ပြင်းထန်သောတိုက်ပွဲ

မျက်တောင်တစ်ခတ်အတွင်း ကြောက်မက်ဖွယ်ကောင်းသော ပိုးကောင် ဒါဇင်ပေါင်းများစွာ နှစ်ပိုင်းပြတ်သွားပြီး ၎င်းတို့၏ ခန္ဓာကိုယ်များသည် အပိုင်းပိုင်းဖြတ်ခံရကာ မီးလောင်နေသော ရုပ်အလောင်းများမှ လျှပ်စစ်ထုတ်လွှတ်မှုကြောင့် မီးခိုးများ ထွက်နေဆဲဖြစ်သည်။

“ဘယ်ဘက်တောင်ပံ”

“ညာဘက်တောင်ပံ”

သူတို့၏ အလိုအလျောက် ခြေရာခံ အမြောက်များနှင့် စစ်မြေပြင် အသိပေးစနစ်များသည် ၎င်းတို့၏ အကွာအဝေးအတွင်းရှိ ခြိမ်းခြောက်မှုတိုင်းကို လော့ခ်ချထားသည်။

ရုတ်တရက်—

ဧရာမကင်းခြေများတစ်ကောင်သည် အစုအဝေးထဲမှ ပေါက်ကွဲထွက်လာပြီး အာမင်ဆီသို့ ခုန်အုပ်လိုက်သည်။

ထိုအချိန်တွင် ကြီးမားသောကြွက်သားများရှိသော လူငယ်တစ်ဦး ပြေးဝင်လာပြီး သူ၏ ကြီးမားသော လက်သီးများသည် ထူးဆန်းသော လက်အိတ်များဖြင့် ဖုံးအုပ်ထားသည်။

သူသည် လေထဲကို လက်သီးဖြင့်ထိုးလိုက်သည်၊၊ မမြင်ရသော အားလှိုင်းတစ်ခုသည် ကင်းခြေများကို ဆုတ်ဖြဲသွားပြီး ၎င်း၏ အခွံကို ချိုးဖျက်ကာ ၎င်း၏ အတွင်းကလီစာများကို ကြောက်မက်ဖွယ် ပေါက်ကွဲမှုတစ်ခုဖြင့် လွင့်ထွက်သွားစေသည်။

အပေါ်ဘက်တွင် ကောင်းကင်သည် မည်းမှောင်သွားသည်၊၊ အမည်းရောင် အတောင်ပံရှိသော ပိုးကောင်မာများသည် အသက်ရှူကျပ်စေသော မိုးတိမ်တစ်ခုအဖြစ် ဆင်းသက်လာသည်။

လော့ရန်၏ မျက်လုံးများ တောက်ပလာသည်၊ ပါးလျသည့် အပူအလင်းတန်းတစ်ခုသည် အစုအဝေးကို ဆုတ်ဖြဲသွားပြီး လေထဲတွင် ပေါက်ကွဲမှုများကို ဖြစ်ပေါ်စေသည်။

ဒုန်း ဒုန်း ဒုန်း

“ဟား—ဟား—”

မောဟိုက်နေသော သူသည် နောက်တိုက်ခိုက်မှုအတွက် ပြင်ဆင်လိုက်သည်။

အမည်းရောင်တောင်ပံရှိသော အခွံမာပိုးကောင်များသည် အဆုံးမရှိသကဲ့သို့ ဖြစ်နေသည်၊၊ သူတို့ မည်မျှပင် သတ်သည်ဖြစ်စေ ပို၍ ပို၍ ရောက်လာသည်။ ၎င်းတို့၏ ဖိနှိပ်မှုသည် တစ်ခဏတာသာ ကြာပြီး ဒီရေသည် ပြန်လည် မြင့်တက်လာသည်။ သူတို့၏ တိုက်ခိုက်ရေးသမား ဒါဇင်ပေါင်းများစွာသည် ပိုးကောင်အလုံးအရင်း၏ ကြီးမားသော ထုထည်ကို ဆန့်ကျင်ရန် နည်းပါးလွန်းနေပုံရသည်။

“ဆက်ပစ်ထားကြ”

မီးနတ်ဘုရားကို မောင်းနှင်နေသော လို့ရှားရှားသည် ရှေ့သို့ တိုးကာ အာမင်နှင့် လိုလိုကို လွှမ်းခြုံလာသော ပိုးကောင်လှိုင်းကို ဆန့်ကျင်ရန် အတူတကွ တိုက်ပွဲဝင်နေသည်။

ဝီး ဝီး ဘန်း ဒက် ဒက်

မီးနတ်ဘုရား စက်ရုပ်ကြီး၏ အမြောက်များသည် စစ်မြေပြင်တစ်လျှောက် စည်းချက်ညီစွာ ဖြတ်သန်းသွားပြီး အစုအဝေး၏ အပိုင်းတစ်ခုလုံးကို ချက်ချင်း မီးလောင်ကျွမ်းစေသည်။

