ရွှေအမတေအဆင့်များ

သာမာန်စစ်တပ်သည် စစ်ရေးစိတ်ဝိဉာဉ်ကို မဖွဲ့စည်းနိုင်သောကြောင့် ၎င်းတို့၏ အင်အားကို စုစည်း၍မရနိုင်ပေ။ ထို့ကြောင့် ရွှေအမတေအဆင့်ကို ခြိမ်းခြောက်ရန် မလုံလောက်ပေ။ နတ်အဆင့်ရှိလျှင်ပင် ၎င်းတို့ကို အလွယ်တကူ သတ်ပစ်နိုင်သည်။

ထိပ်တန်းကျွမ်းကျင်သူတစ်ဦးသည် သွေးစွန်းနေမည့်လမ်းကြောင်းကို ဖန်တီးရန် လုံလောက်သည်။

သို့သော် သွေးတပ်သားများက ကွဲပြားသည်။ ၎င်းတို့တွင် စစ်ရေးစိတ်ဝိဉာဉ်ရှိရုံသာမက ၎င်းတို့၏ စစ်ရေးစိတ်ဓာတ်သည်လည်း ကြောက်မက်ဖွယ်ကောင်းလောက်အောင် စွမ်းလှသည်။ သွေးတပ်သားများ၏ တိုက်ခိုက်မှုများကို မတားဆီးနိုင်လျှင် သာမာန် ရွှေအမတေအဆင့်ရှိသူ တစ်ဦးသည် လက်သီးတစ်ချက်တည်းဖြင့် သေဆုံးနိုင်သည်။

ဤသည်မှာ မင်းသားက ချူးယွင်ဖန်းကို ဝိုင်းထားရန် အလွန်ယုံကြည်မှု ရှိခဲ့သော အဓိက အကြောင်းအရင်းဖြစ်သည်။ မဟုတ်လျှင် ချူးယွင်ဖန်း၏ ရက်စက်သော ဂုဏ်သတင်းနှင့် သူသတ်ခဲ့သည့် ရွှေအမတေအဆင့် အရေအတွက်ကို အဘယ်ကြောင့် သူ ဤမျှ သိနေသနည်း။

ချူးယွင်ဖန်းသည် တိုက်ခိုက်မှုကို ရှောင်တိမ်းခဲ့သော်လည်း ချက်ခြင်း နှိမ်နှင်းခြင်းခံနေရသည်ဟု သူခံစားလိုက်ရသည်။ သွေးတပ်သားများက သူ့ကိုဝိုင်းထားခဲ့ကြကာ ၎င်းတို့၏ စစ်ဝိဉာဉ်များသည် ကောင်းကင်နှင့်မြေကြီးကို လွှမ်းခြုံလုနီးပါးဖြစ်ခဲ့သည်။ ၎င်းတို့သည် ချူးယွင်ဖန်းကို ပြင်းပြင်းထန်ထန် နှိပ်ကွပ်ရန် ကမ္ဘာကြီး၏ စွမ်းအားကို အပြည့်အဝ အစားထိုးခဲ့သည်။

ချူးယွင်ဖန်းသည် သဘာဝတရားထံမှ စွမ်းအားကို ငှါးယူခြင်းမှ ဟန့်တားနေသကဲ့သို့ တစ်ကမ္ဘာလုံးမှ တွန်းလှန်ခြင်းကို ခံရသကဲ့သို့ နားမလည်နိုင်သော စွမ်းအားများဖြင့် တွန်းလှန်နေသကဲ့သို့ ခံစားရသည်။ ဤသည်မှာ ထိုစစ်စိတ်ဝိဉာဉ်၏ ကြောက်မက်ဖွယ်အကောင်းဆုံး အစိတ်အပိုင်းဖြစ်သည်။

မူလက သိုင်းပညာရှင်များသည် သဘာဝမှ လုံလောက်သော ဝိညာဉ်စွမ်းအင်ကို ချေးယူနိုင်ကြသည်။ အဆုံးမရှိဟု ဆိုနိုင်ကာ မကုန်နိုင်ပေ။ သို့သော်လည်း စစ်တပ်၏ ဝိညာဉ်ဆီ ဖိနှိပ်ခံရပြီးနောက် ၎င်းတို့သည် သဘာဝတရားထံမှ စွမ်းအားကို ချေးငှား၍မရတော့ပေ။ ချက်ခြင်းမသတ်နိုင်လျှင်ပင် တဖြည်းဖြည်းချင်း သေသွားနိုင်သည်။

