ချင်ပြည်နယ်တွင် ကျော်ကြားမှု ပျံ့နှံ့ခြင်း

~'ချီစွမ်းအင် စုစည်းဆေးလုံး' ဆိုသည်မှာ အလွန်တရာ တန်ဖိုးကြီးမားလှသော ရတနာတစ်ပါး ဖြစ်ပေသည်။ ၎င်း၏ လုပ်ဆောင်ချက်မှာ ရိုးရှင်းလှ၏။ 'အတွင်းစွမ်းအား နယ်ပယ်' ကိုးလွှာပြည့်စုံခြင်းအဆင့်မှ သိုင်းသမားများအား သူတို့၏ 'ချီစွမ်းအင်' ကို စုစည်းကာ 'ချီစွမ်းအင် နယ်ပယ်' သို့ ခြေချနိုင်ရန် ကူညီပေးခြင်းပင်တည်း။ ...ဟုတ်ပါသည်။... တစ်ရာ ရာခိုင်နှုန်း အာမခံချက်တော့ မရှိ‌သော်လည်း... မြှင့်တင်ပေးမှုတစ်ခုအဖြစ် အသုံးဝင်ပါ၏။

ထိုသို့ ဖြစ်နေသည့်တိုင်..ဒီဆေးက အလွန်အမင်း အဖိုးတန်လှသည်။ 'ချီစွမ်းအင် စုစည်းဆေးလုံး' တစ်လုံး ပေါ်ထွက်လာသည့် သတင်း ထွက်ပေါ်လာပါက... သွေးချောင်းစီးသော မုန်တိုင်း တစ်ခု ဖြစ်ပွားရန် မလွဲမသွေ ဖြစ်စေသည်။

သို့သော်... ယခုအခါ...

ဘိုးဘေးဝမ်၏ စကားများအရ... သူက... ဤ 'ချီစွမ်းအင် စုစည်းဆေးလုံး' ကို... ငြိမ်းချမ်းရေး ကမ်းလှမ်းမှုအဖြစ်... အသုံးပြုလိုပုံ... ရလေ၏။

ဝမ်ချင်းဟယ်တစ်ယောက် ချက်ချင်း စိုးရိမ်ပူပန်သွားသည်။

(... 'ဘုရားရေ... ဘိုးဘေး... ဒါ... ဒါ... ကျွန်တော်တို့ ဝမ်မျိုးနွယ်စုမှာ... တစ်လုံးတည်းပဲ ရှိတာလေဗျာ..'...)

ဝမ်မျိုးနွယ်စုတွင် ဤကဲ့သို့သော ရတနာ တစ်ခုတည်းသာ ရှိသည်။

"ဘိုးဘေး.."

သို့သော် ဘိုးဘေးဝမ်က သူ့ကို စူးရှသောအကြည့်ဖြင့် နှာခေါင်းတစ်ချက် ရှုံ့လိုက်ရာ... ဝမ်ချင်းဟယ် တစ်ကိုယ်လုံး တုန်ခါသွား၏။... သူက မျက်နှာညှိုးငယ်စွာဖြင့်... အံကြိတ်ကာ... စံအိမ်အတွင်းသို့ ပြေးဝင်သွားတော့သည်။

မကြာမီပင် ပြန်ထွက်လာခဲ့ပြီး... ရွှေချည်နှင့် အနီရောင်သစ်သားတို့ဖြင့် ပြုလုပ်ထားသော

ဘူးကလေး တစ်ဘူးကို ကိုင်ဆောင်လာခဲ့၏။

ဘိုးဘေးဝမ်က လက်ကို ညင်သာစွာ မြှောက်လိုက်ရာ... ထိုသစ်သား ဘူးသည် တာအိုဆရာလုံရှန်း၏ ရှေ့မှောက်သို့ အလိုအလျောက် သက်ဆင်းသွားသည်။

"တကယ်တော့... အစပိုင်းက... ငါတို့ ဝမ်မျိုးနွယ်စုရဲ့ အမှားပါပ..။ ဒါပေမဲ့... ရန်ငြိုးတစ်ခုကို ခိုင်မာစေတာထက်... ဖြေရှင်းလိုက်တာက... ပိုကောင်းပါတယ်...။ သိုင်းပညာရှင် လုံရှန်း... ဘယ်လို... သဘောရပါသလဲ..."

