အခန်း (၂၁၇၃-၂၁၇၈)

အခန်း ၂၁၇၃ ရှင်တို့အားလုံး အခုထွက်သွားလို့ရပြီ

"သူတို့ ဒဏ်ရာရမှာကို ငါကြောက်နေတာ။ ဒါပေမယ့် သူတို့က မမျှော်လင့်ဘဲ သန်မာလိုက်တာ"

"အိုး အမယ်လေး! ငါ အခု မိန်းမတွေကို ပေါ့သေးသေး မသတ်မှတ်ရဲတော့ဘူး”

“သူတို့က အရမ်းသန်မာတာကို အံ့သြမိတယ်။ ဒီလူတွေကို လုံးဝမကြောက်တာ အံ့သြစရာဘဲ!”

“…”

လူတွေက စပြီး ဆွေးနွေးကြပြီး သူတို့အားလုံးက ကုနင်းနဲ့ တခြားသူတွေကို အရမ်းအားသန်တဲ့အတွက် ချီးကျူးကြသည်။ ဒီလို ထက်မြက်တဲ့ အမျိုးသမီးတွေကို တွေ့ဖို့ ရှားပါသည်။

လူအများစုရဲ့အမြင်မှာ အမျိုးသမီးတွေဟာ အားနည်းတဲ့အတွက် ယခု သူတို့မြင်နေရတာက မယုံနိုင်စရာကောင်းတဲ့ ခွန်အားဖြစ်၍ အားလုံးက အံ့သြသွားကြခြင်းဖြစ်သည်။

မြေပြင်ပေါ်ရှိ အရိုက်ခံရသော အမျိုးသားများမှာလည်း ထိတ်လန့်သွားကြသည်။ ဒီအမျိုးသမီးတွေက သူတို့ကို အလွယ်တကူ ရိုက်နှက်နိုင်သည်။ သူတို့သည် မိန်းမများဖြစ်သောကြောင့် အနိုင်ကျင့်ရန် လွယ်ကူသည်ဟု အမှန်ပင် ထင်ခဲ့ကြသည်။ ကံမကောင်းစွာပဲ သူတို့မှားခဲ့သည်။ အရမ်းရှက်စရာကောင်း‌ပေသည်။

"ဒါဆို? ငါ့ဆိုင်ထဲက ပစ္စည်းတွေကို ဆက်ပြီး ဖျက်စီးချင်‌သေးလား" ကုနင်းသည် ခပ်သဲ့သဲ့အပြုံးဖြင့် သူတို့ကို စိုက်ကြည့်ကာ မေးလိုက်သည်။

ခိုင်လုံသောအဖြေပေး‌အောင် ထိုလူများကို ခြောက်လန့်နေပုံရသည်။ သူတို့က ချက်ချင်းပြန်ဖြေသည်။ "မလုပ်တော့ဘူး မလုပ်တော့ပါဘူး"

အရိုက်ခံရပြီးနောက် စိတ်တိုခဲ့ကြသော်လည်း ကုနင်းနှင့် မယှဉ်နိုင်သောကြောင့် အရှက်တရားကို မျိုသိပ်ခဲ့ရသည်။

တခြားဘာလုပ်နိုင်မှာလဲ။ လက်စားချနေိုင်မှာလည်း မဟုတ်ပေ။ အဲဒါက သူတို့ကို ပိုပြီး ထိခိုက်စေလိမ့်မည်။

သူတို့သည် လူမိုက်မဟုတ်။

"အနာဂတ်မှာရော ဘယ်လိုလဲ။ ရှင်တို့ ကျွန်မတို့ကို ထပ်ပြီးဒုက္ခပေးမှာလား" ကုနင်းက မေးသည်။

“ငါတို့ မလုပ်ဘူး။ ငါတို့မလုပ်ပါဘူး” ဟု အဲဒီလူက ချက်ချင်းပြောသည်။ ကုနင်းရဲ့ ခံနိုင်ရည်အားထက်သန်လွန်းတဲ့အတွက် ကျန်းတကျွင်း စကားကို နားမထောင်နိုင်တော့ပေ။

ကျန်းတကျွင်းသည် ဤဆိုင်ပိုင်ရှင်၏သားဖြစ်သည်။

သူတို့က ပြဿနာရှာဖို့ ကူညီပေးခဲ့တာ ကျန်းတကျွင်းနဲ့ သူငယ်ချင်းဖြစ်တာကြောင့် မဟုတ်ပါ။ သူငယ်ချင်းလို့သာခေါ်တာ အားလုံးက ကိုယ့်အကျိုးစီးပွားကို အခြေခံထားသည်။ ကျန်းတကျွင်းက သူတို့ကို ပိုက်ဆံမပေးရင် သူ့အတွက် သူတို့ လုပ်ပေးမှာ မဟုတ်ပေ။

"ဒီဆိုင်ပိုင်ရှင်ရဲ့သားက ဘယ်သူလဲ"

“သူ သူ မပါပါဘူး”

“ကောင်းပြီ သူ့ကို ပြန်သွားပြော။ ငါတို့ကို ခက်ခဲအောင် ထပ်လုပ်ရဲရင် ခြေထောက်တွေ ချိုးပစ်ရလိမ့်မယ်လို့။ ငါ့မှာ အစိုးရနဲ့ အဆက်အသွယ်ရှိတယ်။ ပြသနာဖြစ်မှာကို ငါမကြောက်ဘူး” ကုနင်းက ပြင်းပြင်းထန်ထန်ပြောလိုက်သည်။

ကုနင်းသည် သူမ၏ အဆက်အသွယ်များကို အားကိုးခြင်းဖြင့် အခြားလူများကို အနိုင်ကျင့်ရန် မုန်းတီးသော်လည်း အခြေအနေပေါ် မူတည်သည်။ အကယ်၍ သူမသာ သားကောင်ဖြစ်ခဲ့ပါက သူမ၏ အဆက်အသွယ်များအကူအညီဖြင့် ပြန်လည်တိုက်ခိုက်ခြင်းသည် ကြီးကြီးမားမားပြဿနာမဟုတ်ပေ။ ဒုက္ခရောက်အောင် ဆွဲငင်ခံရခြင်းမှ မိမိကိုယ်ကို ကာကွယ်ရန်သာ လိုအပ်သည်။

"ဟုတ်ကဲ့ သေချာ‌ပေါက်ပြောလိုက်ပါမယ် သေချာပေါက်" ထိုလူများက ချက်ချင်း ခေါင်းညိတ်သည်။ ကုနင်းမှာ အစိုးရတွင် အဆက်အသွယ်မရှိလျှင်ပင် သူမသည် သန်မာလွန်းသောကြောင့် သူမနှင့် မည်သူမျှ မရှုပ်ချင်ပေ။

"ကောင်းပြီ ရှင်တို့အခု ထွက်သွားလို့ရပြီ"

အဲဒီလူတွေဟာ လွတ်ငြိမ်းချမ်းသာခွင့် ရလိုက်တယ်လို့ ခံစားလိုက်ရပြီး သူတို့ရဲ့ ခန္ဓာကိုယ်အနှံ့က နာကျင်မှုကို ဂရုမစိုက်နိုင်တော့ဘဲ ချက်ခြင်း ထွက်ပြေးသွားကြသည်။

ထို့နောက် ကြည့်ရှုသူများလည်း ထွက်ခွာသွားကြသည်။ ကုနင်းနဲ့ တခြားသူတွေလည်း ထွက်သွားကြသည်။

ကုနင်းသည် ဆိုင်ပိုင်ရှင်၏သားကို သူမပြောသည့်အရာကို ပြန်ပြောပြမည်လား သို့မဟုတ် သားဖြစ်သူက စကားကို နားမထောင်မည်ကို ဂရုမစိုက်ပေ။ ဘာပဲဖြစ်ဖြစ် သူသူတို့ကို ထပ်ပြီး ဒုက္ခပေးရဲရင် သူမသူ့ခြေထောက်တွေကို ချိုးပစ်ရလိမ့်မည်။

…

အဲဒီလူတွေ ထွက်သွားပြီးတာနဲ့ သူတို့က ကျန်းတကျွင်းကို ဖုန်းဆက်ပြီး ဖြစ်ပျက်ခဲ့တာတွေကို ပြောပြသည်။

ဒီသတင်းကိုကြားတော့ ကျန်းတကျွင်းက စိတ်တိုပြီး စိုးရိမ်နေသည်။ အကယ်၍ စတိုးဆိုင်၏ ငှားရမ်းသူအသစ်သည် အစိုးရနှင့် အမှန်တကယ် ချိတ်ဆက်မှုရှိခဲ့ပါက သူမကို ထပ်မံဒုက္ခပေး၍ ရမည်မဟုတ်ပေ။ ဒါပေမယ့် သူ့အဖေက ဆိုင်ကို ငှားထားတာမို့ သူ့အဖေမှာ ပိုက်ဆံနည်းနည်းရှိရမည်။ သူသည် စတိုးဆိုင်မှ ပိုက်ဆံမရသောကြောင့် သူ့အဖေထံမှ ပိုက်ဆံအနည်းငယ်ယူရန် စီစဉ်ခဲ့သည်။

မနှောင့်နှေးဘဲ ကျန်းတကျွင်းသည် သူ့မိဘအိမ်သို့ အမြန်သွားခဲ့သည်။

…

ကုနင်းနှင့် အခြားသူများ ထွက်ခွာသွားပြီးနောက် စစ်ဟယ်ယွမ်သို့ ပြန်မသွားဘဲ မြောင်ကျင်းကျင်းမှာဝတ်စရာ အဝတ်အစားမရှိသောကြောင့် ရှော့ပင်းမောလ်သို့ သွားခဲ့ကြသည်။ သူမတွင် ဟောင်းနွမ်းနေသော ဝတ်စုံတစ်ခုသာရှိပြီး ကျင်းယွင်ယောင်သည် သူမ မဝတ်ရ‌သေးသော ၀တ်စုံအား မြောင်ကျင်းကျင်းကို ပေးခဲ့ပြီး မြောင်ကျင်းကျင်းတွင် အဝတ်အစား နှစ်စုံသာ ပြောင်းလဲခဲ့သည်။ ထို့ကြောင့် ကျင်းယွင်ယောင် သည်းမခံနိုင်တော့ဘဲ မြောင်ကျင်းကျင်းအတွက် အဝတ်အစားအသစ်ဝယ်‌ပေးရန် ဆုံးဖြတ်လိုက်သည်။

မြောင်ကျင်းကျင်းသည် ကျင်းယွင်ယောင်၏ ပစ္စည်းများကို အချိန်တိုင်း အလကားလက်ခံရ၍ အားနာမိသည်။ သူမထံမှ အများအပြား လက်ခံထားပြီးဖြစ်သည်။

သို့သော်လည်း ကျင်းယွင်ယောင်က သူမသည် သူ့ပိုက်ဆံကို ချေးငှားတာဖြစ်ပြီး ငွေရှာပြီးနောက် သူမကို ပြန်ဆပ်လို့ရသည်ဟု ဆိုသည်။ ထို့အပြင် ကျင်းယွင်ယောင် အခိုင်အမာ တောင်းဆိုထားသောကြောင့် မြောင်ကျင်းကျင်းက ထပ်မံငြင်းဆိုခြင်းမရှိတော့ပါ။

"ကုဖန်းကို သွားမလား။ ကျွန်မ လျှော့စျေးအများကြီး ပေးလို့ရတယ်" ဟုကုနင်းက ဆိုသည်။ အလကား ပေးလိုက်ရင် မြောင်ကျင်းကျင်း အားနာ‌နေရမှာဖြစ်တဲ့အတွက် မြောင်ကျင်းကျင်းကို သီးသန့် လျှော့စျေး ပေးမှာပါ။

"သွားကြတာပေါ့!" ကျင်းယွင်ယောင်သည် ကုနင်း၏ အတွေးအမြင်များကို နားလည်သောကြောင့် သူမ မငြင်းဆန်ပေ။ ကုနင်းက မပြောရင်‌တောင် သူမသည် ကုဖန်း၏ အဝတ်အစားများကို အမှန်တကယ် နှစ်သက်သောကြောင့် မြောင်ကျင်းကျင်းကို ကုဖန်းသို့ ခေါ်သွားမည်ဖြစ်သည်။ သူတို့က လှပပြီး အရည်အသွေးကောင်းသည်။ ဝတ်ရတာလည်း အဆင်ပြေသည်။

ထိုအခြေအနေတွင် မြောင်ကျင်းကျင်းက သူတို့ကို ကျေးဇူးတင်ရုံသာ တတ်နိုင်သည်။

ကုဖန်းသည် အမြဲတမ်းရေပန်းစားနေပြီး အဝတ်အထည်လုပ်ငန်းတွင် ၎င်း၏ဂုဏ်သတင်းနှင့် အဆင့်အတန်းသည်လည်း လျင်မြန်စွာတိုးမြင့်လာခဲ့သည်။ ကုနင်း၏ ဂုဏ်သတင်းသည် တံဆိပ်အပေါ် ကြီးမားသော အကျိုးသက်ရောက်မှုရှိသော်လည်း ကုဖန်း၏အရည်အသွေးနှင့် စတိုင်သည် ဤအမှတ်တံဆိပ်ကို ပံ့ပိုးပေးနိုင်သည်။

ကုဖန်း၏ ဆိုင်ခွဲများကိုလည်း လျင်မြန်စွာဖွင့်လှစ်လာနိုင်ကာ ၎င်းတို့တစ်ခုစီသည် အလွန်အကျိုးအမြတ်များပြီး လုပ်ငန်းတူများစွာ၏ မနာလိုမှုနှင့် မုန်းတီးမှုကို ဆွဲဆောင်နိုင်ခဲ့သည်။

ထို့နောက်တွင် ကုဖန်း၏ပိုင်ရှင်မှာ ကုနင်းဖြစ်သည်ကို သိကြ‌သောအခါ လူတိုင်းက ကုနင်းကို မကြောက်ကြသလို လူတိုင်းက ကုနင်းကို အရှုံးပေးလိုစိတ်မရှိကြသော‌ကြောင့် အချို့က တမင်အပြစ်ရှာပြီး ဖျက်စီးခဲ့သည်။

