စီနီယာအစ်ကိုအစ်မများ၏ တုန်လှုပ်မှု

~လော့ဝမ်ထျန်းက အကြံပြုလိုက်သည်။

"ကိုးလေး... ဒီမက်မွန်သီးက တဖြည်းဖြည်း ဝိညာဉ်ဝင်လာပြီဆိုတော့... နာမည်တစ်ခုလောက် ပေးလိုက်ပါလား"။

နင်ချီ တွေးတောစဉ်းစားသွားပြီး ခဏအကြာတွင် ဆိုလိုက်သည်။

"ကျွန်တော်တို့ စုဝေးပွဲကို 'အစစ်အမှန်သိုင်း မက်မွန်ပွဲတော်' လို့ ခေါ်မှတော့... ဒါကိုလည်း... 'အစစ်အမှန်သိုင်း ဝိညာဉ်မက်မွန်သီး' လို့ပဲ ခေါ်လိုက်ကြတာပေါ့"။

(... 'နာမည်ပေးတာတော့... ငါ... တကယ်... ညံ့တာပဲ'... ) သူသည်... အမှန်တကယ်ပင် နာမည်များ စဉ်းစားရာတွင် မတော်ခဲ့ပါ။

လူတိုင်း ရယ်မောလိုက်ကြသည်။

နင်ချီ၏ ပျင်းရိမှုကို သတိပြုမိကြသော်လည်း ထိုနာမည်မှာ သင့်တင့်လျောက်ပတ်ပါ၏။ ထို့အပြင် ၎င်းသည် နင်ချီ စိုက်ပျိုး ပြုစုထားသော မက်မွန်ပင်ဖြစ်ရာ သူ... ကြိုက်သည့်နာမည် ပေးပိုင်ခွင့် ရှိသည်။ သို့သော် သူတို့၏ နင်ချီအပေါ် အကြည့်များမှာ ပို၍ပင် အံ့ဩမှုများဖြင့် ပြည့်နှက်နေခဲ့သည်။

ယနေ့အထိ နင်ချီ ထုတ်ဖော်ပြသခဲ့သော အံ့ဖွယ်ရာများ ပို၍ ပို၍ များပြားလာသည်နှင့်အမျှ သူတို့၏ ဤဂျူနီယာညီလေးသည် သူတို့ ထင်ထားသည်ထက် များစွာ ပိုမို ကြောက်ခမန်းလိလိ ကောင်းလှကြောင်း သူတို့ နားလည်ခဲ့ကြပြီး ဖြစ်သည်။

(... 'သေစမ်း... ကိုးလေးက... တကယ်ပဲ... လူမှ ဟုတ်ရဲ့လား'... )

(... 'တကယ်လို့သာ... တစ်နေ့နေ့မှာ... ဂျူနီယာညီလေးက... ရုတ်တရက်... ငါတို့ထက်တောင် ကျော်လွန်တဲ့... စွမ်းအားကို... ပြသလာခဲ့ရင်... ...အဲ့ဒါကလည်း... ကျိုးကြောင်းဆီလျော်မှု... ရှိလောက်တယ်လို့... ငါ... ထင်တယ်'... )

ဤအတွေး ပေါ်ပေါက်လာသည်နှင့် တပည့်ရင်း အနည်းငယ် ခေါင်းခါကာ ရယ်မောလိုက်ကြသည်။ ထိုနေ့သည် အနည်းငယ် ဝေးကွာနေသေးသည်ဟု ထင်မှတ်ရင်းပင်တည်း။ ဘာပဲပြောပြော နင်ချီမှာ အသက် ရှစ်နှစ်ပင် မပြည့်သေးပါ။ အခြား ရွယ်တူများအတွက်မူ သူတို့ သိုင်းလမ်းစဉ်သို့ စတင် ခြေချခါစသာ ရှိသေးသည်။