"မင်းငါ့ကိုသတ်ချင်တယ်ဟုတ်လား ငါမင်းကိုအရင်သတ်မယ်” ချူးယွင်ဖန်းက အော်လိုက်သည်။

ခဏအကြာတွင် မင်းသားရှေ့၌ ပေါ်လာသည်။ သို့သော် သူ၏ လှုပ်ရှားမှုများသည် အနည်းငယ်နှေးကွေးသည်။ လေထဲတွင်ရှိသော စစ်စိတ်ဝိညာဉ်သည် ရေထဲတွင် လမ်းလျှောက်နေသူကဲ့သို့ပင် သူ၏ လှုပ်ရှားမှုအရှိန်ကို နှေးကွေးစေသည်။ သို့ထိတိုင် ချူးယွင်ဖန်းက အလွန်လျင်မြန်လွန်းနေတဲဖြစ်သည်။ တစ်ခဏချင်း၌ပင် သူ့ပစ်မှတ်ရှေ့တွင် ပေါ်လာသည်။

မင်းသားက အော်ဟစ်၍ ချူးယွင်ဖန်းကို လှံဖြင့်ထိုးလိုက်သည်။ ဤလှံသည် ကမ္ဘာကို ဝါးမြိုတော့မည့် ဧရာမ မြွေနက်ကြီးနှင့်တူသည်။ တခဏချင်း၌ပင် ချူးယွင်ဖန်းကို ဝါးမြိုတော့မည်။

ဤအခိုက်အတန့်တွင် ချူးယွင်ဖန်းသည် ရုတ်တရက် ကြုံးဝါးကာ လက်ကိုဝှေ့ယ််းလိုင်ပြီးနောက် လှံကို လွင့်ထွက်သွားစေခဲ့သည်။ ချူးယွင်ဖန်း၏ တိုက်ခိုက်မှုက ပို၍ပင် တုန်လှုပ်စဖွယ်ကောင်းသည်။ လက်သီး၏ ရောင်ဝါက ရွှေရောင်သဏ္ဍာန်အသွင်ပြောင်းသွားကာ မင်းသားကို ထိမှန်သွားသည်။

ဘမ်း

မင်းသားက လက်သီးနှင့်ထိုးသည်။ အလွန်အရှိန်ပြင်းပြင်းဖြင့် တောင်ပေါ်သို့ ရောက်သွားသည့်နှယ် ခံစားလိုက်ရသည်။

ဖွီး!

မင်းသားက သွေးတစ်ပွက် အန်ထုတ်၍ ကြိုးပြတ်သွားသည့် စွန်တစ်စင်းနှယ် နောက်ပြန်လွင့်ထွက်သွားသည်။ ပြင်းထန်သော ဝေဒနာက ချက်ချင်း နိုးထလာသည်။ သို့သော် ချူးယွင်ဖန်းသည် ဤမျှ အစွမ်းထက်သည်ဟု သူ မတွေးမိထားသေးပေ။ သူ၏ ကျင့်ကြံရေးအဆင့်က သွေးဘုရင်ထက် များစွာနိမ့်ကျသော အမတေမဲ့အဆင့် အထွတ်အထိပ်သို့ ရောက်နေပြီဖြစ်သည်။ ဤကဲ့သို့ ကျင့်ကြံမှုသည် ကမ္ဘာကြီးကို စိုးမိုးရန် လုံလောက်သော်လည်း ချူးယွင်ဖန်းအတွက် အသုံးမဝင်ပေ။

မင်းသားက ချူးယွင်ဖန်းကြောင့် အပြင်းအထန်ဒဏ်ရာရသည်ကို တွေ့လိုက်သောအခါ၊ ကျင်းကျန်းဟန်၏ အမတေမဲ့အဆင့်သုံးဦးသည် ချူးယွင်ဖန်းကို တားဆီးရန် ကြိုးပမ်းကာ ချက်ချင်းပင် ထွက်လာကြသည်။

"ငါ့ကို တားဖို့ ကြိုးစားနေတာလား”

ချူးယွင်ဖန်းသည် လက်သီးကို ဆုပ်ကာ ကြောက်မက်ဖွယ်ကောင်းသောအရှိန်ဖြင့် ထိုးလိုက်သည် ။

