အစစ်အမှန်စိတ်ဆန္ဒ ပန်းချီကား သုံးချပ်

~အရင်တစ်ခါ 'ကောင်းကင်ပျံလင်းယုန်' ထံမှ သူ 'စိုးမိုးကျား အစစ်အမှန်စိတ်ဆန္ဒ ပန်းချီကား' ကို ရရှိခဲ့ဖူးသည်။ နင်ချီသည် ၎င်းကို အသုံးပြု၍ 'စိုးမိုးကျား အစစ်အမှန်ချီစွမ်းအင်' နှင့် အခြား သာလွန်ကောင်းမွန်သော သိုင်းပညာ အနည်းငယ်ကို နားလည်သဘောပေါက်ခဲ့၏။ သူ၏ 'အသင်္ချေဖြစ်ရပ်ဆန်းကြယ်' အခန်းမှ အခြေခံအုတ်မြစ်ကို ကြွယ်ဝစေခဲ့သည့်အပြင် အစစ်အမှန်သိုင်းဂိုဏ်း၏ 'သိုင်းကျမ်းတိုက်' အတွက် သိုင်းပညာ အနည်းငယ်ကိုပါ ဖြည့်စွက်ပေးနိုင်ခဲ့ပါ၏။

သို့သော် သူ့ကို အလှုပ်ရှားနိုင်ဆုံး ဖြစ်စေခဲ့သည်မှာ ထိုအထဲတွင် ပုန်းကွယ်နေသော 'ကောင်းကင်ဘုံ လူသား လျှို့ဝှက်နည်းစနစ်' ပင် ဖြစ်ပေသည်။ သို့သော် ထိုအချိန်ကတည်းက သူ သဘောပေါက်ခဲ့သည်မှာ 'စိုးမိုးကျား အစစ်အမှန်စိတ်ဆန္ဒ ပန်းချီကား' သည် ၎င်း၏ သုံးပုံတစ်ပုံသာ ဖြစ်သည် ဟူ၍တည်း။ 'ကောင်းကင်ဘုံလူသား လျှို့ဝှက်နည်းစနစ်' ကို အပြည့်အစုံ ရရှိရန်မှာ သူ 'အစစ်အမှန်စိတ်ဆန္ဒ ပန်းချီကား' သုံးချပ်လုံးကို နားလည် သဘောပေါက်ရန် လိုအပ်ပေလိမ့်မည်။

မူလကတော့ ထျဲလုံနှင့် ထျဲဟူတို့ ထွက်ပြေးလွတ်မြောက်သွားခဲ့သဖြင့် နင်ချီသည် ဤ 'အစစ်အမှန်စိတ်ဆန္ဒ ပန်းချီကား' သုံးချပ်ကို စုစည်းနိုင်မည့် အခွင့်အရေး မရှိတော့ဟု ထင်မှတ်ခဲ့မိသည်။

(... 'သေစမ်း... တကယ် နှမြောဖို့ ကောင်းတာပဲ'... )

မမျှော်လင့်စွာပင် သူ၏ဆရာမှာ အလွန် ပြင်းထန်လှပြီး ချန်းပြည်နယ်အထိ မိုင်ထောင်ချီ လိုက်လံကာ ထျဲလုံနှင့် ထျဲဟူတို့ကို သုတ်သင်နိုင်ခဲ့သည်တကား။

(... 'ဆရာကတော့ တကယ်ကို... မခေဘူးပဲ'... )

တပည့်များအားလုံး သူတို့ လိုချင်သော ရတနာများကို ရွေးချယ်ပြီးကြလေ၏။

တာအိုဆရာလုံရှန်းက နင်ချီသည် ထို 'အစစ်အမှန်စိတ်ဆန္ဒ ပန်းချီကား' နှစ်ချပ်ကို ကြည့်နေသည်ကို သတိပြုမိသွားပြီး ပြုံးလိုက်သည်။

"ကိုးလေး... ဒီ 'အစစ်အမှန်စိတ်ဆန္ဒ ပန်းချီကား' နှစ်ချပ်ကိုတော့... မင်းပဲ... နားလည်အောင် ကြိုးစားသင့်တယ်"။

