အခန်း (၄၈)

​ထိုအချိန်တွင် အခြားနိုင်ငံများသည်လည်း အလားတူ အခြေအနေတွေ ကြုံနေရသည်။

​ သူတို့သည် လင်းပိုင်ဖန်၏ ဘိလပ်မြေ ပြုလုပ်နည်းကို လေ့လာပြီးနောက် ၎င်းကို အသုံးပြု၍ အမြတ်အစွန်းရရန် အိမ်များကို ဆောက်လုပ်လိုကြသော်လည်း မကြာမီပင် ဘိလပ်မြေ ပြုလုပ်ဖို့အတွက် ကုန်ကြမ်းပစ္စည်းများသည် မြို့နှင့် ဝေးလံသော နေရာအနှံ့အပြားတွင် ပြန့်ကျဲနေသည်ကို သဘောပေါက်သွားခဲ့ကြသည်။

​ ၎င်းတို့ကို သယ်ယူပို့ဆောင်ရန် မလွဲမသွေ များပြားလှတဲ့ လူအင်အားနှင့် အရင်းအမြစ်များစွာကို လိုအပ်မည်ဖြစ်သည်။

​ သယ်ယူပို့ဆောင်ပြီးနောက် မီးဖိုများစွာကို လောင်စာဖြည့်ရန်အတွက် ထင်းများစွာ လိုအပ်မည် ဒါမှမဟုတ် ကျောက်မီးသွေး များစွာကို တူးဖော်ရမည်ဖြစ်ရာ ကုန်ကျစရိတ်ကို အလွန်မြင့်မားစေမည် ဖြစ်သည်။

​ ထိုမျှ မြင့်မားလှသော ကုန်ကျစရိတ်များဖြင့် အိမ်များ၏ ဈေးနှုန်းသည်လည်း သဘာဝအတိုင်း မြင့်တက်လာမည်ဖြစ်ပြီး ရောင်းချရန် ခက်ခဲစေသည်ဖြစ်သည်။

​ အချိန်ရော လူအင်အားပါ အားစိုက်ရမည့်အတွက် ရွှံ့စေးကို တူးဖော်ပြီး အုတ်များပြုလုပ်ခြင်းက ပို၍ လက်တွေ့ကျပေလိမ့်မည်။

​ ထို့ကြောင့် ဘိလပ်မြေပြုလုပ်နည်းသည် ကြက်နံရိုးကဲ့သို့ပင် စားလျှင်လည်း အသုံးမဝင်၊ စွန့်ပစ်ရန်လည်း နှမြောစရာ ဖြစ်နေသည်။

​ ရှ နိုင်ငံတော် နန်းတော်အတွင်း၌ ဒီသတင်းတွေကို ကြားလိုက်ရသောအခါ လင်းပိုင်ဖန်က အားရပါးရ ရယ်မောလိုက်ပြီး- “မင်းတို့ ငါ့ဆီကနေ ပိုက်ဆံရှာနည်းကို ကူးချချင်တယ်ပေါ့? ငါ့လို စနစ် မရှိရင်တော့ ငါ့ရဲ့ ဖုန်တွေကိုပဲ မင်းတို့ ရှူနေရဦးမှာပဲ”

​ ထိုအချိန်တွင် လင်းပိုင်ဖန်၏ ဘိလပ်မြေ အိမ်များသည် ဆက်လက်၍ အရောင်းသွက်နေဆဲ ဖြစ်သည်။

​ အပြင်ဘက်တွင် မြေယာရှင်းလင်းခြင်းနှင့် တူးမြောင်းတူးဖော်ခြင်းများ လုပ်ဆောင်နေသော ဒုက္ခသည်များသည်လည်း ဒီလို အလွန်ကောင်းမွန်တဲ့ အိမ်တွေအကြောင်းကို ကြားသိရသောအခါ အားလုံး ဝယ်ယူရန် အပြေးအလွှား ရောက်ရှိလာခဲ့ကြသည်။

​ အမှန်စင်စစ်ပင် ဤမျှကောင်းမွန်ပြီး တန်ဖိုးသင့်တင့်သော အိမ်တွေကို အခြားဘယ်နေရာမှာများ ရှာတွေ့နိုင်ပါ့မလဲ?

