ပေါင်းစည်းခြင်း
Vol. 23 Ch. 331
တစ်ချိန်တည်းမှာပင် ကီကီသည် သူမ၏ စိတ်စွမ်းအားကို လက်တစ်ဖက်ကဲ့သို့ ဆန့်ထုတ်လိုက်ပြီး နန်ကျင်းနှင့် အားဖေးတို့ကို လေထဲတွင် ဖမ်းဆုပ်ကာ လင်းရှန်၏ ယာဉ်ဆီသို့ ပြန်ဆွဲလိုက်သည်။
—ဗုန်း။ ဗုန်း။ ဗုန်း။—
ဝင်ရိုးစွန်းယာဉ်သည် ၎င်း၏ အရှိန်ဖြင့် ဆက်ရွေ့သွားကာ ခြေလေးချောင်းသတ္တဝါကြီးကို တိုက်မိကာ ပက်လက်လန်သွားသည်၊၊
“ဖမ်းထား”
နန်ကျင်းသည် အားဖေးကို လင်းရှန်၏ ယာဉ်ပေါ်သို့ တွန်းတင်လိုက်ပြီးနောက် မွန်းစတားကြီးထံ မြားတစ်စင်းကဲ့သို့ ပြေးဝင်သွားသည်၊၊
“ရှောင်ချင်း ဘေးကို ရှောင်လိုက်”
နန်ကျင်း၏ အသံသည် အေးစက် ပြတ်သားပြီး စွမ်းအားပြည့်ဝနေသည်၊၊
ရှောင်ချင်းလည်း နားလည်သွားကာ မွန်းစတား၏ နောက်ကျောမှ ခုန်ဆင်းလာပြီး နှင်းတစ္ဆေနှစ်ကောင်ကို ထပ်မံလှီးဖြတ်ပြီးနောက် ဆုတ်ခွာလိုက်သည်။
ခြေလေးချောင်းသတ္တဝါကြီးသည် ဟိန်းဟောက်လိုက်သော်လည်း ၎င်း၏ လက်နှစ်ဖက် သည် ပျက်စီးနေသောယာဉ်အောက်တွင် ပိနေဆဲဖြစ်သည်—တုံ့ပြန်ရန် အချိန်မရှိချေ။
နန်ကျင်းသည် အလွန်လျင်မြန်သောလှုပ်ရှားမှုဖြင့် ၎င်းထံသို့ ချက်ချင်း ရောက်ရှိလာသည်။ လက်နက်ကို အသုံးပြုမည့်အစား သူမသည် ၎င်း၏ ဦးခေါင်းခွံကို လက်သီးဖြင့် ထိုးချလိုက်သည်။
ဘန်းးး
သူမ၏ လက်သီးချက်၏ စွမ်းအားသည် အားကောင်းသော သံမဏိဖောက်ခွဲရေးကျည်ကဲ့သို့ မွန်းစတား၏ ဦးခေါင်းကို ဖရဲသီးတစ်လုံးကဲ့သို့ ကွဲကြေသွားစေသည်၊၊ ၎င်း၏ ဦးခေါင်းခွံ ပျက်စီးသွားပြီး ကျောရိုးကျိုးသွားကာ ၎င်း၏ ဦးနှောက်များသည် သွေးများနှင့် ပေါက်ကွဲထွက်လာသည်။
လေထုပင် လက်သီး၏ စွမ်းအားကြောင့် လှိုင်းထသွားပြီး ဆီးနှင်းမုန်တိုင်းထဲတွင် လေဟာနယ်ဇုန်တစ်ခုကဲ့သို့ ရှင်းလင်းသွားသည်။
“အိုး…ရှစ်”
ကီကီ၏ မျက်လုံးများ ထိတ်လန့် မှုဖြင့် ပြူးကျယ်သွားသည်။
“ဒီခွန်အားက မယုံနိုင်စရာပဲ”
လင်းရှန်လည်း အလားတူ ထိတ်လန့်သွားသည်။ နန်ကျင်းသည် စွမ်းအားရှင်တစ်ဦးလော သို့မဟုတ် မျိုးရိုးဗီဇမြှင့်တင်ထားသော ကိုယ်ခံပညာရှင်တစ်ဦးလော သူအတပ်မပြောနိုင်ချေ။ သို့သော် သူမ၏ စွမ်းအားမှာ ကြောက်မက်ဖွယ်ကောင်းလှသည်။
“ကလေးမ သူ့ကို ဆွဲတင်လိုက်”