ဤစကားများကြောင့်... တာအိုဆရာလုံရှန်းအပေါ် လူတိုင်း၏ အကြည့်များ... ပို၍... ရိုသေလေးစားသွားကြသည်။

ဘိုးဘေးဝမ်သည်... တာအိုဆရာလုံရှန်းအား... သူနှင့် ဝမ်မျိုးနွယ်စု၏ ဂုဏ်သိက္ခာဖြင့်... မြှောက်တင်ပေးနေသကဲ့သို့... ဖြစ်နေသည်ဟု... ဆိုနိုင်ပါ၏။ မျိုးနွယ်စု တပည့်တစ်ဦးကို သတ်ဖြတ်ခြင်း... 'ချီစွမ်းအင် စုစည်းဆေးလုံး' ကို လျော်ကြေးအဖြစ် ပေးအပ်ခြင်း...။ ဤသို့သော လုပ်ရပ်များက... မှန်းဆချက်များကို... မလွဲမသွေ... ဖြစ်ပေါ်စေခဲ့သည်။

တာအိုဆရာလုံရှန်း၏ မျက်လုံးများ အနည်းငယ် ကျဉ်းမြောင်းသွားပြီး... နောက်ဆုံးတွင်... ပြုံးလိုက်သည်။

"အကြီးအကဲဝမ်... အလွန်အမင်း တန်ဖိုးထားနေပါပြီ။ ဒီကိစ္စက... ဝမ်မျိုးနွယ်စုနဲ့... ဘာမှ... မပတ်သက်ပါဘူး။ ဝမ်ချင်းဖုန်း... သေသွားပြီ... ဆိုမှတော့... ဘာရန်ငြိုးကို... ပြောစရာ... ရှိတော့မှာလဲ။ ဒီနှစ်နှောင်းပိုင်းလောက်မှာ... ကျွန်တော်က... အစစ်အမှန်သိုင်းဂိုဏ်းမှာ... 'ကောင်းကင်ဘုံလူသား မဟာအခမ်းအနား' တစ်ခု ကျင်းပဖို့... စီစဉ်ထားပါတယ်...။ အကြီးအကဲဝမ်... တက်ရောက်နိုင်မယ်လို့... မျှော်လင့်ပါတယ်"။

ဘိုးဘေးဝမ်က ပြုံးရင်း ခေါင်းညိတ်လိုက်သည်။ 'ကောင်းကင်ဘုံလူသား မဟာအခမ်းအနား' ဆိုသည်မှာ သြဇာလွှမ်းမိုးသော အမွေအနှစ်ရှိသည့် ကောင်းကင်ဘုံလူသား အများစု ကျင်းပရန် ရွေးချယ်ကြသော ပွဲတစ်ခု ဖြစ်သည်။ ၎င်းသည် သူတို့၏ ဂုဏ်သိက္ခာကို ချဲ့ထွင်ရန်နှင့် စွမ်းအားကို ပြသရန် အလွန်ကောင်းသော အခွင့်အရေးတစ်ခု ဖြစ်ပေသည်။

"ငါ... သေချာပေါက်... တက်ရောက်မှာပါကွယ်"

လူအုပ်ကြီးသည် ကောင်းကင်ဘုံလူသား နှစ်ဦး ထွေရာ လေးပါး ပြောကာ ရယ်မောနေကြသည်ကို ကြည့်ရင်း... ယခင်က တင်းမာမှုများ လုံးဝ