ထို့အပြင် မကောင်းမှုပြုရန် ရည်ရွယ်ချက်ရှိသောကြောင့် ၎င်းတို့၏ အထောက်အထားများကို ဖုံးကွယ်ထားမည်မှာ သေချာသည်။ ဖော်ထုတ်ခဲ့လျှင်ပင် ၎င်းတို့၏ လက်အောက်ငယ်သားများကိုသာ ထိုးကျွေးခဲ့သည်။

ပုံမှန်အားဖြင့် အရေးမပါသောလူများကို ထိုးကျွေးခဲ့သော်လည်း ၎င်းမှာ အလေးအနက်မရှိသလို နောက်ထပ်စုံစမ်းစစ်ဆေးမှုကို မည်သူမျှ မလုပ်ဆောင်ခဲ့ပေ။ နောက်ထပ် စုံစမ်းမှုတွေ လုပ်ပြီးရင်တော့ အမှန်တရားက ထွက်လာမှာပါ။

ထို့အပြင် လုပ်ငန်းရှိ တာဝန်ရှိ မန်နေဂျာများသည် ပြဿနာကို ကောင်းမွန်စွာ ကိုင်တွယ်ဖြေရှင်းသောကြောင့် ကုနင်းအား သတင်းမပို့ခဲ့ကြပေ။

ကုနင်းသည် သူဌေးဖြစ်သော်လည်း သူမသည် အရာအားလုံးကို သိရန်မလိုအပ်ပေ။ သူ့ကုမ္ပဏီက ဝန်ထမ်းတွေအနေနဲ့ မကိုင်တွယ်နိုင်တဲ့ အရာမှသာ သူမပေါ်လာမှာပါ။

ကုဖန်း စတိုးဆိုင်ကို ရောက်ပြီးနောက် ကုနင်းကို မြင်တဲ့ ဝန်ထမ်းတွေအားလုံးက သူမကို လာနှုတ်ဆက်သည်။ ကုနင်းကအဲဒီမှာရှိနေတာကြောင့် မန်နေဂျာက သူမကို၀န်‌ဆောင်မှု‌ပေးဖို့ထွက်လာခဲ့သည်။

ကုနင်းက သူတို့ဘာသာသူတို့ ဝတ်လို့ရတယ်ဆိုပေမယ့် မန်နေဂျာက သူတို့နဲ့ သင့်တော်တဲ့ အကွာအဝေးမှာ ရပ်နေတုန်းပါပဲ။ သူမသည် အချိန်မရွေး အမှုဆောင်ရန် အဆင်သင့်ဖြစ်‌နေသည်။

ဆိုင်ရှိဖောက်သည်အချို့က ကုနင်းသည် ကုဖန်း၏ သူဌေးဖြစ်ကြောင်း အရောင်းအမျိုးသမီးများက နှုတ်ဆက်သောအခါတွင် သူတို့လည်း သူမကို လှည့်ကြည့်ကြသည်။

တချို့လူတွေက ကုနင်းကို အချိန်အတော်ကြာ သိခဲ့ကြပေမယ့် တစ်ချို့က ကုဖန်းရဲ့ သူဌေးက ငယ်ငယ်ရွယ်ရွယ်နဲ့ မိန်းကလေးမှန်း သိလိုက်ရတော့ အားလုံး အံ့သြသွားကြသည်။

…

မြောင်ကျင်းကျင်းသည် အဝတ်အစား အနည်းငယ်ကို ယူလိုက်ပြီး စမ်းကြည့်ရန် သွားခဲ့သည်။ သူမမှာ ခန္ဓာကိုယ်သွယ်လျပြီး လှပတဲ့မျက်နှာရှိတာကြောင့် အဝတ်အစားအားလုံးက သူမနဲ့လိုက်ဖက်လွန်းပါသည်။ ဒါကြောင့် အဝတ်အစားတွေရှာပြီး စမ်း၀တ်ကြည့်ဖို့ အချိန်အများကြီးမဖြုန်းခဲ့ကြပါ။ သိပ်မကြာခင်မှာပဲ သူတို့လိုအပ်တာကို ဝယ်လိုက်နိုင်သည်။

“ဝိုး သူက လှပြီး ဆွဲဆောင်မှုရှိလိုက်တာ။ သူကအဝတ်အစားအားလုံးနဲ့ လိုက်တယ်။ ငါလည်း အဲဒီအပြာရောင်ဝတ်စုံကို အခု စမ်း၀တ်ကြည့်‌သေးတယ်။ စောနက မိုက်တယ်လို့ခံစားရသေးတယ်။ အခု‌တော့ဝတ်ဖို့ သတ္တိ‌တောင် မရှိ‌တော့ဘူး” ဟု အမျိုးသမီးတစ်ဦးက လူကြားအောင်ပြောသော်လည်း သူမ၏လေသံတွင် ငြူစူခြင်းမရှိပေ။

***

ဖီးနစ်သွေးစက်

အခန်း ၂၁၇၄ ကျောက်ရှောင်ရှီ ပြောခဲ့ဖူးတဲ့ အမျိုးသမီး

“ဒါပေမယ့် သိပ်ဂရုစိုက်စရာ မလိုပါဘူး။ ကိုယ့်ခံစားချက်က အရေးကြီးဆုံးပဲ။ ကြိုက်တယ်လို့ ခံစားရသရွေ့လုံလောက်တယ်။ ဘာပဲဖြစ်ဖြစ် ဒီဆိုင်ကထွက်လိုက်တာနဲ့ တူညီတဲ့ဝတ်စုံဝတ်တဲ့ တခြားသူတွေနဲ့တွေ့ဖို့ဆိုတာ မလွယ်ပါဘူး” ဟု အမျိုးသမီး၏ သူငယ်ချင်းက ပြောသည်။ သူမသည် ပို၍ ပွင့်လင်းသည်။

တခြားသူထက် ပိုကြည့်ကောင်းနေတာကြောင့် အဝတ်အစားကို စွန့်လွှတ်လိုက်ရင် အဝတ်အစားအားလုံးက မော်ဒယ်တွေဆီမှာ ပိုလှတာကြောင့် သာမာန်သူတွေအတွက် ဝတ်စရာ အဝတ်အစား ရှိမှာတောင် မဟုတ်ပါ။ ဂရုစိုက်‌နေလျှင် ပင်ပန်းလွန်းသည်။

“မင်းပြောတာ မှန်ပါတယ်၊ ဒါပေမယ့် ငါတခြားအဝတ်အစားတွေ ရွေးတာက ပိုကောင်းမယ်ထင်တယ်” သူ့အတွက် မသင့်တော်ဘူးလို့ သူမထင်‌နေသေးသည်။

…

ကျင်းယွင်ယောင်သည် သူမမှာ ကုနင်းနှင့် လင်ရှောင်းထင်တို့က သူမအတွက် ပြင်ဆင်‌ပေးထားသော အဝတ်အစားများစွာရှိသောကြောင့် သူမအဝတ်အစားမဝယ်ပေ။ ကုနင်းလည်း အ၀တ်အသစ်မလိုအပ်ပါ။

အဝတ်အစားတွေဝယ်ပြီး‌နောက် ညစာစားချိန်ရောက်ပြီမို့ သူတို့သွားရန် အဆင်သင့်ဖြစ်နေပြီ။ သို့သော် သူတို့သည် ကုန်တိုက်မှ ထွက်ခါနီးတွင် မစ္စစ်ရှုကို တွေ့ခဲ့ကြသည်။

မစ္စစ်ရှုနှင့်အတူ နောက်ထပ် ချမ်းသာသော အမျိုးသမီးတစ်ဦး ရှိသည်။

"ယွင်-ရှန်းယောင်၊ မင်းလား!" မစ္စစ်ရှုသည် ကျင်းယွင်ယောင်ကိုတွေ့သောအခါ ပျော်ရွှင်စွာ နှုတ်ဆက်သည်။ မစ္စစ်ရှုသည် နဂိုက သူမအား ယွင်ယောင်ဟုခေါ်သော်လည်း ကျင်းယွင်ယောင်က သူမ၏ လက်ရှိအမည်မှာ ရှန်းယောင် ဖြစ်သည်ဟု ပြောထားသောကြောင့် သူမစကား ချက်ချင်းပြောင်းလိုက်သည်။

ကျင်းယွင်ယောင်နှင့် မစ္စစ်ရှုတို့သည် တွေ့ဆုံပြီးဖြစ်သည်။ မစ္စစ်ရှုနှင့် ယွီယင်တို့သည် အလွန်ကောင်းမွန်သော ဆက်ဆံရေးရှိသောကြောင့် အတူရှိကြသောအခါ မစ္စစ်ရှုနှင့် တွေ့ဆုံရန် ခေါ်ကြသည်။ ထို့ကြောင့် မစ္စစ်ရှုသည် ကျင်းယွင်ယောင် အသက်ရှင်နေသေးကြောင်းကိုလည်း သိခဲ့သည်။

သူမသေပြီလို့ လူတိုင်းက ထင်နေကြတာဖြစ်သည်။ ဒါကြောင့် သူမကို လူသိရှင်ကြား ပြန်မပြချင်သလို ဒီအကြောင်းကိုလည်း လူတော်တော်များများ မသိစေချင်ပါ။ ထို့ကြောင့် သူမသည် ရှန်းယောင်၏အထောက်အထားကို အသုံးပြုခဲ့သည်။ ထို့ကြောင့် အပြင်မှာဆိုလျှင် ယွီယင်နှင့် မစ္စစ်ရှုသည် ကျင်းယွင်ယောင်အား ရှန်းယောင် ဟုခေါ်ခြင်းဖြစ်သည်။

မတော်တဆဆုံမိခြင်းကြောင့် မစ္စစ်ရှုသည် ကျင်းယွင်ယောင်နှင့်အတူ ထမင်းစားရန် တောင်းဆိုခဲ့သည်။

ဆုံတွေ့ဖို့ဆိုတာ ရှားရှားပါးပါးမို့ ကျင်းယွင်ယောင်က မငြင်းပါ။ ဘာပဲဖြစ်ဖြစ် သူတို့လည်း ထမင်းသွားစားမှာဖြစ်၍ သဘောတူလိုက်ကြသည်။

“သြော် ငါမင်းကို မိတ်ဆက်ပေးပါရစေ၊ ဒါက ငါ့ရဲ့ ဆွေမျိုး ယန်မင် လို့ခေါ်တယ်" မစ္စစ်ရှုက ကျင်းယွင်ယောင်နဲ့ တခြားသူတွေကို ပြောပြသည်။

မစ္စစ်ရှု၏ယောက္ခမသည် ရှုကျင်းလင်နှင့် စေ့စပ်ထားသူ ဝမ်ရှီယီ၏ မိခင်ဖြစ်သည်။

အဲဒီနောက် မစ္စစ်ရှုက ကျင်းယွင်ယောင်နဲ့ တခြားသူတွေကို ယန်မင်နဲ့ မိတ်ဆက်ပေးသည်။ "ဒါ ငါ့သူငယ်ချင်း ရှန်းယောင် ပါ။ ဒါက ကုနင်း။ မင်းသူမကို သိရမယ်။ ပြီးတော့ ဒါက?"

မစ္စစ်ရှုသည် မြောင်ကျင်းကျင်းကို မသိ၍ ဘယ်လိုမိတ်ဆက်ရမည်ကို မသိသောကြောင့် သူမအား မြောင်ကျင်းကျင်းနှင့် မိတ်ဆက်ပေးဖို့ အချက်ပြရန် ကျင်းယွင်ယောင်ကို လှည့်ကြည့်လိုက်သည်။

“ဒါက မြောင်ကျင်းကျင်း ငါ့သူငယ်ချင်းနဲ့ ငါ့ရဲ့ စီးပွားရေးလုပ်ဖော်ကိုင်ဖက်ပါ။ ငါတို့အတူတူစီးပွားရေးတစ်ခုလုပ်မှာ‌လေ” ကျင်းယွင်ယောင်က ဖြေလိုက်သည်။ သူမသည် လုပ်ငန်းကို ကြော်ငြာခဲ့သည်။ ပန်းရောင်းမယ်လို့ တိုက်ရိုက်ပြောရင် ဉာဏ်မမီရာကျသည်။

"မင်းစီးပွားရေးလုပ်တော့မှာလား" မစ္စစ်ရှု အံ့သြသွားသော်လည်း မသင့်လျော်သည်ဟု ထင်တာမဟုတ်ပါ။

လင်မိသားစုသည် ချမ်းသာပြီး လင်ရှောင်းထင်သည် အလွန်ချမ်းသာတဲ့အပြင် ကျင်းယွင်ယောင်သည် ငွေကြေးမချို့တဲ့သော်လည်း သူမ၏ကိုယ်ပိုင်အသက်မွေးဝမ်းကျောင်းရှိတာ ပိုကောင်းပါသည်။ ပိုက်ဆံအများကြီးရှာစရာမလိုပါ။ လုပ်စရာတစ်ခုရှိရင်ရပါပြီ။

သူ့မှာ ဘာမှလုပ်စရာမရှိရင် အဓိပ္ပါယ်မဲ့တဲ့ဘဝနဲ့ နေရလိမ့်မည်။ တကယ်တော့ မစ္စစ်ရှုမှာလည်း သူမရဲ့ကိုယ်ပိုင်အလုပ်လည်းရှိပေမယ့် အရမ်းမအောင်မြင်ပါ။

မစ္စစ်ရှု၏လုပ်ငန်းသည် အလွန်အောင်မြင်ခြင်းမရှိသော်လည်း ၎င်းသည် အလတ်စားကုမ္ပဏီတစ်ခုဖြစ်ပြီး ပိုင်ဆိုင်မှု ယွမ်သန်းရာနှင့်ချီရှိသည်။

"ဟုတ်တယ်"

"ဘာလုပ်ငန်းလဲ"