ဘမ်း

ကျယ်လောင်သောပေါက်ကွဲသံနှင့်အတူ ချူးယွင်ဖန်း၏လက်သီးဖြင့်ပြုလုပ်ထားသော ရွှေရောင်အသူရာက ကျွမ်းကျင်သူသုံးဦးကို ထိမှန်ခဲ့သည်။

"ဟားဟား”

ကျွမ်းကျင်ပညာရှင် သုံးဦးသည် ၎င်းတို့၏ ခန္ဓာကိုယ်များ လေထုထဲတွင် ပေါက်ကွဲမသွားမီ နာကျင်စွာ အော်ဟစ်လိုက်ကြသည်။ ချက်ချင်းပင်၊ လူတိုင်းကို တိုက်ခိုက်ဝံ့သည့် သွေးတပ်သားများပင်လျှင် ၎င်းတို့၏ အရှိန်အဟုန် ရပ်တန့်သွားသည်ကို ခံစားမိနိုင်သည်။ ချူးယွင်ဖန်းသည် အလွန်ကြောက်မက်ဖွယ်ကောင်းသည်။ လက်သီးတစ်ချက်ဖြင့် သူသည် အမတေမဲ့အဆင့်သုံးဦးကို ပေါက်ကွဲသွားစေခဲ့သည်။

ဤသည်မှာ ရွှေအမတေအဆင့်များဖြစ်ကြသည်။

၎င်းတို့သည် အမတေမဲ့အဆင့်နိမ့်တွင်သာရှိသော်လည်း ကျင်းကျန်းဟန်တွင် အဆင့်မြင့်ကာ ထက်မြက်သောပုဂ္ဂိုလ်များဖြစ်နေဆဲဖြစ်သည်။ ၎င်းတို့နှင့် နှိုင်းယှဥ်နိုင်သူ အလွန်နည်းပါးသည်။ ယခုမူ၊ သူတို့သည် ချူးယွင်ဖန်း၏ လက်သီးချက်မှပင် မလွတ်မြောက်နိုင်ကြတော့ပေ။

တစ်ဖက်တွင်မူ မဟာဝေ့နိုင်ငံမှ လူငယ်လေးကို ကိုင်တွယ်ရန် အဘယ်ကြောင့် သွေးတပ်သား ၃၀,၀၀၀ အား စည်းရုံးရန် လိုအပ်ကြောင်း နောက်ဆုံးတွင် မင်းသားက နားလည်ခဲ့သည်။ ထိုသို့သော စည်းမျဥ်းများဖြင့် မဟာဝေ့နိုင်ငံ၏ နံပါတ်တစ် ကျွမ်းကျင်သူ ယွင်ဟွမ်သည် သွေးတပ်သားများ ဝိုင်းရံထားလျှင်ပင် သေပေလိမ့်မည်။ ရှင်သန်ရန် မဖြစ်နိုင်ပေ။

ကျင်းကျန်းဟန်တွင် သွေးတပ်သားများကို ရှားရှားပါးပါး အသုံးပြုခဲ့ခြင်း ဖြစ်သောကြောင့် ၎င်းတို့ကို အသုံးပြုပြီးသည်နှင့် အစုလိုက်အပြုံလိုက် သတ်ဖြတ်မှု ဖြစ်လာမည်ဖြစ်သည်။ လူတစ်​​ယောက်​အတွက်​ ထိုသို့ လွှတ်လိုက်သည်မှာ နှစ်​တစ်​ရာ​ပင်ရှိနေပြီဖြစ်သည်။ သို့သော်လည်း ဖခင်ဖြစ်သူက ချူးယွင်ဖန်းကို လျှော့မတွက်ကြောင်း ယခု သူနားလည်လာသည်။ ဤ ချူးယွင်ဖန်းသည် အမှန်တကယ်ပင် ထိုသို့သော ခွန်အားများ ရှိသည်။ ဤသည်က ရိုးရှင်းစွာပင် ကြောက်မက်ဖွယ်ကောင်းသည်။