မရှိတော့သည်ကို တွေ့လိုက်ကြရသည်။

သူတို့... နားမလည်နိုင် ဖြစ်သွားကြသည်။ အထူးသဖြင့် လူငယ်အချို့မှာ ပို၍ပင် မှင်တက်သွားကြ၏။

(... 'ဘာ... ဘာကြီးလဲဟ... ဘိုးဘေးက အသာစီးရနေတာ မဟုတ်ဘူးလား'... )

ရှင်းရှင်းလင်းလင်း ဘိုးဘေးဝမ်က အသာစီး ရနေပုံရသော်လည်း... အဘယ်ကြောင့် သူ... ဤသို့... ပြုမူနေသနည်း။

အတွေ့အကြုံရင့် ပုဂ္ဂိုလ်အချို့သာ နားလည်ကြသည်။ (... 'အင်းလေ... လုံရှန်းက ငယ်သေးတယ်... အနာဂတ်မှာ ဘာဖြစ်လာမလဲ ဘယ်သူသိနိုင်မှာလဲ'... )

ဒါက... ဘိုးဘေးဝမ်က... တာအိုဆရာ

လုံရှန်း၏... အလားအလာကို... သတိထားနေသောကြောင့်... ဖြစ်ပေသည်။

ယခုလို စဉ်းစားကြည့်ပါလေ။ အနာဂတ်တွင် တစ်နေ့နေ့၌ ဘိုးဘေးဝမ် ကွယ်လွန်သွားပြီး

တာအိုဆရာလုံရှန်းက အလွန်အမင်း အစွမ်းထက်လာခဲ့လျှင်..ဤရန်ငြိုးဟောင်းကို တစ်နေ့နေ့တွင် သတိရသွားခဲ့လျှင်... မည်သို့... ဖြစ်မည်နည်း။

ဝမ်ချင်းဖုန်းကို သတ်ခြင်းသည် ရှင်းလင်းချက်တစ်ခု ပေးရန် ဖြစ်၏။ 'ချီစွမ်းအင် စုစည်းဆေးလုံး' ကို ပေးအပ်ခြင်းသည် ချစ်ကြည်မှုကို ပြသရန် ဖြစ်၏။ ဤသို့ နှစ်မျိုးပေါင်း ချဉ်းကပ်မှုဖြင့် သူတို့သည် တာအိုဆရာလုံရှန်း၏ ပြတ်သားသော်လည်း ကတိတည်သော သဘာဝကိုလည်း ဆုပ်ကိုင်နိုင်ခဲ့ကြလေသည်။

'ချီစွမ်းအင် စုစည်းဆေးလုံး' ကို လက်ခံခြင်းဖြင့် တာအိုဆရာ လုံရှန်းသည်လည်း ဤရန်ငြိုးကို အဆုံးသတ်လိုက်ကြောင်း သွယ်ဝိုက်သောအားဖြင့် ပြသလိုက်ခြင်း ဖြစ်ပါသည်။

လူတိုင်း... ဘိုးဘေးဝမ်အား... ကောက်ကျစ်စဉ်းလဲသော... မြေခွေးအိုကြီး

တစ်ကောင်ဟု... တိတ်တဆိတ်... ချီးကျူးမိကြသည်။

...သည်းခံခြင်း... အလျှော့ပေးခြင်း...။

သူ... ဤမျှ... ကြီးမားသော... အခြေခံအုတ်မြစ်ကို... အဘယ်ကြောင့်... တည်ဆောက်နိုင်ခဲ့သည်ကို... ရှင်းပြနေခဲ့သည်။

တာအိုဆရာ လုံရှန်းက ကျေးဇူးတင်ကြောင်း အနည်းငယ် ဦးညွှတ်လိုက်ပြီးနောက် သစ်သား ဘူးကလေးနှင့် အလောင်း နှစ်လောင်းကို ယူဆောင်ကာ ထွက်ခွာသွားခဲ့သည်။

