သွေးဘုရင်ကို သုတ်သင်ခြင်း

သေခြင်း၏ အစွန်းသို့ တွန်းပို့ခံရပြီးနောက် သွေးဘုရင်သည်သည် ပေါက်ကွဲရုံသာ တတ်နိုင်တော့သည်။

သူ၏ စစ်မှန်သော ခွန်အားကို အသုံးချရမည်ဖြစ်သည်။

သွေးဘုရင်သည် ၎င်း၏ ခွန်အားအားလုံးကို ထုတ်လွှတ်ရန် တွန်းအားပေးခဲ့သည်။ သူ့တစ်ကိုယ်လုံး ရုတ်တရတ်ကြီးမားလာသည်။

မူလက အလယ်အလတ်ခန္ဓာကိုယ်ရှိသော သွေးဘုရင်သည် ဤအခိုက်အတန့်တွင် အနည်းငယ် ဖိနှိပ်ထားပုံရသည်။ သူ့ခန္ဓာကိုယ်ထဲမှ စွမ်းအင်များအားလုံး ပွက်ပွက်ဆူလာကာ သာမန်ရိုးရိုး နှောင်းပိုင်း အမတေမဲ့အဆင့်၏ အထွတ်အထိပ်ကိုပင် ကျော်လွန်သွားပြီဖြစ်သည်။

"ဒါက အထွတ်အထိပ် အမတေမဲ့အဆင့်ကို ဖြတ်ကျော်ခဲ့တဲ့ နတ်စွမ်းအင်ပဲ။ ဒါပေမယ့် အခု မင်းအဲ့တာကို တွန်းထုတ်ခဲ့တယ်။ အခု မင်းရဲ့ အပြစ်တွေအတွက် အပြစ်ဖြေဖို့ မင်းသေရတော့မယ်"

ချူးယွင်ဖန်းက သူ့အား ဝှက်ဖဲကို ထုတ်ပြရန် အတင်းအကြပ် ခိုင်းစေသဖြင့် သွေးဘုရင်က စကားလုံးတစ်လုံးစီကို ထုတ်ပြောခဲ့သည်။ သူသည် သူ၏ နတ်စွမ်းအင်ကိုစုစည်းရန် လျှို့ဝှက်နည်းပညာကို အသုံးပြုနေသည်။ လူတိုင်း၏ ခန္ဓာကိုယ်သည် ရေကန်တစ်ခုကဲ့သို့ဖြစ်သည်။ စွမ်းရည်မတိုးခင်ဘ ကန့်သတ်ချက်ရှိသည်။ နတ်အစွမ်းက ပြည့်စုံသောအခါ၊ ၎င်းက ထပ်တိုးတော့မည်မဟုတ်ပေ။ တိုးလာလျှင်ပင် ဆုံးရှုံးရလိမ့်မည်ဖြစ်၏။

အချိန်တိုအတွင်း ကျင့်ကြံမှု အလွန်များလာပါက ရုပ်ခန္ဓာ ပြိုလဲသွားနိုင်သည်။ ဤသည်က အားလုံးတူတူပင်ဖြစ်သည်။ ၎င်းတွင် သွေးဘုရင်ပါ၀င်သော်လည်း သူ၏ ကန့်သတ်ချက်များသည် သာမန်လူများ၏ စိတ်ကူးထက် ကျော်လွန်နေသည်။ သာမန်လူများ၏ ကန့်သတ်ချက်များသည် သူ့အတွက် အဓိပ္ပါယ်မရှိပေ။ ထို့ကြောင့် ဤအရာသည် လျှို့ဝှက်နည်းပညာကို အသုံးပြု၍ သိမ်းဆည်းထားခဲ့သော စွမ်းအင်များဖြစ်သည်။

သူသည် ၎င်းတို့ကို နှစ်ပေါင်းများစွာ သိမ်းဆည်းထားခဲ့သဖြင့် တစ်ကြိမ်တည်းဖြင့် အထွတ်အထိပ်သို့ အောင်မြင်စွာ ဖြတ်ကျော်နိုင်မည်ဖြစ်သည်။

