ငရဲ၏ သားတော်

မိုးကြိုးများသည် အရပ်ရပ်သို့ ပျံ့နှံ့သွားသော ကြောက်မက်ဖွယ်ကောင်းသော အသံလှိုင်းတစ်ခုအဖြစ်သို့ ပြောင်းလဲသွားသည်။ ချူးယွင်ဖန်း၏ လက်ထဲတွင် သွေးဘုရင်၏တပ်သည် မိုးကြိုးတစ်ချက်ကိုမျှ မခံမရပ်နိုင်ဖြစ်နေသည်ကို လူအုပ်ကြီးက မြင်လိုက်ရသည်။ စစ်တပ်သည် ဝေဟင်တွင် ပေါက်ကွဲခဲ့ပြီး လက်နက်များသည် သွေးဘုရင်ဆီသို့ ပျံ့လွင့်သွားခဲ့သည်။

ဤအခိုက်အတန့်တွင် သွေးဘုရင်၏ ခန္ဓာကိုယ်အနှံ့ လှပသော ချပ်ဝတ်တန်ဆာတစ်ခု ပေါ်လာသည်။ ဤမိုးကြိုးလက်နက်များက သူ့ခန္ဓာကိုယ်ပေါ်သို့ တစ်လုံးပြီးတစ်လုံး ကျရောက်လာသည်။

ဘမ်း

ဘမ်း

ဘမ်း

ပြင်းထန်သော ပေါက်ကွဲသံများစွာထွက်ပေါ်လာသည်။

"တိုက်ပွဲက ပြီးတော့မှာလား"

လူများစွာက ထိတ်လန့်တကြားဖြစ်ကုန်သည်။ ဆက်တိုက်တိုက်ပွဲများက အလွန်ကြောက်မက်ဖွယ်ကောင်းလွန်းလှသည်။

သွေးဘုရင်ဖြစ်စေ ချူးယွင်ဖန်းဖြစ်စေ ၎င်းတို့ရှေ့တွင် ကိန်းဂဏန်းများက အဓိပ္ပါယ်မရှိကြောင်း ထင်ရှားသည်။ တစ်ထောင်ဖြစ်စေ တစ်သောင်းဖြစ်စေ ၎င်းတို့ အလွယ်တကူ သတ်ပစ်နိုင်သည်။

ဤအဆင့်မှ ကျွမ်းကျင်သူများသည် ဝိညာဉ်နယ်ပယ်ရှိ နျူကလီးယားလက်နက်များကဲ့သို့ပင်ဖြစ်သည်။ ၎င်းတို့ကို ကိုင်တွယ်ဖြေရှင်းရန် နည်းလမ်းတစ်ခုတည်းသာ ရှိသည်ကို သံသယရှိနေရန်မလိုပေ။ ၎င်းမှာ တူညီသောအဆင့်ရှိ ကျွမ်းကျင်သူများ ရှိရန်ဖြစ်သည်။ မဟုတ်ပါက ခုခံရန် နည်းလမ်းမရှိတော့ပေ။

ဤအခိုက်အတန့်တွင် ပို၍ကြောက်စရာကောင်းသော သွေးစွမ်းအင်တစ်ခုက မိုးကြိုး ဖြိုခွဲလိုက်ပြီးနောက်

သွေးဘုရင်ရဲ့ တင်းမာသည့်အသံက ထွက်ပေါ်လာသည်။

"ချူးယွင်ဖန်း မင်းက တကယ်ကို အံ့သြစရာပဲ၊ ဒါပေမယ့် မင်းငါ့ကို မလွန်ဆန်နိုင်သေးဘူး၊ အခု ငါ့ကို ဘာလို့ သွေးဘုရင်လို့ခေါ်တာလဲဆိုတာ ငါပြောပြမယ်”

ဤကျယ်လောင်သောကြုံးဝါးသံနောက်တွင် သွေးရောင်ရုပ်ပုံသဏ္ဍာန်သည် စွမ်းအင်လှိုင်းများကြားမှ ပြေးထွက်လာသည်။ ဧကရာဇ်ဝတ်လုံကို ၀တ်ဆင်ထားသည့် ဤအရာကို လူတိုင်းမြင်ကြသည်။ ထို၌ ဘုန်းအာနုဘော်ရှိ၏။

"သိုင်းရည်ရွယ်ချက်! အဲ့တာ သိုင်းရည်ရွယ်ချက်!"

