ဇာတ်သိမ်းပိုင်း (၃)

ဟယ့်ယွီ၊ လီချူရှင်း၊ ယွမ်သုန်ကျီ၊ လျို့ချွမ်ဝူ၊ စုန်ယွီယန်၊ ချီချင်းမော့၊ မာရှိဝေ၊ လီမော့ယွီ၊ လော့ရုန်ကျန်းနှင့် လော့ချန်းရွှယ်တို့ဖြစ်သည်။

ငယ်စဉ်က ကစားဖော်ဖြစ်ခဲ့သော လော့ချန်းရွှယ်နှင့်ပတ်သက်၍ လင်းဇီချန်နှင့် ရှန်ချင်းဟန်တို့သည် သူမနှင့် အလွန်ရင်းနှီးသည်ဟု မခံစားရပေ။ လော့ချန်းရွှယ်သည် ယွမ်သုန်ကျီ၏ တပည့်တစ်ဦးဖြစ်သောကြောင့် သူမကို ဖိတ်ကြားရန် လိုအပ်သည်။ ထို့ကြောင့် လင်းဇီချန်နှင့် ရှန်ချင်းဟန်တို့၏ သာယာလှပသော မင်္ဂလာပွဲသို့ လူသုံးဆယ်ကျော်သာ တက်ရောက်ခဲ့ကာ အိမ်တွင် စားပွဲကြီးလေးလုံးသာ လိုအပ်ခဲ့သည်။

ထို့ကြောင့် ၎င်းတို့၏ မင်္ဂလာပွဲကို အိမ်၌သာ ရိုးရိုးရှင်းရှင်းကျင်းပခဲ့သည်။

အစားအသောက်များကလည်း အိမ်လုပ်များဖြစ်ကာ အဖျော်ယမကာနှင့် အရက်ကိုလည်း အိမ်လုပ်ဖြစ်ခဲ့သည်။ ၎င်းတို့ ဝယ်ရသည်ကိုသာ ရှောင်နိုင်ပါက ရှောင်ကြလိမ့်မည်ဖြစ်ကာ လုပ်နိုင်သောအရာမှန်သမျှကို ကိုယ်တိုင်လုပ်ခဲ့သည်။ ၎င်းတို့သည်

အထူးအခမ်းအနား ခံစားချက်ကို ဖန်တီးရန်သာ အာရုံစိုက်ခဲ့ကြသည်။

“ချင်းဟန်နဲ့ ရှောင်ချန်တို့နှစ်ယောက်လုံး ဘာလို့ ပုံမှန်အဝတ်တွေဝတ်ထားတာလဲ။ မင်္ဂလာအဝတ်လည်းမဝတ်ကြဘူး”

လီချူးရှင်းက ခပ်တိုးတိုး ပ‌ဟေဠိဖြစ်စွာမေးလိုက်သည်။ ရှန်ချင်းဟန်က ခပ်တိုးတိုးရယ်လိုက်သည်။

“ဇီချန်နဲ့ ငါက လူစုလူဝေးမှာ အာရုံစိုက်ခံရတာ မကြိုက်ဘူး၊ ဒါကြောင့် ဒီနေ့ မင်္ဂလာဝတ်စုံ မဝတ်ဖို့ ဆုံးဖြတ်ခဲ့တာ။"

"အာ..." လီချူးရှင်က နားမလည်သေးဘဲဆက်ပြောသည်။

"ဒီနေ့ မင်္ဂလာဆောင်ဝတ်စုံမဝတ်ရတာ နှမျောစရာပဲ။ ဘဝရဲ့ အမှတ်တရအချိန်လေး လွဲချော်သွားပြီ”

ရှန်ချင်းဟန်က ပေါ့ပေါ့ပါးပါး ပြန်ပြောသည်။

"ငါကတော့ အဆင်ပြေတယ်လို့ထင်တယ်။ ဇီချန်နဲ့ ငါ ဟိုတလောက မင်္ဂလာဆောင်ဓာတ်ပုံရိုက်ဖို့ ရွမ်ဂရီကျွန်းကို သွားခဲ့တယ်။ အမှတ်တရအဖြစ် ဓာတ်ပုံရိုက်ဖို့ လုံလောက်ပါတယ်။"

"အင်း.. အဓိပ္ပာယ်ရှိတယ်။"လင်းဇီချန်က ခေါင်းညိတ်လိုက်သည်။

အနီးနားတွင် လင်းဇီချန်နှင့် ချီချင်းမော့တို့သည် လက်ဖက်ရည်ခုံတစ်လုံးတွင် မျက်နှာချင်းဆိုင်ထိုင်ကာ တိတ်တဆိတ် စကားစမြည်ပြောနေကြသည်။

