မီစစ်ယွမ်ကို သုတ်သင်ခြင်း

မီစစ်ယွမ်ကဲ့သို့ ရွှေအမတေအဆင့်များက စတင်လှုပ်ရှားလာစေရန် လုပ်ရမည်မှာ အလွန်ခက်ခဲသည်။ ယေဘုယျအားဖြင့် ပြောရလျှင် ၎င်းက လုပ်ရန် များများစားစားမလိုအပ်လှပေ။ ၎င်းတို့၏ နာမည်ဂုဏ်သတင်းကို အားကိုးရုံမျှဖြင့် ပြဿနာတိုင်းကို ဖြေရှင်းနိုင်သည်။ ၎င်းတို့၏ နာမည်ဂုဏ်သတင်းကို မဖြေရှင်းနိုင်ပါက မကြာခဏ ဆိုသကဲ့သို့ပင် ကြီးမားသော ကိစ္စများဖြစ်လာလိမ့်မည်။

သို့သော် များသောအားဖြင့် တစ်ယောက်ကိုတစ်ယောက် ထိန်းထားလေ့ရှိသဖြင့် ဤအချက်ကို လွယ်လွယ်ကူကူ မရောက်နိုင်ပေ။ နောက်ဆုံးတွင်မူ ၎င်းတို့အားလုံးသည်

ဒေသတစ်ခု၏ ကြီးမားတဲ့ ရိုက်ချက်များဖြစ်ကြသည်။ ၎င်းတို့ဆန္ဒအရသာ အချင်းချင်းသတ်ပါက မဟာဝေ့နိုင်ငံတော်ကြီးတစ်ခုလုံး မှောက်လျက်သား ဖြစ်သွားပေလိမ့်မည်။

၎င်းတို့၏ မျက်လုံးများတွင် မီစစ်ယွမ်သည် ဒါဇင်များစွာသောရုပ်သဏ္ဍာန်များအဖြစ် ပြောင်းလဲသွားပြီး ချူးယွင်ဖန်းကို အရပ်ရပ်မှ တိုက်ခိုက်ခဲ့သည်။

‘လူတစ်ယောက်တည်းက တပ်​တစ်​​ထောင်​ရဲ့ စွမ်းအား​တွေ ရှိတယ်​‘

ပုံစံမဲ့ဂိုဏ်း၏ အဆုံးစွန်သော နည်းပညာ ပုံစံမဲ့ဓားချက်ကိုသုံး၍ သူသည် ကောင်းကင်ရှိ လေနှင့် တိမ်များကဲ့သို့ဖြစ်နေကာ သူ၏လှုပ်ရှားမှုများကို ထိတွေ့နိုင်ရန် ခက်ခဲလှသည်။

ပို၍ ကြောက်မက်ဖွယ်ကောင်းသည်မှာ ချူးယွင်ဖန်းပင်ဖြစ်သည်။ သူသည် နေရာ၌သာ မတ်တပ်ရပ်ကာ ပေါ့ပေါ့တန်တန်ပင် လက်သီးတစ်ချက်ပြန်ထိုးလိုက်သည်။ မီစစ်ယွမ်က သူ့ခန္ဓာကိုယ်ကို အကြိမ်ပေါင်းမည်မျှ ကိုယ်ခွဲထားစေကာမူ ဂရုမစိုက်ပေ။ သူသည် သူ့ကိုယ်ပိုင်စည်းချက်အတိုင်း လိုက်ကာ ပုံရိပ်များထဲမှ တစ်ခုကို တိုက်ရိုက် ထိုးနှက်လိုက်သည်။

ချူးယွင်ဖန်းသည် သူ၏တိုက်ခိုက်မှုများကို လျစ်လျူရှုလျက် သူ့ကိုယ်ပိုင်စည်းချက်အတိုင်း လုပ်ဆောင်နိုင်သည့်တိုင် မီစစ်ယွမ်က ထိုသို့မလုပ်ဝံ့ခဲ့ပေ။ ချူးယွင်ဖန်းကို လျစ်လျူမရှုပါက၊ လက်သီးတစ်ချက်ဖြင့် ပြင်းထန်စွာ ဒဏ်ရာရသွားနိုင်သည်။

