ဆက်ဆံရေး ပေါ်သွားခြင်း

ထောင်ယွမ်ရွာတွင် ရင်းနှီးနေကျ ရဟတ်ယာဉ်သံတစ်ခု ဖြစ်သည်။

"ကြည့်စမ်း၊ အဲ့ဒါ ရဟတ်ယာဉ်လား?"

"ဟုတ်တယ်၊ ရဟတ်ယာဉ်ပဲ။"

"အရင်တုန်းက ငါတီဗီပေါ်မှာပဲ မြင်ဖူးတယ်။ ထောင်ယွမ်ရွာမှာ တစ်စီးတွေ့ရလိမ့်မယ်လို့ မထင်ထားဘူး။"

"ထောင်ယွမ်ရွာကို ရဟတ်ယာဉ်ပျံသန်းလာရလောက်အောင် ဘယ်သူက ဒီလောက်ချမ်းသာလဲဆိုတာ ငါသိချင်တယ်။ ဒီနေရာက တကယ်နာမည်ကြီးသွားတာပဲ။"

"ထောင်ယွမ်ရွာ Green Fresh က အမြဲတမ်း ရဟတ်ယာဉ်တွေအတွက် hotspot တစ်ခုဖြစ်ခဲ့တယ်။ အဲ့ဒီတုန်းက သန်းကြွယ်သူဌေးတော်တော်များများက သူတို့ရဲ့ကိုယ်ပိုင်ရဟက်ယာဉ်တွေကို Z မြို့ ရဲ့စူပါမားကတ်မှာ ဈေးဝယ်ဖို့ ပျံသန်းခဲ့ကြတယ်။ ကောင်းကင်က ရဟက်ယာဉ်တွေနဲ့ ပြည့်နေခဲ့တယ်။ လူတော်တော်များများက တိုက်မိမှာကို စိုးရိမ်ခဲ့ကြတယ်လေ။ ကံကောင်းစွာနဲ့ ဘာဆိုးဆိုးရွားရွားမှ မဖြစ်ခဲ့ဘူး။"

"အခု သူတို့က ဆောင်းရာသီမှာ မက်မွန်ပန်းကို ကြည့်ရှုဖို့ ဒီကိုပျံသန်းလာကြတာ။"

ဤအခိုက်အတန့်တွင် ရွာသားအချို့ ဖြတ်သွားပြီး သူတို့၏စကားဝိုင်းကို ကြားလိုက်ရသည်။ သူတို့က တိုက်ရိုက် "ဒါက ခရီးသွားတွေအတွက် ခရီးသွားရဟတ်ယာဉ်မဟုတ်ဘူး။ ဒါက ကုန်းမိသားစုကပဲ။" ဟု ပြောလိုက်ကြသည်။

"ဟမ်?" ခရီးသွားများသည် အံ့ဩသွားကြသည်- "ဘယ်ကုန်းမိသားစုလဲ?"

"ငါတို့ရွာက ကုန်းမိသားစုပဲ။ ဟုတ်တယ်၊ သူတို့က ရှောင်မိသားစုရဲ့ခမည်းခမက်တွေလည်း ဖြစ်တယ်။"

"ရှောင်မိသားစု? သူတို့က ဘယ်သူတွေလဲ?" တစ်စုံတစ်ယောက်က နားမလည်စွာ မေးလိုက်သည်။

ရွာသားက ပြုံးပြီး "ရှောင်မိသားစုက ထောင်ယွမ်ရွာ Green Fresh Group ကို ပိုင်တယ်လေ။ ရှောင်လင်းယွီက ချမ်းသာတယ်။ ဒါပေမဲ့ ကုန်းမိသားစုက ပိုချမ်းသာတယ်။ သူတို့လက်ထပ်တုန်းက သတို့သမီးက ယွမ်သန်း ၃၀၀ ကျော်တန်တဲ့မင်္ဂလာဝတ်စုံကို ဝတ်ဆင်ခဲ့တယ်။" ဟု ပြောလိုက်သည်။

ခရီးသွားများသည် ကြောင်သွားကြသည်- "သန်း ၃၀၀?"