​ သူတို့တွေ ဤမျှလောက်ထိ ပင်ပန်းစွာ အလုပ်လုပ်နေကြတာက ၎င်းသည် စားဝတ်နေရေးအတွက်၊ နေထိုင်ရန် နေရာ တစ်နေရာစာအတွက်ပင် မဟုတ်ပေဘူးလား?

​ စားနပ်ရိက္ခာပြဿနာကို ယာယီ ဖြေရှင်းပြီးနောက် အိမ်အတွက်ကို စဉ်းစားရန် အချိန်ကျလာပြီဖြစ်သည်။ အိမ်တစ်လုံး ရှိမှသာလျှင် အမှန်တကယ် နေစရာ အိမ် တစ်လုံး ပိုင်ဆိုင်နိုင်မည်ဖြစ်သည်။

​ ဒုတိယအကြိမ် အိမ်ရာ ယူနစ် တစ်သိန်း သည် အလျင်အမြန်ပဲ ရောင်းကုန်သွားပြီး လူတိုင်းက တတိယအကြိမ် စတင် ရောင်းချမည့်အချိန်ကို စိတ်အားထက်သန်စွာ စောင့်မျှော်နေကြသည်။

​ ထို့ကြောင့် လင်းပိုင်ဖန်၏ ခွင့်ပြုချက်ကို ရရှိတာနဲ့ တတိယအကြိမ် အိမ်ရာစီမံကိန်းကို အချိန်မတိုင်မီ စတင်လိုက်သည်။

​ ဒီ ဘိလပ်မြေ အိမ်များမှတစ်ဆင့် လင်းပိုင်ဖန်သည် ငွေတေး ၃ သန်းကို ပြန်လည်ရရှိခဲ့ပြီး ၎င်းသည် နိုင်ငံတော် ဘဏ္ဍာတိုက်ကို ထိန်းသိမ်းထားနိုင်ရန်အတွက် လုံလောက်သည်ထက် ပိုနေခဲ့သည်။

​ အိမ် တစ်လုံးပြီးတစ်လုံး ရောင်းလိုက်သည်နှင့်အမျှ နိုင်ငံ၏ ဈေးကွက်သည်လည်း လုံးဝ ပြန်လည် ဖွံ့ဖြိုးလာခဲ့သည်။

​ အမှန်က အိမ်တစ်လုံးရှိပြီဆိုရင်၊ အိပ်ရာက လိုအပ်လာပြီလေ၊ ဟုတ်တယ်မလား?

​ စားပွဲတို့ ကုလားထိုင်တို့လည်း လိုအပ်လာပြီ၊ မဟုတ်ပေဘူးလား?

​ စောင်၊ ပန်းကန်၊ တူ တွေလည်း လိုအပ်လာပြီဖြစ်သည်။

​ အိမ်တစ်လုံးလည်း ရှိပြီဆိုတော့၊ ဘဝအတွက် အခြေချဖို့ စဉ်းစားရမယ့်အချိန် မဟုတ်ပေဘူးလား? မိမိတို့ မျိုးရိုးကို ဆက်ခံဖို့ စဉ်းစားရမယ့်အချိန် မဟုတ်ဘူးလား?

​ ဒီအရာအားလုံးအတွက် ငွေကို သုံးရမှာပဲလေ။

​ ဒါကြောင့် ဒီကဏ္ဍတွေအတွက် တာဝန်ရှိတဲ့ စီးပွားရေးသမားတွေ များပြားလာပါတော့တယ်။

​ စီးပွားရေးလုပ်ငန်းတွေ ပိုများလာရင် လူတစ်ယောက်တည်းနဲ့ မနိုင်တော့ဘူးဆိုတော့ လူအနည်းငယ်ကို ငှားရမ်းဖို့ မလွဲမသွေ လိုအပ်လာတာပေါ့။

​ လူ ပိုများလာတော့ စားစရာရှိလာတယ်၊ ငွေရှာစရာ နေရာ ရှိလာတယ်ဆိုရင် သုံးစွဲမှုက မတိုးတက်လာပေဘူးလား?