ချူးယွင်ဖန်း၏ လက်သီးချက်သည် ကြောက်စရာကောင်းသည်။ သူ ချူးယွင်ဖန်းနှင့် ခဏသာ တိုက်ခိုက်ခဲ့သည့်တိုင် ၎င်းကို ခံစားနိုင်နေပြီဖြစ်သည်။ ပင်လယ်ကဲ့သို့နက်ရှိုင်းသော ချူးယွင်ဖန်း၏ ကြောက်မက်ဖွယ်ကောင်းသော ခွန်အားနှင့် နှိုင်းယှဉ်ပါက၊ သူ့အတွက် အမှန်တကယ် ကြောက်စရာကောင်းသည်မှာ သူသည် ဖျက်ဆီး၍မရအောင် အစွမ်းထက်သော ခန္ဓာကိုယ်ကို ကျင့်ကြံထားခြင်းဖြစ်သည်။

ထို့ကြောင့် အမြင်အရ ချူးယွင်ဖန်းသည် မီစစ်ယွမ်၏လက်တွင် လုံးဝ ဖိနှိပ်ခံထားရသည်ထင်ရသည်။ တိုက်ခိုက်မှုများစွာသည် အဆုံးမရှိလုနီးပါးဖြစ်ပြီး ချူးယွင်ဖန်းက နောက်ပြန်ဆုတ်သွားပုံမပေါ်ပေ။ သို့သော်လည်း စစ်မှန်သော ကျွမ်းကျင်ပညာရှင်က သူသည်သာ ဇက်ကြိုးကို ကိုင်ထားသူဖြစ်ကြောင်း ပြောနိုင်သည်။

မီစစ်ယွမ်သည် သူ၏ အစွမ်းအစကို အကုန်အစင် အသုံးပြုနေသော်လည်း ချူးယွင်ဖန်းသည်မူ သူ၏ တိုက်ခိုက်မှုအားလုံးကို ပေါ့ပေါ့တန်တန် ကိုင်တွယ်ဖြေရှင်းခဲ့သည်။

ရှိနေသော နတ်အဆင့်များအားလုံး လုံးဝ တုန်လှုပ်သွားကြသည်။ ဤသည် အလွန် ကြောက်မက်ဖွယ်ကောင်းလွန်းလှသည်။ ရွှေအမတေအဆင့်ရှိသူ တစ်ဦးသည် သူ၏ခန္ဓာကိုယ်ရှိ နတ်စွမ်းအင်အားလုံး ရွှေအမြုတေအဖြစ် စုစည်းထားသည်။ တိုက်ခိုက်မှုတိုင်းသည် သူ၏ စွမ်းအား ၁၀၀% ကို ထုတ်လွှတ်နိုင်သည်။ ဆန့်ကျင်ဘက်အားဖြင့်၊ နတ်အဆင့်တွင် ထိုသို့မပြုနိုင်ပေ။ ထို့ကြောင့်၊ ၎င်းတို့၏ ကျင့်ကြံရေးအဆင့်များ တူညီနေလျှင်ပင်

ရွှေအမတေအဆင့်ရှိသူ တစ်ဦးနှင့်ကြုံရပါက

တစ်ချက်တည်း ရှုံးနိမ့်သွားမည်ဖြစ်သည်။

သာမန်နတ်အဆင့်များသည် တိုက်ခိုက်မှုတစ်ခုတွင် ၎င်းတို့၏ စွမ်းအား၏ အစိတ်အပိုင်းတစ်ခုကိုသာ ထုတ်လွှတ်နိုင်သည်။ သို့သော်လည်း ရွှေအမတေအဆင့်သည် အချိန်တိုင်း ၎င်းတို့၏ စွမ်းအားအားလုံးကို အသုံးပြုပြီး နောက်အခိုက်အတန့်တွင် ၎င်းတို့၏ ခွန်အားအများစုကို ပြန်လည်ရရှိနိုင်သည်။

