စတင်လှုပ်ရှားခြင်း

မင်းသားက ချူးယွင်ဖန်းကို သာလွန်သော ခံစားချက်ဖြင့် ကြည့်နေသည်။

‘ချူးယွင်ဖန်းက သိုင်းပညာပါရမီရှင်တစ်ယောက်ဖြစ်တော့ရော ဘာဖြစ်လဲ။ ကျင်းကျန်းဟန်ရှေ့မှာ သူခေါင်းညိတ်ရသေးတာပဲမလား”

မင်းသားက ဤကဲ့သို့ ပါရမီရှင် အမြောက်အမြားကိုတွေ့ဖူးသည်။ မြက်ခင်းပြင်နယ်မြေတွင် ကျင်းကျန်းဟန်ကို ခုခံဝံ့သူ မရှိခဲ့ပေ။ လွန်ခဲ့သည့်နှစ်ပေါင်း မရေမတွက်နိုင်သော စစ်ပွဲများတွင် ၎င်းတို့သည် အဆုံးမရှိသော သံတပ်သားများ၏ ဖြုတ်ချခြင်းကို ခံခဲ့ရသည်မှာ ကြာပြီဖြစ်သည်။ မျိုးနွယ်စုခေါင်းဆောင်များ၊ ဂိုဏ်းခွဲခေါင်းဆောင်များနှင့် တစ်ချိန်က အလွန်အစွမ်းထက်ခဲ့သော ဆွေတော်မျိုးတော်မိသားစုခေါင်းဆောင်များသည် ကျင်းကျန်းဟန်၏သာမန်စစ်သည်များကို ခြိမ်းခြောက်နိုင်သော်လည်း သွေးတပ်သားများနှင့် ရင်ဆိုင်ရသောအခါတွင် ၎င်းတို့သည် လုံးလုံးလျားလျား ထိခိုက်လွယ်သည်။

သွေးတပ်သားများ၏ စစ်ရေး စိတ်ဓာတ်သည် သိုင်းပညာကျွမ်းကျင်သူများကို အကောင်းဆုံး တန်ပြန်ခဲ့သည်။ သွေးတပ်သားများ၏ စစ်ရေးစိတ်ဓာတ်နှင့် ရင်ဆိုင်ရသောအခါ ၎င်းတို့၏ တိုက်ခိုက်မှုများ များစွာလျော့သွားပေလိမ့်မည်ဖြစ်သည်။ သာမန်ရွှေအမတေအဆင့်သည် သွေးတပ်သားများဆီတွင် အလွယ်တကူ သုတ်သင်ခံရမည်ဖြစ်သည်။

ဤလက်ရွေးစင် အင်အားစုများ၏ ရှေ့တွင် မည်သူမျှ မလွတ်မြောက်နိုင်ပေ။ မင်းသား၏အမြင်အရ ချူးယွင်ဖန်းသည်လည်း ချွင်းချက်မဟုတ်ပေ။ ချူးယွင်ဖန်းသည် ထက်မြက်ပါက သူသည် နာခံမှုဖြင့် အရှုံးပေးလိမ့်မည်။ ဝေ့နိုင်ငံမှ စေလွှတ်ခဲ့သည် သံတမန်က ချူးယွင်ဖန်းကို သတ်ခြင်းနှင့်ပတ်သက်၍ ပြောသည်ကို သူဂရုမစိုက်ပေ။ ချူးယွင်ဖန်းကိုသတ်ခဲ့သူသည် ကျင်းကျန်းဟန်မဟုတ်ဘဲ ဝေ့နိုင်ငံသားများဖြစ်ရန် သူ ဆုတောင်းမိသည်။ ဝေ့နိုင်ငံသားများသည် ထိုကဲ့သို့သောလူကို သည်းမခံနိုင်သော်လည်း ကျင်းကျန်းဟန်က သည်းခံနိုငင်သည်။ သူ့အမိန့်အရ ဤသို့သော ပါရမီရှင်တစ်ဦးကို စုဆောင်းနိုင်လျှင် မဟာဝေ့နိုင်ငံကို လှည့်၍ ပြန်ဖျက်ဆီးနိုင်မည်မဟုတ်လော။

မဟာဝေ့နိုင်ငံသားတို့အချင်းချင်းတိုက်ခိုက်ကြလျှင် အကောင်းဆုံးဖြစ်ပေလိမ့်မည်ဖြစ်သည်။ တကယ်တမ်းတွင် အဓိကလိုအပ်ချက်မှာ ချူးယွင်ဖန်းက နာခံမှုရှိရန် ဖြစ်သည်။

"ငါ အရှုံးပေးမယ်လို့ မင်းထင်နေလား"

