ကျင်းကျန်းဟန်၏ အဖွဲ့ဝင်အသစ် တင်သွင်းမှု

ဧကရာဇ်တရားရုံးသည် ချူးယွင်ဖန်းအပေါ် ဝိညာဉ်စမ်းရေ၏ အရေးပါမှုကို သိရှိခဲ့သည်။ ဝိညာဉ်စမ်းရေကို သောက်သုံးရန် ရွေးချယ်ပါက သူမည်မျှ သန်မာလာမည်ကို မည်သူသိမည်နည်း။ ထိုအချိန်တွင် သူ့ကို ကိုင်တွယ်ရန် ပို၍ပင် ခက်ခဲလာလိမ့်မည်။ ထို့ကြောင့် ချူးယွင်ဖန်း သီးသန့်မကျင့်ကြံမှီနှင့် ဝိဉာဥ်စမ်းရည်ကို မသောက်သုံးမီတွင် တန်စီယုနှင့်ပတ်သက်သောအချက်အလက်ကို ထုတ်ပြကာ ၎င်းတို့က ပထမဆုံး စတင်လှုပ်ရှားကြရမည်ဖြစ်သည်။ ထို့ကြောင့် ချို့ယွင်းချက်အနည်းငယ်မျှမရှိဘဲ အရာအားလုံးကို တွက်ချက်ကာ ချူးယွင်ဖန်း၏တုံ့ပြန်မှုကို ထည့်သွင်းစဉ်းစားခဲ့သည်။

၎င်းတို့အားလုံး ရန်သူများဖြစ်နေကြလျှင်ပင် ချူးယွင်ဖန်း ၎င်းတို့ကို လေးစားမိသွားသည်။

ဧကရာဇ်သည် ချူးယွင်ဖန်းရှေ့မှောက်တွင် အမှန်တကယ် ထွက်လာခဲ့သော်လည်း ချူးယွင်ဖန်း၏ရန်သူဖြစ်လာရန် ဆုံးဖြတ်လိုက်သောအခါတွင် သူသည် ရက်စက်ကြမ်းကြုတ်လွန်းလှသည်။ ဧကရာဇ်မင်းနှင့် နှိုင်းယှဉ်လျှင် ဒုတိယမင်းသား၏ အခြေအနေသည် သေးငယ်လွန်းကာ တူညီသည်ဟု ဖော်ပြ၍ မရပေ။

တစ်ချိန်တည်း၌ပင် ချူးယွင်ဖန်း၏ နှလုံးသားသည် ဒေါသနှင့် ပွက်ပွက်ဆူလာသည်။ သူ့ကိုသတ်ရန်အတွက် မဟာဝေ့နိုင်ငံ၏ ဘုရင်သည် ကျင်းကျန်းဟန်နှင့် ပူးပေါင်းရန် ရွေးချယ်ခဲ့သည်။ ထို့ကြောင့် ၎င်းတို့က ချူးယွင်ဖန်းအတွက် မည်မျှ ကြောက်မက်ဖွယ်ကောင်းသည်ကိုတွေးကြည့်နိုင်သည်။ မဟာဝေ့နိုင်ငံက ဤထောင်ချောက်ကို ထူထောင်ခဲ့သော်လည်း ကျင်းကျန်းဟန်ကလည်း ပူးပေါင်းဆောင်ရွက်ရန် ဆန္ဒရှိသည်။

ချူးယွင်ဖန်း၏ရုတ်တရက် ထင်ပေါ်လာမှုသည် ချိန်ခွင်လျှာကိုထိခိုက်စေမည်ကို ကျင်းကျန်းဟန်လည်း တွေးကြည့်နိုင်သည်။ နိုင်ငံကြီးနှစ်ခုအတွက် ထိန်းမနိုင်သိမ်းမရနှင့် အလွန်ကြောက်စရာကောင်းသော ချူးယွင်ဖန်းသည် အန္တရာယ်အရှိဆုံးဖြစ်သည်။ ထိန်းချုပ်မရနိုင်သော စွမ်းအားကို လုံးလုံးဖျက်ဆီးလိုက်ခြင်းက အကောင်းဆုံးဖြစ်သည်။ ချူးယွင်ဖန်းသည် ၎င်းတို့၏ တိကျသော အစီအစဉ်ကို မသိသော်လည်း ၎င်းကို အနည်းနှင့်အများ မှန်းဆနိုင်သည်။ ထို့အပြင် ယင်းက ခန့်မှန်းရခက်သော ကိစ္စမဟုတ်ပေ။ အခက်ခဲဆုံး အပိုင်းမှာ ချူးယွင်ဖန်းကို လှည့်စားခြင်းဖြစ်သည်။ ကျန်သောအရာများက မခက်လှပေ။