အားလုံး အားရပါးရ သောက်သုံးကြပြီး မက်မွန်သီးကို မြည်းစမ်းကြရာ သူတို့၏ စိတ်ဓာတ်များ မြူးကြွလာခဲ့သည်။

မကြာသေးမီ ရက်များအတွင်း စုပုံလာခဲ့သော ဖိအားများကို ထုတ်လွှတ်လိုက်ပြီး ပို၍ ကြီးမားသော စေ့ဆော်မှုအဖြစ်သို့ ပြောင်းလဲသွား၏။ စကားစမြည် ပြောဆိုကြရင်း သူတို့ လာမည့် 'ကောင်းကင်ဘုံလူသား မဟာအခမ်းအနား' အကြောင်းကိုလည်း ပြောဆိုကြပြီး ဂိုဏ်းကို အရှက်မရစေရန် တစ်ဦးနှင့်တစ်ဦး အားပေးတိုက်တွန်းကြသည်။ သို့သော် လူတိုင်းက နင်ချီအား 'ချီစွမ်းအင် စုစည်းဆေးလုံး' အကြောင်း မေးမြန်းခြင်းကို တိတ်တဆိတ် ရှောင်ရှားခဲ့ကြသည်။ သူ့အပေါ် ဖိအားများစွာ မသက်ရောက်စေလိုသောကြောင့် ဖြစ်သည်။

ဤအရာက နင်ချီကို အနည်းငယ် အကူအညီမဲ့သလို ခံစားသွားစေသည်။ (... 'အာ... မေးကြပါတော့လား... ငါက အဆင်သင့် ဖြစ်နေပြီ'... )

မူလက သူ... သူ၏ စီနီယာအစ်ကိုများ သူ့ကို မေးမြန်းရန် စောင့်ဆိုင်းပြီးမှ ပေါ့ပေါ့ပါးပါး ထုတ်ပေးရန် တွေးထားခဲ့သည်။ ကံမကောင်းစွာဖြင့် အရာရာမှာ သူအလိုရှိသလို ဖြစ်မလာခဲ့ချေ။

ကောင်းကင် မှောင်မိုက်လာသည်နှင့် လယုန်မင်း မြင့်မားစွာ ထွက်ပေါ်လာခဲ့သည်။ အဖွဲ့သားများ ထွက်ခွာရန် ပြင်ဆင်နေကြပြီ ဖြစ်သည်။

နင်ချီက ပြုံးရင်း သူတို့ကို တားဆီးလိုက်သည်။

"စီနီယာအစ်ကိုအစ်မတို့... ခဏလောက်... စောင့်ပါဦး...။ ကျွန်တော်... ခင်ဗျားတို့အတွက်... လက်ဆောင်တချို့... ပြင်ဆင်ထားတယ်"။

တစ်ဦးချင်းစီတိုင်း အစစ်အမှန်သိုင်းဂိုဏ်း၏ စံ သစ်သားဘူးတစ်လုံးစီ လက်ခံရရှိသွားကြသည်။ လူအများအပြား ချက်ချင်း စူးစမ်းလိုစိတ်များ ပြသလာကြပြီး ယဲ့ချင်းဟယ်က ပြုံးရင်း ဆိုလိုက်သည်။

"ကိုးလေး... မင်းက... ငါ... ဝိညာဉ်မက်မွန်သီး... စားရတာ... ကြိုက်မှန်း... သိလို့... ငါတို့အတွက်... နောက်တစ်လုံး... ပြင်ဆင်ပေးထားတာ... လားဟင်"

(... 'မက်မွန်သီးလေးတော့... ဖြစ်ပါစေ'... )

နင်ချီက စကားမဆိုဘဲ ပြုံးနေလိုက်သည်။ သူတို့၏ စူးစမ်းလိုစိတ်များ ပိုမို နက်ရှိုင်းလာ၏။ အခြားသူများမှာ သူတို့၏ ဂုဏ်သိက္ခာကို ထည့်သွင်းစဉ်းစားနေကြသေးသော်လည်း ယဲ့ချင်းဟယ်ကတော့ သစ်သားဘူးကလေး၏ အဖုံးကို အမြန်ပင် ဖွင့်လှစ်လိုက်သည်။