တပည့်များအားလုံး သိနားလည်စွာ ပြုံးလိုက်ကြသည်။ သူတို့လည်း ယခင်က 'စိုးမိုးကျား အစစ်အမှန်စိတ်ဆန္ဒ ပန်းချီကား' ကို နားလည်ရန် ကြိုးစားခဲ့ဖူးကြသည်။ သို့သော် လိုအပ်သော အချိန်နှင့် ကြိုးစားအားထုတ်မှုမှာ ရရှိမည့် အကျိုးကျေးဇူးများနှင့် မကိုက်ညီသောကြောင့် ရံဖန်ရံခါ ကိုးကားကြည့်ရုံမျှသာ ပြုလုပ်ခဲ့ကြသည်။

(... 'ကိုးလေးလောက်တော့ ဘယ်သူက ဦးနှောက်ကောင်းမှာလဲ'... )

ဆရာဖြစ်သူအား နင်ချီက ပြုံးရင်း ခေါင်းညိတ်ပြလိုက်သည်။

သူသည် ဤ 'အစစ်အမှန်စိတ်ဆန္ဒ ပန်းချီကား' နှစ်ချပ်ကို စိတ်ဝင်စားနေခဲ့ပြီး ဖြစ်ရာ အားနာပါးနာဖြင့် မငြင်းဆန်တော့ပါ။ သူ... ထိုအရာတို့ကို အပြည့်အဝ နားလည်သဘောပေါက်သွားသည်နှင့် အစစ်အမှန်သိုင်းဂိုဏ်းအတွက် အကျိုးရှိစေမည် ဖြစ်သည်။

ရတနာပေးအပ်ပွဲ တစ်ခန်းရပ်ပြီးနောက် တာအိုဆရာလုံရှန်း၏ မျက်နှာထား လေးနက်သွားသည်။

"ဆရာ... အခု 'ကောင်းကင်ဘုံလူသား နယ်ပယ်' ကို ရောက်ရှိသွားခဲ့ပြီ...။ လောကရဲ့ ထုံးတမ်းစဉ်လာတွေအရ... ငါက 'ကောင်းကင်ဘုံလူသား မဟာအခမ်းအနား' တစ်ခု ကျင်းပရလိမ့်မယ်...။ ချင်ပြည်နယ်က အင်အားစု အများအပြား တက်ရောက်ကြမှာ ၊

သူတို့ပဲ မကဘူး... အနီးအနား ပြည်နယ်တွေက လူတွေပါ ရောက်လာနိုင်တယ်...။ ငါးနဲ့နဂါး ရောထွေးနေပြီး... စူးစမ်းတဲ့ မျက်လုံးတွေလည်း ပါလာနိုင်တယ်...။ ဒါကြောင့်... မင်းတို့... ပြင်ဆင်ထားဖို့ လိုတယ် နော်...။ ဆရာတို့... အစစ်အမှန်သိုင်းဂိုဏ်းကို... သူတို့... အထင်သေးမခံနိုင်ဘူး"

ဤသည်မှာ သူ ရတနာများ ဖြန့်ဝေပေးရသည့် အကြောင်းရင်းများထဲမှ တစ်ခု ဖြစ်သည်။ တပည့်များ၏ စွမ်းအားကို တတ်နိုင်သမျှ မြှင့်တင်ပေးလိုခြင်းပင်တည်း။

လော့ဝမ်ထျန်းနှင့် အခြားသူများအားလုံး လေးနက်သော အမူအရာများ ဖြစ်သွားကြသည်။ သူတို့ ဤမျှလောက်တော့ မှန်းဆမိပြီး ဖြစ်ပါသည်။

'ကောင်းကင်ဘုံလူသား မဟာအခမ်းအနား' မှာ ရှားပါးလှပြီး တာအိုဆရာလုံရှန်း ချင်ပြည်နယ်တွင် ဖြစ်ပွားစေခဲ့သော ဂယက်များနှင့် ပေါင်းစပ်လိုက်လျှင် ဤအခမ်းအနားတွင် အချို့သော ပြောင်းလဲနိုင်သည့် အချက်များ မိတ်ဆက်ပေးလာမည်မှာ သေချာနေသည်။

