နယ်မြေရှင်းလင်းရေး

ကျင်းကျန်းဟန်၏ စစ်သည်တော်များက ချူးယွင်ဖန်း၏ စကားကိုကြားကြသောအခါတွင် ၎င်းတို့၏ အမူအရာများပြောင်းလဲသွားကြသည်။ ချူးယွင်ဖန်းသည် မာနကြီးရုံမျှသာမက ကျင်းကျန်းဟန်ကိုလည်း ရှုံ့ချသည်။ မဟာဝေ့နိုင်ငံတွင် အယုံကြည်ဆုံးကျွမ်းကျင်သူပင် ကျင်းကျန်းဟန်ကိုတွေ့ပါက ထိတ်လန့်သွားလိမ့်မည်။ သို့သော် ချူးယွင်ဖန်းကမူ လုံးလုံးလျားလျားကွဲပြားသည်။ သူသည် အခြားသော ကျွမ်းကျင်သူများနှင့်မတူပေ။ ကျင်းကျန်းဟန်ကို အနည်းငယ်မျှ ကြောက်ခြင်းမရှိပေ။ ကျင်းကျန်းဟန်နှင့်ပတ်သက်၍ မည်သည့် ခံစားချက်မျှမရှိပေ။

မဟာဝေ့နိုင်ငံ၏ ကျွမ်းကျင်သူများသည် ကျင်းကျန်းဟန်နှင့် ညာဘုရင်ကို ရိုးတွင်းခြင်ဆီထဲမှပင် မုန်းတီးနေသော်လည်း လေးစားဆဲပင်ဖြစ်သည်။ သို့သော် ချူးယွင်ဖန်းသည်မူ ၎င်းတို့၏ ရိုးတွင်းခြင်ဆီထဲမှ လာသော လေးစားမှုမျိုး ညာဘုရင်အပေါ်တွင်မရှိပေ။

၎င်းတို့ ပြောနိုင်သည်မှာ ညာဘုရင်က ချူးယွင်ဖန်းအတွက် နတ်ဆိုးတစ်ကောင်မဟုတ်ကြောင်းသာဖြစ်သည်။ သူသည် ယခု သူ့ထက်ပို၍ အစွမ်းထက်သော လူတစ်ဦးသာဖြစ်ကာ အနှေးနှင့်အမြန်ဆိုသကဲ့သို့ပင် လက်စားခြေရန် စီစဥ်မည်ဖြစ်သည်။ ချူးယွင်ဖန်းက လူသုံးဦးကို ဆက်တိုက်သုတ်သင်ခဲ့ရာ ထိုလူများ၏ အမူအရာများလည်း လေးနက်လာခဲ့သည်။ အားလုံးက စုစည်းကာ စစ်တပ်ဖွဲ့၍ ချူးယွင်ဖန်းကို ဝိုင်းထားကြသည်။ ၎င်းတို့၏ အငွေ့အသက်များအားလုံး ချိတ်ဆက်သွားကြသည်။ မသိလိုက်ခင်၌ပင် ၎င်းတို့၏ ခွန်အားများ တိုးလာခဲ့သည်။ ချူးယွင်ဖန်းသည် တိုက်ခိုက်ရန်အခွင့်အရေးကို ဆုပ်ကိုင်ထားလျှင် အကြာကြီး ထိန်းထားနိုင်မည်မဟုတ်ကြောင်း ၎င်းတို့ နားလည်လာကြသည်။ လူတစ်ဦးကို တစ်ချက်တည်းဖြင့် သတ်နိုင်သော ကျွမ်းကျင်မှုသည် အလွန် ထိတ်လန့်ဖွယ်ကောင်းလွန်းသည်။

“ချူးယွင်ဖန်း မာန်တွေသိပ်တက်မနေပါနဲ့ကွာ မင်းဒီနေ့ လွတ်မယ်လို့ ထင်နေလား” အသီလာသည် ချူးယွင်ဖန်းကို အေးစက်စွာကြည့်လိုက်သည်။