“ချူးယွင်ဖန်း မင်းဒီနေ့ မင်းထွက်ပြေးနိုင်မယ်လို့ ထင်လား" တိတ်ဆိတ်နေသော အချိန်၌ ကျင်းကျန်းဟန်မှ ဇိမ်ခံဝတ်စုံဝတ်ထားသော အရပ်ရှည်ရှည် လူတစ်ယောက် အသံထွက်လာသည်။

ချူးယွင်ဖန်းက ထိုလူကို ကြည့်လိုက်သည်။ ခေါင်းသုံးလုံးရှိသော ဝံပုလွေတစ်ကောင်ပုံကို သူ့အဝတ်ပေါ်တွင် ပန်းချည်ထိုးထားသည်။ ဤသည်မှာ ကျင်းကျန်းဟန်၏သင်္ကေတဖြစ်သည်။ ကျင်းကျန်းဟန်၏ တော်ဝင်မိသားစုမှသာလျှင် ထိုကဲ့သို့သောအဝတ်အစားများကို ၀တ်ဆင်နိုင်သည်။ ထို့အပြင် လက်ရှိခန်နှင့် နီးစပ်သူများသာ ဤ၀တ်စုံကို ၀တ်ဆင်ရန် အရည်အချင်းပြည့်မီသည်။ ချူးယွင်ဖန်းသည် ဤလူသည် တော်ဝင်မိသားစု၏ အစိတ်အပိုင်း သို့မဟုတ် မင်းသားတစ်ပါးပင်ဖြစ်ကြောင်း ခန့်မှန်းရန် မခက်ခဲပေ။

ကျင်းကျန်းဟန်တွင် ခန်သည် မရေမတွက်နိုင်သော မင်းသားများကို မွေးဖွားပေးခဲ့သည်။ ၎င်းတို့အနက်မှ လက်ဝဲဘုရင်နှင့် လက်ယာဘုရင်တို့ကသာ စစ်မှန်သော အာဏာကို ကိုင်စွဲထားသည်။ လက်ဝဲဘုရင်သည် ကျင်းကျန်းဟန်၏ အိပ်ရှေ့စံဖြစ်ကာ လက်ယာဘုရင်သည်မူ သူ၏ အစားထိုးဖြစ်သည်။ ၎င်းတို့နှစ်ယောက်လုံးသည် မှူးမတ်များကြားတွင် အဆင့်အတန်းမြင့်၍ ခွန်အားကြီးသည်။ သို့သော် အခြားမငင်းသားများသည်လည်း မရိုးရှင်းပေ။ ကျင်းကျန်းဟန်မှ ဤမင်းသား၏ စွမ်းအားသည် သွေးဘုရင်ထက် မနိမ့်ကျပေ။ သူသည် အထွတ်အထိပ် အမတေမဲ့အဆင့်သို့ ဖြတ်ကျော်ရန် ခြေတစ်လှမ်းသာ ဝေးသည်။

မဟာဝေ့နိုင်ငံတွင် သွေးဘုရင်ကဲ့သို့ ကျွမ်းကျင်သူ အနည်းငယ်သာ ရှိသည်။ ကျင်းကျန်းဟန်တွင် မဟာဝေ့နိုင်ငံထက် ကျွမ်းကျင်သူများ ပိုများသည်မှာ ထင်ရှားလှသည်။

"ဘယ်လောက် ကြီးကျယ်ခမ်းနားတဲ့ အစီအစဥ်လဲ" ချူးယွင်ဖန်းက ရယ်မောလိုက်သည်။

"ဟုတ်တယ် ဒါက ပွဲကြီးပွဲကောင်းပဲ။ မင်းအကြောင်း ငါကြားဖူးတယ်။ မင်းကို မဟာဝေ့နိုင်ငံရဲ့ သူရဲကောင်းလို့ သတ်မှတ်ထားကြတာ။ မဟုတ်ရင် ငါ့အဖေက သူ့ ယုံကြည်ရတဲ့ သွေးတပ်သားတွေကို စုရုံးခိုင်းမှာမဟုတ်ဘူး”