အခမ်းအနားကတော့ ပွဲကြီးပွဲကောင်း ဖြစ်တော့မည်ပင်။

ထိုစဉ် တပည့်ကြီး လော့ဝမ်ထျန်းက မေးလိုက်၏။

"ဆရာ... 'ကောင်းကင်ဘုံလူသား မဟာအခမ်းအနား' အတွက်... ရက် သတ်မှတ်ပြီးပြီလားဗျ"

တာအိုဆရာလုံရှန်း ဖြည်းညှင်းစွာ ပြန်ဖြေလိုက်သည်က..

"ယေဘုယျအားဖြင့်တော့... အခမ်းအနားကို 'ကောင်းကင်ဘုံလူသား' ဖြစ်ပြီး... တစ်နှစ်အတွင်း ကျင်းပနိုင်တာ ပေါ့...။ ဆရာ... တံခါးပိတ်တာက ထွက်လာပြီးနောက်... ချေဖျက်ရမယ့် အတွင်းအမြင် တချို့ ရှိနေသေးတယ်...။ အဲ့ဒါတွေ ပြီးသွားတာနဲ့...ရက် သတ်မှတ်လိုက်မယ်...။ ဖြစ်နိုင်တာကတော့... ဆောင်းဦးနဲ့ ဆောင်းရာသီလောက် ဖြစ်လိမ့်မယ်ကွ..."

"အချိန်... တစ်နှစ်ဝက်ကျော်... ကျန်သေးတယ်...။ မင်းတို့... ကြိုးကြိုးစားစား လုပ်ရမယ်...။ ပြီးတော့... မင်းတို့ တပည့်တွေလည်း... ပေါ့လျော့မနေကြဖို့... သေချာအောင် လုပ်ကြပါ..."

တာအိုဆရာလုံရှန်းသည် နောက်တစ်ကြိမ် တံခါးပိတ် ကျင့်ကြံတော့မည် ဖြစ်သည်။

ဒါက ပုံမှန်ပါပင်။

'ကောင်းကင်ဘုံလူသား နယ်ပယ်' သို့ ချိုးဖြတ်ပြီးပြီးချင်း ကာလသည် တစ်ဦးတစ်ယောက်၏ ကောင်းကင်နှင့်မြေကြီးနှင့် ဆက်သွယ်မှု အပြင်းထန်ဆုံး ဖြစ်ပြီး တိုးတက်မှု အမြန်ဆုံး ဖြစ်သောကြောင့်တည်း။ တာအိုဆရာလုံရှန်းမှာ အခုမှ တက်လှမ်းခါစသာ ရှိသေးပြီး တပည့်များအတွက် ကိစ္စရပ်များကို ဖြေရှင်းရန် တောင်အောက်သို့ ဆင်းသက်ခဲ့ရသဖြင့် ဤအဖိုးတန်သော အချိန်ကို မဖြုန်းတီးမိရန် လိုအပ်ပေသည်။

အားလုံးက ရိုသေစွာ ဦးညွှတ်လိုက်ကြ၏။

"တပည့်တို့... မှတ်သားထားပြီး... ကြိုးစားပါ့မယ်"

သူတို့၏ မျက်လုံးများတွင် ခိုင်မာသော ဆုံးဖြတ်ချက်များဖြင့် ပြည့်နှက်နေခဲ့သည်။ 'ကောင်းကင်ဘုံလူသား မဟာအခမ်းအနား' သည် အစစ်အမှန်သိုင်းဂိုဏ်း၏ ဂုဏ်သိက္ခာကို ခိုင်မာစေရန် အလွန်ကောင်းသော အခွင့်အရေးတစ်ခု ဖြစ်ကြောင်း သိရှိကြသည့်အလျောက်