တစ်စုံတစ်ယောက်က ၎င်းက မည်သည့်အရာဖြစ်ကြောင်း သိထားပြီးသားဖြစ်သည်။ ထို့နောက် ချူးယွင်ဖန်းဆီဦးတည်နေစော သွေးစွန်းနေသော လက်သီးကို တွေ့လိုက်ရသည်။

"ငရဲကိုသွား"

ဤလက်ချက်သည် ဧကရာဇ်မင်းမြတ်၏ ဘုန်းအာနုဘော်ကို သယ်ဆောင်လာခဲ့သည်။ တခဏချင်းမှာပဲ ကောင်းကင်ယံကို ဆုတ်သွားကာ ချူးယွင်ဖန်းဆီသို့ ပြင်းထန်စွာ ဦးတည်သွားသည်။

ဒီလက်ချက်က အရာအားလုံးကို ဖြိုခွဲပစ်လိုက်သည်။ ကောင်းကင်မှ တိမ်တိုက်များက သူ့ဆီသို့ ဖောက်ထွင်းဝင်ရောက်လာခဲ့သည်။ လက်သီးတစ်ချက်က ချူးယွင်ဖန်း၏ ခန္ဓာကိုယ်ထက် ပို၍ စွမ်းအားကြီးသည်။

"ဒါ ပေါ်လာပြီ။ အဲ့တာ တကယ် သွေးဘုရင်ပဲ။ ငရဲသားတွေရဲ့ ကျော်ကြားတဲ့ နည်းစနစ်တစ်ခုပဲ!"

သွေးဘုရင်သည် မဟာဝေ့နိုင်ငံတွင် နှစ်ပေါင်းများစွာ လည်ပတ်နေခဲ့သည်။ သူ၏ ကျော်ကြားသော အရည်အချင်းသည် လျှို့ဝှက်ချက်မဟုတ်ပေ။ ငရဲ၏သားတော်ဟူသည် အသန်မာဆုံးသော လက်သီးနည်းပညာဖြစ်သည်။ လက်သီး၏ ရည်ရွယ်ချက်သည် ဒဏ္ဍာရီငရဲဘုရင်အဖြစ်သို့ ပြောင်းလဲသွားနိုင်သည်။ ၎င်းသည် အမြင့်ဆုံးသော အဆုံးစွန်သော နည်းစနစ်တစ်ခုဖြစ်သည်။

မဟာဝေ့နိုင်ငံတွင်၊ တစ်ချိန်က ထူးခြားသောစွမ်းရည်အဆင့်သတ်မှတ်ချက်တစ်ခုရှိခဲ့ပြီး ငရဲ၏သားတော် သိုင်းပညာသည်လည်း ထိပ်တန်းငါးခုတွင် အဆင့်သတ်မှတ်ခံရသော အစွမ်းထက်ဆုံးနည်းပညာတစ်ခုဖြစ်သည်။

မရေမတွက်နိုင်သောလူများက ၎င်းကို သင်ယူလိုကြသော်လည်း ကံမကောင်းစွာဖြင့် သွေးဘုရင်သည် တပည့်များကို ကြီးမားသောအတိုင်းအတာဖြင့် လက်မခံခဲ့ပေ။ လူများစွာသည် နည်းပညာကို ကြားဖူးရုံမျှဖြင့် ငရဲသားတော်၍ အစွမ်းသတ္တိကို မမြင်ဖူးကြပေ။

ယခု မြင်လိုက်ရသည်မှာ ကောလာဟလများကဲ့သို့ပင် ကြောက်စရာကောင်းလှသည်။ မဟုတ် ကောလဟာလများထက် များစွာ ပို၍ ကြောက်မက်ဖွယ် ကောင်းသည်ဟု ပြောရပေမည်ဖြစ်သည်။

ချွင်!

လက်သီးက ချူးယွင်ဖန်း၏ ခန္ဓာကိုယ်ပေါ်သို့ ကျရောက်လာပြီးနောက် သွေးဘုရင်၏ မျက်နှာပေါ်တွင် ရက်စက်သော အပြုံးတစ်ခု ပေါ်လာသည်။ ယခုတစ်ကြိမ်တွင် ချူးယွင်ဖန်းမသေဆုံးလျှင်ပင် ပြင်းထန်စွာ ဒဏ်ရာရသွားမည်ဖြစ်သည်။