ဝမ်မျိုးနွယ်စု၏ တံခါးများ တဖြည်းဖြည်း ပြန်ပိတ်သွား၏။

လူတိုင်း... မကျေမနပ် ဖြစ်နေကြသေးသည်။ ယနေ့ ဖြစ်ရပ်များသည် အလှည့်အပြောင်းများဖြင့် ပြည့်နှက်နေသည်ဟု ခံစားရပြီး သူတို့၏ မျက်နှာများမှာ စိတ်လှုပ်ရှားမှုများဖြင့် ပြည့်နှက်လျက် လူစုခွဲကာ... ဝမ်မျိုးနွယ်စုကို ဒေါသထွက်စေမည်ကို ရှောင်ရှားရန် တိတ်တဆိတ် ဆက်လက် ဆွေးနွေးနေကြသည်။

ကြိုတင် မြင်တွေ့နိုင်သည်မှာ... ယနေ့ ဖြစ်ရပ်သည်... ချင်ပြည်နယ်မြေတစ်ခွင်သို့... ထူးကဲသော... အရှိန်အဟုန်ဖြင့်... မလွဲမသွေ... ပျံ့နှံ့သွားမည် ဖြစ်၏။... ဖြစ်နိုင်ခြေအားဖြင့်... အခြား... ပြည်နယ်များသို့ပင်... ရောက်ရှိသွားနိုင်ကာ... တာအိုဆရာလုံရှန်း၏... ကျော်ကြားမှုမှာ... ထိုးတက်သွားပေလိမ့်မည်။

ဝမ်စံအိမ်အတွင်း၌ ဘိုးဘေးဝမ်၏ မျက်နှာပေါ်မှ အပြုံးသည် အေးစက်သွားခဲ့ပြီး ချောက်ချားဖွယ် အငွေ့အသက်တစ်ခု ထုတ်လွှတ်နေခဲ့သည်။ ဝမ်ချင်းဟယ်နှင့် ဝမ်မျိုးနွယ်စု၏ စီနီယာ အဖွဲ့ဝင်များအားလုံး မြေပြင်ပေါ်တွင် ဒူးထောက်နေကြ၏။

"နောက်မျိုးဆက်တွေက အရည်အချင်းမရှိဘဲ ဘိုးဘေးကို အရှက်ရစေခဲ့ပါတယ်"။

ဘိုးဘေးဝမ်၏ အသံက ရေခဲတမျှ အေးစက်နေခဲ့သည်။

"မင်းတို့က တကယ်ပဲ အရည်အချင်းမရှိကြဘူး။ ဒီလောက် နှစ်တွေ ကြာလာတာတောင် အလားအလာရှိတဲ့ 'ကောင်းကင်ဘုံလူသား' လောင်း တစ်ယောက်တောင် မရှိသေးဘူး။ ဝမ်မျိုးနွယ်စုမှာသာ ဆက်ခံသူတွေ ရှိခဲ့ရင် ဒီနေ့ ဒီလို ဖြစ်လာပါ့မလား"

သူ၏ မျက်လုံးများထဲတွင် ဒေါသရိပ်များ ရှိနေခဲ့သည်။ ဝမ်မျိုးနွယ်စုမှ တစ်ဦးဦးသာ 'ကောင်းကင်ဘုံ လူသား' အဖြစ်သို့ တက်လှမ်းရန် အရည်အချင်း ရှိခဲ့ပါလျှင်... သူ... ယနေ့... နှိမ့်ချစရာ... လိုအပ်မည်လား...။

'ချီစွမ်းအင် စုစည်းဆေးလုံး' ကို ပေးအပ်ပြီး... ဝမ်ချင်းဖုန်းကိုပင် လူအများရှေ့တွင် သတ်ပြရမည်လား။