ကျင်းကျန်းဟန်၏ မင်းသားက ကျစ်တစ်ချက်စုတ်သပ်လိုက်သည်။

“သောင်းနဲ့ချီတဲ့ သွေးတပ်သားတွေက အပြင်လောကကို ကျင်လည်ကျက်စားပြီး မြို့ကြီးတွေနဲ့ နိုင်ငံတွေကို သုတ်သင်ဖို့ လုံလောက်နေပြီဆိုတာ မင်းသိထားသင့်တယ်။ ဘယ်သူကမှ သူတို့ကို တားလို့မရဘူး။"

ချူးယွင်ဖန်းရုတ်တရက် သဘောပေါက်သွားသည်။ ဤစစ်တပ်က ထိပ်တန်းဖြစ်သည်ဆိုသည့်အချက်ကို အံ့သြနေစရာမလိုပေ။ သာမန်စစ်သားတိုင်းသည် မွေးဖွားခြင်းနယ်မြေအဆင့်အထက် ကျွမ်းကျင်သူများဖြစ်ကြသည်။ ပြည်ထောင်စုတွင် ဤအဆင့်တပ်များလည်း ရှိသော်လည်း များသောအားဖြင့် အထူးတပ်ဖွဲ့များဖြစ်သည်။ အထက်တန်းလွှာများထဲမှ ရာဂဏန်းမျှသော ကျွမ်းကျင်သူများကို ရှာဖွေခြင်းသည် ကောင်းပေလိမ့်မည်။ ၎င်းတို့သည် အခြေခံအားဖြင့် စစ်ဘက်ဆိုင်ရာ ဒေသအသီးသီးတွင် ပြန့်ကျဲနေကာအတူတကွ အသုံးမပြုနိုင်ပေ။ အခြေခံအားဖြင့်၊ ၎င်းတို့သည် ၎င်းတို့အား ဆန့်ကျင်တိုက်ခိုက်ရန် စစ်လက်နက်များကို အားကိုးနေရဆဲဖြစ်သည်။

သို့သော်လည်း ကျင်းကျန်းဟန်တွင် မွေးဖွားခြင်းနယ်မြေအဆင့် သောင်းနှင့်ချီသော ပမာဏနှင့်အတူ နတ်အဆင့် တစ်ထောင်ကျော်ကို စုစည်းထားသည်။ အတိတ်မှ နတ်ကုန်းမြေမဆိုနှင့် ပြည်ထောင်စုပင်လျှင် ထိုကဲ့သို့သော အစုအဝေးကို မစုစည်းနိုင်ပေ။

ကျင်းကျန်းဟန်၏ စွမ်းအားက အမှန်ပင် ကြောက်မက်ဖွယ်ကောင်းလှသည်။

ဤကာလအတွင်း ချူးယွင်ဖန်းသည် ကျင်းကျန်းဟန်အကြောင်းများစွာလေ့လာခဲ့ကာ ထို သွေးတပ်သားများအကြောင်း သူကြားသိခဲ့ရသည်။ ကျင်းကျန်းဟန်၏သန်းပေါင်းများစွာသောတပ်များထဲတွင်၊ ကျင်းကျန်းဟန်၏ လက်ရွေးစင်များထဲမှ လက်ရွေးစင် တစ်သိန်းရှိသော တပ်တစ်ခုရှိသည်။ ဤစစ်တပ်နှင့်ပတ်သက်၍ ဒဏ္ဍာရီ များစွာရှိသည်။ ကျင်းကျန်းဟန်တက်လာစဉ်တွင် ၎င်းတို့သည် မရေမတွက်နိုင်သော အင်အားကြီးပြိုင်ဘက်များကို ဖျက်ဆီးပစ်ခဲ့သည်။ တိုက်ပွဲတွင်ဖြစ်စေ၊ သိုင်းပညာကျွမ်းကျင်သူများနှင့်ဖြစ်စေ မြို့များကို တိုက်ခိုက်သည်ဖြစ်စေ ၎င်းတို့က အစွမ်းထက်ကြသည်။ ရွှေအမတေအဆင့်ရှိသူကို တစ်ဦးကို ပစ်မှတ်ထားဝိုင်းရန်လျှင် ထို ရွှေအမတေအဆင့်ရှိသူလည်း သေရလိမ့်မည်။

သွေးတပ်သားမျာအနက်မှ သုံးသောင်းခန့်သာ ဤနေရာသို့ ရောက်လာခဲ့သည်မှာ

င်းရှင်းလင်းလင်း သိသာထင်ရှားသော်လည်း ၎င်းတို့ဖွဲ့စည်းထားသော စွမ်းအားသည် စစ်သည်တစ်သန်းရှိသော တပ်တစ်တပ်ထက်ပင် ပို၍ အံ့သြဖွယ်ကောင်းသည်။ လူတစ်သန်းရှိသော မဟာဝေ့နိုင်ငံ၏ သာမာန်စစ်သည်များသည် ဤသွေးတပ်သားသုံးသောင်းကို ခံနိုင်ရည်မရှိနိုင်ပေ။

