အသူရာသေမင်း
Vol. 8 Ch. 97
ကျူးချန်ဖုန်းသည် ဒူးထောက်သည့် အနေအထားသို့ ရိုက်နှက် ခံလိုက်ရချေပြီ။
သို့သော်…
သူသည် ဒေါသ အပြည့်ရှိသော မျက်နှာဖြင့် အစွမ်းကုန် ခုခံနေဆဲပင် ဖြစ်သည်။ အခွင့်အရေး အနည်းငယ်မျှ တွေ့သည်နှင့် သူသည် ပြန်လည် တိုက်ခိုက်ကာ လော့ထျန် ကို တစ်ချက်တည်းဖြင့် သတ်ပစ်မည်မှာ သေချာပေသည်။
လော့ထျန် သည် အတဲ့သူ မဟုတ်ပေ။
သူသည် “အားနည်းနေစဉ် သတ်ပစ်ပါ” ဟူသော သဘောတရားကို ရှင်းရှင်းလင်းလင်း နားလည်ထား၏။
လဲကျနေသည့် ပြိုင်ဘက်ကို ရိုက်နှက်ရခြင်းသည် သူ အပျော်ဆုံး အရာ ဖြစ်သည်။
သွေးစုပ်ဓားရိုင်း သည် တစ်ချက်ပြီး တစ်ချက် ခုတ်ချလိုက်ပြီး ခုတ်ချက် တစ်ခုစီသည် ယခင်ထက် ပိုမို လေးနက်လာ၏။ ကျူးချန်ဖုန်း ၏ ဒူးများသည် ထိခိုက်မှုကြောင့် စတင် သွေးထွက်လာပြီး သူ ၏ မျက်နှာသည် ဖြူဖျော့လာကာ သူ ၏ အသက်ရှူနှုန်း မမှန်တော့ပေ။ သူ ၏ မျက်နှာသည် ယခုအခါ နှိုင်းယှဉ်၍ မရလောက်အောင် ရုပ်ဆိုးနေခဲ့၏။
လော့ထျန် ၏ ဓား ခုတ်ချက်သည် အလွန် မြန်နေခဲ့သည်။
သွေးစုပ်ဓားရိုင်း ၏ သတ်ဖြတ်ခြင်း အငွေ့အသက် နှင့် သူ ၏ အသိစိတ်ကို ကြိတ်ချေနေသော သတ်ဖြတ်လိုစိတ် တို့ ပေါင်းစပ်လာခြင်းကြောင့် ကျူးချန်ဖုန်း သည် ခက်ခက်ခဲခဲ ရုန်းကန် နေရုံသာ တတ်နိုင်ခဲ့သည်။
လော့ထျန် ခုတ်ချလေလေ သူသည် ပို၍ စိတ်လှုပ်ရှား လာလေလေ ဖြစ်သည်။ ဤသို့သော အလုံးစုံ လွှမ်းမိုးသည့် ဖိအားမျိုးသည် အလွန် အံ့မခန်း ဖြစ်သဖြင့် သူသည် စတင် ရယ်မောရင်း ပြောလိုက်သည်။ “စောက်သုံးမကျတာ၊ နက်နဲ ဆရာ အဆင့် ၉ မှာ ဒါပဲရှိတာလား”
“မိုးတိမ် ဂိုဏ်း ၏ တပည့်တွေက ဘာများ သိပ် အံ့သြစရာ ကောင်းနေလို့လဲ”
“မင်းက ငါ့ မိန်းမကို ခိုးချင်ခဲ့တာလား”
“မင်းက ငါ့ လော့မျိုးနွယ်စုဝင် အားလုံးကို သတ်ပစ်ချင်ခဲ့တာလား”
“မင်း ထပြီး အကျင့်ပျက် အလုပ်တွေ ထပ်လုပ်ကြည့်”
