စပယ်ရှယ်လစ် ၄
Vol. 26 Ch. 391
“လင်းချွမ် ဦးဆောင်တဲ့ တတိယအဖွဲ့ကို တောင်ဘက် ကီလိုမီတာ ၁၀၀ အကွာမှာရှိတဲ့ ဧရိယာကို စုံစမ်းဖို့ အမိန့်ပေးလိုက်ပါ”
“သုတေသနအဖွဲ့က မနေ့ညက ဓာတ်ခွဲခန်းကို စောင့်ကြပ်ဖို့အတွက် စွမ်းအားရှင်တွေ ထပ်တောင်းဆိုခဲ့တယ်။ ကျွန်တော်တို့မှာ လက်ရှိ ဝန်ထမ်းအင်အားမလုံလောက်ဘူး”
ညလမ်းလျှောက်သူအဖွဲ့အစည်းအတွက် ယာယီစေလွှတ်ရေး ဗဟိုဌာနအဖြစ် ပြောင်းလဲထားသည့် အဓိက အဆောက်အအုံ၏ ခန်းမတွင် တောင်ဘက်မြို့၌ တည်ရှိသော ကွပ်ကဲရေး ဗဟိုဌာနနှင့် တိုက်ရိုက်ဆက်သွယ်မှု ပြုလုပ်နိုင်သည်။
အောက်ရှိ ဘုရားရှိခိုးကျောင်းရင်ပြင်မှ စွမ်းရည် စမ်းသပ်မှုဒေတာကိုလည်း ဤနေရာတွင် စုစည်းနေသည်။
ပြတင်းပေါက်များဘေးတွင် ရုပ်ရည်ချောမောသော်လည်း အရပ်သိပ်မမြင့်သော၊ နားကြပ်တပ်ထားသည့် အမျိုးသားတစ်ဦးသည် စေလွှတ်ရေး အချက်အလက်ကို နားထောင်နေစဉ် အောက်ရှိ စမ်းသပ်ရေး ရင်ပြင်ကို ငုံ့ကြည့်နေသည်။
သူသည် ညလမ်းလျှောက်သူ အဖွဲ့အစည်းအတွင်းရှိ ကြယ်မီးတောက် ဌာနခွဲ၏ အနောက်ဘက် စစ်ဆင်ရေး အဖွဲ့ခေါင်းဆောင် ဝမ်ကျိုး ဖြစ်သည်။
“A-Class ပုဂ္ဂိုလ်၊ အနန္တ ရထားယာဉ်တန်းက လင်းရှန်—သူ မှတ်ပုံတင်ပြီးပြီလား”
“ဟုတ်ကဲ့၊ လွန်ခဲ့တဲ့ ၁၅ မိနစ်လောက်ကတည်းကပါ။ ယာဉ်တန်းမှာ လူ ၁၀ ယောက် စာရင်းသွင်းထားပြီး သူတို့က စမ်းသပ်ရေး အဖွဲ့ရဲ့ ပဉ္စမအသုတ်မှာ ပါပါတယ်”
သူ့နောက်မှ လက်ထောက်က သတင်းပို့သည်။
“ရပြီ”
ထိုအခိုက်တွင် သူ၏ မျက်လုံးများ ကျဉ်းမြောင်းသွားသည်၊၊ တစ်စုံတစ်ရာကို သတိထားမိလိုက်သကဲ့သို့ ဖြစ်သည်။ တစ်ခနအတွင်း သူသည် အရိပ်အဖြစ် သူ့နေရာမှ ပျောက်ကွယ်သွားပြီး ၁၀ မီတာအကွာရှိ စားပွဲရှေ့သို့ တိုက်ရိုက် ပြန်ပေါ်လာသည်။ သူသည် စားပွဲပေါ်မှ တစ်စုံတစ်ရာကို ခိုးယူရန် ကြိုးစားနေသည့် ပုန်းလျှိုးကွယ်လျှိုး လှုပ်ရှားနေသော လူတစ်ဦးကို ဖမ်းဆွဲလိုက်သည်။
“ကျွတ်… တစ်လပဲ ရှိသေးတာကို မင်းရဲ့ အမြန်နှုန်းက တိုးတက်လာပြန်ပြီ”
လက်ပူးလက်ကြပ် မိသော ထိုလူက မထိတ်လန့်ဘဲ ပြုံးပြပြီး ပန်းသီးပွင့်ပုံ ဖန်အရက်ပုလင်းကို မတတ်သာဘဲ ချလိုက်သည်။ ၎င်းသည် ဝမ်ကျိုးပင် သောက်ရန် ချီတုံချတုံ ဖြစ်နေသည့် အရာ ဖြစ်သည်။