နှောင်းပိုင်း အမတေမဲ့အဆင့်

သူက လူတိုင်းကို ဖိနှိပ်ထားရာ အဝေးကရှိနေသော မဟာဝေ့နိုင်ငံ၏ ပညာရှင်များပင် ကြောက်ရွံ့တုန်လှုပ်ကုန်ကြသည်။ အသီလာ၏ ခွန်အားက အင်ပါယာ၏ ကျွမ်းကျင်သူငါးဦးထဲမှ တစ်ဦးဖြစ်သော မီစစ်ယွမ်ကို သိသိသာသာ ကျော်လွန်သွားခဲ့သည်။ သူသည် ကျင်းကျန်းဟန်တစ်ခုလုံးတွင်

ထိပ်တန်းကျွမ်းကျင်သူ တစ်ဦးဖြစ်လာသည်။ ယခု သူသည် ခွန်အားကို လုံးလုံးလျားလျားထုတ်လွှတ်လိုက်သောကြောင့် အမှန်တကယ်ပင် ကြောက်မက်ဖွယ်ကောင်းလွန်းလှသည်။

အခြားသူများသည်လည်း မဆိုးလှပေ။ ၎င်းတို့အနက်မှ အဆင့်အနိမ့်ဆုံးမှာ အမတေမဲ့အဆင့်သို့ ဝင်ရောက်ခဲ့သည်မှာ အချိန်အတန်ကြာခဲ့ပြီဖြစ်သော ဖြစ်တည်မှုများဖြစ်သည်။ ၎င်းတို့အနက် အလယ်အလတ်အဆင့် အမတေမဲ့အဆင့်၌ ရှိနေပြီဖြစ်သော အချို့သူများလည်းရှိသည်။ ထိုသို့သော အဖွဲ့သည် ဧကရာဇ်မြို့တော်သို့ ခိုးဝင်ကာ မဟာဝေ့နိုင်ငံ၏ ဧကရာဇ်ကို သုတ်သင်ရန် လုံလောက်သည်။ သို့သော် ချူးယွင်ဖန်းကို တိုက်ခိုက်ရန် ထိုသို့ အဖွဲ့ကို ဖွဲ့ခဲ့ခြင်းကိုကြည့်လျှင် လူတိုင်း မည်မျှ ထိတ်လန့်နေကြောင်း တွေးကြည့်နိုင်သည်။

“တိုက်ကြ” အသီလာက ကြုံးဝါးလိုက်သည်။ တစ်ခဏအတွင်း၌ပင် သူ စတင်လှုပ်ရှားခဲ့ရာ ချူးယွင်ဖန်းဆီသို့ တောင်ကြီးတစ်လုံးနှယ်ပျံသန်းလာသည်။ သူ့လက်ထဲတွင် ဓားရှည်တစ်ချောင်းလည်းပေါ်လာသည်။ ၎င်းသည် လွန်ခဲ့သော နှစ်များကတည်းကရှိခဲ့သည့် ဓားရှည်တစ်စင်းပေါ်လာသည်။ ဤဓားသည် လွန်ခဲ့သော နှစ်များစွာကတည်းက ရှိခဲ့သည့် ဓားရှည်တစ်ခုနှင့်တူကာ သံချေးတက်နေသော်လည်း ရှေးအငွေ့အသက်များ ကိန်းအောင်းနေသည်။ သို့သော် တုနှိုင်းမရနိုင်သည့် ကြောက်မက်ဖွယ် အငွေ့အသက်တစ်ခုလည်းဖြစ်သည်။ ဓားက စတင်လှုပ်ရှားသည်နှင့်တစ်ပြိုင်နက် လွှမ်းခြုံနိုင်စွမ်းပြင်းသော အငွေ့အသက်က ကမ္ဘာတစ်ခူလုံးကို ဝါးမြိုသွားခဲ့သည်။

ရုတ်တရက် ကမ္ဘာတစ်ခုလုံးက အဆုံးမဲ့မိုးကြိုးများအဖြစ်သို့ပြောင်းလဲသွားကာ ချူးယွင်ဖန်းကို ကမ္ဘာပေါ်တွင်ရပ်နေသော မိုးကြိုးနတ်ဘုရားတစ်ပါးအဖြစ်ထင်ရစေသည်။

