို ဖျက်ဆီးပစ်ခဲ့သည်။

ဤသည်ကိုမြင်သောအခါ လင်းဇီချန်က ဖြစ်ပျက်နေသမျှကို ချက်ချင်းသဘောပေါက်နားလည်သွားသည်။ လင်းဇီချန်က ဖြစ်ပျက်နေသမျှကို ချက်ချင်းနားလည်သွားသည်။ ကမ္ဘာမြေကြီး၏ ကျွမ်းကျင်သူများသည် နျူကလီယာတိုက်ခိုက်မှုဖြင့် ဆန်းကြယ်အပင်များကို အမြန်ချေမှုန်းပစ်ခြင်းဖြင့် သစ်သားနတ်ဘုရားအတွင်းရှိ အသက်စွမ်းအားကို ဖြိုခွင်းရန် ကြိုးစားနေကြသည်။ မူလမြေမှ

ပညာရှင်များ၏ ခန္ဓာကိုယ်အတွင်းမှ စွမ်းအင်များကို ထုတ်ယူရန် ခေတ်မီလူ့အဖွဲ့အစည်း၏ နည်းပညာဆိုင်ရာ စွမ်းအားကို အသုံးပြုခြင်းဖြစ်သည်။

၎င်းသည်ကား နည်းပညာဆိုင်ရာ အားသာချက်တစ်ခု ဖြစ်သည်။ ဤသည်ကို လင်းဇီချန်နားလည်သွားသောအခါ မူလမြေမှ ကျွမ်းကျင်သူများလည်း သဘောပေါက်သွားကြသည်။ မကြာမီ၌ တိတ်ဆိတ်ခြင်းအရှင်၊ သစ်ပင်အကြီးအကဲ၊ ပန်းနတ်ဘုရားနှင့် ပင်လယ်နတ်ဘုရား

စသည့် ရှေးဘိုးဘေးအဆင့် ကျွမ်းကျင်သူ လေးဦးတို့သည် နျူကလီးယားပစ်လွှတ်သည့် လက်နက်များပေါ်တွင် တိကျသော တိုက်ခိုက်မှုများဖြင့် ၎င်းတို့၏ မှော်ဆန်သည့် စွမ်းရည်ကို ထုတ်ဖော်ပြသခဲ့ကြသည်။ ချီချင်းမော့နှင့် အခြားသော ရှေးဘိုးဘေးအဆင့် ကျွမ်းကျင်သူများသည်

စက်များကို ဖျက်ဆီးခြင်းမှ တားဆီးရန် ချက်ချင်း လုပ်ဆောင်ခဲ့သည်။

ကံမကောင်းစွာဖြင့် ယင်းတို့အားလုံးက အချည်းအနှီးဖြစ်ကာ ၎င်းတို့ကို မတားနိုင်ခဲ့ပေ။

တစ်ချိန်တည်း၌ပင် နျူကလီးယားလက်နက်များ ပစ်လွှတ်နိုင်သည့် စက်များအားလုံး ပျက်ဆီးသွားခဲ့ကြကာ ယခင်က အဆက်မပြတ် နူကလီးယား ပေါက်ကွဲသံများ ရုတ်ခြည်း ရပ်တန့်သွားကာ စစ်မြေပြင်တစ်ခုလုံး ငြိမ်သက်သွားခဲ့သည်။

...

တစ်ဖက်ရှိ မိုးမျှော်တိုက်၏ ခေါင်မိုးထက်တွင် တိုက်ပြွအခြေအနေကို ကြည့်လျက် လင်းဇီချန်၏ အမူအရာက ပြင်းထန်လာသည်။ သစ်သားနတ်ဘုရား၏ အသက်စွမ်းအားကို ချေမှုန်းရန် နည်းဗျူဟာမှာ မအောင်မြင်ခဲ့ပေ။

ကမ္ဘာမြေကြီးသည် အရေးနိမ့်သွားပြန်သည်။

“ကမ္ဘာမြေရဲ့ အဓိကစွမ်းအားကို ပြန်မရနိုင်ဘူးဆိုရင် ဒီတိုက်ပွဲမှာ ကမ္ဘာမြေအတွက် အခွင့်အလမ်းဆိုတာ မရှိတော့ဘူး”

သူ့စကားများထွက်လာပြီးနောက် ချက်ချင်းပင် ရှန်ချင်းဟန်က ပြောလိုက်သည်။

“မင်းပြောတာမှန်တယ်”

သူမ၏ အသံက ပုံမှန်အတိုင်း နူးညံ့ပျော့ပျောင်းမှု ပျောက်ဆုံးသွားကာ သူမ၏ အမူအရာနှင့် မလိုက်ဖက်သော အေးစက်မှုကို ခံစားလိုက်ရသည်။ အသံကို ကြားလိုက်ရသောအခါ

လင်းဇီချန်သည် ရှန်ချင်းဟန်ကို ချက်ချင်းလှည့်ကြည့်လိုက်သည်။

ထို့နောက် ရှန်ချင်းဟန်၏ အသိဥာဏ်ကို ရေနတ်ဘုရားက သိမ်းပိုက်လိုက်ကြောင်း သူသဘောပေါက်လိုက်သည်။

သူ၏ စိတ်ရှုပ်ထွေးမှုကို မပြောမီ၌ ရေနတ်ဘုရားကပြောလိုက်သည်။

“ချောက်နက်ကြီးရဲ့သားတော်အဖြစ် မင်းက ပျောက်ကွယ်သွားတဲ့ အဓိကစဏွမ်းအားကို ကမ္ဘာမြေပေါ်မှာ ပြန်တည်ဆောက်နိုင်တယ်”

“ငါလား”

လင်းဇီချန်က အံ့အားသင့်သွားပြီးနောက် မျက်မှောင်ကြုတ်ကာပြောလိုက်သည်။

"ငါ ဘာလုပ်ရမှာလဲ"

ရေနတ်ဘုရား၏ မျက်နှာသည် ရေကဲ့သို့ ငြိမ်သက်နေသည်။

“မခဲယဉ်းပါဘူး၊ စစ်မြေပြင်ကို ချောက်နဲ့ ချိတ်ဆက်လိုက်ရုံနဲ့ အလွယ်တကူ လုပ်နိုင်ပါတယ်”

******