ဝမ်ကျိုးက ထိုသူ၏ လက်ထဲမှ ပြန်လည် လုယူလိုက်ပြီး ပုံမှန်အားဖြင့် အေးစက်နေသော သူ့မျက်နှာတွင် ရှားပါးသော အပြုံးတစ်ခု ပေါ်လာသည်။
“သွားစမ်း… ဒါက ငါ့ရဲ့ ဘဏ္ဍာတိုက်ပဲ… တစ်လခွဲလောက် လှုပ်ရှားမှု အမှတ်နဲ့ ဝယ်ထားရတာ... မပေးနိုင်ဘူး”
လက်ပူးလက်ကြပ်မိသွားသော ကျိုးဝူလည်း ရှက်ရွံ့စွာ ရယ်မောလိုက်ပြီး
“မင်းက တကယ် ကပ်စေးနှဲပဲ။ တစ်ငုံလောက်တောင် မသောက်ရဘူးလား”
ပြင်းထန်သော အအေးဓာတ်နှင့် နှင်းများ ကျနေချိန်တွင် ဝင်ရိုးစွန်းည၏ အစွန်အဖျား၌ ထိုအရက်မျိုးသောက်ရသည်မှာ တကယ်ကို နှစ်သက်ဖွယ် အတွေ့အကြုံ ဖြစ်သည်။
“တစ်စက်မှ မရဘူး”
ဝမ်ကျိုးက အေးစက်စွာ ပြောပြီး အံဆွဲတစ်ခု ဖွင့်ကာ အရက်ကို အတွင်းသို့ ထိုးထည့်လိုက်သည်။ သူ၏ အကြည့်က ပို၍ ပြင်းထန်လာသည်။
“အခုက အလုပ်ချိန်ပဲ။ ညလမ်းလျှောက်သူ အဖွဲ့အစည်းရဲ့ စည်းမျဉ်းတွေက အရက်သေစာ သောက်စားတာကို တားမြစ်ထားတယ်။ မင်းက ဌာနခွဲရဲ့ တစ်စိတ်တစ်ပိုင်း ဖြစ်နေရင်တောင် မင်းရဲ့ အထက်အရာရှိဆီကနေ စည်းကမ်းထိန်းသိမ်းဖို့ အရေးယူမှုကို တောင်းဆိုပိုင်ခွင့် ငါ့မှာ ရှိတယ်”
“ငါက ကြောက်တယ်လို့ ထင်နေတာလား~”
ကျိုးဝူက ပြန်ပြောပြီး နောက်ကျောတွင် လက်ပိုက်ကာ ကုလားထိုင်ပေါ်သို့ ပေါ့ပေါ့ပါးပါး ထိုင်ချလိုက်ပြီး ပြုံးလိုက်သည်။
“မင်းက အလုပ်လုပ်နေတယ်၊ ဒါပေမဲ့ ငါတို့ သယ်ယူပို့ဆောင်ရေး ဌာနခွဲက ကြီးကြပ်ရေးမှူး ကျိုးရဲ့ အမိန့်အောက်မှာ နားချိန်ပဲ ရှိသေးတယ်။ ဒါကြောင့် ငါက အနားယူနေတာပဲ”
ဝမ်ကျိုးက ဘေးဖက်သို့ တစ်ချက် ဝေ့ကြည့်လိုက်သည်။ ကျိုးဝူ၏ လုပ်ဖော်ကိုင်ဖက် ဖုန်းဖုန်းက ဂိမ်းစက်တစ်ခုဖြင့် စိတ်ဝင်စားနေသည်ကို တွေ့ရသည်။ ဝမ်ကျိုး၏ လေသံက ပြန်လည် ပြင်းထန်လာသည်။
“မင်း ဒီလို အချိန်ရရင် မင်းရဲ့ စွမ်းရည်ကို လေ့ကျင့်သင့်တယ်။ တပ်စွဲထားတဲ့ တပ်ဖွဲ့တွေအပေါ်မှာ ဖိအား တိုးလာနေတယ်။ မင်းရဲ့ သယ်ယူပို့ဆောင်ရေး ဌာနခွဲက ရှေ့တန်းကို အချိန်မရွေး အားဖြည့်ဖို့ လိုအပ်လာနိုင်တယ်”
“ဘာကို လေ့ကျင့်ရမှာလဲ”
ကျိုးဝူက ခပ်သဲ့သဲ့ ပြုံးပြီး လက်ချောင်းများကို လှုပ်ရှားလိုက်သည်။ ဝမ်ကျိုး၏ စားပွဲပေါ်ရှိ ကွန်ပျူတာသည် ရုတ်တရက် မှေးမှိန်သွားပြီး လုံးဝဖောက်မြင်နိုင်ပြီး တဖြည်းဖြည်းချင်း ပျောက်ကွယ်သွားသည်၊၊