လူများစွာ တုန်လှုပ်သွားကြသည်။ ချူးယွင်ဖန်း၏ နတ်စွမ်းအားသည် မည်မျှ စွမ်းအားကြီးသနည်း။ အကယ်၍ ၎င်းတို့သာဆိုလျှင်၊ လျှပ်စီးနဂါးတစ်ကောင်ကို လွှတ်ပေးရန် ၎င်းတို့၏ ခွန်အားရှိသမျှကို အသုံးပြုရမည်ဖြစ်သည်။ ချူးယွင်ဖန်း၏ စကားကို အသီလာက မတုံ့ပြန်နိုင်မီတွင် ချူးယွင်ဖန်း နေရာမှ ပျောက်သွားသည်ကို တွေ့လိုက်ရသည်။ သူ၏ ဓားမှ လူသတ်ရောင်ဝါသည် ချူးယွင်ဖန်းကို မထိခိုက်စေနိုင်ပေ။

ချူးယွင်ဖန်းသည် လျှပ်စီးတစ်စင်းကဲ့သို့ အလွန်လျင်မြန်လွန်းလှသည်။ ဇာတိမြေအဖြစ် လုံးဝပြောင်းလဲသွားသော ဤနေရာ၌၊ သူ၏အရှိန်သည် အမှန်တကယ်ပင် ကြောက်မက်ဖွယ်ကောင်းသော အဆင့်သို့ရောက်ရှိသွားခဲ့သည်။ ချူးယွင်ဖန်းသည် ရွှေအမတေအဆင့်ရှိသူတစ်ဦးရှေ့၌ပေါ်လာကာ သူ့နားတွင်ပေါ်လာသည့် လျှပ်စီးနဂါးသည် ထိုရွှေအမတေဆီသို့ ပျံသန်းသွားသည်။

ဘမ်း

ဤအမတေက ချူးယွင်ဖန်း၏ တိုက်ခိုက်မှုနှင့် ထိမှန်ပြီးနောက် ချက်ချင်းပင် မီးလောင်ကျွမ်းသွားခဲ့သည်။ သူဂုဏ်ယူခဲ့သည့် ကြောက်မက်ဖွယ် အင်အားသည် ချူးယွင်ဖန်းရှေ့တွင် အလွန် အင်အားနည်းလွန်းလှသည်။ အခြားကျွမ်းကျင်သူများသည်လည်း ထိုကြောက်မက်ဖွယ်စွမ်းအားများကို ခံစားမိကြသည်။ ၎င်းတို့၏ ချီစွမ်းအင်များက ဆက်စပ်နေသဖြင့် ယခု ချူးယွင်ဖန်း၏ သတ်ဖြတ်ခြင်းခံရသူကို ကြည့်သာ ကြည့်နေနိုင်သည်။

“ရပ်စမ်း ချူးယွင်ဖန်း မင်း ငါ့ကို တရားမျှမျှတတ တိုက်ရဲလား” အသီလာက ရူးသွပ်စွာပြောသည်။

ချူးယွင်ဖန်းက နောက်တစ်ယောက်ကို သတ်လိုက်ပြန်သည်။ အထူးသဖြင့် ယခု သူ၏ ခွန်အားကို မဖုံးကွယ်ထားတော့သဖြင့် ၎င်းသည် သူ့အတွက် ကြီးမားသော အရှက်ခွဲမှုဖြစ်သည်။

"ဒီအမှိုက်တွေကို ငါဂရုစိုက်ပြီးရင် မင်းကိုသတ်ပစ်မယ်" ချူးယွင်ဖန်းက လှောင်ရယ်ပြီးနောက် ထပ်မံပျောက်ကွယ်သွားကာ အခြားသော ကျင်းကျန်းဟန်၏ ရွှေအမတေအဆင့် ကျွမ်းကျင်သူများကို တိုက်ခိုက်နေပြီဖြစ်သည်။

ထို ‌ရွှေအမတေများသည် ချူးယွင်ဖန်းက ခုန်အုပ်တော့မည်ကို မြင်သောအခါ တုန်လှုပ်ခြောက်ခြားသွားကြသည်။ ချူးယွင်ဖန်းက ၎င်းတို့အားလုံးကို ဦးစွာ သတ်ပစ်ခဲ့သည်။ ၎င်းတို့သည်

စစ်မြေပြင်တွင် နှစ်ပေါင်းများစွာ နေလာခဲ့ကြသည် ။ ဤမျှကြီးမားသော ဆုံးရှုံးမှုကြီးကို ဘယ်သောအခါကမျှ မကြုံဖူးကြပေ။