ဤသည်မှာ ကြောက်စရာအကောင်းဆုံးအပိုင်းဖြစ်သည်။

နတ်အဆင့်နှင့် ရွှေအမတေအဆင့်အကြား ခြားနားချက်မှာ ကောင်းကင်နှင့် မြေကြီး အကြားခြားနားချက်ပင်ဖြစ်သည်။

"မင်း ကစားလို့ဝပြီလား"

ရုတ်တရက် ချူးယွင်ဖန်းက အေးစက်စွာပြုံးလိုက်သည်။

မီစစ်ယွမ်၏ အမူအရာ ရပ်တန့်သွားသော်လည်း ချူးယွင်ဖန်းက ရုတ်တရက် တိုက်ခိုက်လိုက်သည်။

ချူးယွင်ဖန်း၏ နောက်ကွယ်တွင် ကြီးမားသော ရွှေရောင် အသူရာတစ်ခု ပေါ်လာသည်။ အသူရာက လက်သီးဖြင့်ထိုးလိုက်ရာ မူလက ဒေါသတကြီးတိုက်ခိုက်နေသော မီစစ်ယွမ်ပုံရိပ်များသွာသည် ချက်ချင်းပျောက်ကွယ်သွားလျက် ချူးယွင်ဖန်း၏ရှေ့တွင် တစ်ရုပ်သာကျန်ခဲ့သည်။

ဘမ်း

ဤလက်သီးချက်က မီစစ်ယွမ်၏ ခန္ဓာကိုယ်ပေါ် ရောက်သွားကာ သူ့ကို နောက်သို့ဆုတ်ခိုင်းလိုက်သည်။

"ဒါက ဘာနည်းပညာလဲ" မီစစ်ယွမ်၏ အမူအရာ ပြောင်းသွားသည်။

ချူးယွင်ဖန်းက ရယ်မောလိုက်သည်။ ထို့နောက် လက်ကြီးဖြင့် လေထဲသို့ လှမ်းကိုင်လိုက်သည်။ မရေမတွက်နိုင်သော လျှပ်စီးကြောင်းများ လွင့်ပျံသွားပြီး ဓားရှည်ကြီးအဖြစ်သို့ ပြောင်းလဲသွားသည်။ ဓားသွားကို လက်ထဲတွင်ကိုင်ထားရင်း ချူးယွင်ဖန်း၏ အမူအရာတစ်ခုလုံး ပြောင်းလဲသွားသည်။

ထို့နောက် သူ၏ဓားဖြင့် မီစစ်ယွမ်ကို ခုတ်ပိုင်းလိုက်ရာ မီစစ်ယွမ်သည် မရေမတွက်နိုင်သော ကြီးမားသော တိုက်ခိုက်မှုများဖြင့် ခုခံရန် ကြိုးပမ်းခဲ့သည်။

ချက်ခြင်းပင် ထောင်နှင့်ချီသော ကြောက်မက်ဖွယ်ကောင်းသော တိုက်ခိုက်မှုများ ပေါက်ကွဲသွားသော်လည်း ၎င်းတို့သည် ချူးယွင်ဖန်းနှင့်မယှဉ်နိုင်ကြပေ။ ၎င်းတို့က ချူးယွင်ဖန်း၏ဓားကို မခုခံနိုင်ပေ။

