အခန်း (၃၉)

အရေးကိစ္စအားလုံး ပြီးဆုံးသွားပြီးအိတ်ငွေထည့်ပြီးချိန်တွင် ကောင်းကင်ကမှောင်စပြုနေပြီဖြစ်သည်။

ကျောက်ချောင်နှင့် သူ့အဖော်နှစ်ဦးတို့ကအလျင်အမြန် ပြန်သွားကြသည်။

"အဲ့ဒီ ဂိုဏ်းက မကြာသေးခင်က ပြဿနာတွေ အများကြီး ရှာနေတာ လူတွေ နေ့တိုင်း သေနေကြတယ် မြန်မြန် အိမ်ပြန်ကြစို့ ညီလေး ရှီမင်းလည်း ဂရုစိုက်ပါ"

ချန်ဆန်းရှီကထူးဆန်းသည်ဟု ခံစားရသည်။

သီအိုရီအရ ထိုလူများက ပိုယန်တွင် ခေါင်းငုံ့နေသင့်သော်လည်း အဘယ်ကြောင့် ထွက်လာ၍ ပြဿနာရှာဝံ့ပါသနည်း။

သူတို့ကို ဘယ်တော့မှ ရှာတွေ့နိုင်မလဲ မသိနိုင်ပေ။

လက်ထဲတွင် ငွေများဖြင့် ချန်ဆန်းရှီ ဆေးဆိုင်သို့ ရောက်လာသော်လည်း ဆိုင်ပိတ်နေသည်ကို တွေ့လိုက်ရသည်။

ယွန်ဟဲဆေးဆိုင်သာမက ကျန်းကွမ်ဆေးဆိုင်ပင် ပိတ်ထားသည်။

"ငါ နောက်ကျသွားပြီလား"

သူ အလျင်စလို မဖြစ်ပေ မနက်ဖြန် လာလျှင်လည်း အတူတူပင်။

အိမ်သို့ အလျင်အမြန် ရောက်ရှိလာသောအခါ ဂူရှင်းလန်နှင့် ရွီဘင်ရဲ့ဇနီး အစ်မ တုံ တို့သည် ခြံဝန်းထဲတွင် ဖိနပ်ခံပြားများ ပြုလုပ်နေကြသည်။ သွေးစွန်းနေသော ကျားအရေခွံကို လွှမ်းခြုံထားသူတစ်ဦး အထဲသို့ ဝင်ရောက်လာသည်ကို မြင်သောအခါ သူတို့သည် ကြောက်လန့်တကြား အော်ဟစ်ကာ လေတိုက်လို့ ပန်းပွင့်များကဲ့သို့ တုန်ယင်နေကြသည်။

"အစ်ကို ရှီ..."

ဂူရှင်းလန်ရဲ့နှလုံးသားကတဒိတ်ဒိတ်ခုန်နေပြီး မယုံကြည်နိုင်စွာဖြင့် "ရှင် ကျားကြီးကို သတ်ခဲ့တာလား"

ချန်ဆန်းရှီက သူ့ပစ္စည်းများကို ချလိုက်ပြီး အစ်မ တုံကို တောင်းပန်

တယ်" အမ ဒီမှာ ရှိနေမှန်း မသိဘူး"

"ရပါတယ် ရပါတယ်"

သွေးစွန်းနေသော လူငယ်ကို ကြည့်ရင်း အစ်မ တုံသည် ထပ်မံ မနေရဲတော့ဘဲ အလျင်အမြန် ထွက်ခွာသွားသည်။

"အစ်ကို ရှီတကယ်..."