၎င်းမှဖွဲ့စည်းထားသော စစ်ရေးစွမ်းအားသည် ကိုယ်ခံပညာကျွမ်းကျင်သူများအတွက် ကြောက်မက်ဖွယ်အိပ်မက်ဆိုးပင်ဖြစ်သည်။

ထို့အပြင်၊ ချူးယွင်ဖန်းသည် ဤသွေးတပ်သားများထံမှ စစ်တပ်ကို ဖွဲ့စည်းရုံသာမက စစ်ရေး စိတ်ဓာတ်ကိုပါ ခံစားနိုင်ခဲ့သည်။

သိုင်းပညာကျွမ်းကျင်သူတစ်ဦးသည် သာမန်စစ်တပ်ကို သတ်လိုပါက လက်ညှိုးထိုးပြသကဲ့သို့ လွယ်ကူမည်ဖြစ်သည်။ သို့သော်လည်း ဤစစ်တပ်သည် စစ်ရေးစိတ်ဓာတ်ကို ခိုင်မာလျှင် ၎င်းသည် ထို သိုင်းသမားကို အလိုလို တိုက်ခိုက်သွားမည်ဖြစ်သည်။ သောင်းနှင့်ချီသော သွေးတပ်သားများဖြင့် ဖွဲ့စည်းထားသော စစ်စိတ်ဓာတ်သည် ကြောက်မက်ဖွယ်ကောင်းသည်။ သာမန် ရွှေအမတေအဆင့်ရှိသူတစ်ဦးသည် ပြင်းထန်စွာ ဒဏ်ရာရ၍ ချက်ချင်း သေဆုံးနိုင်သည်။

ဤအဆင့်ရှိ တပ်ကိုရင်ဆိုင်ရပါက အဝေးသို့ ပြေးရမည် သို့မဟုတ် ၎င်းတို့နှင့် ရင်ဆိုင်နိုင်သော စစ်တပ်ကို ရှာရပေမည်။ ဤသည်မှာ ကျင်းကျန်းဟန်နှင့် မဟာဝေ့နိုင်ငံက ကမ္ဘာကြီးကို ထိန်းချုပ်နိုင်သည့် အခြေခံအကြောင်းရင်းဖြစ်သည်။ အစွမ်းထက်သော ကိုယ်ခံပညာ ကျွမ်းကျင်သူများပင်လျှင် ဤကဲ့သို့သော နိုင်ငံကြီးများ၏ ရှေ့မှောက်တွင် ဂုဏ်ယူဝံ့ကြွားခြင်း မပြုဝံ့ကြပေ။

သိုင်းပညာ ကျွမ်းကျင်သူ တစ်ဦး သို့မဟုတ် နှစ်ဦးသည် သက်ရောက်မှုကို မခံနိုင်ပေ။ အထူးသဖြင့် ၎င်းတို့ ဝိုင်းထားသည့် ဤသို့သော အခြေအနေမျိုးတွင် ၎င်းတို့ ခဏတာအတွင်း အသတ်ခံရပေလိမ့်မည်။ ထို့ကြောင့် ၎င်းတို့ သေဆုံးရန် သေချာသလောက်ရှိနေပြီဖြစ်သည်။

ချူးယွင်ဖန်းသည် စစ်စိတ်ဝိဥာဉ်ဖြင့် စစ်တပ်မှထွက်ရာလမ်းကို အလွယ်တကူဖောက်ရန် မလွယ်ကူပေ။ တပ်မတော်တွင် စွမ်းအားရှိသည်ဖြစ်စေ စိတ်ဝိဉာဥ်သည် လုံးဝကွဲပြားသော အရာနှစ်ခုဖြစ်သည်။

"ဒါပေမယ့် ငါ့အဖေက အရည်အချင်းတွေကို မြတ်နိုးတယ်။ အခု ဝေ့နိုင်ငံဘုရင်က မင်းကို သတ်ဖို့ စိတ်အားထက်သန်နေတာ ထင်ရှားတယ်။ မင်းဘာလို့ ကျင်းကျန်းဟန်နဲ့ မပူးပေါင်းတာလဲ။ မင်း ငါတို့နဲ့ ပေါင်းချင်ရင် ဒီနေ့ မင်းသေမှာမဟုတ်ဘူး။"