​ သုံးစွဲမှု တိုးလာတာနဲ့အမျှ ငွေရှာနိုင်သူ အရေအတွက် က သဘာဝအတိုင်းပဲ တိုးလာတာပေါ့၊ မဟုတ်ပေဘူးလား?

​ လူတိုင်းမှာ ငွေရှိနေပြီဆိုရင် နိုင်ငံတော်ဘဏ္ဍာတိုက်ရဲ့ ဝင်ငွေ က ဘယ်လိုများ မတိုးတက်ဘဲ ရှိနိုင်ပါ့မလဲ?

​ ရှ နိုင်ငံတော်က မျက်စိဖြင့် မြင်နိုင်သောနှုန်း ဖြင့် ကြီးပွားတိုးတက်လာနေခဲ့သည်။

​ အမည်မသိ တောင်ထိပ်တစ်ခုပေါ်တွင် ယောင်ယောင်၏ အလွန်လှပသော ဆရာမသည် အောက်ခြေမှ ပေးပို့လာသော နောက်ဆုံးသတင်းများကို ကြည့်ရင်း အံ့သြတုန်လှုပ်စွာဖြင့်- “သူ တကယ်ပဲ လုပ်နိုင်ခဲ့ပြီ! ငွေကလည်း ပေါများစွာ ရှိနေပြီး၊ ဒါပေမယ့် အဲဒါက စတင် လည်ပတ်လာတဲ့အခါ လူတိုင်း ချမ်းသာလာကြတယ်! ဒီလူငယ်လေးက တကယ်ပဲ ထူးခြားတယ်၊ သူဟာ အပြင်လောကက ကောလာဟလတွေ အတိုင်း မိုက်မဲတဲ့ ဧကရာဇ် မဟုတ်ဘူးပဲ၊ ဆန့်ကျင်ဘက် သမာရိုးကျမဟုတ်ဘဲ အများနဲ့ ကွဲပြားပြီး၊ ညဏ်ပညာနဲ့ ပြည့်စုံတဲ့ အုပ်ချုပ်သူ တစ်ဦးပဲ”

​ ထိုကဲ့သို့သော ကောက်ချက်ချပြီးနောက် သူမသည် လင်းပိုင်ဖန်ကို ပြန်လည် အကဲဖြတ်ရန် စတင်လိုက်သည်။

​ သူ၏ အတိတ်က ဆုံးဖြတ်ချက်များကို ကွဲပြားခြားနားသော ရှုထောင့်မှ ကြည့်လိုက်တဲ့အခါမှာ သူမသည် ထူးခြားတဲ့ အရာတစ်ခုကို ရုတ်တရက် ရှာဖွေ တွေ့ရှိလိုက်ရသည်။

​ ကောလာဟလအရ သူက မိမိနိုင်ငံထက် အလှပဂေးကို ပိုမိုနှစ်သက်ပြီး သံသတ္တုတွင်းကို အလွယ်တကူ ပေးပစ်လိုက်သည်ဟု ဆိုခဲ့သည်။

​ သံသတ္တုတွင်း ပြိုကျပြီးနောက်ပိုင်းတွင် ၎င်းကို သူက လုံးဝ စွန့်ပစ်လိုက်သည်! သံသည် နိုင်ငံတိုင်းအတွက် အရေးကြီးသော အရင်းအမြစ်တစ်ခုဖြစ်သည်၊ ၎င်းက အလွယ်တကူပင် စွန့်ပစ်နိုင်သည့်အရာ မဟုတ်ပေ! သတ္တုတွင်းက ကုန်ခန်းသွားမှသာလျှင် စွန့်ပစ်ခံရနိုင်သည့် တစ်ခုတည်းသော အကြောင်းပြချက် ဖြစ်သည်။