တစ်ခဏအတွင်းမှာပင် လူတိုင်း မှင်တက်သွားကြသည်။ သစ်သားဘူးထဲတွင် မြင်တွေ့လိုက်ရသည်မှာ ဝိညာဉ်မက်မွန်သီး မဟုတ်ခဲ့။ ထိုအစား တောက်ပနေသော အနက်ရောင် ဆေးလုံးတစ်လုံးက သူတို့၏ မျက်လုံးများကို ကြိုဆိုနေခဲ့သည်။ သူတို့ ထိုထူးခြားဆန်းပြားသော ရနံ့နှင့် အလွန် ရင်းနှီးကျွမ်းဝင်ကြသည်။

'ချီစွမ်းအင် စုစည်းဆေးလုံး' မှလွဲ၍ အခြား ဘာဖြစ်နိုင်ဦးမည်နည်း။

(... 'သေ... သေစမ်း... ဒါ... ဒါ... တကယ်ကြီး...'... )

ဤတစ်ကြိမ်တွင် မည်သူမျှ ကျိုးနွံဖို့ ဂရုမစိုက်နိုင်ကြတော့။

သူတို့အားလုံး မိမိတို့၏ သစ်သားဘူးများကို ဖွင့်လိုက်ကြရာ တစ်လုံးပြီးတစ်လုံး 'ချီစွမ်းအင် စုစည်းဆေးလုံး' များ သူတို့၏ မျက်စိရှေ့မှောက်တွင် ပေါ်ထွက်လာခဲ့သည်။

လော့ဝမ်ထျန်း၏ စိတ်လှုပ်ရှားနေသော အသံက အနည်းငယ် တုန်ယင်နေခဲ့သည်။

"ကိုးလေး... မင်း... မင်း... အောင်မြင်သွားတယ်... ဟုတ်လား"

တစ်ယောက်ပြီးတစ်ယောက် စိတ်လှုပ်ရှား တက်ကြွသော အကြည့်များ နင်ချီအပေါ်သို့ ကျရောက်လာခဲ့သည်။ နင်ချီက ပြုံးရင်း ခေါင်းညိတ်လိုက်၏။

"ကံကောင်းစွာနဲ့ပဲ... ကျွန်တော်... စိတ်မပျက်စေခဲ့ပါဘူး...။ ဒါပေမဲ့... အရင်... 'ချီစွမ်းအင် စုစည်းဆေးလုံး' တော့... ကုန်သွားခဲ့တယ်...။ ပြီးတော့... ဘဏ္ဍာတိုက်ထဲက... ဆေးဖက်ဝင် ပစ္စည်းတွေလည်း... အကုန်... သုံးလိုက်ရတယ်"

နင်ချီ၏ အတည်ပြုချက်ကို ရရှိပြီးနောက် လူတိုင်း အားရပါးရ ရယ်မောလိုက်ကြသည်။

(... 'မယုံနိုင်စရာပဲ... ကိုးလေးက... တကယ်... လုပ်နိုင်ခဲ့တယ်...'... )

"ကိုးလေး... မင်းကတော့... တကယ့်... ပါရမီရှင်ပဲ..."