"ဟုတ်တယ်။ မင်္ဂလာဝတ်စုံပေါ်မှာ တောက်ပနေတဲ့စိန်တွေတောင် စီထားတာ။ ငါကြားတာတော့ တစ်လုံးကို အနည်းဆုံး ခြောက်ကာရက်ရှိတယ်တဲ့။" ရွာသားက မာနကြီးစွာ ပြောလိုက်သည်။

ထိုစဉ်က သူတို့သည် ရှောင်လင်းယွီနှင့် ကုန်းထျန်းဟောက်တို့၏ မင်္ဂလာဆောင်မှာ လှပပြီး တုန်လှုပ်စရာကောင်းသည်ဟုသာ ထင်ခဲ့ကြသည်။ ရှောင်လင်းယွီသည် တောက်ပနေသော အဖြူရောင်မင်္ဂလာဝတ်စုံကို ဝတ်ဆင်ထားပြီး ရဟက်ယာဉ်အနည်းငယ်သည် ကောင်းကင်တွင် ပန်းမိုးရွာနေခဲ့သည်။ ဤသည်မှာ ပို၍လှပနိုင်မည်မဟုတ်ပေ။

နောက်ပိုင်းတွင် သူတို့သည် မင်္ဂလာဆောင်၏ကုန်ကျစရိတ်မှာ သန်းပေါင်းများစွာဖြစ်ကြောင်း သိရှိခဲ့ရသည်။ ဤသည်မှာ သူတို့တစ်သက်လုံး မရှာဖွေနိုင်သော ပမာဏဖြစ်သည်။

ယခုအချိန်အထိ သူတို့သည် ကုန်းမိသားစု၏အထောက်အထားကို မသိကြသော်လည်း ကုန်းမိသားစုသည် အလွန်ချမ်းသာကြောင်း၊ လက်ရှိရှောင်လင်းယွီထက်ပင် ပိုချမ်းသာကြောင်း သိကြသည်။

"အို ဘုရားသခင်၊ သန်းသုံးရာ။ ဒါက ဘယ်လိုအထင်ကြီးစရာကောင်းတဲ့မင်္ဂလာဝတ်စုံလဲ? ငါတကယ်ပဲ ကြည့်ချင်တယ်။" တစ်စုံတစ်ယောက်က အော်ဟစ်လိုက်သည်။

"ရှောင်လင်းယွီက တကယ်ကို အရမ်းချမ်းသာတာပဲ မဟုတ်လား?"

"ဟုတ်တယ်။ ဒီလောက်ချမ်းသာတဲ့မိသားစုက အိမ်မှာ ရဟတ်ယာဉ်တစ်စီးရှိတာက ဘာမှထူးဆန်းတာမဟုတ်ဘူး။"

ရွာသားများစွာသည် ရဟတ်ယာဉ်များအတွက် ဆင်းသက်ရန်နေရာကို သိသောကြောင့် ခရီးသွားများသည်လည်း သူတို့ကို ကြည့်ရှုရန် လိုက်ပါသွားကြသည်။ ရဟတ်ယာဉ်တစ်စီးကို အနီးကပ်မြင်ဖူးသူ များများစားစားမရှိပေ။

ရဟတ်ယာဉ်ရောက်ရှိပြီးနောက် ရှောင်လင်းယွီသည် သူမ၏မိဘများကို အသိပေးပြီး သူမ၏ကလေးများကို ရဟတ်ယာဉ်ဆင်းသက်ခဲ့သော မြေပြန့်သို့ ခေါ်ဆောင်သွားခဲ့သည်။ အမေရှောင်သည် ဤစကားကိုကြားသောအခါ သူမသည် ချက်ချင်းပင် "ယွီအာ၊ ဒီလောက်အေးတဲ့နေ့မှာ ဘာလို့ကလေးနှစ်ယောက်ကို ရဟတ်ယာဉ်ပေါ် ခေါ်သွားတာလဲ?" ဟု မေးလိုက်သည်။

ရှောင်လင်းယွီက "အမေ၊ ထုန်ထုန်နဲ့ရှောင်လင် နှစ်ယောက်လုံးက ရဟတ်ယာဉ်ပေါ်တက်ပြီး လျှောက်ပတ်ကြည့်ချင်နေကြတယ်လေ။"

အမေရှောင် ချက်ချင်းပင် သဘောမတူကြောင်းပြောလိုက်သည်။ "မရဘူး၊ အခုက ဆောင်းလယ်ကြီး။ ငါကြားတာတော့ အမြင့်ပေပိုမြင့်လေ၊ ပိုအေးလေပဲ။ ကလေးနှစ်ယောက်ကို အေးခဲအောင်လုပ်ရင် ဘယ်လိုလုပ်မလဲ?"

