နတ်အဆင့်အဠမအဆင့်သို့ ဖြတ်ကျော်ခြင်း

ပြန်လည်ကောင်းမွန်လာပြီးနောက် ချူးယွင်ဖန်းသည် နတ်အဆင့်သတ္တမအဆင့်သို့ တက်လှမ်းနိုင်ခဲ့သည်။ လွန်ခဲ့သည့်နှစ်တွင် သူသည် တစ်ဝက်တစ်ပျက်အခြေအနေ၌ရှိနေသော်လည်း သူ၏ ကျင့်ကြံမှုကို ခေတ္တမျှမလျှော့ခဲ့ပေ။

ဤအချိန်တွင် ယန်ဝိညာဉ်ကိုးပါးပြုပြင်ခြင်းဆေး၏ ဆေးဖက်ဝင် အာနိသင်ကို လုံးလုံးလျားလျား လွှတ်ပေးလိုက်သည်နှင့် အတူ ချူးယွင်ဖန်းသည် နတ်အဆင့် အဠမအဆင့်သို့ ဖြတ်ကျော်နိုင်ရန် အခွင့်ကောင်းတစ်ခုဖြစ်ကြောင်း ချူးယွင်ဖန်းသိလိုက်သည်။ အမှန်ပင် အောင်မြင်မှုတစ်ခုရနိုင်ရန် တစ်နှစ်ကြာခဲ့သည်။ ဤအချိန်ကာလသည် ရှည်လျားလှသော်လည်း ဤဖြစ်စဉ်တွင် ကိစ္စအမြောက်အမြား ကြုံတွေ့ခဲ့ရသည်။ သူ၏ သိုင်းပညာအပေါ် နားလည်သဘောပေါက်မှုသည် အဆင့်တစ်ခုသို့ရောက်ရှိသွားခဲ့ပြီဖြစ်သည်။

ယခုမူကား ရိတ်သိမ်းရမည့် ရာသီသို့ ရောက်လေပြီဖြစ်သည်။

ပြင်းထန်သော ဆေးဘက်ဝင်စွမ်းအားသည် ချူးယွင်ဖန်း၏ အစွမ်းထက်သော ကျင့်ကြံရေးအဖြစ်သို့ ပြောင်းလဲသွားကာ နတ်အဆင့် အဋ္ဌမအဆင့် အတားအဆီးဆီသို့ ဦးတည်သွားသော ကြောက်မက်ဖွယ်ကောင်းသော စွမ်းအင်လှိုင်းများအဖြစ် စတင်ခဲ့သည်။ နတ်အဆင့်သတ္တမအဆင့် အတားအဆီးကို အံ့အားသင့်ဖွယ် အရှိန်ဖြင့် ဖြိုခွင်းလိုက်သည်။ အခြားသူများအတွက်မူ ဤအဆင့်ကို ဖြတ်ကျော်ရန် အလွန်ခက်ခဲသော်လည်း ချူးယွင်ဖန်းအတွက် လွယ်ကူသည်။ နတ်အဆင့်

အဋ္ဌမအဆင့်အကြောင်းကို သူသိသည်။ သူ၏ တိုက်ပွဲတစ်ခုလုံးသည် ကြီးမားသော အပြောင်းအလဲကို ကြုံတွေ့နေရသည်။

ချူးယွင်ဖန်းသည် အဠမအဆင့်သို့ အကြိမ်ပေါင်းများစွာ ဖြတ်ကျော်ရန် ကြိုးစားခဲ့သည်ကို တစ်ချီပြီးတစ်ဆင့် မသိခဲ့ပေ။ အကြိမ်တိုင်းတွင် သူ၏နားလည်နိုင်စွမ်းသည် အနည်းငယ်တိုးလာသည်။

ပြင်ပကမ္ဘာတွင် အချိန်မည်မျှကြာလာသည်ကို မသိတော့ဘဲ နောက်ဆုံးတွင် ချူးယွင်ဖန်း၏ ခန္ဓာကိုယ်ရှိ စွမ်းအားများက ထွက်ပေါက်တစ်ခုကို တွေ့ရှိခဲ့သည်။ သူသည် အတားအဆီးများကို အရူးအမူးဖြတ်ကျော်ကာ နတ်အဆင့် အဠမအဆင့်သို့ ချက်ချင်းဖြတ်ကျော်ခဲ့သည်။