နှင်းတစ္ဆေအုပ်ကြီးသည် ပြန်လည်နီးကပ်လာပြီ။ လင်းရှန်သည် ဝင်ရိုးစွန်းယာဉ်ကို ရုတ်တရက် ကွေ့လိုက်ပြီး ဘယ်ဘက်ခြမ်းကို ကာကွယ်ရန် ၎င်း၏ သံမဏိပြားကာကွယ်ရေးကို ဖွင့်ကာ သူတို့အား ပြန်ဆွဲရန် ကီကီ ကို အချက်ပြလိုက်သည်။
ကီကီ တွန့်ဆုတ်မနေပေ။ သူမသည် လက်တစ်ဖက်ကို ဆန့်ထုတ်ပြီး နန်ကျင်းနှင့် ရှောင်ချင်းတို့ကို စိတ်စွမ်းအားဖြင့် ဆွဲကိုင်လိုက်သည်။ အခြားလက်တစ်ဖက်က တုန်ခါလှိုင်းတစ်ခုကို ပို့လွှတ်ပြီး နှင်းတစ္ဆေများကို လွင့်စင်သွားစေသည်။
ဘစ်ဇ်
အားဖေးသည် နောက်ထပ် လေဆာတစ်ခုကို ပစ်ခတ်လိုက်ပြီး မွန်းစတားအုပ်ကို ဖြတ်၍ လမ်းကြောင်းတစ်ခုကို ထိုးဖောက်လိုက်သည်။ တစ်ချိန်တည်းမှာပင် ကီကီ၊ ရှောင်ချင်းနှင့် နန်ကျင်းတို့သည် တိုက်ခိုက်လာသောသတ္တဝါများကို ခုခံနေကြသည်။
ဝင်ရိုးစွန်းယာဉ်သည် အရှိန်မြှင့်လိုက်သည်—နှင်းများနှင့် အလောင်းများသည် ၎င်း၏ ယာဥ်အောက်တွင် လွင့်စင်ကုန်သည်။ သူတို့ ရှေ့ဆက်သွားသည်နှင့်အမျှ ပူပူနွေးနွေးသေနေသော အလောင်းများ ပိုများလာသည်—ဤမွန်းစတားများသည် မကြာသေးမီကမှ သေဆုံးသွားခြင်း ဖြစ်သည်။
လင်းရှန် ချက်ချင်း နားလည်လိုက်သည်—နှင်းတစ္ဆေများသည် ရှီတိယွမ်၏ နေရာကို အဆက်မပြတ်တိုက်ခိုက်နေကြခြင်း ဖြစ်သည်။
“မင်းတို့ကို တွေ့ပြီ”
နှစ်ကီလိုမီတာပင် မဝေးသေးသောနေရာမှ ဆက်သွယ်ရေးအချက်ပြမှုက ရုတ်တရက် ရှင်းလင်းလာသည်။
ဘီပ်
အုန်း အုန်း အုန်း
အလွန်အားကောင်းသောပစ်ခတ်မှုတစ်ခုသည် ဆီးနှင်းမုန်တိုင်းကို လင်းထိန်သွားစေပြီး ဝင်ရိုးစွန်းယာဉ်ကို လိုက်နေသော မွန်းစတားအုပ်ကြီးပေါ်သို့ ငရဲမီးတောက်များအလား ထုတ်လွှတ်လိုက်သည်၊၊
ဝုန်း ဝုန်း ဝုန်း
ပေါက်ကွဲအားမြင့် ဒုံးကျည်များသည် နှင်းတစ္ဆေများကို ဖြိုခွဲကာ ပေါက်ကွဲထွက်လာသည်။ ၎င်းသည် ရှီတိယွမ်၏ အဖွဲ့ တစ်ခုထဲက ပစ်ခတ်နေခြင်းနှင့်မတူပေ။
“ငါတို့တွေချည်းပဲ မဟုတ်ဘူး ထင်တယ်”
နန်ကျင်း မျက်မှောင်ကြုတ်လိုက်သည်။
“တစ်ခြားသူ တစ်ယောက်ယောက် ဒီမှာရှိနေတယ်”
“ဖီးနစ်လား”
“လင်းရှန် ကြည့်စမ်း” ကီကီက ရုတ်တရက် အော်ပြောလိုက်သည်။