ရှောင်လင်းယွီ ချက်ချင်းပင် "အမေ၊ စိတ်မပူပါနဲ့။ အဲ့ဒီလိုဖြစ်မှာမဟုတ်ဘူး။ ရဟက်ယာဉ်မှာ အပူပေးစက်တွေပါတယ်။" ဟု ပြောလိုက်သည်။

အမေရှောင်သည် ပြတ်သားစွာ သဘောမတူသည့်ဘက်တွင်သာရှိနေတုန်းပင်။ "မဖြစ်ပါဘူး၊ ကလေးနှစ်ယောက် အအေးမိသွားရင် ဘယ်လိုလုပ်မလဲ?" သူမ၏နှလုံးသားမှာ ကလေးများအတွက် နာကျင်နေသည်။ သူမ၏စိတ်ထဲတွင် သူမသည် သူမ၏မြေးများကို အမြဲတမ်း စိုးရိမ်နေပေလိမ့်မည်။

ရှောင်လင်းယွီသည် သူမ၏ရည်ရွယ်ချက်အစစ်အမှန်ကို မဖော်ထုတ်နိုင်ခဲ့ပေ။ ရှောင်လဲ့ထုန်သည် ချက်ချင်းပင် အမေရှောင်၏ ခြေထောက်ကို ပွေ့ဖက်ကာ ခေါင်းမော့လိုက်သည်။ သူါမျက်နှာမှာ မျှော်လင့်ချက်ဆန္ဒများဖြင့် ပြည့်နှက်နေပြီး "အဖွား၊ ကျွန်တော်တို့ ကောင်းကင်ပေါ်က ရှုခင်းလှလှလေးတွေ သွားကြည့်ချင်တယ်။ သွားခွင့်ပြုပါနော်။" ဟု ပြောလိုက်သည်။

ရှောင်လင်သည် ချက်ချင်းပင် ရှောင်ထုန်၏ပုံစံကို တုပကာ အမေရှောင်၏ အခြားခြေထောက်ကို ပွေ့ဖက်လိုက်သည်။ သူက တောင့်တသောမျက်လုံးများဖြင့် "အဖွား၊ ကျွန်တော်တို့ တကယ်ပဲ ရှုခင်းလှလှလေးတွေ ကြည့်ချင်တယ်။ ကျွန်တော်တို့ကို သွားခွင့်ပြုပါ။ စိတ်မပူပါနဲ့။ ကျွန်တော်တို့ လုံးဝမအေးပါဘူး။"

အမေရှောင်သည် ခေါင်းငုံ့ကာ သူမ၏ခြေထောက်များပေါ်တွင် ချိတ်ဆွဲနေသော ပေါင်မုန့်လုံးလေးနှစ်လုံးကို ကြည့်လိုက်သည်။ ခဏတာမျှ သူမသည် အလျှော့ပေးလိုခဲ့သော်လည်း စဉ်းစားပြီးနောက် သူမသည် ဤသည်မှာ မဖြစ်နိုင်ဟု ခံစားနေဆဲဖြစ်သည်။

ရှောင်လဲ့ထုန်နှင့် ရှောင်လင်တို့သည် တစ်ယောက်ကိုတစ်ယောက် ကြည့်လိုက်ကြသည်။ ထို့နောက် ရှောင်လဲ့ထုန်သည် သူ၏အကောင်းဆုံးလက်နက်ကို အသုံးပြုခဲ့သည်။ သူ့မျက်လုံးများ ချက်ချင်းပင် နီရဲသွားသည်။ ထို့နောက် သူသည် အမေရှောင်ကို ကြည့်ကာ ပြတ်သားစွာ "အဖွား၊ အဖွားသာ ကျွန်တော့်ကို မသွားခွင့်ပြုရင် ကျွန်တော်... ကျွန်တော်ငိုတော့မယ်။" ဟု ပြောလိုက်သည်။

ထို့နောက် ရှောင်လင်သည် သူ့ကို အတုခိုးကာ တူညီသောအမူအရာကို ပြုလုပ်ခဲ့သည်။

ရှောင်လင်းယွီ "..." ဒီနှစ်ယောက်က တကယ့်ဒရာမာဘုရင်ကင်းလေးတွေပဲ။ ငါသူတို့ကို အနာဂတ်မှာ သရုပ်ဆောင်သင်တန်းကို ပို့သင့်တယ်။