ဘမ်း

ချူးယွင်ဖန်း၏ ခန္ဓာကိုယ်ရှိ နတ်စွမ်းအင်သည် အရူးအမူး လွင့်ထွက်လာကာ အဆင့်ဖြတ်ကျော်ပြီးသည်နှင့် ချက်ချင်း အပြည့်အဝ ထိန်းချုပ်နိုင်ခြင်းမရှိခဲ့ပေ။ နတ်စွမ်းအင်က လေထဲသို့ တိုးဝင်လာပြီး ဆေးဖိုထဲရှိ အတားအဆီးများကို ချက်ချင်းသတိပေးလိုက်သည်။ ချူးယွင်ဖန်းတစ်ဝိုက်တွင် ကြီးမားသော နတ်စွမ်းအင်မုန်တိုင်းကြီးတစ်ခုအဖြစ် ပြောင်းလဲသွားသည်။

ချူးယွင်ဖန်းသည် နတ်စွမ်းအင်မုန်တိုင်း၏ ပင်တိုင်ဖြစ်သည်။

ခဏအကြာတွင်၊ နောက်ဆုံးတွင် သူသည် ပြန့်ကျဲနေသော နတ်စွမ်းအင်အားလုံးကို ပြန်လည်ရယူခဲ့သည်။ သူ့မျက်လုံးများကို ဖြည်းညှင်းစွာဖွင့်လိုက်ပြီးနောက် မျက်လုံးထဲမှ အလင်းတန်းတစ်ခု ထွက်လာသည်။

"နောက်ဆုံးတော့ အဠမအဆင့်ကို ရောက်သွားပြီ" ချူးယွင်ဖန်းလေးလေးနက်နက်သက်ပြင်းချလိုက်သည်။

သူ၏ အသက်ရှုသံသည် လေထဲတွင် ပေါက်ကွဲထွက်နေသော အဖြူရောင် အစင်းကြောင်းများ ဖြစ်သွားသည်။ ချူးယွင်ဖန်း၏ စိတ်နေစိတ်ထားနှင့်ပင် သူ့မျက်နှာပေါ်တွင် ပျော်ရွှင်မှုအရိပ်အမြွက်ကို သိသိသာသာ ပြသနေသည်။ နောက်ဆုံးတွင် သူသည် နတ်အဆင့် အဋ္ဌမအဆင့်သို့ တက်လှမ်းခဲ့သည်။

ထုံးစံအတိုင်း၊ သူ၏ တိုက်ခိုက်ရေး အင်အားသည်လည်း သိသိသာသာ တိုးလာသည်။

သူသည် အသစ်စက်စက် နယ်ပယ်တစ်ခုသို့ ဝင်ရောက်လာခဲ့သည်။

မူလက သူသည် ရွှေအမတေအဆင့်သို့ ဝင်ရောက်ရုံသာ ဝင်ရောက်ခဲ့ခြင်းဖြစ်သည်။ ယင်း၌ ပထမအဆင့်ကို အမတေမဲ့အဆင့်ခေါ်သည်။ ဤအဆင့်သည် ခန္ဓာကိုယ်အတွင်း၌ ပုံရိပ်ရောင်‌ရွှေအမတေတစ်ခုကို တင်ဖွဲ့စည်းနိုင်ခဲ့သည့်အဆင့်ဖြစ်ကာ ယင်းက ရွှေအမတေအဆင့်၏ ပထမဆုံးခြေလှမ်းဖြစ်သည်။

အမတေမဲ့အဆင့်ကို အဆင့်လေးဆင့်ခွဲထားသည်။ အခြေခံအဆင့်၊ အလယ်အလတ်အဆင့်၊ နှောင်းပိုင်းအဆင့်နှင့် အထွတ်အထိပ်အဆင့်တို့ဖြစ်သည်။

ချူးယွင်ဖန်း၏ ကျင့်ကြံရေးသည် နတ်အဆင့် အဠမအဆင့်သို့ရောက်သည်နှင့်တိုက်ခိုက်ရေးစွမ်းအားကလည်း နောက်ဆုံးတွင် အမတေမဲ့အဆင့် အခြေခံအဆင့်မှ အလယ်အလတ်အဆင့်သို့ တက်လှမ်းနိုင်ခဲ့သည်။

ဒဏ်ရာရသွားသောအခါ ရွှေမအတေအဆင့်သို့ရောက်ရန် ခြေလှမ်းဝက်လိုနေသော အဆင့်နှင့် နှိုင်းယှဉ်ပါက ကမ္ဘာမြေကွဲလုသည့် ပြောင်းလဲမှုတစ်ခု ရှိသည်။ အထောက်တော်များသာမက ယခုအချိန်တွင် နတ်ဘုရားတစ်ပါးရောက်လာလျှင်ပင် ချူးယွင်ဖန်းနှင့် ယှဥ်နိုင်မည်မဟုတ်ပေ။ မကြာခင်၌ပင် ၎င်းတို့အားလုံး ချူးယွင်ဖန်း၏ လက်ထဲတွင် သေကြရပေလိမ့်မည်။ အမတေမဲ့အဆင့်၏ အဆင့်တစ်ခုစီကြားတွင်