သူတို့ ပို၍ပင် ကြိုးစားအားထုတ်ရန် တိတ်တဆိတ် သံန္နိဋ္ဌာန် ချလိုက်ကြသည်။ အမြဲတမ်း ပျင်းရိတတ်သော ယဲ့ချင်းဟယ်ပင်လျှင် အစစ်အမှန်သိုင်းဂိုဏ်းအပေါ် ထပ်ခါတလဲလဲ တိုက်ခိုက်မှုများအပြီးတွင် သိုင်းလမ်းစဉ်အပေါ် ပိုမို စိတ်အားထက်သန်စွာ မြှုပ်နှံရန် လှုံ့ဆော်ခံလိုက်ရသည်။

(... 'ငါလည်း... ဒီတစ်ခါတော့ တကယ် ကြိုးစားမှ ဖြစ်တော့မယ်'... )

ကိစ္စရပ်များစွာကို ရှင်းပြပြီးနောက် တာအိုဆရာလုံရှန်းသည် နောက်တစ်ကြိမ် တံခါးပိတ် ကျင့်ကြံမှုသို့ ဝင်ရောက်သွားခဲ့ပြန်သည်။ သို့သော် ယခင်ကနှင့်မတူဘဲ အစစ်အမှန်သိုင်းဂိုဏ်းသည် ယခုအခါ ထိုက်တောင်ကြီးကဲ့သို့ တည်ငြိမ်နေခဲ့ပြီး ယခင်က မလုံခြုံမှုများ မရှိတော့ချေ။

ချင်ပြည်နယ်တွင် အချို့သော လှုပ်ခတ်မှုများအပြီးတွင် တာအိုဆရာလုံရှန်း 'ကောင်းကင်ဘုံလူသား နယ်ပယ်' သို့ ရောက်ရှိသွားပြီဖြစ်ကြောင်း မည်သူက မသိဘဲ ရှိပါမည်နည်း။ ပြည်နယ်တွင် အချို့သော လှုပ်ခတ်မှုများအပြီးတွင် တာအိုဆရာလုံရှန်း 'ကောင်းကင်ဘုံလူသား နယ်ပယ်' သို့ ရောက်ရှိသွားပြီဖြစ်ကြောင်း မည်သူက မသိဘဲ ရှိပါမည်နည်း။

လောလောဆယ်တွင်တော့ အစစ်အမှန်သိုင်းဂိုဏ်းကို ရန်စရဲသူ မရှိတော့ဘဲ တပည့်များ ငြိမ်းချမ်းစွာ ကျင့်ကြံနိုင်ကြသည်။

...

'တာအိုရှာဖွေ ကျောင်းတော်' အတွင်း၌ နင်ချီ အနည်းငယ် နှမြောတသ ဖြစ်သွားမိသည်။ သူသည် မူလက ဆရာ တာအိုဆရာလုံရှန်းအား 'ကောင်းကင်နှင့် မြေကြီး၏ စွမ်းအား' ကို သူ့အတွက် သရုပ်ပြခိုင်းရန် စီစဉ်ထားခဲ့သည်။

သို့သော် ဆရာက နောက်တစ်ကြိမ် တံခါးပိတ် ကျင့်ကြံမှုသို့ ဝင်ရောက်သွားသည်လား။

(... 'အာ... မေးမလို့ဟာကို... ဆရာကလည်း မြန်လိုက်တာ'... )

သို့သော် နင်ချီ နားလည်ပါ၏။

သူ့ဆရာတွင်လည်း သူ၏ ကျင့်ကြံမှု ရှိနေပြီး မိမိပတ်လည်တွင်သာ ရစ်ဝဲနေ၍ မဖြစ်နိုင်ချေ။

(... 'အင်းလေ... အနာဂတ်မှာ အချိန်အများကြီး ရှိတာပဲ...။ ဆရာ့ကို ဖြည်းဖြည်းချင်း တိုင်ပင်လို့ ရပါတယ်...။ လောလောဆယ်တော့..ငါ့တွက်.. လုပ်စရာ... အလုပ်နှစ်ခု... ရှိတယ်'... )