“ပန်းဆိုင်။ ပိုက်ဆံအများကြီးရှာဖို့ မရည်ရွယ်ထားပါဘူး။ ဒါပေမယ့် တစ်ခုခုတော့ လုပ်ရမှာ‌လေ။ ငါ့ကိုကျွေးဖို့ တခြားလူတွေကိုပဲ အားကိုးလို့မရဘူး။ ငါအသုံးမကျတဲ့သူ မဖြစ်ချင်ဘူးလေ”

"ငါသဘောတူတယ်။ ဘယ်တော့ဖွင့်မှာလဲ ဖွင့်ပြီးတာနဲ့ အသိပေးဖို့ မမေ့နဲ့နော်။ ငါ သေချာပေါက် လာမှာ”

"ငါရောပဲ။ အထူးသဖြင့် ပန်းတွေကို စိုက်ရတာ ကြိုက်တယ်။ သူတို့က အရမ်းချစ်စရာကောင်းတယ်လေ။ မင်းဆိုင်မှာ ရွက်ကျပင်တွေ ရမှာလား" ယန်မင်က မေးလိုက်သည်။ သူမသည် ကျင်းယွင်ယောင်နှင့်တွေ့ပြီး စကားအကြာကြီး မပြောရသေးသော်လည်း မစ္စစ်ရှုက သွားမည်ဖြစ်သောကြောင့် ဖွင့်ပွဲကို သူမလည်း သွားရမည်။

ထို့အပြင် သူမသည် ပန်းများနှင့် အပင်များ အထူးသဖြင့် ရွက်ကျပင်များကို အလွန်စိတ်ဝင်စားသည်။ ထို့ကြောင့် ရွက်ကျပင်အကြောင်းပြောသောအခါ ယန်မင်သည် ရွက်ကျပင်က အပင်သက်သက်မဟုတ်ပဲ သူမ၏ကလေးများသကဲ့သို့ မြတ်နိုးသည့် အမူအရာမျိုးနဲ့ ဖြစ်နေသည်။

“ငါတို့က ရွက်ကျပင်တွေကို အဓိကရောင်းမှာပါ။ ငါတို့ရဲ့ ရွက်ကျပင်တွေက တခြားစတိုးဆိုင်တွေထက် ပိုအသက်ဝင်မယ်လို့လည်း ကတိပေးနိုင်ပါတယ်”

ကျင်းယွင်ယောင်က သူတို့ရဲ့ စတိုးဆိုင်က အပင်တွေက သန်မာပြီး ကျန်းမာမယ်လို့ပဲ ပြောခဲ့သည်။ လူများသည် အပင်များမှ မှော်အစွမ်းကို မခံစားနိုင်ကြသော်လည်း သာမန်အပင်များထက် များစွာသာလွန်ကြီးထွားနေသည်ကို တွေ့နိုင်သည်။

"တကယ်လား? အဲဒီလိုဆိုရင် သွားကြည့်ရမယ်။ အိုး၊ ဘယ်တော့ဖွင့်မှာလဲ” ထိုစကားကိုကြားပြီးနောက် ယန်မင်သည် ပို၍စိတ်ဝင်စားလာကာ ၀ယ်ရန် မစောင့်နိုင်တော့ပေ။

"သန်ဘက်ခါ မနက် ၁၀ နာရီ၊ မြို့ပြပန်းရောင်းဝယ်ရေးစင်တာ၊ အမှတ် ၈၉ ဆိုင်မှာ"

“ကောင်းပြီ၊ အဲဒီအချိန်ဘာမှမဖြစ်ဘူးဆိုရင် ငါတို့အဲဒီမှာ သေချာပေါက်ရှိနေမှာပါ”

"ဟုတ်ပါပြီ မင်းကိုအမြဲကြိုဆိုပါတယ်"

"စကားမစပ် မင်းစားချင်တာတစ်ခုခုရှိလား" မစ္စစ်ရှုက ကျင်းယွင်ယောင်တို့ကို ညစာစားဖို့ ဖိတ်ထားတဲ့အတွက်ကြောင့် သူတို့ဘာစားချင်လဲဆိုတာ မေးခြင်းဖြစ်သည်။

"မင်းမှာလေ။ ငါတို့က ဇီဇာကြောင်သူတွေ မဟုတ်ဘူး”

ထိုအခြေအနေတွင် မစ္စစ်ရှုက ဆုံးဖြတ်ချက်ချခဲ့သည်။ “ကိစ္စမရှိဘူး ဒါဆို ငါမကြာမကြာ သွားတဲ့ စားသောက်ဆိုင်ကို သွားလို့ရတယ်။ အဲ့ဆိုင်က ရှေ့မှာလေးတင်။ အဲဒီစားသောက်ဆိုင်က အစားအသောက်က တော်တော်ကောင်းတယ်”

မစ္စစ်ရှုသည် အရသာရှိသော အစားအစာကို နှစ်သက်သောကြောင့် သူမရွေးချယ်သော စားသောက်ဆိုင်သည် မဆိုးလှပါ။

ပိတ်ရက်ဖြစ်၍ နေရာတိုင်းမှာ လူတွေအများကြီးရှိသည်။ ကံကောင်းထောက်မစွာ ယခုအချိန်သည် လူလာမှု အမြင့်ဆုံးအချိန်မဟုတ်သေးသောကြောင့် ၎င်းတို့ရောက်ရှိချိန်တွင် ဧည့်ခန်းတွင် လစ်လပ်သောထိုင်ခုံအနည်းငယ်ရှိပါသေးသည်။ သို့သော် သီးသန့်ခန်းများ‌တော့ မရှိ‌တော့ပါ။

သူတို့ သိပ်ဂရုမစိုက်တာကြောင့် ခန်းမကျယ်မှာပဲ ထမင်းစားဖို့ ဆုံးဖြတ်လိုက်သည်။

သူတို့ထိုင်ပြီး နှစ်မိနစ်လောက်ကြာတော့ ကျန်တဲ့ စားပွဲ ၃ လုံးမှာ ချက်ချင်း လူပြည့်သွားသည်။ သို့သော် တိုက်ဆိုင်စွာပင် သူတို့သည် သူတို့ဘေးနားရှိ စားပွဲရှိလူများနှင့် အသိအကျွမ်းများဖြစ်ကြပြီး ၎င်းတို့မှာ မစ္စစ်ရှုနှင့် ယန်မင်၏ အသိအကျွမ်းများဖြစ်သည်။

ထိုစားပွဲ၌ မြင့်မြတ်သော အမျိုးသမီး သုံးယောက်ရှိသည်။ မစ္စစ်ရှုနှင့် အခြားသူတို့ကို တွေ့သောအခါ အမျိုးသမီးတစ်ဦးသည် မစ္စစ်ရှုနှင့် ယန်မင်ကို နှုတ်ဆက်ရန် အစပြုခဲ့သည်။ "အိုး ဒါမစ္စစ်ရှုနဲ့ မစ္စစ်ဝမ် မဟုတ်လား။ တိုက်ဆိုင်လိုက်တာ!"

သူမသည် ကြင်နာပုံမပေါက်ပေ။

"ဟိုင်း မစ္စစ်ရှု၊ မစ္စစ်ဝမ်" ထိုအမျိုးသမီးနှင့် အတူပါလာသော အမျိုးသမီး နှစ်ဦးကလည်း မစ္စစ်ရှုနှင့် ယန်မင်တို့ကို နှုတ်ဆက်သည်။ သူတို့ရဲ့ သဘောထားက ပထမတစ်‌ယောက်လောက် မဆိုးပေမယ့် အေးစက်ပြီး ဘာမှမထူးခြားပါ။ နောက်ဆုံးတော့ သူတို့ရဲ့ ဆက်ဆံရေးက မကောင်းမွန်ပဲ တစ်ယောက်ကိုတစ်ယောက် ယဉ်ကျေးမှုအရသာ နှုတ်ဆက်ခြင်းဖြစ်သည်။

"အို ဟိုင်း မစ္စစ်ယွမ် မစ္စဖန်း တကယ် တိုက်ဆိုင်တယ်!" မစ္စစ်ရှုနှင့် ယန်မင်တို့က တည်ငြိမ်စွာ နှုတ်ဆက်ကြသည်။

မစ္စစ်ယွမ်? သူမက ယွမ်မိသားစုမှဖြစ်သည်။ အဲ့တာဆို ကျောက်ရှောင်ရှီ ပြောဖူးတဲ့ အမျိုးသမီးလား။ ထိုအမျိုးသမီးက ယွမ်ယီလင်း၏မိခင်ဖြစ်နိုင်သည်။

တကယ်တော့ မစ္စစ်ရှုနဲ့ ယန်မင်ကို နှုတ်ဆက်တဲ့ ပထမဆုံး အမျိုးသမီးက ယွမ်မိသားစုရဲ့ သားအကြီးဆုံးရဲ့ ဇနီးဖြစ်ပေမဲ့ ကုနင်းက အဲ့တာကို မသိ‌သေးပါ။

***

ဖီးနစ်သွေးစက်

အခန်း ၂၁၇၅ အကြီးအကဲမစ္စစ်ယွမ်၏ ကြောက်ရွံ့ခြင်း

"သခင်လေးရှုက မစ္စစ်ဝမ်နဲ့ စေ့စပ်ထားတာကြာ‌နေပြီ။ ဘယ်တော့ တကယ်လက်ထပ်ကြမှာလဲ။ တစ်ချိန်လုံး နှောင့်နှေးနေတယ်ဆိုရင်တော့ ကောလဟာလတွေ ထွက်လာနိုင်တယ်‌နော်။ သခင်လေးရှုနဲ့ မစ္စဝမ်ကြားမှာ တစ်ခုခုမှားနေပြီလို့ လူတွေက ထင်ကြလိမ့်မယ်” ဟုမစ္စစ်ယွမ်က ပြောသည်။ သူမသည် ချစ်စရာကောင်းဟန်ဆောင်ကာ အရေခြုံထားပြီး အလွန်ရွံရှာဖွယ်ကောင်း‌ပေသည်။

ဘာပဲဖြစ်ဖြစ် အကြီးအကဲဖြစ်သူ မစ္စစ်ရှုက ဒါကို ကျင့်သားရနေပြီမို့ သူမ လုံးဝ စိတ်မဆိုးပါ။ အဲဒီအစား သူမ တုန်လှုပ်သွားတယ်။ “အကြီးအကဲမစ္စစ်ယွမ် မင်းရဲ့စိုးရိမ်မှုအတွက် ကျေးဇူးတင်ပါတယ်။ ဒါပေမယ့် အခုချိန်မှာ သူတို့ဆက်ဆံရေးက အရမ်းကောင်းပါတယ်။ ကျင်းလင်နဲ့ ရှီယီက အရမ်းအလုပ်များနေလို့ မင်္ဂလာပွဲ နှောင့်နှေး‌နေရတာပါ”

မစ္စစ်ရှုက အမျိုးသမီးကို အကြီးအကဲလို့ ခေါ်တာကို ကြားတော့ ကုနင်းက ကျောက်ရှောင်ရှီ ပြောဖူးတဲ့ပြောဖူးတဲ့သူက အကြီးအကဲမစ္စစ်ယွမ်ဆိုတဲ့ အမျိုးသမီးဆိုတာကို သိလိုက်ရသည်။

အကယ်၍ အကြီးအကဲ မစ္စစ်ယွမ်၏ သဘောထား ပိုဆိုးလာပါက အခြေအနေအရ အရေးယူ ဆောင်ရွက်နိုင်သည်။

တကယ်တော့ အကြီးအကဲမစ္စစ်ယွမ်ရဲ့သမီး ယွမ်ရီယန်က ရှုကျင်းလင်ကို သဘောကျတဲ့အတွက် ယွမ်မိသားစုက ရှုမိသားစုနဲ့ မဟာမိတ်ဖွဲ့ချင်ခဲ့သည်။

ရှုမိသားစုသည် လင်မိသားစုနှင့် ရင်းနှီးသောဆက်ဆံရေးရှိသော်လည်း ရှုကျင်းလင်သည် ရှုမိသားစု၏ အကြီးဆုံးမြေးဖြစ်ပြီး ကျင်းလင်အဖွဲ့အစည်း၏ အမွေဆက်ခံသူဖြစ်သည်။ ထို့ကြောင့် ယွမ်မိသားစုသည် ရှုကျင်းလင်နှင့် မဟာမိတ်ဖွဲ့နိုင်လျှင် ရှုကျင်းလင်က သူတို့ကို ထောက်ခံမည်ဟုထင်သည်။ ထိုသို့ဆိုလျှင် ရှုမိသားစု၏ ကြွယ်ဝမှုမှာ ကွဲပြားသွားမည်ဖြစ်ပြီး လင်မိသားစုကို ထောက်ပံ့မှုနည်းသွားမည်ဖြစ်သည်။

သို့သော် ရှုကျင်းလင်သည် ယွမ်ရီယန်ကို မကြိုက်တဲ့အပြင် သူမကို မုန်းပင်မုန်းတီးခဲ့သည်။ သူမကို မမုန်းဘူးဆိုရင်တောင် သူ့မိသားစုရဲ့ အနေအထားကြောင့် ယွမ်ရီယန်နဲ့အတူနေမှာ မဟုတ်ပါ။

သို့သော်လည်း ယွမ်ရီယန်သည် သူ့ကို သူမနှင့် ပေါင်းသင်းနိုင်ရန် ဆေးခပ်ခဲ့သော်လည်း ဝမ်ရှီယီနှင့် မတော်တဆ အိပ်ခဲ့မိပြီး ရှုကျင်းလင်က ဝမ်ရှီယီ၏ ချစ်သူ‌ကောင်လေးဖြစ်လာခဲ့သည်။