“အင်အားတွေပေါင်းပြီး သတ်ပစ်ကြ” ကျင်းကျန်းဟန်၏ စစ်သည်တော်က ချူးယွင်ဖန်းကို မုန်းတီးကာ အော်ဟစ်လိုက်သည်။

ကျင်းကျန်းဟန်၏ စစ်သည်တော်များသည် စိတ်ချင်းချိတ်ဆက်နေသဖြင့် စကားပြောဆက်သွယ်ရန် မလိုခဲ့ပေ။ စစ်မြေပြင်၌ ၎င်းတို့၏ ပင်ကိုယ်သိစိတ်က ၎င်းတို့ကို လုံလောက်သော နားလည်မှုအား တိတ်တဆိတ်ပေးခဲ့သည်။ ၎င်းတို့၏ ခန္ဓာကိုယ်ပေါ်ရှိ တိုက်ပွဲစွမ်းအင်များ ပေါက်ကွဲထွက်ကာ မှုန်ဝါးသောအရိပ်တစ်ခုအဖြစ် ပြောင်းလဲသွားသည်။ ဤအရိပ်က အလွန်ပြင်းထန်လွန်းကာ ချူးယွင်ဖန်းဆီသို့ ဦးတည်သွားသည်။ သူ့လက်ထဲမှ ပုဆိန်ကြီးသည်လည်း ချူးယွင်ဖန်းကို ခုတ်လှဲလိုက်သည်။

ဤသည်က လူတိုင်း၏ အင်အားကို ပေါင်းစပ်ထားသော တိုက်ခိုက်မှုတစ်ခုဖြစ်သည်။ ၎င်းတို့ထဲမှ တစ်ဦးချင်းစီထက် ကြောက်မက်ဖွယ်ကောင်းသည်။ ၎င်းသည် အလယ်အလတ် အမတေမဲ့အဆင့်ကိုပင်ကျော်လွန်ကာ နှောင်းပိုင်း အမတေမဲ့အဆင့်သို့ ရောက်ရှိခဲ့ကြသည်။

"အချိန်မီပဲ!" ချူးယွင်ဖန်းက ကျယ်လောင်စွာ ရယ်မောလိုက်သည်။

ဤအခိုက်အတန့်တွင် သူ့သွေးများ ပွက်ပွက်ဆူလာသည်ကို ခံစားလိုက်ရပြီး ထိန်းမနိုင်သိမ်းမရ ဖြစ်နေသည်။ သူ့လက်ထဲတွင် လျှပ်စီးကဲ့သို့ စွမ်းအင်လုံးကြီးက နှစ်မီတာရှည်သောဓားသွားကြီးအဖြစ်သို့ ပြောင်းလဲသွားသည်။ သူသည် ဓားကို ဝှေ့ယမ်းရင်းနှင့် ၎င်းကို ဖြတ်တောက်ကာ ကမ္ဘာကို နှစ်ခြမ်းခွဲလိုက်သည်။

ဘမ်း

ဓားရှည်နှင့် တိုက်ပွဲပုဆိန်သည် အချင်းချင်း တိုက်မိသော်လည်း လူများစွာ စိတ်ကူးထားသည့်အတိုင်း မြေကြီးကွဲအက်သွားခြင်း မရှိပေ။ ဆန့်ကျင်ဘက်အနေဖြင့် ချူးယွင်ဖန်း၏ဓားရှည်သည် တိုက်ပွဲပုဆိန်ကို ထက်ဝက် ချက်ချင်းဖြတ်ပစ်လိုက်သည်။

အလွန်ကြီးမားသော မီးတောက်တစ်ခုအဖြစ် ပေါင်းစပ်သွားသော အရိပ်သည် ချူးယွင်ဖန်း၏ လက်ထဲတွင် နှစ်ပိုင်းကွဲသွားသည်။

ဘမ်း

ထို့နောက်၊ ချူးယွင်ဖန်း၏ ကြောက်မက်ဖွယ်ကောင်းသော ဓါးအလင်းသည် ရွှေအမတေများစွာဖြင့် ဖွဲ့စည်းထားသော တိုက်ပွဲပုံစံကို အပြင်းအထန် ဖြတ်တောက်ပစ်လိုက်သည်။