“သူတို့ အရမ်းများလွန်းတယ်”

လို့ရှားရှားသည် ထိန်းချုပ်ခန်းမှ အော်ဟစ်လိုက်ပြီး သူမ၏ အသံတွင် စိတ်ပျက်အားငယ်မှု ထင်ရှားနေသည်။

“ဟေး မီးတောက်ကောင်....ရှင် ဒီကို မထွက်လာရင် ရှင့် လက်ဖက်ရည်အိုးကို ငါ ပစ်ချလိုက်မှာနော်”

ဝုန်း

လို့ရှားရှားနှင့် နေမင်းယဉ်တန်း၏ ကာကွယ်ရေးများသည် သူတို့၏ အဆုံးသတ် ရောက်ရှိနေသည်ဟု ခံစားရချိန်တွင် မီးတောက်ကြီးတစ်ခု ကောင်းကင်သို့ ပေါက်ကွဲထွက်လာပြီး စစ်မြေပြင်ကို လင်းထိန်စေသည်။

“အကြီးမြတ်ဆုံးသူ ရောက်လာပြီကွ”

တောက်လောင်နေသော အနီရောင်မီးလျှံတစ်ခုသည် အနန္တရထားမှ ပစ်လွှတ်လာပြီး အာမင်နှင့် လိုလိုကို ဖြတ်ကျော်ကာ ဥက္ကာခဲ ကျရောက်သကဲ့သို့ ပိုးကောင်အုပ်စု၏ အထူထပ်ဆုံး အပိုင်းထဲသို့ တိုက်ရိုက်ပေါက်ကွဲသွားသည်။ ပေါက်ကွဲမှုသည် မီးလှိုင်းများကို အပြင်သို့ ပျံ့နှံ့စေပြီး မီတာရာနှင့်ချီသော အကွာအဝေးအတွင်းရှိ ပိုးကောင်တိုင်းကို ပြာကျသွားစေသည်။

လုရှင်းချန်သည် မီးတောက်ငရဲ၏ ဗဟိုတွင် မတ်မတ်ရပ်လျက် အမျိုးသမီးနှစ်ဦးဘက်သို့ အထင်ကြီးဖွယ် ကိုယ်ဟန်နှင့် ကျောပေးထားပြီး သူ၏ အသံသည် စစ်မြေပြင်တစ်လျှောက် ပဲ့တင်ထပ်သွားသည်၊၊

“ဒီကမ္ဘာရဲ့ ညစ်ညမ်းမှုနဲ့ ဖောက်ပြန်မှုတွေကို သန့်စင်ရမယ်....ဒီညမှာ ငါဟာ ကောင်းကင်ဘုံရဲ့ အမိန့်တော်နဲ့ ဒီရွံရှာဖွယ်ရာတွေကို သုတ်သင်ရှင်းလင်းမယ်”

အုန်း အုန်း

လို့ရှားရှားသည် အမြောက်နှစ်ချက် ထပ်မံပစ်လိုက်ပြီးမှ ရပ်တန့်ကာ စိတ်တိုစွာ မျက်လုံးလှန်ကြည့်လိုက်သည်။

“ဒီကောင်စုတ်... သူက လှပတဲ့ မိန်းမတွေ ရှေ့မှာ ဝါကြွားရတာကို အတော်သဘောကျတာပဲ”

တစ်ချိန်တည်းမှာပင် လော့ရန်၊ လီကွမ်းဝမ်နှင့် နေမင်းယဉ်တန်းမှ အခြားစွမ်းအားရှင်များ အံ့အားသင့်နေကြသည်။ လျောင်မင်ဆီက အနန္တယာဉ်တန်းမှာ ကြောက်မက်ဖွယ် လက်နက်အင်အား ရှိတယ်လို့ ကြားခဲ့ရပေမယ့် ဒီလောက် ရူးသွပ်လိမ့်မယ်လို့ ဘယ်တုန်းကမှ မတွေးခဲ့မိကြပေ၊၊ အဆင့်မြင့်မီးစွမ်းအားရှင်တစ်ဦးက မီးလျှံများကြားမှာ စစ်နတ်ဘုရားတစ်ဦးပမာ ရပ်တည်နေခြင်းပင်။

“လျောင်က သူတို့မှာ အင်အားကြီးလက်နက်တွေ ရှိတယ်လို့ ပြောခဲ့တာ ဒါကို ဆိုလိုတာလား” လော့ရန်သည် မယုံနိုင်အောင် ဖြစ်နေပြီး သူ၏ မျက်လုံးများ စိတ်လှုပ်ရှားမှုနှင့် လေးစားမှုများ ပြည့်နှက်နေသည်။ သူသည် ချက်ချင်းပင် အသစ်တွေ့ရှိသော ခိုင်မာသော ဆုံးဖြတ်ချက်ဖြင့် အော်ပြောလိုက်သည်-