"နန်းဆောင်သခင် ခင်ဗျား မူလမြေကို စူးစမ်းနေတာ နှစ်နှစ်ကျော်ပြီ။ စိတ်ဝင်စားစရာကောင်းတာလေးများ တွေ့မိသေးလား” လင်းဇီချန်းက စူးစမ်းကာမေးသည်။

လွန်ခဲ့သည့် နှစ်နှစ်ခွဲတွင် သူမသည် မူလမြေကို မကြာခဏ စူးစမ်းလေ့လာခဲ့သော်လည်း အကျိုးမရှိခဲ့ပေ။ အထူးအဖိုးတန်သောအရာကို သူမတွေ့ခဲ့ပေ။ ချီချင်းမော့က မတူညီသောအရာတစ်ခုခုကို ရှာတွေ့နိုင်မည်လောကို သူသိချင်မိသည်။

ချီချင်းမော့က ရိုးရှင်းစွာပြောသည်။

"ဆင့်ကဲဖြစ်စဉ်အမျိုးမျိုးကို စည်းချိပ်ပိတ်ထားတဲ့ ရှေးဟောင်းအပျက်အစီးများစွာကို ငါတွေ့ခဲ့တယ်၊ ဒါပေမယ့် ကံမကောင်းစွာပဲ၊ ဖန်ဆင်းရှင်အဆင့်ဆင့်ကဲဖြစ်စဉ်လမ်းစဉ်တွေမရှိဘူး၊ ရှေးဘိုးဘေးအဆင့်အထိပဲရှိတယ်"

လင်းဇီချန်သည် ဤအဖြေကြောင့် မအံ့သြပေ။ ဖန်ဆင်းရှင်အဆင့် လမ်းကြောင်းများကို ဤမျှ လွယ်ကူစွာ ရှာတွေ့ခဲ့ပါက၊ ရေနတ်ဘုရားသည် ဒြပ်စင်ငါးခု ပေါင်းစည်းခြင်းအတွက် ရေမတွက်နိုင်သောအစီအစဥ်များ စီစဥ်ရန် မလိုအပ်ပေ။

ထိုအချိန်တွင် ချီချင်းမော့က ပြောလိုက်သည်။

"ဖန်ဆင်းရှင်အဆင့် ဆင့်ကဲဖြစ်စဉ်လမ်းကြောင်းအသစ်ကို ရှာတွေ့ဖို့ဆို လျှို့ဝှက်ဆန်းကြယ်ပြီး အမည်မသိတဲ့ တွင်းနက်ကြီးကို ရှာရမယ်လို့ ငါထင်တယ်။ ချောက်ထဲမှာ မထင်မှတ်နိုင်တဲ့ စွမ်းအင်တွေ ပါဝင်နေလို့ ဒီစွမ်းအင်ကို ကိုယ်တိုင်အသုံးချနိုင်ရင် ဒဏ္ဍာရီဆန်ဆန် အဆင့်ကို ရောက်သွားနိုင်လိမ့်မယ်"

လင်းဇီချန်က ယင်းကို သဘောတူလိုက်သည်။ သူသည် ကမ္ဘာမြေနှင့် မူလမြေကို အသေအချာ စူးစမ်းလေ့လာခဲ့သည်။ သို့သော် အဖိုးတန်သော ရှာဖွေမှုမျိုးမရနိုင်ခဲ့ပေ။ ယခု မစူးစမ်းရသေးသည့် တစ်ခုတည်းသော နယ်မြေမှာ အမည်မသိ နယ်မြေဖြစ်သည်။ ပို၍ အတိအကျပြောရလျှင် ၎င်းကို မစူးစမ်းရသေးသော်လည်း နက်နဲစွာ စူးစမ်းရှာဖွေခြင်းသည် စိန်ခေါ်မှုဖြစ်၍ မစတင်ရသေးပေ။

ချောက်နက်ထဲရှိ ဗလာနယ်မြေသည် သက်ရှိသတ္တဝါများ၏ အသက်စွမ်းအင်ကို ဝါးမြိုသွားလေ့ရှိသဖြင့် စူးစမ်းရှာဖွေရန် အခက် အခဲကို သိသိသာသာ တိုးလာစေသည်။ လူတစ်ယောက်၏ သွေးမျိုးဆက်စွမ်းအားအဆင့်က ဖန်ဆင်းရှင်အဆင့်အထိ မြင့်မားလာကာ လင်းဇီချန်ကဲ့သို့သော တွင်းနက်စွမ်းအင်အချို့ကို ပိုင်ဆိုင်ထားသော်လည်း၊ ချောက်ထဲသို့ ဝင်ရောက်ခြင်းသည် သူ၏အာရုံများကို အနည်းငယ် ကန့်သတ်ထားဆဲဖြစ်သည်။

...