နင်ချီ၏ အကြည့်သည် သူ၏ရှေ့မှောက်ရှိ သစ်သားဘူးနှင့် 'အစစ်အမှန်စိတ်ဆန္ဒ ပန်းချီကား' သုံးချပ်အပေါ်သို့ စူးစိုက်သွားသည်။

...ပထမတစ်ခုက... သူ... 'ချီစွမ်းအင် စုစည်းဆေးလုံး' ဆေးနည်းကို ပြောင်းပြန် ဖော်ထုတ်ရန် စီစဉ်ထားသည်။

...ဒုတိယတစ်ခုကတော့... 'အစစ်အမှန်စိတ်ဆန္ဒ ပန်းချီကား' သုံးချပ်ထဲတွင် ပုန်းကွယ်နေသော 'ကောင်းကင်ဘုံ လူသား လျှို့ဝှက်နည်းစနစ်' များကို နားလည် သဘောပေါက်ရန် ဖြစ်၏။

နှိုင်းယှဉ်ကြည့်လျှင်... ပထမ တစ်ခုက အချိန်ပိုယူရနိုင်သည်ဟု သူ ခံစားမိသည်။ ဒုတိယ တစ်ခုအတွက်မူ 'စိုးမိုးကျား အစစ်အမှန်စိတ်ဆန္ဒ ပန်းချီကား' ကို နားလည်ခဲ့ဖူးသည့် သူ၏ အတွေ့အကြုံဖြင့် အနည်းငယ် ပိုမို လွယ်ကူပေလိမ့်မည်။

(... 'ဒါပေမဲ့... အခု ငါ့ရဲ့ ကျင့်ကြံမှု အဆင့်က ပိုနက်ရှိုင်းလာပြီ ဆိုတော့... စီနီယာ အစ်ကိုအစ်မတွေရဲ့ ကျင့်ကြံမှုကို အရှိန်မြှင့်ပေးနိုင်မယ့် လျှို့ဝှက် နည်းစနစ်တချို့ ဖန်တီးကြည့်လို့ ရလောက်တယ်'... )

နင်ချီ အကြံထုတ်နေမိသည်။

သူသည် 'အဋ္ဌမအလွှာ နယ်ပယ်' သို့ ရောက်ရှိနေခဲ့ပြီဖြစ်ပြီး 'အတွင်းစွမ်းအား နယ်ပယ်' မှ ကျင့်ကြံခြင်းတွင် သူ့အတွက် လျှို့ဝှက်ချက်များ မရှိတော့ပါ။ စီနီယာအစ်ကိုအစ်မများ နားလည်နိုင်မည့် လျှို့ဝှက်နည်းစနစ် အနည်းငယ် ဖန်တီးခြင်းမှာ ခက်ခဲလှသည် မဟုတ်။

လျှို့ဝှက်နည်းစနစ်များကို အသုံးပြု၍ 'အတွင်းစွမ်းအား နယ်ပယ်' ကျင့်ကြံမှုကို အရှိန်မြှင့်ပြီးနောက် 'ချီစွမ်းအင် စုစည်းဆေးလုံး' ကို သောက်သုံး၍ အဆင့် ချိုးဖြတ်ခြင်းဖြင့် အစစ်အမှန်သိုင်းဂိုဏ်းအား 'ချီစွမ်းအင် နယ်ပယ်' ကျင့်ကြံသူများ တည်ငြိမ်စွာ မွေးထုတ်ပေးနိုင်ပေလိမ့်မည်။

(... 'ဟုတ်တယ်... ဒီနည်းက ကောင်းတယ်'... )

ဘာပဲဖြစ်ဖြစ် ဒါကို အားလပ်ချိန်တွင် လုပ်ဆောင်နိုင်ပြီး သူ၏ ကျင့်ကြံမှုကို အဟန့်အတား မဖြစ်စေသည့်အပြင် တစ်နည်းအားဖြင့် ၎င်းသည် သူ၏ ကျင့်ကြံမှု တိုးတက်မှုကို စမ်းသပ်သည့် နည်းလမ်း တစ်ခုလည်း ဖြစ်သည်။