ရှုကျင်းလင်နဲ့ ဝမ်ရှီယီတို့ဟာ တစ်ယောက်နဲ့တစ်ယောက် သဘောကျကြ‌ပေမဲ့ ဝမ်မိသားစုရဲ့ အဆင့်အတန်းက ရှုမိသားစုနဲ့ မယှဉ်နိုင်တာကြောင့် ဝမ်ရှီယီဟာ ရှုကျင်းလင် ရှေ့မှာ ယုံကြည်မှု ကင်းမဲ့ခဲ့သည်။ ရလဒ်အနေနဲ့ကတော့ သူ့ကိုလက်ထပ်ဖို့ မဆုံးဖြတ်နိုင်ခဲ့ပါ။ သို့သော် သူမသည် ရှုကျင်းလင်နှင့် ဆန္ဒရှိရှိ အိပ်ခဲ့ခြင်းဖြစ်သည်။

အဆိုးထဲက အကောင်းဖြစ်သည်။ ရှုကျင်းလင်သည် ဝမ်ရှီယီကို နှစ်သက်သောကြောင့် ယွမ်မိသားစုကို အပြစ်မတင်ခဲ့သော်လည်း ရှုမိသားစုသည် ယွမ်မိသားစုကို အလွန်ဒေါသထွက်ခဲ့သည်။

"တကယ်လား?" အကြီးအကဲမစ္စစ်ယွမ်က ယုံပုံမပေါ်ပေ။ မစ္စစ်ရှုနှင့် ယန်မင်ကို စိတ်အနှောင့်အယှက်ဖြစ်အောင် တမင်တကာ လုပ်ခဲ့ခြင်းကြောင့် သူမ၏ တကယ့်အတွေးများသည် အရေးမကြီးပါ။

မစ္စစ်ရှုနှင့် ယန်မင်တို့သည် အမှန်တကယ် စိတ်ဆိုးခဲ့ကြသော်လည်း သည်းခံနိုင်ခဲ့ကြသည်။

"ဟုတ်တာပေါ့။ အို၊ ယွမ်ရီယန်က ကွာရှင်းဖို့ ပြင်နေတာ ငါကြားတယ်။ ဘာဖြစ်တာလဲ? ဘာလို့ လမ်းခွဲရတာလဲ" မစ္စစ်ရှုက စိုးရိမ်သလိုဖြင့် မေးသော်လည်း သူမလည်း မရိုးသားခဲ့ပေ။ သူမသည် မစ္စစ်ယွမ်ကို အရှက်ရစေရန် ထိုမေးခွန်းကို ရည်ရွယ်ချက်ရှိရှိ မေးခဲ့ခြင်းဖြစ်သည်။

မစ္စစ်ရှုသည် အခြားလူများကို ဘယ်သောအခါမှ အနိုင်ကျင့်ရန် လွယ်ကူသည်ဟု အကဲမဖြတ်ဟု မဆိုလိုပါ။ ရှုမိသားစု၏ အကြီးအကဲတစ်ဦးအနေဖြင့် သူမသည် မပျော့ညံ့ပေ။ သူမသည် အခြားသူများက သူမအပေါ်ဆက်ဆံသည့်ပုံအတိုင်းသာ ဆက်ဆံခဲ့သည်။ တစ်ယောက်ယောက်က သူ့ကို လှောင်ပြောင်ဖို့ကြိုးစားနေတာဖြစ်၍ ပြန်လည်တိုက်ခိုက်ရမှာဖြစ်ပေသည်။

ယွမ်ရီယန်ဆီမှာ ဘာဖြစ်ခဲ့တာလဲဆိုတာနဲ့ ဘာကြောင့် ကွာရှင်းရသလဲဆိုတဲ့ အကြောင်းအရင်းက ပျံ့နှံ့နေပြီဖြစ်သည်။

ထွက်လာရတဲ့ အကြောင်းအရင်းကတော့ ယွမ်ရီယန်ဟာ သူ့ခင်ပွန်းကို သစ္စာဖောက်ခဲ့ပြီး အိပ်ရာထဲမှာ ဖမ်းမိသွားတာကြောင့်ဖြစ်သည်။ ယွမ်မိသားစုက ဒီသတင်းကို ကျယ်ကျယ်ပြန့်ပြန့် မပြန့်သွားအောင် တားဆီးထားတာကြောင့် လူအတော်များများက မသိကြပါ။ သို့သော် မစ္စစ်ရှုက ၎င်းကို ကြားခဲ့ရသည်။

ထိုစကားကိုကြားသောအခါ မစ္စယွမ်သည် မကျေမနပ်ဖြစ်ခဲ့သည်။ မစ္စစ်ရှုသည် သူမအား တမင်တကာ အရှက်ရစေကြောင်း သူမ ရှင်းရှင်းလင်းလင်း သိထားသည်။

“ဒါက ငါ့မိသားစုကိစ္စပါ။ အကြီးအကဲမစ္စစ်ရှု မင်း ပါဝင်သင့်တယ်လို့ မထင်ဘူး” ဟု မစ္စစ်ယွမ်က အေးစက်စွာပြောသည်။

တကယ်တော့ မစ္စစ်ယွမ်က ယွမ်ရီယန်ကို တကယ်စိတ်ဆိုးသည်။ ယွမ်ရီယန်သည် သူ့ခင်ပွန်းကို သစ္စာဖောက်ခြင်း ရှိမရှိကို သူမ ဂရုမစိုက်ပါ။ ဒါပေမယ့် ယွမ်ရီယန်ကို အိပ်ရာထဲတွင် ဖမ်းမိခဲ့ခြင်းဖြစ်သည်။ သူတို့မိသားစုက ဒီသတင်းကို ကျယ်ကျယ်ပြန့်ပြန့် မပြန့်အောင် အစွမ်းကုန် ကြိုးစားခဲ့ပေမယ့် လူတချို့က ကြားနေရဆဲပါ။ ထို့ကြောင့် သူမသည် ယခုချိန်တွင် မတူညီသောအမြင်များကို ရရှိထားသော်လည်း လူအများက ယွမ်မိသားစုကို ကြောက်ရွံ့ကြသောကြောင့် ထိုအကြောင်းကို မည်သူမျှ မပြောရဲကြပေ။

သို့သော် မစ္စစ်ယွမ်သည် အလွန်တစ်ကိုယ်ကောင်းဆန်ကြောင်းကိုလည်း သက်သေပြခဲ့သည်။ သစ္စာဖောက်တာသာ သူ့သားမက်ဆိုလျှင် သားမက်ကို ဆိုးဆိုးရွားရွား ပြစ်တင်ဝေဖန်လိမ့်မည်။

“မစ္စစ်ယွမ်၊ အပြင်ကလူတွေက မင်းရဲ့မိသားစုကိစ္စ‌ပြောနေတာကို မကြိုက်ရင် ကျေးဇူးပြုပြီး မင်းလည်း မပြောပါနဲ့။ မင်းလည်း တခြားသူတွေရဲ့ မိသားစုကိစ္စတွေမှာလည်း ပါဝင်သင့်တယ်လို့ မထင်ဘူး” မစ္စစ်ရှုက ငြင်းခုံသည်။ မစ္စစ်ယွမ်သည် အခြားသူများ၏ မိသားစုအရေးကို ပေါ့ပေါ့တန်တန် အတင်းအဖျင်းပြောခဲ့သော်လည်း အခြားသူများက သူမကို လုပ်လျှင်မရသည်မှာ ယုတ္တိမရှိပေ။

အဲဒါကိုကြားတော့ မစ္စစ်ယွမ် တော်တော်ရှက်သွားသည်။ မစ္စစ်ရှုသည် သူ ဝမ်ရှီယီနှင့် ရှုကျင်းလင်၏ဆက်ဆံရေးအကြောင်း အတင်းအဖျင်းပြောတာကို မကြိုက်ခဲ့သည်မှာ ထင်ရှားသည်။

"ကောင်းပြီ၊ တခြားသူတွေရဲ့ မိသားစုကိစ္စကို ငါ လုံးဝ ဂရုမစိုက်ပါဘူး!" မစ္စစ်ယွမ်က မထီမဲ့မြင်ပြုကာပြောဆိုသည်။

အဲဒီနောက်မှာတော့ မစ္စစ်ရှုနဲ့ မစ္စစ်ယွမ်တို့ စကားတွေ ရပ်သွားသည်။

ဒီအခိုက်အတန့်မှာ ကုနင်းက “လွန်ခဲ့တဲ့ ရက်အနည်းငယ်က ထူးဆန်းတဲ့ လူသတ်မှုတစ်ခု ဖြစ်ပွားခဲ့တယ်။ စုန့်ယန်လို့အမည်ပေးထားတဲ့ အမျိုးသားတစ်ဦးက ပန်းခြံထဲမှာ အသတ်ခံခဲ့ရပေမယ့် လူသတ်မှုကျူးလွန်သူရဲ့ ခြေရာကို ရဲတွေက ရှာမတွေ့ခဲ့ဘူး။ အင်တာနက်အသုံးပြုသူတော်တော်များများက စုန့်ယန်ကို သရဲတစ္ဆေ သတ်ပစ်နိုင်တယ်လို့ ပြောကြတယ်။ အဲ့လိုမှမဟုတ်ရင် သဲလွန်စ ရှိရမယ်ပေါ့…”

ကုနင်း၏ စကားဆုံးသောအခါတွင် နောက်စားပွဲမှ "တုတ်" ဟူသောအသံကိုကြားလိုက်ရသည်။ မစ္စစ်ယွမ်၏လက်ထဲရှိ ခွက်သည် စားပွဲပေါ် ပြုတ်ကျကာ အတွင်းမှ သောက်ရေများ ဖိတ်စင်သွားသည်။

ချက်ချင်းပင် မစ္စစ်ယွမ်သည် အလွန်စိုးရိမ်သွားပုံပေါ်သည်။

မစ္စစ်ရှုနှင့် သူမ၏သူငယ်ချင်းသည် မစ္စစ်ယွမ်နှင့် စုန့်ယန်အမည်ရှိ ဤပုဂ္ဂိုလ်ကြားဆက်ဆံရေးကို မသိသောကြောင့် သူတို့သည် မစ္စစ်ယွမ်၏ အလွဲအချော်များကို သိပ်မစဉ်းစားခဲ့ကြပေ။

သို့သော် မစ္စယွမ်နှင့် မစ္စဖန်းတို့သည် စုန့်ယန်သည် မစ္စစ်ယွမ်၏ ဆွေမျိုး၏သားမက်ဖြစ်သည်ကို သိကြသည်။ မည်သို့ပင်ဆိုစေကာမူ သူတို့သည်လည်း မစ္စစ်ယွမ်၏ အလွဲအချော်များအကြောင်းကို သိပ်မစဉ်းစားခဲ့ကြပေ။ သရဲတစ္ဆေအကြောင်းပြော‌နေခြင်းသည် သူမကို စိတ်မသက်မသာဖြစ်စေသည်ဟုသာ ထင်မြင်ကြသည်။

သရဲဆိုတဲ့ စကားကိုကြားရသောအခါတွင် မစ္စစ်ယွမ်သာမက၊ မစ္စယွမ်နှင့်မစ္စဖန်းသည်လည်း ကြောက်မက်ဖွယ်ကောင်းသည်ဟု ခံစားခဲ့ရသည်။

“ဟားဟား၊ ဒီအင်တာနက်အသုံးပြုသူတွေက တကယ့်ကို စိတ်ကူးယဉ်ဆန်လိုက်တာ။ ဒီကမ္ဘာမှာ သရဲတစ္ဆေတွေ မရှိနိုင်ပါဘူး” ယန်မင်က ရယ်မောကာ ပြောသည်။

မစ္စစ်ရှုလည်း သရဲတစ္ဆေတွေကို မယုံပါ။ "ဟုတ်တယ် စုန့်ယန်လို့ ခေါ်တဲ့ အဲဒီလူက တစ်စုံတစ်ယောက်ကို စော်ကားခဲ့လို့ အသတ်ခံခဲ့ရတာဖြစ်ရမယ်"

လူသတ်သမားသည် ဉာဏ်ကောင်းသရွေ့ ရဲများက အရိပ်အမြွက် ရှာမတွေ့သည်မှာ သာမန်ပင်။

“အမ် စုန့်ယန်လို့ ခေါ်တဲ့လူက တကယ်တော့ လူကောင်းမဟုတ်ဘူး။ တစ်ခါက သူ့မှာ ကျောက်ရှောင်ရှီဆိုတဲ့ ရည်းစားတစ်ယောက်ရှိခဲ့ဖူးပေမယ့် နောက်ပိုင်းမှာ ချမ်းသာကြွယ်ဝတဲ့ အမွေဆက်ခံသူနဲ့တွေ့တော့ ကျောက်ရှောင်ရှီကို စွန့်လွှတ်ခဲ့တယ်။ အဲဒီနောက် ကျောက်ရှောင်ရှီ ပျောက်သွားတယ်။ အဲ့တာကြောင့် လူတစ်ချို့က သူ့ဝိဉာဉ်က စုန့်ယန် သတ်ပြီး လက်စားချေဖို့ ပြန်လာနိုင်တယလို့ ထင်ကြေးပေးကြတယ်!” ကုနင်းသည် မစ္စစ်ယွမ် ကြားအောင် တမင်တကာ ပြောလိုက်သည်။

မစ္စစ်ယွမ်သည် ကျောက်ရှောင်ရှီ၏ နာမည်နှင့် သူမသေဆုံးမှုအကြောင်းကြား‌သောအခါ အံ့သြခြင်းမရှိ‌ပေ။ သူမသည် အပြစ်ရှိစိတ်ကြောင့် ပို၍ပင် စိုးရိမ်နေပုံရပြီး သူမ မသိစိတ်ကနေ အနည်းငယ် ကျောချမ်းသွားသည်။

ကျောက်ရှောင်ရှီကို သူမလက်နဲ့ မသတ်ခဲ့ပေမယ့် သူမစီစဉ်ခဲ့ကာ ကျောက်ရှောင်ရှီကို သေစေခဲ့သည်။ အပြစ်ရှိတယ်လို့ မခံစားရဖို့ ခက်ပေသည်။

***

ဖီးနစ်သွေးစက်

အခန်း ၂၁၇၆ လက်ထပ်ဖို့ ကတိပြုထားခြင်း

သို့သော် စုန့်ယန်သည် ကျောက်ရှောင်ရှီ၏ဝိညာဉ်က လက်စားချေရ၍ သတ်ခံရနိုင်သည်ဟု ကုနင်းထံမှ မစ္စစ်ယွမ်က ကြားလိုက်ရသောအခါ သူမသည် ရုတ်တရက် ထိန်းမနိုင်သိမ်းမရဖြစ်ပြီး ကုနင်းအား "ပါးစပ်ပိတ်ထား!"