ဝမ်ချင်းဟယ်နှင့် အခြားသူများ ဒူးထောက်လျက် လုံးဝ အရှက်ရနေကြသော်လည်း အကူအညီမဲ့နေကြသည်။

အချိန်အတော်ကြာပြီးနောက် ဘိုးဘေးဝမ် နောက်ဆုံးတွင် မတတ်နိုင်စွာ သက်ပြင်းချလိုက်သည်။

ဝမ်မျိုးနွယ်စု၏ အမွေအနှစ်သည် နှစ်ထောင်ချီ သက်တမ်းရှိ ဂိုဏ်းများနှင့် မိသားစုများနှင့် နှိုင်းယှဉ်လျှင် ခုထိ အားနည်းနေသေးသည်။

နှစ်ထောင်ချီ သက်တမ်းရှိ ဂိုဏ်းများနှင့် မိသားစုများထဲမှ တစ်ခုချင်းစီတိုင်း 'ကောင်းကင်ဘုံလူသား' တစ်ဦးထက်မက မွေးထုတ်ပေးခဲ့ကြပြီး အချို့မှာ 'ကောင်းကင်ဘုံလူသား နယ်ပယ်' ကို ကျင့်ကြံရန် ပြည့်စုံသော လမ်းစဉ်ကိုပင် ကျွမ်းကျင်ပိုင်နိုင်ကြသည်။

ဤနှစ်များအတွင်း သူက... မျိုးနွယ်စုကို တစ်ဦးတည်း ထောက်ပံ့နေခဲ့ရ၏။ အပေါ်ယံ သာယာဝပြောနေပုံရသော်လည်း သူ၏အဆုံးသတ် နီးကပ်လာသည်နှင့်အမျှ ဝမ်မျိုးနွယ်စုသည် ကျဆင်းခြင်း လက္ခဏာများ ပြသနေခဲ့ပြီး အတွင်းပိုင်း ပဋိပက္ခများကြောင့် ပိုမို ဆိုးရွားလာခဲ့သည်။ ဝမ်ချင်းဖုန်း၏ အစစ်အမှန်သိုင်း အမွေအနှစ်ကို လုယူရန် ကြံစည်မှုမှာ အမှန်တကယ်တော့ သည်အကြောင်းကြောင့်ပင် ဖြစ်သည်။

(... 'တကယ်လို့ လုံးဝ မဖြစ်နိုင်တော့ဘူး ဆိုရင်တော့... ငါ... အရင်တုန်းက သုံးခဲ့တဲ့ နည်းလမ်းကိုပဲ... စမ်းကြည့်ရတော့မှာပဲ'... )

ဘိုးဘေးဝမ်၏ မျက်လုံးများ နက်ရှိုင်းသွားသည်။ လုံးဝ မလိုအပ်ဘဲနှင့်တော့ သူ... ဤနည်းလမ်းကို ထပ်မံ မစမ်းသပ်လိုခဲ့။ သို့သော် ဤတစ်ကြိမ် တာအိုဆရာလုံရှန်း၏ ကျူးကျော်ဝင်ရောက်မှုက သူ့ကို အနည်းငယ် တုန်လှုပ်စေခဲ့သည်။ သို့သော် ခဏအကြာတွင် သူ... ယခင်က ကြားခဲ့ဖူးသော မရည်ရွယ်ဘဲ ရရှိခဲ့သည့် သတင်းတစ်စကို တွေးမိသွားသည်။

(... 'ဖြစ်နိုင်တာက... ငါတို့... ဒီကနေ... စလို့ရတယ်'... )

... တာအိုဆရာလုံရှန်း၏ 'ကောင်းကင်ဘုံလူသား မဟာအခမ်းအနား' ကို သတိရလိုက်ပြီး

ဘိုးဘေးဝမ်၏ မျက်လုံးများ တဖြည်းဖြည်း လင်းလက်လာခဲ့သည်။

...