ဆရာ တာအိုဆရာ လုံရှန်း၏ ရတနာ ပေးအပ်ခြင်းက သူ့ကို သတိပေးလိုက်သည်မှာ စီနီယာအစ်ကိုအစ်မများ၏ ခွန်အားကို အမှန်တကယ် မြှင့်တင်ရန် လိုအပ်နေပြီ ဖြစ်ကြောင်းပင်။

မဟုတ်ပါက တစ်နေ့နေ့တွင် သူရော ၊ ဆရာပါ

မရှိသည့်အခါ ပြဿနာများ ဖြစ်ပေါ်လာနိုင်သည်။

(... 'လျှို့ဝှက် နည်းစနစ်တွေကိုတော့... အချိန်ယူပြီး လုပ်ရမှာပေါ့...။ လောလောဆယ်... 'ချီစွမ်းအင် စုစည်းဆေးလုံး' ကိုပဲ... အရင်... စမ်းကြည့်ရအောင်'... )

နင်ချီက သစ်သားဘူးကို ဖွင့်လိုက်၏။

ထို့နောက် 'ချီစွမ်းအင် စုစည်းဆေးလုံး' မှ အမှုန့်အနည်းငယ်ကို ညှပ်ယူလိုက်ပြီး ညင်သာစွာ ဖိချေသည်၊ ပွတ်သပ်သည်။ စစ်ဆေး၍ ရှူရှိုက်ကာ မြည်းစမ်းကြည့်လိုက်သည်။

မျက်လုံးများကို မှိတ်လိုက်ပြီး ဂရုတစိုက် အာရုံခံလိုက်၏။

(... 'အင်း... အတွင်းအားကို ခိုင်မာစေတဲ့ စွမ်းအား ပါနေတယ်...။ အဓိက ဆေးကတော့... 'ဆန်းပြားသားရဲ သွေးဆေးလုံး' ဖြစ်ရမယ်...။ ပြီးတော့... 'စိမ်းပြာကျောက် မြက်ပင်'... 'ညပန်းပွင့်'... 'ရေခဲကျောက် နို့ရည်'... အင်း...'...)

'သွေးဆေးလုံး' ဆိုသည်မှာ အလွန်ကြီးမားသော ခွန်အားရှိသည့် 'ဆန်းပြားသားရဲ' အတွင်း၌ မွေးဖွားလာသော အစွမ်းထက် အနှစ်သာရတစ်ခုဖြစ်ပြီး ဆန်းကြယ်သော စွမ်းအားများ ပါဝင်သည်။ အခြား ဆေးဖက်ဝင် ပစ္စည်းများအတွက်မူ ၎င်းတို့တွင် ကိုယ်စီ အခန်းကဏ္ဍများ ရှိကြပြီး အချို့မှာ အစစ်အမှန်သိုင်းဂိုဏ်း၏ ရတနာတိုက်တွင်ပင် ရှားပါးလှ၏။

ခဏတာအတွင်းမှာပင် နင်ချီသည် ဆေးဖက်ဝင် ဂုဏ်သတ္တိများ၏ ထက်ဝက်ကျော်ကို ရှင်းလင်းစွာ သိရှိသွားခဲ့ပြီး ဤဂုဏ်သတ္တိများကို အခြေခံ၍ သူ... ဆေးဖော်စပ်မှု အစီအစဉ် အကြမ်း အနည်းငယ်ကို ရေးဆွဲခဲ့ပြီး ဖြစ်သည်။ ဤသို့ စွမ်းဆောင်နိုင်ခြင်းမှာ ဆေးပညာနှင့် ဆေးဖော်စပ်ခြင်း နယ်ပယ်နှစ်ခုလုံးတွင် သူ၏ နက်ရှိုင်းသော အသိပညာနှင့် ကင်းကွာ၍ မရနိုင်ချေ။