ဝါကျ တစ်ကြောင်း ပြောလိုက်တိုင်း လော့ထျန် သည် ဓားဖြင့် ခုတ်ချရင်း အလွန် အေးစက်နေခဲ့၏။ သူ ၏ ညာဘက် လက်သည် သွေးစုပ်ဓားရိုင်း ကို အဓိက ထောက်ပံ့ပေးထားခြင်းကြောင့် ပိဿာချိန် တစ်ထောင့်ရှစ်ရာလေးသော အလေးချိန်သည် သူ ၏ ပခုံး အဆစ်ကို အကြိမ်များစွာ ပြုတ်ထွက်လုနီးပါး ဖြစ်ခဲ့သည်။ သို့သော် သူသည် သူ ၏ လှုပ်ရှားမှုများကို မရပ်တန့်ခဲ့ပေ။ အကြောင်းမှာ သူ ယခု ခံစားနေရသော ခံစားချက်သည် အလွန် အံ့မခန်း ဖြစ်နေသောကြောင့်ပင် ဖြစ်သည်။
ထရင်ဒါမီယာ ၏ မသေနိုင်သော ကြမ်းတမ်းခြင်း စွမ်းရည် သည် “ဘုရားများ ပိတ်ဆို့ပါက ဘုရားကို သတ်၊ ဗုဒ္ဓ ပိတ်ဆို့ပါက ဗုဒ္ဓကို သတ်” ဟူသော ပုံစံမျိုးနှင့် တူ၏။ ဤသို့သော အတွေ့အကြုံမျိုးသည် ဗီဒီယိုဂိမ်းတစ်ခုက ပေးနိုင်သည့် အရာမျိုး မဟုတ်ချေ။
ကိုယ်တိုင် ကြုံတွေ့ခံစားရမှသာ ၎င်းသည် မည်မျှ အံ့သြစရာကောင်းပြီး ပျော်ရွှင်စရာ ကောင်းသည်ကို နားလည်နိုင်ပေသည်
“အား…”
ကျူးချန်ဖုန်း သည် ကြမ်းတမ်းခြင်း အပြည့်ဖြင့် ဖိနှိပ်ခြင်း ခံရသည်အထိ ဖြစ်သွား၏။
သူသည် လေထဲသို့ ဟိန်းဟောက် စတင်လိုက်ပြီး သူ ၏ နတ်ဆိုးအနှစ် အတွင်းမှ နက်နဲ စွမ်းအင် ပေါက်ကွဲ ထွက်ပေါ်လာ၏။ သူ ၏ ခန္ဓာကိုယ် တစ်ခုလုံးသည် ခေါင်းမှ ခြေဖျားအထိ နက်နဲ စွမ်းအင်များဖြင့် ရစ်ပတ်ထားခဲ့ချေပြီ။
“လော့ထျန်၊ မင်းကို ငါ သေတဲ့အထိ ကစားပြမယ်”
ထို့နောက် ဝမ်းနည်းဖွယ် ဟိန်းဟောက်သံကို ကြားလိုက်ရသည်။
ကျူးချန်ဖုန်း ၏ အစွမ်းအကုန် ထွက်ပေါ်လာခဲ့ချေပြီ
သူ ၏ ဆံပင်များ ရှုပ်ပွနေပြီး သူ ၏ မျက်နှာ ရုပ်ပျက် ဆင်းပျက် ဖြစ်နေ၏။ လော့ထျန် က အစွန်းကို ရောက်အောင် တွန်းပို့လိုက်သောကြောင့် ကျူးချန်ဖုန်း သည် ယခုအခါ အရူးတစ်ယောက် နှင့် ဆင်တူနေသည်။
ကျူးချန်ဖုန်း သည် သူ ၏ အစွမ်းကို ပြသနေသည်ကို မြင်သောအခါ လော့ထျန် သည် အနည်းငယ် ဆုတ်လိုက်ပြီး အလွန် ထိတ်လန့်တုန်လှုပ်နေသော မျက်နှာကို ပြသလိုက်သည်။ “ဝိုး၊ မင်း ငါ့ကို သေတဲ့အထိ ကစားပြမယ် ငါ တော်တော့်ကို ကြောက်သွားပြီနော်။”
သူ ၏ အသံ တဖြည်းဖြည်း မှေးမှိန်သွားသည်နှင့်…
လော့ထျန် ၏ နှုတ်ခမ်းများသည် သေမင်း အပြုံးကဲ့သို့ လှောင်ပြောင်သည့် အပြုံးတစ်ခုအဖြစ် ကွေးညွတ်သွား၏။ ထို့နောက် သူသည် သူ ၏ စိတ်ထဲ၌ ပြောလိုက်သည်။ “ဓားရိုင်း၊ အခုတော့ ငါတို့က သူ့ကို သေတဲ့အထိ ကစားပြဖို့ အချိန်တန်ပြီ။”