ပျော်ရွှင်ဖွယ်အချိန်များက အမြဲတစေ လျင်မြန်စွာကုန်ဆုံးသွားသည်။ မျက်စိတစ်မှိတ်အတွင်း၌ပင်

မင်္ဂလာပွဲကျင်းပသောနေ့ ကုန်ဆုံးသွားသည်။ ထိုညတွင် ရေချိုးပြီးနောက် လင်းဇီချန်နှင့် ရှန်ချင်းဟန်တို့သည် ၎င်းတို့၏ နှောင်ကြိုးကို နက်ရှိုင်းစေရန် အခန်းထဲတွင် အိပ်ခဲ့ကြသည်။

ပြီးနောက် ရှန်ချင်းဟန်က သူ့ဘေးတွင်လှဲကာလင်းဇီချန်ကိုမေးလိုက်သည်။

"ယောက်ျားလေး အရင်မွေးတာ ပိုကောင်းတယ်လို့ မိန်းကလေးအရင်မွေးတာ ပိုကောင်းတယ်ထင်လား “

“ဘာဖြစ်ဖြစ်အဆင်ပြေမယ်ထင်တယ်”

"နင် ဘယ်လိုထင်လဲ၊ မြန်မြန်ကလေးမွေးရင် ပိုကောင်းမလား"

"နှေးနှေးမြန်မြန် အဆင်ပြေပါတယ်၊ ကံကြမ္မာက ဆုံးဖြတ်ပါစေ”

"ဒါက ရှောင်လွှဲလို့မရတဲ့ အဖြေပဲ၊ ရှောင်လို့မရဘူး၊ တစ်ခုပဲ ရွေးရမယ်။"

ရှန်ချင်းဟန်သည် သူမ၏ မကျေနပ်မှုကို ဖော်ပြပြီး ပန်းရောင်တောက်နေသော နှုတ်ခမ်းကို အနည်းငယ် စူလိုက်သည်။

ဤသည်ကိုမြင်သောအခါ လင်းဇီချန်က ရွေးချယ်စရာမရှိသဖြင့် ရွေးလိုက်ရ၏။

“အင်း… ကိုတွေးပြီးပြီ။ မြန်မြန်ကလေးမွေးတာ ပိုကောင်းတယ်လို့ ခံစားရတယ်။ ယင်းယင်းက ငယ်သေးပေမယ့် ကလေးမြန်မြန်ရရင် ဝမ်းကွဲမောင်နှမတွေနဲ့ အရွယ်နဲ့မကွာတော့ ကလေးဘဝကတည်းက အတူတူဆော့ကစားလို့ရတယ်။"

"ငါလည်း ဒီလိုပဲ တွေးနေတာ" ရှန်ချင်းဟန်က တောက်ပနေသော မျက်လုံးများဖြင့် ပြောလိုက်သည်။

"ကိုယ်ဝန်ရဖို့အတွက် ငါတို့ ပိုတက်ကြွဖို့ လိုတယ်"

ဤသို့ပြော၍ သူမဘက်လှည့်ကာ လင်းဇီချန်ပေါ်ထိုင်၍ ယခုတင်ပြီးသွားသောအရာများကို ပြန်စရန် အဆင်သင့်ဖြစ်နေပြီဖြစ်သည်။

လင်းဇီချန်လည်း နောက်တစ်ကြိမ် ထပ်လုပ်ချင်မိသည်။ ခန္ဓာကိုယ်သန့်စင်မှုကို ကျင့်ကြံထားသဖြင့်

အကြိမ်ပေါင်း မည်မျှပင်ဖြစ်စေကာမူ မောပန်းနေမည်မဟုတ်ပေ။

...