သူတို့ မအော်မိအောင် ထိန်းချုပ်ထားခဲ့ကြသော်လည်း သူတို့၏ နှလုံးသားများ တဒုန်းဒုန်း ခုန်ပေါက်နေသည်ကိုတော့ မထိန်းချုပ်နိုင်ခဲ့ကြပါ။

မညာတမ်း ဆိုရလျှင် ထိုနေ့က နင်ချီက 'ချီစွမ်းအင် စုစည်းဆေးလုံး' အတွက် ဆေးနည်းကို ပြောင်းပြန် ဖော်ထုတ်ရာတွင် အနည်းငယ် ယုံကြည်မှု ရှိသည်ဟု ဆိုခဲ့သော်လည်း လူတိုင်း များစွာ မျှော်လင့်မထားခဲ့ကြပါ။

အကြောင်းမှာ ဆေးလုံး တစ်လုံးတည်းမှ ဆေးနည်းတစ်ခုကို ပြောင်းပြန် ဖော်ထုတ်ရန် ထိုမျှ လွယ်ကူခဲ့ပါလျှင် 'ချီစွမ်းအင် စုစည်းဆေးလုံး' များ ဤမျှ အဖိုးတန်နေမည် မဟုတ်သောကြောင့်တည်း။ သူတို့ နင်ချီကို ထောက်ခံခဲ့ကြခြင်းမှာ သူက... သူတို့၏ ဂျူနီယာညီလေး ဖြစ်သောကြောင့်သာ ဖြစ်သည်။

မမျှော်လင့်စွာပင် ဘယ်လောက် ကြာသွားခဲ့ပြီလဲ။ နင်ချီ အမှန်တကယ် အောင်မြင်ခဲ့သည်တကား။ 'ချီစွမ်းအင် စုစည်းဆေးလုံး' ဆေးနည်းကို ပြောင်းပြန် ဖော်ထုတ်နိုင်ခဲ့ရုံသာမက ဤမျှ များပြားသော 'ချီစွမ်းအင် စုစည်းဆေးလုံး' များကိုပါ အောင်မြင်စွာ ဖော်စပ်နိုင်ခဲ့သည်။ ယခင်က သူတို့ ထို 'ချီစွမ်းအင် စုစည်းဆေးလုံး' တစ်လုံးကို ကျိုးနွံစွာ ငြင်းဆန်ခဲ့ကြသည်။ ၎င်းကို မလိုချင်၍ မဟုတ်ဘဲ 'ချီစွမ်းအင် စုစည်းဆေးလုံး' များ လုံလောက်စွာ မရှိသောကြောင့်သာ ဖြစ်သည်။ ယခုတော့ အဆင်ပြေသွားပြီ။ တစ်ယောက်တစ်လုံးစီ လုံလောက်သည်ထက် ပိုနေသေးသည်။

(... 'ဒါနဲ့ဆိုရင်... စီနီယာအစ်ကိုကြီးရော... စီနီယာအစ်ကိုနှစ်ရော... 'ကောင်းကင်ဘုံလူသား မဟာအခမ်းအနား' မတိုင်ခင်... 'မြူဖြူ နယ်ပယ်' ကို... ချိုးဖြတ်ဖို့... မျှော်လင့်လို့ ရပြီ...'... )

လူတိုင်း ပထမဆုံး အခွင့်အရေးမှာပင် ဤအကြောင်းကို တွေးမိသွားကြပြီး ပြုံးလိုက်ကြသည်။ ထိုအချိန်တွင် ကျန်းပိုင်ရှန်းနှင့် ပေါင်းလိုက်ပါက ဂိုဏ်းတွင် 'မြူဖြူ နယ်ပယ်' ကျင့်ကြံသူ သုံးဦး ရှိလာမည် ဖြစ်ပြီး ၎င်းက မြင်ကွင်းကို လုံလောက်စွာ ထိန်းထားနိုင်မည် ဖြစ်ကာ အလွန် နည်းပါးနေမည် မဟုတ်တော့ချေ။

"ဟင်... အောက်မှာ... တခြား... အရာတစ်ခု... ရှိသေးတယ်"

ဤအချိန်တွင် ဆဋ္ဌမတပည့် စွန်းချွမ်းဟိုင်၏ အသံက လူတိုင်း၏ အာရုံစိုက်မှုကို ဆွဲဆောင်သွားခဲ့သည်။ သူ... သစ်သားဘူး၏ ဒုတိယအလွှာကို မြှောက်လိုက်သည်။ စက္ကူဖြူတစ်ရွက်နှင့် ဆေးလုံး ပုလင်းအနည်းငယ် သူတို့၏ အမြင်အာရုံထဲသို့ ကျရောက်လာခဲ့၏။