မုန်တိုင်းကို ဖြတ်၍ မရေမတွက်နိုင်သော မီးတန်းများ လင်းထိန်လာပြီး သံချပ်ကာယာဉ်နှင့် နှင်းတောသုံးသယ်ယူပို့ဆောင်ရေးယာဉ် ရာပေါင်းများစွာကို ထုတ်ဖော်ပြသလိုက်သည်။ ၎င်းတို့သည် ဒရာကာမာ ရေခဲချိုင့်ဝှမ်း၏ အစွန်းတစ်လျှောက် ကြီးမားသော ကာကွယ်ရေးနယ်နိမိတ်တစ်ခုကို ဖွဲ့စည်းထားသည်။
အမည်မသိ ထိတ်လန့်ဖွယ်သတ္တဝါများနှင့် နှင်းတစ္ဆေများ၏ အလောင်းများသည် တောင်ပုံရာပုံ ဖြစ်နေသည်။ အေးခဲနေသောလေထဲတွင် ထူထပ်သော သွေးနံ့များက လေထုထဲတွင် သိပ်သည်းနေသည်၊၊ ပျက်ကျထားသော လေယာဉ်များသည် စစ်မြေပြင်တွင် ပြန့်ကျဲနေသည်။
ထို့အပြင် ခံတပ်ကဲ့သို့ ဖွဲ့စည်းပုံရဲ့ ဗဟိုတွင် အရိပ်တစ်ခုသည် ချောက်ကမ်းပါးအထက်မှာ ဝိုးတဝါး ပေါ်နေသည်။
မြင့်မားသော ပုံသဏ္ဌာန်တစ်ခုသည် လက်တစ်ဖက်တည်းဖြင့် ချောက်ကမ်းပါးကို အားယူထားပြီး ၎င်း၏ ကြီးမားသော ကိုယ်ထည်သည် အောက်ရှိ ချောက်နက်ထဲ၌ ပျောက်ကွယ်နေသည်။
တစ်စိတ်တစ်ပိုင်း မြှုပ်နေသော်လည်း ၎င်းသည် စစ်မြေပြင်ထက် မြင့်မားသောနေရာတွင် ရှိနေပြီး လွှမ်းမိုးနိုင်သော အရှိန်အဝါကို ထုတ်လွှတ်နေသည်။
လင်းရှန်၏ မျက်စိသူငယ်အိမ်များ ကျုံ့ သွားသည်—ယာဉ်အတွင်းရှိ လူတိုင်း မြင်လိုက်ကြသည်။
အလွန်ကြီးမားသော လူသားပုံသဏ္ဌာန် မီကာစက်ရုပ်ကြီး တစ်ကောင်။
အုန်း အုန်း ဝုန်း ဘန်း ဘန်း
လင်းရှန်၏ ဝင်ရိုးစွန်းယာဉ်သည် ရှေ့သို့ တိုးလာသည်နှင့်အမျှ ကာကွယ်ရေးနယ်နိမိတ်မှ ပစ်ခတ်မှုက ပိုမိုပြင်းထန် လာသည်။ တစ်ချိန်တည်းမှာပင် စွမ်းအားရှင် ဒါဇင်ပေါင်းများစွာသည် အတွင်းမှ အပြေးထွက်လာပြီး ဝင်လာသော မွန်းစတားအုပ်ကြီးကို ဖိနှိပ်ရန် အမျိုးမျိုးသော တိုက်ခိုက်မှုများကို ထုတ်လွှတ်လိုက်ကြသည်။
စစ်မြေပြင်သည် အထွတ်အထိပ် အခြေနေသို့ ချက်ချင်း ရောက်ရှိသွားသည်။
လင်းရှန်၏ မျက်လုံးများ ရှေ့တန်းကို ဖြတ်၍ လှည့်ပတ်သွားသည်။ ပြုပြင်ထားသော heavy-duty ရထားသည် အဆင့်မြင့်သံလိုက်မြေပြင်မောင်းနှင်စနစ်ဖြင့် ရှေ့ဆုံးတွင် အရံအတားတစ်ခုအဖြစ် နေရာချထားသည်၊၊
ပြီးတော့ ၎င်းအထက်မှာ သက်လတ်ပိုင်းအရွယ် အမျိုးသား တစ်ဦးသည် ဆောင်းရာသီ တိုက်ခိုက်ရေးဝတ်စုံထူကို ဝတ်ဆင်ထားပြီး ဂတ်တလင်သေနတ်တစ်လက်ဖြင့် ရန်သူအုပ်များထဲသို့ တရစပ် ပစ်နေသည်။
၎င်းသည် ရှီတိယွမ် ဖြစ်၏။