သို့သော် လူတိုင်းအံ့အားသင့်သွားသည်မှာ ချူးယွင်ဖန်း၏ခန္ဓာကိုယ်ပေါ်သို့ လက်သီးက ရောက်သွားသော်လည်း ချူးယွင်ဖန်းက လွင့်ထွက်သွားခြင်းမရှိပေ။ သတ္တုတိုက်သံကဲ့သို့ အသံတစ်ခုဖြင့်သာ ပေါက်ကွဲထွက်လာသည်။

"ဒါက ဘယ်လိုဖြစ်နိုင်မှာလဲ”

လူတိုင်းသည် ပင့်သက်ရှိုက်လိုက်ကြသည်။ ချူးယွင်ဖန်းသည် ကျောက်တုံးကဲ့သို့ ရပ်နေလျက် သူ့ခန္ဓာကိုယ်ထက် ပိုကြီးသော ထိုးနှက်ချက်ကို ယူဆောင်နေသည်ကို တွေ့လိုက်ရသည်။

"မဖြစ်နိုင်ဘူး သေစမ်း!" သွေးဘုရင်က ကြုံးဝါးလိုက်သည်။

ကြီးမားသော သွေးနီရောင်စွမ်းအင်များက ရုတ်တရက် ပိုမိုများပြားလာသည်။ သူ၏ နတ်စွမ်းအင်သည် လောင်ကျွမ်းနေ၍ ချက်ချင်းပင် ကြောက်မက်ဖွယ်ကောင်းသော တိုက်ခိုက်မှုအဖြစ်သို့ ပြောင်းလဲသွားသည်။

ဘမ်း!

ချူးယွင်ဖန်း၏ ခန္ဓာကိုယ်တစ်ဝိုက်တွင် ပို၍ကြောက်စရာကောင်းသော ပေါက်ကွဲသံတစ်ခု ထွက်ပေါ်လာသော်လည်း ၎င်းသည် သူ့ကို မတုန်လှုပ်စေနိုင်သေးပေ။

"မဟုတ်ဘူး၊ တိုက်ခိုက်မှုက ချူးယွင်ဖန်းကိုတောင် မထိခဲ့ဘူး"

ချူးယွင်ဖန်းကို ထိမိသည်ဟု လူတိုင်းက ထင်ထားသည့် လက်သီးသည် တကယ်တော့ သူ့အား လုံးဝမထိကြောင်း လူတိုင်း မြင်လိုက်ရသည်။ ထိုလက်သီးသည် ချူးယွင်ဖန်း၏ခန္ဓာကိုယ်ရှေ့တွင် တစ်လက်မခန့်ရှိသော်လည်း ချူးယွင်ဖန်းပတ်လည်ရှိ ကျောက်စိမ်းကဲ့သို့ စွမ်းအင်အလွှာတစ်ခုက ကာစီးထားသည်။

"ဒါဟာ စွမ်းအင်ကာကွယ်ရေးတစ်ခုပဲ။ ချူးယွင်ဖန်းက ဘယ်လိုမျိုး ကျင့်ကြံနည်းစနစ်ကို ကျင့်ကြံတာလဲ။ အဲဒါက စွမ်းအင်ကာကွယ်ရေးတစ်ခုပဲ၊ ဒါပေမယ့် သွေးဘုရင်ရဲ့ တိုက်ခိုက်မှုကို တားဆီးနိုင်တယ်"

ထိတ်လန့်စရာကောင်းသောအချက်ကို ၎င်းတို့ ရှာတွေ့ခဲ့သည်။ မဟာဝေ့နိုင်ငံတွင်မူ ယွင်ဟွမ်သည် သွေးဘုရင်၏ တိုက်ခိုက်ခြင်းကို ခံနိုင်ရည်ရှိမည်ဟု မပြောဝံ့ပေ။ ဤလက်သီး၏ ကြောက်စရာကောင်းသော စွမ်းအားက တောင်များပြိုကျ၍ မြေကြီးကို အက်ကွဲစေနိုင်သည့် အတိုင်းအတာအထိ ပေါက်ကွဲခဲ့သည်။ နေနှင့်လသည် ၎င်းတို့၏ အလင်းရောင်များကို ဆုံးရှုံးသွားသည်။

ရန်သူမည်မျှကို သွေးဘုရင်က သတ်ဖြတ်ခဲ့သည်ကို မည်သူသိသနည်း။ ယခုမူ ချူးယွင်ဖန်းပေါ်၌ ၎င်းက အသုံးမဝင်တော့ပေ။

“သွေးဘုရင် ဒါက ခင်ဗျားရဲ့ နာမည်ကြီးတဲ့ နည်းပညာပဲလား။ အားနည်းလွန်းတယ်" ချူးယွင်ဖန်းက အော်လိုက်သည်။