ချူးယွင်ဖန်း၏ နှုတ်ခမ်းများသည် ပေါ့ပါးသော အပြုံးတစ်ခုအဖြစ် ကွေးကောက်သွားသည်။ အရာအားလုံးကို နားလည်ပြီးနောက် သူစိတ်မပူတော့ပေ။ မည်သို့ လုပ်ကြံမှုဖြစ်စေကာမူ အဆုံးသတ်တွင် အရာအားလုံးက ခွန်အားနှင့်သာ ပတ်သက်နေသည်။

ချူးယွင်ဖန်းက ယင်းကို သေချာစဉ်းစားခဲ့သည်။ မဟာဝေ့နိုင်ငံ၏ ဧကရာဇ်တရားရုံးသည် လူတိုင်းအထက်တွင်ရှိသော သူကဲ့သို့ နတ်ဆိုးတစ်ကောင်၏တည်ရှိမှုကို သည်းမခံနိုင်ပေ။ ရှေးခေတ်ကတည်းက ဤသို့ဖြစ်တည်မှု များစွာရှိခဲ့ရာ စာရင်းတွင် ဖော်ပြရန် အလွန်များပြားသည်။ ပြည်ထောင်စုသမိုင်းတွင်ပင် ဤကဲ့သို့ တည်ရှိမှုမျိုးမရှိခဲ့ခြင်းမျိုးမဟုတ်ပေ။ ချူးယွင်ဖန်းဆက်လက်ကြီးထွားလာပါက၊ သူသည် မဟာဝေ့နိုင်ငံ၏အခြေခံအုတ်မြစ်ကိုခြိမ်းခြောက်နိုင်ခြေရှိသည်။ ထို့ကြောင့် ဧကရာဇ်တရားရုံးသည် သူ၏တည်ရှိမှုကို လုံးလုံးလျားလျား သည်းမခံနိုင်ပေ။

"ဟုတ်ပါတယ်၊ ဒါပေမယ့် အဲဒီမတိုင်ခင်မှာ မင်း ဒီ ဝိဉာဥ်ထိန်းချုပ်ကင်းခြေများကို နာခံပြီး မျိုချရမယ်။ မင်း ငါတို့ရဲ့ အမိန့်ကို နားမထောင်ရင် မင်း ဒီကင်းခြေများရဲ့ အသတ်ခံရလိမ့်မယ်" မင်းသားက ဖြည်းညှင်းစွာ ပြောလိုက်သည်။

သူ့လက်ထဲတွင် အရိုးနှင့်ပြုလုပ်ထားသည့် သေတ္တာတစ်ခုရှိကာ သေတ္တာထဲတွင် ဝိဉာဥ်ထိန်းချုပ်ကင်းခြေများရှိသည်။ ကျင်းကျန်းဟန်သည် ချူးယွင်ဖန်းကို ခေါ်ယူရန် သတ္တိရှိသောကြောင့် သဘာဝအတိုင်း ယုံကြည်မှုလည်းရှိသည်။ ကျင်းကျန်းဟန်သည် ဝိဉာဥ်ထိန်းချုပ် ကင်းခြေများကို အမြဲလိုလို သစ္စာမရှိသော ကျွမ်းကျင်သူများကို ထိန်းချုပ်ရန် အမြဲအသုံးပြုခဲ့သည်။ ကင်းခြေများ မည်မျှပင် အစွမ်းထက်စေကာမူ ကင်းခြေများကို မျိုချထားသရွေ့ နာခံမှု ရှိစေရမည်။ မဟုတ်ပါက အတွေးတစ်ခုတည်းဖြင့် သေသွားရလိမ့်မည်ဖြစ်သည်။

ချွင်းချက်မရှိပေ။ ရွှေအမတေအဆင့်ကို ကျော်လွန်သည်အထိ ကျင့်ကြံခဲ့သူများပင်ရှိကြသော်လည်း ဝိဉာဥ်ထိန်းချုပ်ကင်းခြေများအောက်တွင် သေဆုံးနေကြဆဲဖြစ်သည်။ ကျင်းကျန်းဟန်သည် ကင်းခြေများပေါ်တွင် လုံးလုံးလျားလျားယုံကြည်မှုရှိသည်။ ချူးယွင်ဖန်း မျိုချထားသရွေ့ သူ လုံးဝ လွတ်မြောက်နိုင်မည်မဟုတ်ပေ။