မြေပြင်တုန်ခါလာသည်၊၊
ငလျင် ပြန်ရောက်လာသည်—နှင်းတစ္ဆေများသည် ရူးသွပ်လာပြီး သေနတ်ပစ်ခတ်မှုအလယ်သို့ ခုန်ဝင်နေကြသည်။
ထို့ပြင် အပေါ်မှ ဆီးနှင်းမုန်တိုင်း အလယ်တွင် အလွန်ကြီးမားသော အတောင်ပံပါသတ္တဝါ အများအပြားပေါ်လာပြီး ကာကွယ်ရေးလိုင်းကို ဖြတ်၍ ပျံသန်းရင်း ၎င်းတို့၏ အရိပ်များသည် မုန်တိုင်းထဲတွင် ပေါ်လိုက် ပျောက်လိုက် ဖြစ်နေသည်။
“ဟို အနက်ရောင်ပိုးကောင် ပြန်လာပြီ”
လင်းရှန်က အော်ပြောလိုက်သည်။
“လင်းရှန် အထဲကို ဝင်လာခဲ့”
ရှီတိယွမ်သည် သူ၏ ဂတ်တလင်သေနတ်ကို ခဏရပ်လိုက်ပြီး သူတို့ဆီသို့ လက်ဝှေ့ယမ်းလိုက်သည်။
“မြေအောက် ပိုးကောင်တွေ ဒီနားကိုမလာနိုင်ဘူး။ မြန်မြန်... လာ”
လင်းရှန်သည် တွန့်ဆုတ် မနေပေ။ လီဗာကို ဆောင့်နင်းလိုက်ပြီး ဝင်ရိုးစွန်းယာဉ်ကို အမြင့်ဆုံးအရှိန်သို့ တင်လိုက်သည်၊၊ ကြီးမားသောနှင်းထုကြီးကို လှိုင်းထစေကာ အကာကွယ်နယ်နိမိတ်ထဲ မောင်းဝင်လိုက်သည်၊၊
ရှေ့တွင် ပိတ်နေသော ကြီးမားသော သံချပ်ကာ ထရပ်ကားတစ်စီး အသက်ဝင်လာပြီး အကာကွယ်ခံတပ်ထဲသို့ ကျဉ်းမြောင်းသောလမ်းကြောင်းကို ဖွင့်ပေးလိုက်သည်။
ဝူးးးးး
ဝင်ရိုးစွန်းယာဉ်သည် ဖွင့်ထားသော လမ်းကြောင်းကို ဖြတ်၍ အရှိန်ဖြင့် မောင်းနှင်သွားစဉ်—
ဝုန်းးးး
ကြီးမားသော ပေါက်ကွဲမှုတစ်ခုသည် သူတို့၏ နောက်ဘက် နှင်းထုထဲမှ ပြင်းထန်စွာ ထွက်ပေါ်လာသည်။
ဧရာမအနက်ရောင် ပိုးကောင်ကြီးသည် မြေပြင်သို့ ပေါ်ထွက်လာသည်။
၎င်း၏ သွားများပြည့်နှက်နေသော တွင်းနက်အလား ပါးစပ်ကြီးသည် နှင်းတစ္ဆေဒါဇင်ပေါင်းများစွာကို ချက်ချင်း ဝါးမျိုကာ စားလိုက်သည်။ တစ်ကိုက်ထဲနှင့် မျိုချလိုက်သည်။
ဝေါ ဝေါ
ပြင်းထန်သောတုန်ခါမှုများသည် ချောက်ကမ်းပါးဘေးတစ်လျှောက် ဆူနာမီလှုပ်ခတ်သွားသည့်အလား နှင်းပြိုကျမှုကို ဖြစ်စေပြီး ဒရာကာမာ ရေခဲချိုင့်ဝှမ်းထဲသို့ ရေခဲနှင့် နှင်းများ၏ ဧရာမ အပိုင်းအစများ ပြိုကျသွားသည်။
“ဒါက ရှီနဲ့ သူ့အဖွဲ့ ပိတ်မိနေတဲ့ နေရာပဲလား” နန်ကျင်းက မေးလိုက်သည်၊၊
“နောက်မှ ပြောကြမယ်။ အရင်ဆုံး အတွင်းကိုဝင်ကြ”
ဝင်ရိုးစွန်းယာဉ်သည် ကာကွယ်ရေးနယ်နိမိတ်ကို နောက်ဆုံးတွင် ဖြတ်ဝင်ရောက်လာသောအခါ လင်းရှန်က ကီကီဘက်သို့ လှည့်လိုက်သည်။
