တွေ့ဆုံခြင်း
Vol. 24 Ch. 358
သတင်းအချက်အလက်စင်တာ အတွင်း၌ အနန္တရထား ၏ အဓိက ခေါင်းဆောင်အများစုသည် စုဝေးနေနှင့်ပြီး ဖြစ်သည်။
လူစိမ်းနှစ်ဦးသည် ရထားတွဲအတွင်း ရပ်နေသည်—ယောက်ျားတစ်ဦးနှင့် မိန်းမတစ်ဦး နှစ်ဦးစလုံးသည် စစ်ဝတ်စုံနှင့် အအေးဒဏ်ခံနိုင်သော ဝတ်စုံများကို ဝတ်ဆင်ထားသည်။ ၎င်းတို့၏ ဝတ်စုံများအပေါ်တွင် အနက်ရောင်ဝတ်ရုံများကို ဝတ်ဆင်ထားပြီး လျှို့ဝှက်ဆန်းကြယ်သော ဆဋ္ဌဂံပေါင်းစပ်ပစ္စည်း ဖြင့် ရက်လုပ်ထားသဖြင့် အလင်းကို စုပ်ယူထားပြီး ၎င်းတို့အား အရိပ်များ ကဲ့သို့ ဖြစ်နေစေသည်။
“လင်းရှန် ရှင်နိုးလာပြီပေါ့”
ကီကီသည် သူမ၏ ထိုင်ခုံမှ စိတ်လှုပ်ရှားစွာ ပျံတက်လာသည်။ ရှုချင်း၊ တာလို့နှင့် ရှားရှားတို့လည်း သူတို့၏ ခေါင်းများကို လှည့်လာကြသည်။
လုရှင်းချန်သည် အစည်းအဝေးသို့ အတင်းအကျပ် ခေါ်ဆောင်ခြင်း ခံရသည်—သို့သော် သူသည် သူ၏ ထိုင်ခုံတွင် အိပ်ပျော်နေနှင့်ပြီ ဖြစ်သည်။
ထိုအတောအတွင်း တင်းကျန်းရီသည် ဧည့်သည်အသစ်များနှင့် စကားလက်ဆုံကျနေပြီ ဖြစ်သည်။
လင်းရှန် ချဥ်းကပ်လာသောအခါ ညလမ်းလျှောက်သူနှစ်ဦးသည် သူ့ကို လှည့်ကြည့်လိုက်သည်။
နှစ်ဦးစလုံးမှာ ငယ်ရွယ်ကြသည်။
အမျိုးသားသည် အသက် ၂၇ သို့မဟုတ် ၂၈ နှစ်ဝန်းကျင် ရှိပုံရပြီး ပြတ်သားသော မျက်နှာသွင်ပြင်များနှင့် ပေါ့ပါးသော၊ ယုံကြည်မှုရှိသော အမူအရာများ ရှိသည်။ သူ၏ မျက်လုံးများသည် လျှပ်စီးကဲ့သို့ လင်းလက်နေသည်။
အမျိုးသမီးသည် အသက် ၂၂ သို့မဟုတ် ၂၃ နှစ်ဝန်းကျင် ရှိပုံရသည်—ဆံပင်တိုကာ သပ်ရပ်ပြီး ပြင်းထန်သော ကြမ်းတမ်းသောစွမ်းအင်ကို ထုတ်လွှတ်နေသည်။ သူမသည် ပီကေကို ဝါးနေပြီး အနက်ရောင် နှုတ်ခမ်းနီကို ဆိုးထားသဖြင့် သူမကို ပို၍ပင် ထင်ပေါ်စေသည်။
အမျိုးသားသည် ရှေ့သို့ တက်လာပြီး လက်ဆွဲနှုတ်ဆက်ရန် လက်ကမ်းလိုက်သည်။
“ကပ္ပတိန်လင်း တွေ့ရတာ ဝမ်းသာပါတယ်”
“ငါက ကျိုးဝူ…ညလမ်းလျှောက်သူ အဖွဲ့ခွဲ (၁)—စာပို့ယူနစ်ကပါ”
“ဒါကတော့ ဖုန်းဖုန်း…. ငါ့ရဲ့ တွဲဖက်ပါ”
လင်းရှန် သူ၏ လက်ကို လှုပ်ယမ်းလိုက်သည်။
“စာပို့ယူနစ်… ဒါဆို မင်းတို့က သတင်းအချက်လက်ပို့တာကို လုပ်တာပေါ့”
“အတိအကျပဲ” ကျိုးဝူက ခေါင်းညိတ်လိုက်သည်။
“ညလမ်းလျှောက်သူတွေကို အဖွဲ့ သုံးခု ခွဲထားတယ်: စာပို့သူ အမှောင်ညနဲ့ ကြယ်မီးတောက်—တစ်ခုချင်းစီမှာ မတူညီတဲ့ လုပ်ငန်းတာဝန်တွေ ရှိတယ်”