နေ့ရက်များစွာကုန်ဆုံးသွားသည်။

နှစ်လခွဲခန့်အကြာတွင်

ရှန်ချင်းဟန်သည် ဆုတောင်းပြည့်၍ ကိုယ်ဝန်ရှိလာကာ သူမ၏သားအိမ်ထဲတွင် စတင်ဖွဲ့စည်းခဲ့သည့် ဘဝသစ်ကို ရွှင်လန်းမှုအပြည့်ဖြင့် ကြိုဆိုရန် စောင့်ဆိုင်းနေမိသည်။

မိဘနှစ်ပါးစလုံးသည် သတင်းကောင်းကိုသိရှိ၍ မပြုံးမနေနိုင်တော့ဘဲ

ငယ်ရွယ်သောမောင်နှံစုံ၏ထိရောက်မှုအတွက် ချီးမွမ်းကြသည်။ ၎င်းတို့ကြိုးစားပြီးသည်နှင့် ကိုယ်ဝန်ရလာသည်။ ၎င်းတို့၏ မိဘများ၏ ချီးကျူးမှုကိုရင်ဆိုင်၍ လင်းဇီချန်က ပြုံးကာ စကားတစ်ခွန်းမျှ မပြောခဲ့ပေ။

ဖန်ဆင်းရှင်အဆင့်တွင်ရှိသော လင်းဇီချန်အတွက် ရှန်ချင်းဟန်ကိုယ်ဝန်ရရန်မှာ ခက်ခဲသည်မဟုတ်ပေ။

ဆန္ဒရှိပါက ရှန်ချင်းဟန်ကို အချိန်မရွေး ကိုယ်ဝန်ရစေနိုင်သည်။ ထို့အပြင်၊ လုပ်ငန်းစဉ်အတွင်း အားထုတ်မှုမလိုအပ်ပေ။ တွေးရုံဖြင့်လုံလောက်သည်။

သူ၏ ဝိညာဉ်စွမ်းအားသည် သူမ၏ဝမ်းတွင်း၌ အသက်မွေးခြင်းကို ကိုယ်တိုင်ထိန်းချုပ်နိုင်သည်။

သို့သော် ကိုယ်ဝန်ကို အတုအယောင်ဝင်ရောက်စွက်ဖက်ခြင်းနှင့် နှိုင်းစာလျှင် သူသည် သဘာဝအတိုင်း သန္ဓေတည်ခြင်းကို နှစ်သက်သောကြောင့် သဘာဝက အနှောင့်အယှက်မရှိဘဲ ၎င်း၏လမ်းစဉ်ကို ခံယူရန် ရွေးချယ်ခဲ့သည်။

...

လအကြာတွင် လင်းဇီချန်သည် ကမ္ဘာမြေမှ ထွက်ခွာကာ ကမ္ဘာမြေနှင့် မူလမြေပြင်ကြားတွင်ရှိသော ချောက်ထဲသို့ ဝင်ရောက်ခဲ့သည်။ သုံးနှစ်နီးပါးအတွင်း သူသည် ဆင့်ကဲဖြစ်စဉ်အသစ်များကို ရှာဖွေရန် တွင်းနက်ထဲသို့ အကြိမ်များစွာ ဝင်ရောက်ခဲ့သည်။

ယခင်က စူးစမ်းလေ့လာရန် လာသောအခါတွင် သူနှင့်အတူ မည်သည်ကိုမျှ မယူဆောင်လာခဲ့ပေ။ သို့သော် ဤတစ်ကြိမ်တွင် သူ့လက်ထဲတွင် မတူညီသော အရောင်ငါရောင်ရှိသည့် စွမ်းအင်များကို ကိုင်ထားသည်။

ရွှေဇစ်မြစ်၏ အလင်း

သစ်သားဇစ်မြစ်၏ အလင်း

ရေဇစ်မြစ်၏ အလင်း

မီးဇစ်မြစ်၏ အလင်း

မြေကြီးဇစ်မြစ်၏ အလင်း

ယင်းတို့သည် ဒြပ်စင်ငါးခု၏ မူလအစတစ်ခုလုံးကို ကိုယ်စားပြုခြင်းမဟုတ်၊ အပိုင်းတစ်ပိုင်းမျှသာဖြစ်သည်။ လွန်ခဲ့သည့် သုံးနှစ်နီးပါးတွင် လင်းဇီချန်သည် စဉ်ဆက်မပြတ် သုတေသနပြုလေ့လာခြင်းဖြင့် ဒြပ်စင်ငါးခု၏ ဇစ်မြစ်များကို အောင်မြင်စွာ ထိန်းချုပ်နိုင်ခဲ့သည်။