“ငါ ငါ့ ဒေါသ အားလုံးကို ထုတ်ပြပြီးသွားပြီ။”
“သူက ငါ့ရှေ့မှာ ဒူးထောက်နေပြီဆိုတော့ ငါ သူ့ကို ငါ့ ခြေထောက်ကို နမ်းခိုင်းလို့လည်း မဖြစ်သေးဘူး မဟုတ်လား အဲဒါက လူမဆန်ရာ ကျလွန်းလိမ့်မယ်။”
သွေးစုပ်ဓားရိုင်း သည် သူ ၏ မျက်လုံးများကို လှိမ့်လိုက်ပြီး ပြောလိုက်သည်။ “ငါ့ သဘောအရဆိုရင် ဒီ အဖိုးကြီးက သူ့ကို တစ်ချက်တည်းနဲ့ သေစေမှာ။ ဘာလို့ စကားများများ ပြောပြီး အချိန်ဖြုန်းနေရမှာလဲ”
သွေးစုပ်ဓားရိုင်း သည် ပေါက်ကွဲတတ်သော စိတ်သဘောထား ရှိသည်။
သူ ရှာဖွေခဲ့သည်မှာ အမြန်နှုန်းပင် ဖြစ်သည် ။ ဓားတစ်ချောင်းတည်းဖြင့် လောကကို ပိုင်းဖြတ်နိုင်သော အမြန်နှုန်း ဖြစ်သည်
လော့ထျန် သည် မြန်မြန်ဆန်ဆန် လုပ်ရခြင်းကို မနှစ်သက်ပေ။
သူသည် လူတစ်ယောက် ၏ ဘုန်းအာနုဘော်ကို ပြသနိုင်ရန် အနည်းငယ် ဆွဲဆန့်ရခြင်းကို နှစ်သက်၏။
အစကတည်းက သူ့ကို လှောင်ပြောင်ခဲ့သော၊ မာနကြီးသော သဘောထားဖြင့် အာဏာပြခဲ့သော၊ လူတိုင်း သူ့ကို အကြွေးတင်နေသကဲ့သို့ အထင်သေးသည့် မျက်နှာ ပေးခဲ့သော ထိုသူအတွက် ဖြစ်သည်။
လော့ထျန် သည် ဤသို့သော လူမျိုးများကို ကိုင်တွယ်ရန် ရိုးရှင်းသော နည်းလမ်း ရှိသည် ။ သူတို့ကို အဆပေါင်းများစွာ ပြန်ပေးဆပ်စေခြင်း
သူ ၏ ရှက်စရာကောင်းသော မျက်နှာကို ဖူးရောင်သည်အထိ ရိုက်နှက်ပြီး မြေကြီးပေါ် တွားသွားသည်အထိ ရိုက်နှက်လိုက်ပါ။ ဤ အဖေ့ရှေ့၌ အာဏာပြသော သူ ၏ ကံကြမ္မာကို သူ နားလည်အောင် လုပ်ပေးပါ
လော့ထျန် သည် သူ လုပ်ချင်သည့် အရာကို ပြီးဆုံးလုနီးပါး ဖြစ်ခဲ့ချေပြီ။
ကျန်ရှိနေသည်မှာ ကျူးချန်ဖုန်း ကို သေခြင်းတရားဆီသို့ ပို့ဆောင်ရန်သာ ဖြစ်သည်။
ထို့ကြောင့်…
လော့ထျန် သည် သူ ၏ ညာဘက်လက် ၏ ထိန်းချုပ်မှုကို သွေးစုပ်ဓားရိုင်း အား အသုံးပြုရန် ပေးလိုက်သည်။
ကျူးချန်ဖုန်း သည် ယခုအခါ ကြမ်းတမ်းသော မျက်လုံးများဖြင့် အလွန် အားကြီးနေပုံရသည်။ သူ ၏ လက်များသည် လေထဲသို့ ဆန့်တန်းလိုက်ပြီး သူက ဟိန်းဟောက်လိုက်သည်။ “ ငရဲကို သွား”
သူ ၏ နက်နဲ စွမ်းအင်ဖြင့် ပြုလုပ်ထားသော လက်ဖဝါးသည် ယခင်ထက် အနည်းဆုံး နှစ်ဆ ပိုအားကောင်းနေ၏။