“ဖီးနစ်ကို မဝင်ခင်က တစ်စုံတစ်ယောက်က ငါ့ရဲ့ စွမ်းရည်မှာ ကြီးမားသော မဟာဗျူဟာဆိုင်ရာ အလားအလာနဲ့ ဖွံ့ဖြိုးတိုးတက်မှုအတွက် နေရာရှိတယ်လို့ ပြောခဲ့ဖူးတယ်။ မင်း မြင်တဲ့အတိုင်းပဲ၊ သူ့ရဲ့ အကြီးမားဆုံး အသုံးပြုမှုက ငါ့ရဲ့ အသက်ကို ကယ်ဖို့ပဲ”
သူက လက်ချောင်းများ တစ်ဖန်လှုပ်လိုက်ရာ ကွန်ပျူတာက ပြန်ပေါ်လာသည်။
“ငါ့အသက်ကို ကယ်တင်တာက ကျွမ်းကျင်မှုတစ်ခုပဲ မဟုတ်လား”
ဝမ်ကျိုးက အလေးအနက်ထားကာ ပြန်ဖြေသည်၊၊
“မင်းရဲ့ စွမ်းရည်ကို သယ်ယူပို့ဆောင်ရေး ဌာနခွဲမှာ ပိုကောင်းအောင် အသုံးချနိုင်မယ်လို့ မင်း ကိုယ်တိုင် တွေးခဲ့တာလေ... ငါ အကြံပြုခဲ့တာ မဟုတ်ဘူး”
“ဘာပဲဖြစ်ဖြစ်ပါ~”
ကျိုးဝူက ပေါ့ပေါ့ပါးပါး ပြုံးပြီး
“ရက်အနည်းငယ်လောက် နားချိန်ရတာ ရှားပါးတယ်။ ဒါကြောင့် ငါ ဒီကို အနားယူဖို့လာခဲ့တာပဲ။ မင်းရဲ့ ကြယ်မီးတောက်ဌာနခွဲမှာရှိတဲ့ ထိပ်တန်းအရာရှိကြီးက စွမ်းရည် စမ်းသပ်မှုအတွက် လာရောက်တဲ့ ရှင်သန်ကျန်ရစ်သူတွေကို စွမ်းအားရှင်တွေဟာ မျိုးဗီဇ-မြှင့်တင်ထားတဲ့ လူတွေထက် သဘာဝအားဖြင့် ဆုံးရှုံးမှုရှိတယ်၊ ဒါကြောင့် စွမ်းရည် ဖွံ့ဖြိုးတိုးတက်မှုကို ပိုပြီး အာရုံစိုက်သင့်တယ်လို့ အမြဲ ဟောပြောနေတာပဲလေ။ ဟုတ်တယ်၊ ငါ အဲဒါကို နားထောင်ခဲ့တယ်၊ ဒါကြောင့် ငါ ခန္ဓာကိုယ်လေ့ကျင့်မှု ကိစ္စတွေမှာ မပါဝင်ဘူး”
ဝမ်ကျိုးက လှောင်ရယ်ပြီး
“ကလေးအကွက်တွေ လမနင်းနဲ့... ကျင်းထျန်နဲ့ မင်းက စွမ်းရည်တွေကို လျှို့ဝှက်လေ့ကျင့်နေတယ်ဆိုတာ ငါ မသိဘူးလို့ မထင်နဲ့... ငါ့ရှေ့မှာ ပျင်းရိချင်ယောင်ဆောင်နေတာ ရပ်လိုက်တော့”
“ဒါနဲ့” သူက အကြောင်းအရာကို ပြောင်းလိုက်သည်။
“ဒီနေ့ စမ်းသပ်မှု အစီအစဉ်မှာ အထူးပုဂ္ဂိုလ်နှစ်ယောက် စာရင်းထဲပါတယ်လို့ ငါကြားတယ်—တစ်ယောက်က လင်းရှန်၊ နောက်တစ်ယောက်က ကီကီ။ မင်းက သူတို့နဲ့ ဆက်သွယ်ပြီး ဖီးနစ်အမိန့်ကို ထုတ်ပြန်ခဲ့သူပဲ၊ ဟုတ်တယ်မလား”
“ဟုတ်ပါတယ်၊ တစ်ယောက်က ယန္တရားစွမ်းအားရှင်၊ နောက်တစ်ယောက်က စိတ်စွမ်းအင်နဲ့ ပတ်သက်သူ။ နှစ်ယောက်စလုံး ဒီနေ့ ဒီမှာရောက်နေတယ်”
ကျိုးဝူက နှာခေါင်းကို ကုတ်လိုက်သည်။