ကြီးမားသော ကွာဟချက်ရှိသည်။ ခြေတစ်လှမ်းသည် ကောင်းကင်ဘုံသို့ တက်ခြင်းနှင့် ညီမျှသည်ဟု ဆိုနိုင်သည်။

အမတေမဲ့အဆင့် အခြေခံအဆင့်နှင့် အလယ်အလတ်အဆင့်တို့သည် လုံးဝကွဲပြားခြားနားသော အရာနှစ်ခုဖြစ်သည်။ ရွှေအမတေအဆင့်တွင် ချူးယွင်ဖန်းသည် အခြားအဆင့်တစ်ခုသို့တက်လှမ်းခဲ့သည်ဟု

ယူဆနိုင်သည်။

ချူးယွင်ဖန်း၏ ပြင်းထန်သော စွမ်းအားကို သာမန် ခြေလှမ်းတစ်ဝက် ရွှေအမတေအဆင့်ထက် သာလွန်ကောင်းမွန်ကြောင်း ဆွေးနွေးနေချိန်၌ ယင်းသည် သူ့အတွက် ယမန်နေ့က သတင်းဖြစ်သွားပြီဖြစ်ကြောင်း မည်သူမျှ မမျှော်လင့်ထားပေ။ ၎င်းတို့အားလုံးသည် အတိတ်သာဖြစ်ခဲ့ပြီဖြစ်သည်။ သူ၏ ခွန်အားက ခုန်တက်သွားကာ အမတေမဲ့အဆင့် အလယ်အလတ်အဆင့် ခွန်အားကို ပိုင်ဆိုင်ရနေပြီဖြစ်သည်။

သူသည် သူ၏ ကျင့်ကြံရေးအဆင့်ကို စုစည်းရန် ချက်ခြင်း သီးသန့်ကျင့်ကြံခဲ့သည်။ သူ ယခုတင် အဆင့်ဖြတ်ကျော်ခဲ့ခြင်းဖြစ်ရာ မစုစည်းပါက နောက်သို့ ပြန်ကျသွားနိုင်သည်။ မှန်သည်။ သူက ဤသို့သော အမှားမျိုးကို ဘယ်သောအခါမျှ လုပ်မည်မဟုတ်ပေ။

ချူးယွင်ဖန်းက အနားတွင်မရှိသော်လည်း သူ့အကြောင်း ဆွေးနွေးမှုများသည်မူ ဘယ်သောအခါကမျှ ရပ်တန့်မသွားခဲ့ပေ။ အချိန်ကြာလာသည်နှင့်အမျှ ပို၍ပြင်းထန်လာသည်။ ဖြစ်ပျက်နေသည်များကို လူများက ပို၍ ပို၍ သဘောပေါက်လာကြသည်။ တဖြည်းဖြည်းနှင့် ချူးယွင်ဖန်းအကြောင်းသတင်းသည်

အပေါ်မှ အလယ်နှင့် အထက်ပိုင်းအထိ ပျံ့နှံ့သွားတော့သည်။

မူလက ခုန်းလုံတွင် အဆင့်ဝက် ရွှေအမတေအဆင့် တစ်ဦးတည်းသာရှိသေးကာ ယင်းမှာ မြို့သခင်ဖြစ်သည်။ သို့သော် ယခုမူ အခြားတစ်ယောက်က မည်သည့်နေရာကမှန်းမသိ ပေါ်လာခဲ့သဖြင့် ဤသည်မှာ သေချာစွာပင် လက်ရှိအခြေအနေအတွက် ကြီးမားတဲ့ စိန်ခေါ်မှုတစ်ခုဖြစ်သည်။

မြို့ဝန်ကျုံးရှင်၏အိမ်ထောင်အပြင်ဘက်တွင် ယုံကြည်ရသော လက်ထောက်များနှင့် မြို့တော်သခင်၏ ကိုယ်စားလှယ်များသည် ခုန်းလုံတစ်ခွင် အံ့ဖွယ်များဖြစ်လာသည်။ ထိုကဲ့သို့ ကြီးကျယ်ခမ်းနားသော မြင်ကွင်းသည် မြို့သခင်၏ နေအိမ်ရှေ့၌ပင် တစ်ခါမှ မတွေ့ဖူးခဲ့ပေ။