သွေးဘုရင်သည် ဤမျှကြီးမားသောအခွင့်အရေးကို သူမည်ကဲ့သို့ဆုံးရှုံးခဲ့ရသည်ကို တွေးတောမိသောအခါတွင် ဒေါသအမျက်ဒေါသ ထွက်နေ၏။ ဤသို့သော အခွင့်အရေးမျိုးသည် လွယ်လွယ်နှင့်ရနိုင်သော အရာ မဟုတ်ပေ။ သူ ထပ်မံ၍ အဆင့်ဖြတ်ကျော်ချင်ပါက အနည်းဆုံး နှစ်အနည်းငယ် ဒါမှမဟုတ် ဆယ်နှစ်ပင် စောင့်ရပေလိမ့်မည်။ ဤအရာများအားလုံးက ချူးယွင်ဖန်းကြောင့်ဖြစ်သည်။

သူ့မျက်လုံးများသည် ကြောက်မက်ဖွယ်ကောင်းသော သတ်ဖြတ်လိုစိတ်များဖြင့် ပြည့်နှက်နေသည်။ သို့သော်လည်း သူ ဤမျှထိ ရန်လိုမှု မရှိပါက အခြေအနေက ဤအထိ တိုးတက်လာမည်မဟုတ်ဟု သူ ဘယ်သောအခါကမျှ မတွေးခဲ့မိပေ။

ဘမ်း

သွေးဘုရင်က စတင်လှုပ်ရှားသည်။ အနည်းငယ် လှုပ်ရှားရုံမျှဖြင့် သွေရောင် နီရဲနေသော စွမ်းအင်များသည် ကောင်းကင်ကို ချက်ချင်းပြည့်စေကာ ကမ္ဘာကြီးကို ပြည့်စေကာ ငရဲသားတော်အဖြစ်သို့ ပြောင်းလဲသွားသည်။ သို့ရာတွင်၊ ယခင်ငရဲသားတော်နှင့် နှိုင်းယှဉ်ပါက၊ ဤသူသည် ပိုမိုအားကောင်းသည်မှာ ထင်ရှားသည်။

သူ၏ ရောင်ဝါသည် အနည်းငယ်မျှသာ တိုးလာသော်လည်း၊ ၎င်းတို့ အဆင့်ကို ကျွမ်းကျင် သူတစ်ယောက်အတွက် အနည်းငယ်သော တိုးတက်မှုကပင် ကွာခြားလှသည်။ ကုလားအုတ်၏ နောက်ကျောကို ကျိုးကြေသွားစေသည့် နောက်ဆုံးကောက်ရိုးပင်ဖြစ်လိမ့်မည်။

ဤသည်မှာ သွေးဘုရင်၏ စစ်မှန်သော ဝှက်ဖဲ ဖြစ်သည်။

ချူးယွင်ဖန်း၏ မျက်နှာသည် နောက်ဆုံးတွင် အနည်းငယ် လေးနက်သော အမူအရာ ပေါ်လာသည်။ အထူးသဖြင့် သွေးဘုရင်၏ ခွန်အားသည် အမှန်တကယ်ပင် တိုးမြင့်လာခဲ့သည်။ သာမန်နှောင်းပိုင်း အမတေအဆင့်သည် သူ၏လှုပ်ရှားမှုအချို့ကို မခံနိုင်ပေ။

ဥပမာအားဖြင့်၊ အသီလာသည် ဤကဲ့သို့ သွေးဆာနေ၍ ရူးသွပ်သောအခြေအနေတွင် သွေးဘုရင်နှင့်တွေ့ပါက၊ သူသည် လှုပ်ရှားမှု ၂၀ ကိုပင် ခံနိုင်ရည်ရှိမည်မဟုတ်ဘဲ ပြင်းထန်စွာ ဒဏ်ရာရသွားမည်ဖြစ်သည်။ သူ မလွတ်မြောက်နိုင်လျှင် သွေးဘုရင်က သူ့ကို နေရာ၌ပင် သုတ်သင်ပစ်လိမ့်မည်ဖြစ်သည်။

၎င်းတို့အဆင့်ရှိ ကျွမ်းကျင်ပညာရှင်များအတွက်မူ ချူးယွင်ဖန်းကဲ့သို့သော မွန်းစတားတစ်ကောင်နှင့် မတွေ့ပါက အနိုင်ရရန် ဆုံးဖြတ်ရန် လွယ်ကူသော်လည်း အသက်နှင့် သေဆုံးခြင်းကို ဆုံးဖြတ်ရန်မှာ မလွယ်ကူလှပေ။

ကြီးမားသောရုပ်ပေါ်လာသည်နှင့် တပြိုင်နက် ချူးယွင်ဖန်းအပေါ်ကို ဖိနှိပ်ထားသည်။ ငရဲသားတော်သည် စွမ်းအားကြီးသောအရာအားလုံးကို သတ်ပစ်ခဲ့သည်။