“ဒါပေမဲ့ လင်းရှန်မှာ အရေးပေါ် ကိစ္စတစ်ခု ရှိနေတယ်။ သူ နည်းနည်း နောက်ကျနိုင်တယ်”
ဝမ်ကျိုးက ခေါင်းညိတ်ပြီး စဥ်းစားလိုက်သည်၊၊
“ယန္တရားစွမ်းအားရှင်လား... စိတ်ဝင်စားစရာပဲ။ ဌာနချုပ်တင်မကဘဲ ငါတောင် စိတ်ဝင်စားသွားတယ်”
“မင်း သူ့ကို လှည့်စားဖို့ မကြိုးစားနဲ့... သူက ငါတို့ ညလမ်းလျှောက်သူ အဖွဲ့အစည်းထဲ ဝင်ပြီး ငါတို့ရဲ့ အလုပ်တွေကို လုပ်ချင်တာ မဟုတ်ဘူး၊ ပြီးတော့ အင်ပါယာပရောဂျက်ကလည်း ဒီလူကို စိတ်ဝင်စားနေတယ်လို့ ငါ ကြားတယ်…”
“အင်ပါယာပရောဂျက် ဟုတ်လား။ သူတို့က မီကာတွေကို အာရုံစိုက်တာ မဟုတ်ဘူးလား”
ဝမ်ကျိုးက တစ်ခုခုပြောတော့မည် ပြုလိုက်သော်လည်း သူ့မျက်နှာအမူအရာ အနည်းငယ်တုန်ခါသွားပြီး နောက်ထပ်မှတ်ချက်မပေးတော့ဘဲ နေလိုက်သည်။
တစ်ဖက်တွင် လင်းရှန်နှင့် ရှီတိယွမ်တို့သည် မိုနီကာ၏ ယာဉ်ဖြင့် မြို့မြောက်ဘက်ရှိ အနောက်ပိုင်းယန် ရထားဘူတာရုံဆီသို့ ဦးတည်သွားနေကြသည်။ သူတို့သည် မနေ့ညကပင် ဤနေရာကို ဖြတ်သန်းခဲ့ကြသော်လည်း ရထားလမ်းအားလုံးနှင့် ပြုပြင်ထိန်းသိမ်းရေး လမ်းခွဲများပင် လုံးဝ ပြည့်ကျပ်နေသောကြောင့် သူတို့သည် အနောက်ဘက် ဖန်းလန်သတ္တုတွင်း ကုန်စည်ပလက်ဖောင်းဆီသို့ ဦးတည်သော သတ္တုတွင်းရထားလမ်းသို့ ပြောင်းခဲ့ရသည်။
စီလန်မြို့သည် တောင်များပေါ်တွင် တည်ဆောက်ထားပြီး အနောက်ဘက်ရှိ မဟာဗျူဟာမြောက် ခံတပ်ဟောင်းအနေဖြင့် မြို့သည် လေကြောင်းကာကွယ်ရေး ဗုံးခိုကျင်းများဖြင့် ဝန်းရံထားသည်။ ကြီးမားသော မြို့ရိုးများသည် အများအားဖြင့် အရှေ့ဘက်နှင့် မြောက်ဘက် အပိုင်းများတွင် စုစည်းနေသည်။ မြောက်ဘက် ဝင်ပေါက်သည် လင်းရှန်နှင့် အခြားသူများ မနေ့က ဝင်ရောက်ခဲ့သော၊ ချောက်ကမ်းပါးကဲ့သို့သော မြေမျက်နှာသွင်ပြင်ကို ဖြတ်သန်းခဲ့သော နေရာဖြစ်သည်။ နာမည်ကြီးသော စီလန်မြို့သန့်စင်စက်ရုံသည် မြို့ပြင် ကီလိုမီတာ ၂၀ခန့်အကွာတွင် တည်ရှိပြီး အရှေ့ဘက်သည် ကျယ်ပြန့်သော ပါလ်မားမြက်ခင်းများကို မျက်နှာမူထားသည်။ ပြင်းထန်သော အအေးမုန်တိုင်းများ မရောက်မီက ဤနေရာရှိ လမ်းများသည် ကောင်းမွန်စွာ ဆက်သွယ်ထားပြီး အဝေးပြေးလမ်းများ၊ ပြည်ထောင်စုလမ်းများနှင့် ရထားလမ်းများစွာ ဖြတ်သန်းလိမ်ယှက်နေသည်။