အဆက်မပြတ် အမှုန့်ခြစ်ယူခြင်းနှင့် မြည်းစမ်းခြင်းများအပြီးတွင် နင်ချီ နောက်ဆုံးတွင် ဆေးဖက်ဝင် ဂုဏ်သတ္တိအားလုံးကို ဆုပ်ကိုင်နိုင်ခဲ့ပြီ ဖြစ်သည်။

တွေဝေခြင်းမရှိဘဲ .. မျောက်ဖြူအား ဘဏ္ဍာတိုက်မှ ပစ္စည်းများ ယူဆောင်လာရန် ညွှန်ကြားလိုက်၏။ စမ်းသပ်မှုများ စတင်ခဲ့တော့သည်။

ဤကမ္ဘာမှ ဆေးဖော်စပ်နည်းများမှာ ထိုမျှ မှော်ဆန်လှသည် မဟုတ်။

သို့မဟုတ်... ပို၍ တိကျစွာ ဆိုရလျှင်... သူ၏ လက်ရှိအဆင့်တွင် ကြုံတွေ့ခဲ့ရသော ဆေးဖော်စပ်နည်းများမှာ ထိုမျှ မှော်ဆန်ခြင်း မရှိခဲ့ပါ။

--------

ကျောင်းတော်၏ ဆေးဖော်စပ်မီးဖိုထဲတွင်... အောက်မှ မီးတောက်များ လောင်ကျွမ်းနေခဲ့သည်။

ဆေးဖက်ဝင် ပစ္စည်းများကို ကြားဖြတ် ထည့်သွင်းကာ အမျိုးမျိုးသော ဆေးဖက်ဝင် ဂုဏ်သတ္တိများကို အခြေခံ၍ အညစ်အကြေးများကို သန့်စင်ပြီး အရည်အဖြစ်သို့ ပြောင်းလဲကာ အနာဂတ်တွင် အသုံးပြုရန် ဖယ်ရှားထားခဲ့၏။ ကြိုတင်ပြင်ဆင်မှုများအားလုံး ပြီးဆုံးသည့်အခါမှ ၎င်းတို့ကို အစီအစဉ်တစ်ခုအတိုင်း အဆက်မပြတ် ပေါင်းစပ်ကာ နောက်ဆုံးတွင် ဆေးရည်တစ်ခုအဖြစ် ဖွဲ့စည်းပြီးနောက် ကျစ်လျစ်စေကာ ဆေးလုံးအဖြစ် ပုံသွင်းလိုက်သည်။ ထိုအရာများထဲတွင် အရေးအကြီးဆုံးမှာ ပစ္စည်းများ ထည့်သွင်းသည့် အစီအစဉ် ဖြစ်ပြီး ခြေလှမ်းတစ်လှမ်း မှားယွင်းရုံဖြင့် လုံးဝ ကွဲပြားခြားနားသော ရလဒ်များ ထွက်ပေါ်လာနိုင်၏။

နောက်တစ်ခုမှာ မီးတောက် ထိန်းချုပ်မှု ဖြစ်သော်လည်း ကံကောင်းစွာပင် ၎င်းသည် နင်ချီအတွက် စိန်ခေါ်မှုတစ်ခု မဟုတ်ခဲ့။ သူ၏အတွင်းအားမှာ အလွန်အမင်း ပေါများလှပြီး သူ... မီးတောက်များကို သူ၏ဆန္ဒအတိုင်း အားစိုက်ထုတ်စရာမလိုဘဲ ထိန်းချုပ်ကာ ကိုင်တွယ်နိုင်ခဲ့သည်။ ၎င်းတို့ကို ပြင်းထန်သော အပူရှိန်အဖြစ် ပြောင်းလဲသည်ဖြစ်စေ၊ ရေခဲတမျှ အေးစက်စေသည်ဖြစ်စေ...။ ဤစွမ်းရည်မှာ အခြား ဆေးဖော်စပ်သူများ ယှဉ်နိုင်စွမ်း မရှိသည့် အရာ ဖြစ်ပေသည်။