“အားလုံးပဲ အားမလျော့ပဲ ဆက်တိုက်ကြ....ငါတို့ အကာကွယ်လိုင်းကို ထိန်းထားနိုင်တယ်”

ခုခံရေးတပ်ဖွဲ့တစ်ခုလုံး၏ စိတ်ဓာတ်သည် မြင့်တက်လာပြီး ၎င်းတို့၏ တိုက်ခိုက်လိုစိတ်သည် တောမီးပမာ တောက်လောင်လာသည်။ ၎င်းတို့သည် ပိုးကောင်အစုအဝေးကို ပြင်းပြင်းထန်ထန် ပြန်လည် တွန်းလှန်တိုက်ခိုက်ကြသည်။

ညာဘက်တောင်ပံ - မဟာလင်းယုန်ယာဉ်တန်း

အများဆုံး အရေအတွက်နှင့် အပြင်းထန်ဆုံး လက်နက်အင်အားဖြင့် လင်းယုန်ယာဉ်တန်းကြီးသည် ဖျက်ဆီးခြင်းမုန်တိုင်းတစ်ခုကို ထုတ်လွှတ်လိုက်သည်၊၊ စက်သေနတ်ကြီးများ၊ ဒုံးကျည်ပစ်လောင်ချာများ၊ ဗုံးပစ်လောင်ချာများ၊ မီးပစ်စက်များနှင့် ဒုံးကျည်ငယ်များသည် အဆုံးမရှိသော ပိုးကောင်အုပ်စုထဲကို အဆက်မပြတ် ပစ်ခတ်နေသည်၊၊

၎င်းတို့အနက်မှ တာလို့သည် ကျည်အိမ်တစ်ခုကို ရှင်းထုတ်ပြီးနောက် ကျည်ပြန်ဖြည့်ရန်ပင် စိတ်မဝင်စားတော့ပဲ သူ၏ သံမဏိဓားကြီးကို ထုတ်ယူကာ ပိုးကောင်အုပ်ထဲ တည့်တိုး ဝင်ရောက်သွားသည်။

ပြီးခဲ့သည့် သုတေသနစက်ရုံတိုက်ပွဲကတည်းက သူ၏ စွမ်းရည်သည် ဒဏ်ရာများနှင့်အတူ ပိုမို အားကောင်းလာသည်ကို သူ သိရှိခဲ့သည်၊၊ သူ တိုက်ခိုက်လေလေ သူ၏ စွမ်းအားနှင့် ပြန်လည်ကောင်းမွန်မှုသည် ကျီးကန်းနက်လေးကောင်ထဲမှ ကျောက်လုံကဲ့သို့ပင်၊၊ ဤအသိက သူ့အား တိုက်ခိုက်ချင်စိတ်ကို နိုးကြားစေပြီး ယခုအခါ သူသည် အနီးကပ်တိုက်ပွဲကို တက်ကြွစွာ ဆင်နွှဲနေသည်၊၊

မဟာလင်းယုန်ယာဉ်တန်းမှ စစ်သားများသည် တာလို့က ဓားတစ်လက်တည်းဖြင့် ပိုးကောင်ဒီရေထဲသို့ ဝင်ရောက်သွားသည်ကို ကြည့်ကာ အံ့အားသင့်နေကြသည်။

“သူ... သူက စွမ်းအားရှင်လား”

ဝုန်း ရွပ် ရွပ်

တံစဉ်ကဲ့သို့သော လက်မောင်းများ ရှိသည့် သန္ဓေပြောင်း စွမ်းအားရှင် လျောင်မင်သည် သတိပေးလိုက်သည်။ “အစ်ကို သတိထား...ဒီကောင်တွေက လက်နီးကပ်လက်နက်တွေနဲ့ သတ်ရတာ ခက်တယ်”

တာလို့သည် ငြိမ်သက်နေပြီး သူ၏ မျက်နှာထားမှာ အေးစက်နေသည်။ သူ ဝင်ရောက်သွားသည်နှင့် အမည်းရောင် အတောင်ပံနှင့် အခွံမာ ပိုးကောင်များစွာသည် သူ့အပေါ်သို့ ချက်ချင်း ကပ်တွယ်လာပြီး ၎င်းတို့၏ လက်သည်းများနှင့် ပါးစပ်များက သူ၏ အသားကို ဆုတ်ဖြဲနေကြသည်။