သူ ရွှေအမတေအဆင့်သို့မဝင်မီ လူတိုင်းက ချူးယွင်ဖန်းနှင့် ကောင်းမွန်သော ဆက်ဆံရေးကို တည်ဆောက်ချင်ကြသည်။ မိမိတို့ကို သူ လုံးဝမှတ်မိမည်မဟုတ်ကြောင်း လူများစွာသိသော်လည်း ၎င်းတို့ မလာမိကြ၍ ချူးယွင်ဖန်းက မသိခြင်းထက် ပိုကောင်းသည်။ ချူးယောင်ဝေ့အတွက်မူ ဤအရာသည် နာကျင်ရသလို ပျော်ရွှင်မှုလည်း ဖြစ်ခဲ့သည်။ ချူးယွင်ဖန်းကြောင့် နေအိမ်တစ်ခုလုံး မထင်မှတ်ဘဲ အာရုံစိုက်ခံခဲ့ရသည်။ သို့သော် ချူးယွင်ဖန်းသည် အမွေဆက်ခံရန် ရည်ရွယ်ချက်မရှိသောကြောင့် နာကျင်ခံစားမိသည်။ ဤသည်ကို လူများစွာက မသိသောကြောင့်သာ ၎င်းတို့ အလွန်စိတ်အားထက်သန်နေကြခြင်းဖြစ်သည်။

သူတို့သည် အနာဂတ် မြို့ဝန်ကျုံးရှင်နှင့် မိတ်ဖွဲ့ချင်ကြသည်။ ချူးယွင်ဖန်းသည်သာ မြို့ဝန်ဖြစ်မဖြစ်လာပါက ၎င်းတို့သည် ဤမျှစိတ်အားထက်သန်နေမည်မဟုတ်ပေ။

ထို့အပြင် ချူးယွင်ဖန်းနှင့် သူလုပ်ခဲ့သော တစ်လကြာ သဘောတူညီချက် ရောက်ရှိလာသည်နှင့်အမျှ သူ ပို၍ပို၍စိုးရိမ်လာသည်။ ဤကိစ္စကို သူနှစ်ပေါင်းများစွာ စီစဥ်ခဲ့ခြင်းဖြစ်သော်လည်း ယင်းကို ဖြေရှင်းရန် အလားအလာရှိလာသောအခါတွင်မူ ပို၍ပင် စိုးရိမ်လာရသည်။

နောက်ဆုံးတွင် တစ်လပြည့်စောင့်ဆိုင်းပြီးနောက်တွင် သီးသန့်ကျင့်ကြံနေပြီဖြစ်ကြောင်း ကြေညာခဲ့သော ချူးယွင်ဖန်း ထွက်လာခဲ့သည်။ ထိုသတင်းကြားပြီးနောက် ချူးယောင်ဝေ့သည် ချူးယွင်ဖန်းကို ချက်ချင်းလာရန် အမိန့်ပေးခဲ့သည်။

"ခင်ဗျားတော်တော် စိတ်မရှည်တာပဲ”

ချူးယွင်ဖန်းတစ်ယောက် သီးသန့်ကျင့်ကြံရာမှ ထွက်လာသည်နှင့် တပြိုင်နက် ဝမ်ကျန့်ရှီက သူ့ကို ချက်ချင်းလာရှာသည်။

"ဟုတ်တယ် သခင်လေးဖန်း ဒီကိစ္စက မြို့ဝန်အတွက် ဘယ်လောက်အရေးကြီးတယ်ဆိုတာ သခင်လေး နားလည်သင့်တယ်" ဝမ်ကျန့်ရှီက ချူးယွင်ဖန်းကို မယုံကြည်နိုင်စွာ ကြည့်ရင်း ပြောလိုက်သည်။

သူသည် လွန်ခဲ့သော တစ်လခန့်က တိုက်ပွဲကို ကိုယ်တိုင်တွေ့ကြုံခဲ့ကာ ချူးယွင်ဖန်းသည် တမန်တော်များကို သတ်ဖြတ်ခဲ့သည်ကို မြင်တွေ့ခဲ့ရသည်။ ထို့ကြောင့် သူမ ယုံကြည်နိုင်ဖြစ်ခဲ့ရသည်။ ယခင်က သူ၏ ကျင့်ကြံမှုအပေါ် ဂုဏ်ယူနေဆဲဖြစ်ကာ သူ၏ ကျင့်ကြံမှုက မဆိုးလှဟု ခံစားခဲ့ရသည်။

သို့သော် ချူးယွင်ဖန်းနှင့် နှိုင်းစာလျှင် သူသည် ခွေးတစ်ကောင်ကဲ့သို့ နေထိုင်ခဲ့သည်ကို မည်သူသိသနည်း။

ချူးယွင်ဖန်းသည် ထိုတိုက်ပွဲတွင် သူ၏ ခွန်အားအားလုံးကို သုံးခဲ့သည်ဟု သူထင်ခဲ့သော်လည်း

ယင်းမှာ ချူးယွင်ဖန်း၏ ခွန်အားပြည့် လုံးဝမဟုတ်ကြောင်း မည်သူက သိမည်နည်း။