နင်ချီ၏ မျက်လုံးများ လေးနက်နေပြီး ပုံသဏ္ဌာန်ယူရန် စောင့်ဆိုင်းနေသော ဤ 'ချီစွမ်းအင် စုစည်းဆေးလုံး အရည်' အသုတ်ကို စူးစိုက် ကြည့်ရှုနေခဲ့သည်။

တစ်နာရီကြာပြီးနောက် ဆေးဖော်စပ်မီးဖို အေးသွားခဲ့သည်။

၎င်းအား ကြည့်နေသော နင်ချီ၏ မျက်နှာအမူအရာက တည်ငြိမ်နေခဲ့သည်။

(... 'အင်း... ထင်တဲ့အတိုင်းပဲ... ပထမအကြိမ်တော့... ရှုံးတာပေါ့'... )

မျှော်လင့်ထားသည့်အတိုင်းပင်... ၎င်း... ကျရှုံးခဲ့သည်။ ဒါက သဘာဝကျလှသည်။

တည်ရှိပြီးသား ဆေးနည်းတစ်ခုသာ ရှိခဲ့ပါလျှင် ၎င်းသည် နင်ချီ့အတွက် လွယ်ကူပေလိမ့်မည်။ သို့သော် ယခု နင်ချီ... ဆေးလုံးတစ်လုံးတည်းမှ ပြောင်းပြန် ဖော်ထုတ်နေရခြင်း ဖြစ်ရာ... များစွာ ကြီးမားသော စိန်ခေါ်မှုများကို တင်ပြနေခဲ့သည်။

မည်သို့ပင် ဆိုစေ... သူ... ယုံကြည်မှု ရှိနေခဲ့သည်။ ဤကျရှုံးမှုက သူ့ကို များစွာ သင်ကြားပေးခဲ့သည်။

နင်ချီသည် အေးသွားသော ဆေးမှုန့်ကို သူ၏ လက်ချောင်းများကြား ခံစားကြည့်လိုက်ပြီး ယခင် 'ချီစွမ်းအင် စုစည်းဆေးလုံး' အမှုန့်နှင့် ကွာခြားချက်များကို မှတ်သားလိုက်သည်။ သူ၏စိတ်ထဲတွင် လှုံ့ဆော်မှုများ လျှပ်ပြက်သွားပြီး ယခင်ကထက် များစွာ ပိုမိုကောင်းမွန်အောင် ပြုပြင်ထားသော လုံးဝ ဆေးဖော်စပ်မှု အစီအစဉ်အသစ် တစ်ခု ပုံပေါ်လာခဲ့၏။

သူ၏နှလုံးသားထဲတွင် ပို၍ သေချာသွားခဲ့သည်။

(... 'တစ်လအတွင်း 'ချီစွမ်းအင် စုစည်းဆေးလုံး' ဆေးနည်းကို ဖော်ထုတ်ဖို့က... မခက်ခဲလောက်ပါဘူး'... )

နင်ချီ စိတ်အေးသွားသည်။ ဤသို့ဆိုလျှင် သူ... 'ကောင်းကင်ဘုံလူသား မဟာအခမ်းအနား'မတိုင်မီ 'ချီစွမ်းအင် စုစည်းဆေးလုံး' အနည်းငယ်ကို သေချာပေါက် ထုတ်လုပ်နိုင်မည် ဖြစ်ပြီး စီနီယာအစ်ကိုများလည်း 'ချီစွမ်းအင် နယ်ပယ်' သို့ ခြေချနိုင်စေရန် ကူညီနိုင်ပေလိမ့်မည်။

စိတ်ရွှင်လန်းမှုကို ခံစားရင်း သူ၏အကြည့်သည် 'အစစ်အမှန်စိတ်ဆန္ဒ ပန်းချီကား' သုံးချပ်ဆီသို့ ရွှေ့သွားခဲ့သည်။

(... 'ကဲ... စိတ်ကို ရှင်းလင်းပြီး... 'ကောင်းကင်ဘုံလူသား လျှို့ဝှက်နည်းစနစ်' တွေကို... နားလည်အောင်... လုပ်ရမယ့်... အချိန်... ရောက်ပြီကွ'... )