မစ္စစ်ယွမ်၏ အလွဲအချော်ကြောင့် သူမအ‌ပေါ် အကြည့်များစွာရောက်လာခဲ့သည်။ အခြားစားပွဲရှိလူများသည် ကုနင်း၏စကားများကို မကြားရသောကြောင့် ဖြစ်ပျက်ခဲ့သည်ကို မသိသော်လည်း ပဋိပက္ခဖြစ်နေကြောင်း သူတို့သိသည်။

အမှန်တော့ မစ္စစ်ရှုနဲ့ ယန်မင်တို့အပါအ၀င် မစ္စယွမ်နှင့် မစ္စဖန်းတို့ဟာ မစ္စစ်ယွမ်က သရဲတစ္ဆေ အ‌ကြောင်းပြောသံကို ကြားပြီး ကြောက်လန့်နေတယ်လို့ပဲ ထင်ကြသည်။

အမှန်တရားကို သိတဲ့ ကုနင်းအပြင် ကျင်းယွင်ယောင်နဲ့ မြောင်ကျင်းကျင်းတို့ဟာ မစ္စစ်ယွမ် အထိတ်တလန့် ဖြစ်သွားတာကို တွေ့လိုက်ရသည်။ သူမ၏ အပြစ်ရှိသောစိတ်ကို ဖုံးကွယ်မထားနိုင်သောကြောင့် ကျောက်ရှောင်ရှီ ပျောက်ဆုံးမှုနှင့် တစ်ခုခု ပတ်သတ်မည်ဟု တွေးထင်ခဲ့ကြသည်။

မစ္စစ်ယွမ်သည် သူမ၏ အမူအကျင့် ဆုံးရှုံးသွားသည်ကို မကြာမီ သဘောပေါက်လိုက်သည်။ တခြားလူတွေက သူ့ကို သံသယဖြစ်လာမှဆိုး၍ ချက်ချင်းရှင်းပြသည်။ “ထမင်းပဲစားလို့မရဘူးလား? သူတို့ဘာကြောင့် သရဲတစ္ဆေအကြောင်း ပြော‌နေကြတာလဲ။ ကြောက်စရာကောင်းအောင်လို့။ အဲ့‌လောက်တောင်င် ပြောချင်ရင် အိမ်ပြန်ပြီး ပြောချင်တာကို ပြောလို့ရတယ်”

ကံမကောင်းစွာပဲ သူမသည် ထိုသို့ပြောသောအခါတွင်သူမ၏ အပြစ်ရှိစိတ်ကို ဖုံးကွယ်ရန် ပျက်ကွက်ခဲ့သေးသည်။

မစ္စစ်ရှုနှင့် ယန်မင်က ကြားသောအခါ ကုနင်းသည် သရဲတစ္ဆေအကြောင်း လူကြားထဲမှာ မပြောသင့်ဟု ခံစားခဲ့ရသော်လည်း ကျင်းယွင်ယောင်နှင့် မြောင်ကျင်းကျင်းတို့က ကုနင်းကို ကောင်းစွာ သိကြသည်။ ကုနင်းက အကြောင်းပြချက်မရှိပဲ ထုတ်ပြောမည်မဟုတ်ပါ။

အခြားစားပွဲရှိ အခြားလူများက ကုနင်းသည် သရဲတစ္ဆေအကြောင်းပြောကာ မစ္စစ်ယွမ်ကို ခြောက်သည်ဟု ထင်သောကြောင့် ၎င်းတို့ကို မကြည့်တော့ဘဲ ဆက်စားခဲ့သည်။

ကုနင်းသည် မစ္စစ်ယွမ်၏စကားကိုနားမထောင်ဘဲ အဓိပ္ပါယ်ရှိစွာဆက်ပြောခဲ့သည်။ "အိုး ကျောက်ရှောင်ရှီက ယွမ်မိသားစုရဲ့တရားမ၀င်သမီးဆိုတာ ကြားခဲ့ရတယ်"

ကုနင်း၏ အသံသည် အကျယ်ကြီးမဟုတ်ပဲ စားပွဲနှစ်ခုရှိလူများသာ ကြားနိုင်သည်။ သူမ၏နဂိုရည်ရွယ်ချက်မှာ လူအများကြား မြင်ကွင်းတစ်ခုဖန်တီးရန်မဟုတ်‌ပေ။ သူမသည် မစ္စစ်ယွမ်၏ စိတ်ဓာတ်ကို ဖျက်ဆီးပစ်ချင်ရုံပါ။

မစ္စစ်ယွမ်သည် လုံးဝ ထိတ်လန့်သွားသည်။ ကုနင်းက ဘယ်လိုလုပ်သိတာလဲ။ ဒီကိစ္စကို လူတော်တော်များများ မသိပါ။ ယွမ်မိသားစုမှာတောင် သူမနဲ့ သူ့ခင်ပွန်းကသာ ဒါကိုသိသည်။

အဲဒါကို တွေးကြည့်တော့ မစ္စစ်ယွမ် မသိစိတ်ကနေ “မင်း ဘယ်လိုသိတာလဲ” ဟု မေးမိသွားသည်။

သူမ အသံထွက်ပြောပြီးတာနဲ့ အားလုံးက အံ့သြသွားသည်။ အထူးသဖြင့် မစ္စယွမ်က ပိုအံ့ဩသွားသည်။ သူမသည် ယွမ်မိသားစုဝင်တစ်ဦးဖြစ်ခဲ့သော်လည်း ၎င်းအကြောင်းကို သူမသိခဲ့ပေ။

ကုနင်းသည် ယွမ်မိသားစုကိုသာပြောပြီး ၎င်း၏အကြီးဆုံးသားကို ညွှန်ပြခြင်းမရှိသော်လည်း အကြီးအကဲမစ္စစ်ယွမ်၏တုံ့ပြန်မှုသည် အရာအားလုံးကိုပြောပြခဲ့သည်။

ထိုအခြေအနေတွင် ကျောက်ရှောင်ရှီ ပျောက်ဆုံးခြင်း သို့မဟုတ် သေဆုံးခြင်းသည် မစ္စစ်ယွမ်နှင့် ပတ်သက်မှုရှိနိုင်သည်။

အဲဒါ မစ္စယွမ်ရဲ့ အတွေးတွေပါ။ ကျောက်ရှောင်ရှီ အမှန်တကယ်ပင် ပျောက်ကွယ်သွားပါက သို့မဟုတ် သေဆုံးသွားပါက အခြားလူများစွာတွင်လည်း တူညီသော အယူအဆရှိခဲ့ကြသည်။

တရားမ၀င်ကလေးတွေ ဘယ်သူမှလက်မခံနိုင်ကြပေ။ အထူးသဖြင့် သူတစ်ပါးအပေါ် ကြီးစိုးလွန်းတဲ့ မစ္စစ်ယွမ်လို လူမျိုးသာဆို ပိုလို့တောင် လက်မခံနိုင်လောက်ပေ။

ယခုအချိန်တွင် မစ္စစ်ရှုနှင့် သူမ၏သူငယ်ချင်းများသည် မစ္စစ်ယွမ်ကို စိတ်အနှောင့်အယှက်ဖြစ်စေရန်အတွက် ကုနင်းသည် ကျောက်ရှောင်ရှီအကြောင်းကို တမင်တကာ အစပျိုးခဲ့ကြောင်း သဘောပေါက်သွားခဲ့သည်။

ကုနင်းဘာကြောင့် ဒီလိုလုပ်တယ်ဆိုတာ သူမမသိပေမယ့် အကြောင်းပြချက်တစ်ခု‌ကြောင့် လုပ်တာဖြစ်နိုင်သည်။

သို့သော်လည်း ကျောက်ရှောင်ရှီ၏ ပျောက်ဆုံးမှုနှင့် သေဆုံးမှုသည် မစ္စစ်ယွမ်နှင့် တစ်စုံတစ်ရာ ဆက်စပ်မှုရှိနိုင်တယ်ဆိုတာ ခန့်မှန်းထားခြင်းသာဖြစ်သည်။ အထောက်အထားမရှိလျှင် ဒါဟာ ဘာမှအဓိပ္ပာယ်မရှိတဲ့ပါ။ ကုနင်းက ကျောက်ရှောင်ရှီကို စုန့်ယန်ကသတ်ပစ်တာလို့ ဒီတိုင်းပြောခဲ့တာလည်း ဖြစ်နိုင်သည်။

မစ္စစ်ရှုနှင့် ယန်မင်တို့သည် စုန့်ယန်နှင့် အကြီးအကဲမစ္စစ်ယွမ်၏ဆက်ဆံရေးကို မသိသောကြောင့် ထိုအကြံအစည်ရှိခဲ့သော်လည်း မိန်းကလေးမစ္စယွမ်နှင့် မစ္စဖန်းတို့က ယင်းကို သိရှိခဲ့ကြသည်။ ထို့ကြောင့် ကျောက်ရှောင်ရှီကိုသတ်ခဲ့တာ စုန့်ယန်ဖြစ်လျှင်ပင် မစ္စစ်ယွမ်သည် လုံးဝအပြစ်မကင်းနိုင်ပါ။

သို့သော်လည်း ကျောက်ရှောင်ရှီတွင် အမှန်တကယ်ဖြစ်ပျက်ခဲ့သမျှကို မည်သူမျှ မသိကြသောကြောင့် ၎င်းတို့သည် ဤအကြောင်းကို အများကြီးမတွေးဝံ့ကြဘဲ ဘာမှ မပြောရဲကြ‌တော့ပေ။

ထိုမေးခွန်းကို မစ္စယွမ်က ကျယ်လောင်စွာ မေးလိုက်သည်နှင့် ကုနင်းမဖြေမီ သူ့သဘောထားကို ပြောင်းလဲခဲ့သည်။ “ဟင့်အင်း မဟုတ်ဘူး။ မင်း ပြောနေတာ ရပ်သင့်တယ်လို့ ငါဆိုလိုချင်တာ။ ကျောက်ရှောင်ရှီကို ငါလုံးဝမသိဘူး။ သူက ငါ့ခင်ပွန်းရဲ့တရားမဝင်သမီးမဖြစ်နိုင်ဘူး”

မစ္စစ်ယွမ်က ငြင်းဆိုခဲ့သော်လည်း သူမ၏ တုံ့ပြန်မှုသည် အရာအားလုံးကို သက်သေပြခဲ့သည်။

"သူက မင်းခင်ပွန်းရဲ့တရားမဝင်သမီးလို့ ကျွန်မပြောခဲ့လို့လား။ ယွမ်မိသားစုမှာ အဖွဲ့ဝင်အများကြီးရှိတာပဲ။ ငြင်းလိုက်တာက အမှန်တရားကို ပြောလိုက်တာ မဟုတ်ဘူးလား" ကုနင်းက ထေ့ငေါ့ ပြောလိုက်သည်။

“မင်း…” မစ္စစ်ယွမ် ဒေါသထွက်သွားသည်။ သူမ ဘယ်လိုရှင်းပြနေပါစေ အသုံးမ‌၀င်ဘူးဆိုတာ အခုမှသိသွားပြီ။ သူမကို ဘယ်သူမှ ယုံမှာ မဟုတ်‌ပေ။ ဒါကြောင့် ရှင်းပြဖို့ ငြင်းဆန်ခဲ့သည်။ နောက်တစ်စက္ကန့်တွင် သူမသည် ကုနင်းကို အပြင်းအထန်စိုက်ကြည့်ပြီး အေးစက်စွာ ခြိမ်းခြောက်လိုက်သည်။ "မင်းက ဘယ်သူလဲ? ယွမ်မိသားစုရဲ့ဂုဏ်သိက္ခာကို ထိခိုက်စေတဲ့အတွက် ဒုက္ခရောက်မှာကို မကြောက်ဘူးလား”

သူမသည် ယွမ်မိသားစု၏သြဇာလွှမ်းမိုးမှုဖြင့် ကုနင်းကိုဖိအားပေးရန်ကြိုးစားနေခဲ့သည်။

ကုနင်းသည် အကြီးအကဲမစ္စစ်ရှုနှင့် အတူလာသော်လည်း ရှုမိသားစုသည် ယွမ်မိသားစုနှင့် မယှဉ်နိုင်သောကြောင့် မစ္စစ်ယွမ်က ကုနင်းသည် ယွမ်မိသားစုထက် သြဇာကြီးမည်ဟု မထင်ခဲ့ပေ။

ယွမ်မိသားစုကဲ့သို့ အဆင့်အတန်းမြင့်သော မိသားစုမှ သားသမီးများသည် အကြီးအကဲ မစ္စယွမ်နှင့် အလွန်ရင်းနှီးကြသည်။ ယွမ်မိသားစုကဲ့သို့ သြဇာကြီးမားသော မိသားစုအနည်းငယ်သာ ရှိပါသည်။

"အမှန်တရားကိုပြောရင် ယွမ်မိသားစုက လူတွေကိုအပြစ်ပေးတာလား။ ကြောက်စရာကောင်းလိုက်တာ!” ကုနင်းက ယွမ်မိသားစုဟာ မကောင်းဆိုးဝါးမိသားစုလိုလို အံ့သြတုန်လှုပ်စွာနဲ့ ပြောလိုက်သည်။

“မင်း…” မစ္စယွမ်က ဒေါသတကြီးနှင့် ကုနင်းကို စူးစူးရဲရဲ ကြည့်လိုက်သည်။ "အခုချက်ချင်း မင်းပါးစပ်ပိတ်လိုက်! ငါတို့မိသားစုရဲ့ ဂုဏ်သိက္ခာကို မထိခိုက်စေနဲ့"