လော့ထျန် ၏ ညာဘက်လက် စတင် လှုပ်ရှားလာပြီး သူ ၏ ခန္ဓာကိုယ် အတွင်းပိုင်းမှ အားကောင်းသော စွမ်းအားလှိုင်းတစ်ခု ထွက်ပေါ်လာသည်။
မြန်သည်
အရှိန်သည် တုန်လှုပ်ဖွယ်ရာ မြန်ဆန်နေသည် စွမ်းအား ထွက်ပေါ်လာသည့် အရှိန်သည် အလွန် မြန်သဖြင့် လော့ထျန် သည် ၎င်း မည်သည့်နေရာမှ လာသည်ကိုပင် မခံစားနိုင်လုနီးပါး ဖြစ်ခဲ့၏။ သူ ၏ ညာဘက်လက် ၏ ခွန်အားသည် တောင် တစ်ခုလုံးကို ထောက်ပံ့နိုင်သကဲ့သို့ ခံစားရပြီး လော့ထျန် ကို အံ့သြ ထိတ်လန့်သွားစေခဲ့သည်။
သွေးစုပ်ဓားရိုင်း ၏ ခွန်အားသည် လုံးဝ ပေါက်ကွဲ ထွက်ပေါ်လာခဲ့ချေပြီ။
ဤ အရာ အားလုံးသည် ချက်ချင်း ဖြစ်ပျက်ခဲ့ခြင်း ဖြစ်သည်။
ပိဿာချိန် တစ်ထောင့်ရှစ်ရာလေးသော ဓားကို လော့ထျန် ၏ ခေါင်းပေါ်သို့ မြှောက်တင်လိုက်သည်။ သွေးရောင်ဖုံးနေသည့် ဓားသည် ကောင်းကင်ကို အနီရောင် ဖြစ်သွားစေပြီး လူတိုင်း ၏ မျက်နှာကို အနီရောင် ထင်ဟပ်စေခဲ့၏။
ဤ ဓားသည် ကောင်းကင်ဘုံကို ကျူးကျော်နေ၏
၎င်း ၏ အထိန်းအကွပ်မဲ့ပြီး အင်အားကြီးသော မာနသည် ပေါ့ဆသော ပုံစံဖြင့် ထုတ်လွှတ်နေပြီး ကျောက်စိမ်းတောင် မြို့ တစ်ခုလုံးကို ဖုံးအုပ်ထားသည်။ ဤသည်မှာ အလွန် အစွမ်းထက်လှသည်
ဤ အားကြီးသော အရှိန်အဝါကို စကားလုံးများဖြင့်ပင် ဖော်ပြ၍ မရနိုင်ချေ
သတ်ဖြတ်ခြင်း လောက
လော့ထျန် ၏ နှလုံးသားသည် ရုတ်တရက် နစ်မြုပ်သွား၏။ သွေးစုပ်ဓားရိုင်း သည် ကျောက်စိမ်းတောင် မြို့ အတွင်းရှိ လူတိုင်းကို သတ်ပစ်ချင်နေတာလား
သူ ၏ နှလုံးသား တုန်လှုပ်သွားသည်။
လော့ထျန် သည် ချက်ချင်း အော်ဟစ်လိုက်သည်။ “ဓားရိုင်း၊ မင်း ဘာလုပ်နေတာလဲ ငါတို့ သဘောတူညီချက်ကို မမေ့နဲ့”
သွေးစုပ်ဓားရိုင်း သည် ရူးသွပ်စွာ ရယ်မော စတင်လိုက်သည်။ “ဟားဟားဟား… ဘာလဲ မင်း ကြောက်သွားတာလား ငါက သူတို့ကို နည်းနည်း ခြောက်လှန့်ကြည့်ရုံပါပဲ။”
“မင်း အရူးကောင်”
“စိတ်မပူပါနဲ့၊ ငါတို့မှာ သဘောတူညီချက် ရှိတယ်။ မင်း ငါ့ သတ်ဖြတ်ခြင်း လမ်းကြောင်းကို လိုက်ဖို့ ဆန္ဒရှိသရွေ့ ကျန်တဲ့ ကိစ္စတွေကို ငါ မင်းကို ကူညီ စောင့်ရှောက်ပေးမယ်။”