လျောင်မင် ချက်ချင်း ကူညီရန် လှုပ်ရှားလိုက်သည်—

ဘန်း ဘန်း

သို့သော် သူ လုပ်ဆောင်နိုင်ခြင်း မရှိမီ အရိပ်တစ်ခု သူ့ဘေးမှ ဝေဝါးစွာ ဖြတ်သွားသည်—

ပြုပြင်အားဖြည့်ထားသော Remington M96 တစ်လက်၏ အသံထွက်ပေါ်လာသည်၊၊ တာလို့ကို တိုက်ခိုက်နေသော ပိုးမွှားများကို သန့်စင်သော မီးတောက်ပေါက်ကွဲမှုဖြင့် ဖျက်ဆီးပစ်လိုက်သည်။

လင်းရှန် ပြုလုပ်ပေးထားသော သေနတ်နှစ်လက်ကို ကိုင်ဆောင်ထားသော ရှုချင်းသည် တိကျသေချာစွာ နှစ်ဖက်စလုံးဖြင့် ပစ်ခတ်နေသည်။ စက္ကန့်ပိုင်းအတွင်း သူမသည် ဝင်လာသော ပိုးမွှားအုပ်စုကို နောက်သို့ ပစ်ခတ်ဖယ်ရှားလိုက်ပြီး တားလို ပတ်ပတ်လည် ဧရိယာကို ရှင်းလင်းပေးလိုက်သည်။

တစ်ချိန်တည်းမှာပင် တာလို့၏ ခန္ဓာကိုယ်တစ်ခုလုံး သွေးရောင် စွမ်းအင်များ ထုတ်လွှတ်နေသည်၊၊ သူ၏ အော်ရာသည် ထိုးတက်လာသည်။ သူသည် သံမဏိဓားကြီးကို မြှောက်ကာ ပြင်းထန်စွာ နင်းခြေရင်း ရှေ့သို့ တက်လှမ်းလိုက်သည်။

ဘုန်းး

သူ၏ ကြွက်သားများ တင်းမာသွားသည်၊ အသံနိမ့်ဖြင့် ဟိန်းဟောက်ရင်း သူ၏ ဓားကို အစွမ်းကုန် လွှဲရမ်းလိုက်သည်၊၊

ဟူးးးး

ဓားခုတ်ချက်သည် မယုံနိုင်လောက်အောင် အားပါပြီး ဓားသွားသည် နီရဲလာသည်အထိ လေထုကို ပူနွေးသွားစေသည်။ ဓားကို ဖုံးအုပ်ထားသော သွေးရောင်စွမ်းအင်သည် အပြင်ဘက်သို့ ပေါက်ကွဲထွက်လာပြီး ကြီးမားသော ဓားစကြာတစ်ခုလို အားလှိုင်းတစ်ခုကို ထုတ်လွှတ်လိုက်သည်၊၊

ခရက် ခရက်

ပိုးတောင်မာလှိုင်းလုံးတစ်ခု ကြေမွသွားကာ ရှေ့ရှိ မီတာအနည်းငယ်အတွင်းရှိ သတ္တဝါတိုင်း တစ်ခဏချင်း ပေါက်ကွဲထွက်သွားသည်။ ပေါက်ကွဲမှု အားကြောင့် ပိုးကောင်အလောင်းများနှင့် အစိတ်အပိုင်းများ နေရာအနှံ့သို့ လွင့်စင်သွားသည်။

“အိုး မိုင် ဂေါ့”

လျောင်မင်၏ မျက်လုံးများ အံ့အားသင့်စွာ ပြူးကျယ်သွားသည်။ သူ ကူညီရန် ရည်ရွယ်ခဲ့သော်လည်း နောက်ဆုံး စက္ကန့်တွင် သူ၏ တံစဉ်လက်မောင်းများကို အလိုအလျောက် ရုပ်သိမ်းလိုက်သည်၊၊ ထိုဖျက်ဆီးပစ်သည့် ဓားလှိုင်းတွင် မိသွားမည်ကို ကြောက်ရွံ့၍ ဖြစ်သည်။

ယားးး

သူ၏ တိုက်ပွဲဝင်ဗီဇများကြောင့် အားကောင်းလာသော တာလို့သည် မောင်းသူမဲ့ ယာဉ်များ၏ ရှေ့တွင် တစ်ယောက်တည်း ရပ်ကာ ပိုးကောင် ဒီရေကို ဆန့်ကျင်တိုက်ခိုက်နေသည်။

“ငါ မင်းနဲ့အတူ တိုက်မယ်”

သွေးများ ဆူပွက်လာသော လျောင်မင်သည် သူ၏ ထိပ်တန်းစစ်သားများကို စစ်ပွဲထဲသို့ ဦးဆောင်၍ ဝင်ရောက်လိုက်သည်။