ဒြပ်စင်ငါးခု ရင်းမြစ်များ၏ ဤအပိုင်းအစများကို သူ၏ ထိန်းချုပ်မှုမှာ ရေနတ်ဘုရားကဲ့သို့ ဒြပ်စင်ငါးခု ‌ပေါင်းစည်းခြင်းကို ရရှိရန်မဟုတ်ဘဲ ချောက်နက်ကြီး၏ လစ်ဟာနေသောမြေကို ပြောင်းလဲရန်ဖြစ်သည်။

ဒြပ်စင်ငါးခုမူလအစသည် ကမ္ဘာကြီးကိုဖွဲ့စည်းသည့် အခြေခံဒြပ်စင်များဖြစ်၍ လစ်ဟာနေသော နယ်မြေသည် ကမ္ဘာကြီးကိုဖွဲ့စည်းသည့်မူဘောင်ဖြစ်သည်။

ဒြပ်ငါးပါး၏မူလအစမှ တစ်စိတ်တစ်ပိုင်းကို ချောက်နက်၏ လစ်ဟာနေသော မြေသို့

ယူဆောင်လာပါက ၎င်းတို့သည် အသက်ကို ပြုစုပျိုးထောင်နိုင်မည်ဖြစ်သည်။

အကယ်၍ အသက်တစ်ခုက အမှန်တကယ် မွေးဖွားလာနိုင်ပါက၊ လစ်ဟာ ပျက်ပြယ်နေသော ချောက်နက်ကြီးသည် ကမ္ဘာမြေနှင့် မူလမြေကဲ့သို့ပင် တက်ကြွမှုအပြည့်ရှိသော ကမ္ဘာအဖြစ်သို့ သဘာဝအတိုင်း ဆင့်ကဲပြောင်းလဲသွားပေမည်ဖြစ်သည်။

"ဒြပ်စင်ငါးခုရဲ့ ဇစ်မြစ်တွေကို ပေါင်းစပ်ပြီးတော့ ဒီ အသက်ကင်းမဲ့ဇုန်ကို ပြောင်းလဲသွားစေမယ်လို့ မျှော်လင့်မိတယ်”

လင်းဇီချန်က ညည်းညူလိုက်သည်။

ထို့နောက် အတွေးတစ်ခုဖြင့် သူသည် ချောက်နက်၏ ထောင့်တိုင်းသို့ ဒြပ်ငါးပါးကို ဖြန့်ခွဲကာ ဤဇစ်မြစ်များကို ဤဘဝတားမြစ်ဇုန်တွင် အလိုအလျောက် ဆင့်ကဲပြောင်းလဲနိုင်စေခဲ့သည်။

ဤအလုပ်များအားလုံးကို မြန်မြန်ပြီးမြောက်ပြီးနောက်တွင် သူသည် ချောက်နက်ထဲတွင် ကြာကြာမနေတော့ဘဲ ကမ္ဘာမြေသို့ ပြန်လာခဲ့သည်။

ဖြစ်နိုင်လျှင် သူသည် လာမည့်ကာလတွင် ဒြပ်စင်ငါးခုပိုင်ဆိုင်ထားသော ချောက်နက်တွင် မည်သို့သော အပြောင်းအလဲများ ဖြစ်ပျက်လာမည်ကို အမှန်တကယ်ပင် ဆက်လက်ကြည့်ရှုလိုသည်။ သို့သော် ကံမကောင်းစွာဖြင့် ယခု သူ့တွင် ပိုအရေးကြီးသော ကိစ္စများရှိနေသည်။

ယခုပင် ရှန်ချင်းဟန်ကို ချောက်နက်၏ ကန့်သတ်ချက်များကို ကျော်ဖြတ်၍ အာရုံခံကြည့်လိုက်သောအခါ ကိုယ်ဝန် ကိုးလကျော်ရှိနေပြီဖြစ်သော ရှန်ချင်းဟန်သည် မွေးတော့မည့် အတားအဆီးကို ဖြတ်ကျော်သွားသည်ကို သိလိုက်ရသည်။

သာယာလှပ ေသာ မိသားစုဘဝဆီသို့သာ ရည်ရွယ်လိုက်၏။

***

ပြီးပါပြီ။ ဇာတ်လမ်းအဆုံးထိ အတူတကွ ရှိခဲ့ကြသော ပရိတ်သတ်အားလုံးကို ေကျးဇူးအထူးတင်ရှိပါတယ်။ ေနာင်လာမဲ့ ဇာတ်လမ်းေကာင်းေလးများမှာလည်း ချစ်ရသော စာဖတ်သူများနှင့် အတူဆုံေတွ့ဖို့ ေမျှာ်လင့်မိပါတယ်။