ထိုအခါ အားလုံး မျက်နှာထက်ဝယ် ရှုပ်ထွေးသော အမူအရာများ ပြသလာကြသည်။ သူတို့သည် ယခင် 'ချီစွမ်းအင် စုစည်းဆေးလုံး' များကို မှတ်မိကြသော်လည်း ယခု ဤအရာများမှာတော့ ရင်းနှီးပုံ မရချေ။

(... 'ဒါတွေက... ဘာတွေလဲ'... )

မျက်လုံးအားလုံး အလိုအလျောက် နင်ချီထံသို့ လှည့်သွားကြသည်။

နင်ချီ အနည်းငယ် ကျေနပ်သလို ခံစားလိုက်ရသည်။ အမြဲတမ်း ဂိုဏ်းကသာ သူ၏ ကြီးထွားမှုအတွက် အားထုတ်မှု မနှမြောဘဲ အခြေအနေများ ဖန်တီးပေးခဲ့သည်။

ယခု နောက်ဆုံးတွင် ဂိုဏ်းသို့ တစ်စုံတစ်ခု ပြန်လည် ပေးဆပ်နိုင်ခဲ့ခြင်းက သူ့အား ကွဲပြားခြားနားသော အောင်မြင်မှုနှင့် ကျေနပ်မှု ခံစားချက်ကို ဖြစ်ပေါ်စေခဲ့သည်။

နင်ချီ... လျှို့ဝှက်မထားဘဲ ပြုံးရင်း ရှင်းပြလိုက်၏။

"ဒါက... 'ချီစွမ်းအင် စုစည်းဆေးလုံး' ကို... ပြောင်းပြန် ဖော်ထုတ်နေတုန်း... မတော်တဆ... ရလိုက်တာပါ...။ ကျောက်စိမ်းပုလင်းထဲမှာ... 'အိပ်စက်ခြင်း အိပ်မက် ဆေးလုံး' ... ပါတယ်...။ ဒါကို... သောက်သုံးပြီးရင်... အထူး... ကျင့်ကြံခြင်း... အခြေအနေထဲ... ဝင်ရောက်နိုင်တယ်...။ စက္ကူဖြူပေါ်မှာတော့... 'အိပ်စက်ခြင်း အိပ်မက် သိုင်းစွမ်းရည်' ... မှတ်တမ်းတင်ထားပါတယ်...။ ဒါကို... 'အိပ်စက်ခြင်း အိပ်မက် ဆေးလုံး' ... နဲ့... ပေါင်းစပ်လိုက်ရင်... အိပ်မက်ထဲမှာ... ကျင့်ကြံခွင့်... ရရှိပြီး... အတွင်းအား... စုစည်းမှုကို...အရှိန် မြှင့်တင်ပေးနိုင်ပါတယ်"

"ဒီအရာက... စီနီယာ အစ်ကိုငါးအတွက်... အသုံးမဝင်ဘူး...။ စီနီယာ အစ်ကိုကြီးနဲ့... စီနီယာ အစ်ကိုနှစ်အတွက်... အကျိုးသက်ရောက်မှု... နည်းတယ်...။ ဒါပေမဲ့... စီနီယာအစ်မသုံးနဲ့... ခင်ဗျားတို့... တခြားသူတွေ

အတွက်တော့... ကျင့်ကြံမှုကို... အရှိန်မြှင့်တင်ပေးနိုင်တယ်"

ဤစကားများ ထွက်ပေါ်လာသည်နှင့် တိတ်ဆိတ်မှု ကြီးစိုးသွားသည်။ လူတိုင်း မှင်တက်သွားကြ၏။