ဤသိုင်းပညာအစုံသည် အလွန်အထင်ကြီးစဖွယ်ကောင်းသည်။ ယေဘူယျအားဖြင့်ပြောရလျှင်၊ သိုင်းပညာတွင် ထင်ရှားသောအရာသည် ပို၍အားကောင်းလေလေ၊ ဤထူးခြားသောစွမ်းရည်အစုံသည် ပို၍အထင်ကြီးဖွယ်ဖြစ်လာလေလေဖြစ်သည်။

ဤငရဲ၏ သားတော်များက စွမ်းအားကြီးသည်ဟု မဆိုနိုင်ပေ။ တူညီသောအဆင့်ရှိ အတိုက်အခံများကို ချေမှုန်းပစ်မည်မှာ သေချာသည်။

ဥပမာအားဖြင့်၊ အသီလာသည် ဤလက်ချက်ဖြင့် ရင်ဆိုင်ရပါက၊ သူချက်ချင်း ရှုံးနိမ့်သွားနိုင်သည်။ သို့သော် ချူးယွင်ဖန်းနှင့်တွေ့သောအခါတွင် သူ့အဆိုးကိုတွေ့လိုက်ရသကဲ့သို့ပင်ဖြစ်၏။ ငရဲသားတော်၏

အကြီးမြတ်ဆုံးသော စွမ်းအားသည် အမှန်တကယ်တွင် လက်သီးစွမ်းအားမဟုတ်ဘဲ လက်သီးစွမ်းအားအတွင်းတွင် ဝှက်ထားသော သိုင်းကွက်ဖြစ်သည်။ ၎င်းသည် လူ့ဦးနှောက်ကို လွှမ်းမိုးနိုင်ပြီး စိတ်ကူးယဉ်မှုများနှင့် သေဆုံးသည်အထိ ဖြစ်စေနိုင်သည်။

ကံမကောင်းစွာဖြင့် သွေးဘုရင်သည် ချူးယွင်ဖန်းနှင့်တွေ့ဆုံခဲ့သည်။

ဤသိုင်းရည်ရွယ်ချက်သည် ချူးယွင်ဖန်း၏စိတ်ကို လွှမ်းမိုးလာသောအခါ ချူးယွင်ဖန်း၏စိတ်ထဲမှ နတ်ဘုရားက စုပ်ယူသွားခဲ့သည်။ သူ့ကို အနည်းငယ်လေးမျှ မထိခိုက်စေနိုင်ပေ။ ထို့အပြင် သူ၏ စိတ်အားထက်သန်မှုသည် ခိုင်မာသည်၊ ထို့ကြောင့် ဤလက်သီးချက်ကြောင့် သူမည်သို့ အလွယ်တကူ ထိခိုက်နိုင်မည်နည်း။

"မဖြစ်နိုင်ဘူး၊ မင်း ဘယ်လိုမှ မထိခိုက်ဘူးလား" သွေးဘုရင်၏ အမူအရာသည် ဖျော့တော့သွားသည်။

သို့သော် သူ့အမူအရာသည် ချက်ချင်းပင် မည်းမှောင်သွားပြန်သည်။ သူ့တစ်ကိုယ်လုံးရှိ သွေးစွမ်းအင်များ လောင်ကျွမ်းသွားပြီးနောက် ပို၍ပင် ကြောက်စရာကောင်းသော တိုက်ခိုက်မှုတစ်ခု ဖြစ်ပေါ်လာသည်။

ဘမ်း!

ရွှေအမတေအဆင့် နတ်စွမ်းအားက ပျံ့နှံ့သွားပြီးနောက် လွင်ယွင်မြို့ကိုဖြတ်ကျော်ကာ ကြောက်မက်ဖွယ်ကောင်းသော စွမ်းအင်လှိူင်းအဖြစ် ပြောင်းလဲသွားသည်။ ကမ္ဘာကြီးကို လွှမ်းမိုးနိုင်သော စွမ်းအားဖြင့် မြေပြင်သည် အနည်းငယ် တုန်ခါသွားသည်။

ဝှစ်!

သွေးဘုရင်သည် မြေပြင်ပေါ်သို့ နင်းလိုက်ပြီးနောက် နီရဲနေသော စွမ်းအင်များအဖြစ်သို့ ပြောင်းလဲသွားကာ ချူးယွင်ဖန်းရှေ့၌ နန်းတော်ကြီးတစ်ခု ပေါ်လာသည်။