​ ဒါဆို ပေးပစ်လိုက်တာထက် အရင်ကတည်းက အဲဒီ သံသတ္တုတွင်း ဟာ အမှန်တကယ် ကုန်သွားပြီဖြစ်တဲ့ သတ္တုတွင်း၊ အပေါက်တွေ ဖြစ်နေပြီး အသုံးမဝင်တော့တဲ့ သတ္တုတွင်း ဖြစ်နေခဲ့တာပဲ။ ဒါကြောင့် သူဟာ ဒီ ကုန်ခန်းသွားတဲ့ သတ္တုတွင်း ကို အသုံးပြုပြီး မို နိုင်ငံဆီကနေ များပြားလှတဲ့ စည်းစိမ်ဥစ္စာ နဲ့ လဲလှယ်ခဲ့တာပဲ ဖြစ်တယ်။ ဒါဟာ တကယ်ပဲ ဉာဏ်ပညာရှိတဲ့ လုပ်ရပ် ဖြစ်သည်။

​ နောက်ပိုင်းမှာ သံသတ္တုတွင်း ပြိုကျသွားတာက မမျှော်လင့်ထားတဲ့ ဖြစ်ရပ် ဖြစ်ပေမယ့် ဖြစ်သင့်ဖြစ်ထိုက်တဲ့ အကြောင်းပြချက် ထဲမှာ ပါဝင်နေသည်။

​ ကောလာဟလအရ သူက နိုင်ငံရေးကို နားမလည်၊ ပေါ့ဆစွာ လုပ်ဆောင်ပြီးတော့ သစ္စာရှိတဲ့ ဝန်ကြီးချုပ် နဲ့ စစ်သူကြီးချုပ် အပါအဝင် အခြားသော အရာရှိဟောင်းများစွာ ကို ရာထူးမှ ထုတ်ပယ်ခဲ့ပြီး နန်းတွင်းကို လုံးဝ ရှုပ်ထွေးသွားစေခဲ့တယ်လို့ ဆိုကြတယ်။

​ ဒီ နန်းတွင်းအရာရှိဟောင်းတွေ ကို ရာထူးက ထုတ်ပယ်လိုက်ကတည်းက တစ်နိုင်ငံလုံးက သူ့ရဲ့ ဆုံးအဖြတ်အတိုင်း အမိန်းပေးပိုင်ခွင့် ရှိတဲ့ နေရာတစ်ခု ဖြစ်သွားပြီး သူ လိုချင်တာကို လုပ်ဆောင်ပြီး၊ သူ ဆန္ဒရှိတဲ့သူကို ခန့်အပ် လိုက်နိုင်လာခဲ့တယ်။

​ ထိုအရာရှိဟောင်းတွေ မရှိတော့တဲ့အတွက် သတ္တုတူးဖော်ခြင်း၊ မြေယာကို ပြန်လည်ဖော်ထုတ်ခြင်း၊ မြစ်ကြောင်းတွေ တူးဖော်ခြင်း စတဲ့ လုပ်အားများပြားပြီး ကုန်ကျစရိတ်ကြီးမားတဲ့ လုပ်ငန်းစဥ်တွေကို ချောမွေ့စွာ အကောင်အထည်ဖော်နိုင်ခဲ့ပြီး နန်းတွင်းကို အလွန်ထိရောက်မှုရှိ စေခဲ့တယ်။

​ သူ့ရဲ့ ချဉ်းကပ်ပုံက အရမ်းကို အစွန်းရောက်တဲ့အတွက် အဲဒီ အရာရှိ ဟောင်းတွေသာ ရှိနေသေးရင် သူ့လုပ်ရပ်တွေကို ရပ်တန့်မှာ ဖြစ်ပြီး သူ့ရဲ့ ဆုံးဖြတ်ချက်တွေကို လွှမ်းမိုးဖို့ ကြိုးစားကြလိမ့်မည် ဖြစ်သည်။

​ သူဟာ နန်းတွင်းနဲ့ နိုင်ငံရေးကို မသိတာ မဟုတ်ခဲ့ပဲ၊ ဆန့်ကျင်ဘက်အားဖြင့် သူသည် အလွန်ကို ကောင်းစွာ နားလည်ခဲ့တယ်။