ချူးယွင်ဖန်းသည် အရာအားလုံးကို ဓားတစ်ချက်တည်းဖြင့် ဗလာနတ္ထိအဖြစ် ပြောင်းလဲပစ်လိုက်သည်။ တစ်ခဏချင်း၌ပင် ချူးယွင်ဖန်းက ရှေ့ကို တိုးလာကာ မီစစ်ယွမ်၏ ရှေ့သို့ ရောက်လာသည်။ ထို့နောက် သူသည် သူ၏ဓားဖြင့် ခုတ်လှဲလိုက်ပြန်သည်။ ဓားရှည်သည် လေကို ထက်ခြမ်းပိုင်းကာ ကောင်းကင်တွင် မိုးရွာခဲ့သည်။

ချူးယွင်ဖန်းသည် လှိုင်းများကို နင်းလျက် မီစစ်ယွမ်ဆီသို့ တစ်လှမ်းချင်း ချဉ်းကပ်လာသည်။ ချူးယွင်ဖန်း၏တိုက်ခိုက်မှုကိုရင်ဆိုင်ရသောအခါတွင် မီစစ်ယွမ်သည် တားဆီးရန် တိုက်ခိုက်ခဲ့သော်လည်း ချူးယွင်ဖန်းကြောင့် နောက်ပြန်ဆုတ်သွားခဲ့သည်။

လူတိုင်း အံသြသွားကြသည်။ အချိန်တိုမျှသာ ရှိသေးသော်လည်း ချူးယွင်ဖန်းက အခြေအနေများကို ပြောင်းလဲပစ်လိုက်သည်။ သူသည် မီစစ်ယွမ်ကို ဓားသွားဖြင့် ဆုတ်ခွာရန် တွန်းအားပေးခဲ့သည်။

၎င်းတို့အမြင်အရ ချူးယွင်ဖန်း၏ဓားပညာသည် အလွန်ကောင်းမွန်သည်မဟုတ်ပေ။ ၎င်းသည် သာမာန်ဓားသွားနည်းပညာတစ်ခုမျှသာဖြစ်သော်လည်း လျင်မြန်တိကျကာ ရက်စက်သည်။ ဓားချက်တစ်ချက်စီတိုင်းက ရက်စက်ကြမ်းကြုတ်၍ သေစေနိုင်သည်။

"ဘယ်လောက်ထိ ပြင်းထန်တဲ့ တိုက်ပွဲပုံစံလဲ”

အကြီးအကဲကူလည်း အံသြသွားသည်။ သူ့ဘဝတွင် ရွှေအမတေ တိုက်ပွဲ တစ်ပွဲနှစ်ပွဲ မြင်ဖူးသည်။ သူသည် ရွှေအမတေအားလုံးကို ကြားဖူးသော်လည်း ချူးယွင်ဖန်းကဲ့သို့ ကြီးစိုးသော တိုက်ပွဲပုံစံမျိုး မရှိခဲ့ပေ။

ဤသည်မှာ ယေဘုယျအားဖြင့် အဆင့်နိမ့်သော ကျင့်ကြံသူများကို ဖိနှိပ်ရန်အတွက် အဆင့်မြင့် ကျင့်ကြံသူများအသုံးပြုသော နည်းလမ်းတစ်ခုဖြစ်သော်လည်း ချူးယွင်ဖန်းက ယင်းကို ဆန့်ကျင်နေသည်။ ဤကဲ့သို့ အကျိုးသက်ရောက်မှုမျိုးရနိုင်ရန် သူသည် ကျင့်ကြံရေးအဆင့် အနည်းငယ်မျှကိုသာ အသုံးပြုခဲ့ခြင်းဖြစ်၍ အလွန်နိမ့်ပါးသော အဆင့်ကို အသုံးပြုခဲ့သည်။

ဘမ်း

ချူးယွင်ဖန်းက မီစစ်ယွမ်၏ တိုက်ခိုက်မှုကို ထပ်မံ ခုတ်ပိုင်းလိုက်ပြန်ကာ နောက်သို့ ပြန်ဆုတ်သွားစေခဲ့သည်။