"ဆိုတော့ ခင်ဗျားက ဒီလို ဝှက်ဖဲကို ဖုံးကွယ်နေတာပဲ။ ခင်ဗျား အရမ်းမောက်မာနေတာ မဆန်းပါဘူး။ ကျုပ်က်ု ဍ သတ်ချင်နေတာလား။ ခင်ဗျားဘယ်လိုလုပ်မလဲ ကြည့်ချင်တယ်"

သွေးဘုရင်၏ ခွန်အားသည် များစွာ တိုးလာသော်လည်း ချူးယွင်ဖန်းက မကြောက်ပေ သို့သော် ယခင်ကနှင့် နှိုင်းယှဉ်ပါက သွေးဘုရင်သည် သူ့အား ခွန်အားတိုးလာမှုတွင် အကန့်အသတ်ဖြင့်သာ ကန့်သတ်ထားသော်လည်း နောက်ဆုံးတွင် သူ့ကို ခြိမ်းခြောက်မှုတစ်ခု ပေးခဲ့သည်။

"အသူရာ လက်သီး!" ချူးယွင်ဖန်းက အော်ဟစ်၍ ထိုးနှက်လိုက်သည်။

ဘမ်း!

"မင်း ငါ့ကို တားဖို့ကြိုးစားနေတာလား" သွေးဘုရင်က ကြုံးဝါးကာ ပြန်ထိုးလိုက်သည်။ ၎င်းသည် အခြားသော ဧရာမငရဲသားတော်ဖြစ်သည်။

ဤအခိုက်အတန့်တွင် သူ၏ နတ်စွမ်းအင် အလွန်တိုးမြင့်လာကာ အစွမ်းထက်သောငရဲသားများကို အဆက်မပြတ်ထိုးထုတ်နိုင်ခဲ့သည်။ ၎င်းက ယခင်ကနှင့် လုံးဝမတူပေ။ သို့သော် ချူးယွင်ဖန်းသည် သူ၏တိုက်ခိုက်မှုကိုပင် မကြည့်ခဲ့ပေ။ သူသည် သူ၏လက်များကို ဝှေ့ယမ်းကာ ငရဲသားများကို ခွဲထုတ်လိုက်သည်။

"မင်း ငါ့ရဲ့ တိုက်ခိုက်မှုတွေကို လက်လေးယမ်းပြီး ရှင်းပစ်နေတာလား။"

သွေးဘုရင်သည် ကောင်းကင်နှင့်မြေကြီးပေါ်သို့ တက်လှမ်းကာ ငရဲသားတော်ထိုးချက်များကို အဆက်မပြတ် ထုတ်လွှတ်ခဲ့သည်။ ထိုးချက်တိုင်းသည် လွမ်ယွင်တစ်ခွင်လုံးကို တုန်လှုပ်စေခဲ့သည်။ သို့သော် ချူးယွင်ဖန်းသည် သူ၏တိုက်ခိုက်မှုအားလုံးကို တားဆီးခဲ့သဖြင့် ချူးယွင်ဖန်းအား ကြီးစွာသောခြိမ်းခြောက်မှုကို မပြုလုပ်နိုင်ခဲ့ပေ။

"မဖြစ်နိုင်ဘူး၊ မင်း ငါ့ထက် ဘယ်လို ပိုသန်မာနေနိုင်မှာလဲ”

သွေးဘုရင်သည် ချူးယွင်ဖန်းက မိမိထက် ပိုသန်မာသည်ကို မယုံမကြည်နိုင်ဖြစ်စွာ ကြုံးဝါးလိုက်သည်။ ချူးယွင်ဖန်းသည် သူ့ထက်မည်သို့ ပိုသန်မာနိုင်မည်နည်း။ သွေးဘုရင်က ပါးစပ်ကိုဖွင့်လိုက်သည်နှင့် ကြောက်မက်ဖွယ်ကောင်းသော သွေးနီရောင်အလင်းတန်းတစ်ခု ထွက်ပေါ်လာသည်။ ၎င်းသည် ချူးယွင်ဖန်းဆီသို့ လွင့်စင်သွားသော ကြောက်မက်ဖွယ်ကောင်းသော စွမ်းအင်အလင်းအဖြစ်သို့ ပြောင်းလဲသွားသည်။