တာအိုဆရာလုံရှန်းနှင့် ဝမ်မိသားစု ဘိုးဘေးတို့ကြားမှ တိုက်ပွဲသတင်းသည် ချင်ပြည်နယ်တစ်ခွင်သို့ ထူးကဲသော အရှိန်အဟုန်ဖြင့် ပျံ့နှံ့သွားလေ၏။ နေရာတိုင်းမှ လူများ ဒီအကြောင်းကို ဆွေးနွေးနေကြသည်။ တာအိုဆရာလုံရှန်း၏ ဂုဏ်သတင်းမှာ အမြင့်ဆုံးသို့ ရောက်ရှိနေခဲ့ပြီး များစွာသောသူတို့က တာအိုဆရာလုံရှန်း မဟာယန် 'ကောင်းကင်ဘုံလူသား စာရင်း' တွင် ပါဝင်လာရန်မှာ အချိန် တစ်ခုသာ လိုတော့သည်ဟု ဆိုနေကြသည်။

'ကောင်းကင်ဘုံလူသား စာရင်း' တွင် သုံးဆယ့်ခြောက်ဦးသာ ပါဝင်သည်။ တစ်ဦးချင်းစီတိုင်းသည် မဟာယန်၏ အထွတ်အထိပ်တွင် ရပ်တည်နေသော ပြိုင်ဘက်ကင်း အင်အားကြီးများ ဖြစ်ကြ၏။ 'ကောင်းကင်ဘုံလူသား စာရင်း' တွင် ပါဝင်သူများသည် သာမန် 'ကောင်းကင်ဘုံလူသား နယ်ပယ်' သမားများကို လွယ်လွယ်ကူကူ ဖိနှိပ်နိုင်သည်။ မဟာယန်၏ ဆယ့်သုံးပြည်နယ်တွင် ပြည်နယ်တစ်ခု၏ အဆုံးစွန် အထွတ်အထိပ်တွင် ရပ်တည်နေသူများသာ 'ကောင်းကင်ဘုံလူသား စာရင်း' သို့ ဝင်ရောက်နိုင်ကြသည်။

တာအိုဆရာလုံရှန်းနှင့် အစစ်အမှန်သိုင်းဂိုဏ်းအကြောင်း အမျိုးမျိုးသော သတင်းများ ဆက်လက် ရေပန်းစားနေခဲ့၏။ ထို့ကြောင့် အစစ်အမှန်သိုင်းဂိုဏ်းသည် ထိပ်တန်းဂိုဏ်းများ စာရင်းသို့ သံသယရှိစရာ မလိုဘဲ တက်လှမ်းသွားခဲ့ကာ လူအများအပြား၏ အာရုံစိုက်မှုကို ဆွဲဆောင်နိုင်ခဲ့သည်။ သို့သော် အမျှော်လင့်ဆုံး အဖြစ်အပျက်မှာတော့ တာအိုဆရာလုံရှန်း၏ လာမည့် 'ကောင်းကင်ဘုံလူသား မဟာအခမ်းအနား' ပင် ဖြစ်ပါတော့သည်။ ယင်းက ချင်ပြည်နယ်တွင် ခမ်းနားကြီးကျယ်သော ပွဲတစ်ခု ဖြစ်လာမည်မှာ သံသယရှိစရာ မလိုချေ။

ဤအခိုက်အတန့်တွင် အစစ်အမှန်သိုင်းတောင်ပေါ်၌ အငွေ့အသက်မှာ အညီအမျှ ပွက်ပွက်ဆူနေခဲ့သည်။ တာအိုဆရာလုံရှန်း တံခါးပိတ်ကျင့်ကြံမှုမှ ထွက်ခွာပြီး ကိစ္စရပ်များကို ဖြေရှင်းရန် တောင်အောက်သို့ ဆင်းသက်သွားသည့်အချိန်မှစ၍ သတင်းများ အဆက်မပြတ် စီးဝင်လာခဲ့ရာ တပည့်များအားလုံး အလွန်အမင်း ဝမ်းမြောက်နေကြသည်။ တစ်ခုပြီးတစ်ခုသော အဖြစ်အပျက်များက အတိတ်မှ နာကြည်းမှုများကို သုတ်သင်ပစ်လိုက်လေ၏။