“အမှောင်ညက အမှောင်ဒီရေတွေနဲ့ တွင်းနက်တွေကို စုံစမ်းထောက်လှမ်းတယ်”
“ကြယ်မီးတောက်က အသက်ရှင်ကျန်ရစ်သူအုပ်စုတွေနဲ့ တန်ဖိုးမြင့်ပိုင်ဆိုင်မှုတွေအတွက် လုံခြုံရေးပေးတယ်”
“ပြီးတော့ ငါတို့ စာပို့သူတွေ…. ငါတို့က ကမ္ဘာကြီး ကို အမြဲအဆက်သွယ်ရှိနေစေတယ်။ ဒါကြောင့် ငါတို့ ဒီမှာ ရောက်နေတာ—မင်းနဲ့ တွေ့ဆုံဖို့ပဲ”
“ရှင်တို့က ကျွန်မတို့ကို ဘယ်လိုများ ရှာတွေ့ခဲ့တာလဲ” ကီကီက မေးသည်။
“ငါတို့ ရှာတာ မဟုတ်ဘူး” ဖုန်းဖုန်းက ပေါ့ပေါ့ပါးပါး ပြန်ဖြေသည်။
“ယန်ကျန်းလွင်ပြင် တစ်လျှောက်က စာပို့သူတွေအားလုံး တူညီတဲ့ တာဝန်ကို ရခဲ့ကြတာပဲ။ ငါတို့ရဲ့ တာဝန်တွေကို ပြန့်ကျဲအစီအစဉ် နဲ့ ဆောင်ရွက်တယ်—နင်တို့ကို အရင်ဆုံး တွေ့တဲ့သူက ဆက်သွယ်တာပဲ”
လင်းရှန် ခေါင်းညိတ်လိုက်သည်။
ဝေ့ကီရှုဆီမှ ဖီးနစ်တွင် ကမ္ဘာလုံးဆိုင်ရာ ဆက်သွယ်ရေးနည်းလမ်း သုံးခု ရှိသည်ဟု သူကြားဖူးသည်။
- ဒရုန်း မီးပြတိုက်ကွန်ယက်များ (သူ၏ အချက်ပြစနစ် မျှော်စင်တိုင်များနှင့် ဆင်တူသည်)။
- ညလမ်းလျှောက်သူ စာပို့အဖွဲ့များမှ လျှို့ဝှက်ရေဒီယိုကုဒ်များ။
-အနီရောင် သွေးပဲစေ့ကဲ့သို့သော အထူးစွမ်းအင် အရင်းအမြစ်များကို အသုံးပြု၍ တိုက်ရိုက်ဆက်သွယ်ရေးစခန်းများ။
“ဖီးနစ်က ငါ့ကို သီးခြား တောင်းဆိုခဲ့တာလား” လင်းရှန် က မေးသည်။
“ဘာလို့လဲ”
ကျိုးဝူက ပြုံးလိုက်သည်။ “ကယ်ဆယ်ရေး စစ်ဆင်ရေးမှာ မင်း ကူညီပေးခဲ့တဲ့အတွက် ကျေးဇူးတင်စကား ပြောဖို့—ပြီးတော့ ပူးပေါင်းဆောင်ရွက်ဖို့ ကမ်းလှမ်းချင်တာ…”
“ယူပေမြို့ အထောက်အကူပြုအဖွဲ့ က သူတို့ရဲ့ မစ်ရှင်မှတ်တမ်းတွေကို တင်ခဲ့တယ်။ မင်းက ‘ယန္တရား စွမ်းအားရှင်’ တစ်ယောက်အနေနဲ့ ရူးသွပ်စွာ စွန့်စားပြီး ထူးခြားတဲ့ ‘ဆွဲငင်အား အစီအစဉ်’ ကို ဆောင်ရွက်ခဲ့ပြီး လူထောင်ပေါင်းများစွာကို ကယ်တင်ခဲ့တယ်။ သူတို့ရဲ့ အဖွဲ့ခေါင်းဆောင်က မင်းကို အရမ်းလေးစားခဲ့တယ်”
လင်းရှန် မျက်ခုံးပင့်လိုက်သည်။
“အဖြူရောင် အဖွဲ့ ခေါင်းဆောင်လား”
“ဟုတ်တယ်” ကျိုးဝူ ခေါင်းညိတ်လိုက်သည်။
“ဒါပေမယ့်... သူ့ရဲ့ အဖွဲ့ကတော့ မရှိတော့ဘူး”
ကျိုးဝူက အကျယ်တဝင့် ရှင်းပြသည်၊၊