မည်သည့် အရာကိုမျှ ဖုံးကွယ်ရန် မကြိုးစားဘဲ လော့ထျန် က ပြောလိုက်သည်။ “စောက်သုံးမကျတာ၊ တစ်နေ့ကျရင် ငါ မင်းကို ငါ့ရှေ့မှာ ဒူးထောက်စေရမယ်။”
သွေးစုပ်ဓားရိုင်း သည် အချိန်ဗုံး တစ်လုံး နှင့် ဆင်တူ၏။ လော့ထျန် သာ မဆင်ခြင်ပါက ၎င်းကြောင့် မီးတောက်များဖြင့် သေဆုံးသွားနိုင်ပေသည်။
လော့ထျန် သည် သူ ၏ ခန္ဓာကိုယ် အတွင်းရှိ ဤ မသေချာ မရေရာမှုကို ဖြေရှင်းရန် အခွင့်အရေး တစ်ခုကို သေချာပေါက် ရှာဖွေရပေလိမ့်မည်
ဓားရိုင်း သည် တစ်ဖန် ရူးသွပ်စွာ စတင်ရယ်မော လိုက်သည်။ “အဲဒီနေ့ ရောက်လာဖို့ ငါ မျှော်လင့်ပါတယ်။ ဒါပေမဲ့ အခုတော့ ကောင်လေး၊ ကမ္ဘာပေါ်မှာ အကြီးကျယ်ဆုံး အာဏာရှိတဲ့ ဓားရဲဲ့ သတ်ဖြတ်ခြင်း လမ်းကြောင်းကို ကြည့်လိုက်”
တစ်ခဏချင်းမှာ…
ကျူးချန်ဖုန်း ၏ တိုက်ခိုက်မှု မကျရောက်မီ အခိုက်အတန့်တွင် သွေးစုပ်ဓားရိုင်း ၏ ထိန်းချုပ်မှုအောက်ရှိ လော့ထျန် ၏ ညာဘက်လက်သည် စတင် ခုတ်ချလိုက်သည်။
“အုံ…”
ဓား ၏ ကိုယ်ထည်သည် အပြင်သို့ လှိုင်းထန်နေသော သွေးနီရောင် စွမ်းအင် လှိုင်းများကို စတင် ထုတ်လွှတ်ခဲ့သည်။
ထို့နောက် ချက်ချင်းပင်…
လော့ထျန် ၏ မျက်လုံးများထဲရှိ အရာအားလုံးသည် အနီရောင် ပြောင်းသွားခဲ့၏။ ၎င်းသည် သေမင်း နတ်ဘုရားသည် ကောင်းကင်ဘုံမှ ဆင်းသက်လာပြီး ကြီးမားသော သွေးကန်ကြီး ဖြစ်လာသည့် လောကတစ်ခုသို့ ဆင်းသက်လာသကဲ့သို့ ဖြစ်၏။
သူသည် ငရဲမှ အသူရာ တစ်ပါး နှင့် ဆင်တူနေသည်။
“သတ်ဖြတ်ခြင်း လမ်းကြောင်း ၏ ပထမ အဆင့် ။ အသူရာ သေမင်း”
“ခုတ်”
“ခုတ်” ဟူသော စကားလုံး ပျောက်ကွယ်သွားသည်နှင့် ကြီးမားသော ဓားသည် စတင် လှုပ်ရှားလာ၏။ ကျူးချန်ဖုန်း ၏ စွမ်းအင် လက်ဖဝါးသည် ချက်ချင်း ကြေမွသွားပြီး သူသည် အံ့အားသင့်သွားခဲ့သည်။ သူ လုပ်
နိုင်သည်မှာ ကြီးမားသော ဓားသည် သူ့ ဆီသို့ ခုတ်ချလာသည်ကို ကြည့်နေရုံသာ ဖြစ်သည်။
လက်ရှိတွင် သူ ၏ လောကသည် လော့ထျန် ၏ လောက ကဲ့သို့ပင် ဖြစ်သည်။
၎င်းသည် သတ်ဖြတ်လိုစိတ်ဖြင့် လုံးဝ လွှမ်းမိုးထားခဲ့ချေပြီ။
“သေ”