သူ မယုံနိုင်ခဲ့ပေ။ အသက်နှစ်ဆယ်ကျော်မျှသာရှိသေးသော ချူးယွင်ဖန်းသည် ဤမျှထိတ်လန့်ဖွယ်ကောင်းနေမည်လား။ နှောင်းပိုင်း အမတေမဲ့အဆင့်သို့ တက်လှမ်းလာခဲ့သော သူသည် ချူးယွင်ဖန်း၏ လက်သီးတစ်ချက်ကိုပင် မခံနိုင်ပေ။ ထို့အပြင် အစီရင်ခံစာအရ ချူးယွင်ဖန်းသည် ရွှေအမတေအဆင့်သို့ပင် မဝင်ရောက်သေးပေ။

'သူသာ ရွှေအမတေအဆင့်ကို ရောက်သွားရင် ဘာဖြစ်မလဲ”

ဤသည်ကို တွေးကြည့်၍ မင်းသား၏ သတ်ပစ်ချင်စိတ်က ပို၍ပင် ဆူပွက်သွားသည်။ ကျင်းကျန်းဟန်အတွက်၊ အကယ်၍ ၎င်းတို့သာ ထိုလူကို မသတ်ခဲ့ပါက ငြိမ်သက်စွာ အိပ်နိုင်၊ စားသောက်နိုင်မည်မဟုတ်ပေ။ အနှေးနှင့်အမြန်ဆိုသကဲ့သို့ပင် ကျင်းကျန်းဟန်သည် ဘဝပြောင်းသွားပေလိမ့်မည်။

မင်းသားက တပ်တွင်းသို့ ဆုတ်ခွါသွားကာ တပ်နှင့် တသားတည်း ဖြစ်လာသည်။ ထိုမှသာ နောက်ဆုံးတွင် အနည်းငယ်ပို၍ လုံခြုံသည်ဟု ခံစားရ၍ သူ၏ဒဏ်ရာများကို ကုသရန် သူ့ခန္ဓာကိုယ်တွင်းရှိ စွမ်းအားအားလုံးကို လှည့်ပတ်ရန် အချိန်ရခဲ့သည်။ ချူးယွင်ဖန်း၏ လက်သီးသည် သူ့ခံစစ်မှော်ကိရိယာကို ကွဲကြေစေကာ ပြာအဖြစ်သို့ ပြောင်းလဲသွားစေသည်။ ဤကဲ့သို့ ကြောက်မက်ဖွယ် မွန်းစတားတစ်ကောင်ကို သူ တစ်ခါမျှ မကြုံဖူးပေ။

သူ့နံရိုးများ အကုန်ကျိုးသွားသည်။

အကယ်၍ အရေးကြီးသောအခိုက်အတန့်တွင် ချူးယွင်ဖန်းသည် ထို စစ်တပ်ဝိဉာဉ်ကြောင့် နှောင့်နှေးခြင်းမရှိပါက၊ ချူးယွင်ဖန်း၏ ထိုးနှက်ခြင်းခံရလိမ့်မည်။ ယင်းက ကြောက်စရာအကောင်းဆုံးဖြစ်သည်။

"ချူးယွင်ဖန်း၊ မင်းသေပေတော့။ ကျင်းကျန်းဟန်ရဲ့ ကမ်းလှမ်းချက်ကို မင်းငြင်းလိုက်တာနဲ့ မင်းကိင်္သချိုင်းနေရာမရှိဘဲ သေအောင်လုပ်ပေးမယ်!" မင်းသားက ပြောသည်။

"တိုက်ခိုက်၊ သတ်ပစ်”

အမိန့်ပေးသည်နှင့် တပြိုင်နက် စစ်တပ်တစ်ခုလုံး ပြင်းထန်စွာ စတင်လှည့်ပတ်လာသည်။ ဖွဲ့စည်းပြီးသား တပ်မတော်၏ စိတ်ဝိဉာဉ်က ပို၍ပင် ခိုင်မာလာသည်။ သူ့လက်ထဲက ဓားမြှောင်ပုဆိန်ကို ကိုင်လိုက်ကာ ချူးယွင်ဖန်းကို ရိုက်ချလိုက်သည်။

ဘမ်း

သာမန်မျက်စိဖြင့် မြင်နိုင်သော အရှိန်ဖြင့် လေသည် ပြိုကျလာသည် ဓားမြှောင်ပုဆိန်သည် ချူးယွင်ဖန်းကို တိုက်ရိုက်ဖုံးအုပ်ထားသော နဂါးရှည်နှင့်တူသည်။