ချူးယွင်ဖန်းသည် အရိုးများဖြင့်ပြုလုပ်ထားသော သေတ္တာကို တစ်ချက်ကြည့်လိုက်ပြီး ကျင်းကျန်းဟန်၏ယုံကြည်မှုကို ချက်ချင်းနားလည်လိုက်သည်။ ဤ ဝိဉာဥ်ထိန်းချုပ်ကင်းခြေများ၏ အကျိုးသက်ရောက်မှုကို သူမသိသော်လည်း ဤသည်မှာ ကောင်းသောအရာမဟုတ်ကြောင်း ထင်ရှားသည်။ လူများကို ထိန်းချုပ်ရန် အသုံးပြုခဲ့ခြင်းဖြစ်နိုင်သည်။

သို့သော် ဤအရာသည် သာမန်လူများအတွက် အသုံးဝင်သည်။ ဆေးဧကရာဇ်၏ မှတ်ဉာဏ်များကို အမွေဆက်ခံခဲ့သော ချူးယွင်ဖန်းသည် ဤကင်းခြေများကို သတ်ရန် နည်းလမ်းပေါင်း တစ်ထောင်ရှိသည်။ သူ့ခန္ဓာကိုယ်ထဲသို့ မျိုချလိုက်လျှင်ပင် သတ်ရန် နည်းလမ်းက လုံလောက်နေပြီဖြစ်သည်။ သူ့ကို ထိန်းချုပ်ရန် ဤကဲ့သို့နည်းလမ်းကို အသုံးပြုခြင်းသည် ကလေးဆန်လွန်းလှသည်။ သို့သော် ဤကိစ္စကို ကျင်းကျန်းဟန်နှင့် အလျှော့အတင်းလုပ်ရန် ရည်ရွယ်ချက်မရှိပေ။

"ဘာလဲ၊ ဘုရင်ဘယ်မှာလဲ၊ ဘာလို့ ကိုယ်တိုင်လာမလာတာလဲ၊ သူက ငါ့ကို မသတ်ချင်ဘူးလား" ချူးယွင်ဖန်းက မေးသည်။

"လက်ယာဘုရင် သဘာဝအတိုင်း သူ့အစွမ်းသတ္တိနဲ့သူရှိတယ်။ မင်းကို ကိုင်တွယ်ဖို့ သူကိုယ်တိုင်လာစရာမလိုဘူး။ ငါတစ်ယောက်တည်းနဲ့ လုံလောက်ပြီ”မင်းသားက စိတ်မရှည်စွာပြောသည်။

“ချူးယွင်ဖန်း မင်းအချိန်အကြာကြီး စဥ်းစားနေဖို့ မလိုပါဘူး။ ဒီနည်းလမ်းက ငါ့အတွက် မကောင်းဘူး။ မင်း အခုပဲ ဒူးထောက်ပြီး လက်မြှောက်လိုက်ပါ။ မဟုတ်ရင် ငါမင်းကို ချက်ချင်းသတ်ပစ်မယ်”

မင်းသားပြောပြီးသည်နှင့် တပြိုင်နက် သွေးတပ်သားသုံးသောင်းသည် ၎င်းတို့၏ စွမ်းအားအပြည့်ကို ထုတ်လွှတ်ခဲ့ကြသည်။

ဖွဲ့စည်းမှုမှတစ်ဆင့် လူထောင်ပေါင်းများစွာ၏ စွမ်းအားသည် ကြောက်ရွံ့ထိတ်လန့်ဖွယ် တပ်မတော်ဝိဉာဥ်အဖြစ် လုံးလုံးလျားလျား ပေါင်းစပ်သွားခဲ့သည်။ ဤသည်က ကြီးမားသော သွေးနီရောင်ဝိဉာဥ်စွမ်းအင်ဖြစ်ကာ စစ်သားတစ်ယောက်၏ သတ်ဖြတ်ရောင်ဝါက ကောင်းကင်ထိ ဖြန့်ကျက်သွားသည်။ အကယ်၍ ချူးယွင်ဖန်းကသာ ‘မလုပ်ဘူး’ ဟုပြောလျှင် တပ်မတော်ဝိဉာဥ်က ချက်ချင်းပေါက်ကွဲကာ သူ့ကို တိုက်ခိုက်လိမ့်မည်ဖြစ်သည်။

“မင်းမပြောနဲ့ လက်ယာဘုရင်ကိုတောင် ငါဂရုမစိုက်ဘူး။ ငါ့ကို ဒူးထောက်ပြီး လက်နက်ချခိုင်းရအောင် မင်းကိုယ်မင်း ဘာကောင်ထင်နေလဲ” ချူးယွင်ဖန်းက ရယ်မောလိုက်သည်။

"မင်းသေဖို့ ဆောင်းဆိုနေတဲ့ပဲ။ ဒီလိုဆိုမှတော့ မင်းကို ငါ မင်းသားက သေချာပေါက် ပို့ပေးလိုက်မယ်”