တာအိုဆရာလုံရှန်း၏ စိုးမိုးမှုက အစစ်အမှန်သိုင်း တပည့်များအားလုံးကို ဂုဏ်ယူစေခဲ့သည်။ ပုံမှန်အားဖြင့် တည်ငြိမ်အေးဆေးသော နင်ချီပင်လျှင် စိတ်လှုပ်ရှားကာ ကြည်နူးစိတ်များ မထိန်းနိုင်ဘဲ ဖြစ်ခဲ့ရသည်။

(... 'ငါ့ဆရာကတော့ တကယ်ကို ကြောက်ခမန်းလိလိ အား ကောင်းတာပဲ'... )

သူ၏ဆရာမှာ အမှန်တကယ်ပင် ကြောက်မက်ဖွယ် ကောင်းလှပြီး သူ၏ ကာကွယ်လိုစိတ်က

နင်ချီကို အလွန် လုံခြုံသည်ဟု ခံစားစေခဲ့သည်။ ချီကို အလွန် လုံခြုံသည်ဟု ခံစားစေခဲ့သည်။

ဒီတစ်ကြိမ် တာအိုဆရာ လုံရှန်း၏ 'ကောင်းကင်ဘုံလူသား နယ်ပယ်' သို့ တက်လှမ်းမှုက နင်ချီ့ကို 'ကောင်းကင်ဘုံလူသား နယ်ပယ်' ၏ ဂုဏ်သိက္ခာကို အပြည့်အဝ နားလည်စေခဲ့သည်။ ဤအရာက သူကိုယ်တိုင် 'ကောင်းကင်ဘုံလူသား နယ်ပယ်' သို့ ခြေချနိုင်မည့်နေ့နှင့် ထိုအခါ မည်သို့သော ခမ်းနားမှုမျိုး ဖြစ်လာမည်ကို ပို၍ မျှော်လင့်တောင့်တစေခဲ့၏။

ဤအခိုက်အတန့်တွင် အစစ်အမှန်သိုင်းဂိုဏ်း တပည့်များအားလုံး 'သိုင်းကစားကွင်း' တွင် စောင့်ဆိုင်းနေကြ၏။

အဝေးမှ ကောင်းကင်ယံတွင် ပုံရိပ် တစ်ခု ကောင်းကင်ဘုံမှ ဆင်းသက်လာပြီး ဖြည်းညှင်းစွာ မြေပြင်ပေါ်သို့ ကျရောက်လာခဲ့သည်။

နင်ချီနှင့် အခြား တပည့်ရင်းများ ရှေ့သို့ တိုးထွက်လာကြပြီး မျက်နှာများမှာ ဝမ်းမြောက်မှုများဖြင့် ပြည့်နှက်နေခဲ့၏။

"ဆရာ... တောင်ပေါ်ကို ပြန်ကြွလာတာကို ကြိုဆိုပါတယ်.."

တာအိုဆရာလုံရှန်းက သူ၏တပည့်များကို ပြုံးရင်း ကြည့်လိုက်ပြီး အလွန်အမင်း ကျေနပ်နေပုံရကာ အနည်းငယ် ခေါင်းညိတ်ရင်း ပြုံးလျက် ဆိုလိုက်သည်။

"အားလုံး... အဆင်ပြေကြရဲ့လား။"