“အတူတူ—ပိတ်လိုက်ရအောင်”
“အိုကေ”
ဝှစ်
ကီကီသည် လေထဲသို့ မြင့်တတ်သွားသည်။ သူမ၏ မျက်လုံးများသည် ပြင်းထန်စွာ တောက်ပနေပြီး သူမ၏ ဆံပင်များသည် လေထဲတွင် လွင့်မျောလာသည်၊၊
သူမသည် အဆုံးစွန်သော လှုပ်ရှားမှုတစ်ခုကို ထုတ်လွှတ်လိုက်သည်။
အသံနိမ့် တုန်ခါမှုတစ်ခု ပဲ့တင်ထပ်လာသည်—အသေချာမမြင်ရသော စက်ဝန်းပုံစွမ်းအားလေဟာနယ်တစ်ခုသည် သူမ၏ ခန္ဓာကိုယ်အတွင်းမှ ထွက်ပေါ်လာပြီး အဖြူရောင်တောက်ပသောစွမ်းအင်အဖြစ် လျင်မြန်စွာ သိပ်သည်းလာသည်။
ထို့နောက်—
ဘန်း ဘန်း ဝုန်း
ကြီးမားသော စိတ်စွမ်းအားလှိုင်းရိုက်ခတ်မှုတစ်ခု အပြင်ဘက်သို့ ပြင်းထန်စွာ ထွက်ပေါ်လာသည်။
ဒီရေလှိုင်းတစ်ခုကဲ့သို့ ၎င်းသည် စစ်မြေပြင်တစ်လျှောက် တိုက်စားသွားသည်။
နက်ရှိုင်းသောနှင်းများကို အမြစ်ကနေလှန်ပစ်သည်…ရေခဲကို ချိုးဖျက်သည်။
နှင်းတစ္ဆေ ရာပေါင်းများစွာကို လေထဲသို့ လွင့်သွားစေသည်—၎င်းတို့ကို လွင့်ပျံနေစဉ်၌ပင် ဆုတ်ဖြဲလိုက်သည်။
ရိုက်ခတ်မှုသည် အလွန်ကြီမားသဖြင့် ကာကွယ်ရေးနယ်နိမိတ် အရှေ့ရှိ နှင်းပြင်တစ်ခုလုံးကို ဘာအပင်မှ မပေါက်နိုင်သော အေးခဲနေသော မြေဆီလွှာအဖြစ် ချောမွေ့သွားစေသည်။
ဘစ်ဇ်
တစ်ချိန်တည်းမှာပင် အားဖေးသည် နောက်ထပ် လေဆာရောင်ခြည်တစ်ခုကို ပစ်ခတ်လိုက်ပြီး ကောင်းကင်ကို ထိုးဖောက်ကာ ပျံသန်းနေသော ကြီးမားသော မွန်းစတား၏ အတောင်ပံကို အတိကျ ပိုင်းချလိုက်သည်။
ဖန်းးးး
အစိမ်းရောင် အဆိပ်သွေးများသည် ရေကာတာ ကျိုးသကဲ့သို့ ရွာကျလာသည်။ ထိုသတ္တဝါသည် ဟန်ချက်ပျက်ကာ ၎င်း၏ ကိုယ်ထည်သည် အောက်ရှိ စစ်မြေပြင်ပေါ်သို့ အရှိန်ဖြင့်ကျသွားသည်။
ဝုန်းးးးး
မြေပြင်တုန်ခါမှုသည် ရုတ်တရက် တည်ငြိမ်စပြုလာသည်။ မုန်တိုင်းက ပိုမိုပြင်းထန်လာပြီး နှင်းတစ္ဆေများသည် တစ်စုံတစ်ရာကို အာရုံခံမိသည့်အလား မြေအောက်သို့ တူးဝင်ကာ အုပ်စုလိုက် ပျောက်ကွယ်သွားကြသည်။
“ဟမ်”
ဤအရာကို ကြည့်ရင်း ရှီတိယွမ်သည် အံ့သြသွားကာ သူ၏ မျက်နှာမှာ မယုံကြည်နိုင်ခြင်း အပြည့်ဖြင့် ရှိနေသည်။
“အဲ့ကောင်မလေး—သူမရဲ့ စွမ်းအားတွေက ဒီလောက်အချိန်တိုအတွင်းမှာ အများကြီး တိုးတက်လာတာလား”