အမေရှောင်သည် ဤသည်ကိုမြင်သောအခါ သူမသည် ချက်ချင်းပင် အလျှော့ပေးလိုက်သည်။ "ကောင်းပြီ၊ ကောင်းပြီ။ မင်းတို့သွားချင်ရင် သွား။ အဖွားမင်းတို့ကို မတားတော့ဘူး။"

"ကျေးဇူးတင်ပါတယ် အဖွား။" ထို့နောက် သူတို့နှစ်ဦးသည် ရယ်မောသံများ ထွက်ပေါ်လာခဲ့သည်။

"မင်းတို့ရဟက်ယာဉ်ပေါ်တက်ရင် လိမ္မာပြီး စကားနားထောင်ရမယ်။ မင်းတို့ခုန်ပေါက်လို့မရဘူး။ နားလည်လား? အရမ်းအန္တရာယ်များတယ်။" အမေရှောင်က သတိပေးသည်။

ရှောင်လဲ့ထုန် ချက်ချင်းပင် လိမ္မာစွာ ပြန်ဖြေလိုက်သည်။ "ဟုတ်ကဲ့၊ ကျေးဇူးတင်ပါတယ် အဖွား။ ကျွန်တော်တို့သိပါတယ်။ မေမေ ကျွန်တော်တို့ကို ပြောပြီးပြီ။"

ဤအခိုက်အတန့်တွင် ကုန်းထျန်းဟောက် အလျင်အမြန်ရောက်ရှိလာခဲ့သည်။

အမေရှောင်သည် ကုန်းထျန်းဟောက်ကိုမြင်သောအခါ သူမက ပျော်ရွှင်စွာဖြင့် "ထျန်းဟောက်၊ မင်းပြန်လာပြီလား?"

"အမေ။" ကုန်းထျန်းဟောက်က ခေါ်လိုက်သည်။ ထို့နောက် သူသည် မြင်ကွင်းကိုကြည့်ကာ နားမလည်စွာ "ဒါ..." ဟု မေးလိုက်သည်။

ရှောင်လင်းယွီ ချက်ချင်းပင် ရှင်းပြသည်။ "ထုန်ထုန်နဲ့ရှောင်လင်က ရဟက်ယာဉ်ပေါ်တက်ချင်တယ်၊ ဒါပေမဲ့ အမေက ငြင်းလို့ သူတို့ စိတ်ဆိုးနေကြတာ။"

အမေရှောင်က "ငါက သူတို့ရဟက်ယာဉ်ပေါ်မှာ အအေးမိမှာကို စိုးရိမ်နေတာပဲ။" ဟု

ကုန်းထျန်းဟောက်က "အမေ၊ စိတ်မပူပါနဲ့။ ရဟက်ယာဉ်ပေါ်မှာ အပူပေးစက်ပါတယ်။ သူတို့အေးခဲကုန်မှာမဟုတ်ဘူး။"

"ကောင်းပြီလေ။ မြန်မြန်သွားပြီး မြန်မြန်ပြန်လာ။"

"ဟုတ်ကဲ့ အဖွား။" ကလေးနှစ်ဦးသည် ပျော်ရွှင်စွာ ပြန်ဖြေလိုက်ကြသည်။

ရှောင်လင်းယွီ "..." ငါဒီလောက်အများကြီးပြောခဲ့တာကျ အကျိုးမရှိခဲ့ဘူး။ ကုန်းထျန်းဟောက်ရဲ့စကားတစ်ခွန်းနဲ့ကျ အမေက လွယ်လွယ်ကူကူ အလျှော့ပေးလိုက်တယ်။

မကြာမီ မိသားစုလေးယောက်သည် ရဟက်ယာဉ်ပေါ်သို့ တက်သွားကြသည်။

"ဝိုး၊ အဲ့ဒီကလေးနှစ်ယောက်က အရမ်းလှတယ်။ သူတို့က ကျွန်မမြင်ဖူးသမျှ အလှဆုံးကလေးတွေပဲ။"

"ဟုတ်တယ်၊ သူတို့က အရမ်းလှတယ်။ ကျွန်မအဒေါ်ရဲ့မြေးက အလှဆုံးလို့ ထင်ခဲ့တာ။ ဒီကလေးနှစ်ယောက်က ပိုလှလိမ့်မယ်လို့ မထင်ထားဘူး။"

"ဒီမိသားစုက ပြီးပြည့်စုံလိုက်တာ။ ယောက်ျားက ရုပ်ချောပြီး မိန်းမက လှတယ်။ ကလေးတွေက အရမ်းချစ်စရာကောင်းတယ်။"

"သူတို့က တီဗီပေါ်က ဆယ်လီလင်မယားတွေထက်တောင် ပိုလှတယ်။ အာ၊ ငါအော်ပစ်ချင်စိတ်ပေါက်လာပြီ။"

"ကျွန်မရောပဲ။"

"မင်းတို့ ဓာတ်ပုံရိုက်ခဲ့ကြလား?"