မင်းသားက အော်ဟစ်လိုက်ရာ ကြီးမားသော သွေးနီရောင် တပ်မတော်ဝိဉာဥ်က ချူးယွင်ဖန်းဆီသို့ ဦးတည်လာသည်။

ဘမ်း

တပ်မတော်ဝိဉာဥ်က ကောင်းကင်တွင်အေးခဲသွားရာ တစ်ကမ္ဘာလုံးကို ပြောင်းပြန်လှန်ဖြစ်လိုက်သည့်နှယ်ထင်ရသည်။ ထိုတိုက်ခိုက်မှုသည် သွေးဘုရင်၏ အင်အားအပြည့်တိုက်ခိုက်မှုထက် များစွာမြင့်မားသည်။ ၎င်းသည် ရွှေအမတေအဆင့် အထွတ်အထိပ်သို့ပင် ရောက်ရှိနေ၏။

၎င်းမှာ သွေးတပ်သား သုံးသောင်း မျှသာဖြစ်သည်။ အကယ်၍ သွေးတပ်သားတစ်သိန်း ပေါင်းစည်းလိုက်လျှင် ၎င်းသည် အမတေမဲ့အဆင့်နှင့်အထက်ရှိကျွမ်းကျင်သူများကို

သတ်ပစ်ရန် လုံလောက်ပေလိမ့်မည်။ ကမ္ဘာကို စိုးမိုးရန် ကျင်းကျန်းဟန်မှီခိုအားထားရသော မြို့တော်သည် သဘာဝအတိုင်း ထူးခြားသည်။ သာမန်လူများယှဥ်နိုင်သောအရာမဟုတ်ပေ။

ထို့နောက် ချူးယွင်ဖန်း၏ ခန္ဓာကိုယ်အား သွေးနီရောင်စွမ်းအင်အလွှာဖြင့် ဖုံးလွှမ်းသွားကာ သွေးနီရောင်အရိုးစုအဖြစ် ပြောင်းလဲသွားခဲ့သည်။ သို့သော် သွေးနီရောင်အရိုးစုသည် တပ်မတော်ဝိဉာဥ်စွမ်းအငင်ဖြင့် ဖွဲ့စည်းထားသော တိုက်ခိုက်မှုကို ရင်ဆိုင်ရသောအခါ

ချက်ချင်းပင် ကွဲသွားခဲ့သည်။ နတ်ဆိုးဆင်းသက်ခြင်းပန်းချီကားဖြင့်ဖွဲ့စည်းထားသော အရိုးစုသည် ခုခံနိုင်စွမ်းမရှိပေ။

တိုဟူးကဲ့သို့ပိုင်းဖြတ်ခံရပြီးနောက် ချူးယွင်ဖန်းကို တိုက်ခိုက်ခဲ့သည်။

ချူးယွင်ဖန်းအနည်းငယ် ယိမ်းယိုင်သွားသည်။ သူသည် လျှပ်စီးကြောင်း၏ အလျင်ဖြင့် မီတာရာနှင့်ချီသော အကွာအဝေးတွင် ဤပြင်းထန်သော ထိုးနှက်မှုကို ရှောင်ရှားရန် လျှပ်တစ်ပြက်အတွင်း ပေါ်လာသည်။

ဘမ်း

သွေးတပ်သားများ၏ သွေးနီရောင်စွမ်းအင်က ကောင်းကင်ကို ဖြိုချလုနီးနီးပြင်းနေသည်။ လေထုတစ်ခုလုံးကွဲကြေကာ ကြောက်မက်ဖွယ်ကောင်းသော ဆိုင်ကလုန်းမုန်တိုင်းအဖြစ်သို့ ရွေ့လျားသွားခဲ့သည်။

ချူးယွင်ဖန်း၏ အမူအရာမှာ အနည်းငယ် လေးနက်သည်။ ဤသည်မှာ တပ်မတော်ဝိဉာဥ်ကို ပထမဆုံးအကြိမ် ကြုံတွေ့ရခြင်းဖြစ်သည်။ ဤဝိဉာဥ်၏ ကြောက်မက်ဖွယ်အကောင်းဆုံးအချက်မှာ စစ်တပ်တစ်ခုလုံး၏ ခွန်အားကို စုဆောင်းနိုင်ခြင်းဖြစ်သည်။ သိုင်းပညာရှင်များအတွက် အသည်က ရိုးရှင်းလှသည်။

ထို့အပြင် စိတ်ဝိညာဉ်၏ စွမ်းအားသည် အလွန်ထူးခြားသည်။ ၎င်းသည် သိုင်းပညာကျွမ်းကျင်သူများ၏ နတ်စွမ်းအင်ကိုပင် ပျက်ပြယ်စေနိုင်၏။