“ပြီးတော့ အာရုံကြော သိပ္ပံနယ်ပယ်လည်း ရှိသေးတယ်။ ရုပ်ဝတ္ထုကို စိတ်စွမ်းအင်နဲ့ ကိုင်တွယ်ခြင်းက ရုပ်ဝတ္ထုကို ထိန်းချုပ်နိုင်တယ်ဆိုရင်… အေးခဲအမှောင် အခြေခံအမှုန်တွေက စွမ်းအင်နဲ့ မောင်းနှင်နေရင် သူတို့ရဲ့ ထုတ်လွှတ်မှုယန္တရား က ဘာလဲ…ကွန်တမ် ရောယှက်မှုလိုင်းလား…ဒါက အာရုံကြောကုဒ်နံပါတ်ဖွင့်ခြင်း နည်းပညာကို အလွန်အမင်း တိုးတက်စေနိုင်တယ်။ မင်းက အင်ပါယာပရောဂျက်နဲ့ ထိတွေ့ပြီးပြီ ဖြစ်တဲ့အတွက် အာရုံကြောပေါင်းစည်းထိန်းချုပ်ခြင်း နည်းပညာနဲ့ ရင်းနှီးပြီးသား ဖြစ်မှာပေါ့… ဟုတ်တယ်မလား”
“ငါတို့ တကယ်ပဲ ခွဲခြမ်းစိတ်ဖြာဖို့ စတင်မယ်ဆိုရင် ထည့်သွင်းစဉ်းစားစရာတွေ အများကြီး ရှိသေးတယ်”
ကီကီ ၏ မျက်နှာအမူအရာသည် အံ့ဩတုန်လှုပ်နေသည်။ “သေစမ်း ရှင်တို့က စွမ်းရည်တွေကို အသုံးပြုပြီး ရူပဗေဒရဲ့ လျှို့ဝှက်ချက်တွေကို ဖော်ထုတ်ဖို့ ကြိုးစားနေတာလား”
“ဘာလို့ မလုပ်ရမှာလဲ…. စွမ်းရည်တွေ ရှိခြင်းက ဘာလို့ အလိုအလျောက် နက်နဲဆန်းကြယ်မှုပဲ ဖြစ်နေရမှာလဲ” ကျိုးဝူက တကယ့်ပညာရှင်တစ်ဦးကဲ့သို့ အလေးအနက် ပြန်ဖြေသည်။
“အေးခဲ-အမှောင် အခြေခံအမှုန်တွေကို မကြာသေးမီကမှ ရှာဖွေတွေ့ရှိခဲ့တာပဲ၊၊ ဒါက သူတို့ဟာ ရုပ်ဝတ္ထုတည်ရှိမှုရဲ့ နောက်ထပ် ပုံစံတစ်ခုသာ ဖြစ်ကြောင်း သက်သေပြခဲ့တယ်”
တင်းကျန်းရီ ခေါင်းညိတ်ကာ သဘောတူလိုက်သည်။ “ငါလည်း ဒီအမြင်ကို ထောက်ခံတယ်။ လူသားမျိုးနွယ်ရဲ့ ဘိုးဘေးတွေ မီးကို ပထမဆုံး ရှာဖွေတွေ့ရှိတုန်းက သူတို့က ဘုရားသခင်ရဲ့ ဖန်တီးမှုလို့ မြင်ခဲ့ကြတယ်။ ဒါပေမဲ့ သိပ္ပံပညာတိုးတက်လာတာနဲ့အမျှ မီးဟာ ရိုးရိုးလေးပဲ… အပူချိန်မြင့်ဓာတ်ငွေ့ ဒါမှမဟုတ် ပလာစမာဖြစ်တယ်ဆိုတာ ငါတို့ သိခဲ့ရတယ်။ ဒါကြောင့် စွမ်းရည်တွေကို တစ်နေ့ကျရင် သိပ္ပံနည်းကျ ရှင်းပြနိုင်မယ်ဆိုတဲ့ အယူအဆက မဖြစ်နိုင်တာ မဟုတ်ဘူး”
လင်းရှန်သည် ကျိုးဝူကို နက်နဲသောအမူယာဖြင့် တစ်ချက်ကြည့်ပြီး ပြောလိုက်သည်၊၊
“ရုပ်ဝါဒကို အသုံးပြုပြီး စိတ်ကူးယဉ်ဝါဒကို ခွဲခြမ်းစိတ်ဖြာခြင်း... ဖီးနစ်အဖွဲ့စည်းက လူသားမျိုးနွယ်ရဲ့ အလင်းရောင် ဆိုတဲ့ နာမည်နဲ့ ထိုက်တန်ပါတယ်”
“စိတ်အေးအေးထားပါ” ကျိုးဝူက ပြုံးလိုက်ပြီး လက်ဝှေ့ယမ်းလိုက်သည်။
“ငါတို့ မင်းကို ခွဲခြမ်းစိတ်ဖြာမှာ မဟုတ်ပါဘူး။ အဲဒါက လူသားဆန့်ကျင်ရေး အဖွဲ့အစည်းတွေ ရဲ့ အလုပ်ပဲ”