​ ကောလာဟလအရ သူက စီးပွားရေးကို နားမလည်ဘဲ ငွေကို အလွယ်တကူပဲ ဖြန့်ဝေလိုက်တာကြောင့် နိုင်ငံတော်ရဲ့ ဘဏ္ဍာကို ပြိုလဲကျစေတယ်လို့ ပြောကြတယ်။

​ အခုဆိုရင် အချက်အလက်တွေက သူ့ချဉ်းကပ်ပုံ မှန်ကန်ကြောင်းကို သက်သေပြခဲ့ပြီဖြစ်တယ်။ နိုင်ငံတော်ရဲ့ ဘဏ္ဍာက မပြိုကျခဲ့ပဲ၊ အမြတ်တောင်မှ ရရှိခဲ့တယ်၊ ဒါ့အပြင် ပြည်တွင်းဈေးကွက်ကိုပါ လှုံ့ဆော်ပေးပြီး လူများစွာကို ချမ်းသာစေကာ သူတို့ရဲ့ ဘဝတွေကို အကြီးအကျယ် တိုးတက်စေခဲ့တယ်။

​ ကောလာဟလအရ သူက စစ်ရေးဗျူဟာကို နားမလည်၊ ပေါက်ကရ အမိန့်တွေ ပေးပြီး စစ်သည်တွေ မဆုံးရှုံးစေဘဲ ဒါမှမဟုတ် အင်အားနည်းနေတဲ့ မို နိုင်ငံကို မတိုက်ဘဲ အန်းနိုင်ငံ နဲ့ ရှန် နိုင်ငံ လို အင်အားကြီး စစ်အင်အားစုတွေကို ရန်သွားစခဲ့တယ်လို့ ပြောကြတယ်။

​ မို နိုင်ငံ ဟာ စစ်သည် ၆ သိန်း ဆုံးရှုံးခဲ့ပြီးပြီ၊ နောက်ထပ် ခြိမ်းခြောက်မှု မပေးနိုင်တော့ဘူး! ရှ နိုင်ငံတော် အတွက် အကြီးမားဆုံး ခြိမ်းခြောက်မှုတွေက တကယ်တမ်းတော့ အန်းနိုင်ငံ နဲ့ ရှန်နိုင်ငံပဲ။ သူတို့သာ မို နိုင်ငံကို သိမ်းပိုက်ပြီးရင် သူတို့ရဲ့ နိုင်ငံတော်အင်အား ကြီးထွားလာမှာဖြစ်ပြီး နောက်ပစ်မှတ်က ရှ နိုင်ငံတော် ဖြစ်လာဖို့ အလားအလာက အလွန်ကို များတယ်။ ဘာပဲဖြစ်ဖြစ် မိုက်မဲတဲ့ ဧကရာဇ် အုပ်ချုပ်တဲ့ နိုင်ငံက အနိုင်ကျင့်ဖို့ ပိုလွယ်တာကိုး။

​ အဲ့ဒီအချိန်မှာ ရှ နိုင်ငံက ထုတ်လုပ်မှုတွေကို အလုံးအရင်းနဲ့ လုပ်ဆောင်နေပြီး စစ်ပွဲသာ ဖြစ်လာခဲ့ရင် ထိုကြိုးပမ်းအားထုတ်မှုအားလုံး အချည်းနှီး ဖြစ်သွားလိမ့်မယ်။ ဒါကြောင့် သူက အရင်ဆုံး ဦးအောင်အရင် တိုက်ခိုက်ပြီးတော့ နိုင်ငံကို ကာကွယ်ဖို့အတွက် ရှန် နိုင်ငံနဲ့ အန်းနိုင်ငံကို ထိန်းချုပ်ထားတာပဲ ဖြစ်တယ်။ သူဟာ အလွန်ကို နည်းပါးလှတဲ့ တန်ကြေးနဲ့ အကြီးမားဆုံးသော ငြိမ်းချမ်းရေး ကို လဲလှယ်ခဲ့တာဖြစ်သည်။