ဤမြင်ကွင်းကို လူများစွာမြင်သောအခါ၊ အထူးသဖြင့် သွေးနီရောင်အလင်းတန်းများက မိမိတို့ဘက် ဦးတည်လာသော လူများက ၎င်းတို့၏ အဆုတ်ထဲတွင် အေးခဲ့သွားသကဲ့သို့ ခံစားလိုက်ကြရသည်။

လူတိုင်းသည် အလျင်အမြန်ဆုတ်ခွာကာ အတားအဆီးများကို တစ်ခုပြီးတစ်ခု ထူထောင်ကြသော်လည်း ထိတ်လန့်နေကြဆဲဖြစ်သည်။ ၎င်းတို့သာ ဤသွေးနီရောင်အလင်းတန်းဖြင့် သုတ်သင်ခံရလျှင် သေသည်ဟု သေချာပေါက်ပြောနိုင်သည်ဟု သူတို့ခံစားခဲ့ကြရသည်။ ရှင်သန်နိုင်ခြေမရှိပေ။

"ချိုးဖျက်!"

ချူးယွင်ဖန်းက အော်၍ သူ့လက်ကို ဆန့်ထုတ်လိုက်သည်။

ဝိညာဉ်စွမ်းအားကြီးမားသော လက်က နီရဲနေသော စွမ်းအင်ကို ဖမ်းဆုပ်ကာ လက်မချင်းခွဲလိုက်သည်။

ဤကြောက်စရာကောင်းသော သွေးနီရောင်စွမ်းအင်များသည် ချူးယွင်ဖန်းကို ခြိမ်းခြောက်မှုမပြုနိုင်ပေ။ ယင်းကြောင့် အဝေးမှ တိုက်ပွဲကို စောင့်ကြည့်နေသော လွမ်ယွင် ကျွမ်းကျင်ပညာရှင်များသည် ချက်ချင်းပင် သက်ပြင်းချနိုင်ခဲ့သည်။

ထို့နောက် ချူးယွင်ဖန်းသည် သွေးနီရောင်အလင်းတန်းကို လက်ဖဝါးဖြင့် ချေမှုန်းပြီးနောက် သွေးဘုရင်ထံသို့ လျှပ်စီးကြောင်းများ အရှိန်ဖြင့် ပြေးသွားခဲ့သည်။

ဘမ်း!

ကျယ်လောင်သော ပေါက်ကွဲသံနှင့်အတူ သွေးဘုရင်ပါးစပ်မှ သွေးများ ထွက်လာကာ ညည်းညူသံကို လူတိုင်းကြားလိုက်ရသည်။ သူ့တစ်ကိုယ်လုံးက ကြိုးပြတ်သွာရသည့် စွန်တစ်စင်းနှယ် လွင့်ထွက်သွားသည်။

သို့သော် ချူးယွင်ဖန်းက မရပ်ပေ။ မျက်စိတစ်မှိတ်အတွင်း၌ပင် သွေးဘုရင်ကိုအမှီလိုက်ကာ ပြင်းပြင်းထန်ထန် ထိုးနှက်သည်။

သွေးဘုရင်သည် သွေးတစ်လုတ်ကို အန်ထုတ်လိုက်သည်။ သူ့တစ်ကိုယ်လုံးသည် ပျက်ကျလာသည့် မိုးပျံပူဖောင်းတစ်ခုကဲ့သို့ သူ့ခန္ဓာကိုယ်တွင်းရှိ စွမ်းအားအားလုံးကို လျင်မြန်စွာ စုပ်ယူလိုက်သည်။ သူ့ကိုယ်သူ အားတင်းထားသော်လည်း ချူးယွင်ဖန်း၏ ထိုးချက်ကြောင့် ပျက်စီးသွားခဲ့သည်။

ယခုအခါတွင် သူသည် သူ၏ ကျင့်ကြံမှု တိုးမြင့်လာမှု၏ တုံ့ပြန်မှုကို ခံခဲ့ရသည်။ သူ့တစ်ကိုယ်လုံး ပေါက်ကွဲကာ သွေးများ ထွက်လာသည်။ သွေးဘုရင်သည် ရုန်းကန်နေရဆဲဖြစ်သော်လည်း ချူးယွင်ဖန်းက ရှေ့သို့ ခြေတစ်လှမ်းတိုးခဲ့သည်။ မိုးကြိုးက ဓားတစ်ချောင်းအဖြစ် စုစည်းကာ ပြိုကျသွားသည်။

ထို့နောက် ၎င်းက သွေးဘုရင်၏ ဦးခေါင်းကို ခုတ်ထစ်ကာ ချက်ခြင်း သေဆုံးသွားသည်။