ဖွီး

မီစစ်ယွမ်၏ ပါးစပ်ထဲမှ သွေးများအန်ထွက်လာကာ မျက်နှာတစ်ခုလုံး သေလုနီးနီးဖြူဖျော့လာသည်။ ကြာရှည်စွာ ခုခံခြင်းက ဆုံးရှုံးမှုကို ဖြစ်စေနိုင်သည်ဟူသော ဆိုရိုးစကားအတိုင်းပင် ဖြစ်ကာ မူလက သူ၏ ခုခံမှု၌ ချို့ယွင်းချက်မရှိခဲ့သော်လည်း ချူးယွင်ဖန်းက ၎င်းကို ဖြိုခွင်းနိုင်ခဲ့သည်။ ယင်းက ကြောက်မက်ဖွယ်အကောင်းဆုံးအပိုင်းဖြစ်သည်။

ဤအခိုက်အတန့်တွင် သူ အမှန်တကယ်ပင် ထိတ်လန့်သွားသည်။ ချူးယွင်ဖန်းက အသက်နှစ်ဆယ်ကျော်အရွယ်သာ ရှိသေးသည်ဟု မူလက သူထင်ခဲ့သည်။ သူ၏ တိုက်ခိုက်ရေးစွမ်းအားက ရွှေအမတေအဆင့်သို့ရောက်သွားသော်လည်း အများဆုံးအနေဖြင့် ရှေးဘိုးဘေး ဝူရှန်ထက် အနည်းငယ်သာ အင်အားကောင်းနေပေလိမ့်မည်။ ချူးယွင်ဖန်းက အလွန်ကြောက်မက်ဖွယ်ကောင်းလိမ့်မည်ဟု မည်သူက ထင်လိမ့်မည်နည်း။ သူသည် ရှေးဘိုးဘေးဝူရှန်ထက် အနည်းငယ်သန်မာရုံမျှသာမက ၃၀% ပင် ပို၍ သန်မာသည်။

သူသည် အမတေမဲ့အဆင့် အလယ်အလတ်အဆင့်သို့ တက်လှမ်းခဲ့ပြီးသော ကြောက်မက်ဖွယ်ဖြစ်တည်မှုတစ်ခုဖြစ်သည်။ ချူးယွင်ဖန်းက ရေကန်မျက်နှာပြင်ပေါ်သို့ လှမ်းတက်လိုက်ပြီးနောက် သူ့တစ်ကိုယ်လုံး လှိုင်းလုံးကြီးများဖြင့် တဟုန်ထိုး ခုန်တက်လာသည်။ သူသည် မိုးကြိုးဓားကို သူ့လက်ထဲတွင် ကိုင်ထားကာ သူ့ခြေဖဝါးအောက်တွင် တစ်ခါတစ်ရံ မိုးကြိုးများ ပေါ်လာတတ်သည်။

သူသည် စစ်နတ်ဘုရားကဲ့သို့ ကြောက်မက်ဖွယ်ကောင်းလှသည်။

“မီစစ်ယွမ် မင်းတတ်နိုင်တာ ဒါအကုန်ပဲဆို မင်း ဒီနေ့ ဒီမှာ ကျိန်းသေပေါက်‌ သေရလိမ့်မယ်”

ချူးယွင်ဖန်းသည် မီစစ်ယွမ်ကို ဓားတစ်ချက်ဖြင့် နောက်ဆုတ်သွားစေခဲ့သော်လည်း အလျင်လိုကာ သူ့နောက်သို့ လိုက်ခြင်းမရှိပေ။

ဘိုးဘေး ဝူရှန်နှင့် နှိုင်းယှဥ်ပါက မီစစ်ယွမ်က ပို၍ သန်မာသည်။ ကံမကောင်းစွာဖြင့် မီစစ်ယွမ်သည် ချူးယွင်ဖန်းနှင့် ကြုံတွေ့ခဲ့ရသည်။

အရာအားလုံးက ကံကြမ္မာအရသာဖြစ်၏။