ပြန်လည် သတိရလာသောအခါ ဂူရှင်းလန်ကပစ္စည်းများ ချရာတွင် ကူညီရန် လာသည် "အစ်မ တုံက ကိုယ်ဝန်ရှိနေတာ ရှင် သိသားပဲ"

"ကျွန်တော့် အမှားပါ"

ချန်ဆန်းရှီက သူ့ရဲ့သံချပ်ကာကို ချွတ်လိုက်သည် "အမ လန် မင်းအတွက် ခက်ခဲစေခဲ့ပြီ ကျားနှလုံးနဲ့ ကျားသားကို အတူတူ ချက်ပေးပါ ကျားအရေခွံကိုတော့ အားတဲ့အခါ ပြင်ဆင်လိုက်ပါ စောင် ဒါမှမဟုတ် တစ်ခုခု လုပ်ပေါ့"

ဆောင်းဦးနှောင်းပိုင်းဖြစ်ပြီး ရာသီဥတု ပိုအေးလာသည်။ ကျားအရေခွံကို နွေးထွေးမှုအတွက် အသုံးပြုနိုင်သည်။

"ကောင်းပါပြီ ရှင် မျက်နှာကို ဆေးကြောပါဦး"

ဂူရှင်းလန်က လှည့်သွားပြီး မီးဖိုချောင်တွင် အလုပ်ရှုပ်နေသည်။

ပန်းကန်များကို တစ်လုံးပြီးတစ်လုံး စားပွဲပေါ် တင်လိုက်သည်။

ကျားနှလုံးနှင့် အမဲသား၊ ဘဲဥအငန်၊ ထမင်းဖြူနှင့် ထို့အပေါ်တွင် ဆေးဖက်ဝင်အပင်များဖြင့် ပြုလုပ်ထားသော သွေးအားဖြည့်ဆေးရည် အလွန် ကြွယ်ဝသော ညစာ ဖြစ်သည်။

ချန်ဆန်းရှီကကျားနှလုံးကို ကိုက်စားလိုက်သည်။

"အစ်ကို ရှီ၊ အဲ့ဒါတွေကို... နည်းနည်း လျှော့စားပါလား" ဟု ဂူရှင်လန်က တွန့်ဆုတ်စွာ တောင်းဆိုရင်း နှုတ်ခမ်းကို ကိုက်လိုက်ပြီး မျက်နှာ နီမြန်းသွားသည်။

"ဟင်?"

ချန်ဆန်းရှီခဏ ရပ်သွားသည်။

သူ မှတ်မိသည် ပြီးခဲ့သည့်တစ်ကြိမ်က ဝက်ဝံနှလုံးသား စားပြီးနောက် သူရဲ့ချီ-သွေး ကအလွန်အမင်း ပေါများလာပြီး အမလန်ကို အတော်လေး ဒုက္ခပေးခဲ့သည်။

"ရပါတယ်"

ချန်ဆန်းရှီက အဆက်မပြတ် ပါးစပ်အပြည့် စားနေသည်"ကျွန်တော် အရင်ကလို မဟုတ်တော့ဘူး အခု ထိန်းချုပ်နိုင်ပြီ"

သီးသန့်ဝယ်ယူပါက ကျားနှလုံးသည် အနည်းဆုံး ငွေ သုံးဆယ်တေးသို့မဟုတ် ထို့ထက်ပို၍ ကုန်ကျမည်ဖြစ်ပြီး ၎င်းသည်ပင် မသေချာပေ။

ကျားကြီးများကနေရာတိုင်းတွင် တွေ့ရသော ယုန်များကဲ့သို့ ပေါများခြင်း မရှိသောကြောင့်ဖြစ်သည်။

ကျားနှလုံးသားကို အနည်းငယ် စားသုံးလိုက်ပြီးနောက် ချန်ဆန်းရှီရဲ့ခန္ဓာကိုယ်ကမီးကဲ့သို့ ပူနွေးလာပြီး ဝက်ဝံနှလုံးသား၏ အကျိုးသက်ရောက်မှုထက်ပင် ပိုမိုအားကောင်းလာသည် ထို့အပြင် သူကအနိုင်ကျင့်လိုသော ပြင်းပြသည့် စိတ်ဆန္ဒကို ခံစားလိုက်ရသည်။