လော့ဝမ်ထျန်းက သူ့ဆရာ မေးခွန်းအား အားရပါးရ ရယ်မောလိုက်၏။

"ဟားဟားဟား၊ ဆရာ့ရဲ့ ကျော်ကြားမှုက ချင်ပြည်နယ်မှာ ပဲ့တင်ထပ်နေမှတော့... ဘယ်လို အသိဉာဏ်ကန်းတဲ့ ငတုံးတွေ ရှိနိုင်ဦးမှာလဲဗျာ"

လူတိုင်း ပြုံးဖြီးနေကြသည်။ ဤအချိန်အတောအတွင်း တောင်ပေါ်သို့ တက်လာသူ အတော်များများ ရှိခဲ့သော်လည်း အများစုမှာ မိတ်ဖွဲ့ရန် လာရောက်ကြခြင်း ဖြစ်၏။ မြင်ကွင်းမှာ ယခင်ကနှင့် လုံးဝ ကွဲပြား ခြားနားသွားခဲ့ပြီ။ ယခုအခါ အစစ်အမှန်သိုင်းဂိုဏ်းမှာ စည်ကားနေခဲ့ပြီး ယခင်က မပတ်သက်ခဲ့သော အင်အားစုများစွာက မျက်နှာသာရရန် ကြိုးပမ်းနေကြသည်။

တာအိုဆရာလုံရှန်းက ဆိုလိုက်သည်။

"ဒါဆို ကောင်းတာပေါ့။"

သူ၏ မျက်လုံးများတွင် အပြုံးများ သန်းနေခဲ့သည်။ အစစ်အမှန် သိုင်းဂိုဏ်း၏ သာယာဝပြောမှုသည် သူ၏ အကြီးမားဆုံး ဆန္ဒ ဖြစ်ပေသည်။ ယခုအခါ 'ကောင်းကင်ဘုံလူသား နယ်ပယ်' သို့ တက်လှမ်းခဲ့ပြီ ဖြစ်ရာ တာအိုဆရာလုံရှန်းသည် နောက်ဆုံးတွင် အစစ်အမှန်သိုင်းဂိုဏ်းကို အမြင့်အသစ်တစ်ခုသို့ ပို့ဆောင်နိုင်ခဲ့လေပြီ။

သို့သော် သူ့ကို စိတ်ပူစေသည်မှာ သူ၏ တပည့် အနည်းငယ်၏ ကျင့်ကြံမှုမှာ မြင်ကွင်းကို ထောက်ပံ့ရန် မလုံလောက်သေးခြင်းပင် ဖြစ်သည်။ ယခုအချိန်အထိ ကျန်းပိုင်ရှန်း တစ်ဦးတည်းသာ 'ချီစွမ်းအင် နယ်ပယ်' သို့ ရောက်ရှိခဲ့သေးသည်။

(... 'ငါ့တပည့်တွေက အရည်အချင်း မရှိတာ မဟုတ်ပါဘူး... ငယ်လွန်းနေကြသေးတာ'... )

ဤတပည့်များမှာ အရည်အချင်း မရှိကြသည်တော့ မဟုတ်။ သူတို့ အလွန် ငယ်ရွယ်နေကြသေးသည်။ နောက်ထပ် ဆယ်နှစ်လောက်သာ ပေးလိုက်ပါလျှင် သူ၏ သင်ကြားမှုအောက်တွင် 'ချီစွမ်းအင် နယ်ပယ်' သမား အနည်းငယ် ထပ်မံ ပေါ်ထွက်လာနိုင်ပါသည်။

ဤသို့ တွေးရင်း တာအိုဆရာလုံရှန်း ဖြည်းညှင်းစွာ ပြောပြလိုက်သည်။

"ဒီတစ်ခေါက် တောင်အောက်ကို ဆင်းသွားတုန်းက... ဆရာ... အံ့ဩစရာ ရတနာတချို့ ရခဲ့တယ်"

ဆရာဖြစ်သူ၏ စကားကြောင့် လူတိုင်း၏ စိတ်ဓာတ်များ တက်ကြွ လန်းဆန်းသွားကြတော့သည်။