သူတို့သည် အရေးမပါတဲ့အရာတွေကြောင့် အကြမ်းဖက်တတ်ပေမယ့် သူတို့ရဲ့ဂုဏ်သိက္ခာကို မပျက်စီးစေချင်ပေ။

မိသားစုက သြဇာကြီးလေ၊ သူတို့နာမည်ဂုဏ်သတင်းကို ပိုဂရုစိုက်လေလေပါပဲ။ ထို့ကြောင့် သူတို့သည် သာမာန်အားဖြင့် မကောင်းမှုများကို ကိုယ်တိုင် မပြုလုပ်ကြပေ။ အဲဒီအစား သူတို့က ဒီလိုလုပ်ဖို့ တခြားသူတွေကို ငှား‌ေလ့ရှိသည်။ သူတို့ရဲ့ ညစ်ပတ်တဲ့ လျှို့ဝှက်ချက်တွေကို ဖော်ထုတ်ခဲ့မယ်ဆိုရင်တောင် တခြားလူတွေက တရားခံ ဖြစ်ပါလိမ့်မည်။

“ဒါဆို စောနက မစ္စစ်ယွမ်ပြောတာက ဘာကိုဆိုလိုတာလဲ။ ကျွန်မက ခြိမ်းခြောက်တာကို နားမလည်နိုင်ဘူးလို့ ထင်လို့လား” ကုနင်းက ပြတ်ပြတ်သားသား မေးလိုက်သည်။

“မင်း…” မစ္စယွမ်သည် ကုနင်းက ပြန်ခံပြောသောကြောင့် ဒေါသအပြည့်နှင့်။ တစ်ချိန်တည်းမှာပင် ကုနင်းသည် အလွန်ရဲရင့်ပြီး သူမကို လုံးဝ မကြောက်ကြောင်း သူမ သိလိုက်ရသည်။

သူမကဘယ်သူလဲ? မစ္စစ်ယွမ်က အလွန်သိချင်စိတ်ရှိလာ၍ “မင်းက ဘယ်သူလဲ” ဟု မေးသည်။

"ကျွန်မလား? အို ကျွန်မက လင်မိသားစုရဲ့ အကြီးဆုံးမြေးဖြစ်တဲ့ လင်ရှောင်းထင်ရဲ့ စေ့စပ်ထားတဲ့သူ ကုနင်းပါ”

အဲဒါကိုကြားတော့ မစ္စစ်ယွမ်နဲ့ သူ့အဖော်တွေက အံ့သြသွားသည်။ လင်ရှောင်းထင်နဲ့ စေ့စပ်ထားတဲ့သူလား။ လင်ရှောင်းထင်က စေ့စပ်ထားပြီးသားမှန်း သူတို့ မသိခဲ့ပါ။

"လင်ရှောင်းထင်က စေ့စပ်ထားပြီးသားမှန်း ငါမသိပါဘူး" မစ္စယွမ်က သံသယတွေနဲ့ ပြောသည်။

“အဲဒါက ကျွန်မက တိုးတိုးတိတ်တိတ်ပဲနေလို့လေ။ ကြီးကျယ်ခမ်းနားတဲ့ စေ့စပ်ပွဲကို မကျင်းပဘူး။ မင်္ဂလာပွဲမဟုတ်ပဲ စေ့စပ်ပွဲ‌လေးတစ်ခုပဲလေ။ ကျွန်မတို့ မိသားစုတွေပဲ စားသောက်ပြီး အိမ်ထောင်ရေးကို ပြေလည်အောင် ညှိနှိုင်းကြတယ်။ ဒါပါပဲ”

“ကုနင်းက တကယ့်ကို ရှောင်းထင်နဲ့ စေ့စပ်ထားတဲ့သူပါ” မစ္စစ်ရှုက ဆိုသည်။ တရားဝင် စေ့စပ်ခြင်းမပြုသေးကြောင်း သူမ,သိသော်လည်း မိသားစုနှစ်စု သဘောတူပြီးကတည်းက ပြေလည်သွားပြီဖြစ်သည်။

မစ္စစ်ရှုက သက်သေပြခဲ့သောကြောင့် မစ္စယွမ်က ၎င်းကို ထပ်မံသံသယမရှိခဲ့ပေ။ သို့သော်လည်း ကုနင်းသည် လင်ရှောင်းထင်၏ စေ့စပ်ထားသူဖြစ်သော်လည်း သူမ လုံး၀ ကြောက်ရွံ့ခြင်းမရှိပေ။ ဆန့်ကျင်ဘက်အနေနှင့် သူမသည် ဖော်ရွေမှုပိုမရှိလာကာ “အိုး ဒါကြောင့် မင်း ယွမ်မိသားစုအပေါ် လေးစားမှုမရှိတာ အံ့သြစရာမရှိပါဘူး”

ထိုအဓိပ္ပာယ်က ကုနင်းက သူမကို အနိုင်ကျင့်ဖို့ လင်မိသားစုရဲ့ သြဇာကို မှီခိုနေရတယ်လို့ ဆိုလိုချင်တာဖြစ်ပေသည်။

***

ဖီးနစ်သွေးစက်

အခန်း ၂၁၇၇ ဟုတ်တယ် ကျွန်မအဲဒါကို ရည်ရွယ်ချက်နဲ့ လုပ်ခဲ့တာ

“မစ္စစ်ယွမ် ရှင်မှားတယ်။ ပထမအချက်အနေနဲ့ ကျွန်မ ယွမ်မိသားစုကို လေးစားတယ်။ တကယ်တော့ ကျွန်မအမြင်မှာ လူတိုင်းက တန်းတူညီတူပါပဲ။ ရှင့်ရဲ့မိသားစုက အဆင့်အတန်းမြင့်တာနဲ့တင် ကျွန်မရှင့်ကို မင်းကိုခယနေမှာ မဟုတ်ဘူး။ ဒုတိယအနေနဲ့ ရှင်က ကျွန်မစကားဝိုင်းထဲကို ၀င်လာတာ။ ရှင်က ကျွန်မကိုအရင် ပြသနာရှာတာလေ အဲ့တာကို ကျွန်မပြန်တုံ့ပြန်လို့မရဘူးလား? ရှင်ကမှ ယွမ်မိသားစုနဲ့လက်ထပ်ထားတာ‌ကြောင့် အတ္တကြီးတာဖြစ်ရမယ်"

“မင်း…” မစ္စယွမ်က ကုနင်းကို စိတ်ဆိုးသွားပြီး စကားပင်ဆုံး‌အောင် မပြောနိုင်‌တော့ပေ။ ကုနင်းက သူမမျက်လုံးထဲမှာ လူတိုင်းကတန်းတူပဲလို့ ပြောတာက သူမက မစ္စစ်ယွမ်ကို အလေးအနက်မထားဘူးလို့ ဆိုလိုတာပါ။

ကုနင်းက သူမကို အသာအယာစိုက်ကြည့်လိုက်တော့ မစ္စစ်ယွမ် ဒေါသထွက်သွားသည်။ သို့သော်လည်း သူမက သူတို့၏ စကားဝိုင်းထဲသို့ ဝင်ကာ ကုနင်းကို ပြသနာရှာပြီးနောက် ငြင်းခုံခဲ့သည်မှာ အမှန်ဖြစ်သည်။ ထိုအခြေအနေတွင် မစ္စစ်ယွမ်သည် ကုနင်းကို ခက်ခဲအောင် ဆက်လက်လုပ်ပါက သူမသည် အမှန်တကယ်ပင် အတ္တကြီးသူအဖြစ် သတ်မှတ်ခံရလိမ့်မည်ဖြစ်သည်။

သူမသည် တစ်ကိုယ်ကောင်းဆန်သူ၊ မာနကြီးသူ၊ အတ္တကြီးသူဖြစ်သော်လည်း သူမသည် မိုက်မဲပြီး အရှက်ကင်းသည်ဟု မဆိုလိုပါ။

ကုနင်းသာ သာမန်မိန်းကလေးဆိုလျှင်တော့ ကိစ္စကြီးကြီးမားမားမဟုတ်သော်လည်း သူမသည် လင်မိသားစု၏ အနာဂတ်မြေးမဖြစ်သည်။ မစ္စယွမ်သည် သူမနှင့် ငြင်းခုံခြင်းကို မရပ်တန့်ပါက ယွမ်မိသားစုနှင့် လင်မိသားစုကြားတွင် မကြာမီ ပဋိပက္ခဖြစ်လာနိုင်သည်။ ထိုအရာသည် အကြီးအကဲမစ္စယွမ်ကို ကောင်းကျိုးမပေးနုိင်ပေ။

"ကောင်းချက် တော်တော်လျှာစောင်းထက်တဲ့ မိန်းကလေးပဲ။ ကောင်းပြီလေ ငါ ဒီနေ့ မင်းနဲ့ ထပ်ပြီး ငြင်းခုံမနေတော့ဘူး။ ဒါပေမယ့် ကောင်မလေး မင်း ဒီလောက် မနုံအသင့်ဘူး။ ဒီနေ့ခေတ် လူ့အဖွဲ့အစည်းမှာ လူတွေက တန်းတူမဟုတ်ဘူး။ လူတန်းစားအလိုက်အဆင့်တွေရှိတယ်။ အာဏာက အရာအားလုံးပဲ။ ဒါကြောင့် နှိမ့်နှိမ့်ချချနေတတ်အောင် သင်ယူပါ”

သူမသည် ကုနင်းနှင့် ဆက်လက်အငြင်းမပွားတော့သော်လည်း သူမ မျက်နှာအပျက်မခံနိုင်သေးပေ။ ထို့ကြောင့် သူမသည် ကုနင်းကိုအနိုင်ယူရန် အရည်အချင်းမရှိတာ မဟုတ်ပဲ သည်းခံနိုင်စွမ်းမရှိတာဟု အခြားသူများယုံကြည်စေရန်အတွက် ထိုဩဝါဒကိုပြောခဲ့သည်။

ကုနင်းသည် မစ္စစ်ယွမ်၏ စကားများကို မငြင်းနိုင်ဘဲ အမှန်တကယ် သဘောတူသော်လည်း ဒါက အရေးမကြီးပါ။ လိုအပ်လာသောအခါတွင် သူမသည် မာနကြီးရလိမ့်မည်။

“အင်း ကျွန်မမှာလည်း ရှင့်အတွက် အကြံဉာဏ်ရှိတယ် မစ္စ ယွမ်။ အာဏာက ဩဇာရှိပေမယ့် ဥပဒေထက် ကျော်လွန်ပြီး ဘာမှလုပ်လို့မရဘူး။ ရှင့်မှာအပြစ်ရှိရင် အနှေးနဲ့အမြန် ထောင်ထဲ‌ရောက်လိမ့်မယ်” ကုနင်းက အဓိပ္ပါယ်ပါပါပြောလိုက်သည်။ သူမသည် မစ္စစ်ယွမ်အကြောင်းကို အကုန်မြင်၊ အကုန်သိ‌နေသလို မစ္စစ်ယွမ်ကို တည့်တည့်စိုက်ကြည့်ကာ ပြောလိုက်သည်။

မစ္စစ်ယွမ်လည်း ခံစားမိသောကြောင့် ကုနင်း၏ မျက်လုံးများကို ရှောင်လိုက်သည်။ သို့သော် မစ္စစ်ယွမ်မှာ အကြံတစ်ခု ပေါ်လာသည်။ ကုနင်းက ရုတ်တရက် စုန့်ယန်နှင့် ကျောက်ရှောင်ရှီတို့အကြောင်း သူမရှေ့တွင် ပြောလာခဲ့သည်။ ကုနင်းက ဒီအကြောင်း တစ်ခုခုကို သိနေတာဖြစ်နိုင်မလား။

အဲဒါကို တွေးကြည့်တော့ မစ္စစ်ယွမ်မှာ ကြိုတင်သတိပေးချက်တစ်ခု ရှိလာသည်။ ကုနင်းကတစ်ခုခုကို တကယ်သိ‌နေတာလားလို့ သူမ သံသယရှိပေမယ့် အဲဒီအကြောင်းကို သူမမေးရဲပါ။

ကုနင်းသာ မသိပါက သူမ မေးလိုက်မိရင် သူမရဲ့ ညစ်ပတ်တဲ့ လျှို့ဝှက်ချက်ကို ဖော်ထုတ်မိသွားမိလိမ့်မည်။

ဘာပဲဖြစ်ဖြစ် ကျောက်ရှောင်ရှီနဲ့ စုန့်ယန် နှစ်ယောက်စလုံး သေဆုံးသွားပြီဖြစ်တဲ့အတွက် သူမဘာတွေလုပ်ခဲ့လဲဆိုတာ ဘယ်သူမှမသိနိုင်ပါ။ သူမ လျှို့ဝှက်ချက်ကို မှန်မှန်ကန်ကန် သိမ်းဆည်းပြီး ဝန်ခံရန် ငြင်းဆိုနေသရွေ့ သူမကို မည်သူမှ ဘာမှ လုပ်နိုင်မှာ မဟုတ်ပေ။

အဲဒါကို တွေးရင်းနဲ့ မစ္စယွမ်က အနည်းငယ် စိတ်လျှော့ပြီး ကုနင်းနဲ့ စကားအငြင်းပွားမှုကို ရပ်လိုက်သည်။ သူ့အစာစားဖို့ လှည့်လိုက်သည်။ ယခုအဖြစ်အပျက် ဖြစ်ပျက်သွားပြီးနောက်တွင် သူမသည် အစာစားချင်စိတ် ပျောက်နေပြီဖြစ်သော်လည်း သူမ၏ အပြစ်ရှိသော စိတ်ကို အခြားလူများ မမြင်ရအောင် အတင်းအကြပ်စားခဲ့သည်။

ကံမကောင်းစွာပဲ မစ္စစ်ယွမ်က သူ့ကိုယ်သူ ကိုယ်ဟန်ဖွဲ့ဖို့ ဘယ်လောက်ပဲ ကြိုးစားလုပ်လုပ် တခြားသူတွေတခြားသူတွေက သိသင့်သလောက် သိထားပြီးသားပါ။ မစ္စစ်ရှုနှင့် ယန်မင်တို့သည် နောက်ထပ်ပြဿနာမရှာလိုကြသောကြောင့် မီးတောက်ထဲသို့ လောင်စာမထည့်ခဲ့ကြပေ။