ဓားသည် အပေါ်မှ အောက်သို့ ခုတ်ချလိုက်ပြီး ကျူးချန်ဖုန်း ၏ ခန္ဓာကိုယ်ကို နှစ်ပိုင်း ပိုင်းလိုက်သည်။
ချက်ချင်း သတ်လိုက်သည်
အတွေ့အကြုံများ ရရှိခြင်း
တစ်ချိန်တည်းမှာပင် စနစ် ၏ သတိပေးသံသည် လော့ထျန် ၏ စိတ်ထဲ၌ ထွက်ပေါ်လာသည်။
“ဒင်”
“ကစားသမား လော့ထျန် သည် ကျူးချန်ဖုန်း ကို သတ်လိုက်သည့် အတွက် ဂုဏ်ယူပါသည်။ အတွေ့အကြုံမှတ် ၅၀၀၀၊ နက်နဲ စွမ်းအင် ၆၀၀ ရရှိခဲ့သည်…”
“ကစားသမား လော့ထျန် သည် ကျောက်နက်တစ်တုံး ရရှိခဲ့သည့် အတွက် ဂုဏ်ယူပါသည်။”
“ကစားသမား လော့ထျန် သည်… ရရှိခဲ့သည့် အတွက် ဂုဏ်ယူပါသည်။”
သတိပေးသံများ ဆက်တိုက် ထွက်ပေါ်လာသော်လည်း လော့ထျန် သည် ဂရုမစိုက်ခဲ့ပေ။ သူသည် သွေးစုပ်ဓားရိုင်း ၏ သတ်ဖြတ်ခြင်း လမ်းကြောင်း ဖြစ်သော အသူရာ သေမင်း ကို ခံစားနေရခြင်းကြောင့် တုန်လှုပ်နေသည့် အခြေအနေ၌ ရှိနေ၏။ ထို့နောက် သူက သူ့ ကိုယ်သူ တီးတိုး ပြောလိုက်သည်။ “စောက်သုံးမကျတာ၊ သတ်ဖြတ်ခြင်း လမ်းကြောင်းက ဒီလောက် အထင်ကြီးစရာ ကောင်းတာပဲ အဲဒီတုန်းက ကောင်းကင်ဘုံ လမ်းကြောင်း ဒါမှမဟုတ် ဒီ လမ်းကြောင်းနဲ့ ဟို လမ်းကြောင်းအကြောင်း ဖော်ပြထားတဲ့ ဝတ္ထုတွေကို ဖတ်တုန်းက အဲဒါတွေ အားလုံး အမှိုက်တွေ ဖြစ်နေပုံရတယ်။ သိုင်း ကျင့်ကြံသူတွေ လျှောက်လှမ်းဖို့ ရနိုင်တဲ့ လမ်းကြောင်း သုံးထောင် ရှိတဲ့အနက် သတ်ဖြတ်ခြင်း လမ်းကြောင်းက အလွန် အံ့မခန်းဆုံး ဖြစ်ပုံရတယ်။”
သတ်ဖြတ်ခြင်း လမ်းကြောင်း ၏ ပထမ အဆင့်သည်ပင် ဤမျှ အံ့သြစရာ ကောင်းနေပါက ဒုတိယ အဆင့်ကော ဘယ်လို ဖြစ်မလဲ တတိယ အဆင့်… အဆင့် တစ်ရာကော
ကောင်းကင်ဘုံရယ်၊ လော့ထျန် သည် ဆက်လက် မတွေးဝံ့တော့ပေ။
တစ်ချိန်တည်းမှာပင်…
လော့ထျန် သည် သူ ၏ စိတ်ထဲ၌ ဆုံးဖြတ်လိုက်ပြီး တုံ့ဆိုင်းခြင်းမရှိဘဲ ပြောလိုက်သည်။ “ငါ သတ်ဖြတ်ခြင်း လမ်းကြောင်းထဲကို ဝင်မယ်။”
သွေးစုပ်ဓားရိုင်း ထံမှ မည်သည့် တုံ့ပြန်မှုမှ မရှိပေ။
လော့ထျန် က သူ ၏ စကားကို ထပ်ခါတလဲလဲ ပြောလိုက်သည်။ “ဓားရိုင်း၊ငါ သတ်ဖြတ်ခြင်း လမ်းကြောင်းကို လျှောက်လှမ်းချင်တယ်။”
မည်သည့် တုံ့ပြန်မှုမှ မရှိသေးပေ။