(... 'ဘာ... ဘာရယ်... အိပ်မက်ထဲမှာ ကျင့်ကြံတယ် ဟုတ်လား'... )

ယခင် 'ချီစွမ်းအင် စုစည်းဆေးလုံး' ကပင် အံ့မခန်း ဖြစ်နေခဲ့ပြီ။ သို့သော် ယခု သူတို့ ဘာကြားလိုက်ရသနည်း။

အတွင်းအား စုစည်းမှုကို အရှိန်မြှင့်ပေးသည့် လျှို့ဝှက်နည်းစနစ်နှင့် လိုက်ဖက်သော ဆေးလုံးတဲ့လား။

သူတို့... တောင်တန်းများတွင် ပုန်းအောင်းနေပြီး ပြင်ပလောကနှင့် အဆက်အသွယ်မရှိသော ရသေ့များ မဟုတ်ကြ။ သဘာဝအတိုင်း ဤအရာက ဘာကို ဆိုလိုသည်ကို သူတို့ နားလည်ကြသည်။ ခဏအကြာတွင် ရုပ်တုများ ပြန်လည် အသက်ဝင်လာကြပြီး လော့ဝမ်ထျန်းနှင့် အခြားသူများ ခါးသီးသော အပြုံးများ အပြန်အလှန် ဖလှယ်လိုက်ကြသည်။ နောက်ဆုံးတွင် ပြင်းထန်သော အံ့ဩမှုအဖြစ်သို့ ပြောင်းလဲသွားခဲ့သည်။

"ကိုးလေး... မင်း... တစ်ခုခု... လုပ်လိုက်ပြီဆိုရင်... တကယ်ကို... အံ့ဩစရာပဲကွာ..."

ဤအခိုက်အတန့်တွင် သူတို့၏ မျက်လုံးများထဲမှ ထွန်းလင်းတောက်ပနေပုံရသော နင်ချီ၏ ပုံသဏ္ဌာန်သည် အချို့သော အရှိန်အဝါဖြင့် ဖုံးလွှမ်းနေသကဲ့သို့ ထင်မှတ်ရသည်။

ထိုအခါ နင်ချီက ရယ်မောရင်း သမ်းဝေလိုက်သည်။

(... 'အာ... ပင်ပန်းလိုက်တာ... ဒီလောက်ဆို တော်လောက်ပြီ'... )

"ဂျူနီယာညီလေး... ပင်ပန်းနေပြီ...။ စီနီယာအစ်ကိုအစ်မတို့လည်း... စောစော... ပြန်နားကြပါတော့"

ဤသို့ ဆိုရင်း သူ... လှည့်ထွက်ကာ အိမ်ထဲသို့ ပြန်ဝင်သွားခဲ့သည်။

—----

စိတ်အေးလက်အေးနှင့် သဘာဝကျသော နင်ချီကို ကြည့်ရင်း လူတိုင်း အပြန်အလှန် ပြုံးလိုက်ကြသည်။ နင်ချီ၏ ပတ်ဝန်းကျင်မှ တောက်ပသော အရှိန်အဝါသည် မသိလိုက်မသိဘာသာ မှေးမှိန်သွားခဲ့ပြီး နင်ချီ၏ ပုံသဏ္ဌာန်သာ မြင်နိုင်တော့သည်။

"ဂျူနီယာညီလေးက... ဘယ်လောက်ပဲ... ထူးကဲနေပါစေ... သူက... အမြဲတမ်း... ငါတို့ရဲ့... ဂျူနီယာညီလေးပါပဲလေ"

...