မစ္စစ်ယွမ်သည် အစာစားချင်စိတ် ပျောက်သွားသော်လည်း ကုနင်းသည် အစားအသောက်ကို အလွန်နှစ်သက်သည်။ သူမသည် ဟင်းပွဲများကို ဆက်လက်ချီးမွှမ်းနေ၍ မစ္စယွမ်ကိုပင် စိတ်မချမ်းသာဖြစ်စေခဲ့သည်။ သူမသည် သူမ၏ တူများကို ပစ်ချလိုက်ပြီး အဝေးကို ထွက်သွားချင်သော်လည်း ထိန်းထားရသည်။

မစ္စယွမ်နှင့် မစ္စဖန်းတို့သည် မစ္စစ်ယွမ်သည် အလွန်စိတ်အခြေအနေမကောင်းဖြစ်နေသည်ကို နားလည်သောကြောင့် တတ်နိုင်သမျှ မြန်မြန်စားပြီး အမြန်ထွက်ခွာသွားကြသည်။

သူတို့ သွားကြပြီးတာနဲ့ မစ္စစ်ရှုက ကုနင်းကို "ကုနင်း မင်း စုန့်ယန်နဲ့ ကျောက်ရှောင်ရှီအကြောင်း တမင်ပြောတာလား" ဟု မေးသည်။

ဒီမေးခွန်းကို သူမမေးခဲ့ပေမဲ့ တကယ်တော့ အဖြေရပြီးသားပါ။

ကုနင်းက ရည်ရွယ်ချက်ရှိရှိ မလုပ်ခဲ့ဘူးဆိုရင်တောင် မစ္စစ်ရှုက ဒါဟာ အမှားသို့မဟုတ် မသင့်လျော်ဘူးလို့ မထင်ခဲ့ပါ။ ကုနင်းအကြောင်း သူမ သိပ်မသိသော်လည်း ကုနင်းသည် ယုတ္တိမတန်သော လူမဟုတ်ကြောင်း သူမ သိသည်။ ထို့ကြောင့် ကုနင်းသည် အကြောင်းပြချက်တစ်ခုကြောင့် အကြီးအကဲမစ္စစ်ယွမ် ကို ဒုက္ခ‌ပေးတာဖြစ်ရပေမည်။

“ဟုတ်တယ် ရည်ရွယ်ချက်ရှိရှိ လုပ်ခဲ့တာပါ။ တကယ်တော့ စုန့်ယန်နဲ့ ကျောက်ရှောင်ရှီကြားမှာ ဖြစ်ခဲ့တာကို ကျွန်မမတော်တဆသိလိုက်ရတယ်။ ကျွန်မ ဘားတစ်ခုကို သွားတော့ လှေကားထစ်မှာ အမျိုးသမီးတစ်ယောက်နဲ့ စုန့်ယန် စကားပြောနေတာကို တွေ့လိုက်တယ်။ ကျွန်မက အကြားအာရုံကောင်း‌တော့ သူတို့စကားပြောတာကို ကြားလိုက်ရတယ်။ အဲ့အမျိုးသမီးက ကျောက်ရှောင်ရှီရဲ့ သူငယ်ချင်းပါ။ သူက စုန့်ယန်ကို ကျောက်ရှောင်ရှီကိုသတ်လားလို့မေးတယ်။ စုန့်ယန်က ဝန်မခံပေမယ့် သူ့ရဲ့ တုံ့ပြန်မှုက ကျောက်ရှောင်ရှီ သေဆုံးမှုမှာ သူနဲ့ သက်ဆိုင်ကြောင်း သက်သေပြ‌နေတယ်‌လေ”

"နောက်တော့ ကျောက်ရှောင်ရှီက ယွမ်မိသားစုရဲ့ သားအကြီးဆုံးရဲ့တရားမဝင်သမီးတစ်ယောက်ဖြစ်ကြောင်း သူတို့စကားဝိုင်းကနေ ကျွန်မသိခဲ့ရတယ်။ မစ္စယွမ်က သူ့ကို ဖယ်ရှားဖို့ ဆန္ဒရှိလို့ စုန့်ယန်ကို ကျောက်ရှောင်ရှီကိုကိုင်တွယ်ဖို့ ပြောခဲ့တာတဲ့။ ကျောက်ရှောင်ရှီ ပျောက်သွားပြီး မကြာမီမှာပဲ စုန့်ယန်က မစ္စစ်ယွမ်ရဲ့ ဆွေမျိုးနဲ့ တွဲခဲ့ကြတယ်။ ဘွဲ့ရပြီးတော့ လက်ထပ်ကြတယ်။ စုန့်ယန်ရဲ့ မိသားစုစီးပွားရေးက သူလက်ထပ်ပြီးတာနဲ့ အရှိန်အဟုန်နဲ့ ဖွံ့ဖြိုးလာတဲ့အတွက် မစ္စစ်ယွမ်နဲ့ ပတ်သက်‌နေတာ ထင်ရှားပါတယ်”

စောစောက မစ္စစ်ယွမ်အပေါ် သူမ၏အပြုအမူကို ရှင်းပြရန်အတွက် သူတို့အား ပြောကြားခဲ့ခြင်းဖြစ်သည်။ တစ်ချိန်တည်းမှာပင် သူမတို့သည် အခြားသူများကို ပြောပြမည်မဟုတ်ကြောင်း သူမသိသည်။

ကျင်းယွင်ယောင်နှင့် မြောင်ကျင်းကျင်းတို့သည် ထိုအကြောင်းကို အခြားလူများကို ပြောရန် မဖြစ်နိုင်ပေ။ ကုနင်းက သူတို့ကို မပြောခဲ့လျှင်ပင် ဖြစ်ပျက်ခဲ့သည်များကို သူတို့ အမှန်တကယ် သိရှိနိုင်သည်။

ကုနင်း၏ရှင်းပြချက်ကိုကြားပြီးနောက် မစ္စစ်ရှုနှင့် ယန်မင် နှစ်ဦးစလုံး အသက်ရှုကြပ်သွားကြသည်။ အမှန်တရားသည် အလွန်ကြောက်စရာကောင်း‌လှသည်။

မစ္စစ်ယွမ်နှင့် တစ်စုံတစ်ရာ ပတ်သက်မှုရှိနိုင်သည်ဟု သံသယရှိသော်လည်း ၎င်းတို့တွင် သက်သေမရှိသောကြောင့် အဓိပ္ပါယ်မရှိပေ။ သို့သော် ကုနင်းကသက်သေပြလိုက်သောကြောင့် ၎င်းတို့သည် အမှန်တရားဖြစ်သည်ဟု ယုံကြည်ခဲ့ကြသည်။

မမျှော်လင့်ဘဲ မစ္စယွမ်သည် အလွန်ရက်စက်ပြီး သွေးအေးလွန်းလှသည်။

"အင်း စုန့်ယန် သေဆုံးမှုက ကျောက်ရှောင်ရှီရဲ့ သူငယ်ချင်းနဲ့ ပတ်သက်မှု ရှိလား" မစ္စစ်ရှုက မေးသည်။

"ကျွန်မမသိဘူးလေ ဒါပေမယ့် ကျွန်မပြောခဲ့တာတွေကို တခြားသူတွေကို မပြောနဲ့နော် မဟုတ်ရင် ကျွန်မဒုက္ခရောက်လိမ့်မယ်" ကုနင်းက သူတို့ကို ယုံကြည်ပေမယ့် လျှို့ဝှက်ထားဖို့ သူတို့ကို သတိပေးနေတုန်းပါပဲ။

"စိတ်မပူပါနဲ့၊ ငါတို့ ဘယ်သူ့ကိုမှ မပြောပါဘူး"

မစ္စစ်ရှုနှင့် ယန်မင်တို့သည် ဤကိစ္စက အရေးကြီးကြောင်းကို နားလည်သောကြောင့် သူတို့၏သဘောထားကို ချက်ချင်းပြသခဲ့ကြသည်။

…

မစ္စစ်ယွမ်သည် စားသောက်ဆိုင်မှ ထွက်သွားသည်နှင့် သူမသည် မစ္စဖန်းနှင့် ခွဲခွာမည်ဖြစ်ပြီး မထွက်ခွာမီတွင် “ဒီ‌နေ့ ငါတို့ကြားမှဖြစ်ပျက်ခဲ့တာ‌တွေကို လျှို့ဝှက်ထားနိုင်မယ်လို့ မျှော်လင့်ပါတယ်။ ကျောက်ရှောင်ရှီက တကယ်ပင် ဝမ်ယဲ့ရဲ့တရားမ၀င်သမီးပါ။ ငါ သူ့ကို မုန်းတယ်၊ ဒါပေမယ့် ငါ သူ့ကို ထိခိုက်အောင် ဘာမှလုပ်မှာ မဟုတ်ဘူး ဒါကြောင့် ကျေးဇူးပြုပြီး သိပ် မစဉ်းစားပါနဲ့ ”

***

ဖီးနစ်သွေးစက်

အခန်း ၂၁၇၈ မင်းမဟုတ်တာ လုပ်ထားတာလား

ကျောက်ရှောင်ရှီသည် ယွမ်ဝမ်ယဲ့၏တရားမ၀င်သမီးဖြစ်‌ကြောင်းကို ထာဝရလျှို့ဝှက်ထားနိုင်ခြင်းမရှိကြောင်း အကြီးအကဲမစ္စစ်ယွမ်က နားလည်သောကြောင့် သူမချက်ချင်းဝန်ခံခဲ့သည်။ သူတို့နှစ်ယောက်လုံးက သူမရဲ့ ရင်းနှီးတဲ့သူငယ်ချင်းတွေပါ။ သို့သော် ကျောက်ရှောင်ရှီ သေဆုံးခဲ့ရသည်ကို သူမ ဝန်မခံနိုင်ပေ။ မစ္စယွမ်နှင့် မစ္စဖန်းတို့ သံသယ၀င်မည်ဆိုး၍ ရှင်းရှင်းလင်းလင်း ပြောပြရပေမည်။

ထို့အတွက်ကြောင့် မစ္စစ်ယွမ်နှင့် မစ္စဖန်းတို့သည် မစ္စစ်ယွမ်အား သံသယစိတ်နည်းပါးကြသော်လည်း အပြည့်အဝယုံကြည်ခြင်းမရှိကြပေ။

ဘာပဲပြောပြော မစ္စစ်ယွမ်နဲ့ တကယ် ပတ်သက်မှုရှိခဲ့ရင်တောင် သူတို့အတွက် ဘာကောင်းကျိုးမှမပေးတဲ့အတွက် တခြားသူတွေကို ပြောပြမှာ မဟုတ်ပါ။

“ဟုတ်ပါပြီ၊ ကျွန်မတို့ နားလည်ပါတယ်”

တကယ်တော့ ယွမ်ဝမ်ယဲ့သည် ကျောက်ရှောင်ရှီ သေဆုံးခြင်းအကြောင်းကို မသိခဲ့ပါ။ မစ္စစ်ယွမ်က ကျောက်ရှောင်ရှီအား ငွေအနည်းငယ်ပေးကာ မြို့တော်မှထွက်သွားပြီး ယွမ်မိသားစုနှင့် တစ်သက်လုံး ဝေးဝေးနေဟု ပြောခဲ့သည်ဟုဆိုသည်။ ထို့ကြောင့် ယွမ်ဝမ်ယဲ့သည် ကျောက်ရှောင်ရှီကပိုက်ဆံ‌နဲ့ ထွက်သွားသည်ဟု အမြဲယုံကြည်ခဲ့သည်။

…

မစ္စစ်ရှုနှင့် အခြားသူများသည် ၎င်းတို့၏ အစားအသောက်များစား‌သောက်ရင်း ပေါ့ပေါ့ပါးပါး စကားစမြည်ပြောကြသည်။

"အို ကုနင်း ကျင်းချန် နဲ့ ပိုင်ယင်း အတူတူရှိနိုင်ဖို့ အခွင့်အရေးက ဘယ်လောက်လောက်ရှိမယ်လို့ထင်လဲ" မစ္စစ်ရှုက မေးသည်။ ရှုကျင်းချန် နှင့် ကျီပိုင်ယင်းတို့သည် ယခုအခါ ချစ်သူဖြစ်နေကြပြီဖြစ်သော်လည်း ကျီပိုင်ယင်း၏ မိသားစုမှာ စင်ကာပူတွင် ရှိနေသောကြောင့် သူမနှင့် ပေါင်းစည်းနိုင်မလားဆိုတာကို စိုးရိမ်နေဆဲဖြစ်သည်။

“အမ် ပြောရခက်တယ်။ ဒါသူတို့ရဲ့ကိုယ်ရေးကိုယ်တာကိစ္စ‌လေ” ဟုကုနင်းကပြောသည်။ ဘယ်လို‌‌ဝေဖန်ရမည်ကို သူမ မသိပါ။

ထိုစကားကိုကြားတော့ မစ္စစ်ရှုသည် အနည်းငယ် စိတ်မချမ်းသာဖြစ်သွားသည်။ သူ့သားကို အရမ်းဂရုစိုက်သည်။

“အဲဒါကို သိပ်ပြီး မစဉ်းစား‌နေပါနဲ့။ အဲ့လိုဖြစ်လာရင် မိန်းကလေးက ထွက်ပြေးမှာမဟုတ်ပါဘူး။ မဟုတ်ဘူးဆိုရင်လည်း ကောင်မလေးကို အတင်းအကြပ်နေခိုင်းလို့ ရမှာမှ မဟုတ်တာ” ယန်မင်မှ မစ္စစ်ရှုကို နှစ်သိမ့်စကား ပြောကြားခဲ့သည်။ အချစ်ရေးကို ထိန်းချုပ်ဖို့ ခက်‌ပေသည်။

“ဟုတ်တယ် အများကြီးစဉ်းစားနေဖို့ မလိုပါဘူး။ သူတို့ဘာသာ ဆုံးဖြတ်ကြပါစေ" ကျင်းယွင်ယောင်ကပါ ဝင်ပြောလိုက်သည်။

“သူတို့ အခုလက်ထပ်ဖို့ကို ငါ မစောင့်နိုင်တော့ဘူး”

…

ထိုညတွင် မစ္စစ်ယွမ်မှာ အိပ်မက်ဆိုးတစ်ခု မက်ခဲ့သည်။ ကျောက်ရှောင်ရှီက ကလဲ့စားချေရန်အတွက် သူမထံရောက်လာကြောင်း သူမအိပ်မက်မက်ခဲ့သည်။ သူမ အလွန်ကြောက်လန့်သွားပြီး အိပ်မက်ထဲမှာ အော်လိုက်သည်။

"မဟုတ်ဘူး မဟုတ်ဘူး မဟုတ်ဘူး!"