“မင်း သောက် ဓားရိုင်း၊ ငါ သတ်ဖြတ်ခြင်း လမ်းကြောင်းထဲ ဝင်ချင်တယ်လို့ မင်း ကြားလိုက်လား”
အသံ လုံးဝ မရှိသေးပေ။
ကျူးချန်ဖုန်း ကို နှစ်ပိုင်း ပိုင်းဖြတ်ပြီးနောက် ဓားသည် ပျောက်ကွယ်သွားပုံရသည်။
“အိုး၊ ငါ မင်းကို မျက်နှာပေးနေတာကို မင်းက မယူဘူးလား မင်း ငါ့ကို သတ်ဖြတ်ခြင်း လမ်းကြောင်းထဲ ဝင်ဖို့ တောင်းဆိုနေခဲ့တာ။ ဒါပေမဲ့ အခု ဒီ အဖေက လုပ်မယ်လို့ ပြောလိုက်တော့ မင်းက လေလွင့်သံတောင် မပေးဘူး။ မင်း ဘာတွေ လုပ်နေတာလဲ” လော့ထျန် က စိတ်ဆိုးသော အနေအထားဖြင့် ပြောလိုက်သည်။
အတွင်းပိုင်းမှ မည်သည့် တုံ့ပြန်မှုမှ မရှိသေးပေ။
လော့ထျန် စိတ်ဓာတ်ကျလုနီးပါး ဖြစ်နေချိန်တွင်…
သွေးစုပ်ဓားရိုင်း ၏ အားနည်းသော အသံက နောက်ဆုံးတွင် တုံ့ပြန်လိုက်သည်။ “ဒီလောက် ဆူဆူညံညံ မလုပ်နဲ့တော့။ ဒီ အဖေက အသူရာ သေမင်း ကို အသက်သွင်းဖို့ စွမ်းအင် ဘယ်လောက် အသုံးပြုရလဲ မင်း သိလား နောက်တစ်ခါမှ သတ်ဖြတ်ခြင်း လမ်းကြောင်းထဲ ဝင်ပါ၊ အခု ငါ မင်းကို လမ်းညွှန်ပေးဖို့ ခွန်အား မရှိတော့ဘူး၊ ဒါကြောင့် နောက်ထပ် လဝက်လောက် ငါ့ကို အနှောင့်အယှက်မပေးပါနဲ့။”
သူ ၏ အသံသည် ဖျားနာမှု အမြင့်ဆုံးတွင်ရှိသော လူအို တစ်ဦးကဲ့သို့ ဖြစ်နေခဲ့သည်။
လော့ထျန် သည် တုန်လှုပ်သွားပြီး သူ ၏ ခေါင်းကို ခဏတာ ကုတ်လိုက်ပြီးနောက် စိတ်ပါလက်ပါ ရယ်မောလိုက်သည်။ “မင်း အရင်က အရမ်း မာန ထောင်လွှားနေခဲ့တယ်မလား၊ မင်းမှာလည်း အားနည်းတဲ့ အချိန်တွေ ရှိတာကိုး၊ ဟားဟားဟား…”
“စောက် ကလေး”
“မင်း တိုက်ပွဲကို ဆက်ပြီး ဂရုမစိုက်ဘူးဆိုရင် မင်း လော့မျိုးနွယ်စုဝင်တွေ မကြာခင် သေကုန်လိမ့်မယ်။”
လော့ထျန် ၏ စိတ် နစ်မြုပ်သွားသည်။ “ဆိုးလိုက်
တာ၊ ငါ သူတို့ နဲ့ သူတို့ရဲ့ ကြီးမားတဲ့ အတွေ့အကြုံမှတ် ရနိုင်ခြေကို မေ့နေတာပဲ”
လော့ထျန် သည် အရူးအမူး သတ်ဖြတ်နေသည့် ကျူးယောင်ကျုံး ကို လှည့်ကြည့်လိုက်သည်။ ထို့နောက် သူက အေးစက်စွာ လှောင်ပြောင် ပြောလိုက်သည်။ “စောက်သုံးမကျတာ၊ ငါမင်းကို သေတဲ့အထိ လုပ်ပေးမယ် ကြည့်လိုက်”
လော့ထျန် ကျူးယောင်ကျုံး ကိုဘယ်လို ကိုင်တွယ် ဖြေရှင်းမယ်လို့ ထင်လဲ။