တိုတောင်းသော 'အစစ်အမှန်သိုင်း မက်မွန်ပွဲတော်' အပြီးတွင် တပည့်ရင်းများ ပို၍ပင် ပြင်းထန်သော ကျင့်ကြံမှုထဲသို့ နစ်မျောသွားကြသည်။ နင်ချီ၏ 'အိပ်စက်ခြင်း အိပ်မက် သိုင်းစွမ်းရည်' နှင့် 'ချီစွမ်းအင် စုစည်းဆေးလုံး' တို့ကို ရရှိပြီးနောက် လူတိုင်း ပို၍ပင် လုံ့လဝီရိယ ရှိလာကြသည်။ အထူးသဖြင့် ယဲ့ချင်းဟယ်နှင့် 'အတွင်းစွမ်းအား နယ်ပယ်' တွင်သာ ရှိနေသေးသော အခြားတပည့် အနည်းငယ်မှာ 'အိပ်စက်ခြင်း အိပ်မက် သိုင်းစွမ်းရည်' ၏ အံ့ဖွယ်ရာကို ခံစားမိကြပြီး 'အိပ်စက်ခြင်း အိပ်မက်' အတွင်းမှာပင် အတွင်းအားကို စုစည်းနိုင်သေးကြောင်း တွေ့ကြုံခံစားလိုက်ရသည်။ ထိရောက်မှုမှာ နှစ်ဆထက်ပင် ပိုနေခဲ့၏။

'အတွင်းစွမ်းအား နယ်ပယ် ကိုးလွှာ' မှ သခင်နှစ်ဦး ဖြစ်သော လော့ဝမ်ထျန်းနှင့် ရှုံးရှီတို့မှာမူ သူတို့၏ အခြေအနေများကို အပြည့်အဝ ချိန်ညှိကာ 'ချီစွမ်းအင် စုစည်းဆေးလုံး' ကို အသုံးပြု၍ 'မြူဖြူ နယ်ပယ်' သို့ ချိုးဖြတ်ရန် ပြင်ဆင်နေကြသည်။

နင်ချီအတွက်မူ သူ၏ ကျင့်ကြံမှုသည်လည်း အရေးကြီးသော အခိုက်အတန့်သို့ ရောက်ရှိနေခဲ့ပြီ ဖြစ်သည်။ သူ၏ခန္ဓာကိုယ်အတွင်းမှ အတွင်းအားသည် ရုပ်ခန္ဓာကိုယ်နှင့် နောက်တစ်ကြိမ် နှောင်ဖွဲ့မှု ပြုလုပ်ခဲ့ပြီး အဋ္ဌမမြောက် 'အသေတု' သို့ ဝင်ရောက်ရန် အသင့်ဖြစ်နေခဲ့ပြီ။

ဤတစ်ကြိမ် အောင်မြင်ခဲ့ပါလျှင် နင်ချီသည် 'အတွင်းစွမ်းအား နယ်ပယ် ကိုးလွှာ' သို့ ရောက်ရှိမည်ဖြစ်ပြီး ၎င်းမှာ 'ပြီးပြည့်စုံခြင်း နယ်ပယ်' ပင်တည်း။ ထို့နောက်တွင် နဝမမြောက် 'အသေတု' ဖြစ်လာမည်။ ထိုအချိန်တွင် 'မြူခိုးဖြူ နယ်ပယ်' သို့ တက်လှမ်းရမည့် အခိုက်အတန့် ဖြစ်ပေလိမ့်မည်။

သို့သော် ယခုလောလောဆယ်တွင် နင်ချီသည် 'ပြီးပြည့်စုံခြင်း နယ်ပယ်' သို့ ရောက်ရှိသည့်အခါ မည်သို့ ကွဲပြားခြားနားမည်ကို မြင်တွေ့ရန် အနည်းငယ် မျှော်လင့်နေခဲ့သည်။

"ထျန်းရှန်း... ငါ့ကို... စောင့်ရှောက်ပေးပါ"

နင်ချီက မျောက်ဖြူကို မှာကြားလိုက်၏။

ညွှန်ကြားချက်များ ပေးပြီးနောက်

နင်ချီသည် မျှော်လင့်ချက် အမျှင်တန်းများဖြင့် သူ၏ အဋ္ဌမမြောက် 'အသေတု' သို့ ဝင်ရောက်သွားခဲ့သည်။