မစ္စစ်ယွမ်၏ လှုပ်ရှားမှုသည် သူမ၏ဘေးတွင်ရှိနေသည့် ယွမ်ဝမ်ယဲ့အား ချက်ချင်းနိုးထစေခဲ့သည်။

ယွမ်ဝမ်ယဲ့ နိုးလာပြီး မစ္စယွမ် အိပ်မက်ဆိုး မက်နေတာကို မြင်လိုက်ရတော့ သူက ချက်ချင်း လှုပ်ယမ်းကာနှိုးလိုက်သည်။ "ယွီရူ ထအုံး ထအုံး..."

မစ္စစ်ယွမ်၏ နာမည်အပြည့်အစုံမှာ ကျန်းယွီရူ ဖြစ်သည်။

ကျန်းယွီရူက မနိုးလာဘဲ ထိတ်လန့်စွာ ဆက်အော်နေသည်။ “ဟင့်အင်း ငါ့ဆီ မလာနဲ့။ ငါ့ဆီမလာနဲ့။ ငါ မင်းကို မသတ်ဘူး။ ငါမလုပ်ခဲ့ဘူး…”

ယွမ်ဝမ်ယဲ့သည် ထိုစကားကိုကြားသောအခါ ချွေး‌ဇောများထွက်လာကာ တုန်လှုပ်သွားသည်။

ကျန်းယွီရူက "ငါ မင်းကို မသတ်ဘူး" လို့ပြောပေမယ့် ယွမ်ဝမ်ယဲ့က ရိုးရိုးရှင်းရှင်းတွေးတတ်သူမဟုတ်ပေ။ စိတ်ပိုင်းဆိုင်ရာ ရှုထောင့်မှကြည့်လျှင် ကျန်းယွီရူက သူမသတ်သည်ဖြစ်စေ၊ မသတ်သည်ဖြစ်စေ ဤလူသေဆုံးမှုသည် သူမနှင့် ပတ်သက်မှုတစ်ခုခုရှိရမည်ဟု ဆိုခြင်းဖြစ်သည်။ မဟုတ်လျှင် အဲဒီလူက သူ့ကို ပြန်လက်စား‌ချေဖို့ လာတယ်ဆိုပြီး အိပ်မက်မက်မှာ မဟုတ်ပေ။

သူမသတ်ခဲ့တဲ့လူကဘယ်သူလဲ။

ယွမ်ဝမ်ယဲ့က ကြောက်တာမဟုတ်ပါ။ သူသည် အကျိုးအမြတ်အတွက် လူများစွာကို ဒုက္ခပေးခဲ့ဖူးသော်လည်း သူဘယ်တော့မှ မသတ်ခဲ့ပေ။ ထို့ကြောင့် သူသည် ရဲရင့်သော်လည်း လူသတ်ရန်‌တော့ ကြောက်သည်။

ဤအခိုက်တွင် ယွမ်ဝမ်ယဲ့သည် ကျန်းယွီရူကိုနှိုးရန် စိတ်မ၀င်စား‌တော့ပါ။ အဲဒီအစား သူက “ဘယ်သူသတ်လိုက်တာလဲ” ဟု တိုက်ရိုက်မေးသည်။

ယွမ်ဝမ်ယဲ့သည် အဖြေရနိုင်မလား မသေချာသော်လည်း စမ်းကြည့်ရသေးသည်။ လူတွေက အိပ်မက်ထဲမှာ စကားပြောနေတဲ့အခါ သူတို့ရဲ့ လျှို့ဝှက်ချက်တွေကို ဖောက်ချနိုင်သည်။

"ကျောက်ရှောင်ရှီ, ကျောက်ရှောင်ရှီ ငါ့ဆီမလာနဲ့။ ငါ့ဆီမလာနဲ့။ ငါ မင်းကို မသတ်ဘူး။ ငါမလုပ်ခဲ့ဘူး…”

ကျန်းယွီရူသည် ယွမ်ဝမ်ယဲ့၏မေးခွန်းကို ကြားနိုင်တာ ဒါမှမဟုတ် တိုက်ဆိုင်မှုတစ်ခု ဖြစ်နိုင်သော်လည်း သူမသည် ကျောက်ရှောင်ရှီ၏အမည်ကို ကျယ်လောင်စွာပြောခဲ့သည်။

ထိုစကားကိုကြားတော့ ယွမ်ဝမ်ယဲ့သည် တုန်လှုပ်သွားကာ သူ့နားကိုသူ မယုံနိုင်ဖြစ်သွားသည်။

ဘာ? ကျောက်ရှောင်ရှီ သေသွားပြီလား။

ကျန်းယွီရူနဲ့ တစ်ခုခု ပတ်သက်နေသလား။ ကျောက်ရှောင်ရှီက ငွေယူပြီး ယွမ်မိသားစုနဲ့ ထာဝရ ဝေးကွာနေမယ်လို့ကတိ‌ပေးပြီး မြို့တော်ကနေ ထွက်သွားပြီလို့ သူမပြောခဲ့တာ မဟုတ်ဘူးလား။

အဲ့လို ထင်ရပါသည်... ကျောက်ရှောင်ရှီသည် တရားမဝင်သမီးတစ်ဦးသာဖြစ်ပြီး ယွမ်ဝမ်ယဲ့က သူမအား မကြိုက်သော်လည်း သူမသည် သူ့သမီးဖြစ်သည်။ မြို့တော်ကနေ ထွက်သွားရင် ကောင်း‌ပေမည်။ ဒါပေမယ့် သူသေသွားတာသာဆိုရင် နည်းနည်းတော့ အဆင်မပြေပါ။

အရေးကြီးဆုံးအချက်မှာ ကျောက်ရှောင်ရှီ သေဆုံးမှုသည် ကျန်းယွီရူနှင့် ပတ်သက်မှုရှိ‌နေတာက သူ့မျက်လုံးထဲတွင် လက်မခံနိုင်စရာဖြစ်သည်။

"ကျန်းယွီရူ ထစမ်း" ယွမ်ဝမ်ယဲ့သည် ကျန်းယွီရူကို ကြိမ်ဖန်များစွာ ဆွဲလှုပ်ကာ ဒေါသတကြီး အော်လိုက်သည်။

ထိုအချိန်တွင် ကျန်းယွီရူ နိုးလာသည်။ အိပ်မက်ဆိုးကြောင့် ကျန်းယွီရူသည် ချွေးသီးများထွက်နေသည်။

ထိတ်လန့်စရာကောင်းတဲ့ မြင်ကွင်းက အခု အိပ်မက်တစ်ခုပဲဆိုတာ သိလိုက်ရတော့ ကျန်းယွီရူက စိတ်သက်သာရာရသွားပေမယ့် ယွမ်ဝမ်ယဲ့က သူ့ကို စိတ်ဆိုးစွာ စိုက်ကြည့်နေတာကို မြင်လိုက်ရတော့ အနည်းငယ် အံ့ဩသွားတယ်။ "ဟန်နီ ဘာဖြစ်လို့လဲ"

ကျန်းယွီရူသည် သူမတွင် အိပ်မက်ဆိုးမက်နေကြောင်း သိလိုက်သည်။ ကလဲ့စားချေရန် ကျောက်ရှောင်ရှီကသူမထံ လာလာသည်ဟု သူမ အိပ်မက်မက်သော်လည်း သူမပြောသင့်သော စကားများ ပြောသည်ကို သူမ မသိသလို ယွမ်ဝမ်ယဲ့က ၎င်းကို ကြားခဲ့ရတာကိုလည်း မသိသောကြောင့် ကျောက်ရှောင်ရှီကြောင့် ယွမ်ဝမ်ယဲ့ စိတ်တိုသွားသည်ဟု သူမ မထင်ခဲ့ပေ။

"မင်း အိပ်မက်ဆိုးမက်‌နေတာမလား" ယွမ်ဝမ်ယဲ့ ဒေါသကိုထိန်းကာ လေးနက်စွာပြောသည်။

ကျန်းယွီရူက ဒီအကြောင်းကို သေချာမတွေးဘဲ “ဟုတ်တယ်” ဟုပြောလိုက်သည်။

ယခုအချိန်အထိ ကျန်းယွီရူ အနည်းငယ် ထိတ်လန့်နေသေးသည်။ ကံကောင်းစွာဖြင့် အိပ်မက်တစ်ခုမျှသာဖြစ်သည်။

"မင်း ဘာအိပ်မက်မက်ခဲ့တာလဲ"

ကျန်းယွီရူသည် ထိုစကားကိုကြားသောအခါ အနည်းငယ် အပြစ်ရှိလာ၍ မသိစိတ်က သူ့မျက်လုံးများကို ရှောင်လိုက်သည်။ “မက်ခဲ့ပေမယ့် ဘာမှမဟုတ်ပါဘူး။ သရဲတစ္ဆေတွေပဲ အိပ်မက်မက်ခဲ့တာပါ”

"သရဲလား? မင်း မဟုတ်တာတစ်ခုခု လုပ်ခဲ့‌သေးလို့လား” ယွမ်ဝမ်ယဲ့က ဒေါသကို ထိန်းကာ မေးလိုက်သည်။

"ဘယ်လိုလုပ်ဖြစ်နိုင်မှာလဲ" ကျန်းယွီရူ ထိုစကားကိုကြားပြီးနောက် မသိစိတ်က ငြင်းဆိုခဲ့သော်လည်း မြန်မြန်ဆန်ဆန် ငြင်းခြင်းဖြင့် သူမမှာ အပြစ်ရှိပုံပေါ်‌စေသည်။

"မင်း ငါ့ကို ဘယ်လောက်ကြာကြာ လျှို့ဝှက်ထားဖို့ ကြံစည်ထားလဲ။ ငါ့ကိုပြော မင်း ကျောက်ရှောင်ရှီကို ဘာလုပ်လိုက်တာလဲ" ယွမ်ဝမ်ယဲ့သည် သည်းမခံနိုင်တော့ဘဲ ဒေါသတကြီး မေးလိုက်သည်။

ထိုစကားကိုကြားသောအခါ ကျန်းယွီရူ အံ့အားသင့်သွားသည်။ ကျောက်ရှောင်ရှီကို သူမလုပ်ခဲ့တာကို သူဘယ်လိုသိတာလဲ။ အိပ်မက်မက်ရင်း ပြောပြခဲ့တာ ဖြစ်နိုင်လား။

"မင်း သူ့ကို သတ်ခဲ့တာမလား" ယွမ်ဝမ်ယဲ့သည် သူမအား ထောင်ချောက်ဆင်ရန် တမင်တကာ မေးခဲ့သည်။

“ကျွန်မမဟုတ်ဘူး။ သတ်ခဲ့တာ စုန့်ယန် ပါ” ကျန်းယွီရူက မသိစိတ်က‌နေ ပြန်ပြောမိသွားသည်။ ကျောက်ရှောင်ရှီ၏လူသတ်သမားအဖြစ် သူမအထင်မမှားခံချင်သော်လည်း ကျယ်လောင်စွာပြောပြီးသည်နှင့် ကျောက်ရှောင်ရှီ သေဆုံးမှုမှာ သူမနှင့် သက်ဆိုင်သည်ဟု ဝန်ခံလိုက်ခြင်းဖြစ်သည်။ ကျောက်ရှောင်ရှီကိုသတ်ခဲ့သော သူသည် စုန့်ယန် ဖြစ်တယ်ဆိုတာကို သူမသိနေတယ်ဆိုတာက ယွမ်ဝမ်ယဲ့ကို သူမနှင့် စုန့်ယန် တစ်ဖက်တည်းဟု ဆိုလိုလိုက်ခြင်းဖြစ်လေသည်။

ကံမကောင်းစွာပဲ သူမပြောပြီးသားစကားတွေကို ပြန်မရုတ်သိမ်းနိုင်ခဲ့ပါ။ ယွမ်ဝမ်ယဲ့၏ ဒေါသထွက်‌သွားသော မျက်နှာကို မြင်လိုက်ရသဖြင့် ကျန်းယွီရူက ချက်ချင်း ရှင်းပြသည်။ "ဟန်နီ ကျွန်မရှင်းပြပါရစေ။ ကျွန်မတကယ် ကျောက်ရှောင်ရှီကိုသတ်ခဲ့တာမဟုတ်ပါဘူး။ သူ့ကိုသတ်ခဲ့တာ စုန့်ယန် ပါ။"

"ကျောက်ရှောင်ရှီကိုသတ်တဲ့သူက စုန့်ယန်ဆိုတာကို မင်းသိတယ်ဆိုတာ ငါ့ကိုဘာလို့မပြောတာလဲ။ မင်းဘာလို့ သူ့ကို ကျန်းမိသားစုနဲ့ လက်ထပ်ခွင့်ပေးခဲ့တာလဲ။ မင်းမှာအပြစ်မရှိဘူးဆိုတာ ငါယုံမယ်ထင်‌နေလား။ မင်း သူ့ကို ဒီလိုလုပ်ဖို့ ပြောခဲ့တာမလား!" ဒါက သိသာလွန်းပြီး ယွမ်ဝမ်ယဲ့သည် ငတုံးမဟုတ်ပေ။

***