"သေချာတာပေါ့။ ခဏနေရင် ငါ့ဆိုရှယ်မီဒီယာပေါ်မှာ တင်ရမယ်။ filter တစ်ခုခုတောင် ထပ်ထည့်စရာမလိုဘူး။"

"filter မပါဘဲ ငါ့ပုံတွေတစ်ခုမှ တင်မှာမဟုတ်ဘူး၊ ဒါပေမဲ့ ဒီမိသားစုက filter လုံးဝမလိုဘူး။"

"ငါအခု တင်တော့မယ်။" ခရီးသွားများသည် ဓာတ်ပုံများတင်ရန် ခေါင်းငုံ့လိုက်ကြသည်။

ခရီးသွားများသည် ထောင်ယွမ်ရွာတွင် လှပသောမိသားစုလေးယောက်နှင့် တွေ့ဆုံခဲ့ကြသည်။

ဤလှပသောပုံသည် ချက်ချင်းပင် လူများစွာ၏အာရုံစိုက်မှုကို ဆွဲဆောင်နိုင်ခဲ့သည်။ like များ သွန်ချလာပြီး ပုံများမှာ share ခံရသည်။ လူများစွာသည် အံ့ဩဖွယ်ကောင်းသောမှတ်ချက်များလည်း ချန်ထားခဲ့ကြသည်။ ဤမိသားစုသည် ရုပ်ချော၊ လှပပြီး ချမ်းသာသည်။ ဤသည်မှာ ဆိုရှယ်မီဒီယာပေါ်တွင် လျင်မြန်စွာ ပျံ့နှံ့သွားခဲ့သည်။

"ဒါ... ဒါက ကုန်းထျန်းဟောက်လား? သူ့ဘေးကမိန်းမက ဘယ်သူလဲ? ပြီးတော့ သူ့ရင်ခွင်ထဲကကလေးက ဘယ်သူလဲ?"

"ဟုတ်တယ်၊ ဒါက ကုန်းထျန်းဟောက်ပဲ။ ကုန်းထျန်းဟောက်က အိမ်ထောင်ကျပြီး ကလေးတွေရတာ အချိန်အကြာကြီးရှိပြီလို့ ကောလာဟလတွေ ရှိခဲ့တယ်။ ငါတို့အရင်က စုံစမ်းစစ်ဆေးခဲ့ပြီး ဘာအချက်အလက်မှ မတွေ့ခဲ့ဘူး။ အခုတော့ ဒါက ကောလာဟလမဟုတ်ဘဲ အမှန်တရားဖြစ်ပုံရတယ်။"

"ကုန်းထျန်းဟောက်က ကောင်းကောင်းဖုံးကွယ်ထားတာပဲ။ အရင်တုန်းက မြို့တော်မှာ သူက ယောက်ျားတွေကို ကြိုက်လို့ မိန်းမတွေနဲ့မနီးစပ်ဘူးလို့ ကောလာဟလတွေ ရှိခဲ့တယ်။ ဒါပေမဲ့ သူက အခု သားတောင် ရှိနေပြီ။"

"ကောလာဟလတွေက ကောလာဟလတွေပဲ။ ဒါပေမဲ့ ဒါက ကုန်းမိသားစုမှာ အမွေဆက်ခံသူတစ်ယောက် ရှိနေပြီလို့ ဆိုလိုတယ်။ ဒါက လူတော်တော်များများကို ထိခိုက်စေလိမ့်မယ်။ သူတို့က ကုန်းမိသားစုက သူတို့ပိုင်တယ်လို့ အမြဲထင်ခဲ့ကြတာ။"

"ဒါဆို ငါတို့က သူတို့တိုက်ခိုက်တာကို ထိုင်ကြည့်နေရုံပဲ။"

"ဟားဟားဟား..."

***