သူသည် ကြမ်းကြုတ်သော ကျားကဲ့သို့ သွေးဆာနေသည့် သတ်ဖြတ်လိုစိတ်ကို နှစ်သက်နေသလိုမျိုးပင်။

ဤစွမ်းအင်ကို အခွင့်ကောင်းယူ၍ ချန်ဆန်းရှီကဗိုက်ပြည့်စေရန် အမဲသားနှစ်လုပ်ကို ပါးစပ်ထဲ ထိုးထည့်လိုက်ပြီး ဆူပွက်နေသော သွေးဖြည့်ဟင်းချိုကို အကုန်သောက်လိုက်ကာ ကျူရွက်လှံ ကို ကိုင်ဆောင်၍ လေ့ကျင့်ရန် ခြံဝန်းထဲသို့ ဝင်သွားသည်။

ဆောင်းဦးနှောင်းပိုင်းတွင် သူတို့အိမ်အပြင်ဘက်၌ သစ်ပင်များစွာ ရှိပြီး လေတိုက်ခတ်လာသော အရွက်ခြောက်များသည် ခြံဝန်းထဲတွင် ပြည့်နှက်နေသည်။

လှံရှည်ကတရွှီးရွှီးမြည်ကာ ခြံဝန်းထဲရှိ ဝါခြောက်နေသော အရွက်များကို သိမ်းကျုံးယူသွားပြီး လှပသော လိပ်ပြာထောင်ပေါင်းများကဲ့သို့ လူငယ်

ပတ်လည်တွင် ကခုန်နေသည် သို့သော် ထိုလိပ်ပြာများသည် အဆုံးမဲ့ သတ်ဖြတ်လိုစိတ်ကို ထုတ်လွှတ်နေသည် ၎င်းတို့ကပိုမိုမြန်ဆန်လာပြီး လေဆင်နှာမောင်းအဖြစ်သို့ ပြောင်းလဲသွားကာ ချဉ်းကပ်လာသည့် အရာအားလုံးကို ဖျက်ဆီးပစ်ရန် ရည်ရွယ်နေသကဲ့သို့ပင်။

ပြင်းထန်သော သတ်ဖြတ်လိုစိတ် သို့သော် အသက်ရှူမှားလောက်အောင် လှပသည်။

ဂူရှင်းလန်သည် ၎င်းကို စွဲမက်စွာ ကြည့်နေခဲ့သည်။

ဘယ်နှစ်ရက် ရှိသွားပြီလဲ။

လွန်ခဲ့သည့် တစ်လကျော်ခန့်က သူတို့သည် အခွန်ပေးဆောင်ရန်အတွက် စိုးရိမ်ပူပန်နေကြရဆဲ ဖြစ်သည်။

ယခုအခါတွင် သူတို့သည် ကောင်းကောင်းမွန်မွန် စားသောက်ဝတ်ဆင်နိုင်ရုံသာမက အမျိုးသားသည် သိုင်းပညာကြီးတစ်ခုကိုလည်း သင်ယူခဲ့ပြီးဖြစ်သည် အိပ်မက်ထဲတွင် နေထိုင်ရသကဲ့သို့ပင်။

တစ်ဦးက သိုင်းပညာ လေ့ကျင့်ကာတစ်ဦးက ကြည့်ရှုနေပြီး

မသိလိုက်ဘဲ နေဝင်သွားပြီး မှောင်ရိပ်ကျလာကာ ကြယ်များသည် ညကောင်းကင်ကို အလင်းပေးနေသည်။

ချန်ဆန်းရှီကချွေးများဖြင့် ရွှဲနစ်နေကာ အဆုံးတွင် ရပ်လိုက်သည်။

"ဟူး..."

သူက အသက်ရှူထုတ်လိုက်ပြီး လှံရှည်ကို ခြံဝန်းထဲရှိ ဇီးပန်းပင်အောက်တွင် စိုက်ထူလိုက်သည်။

[လေ့ကျင့်မှု- စစ်တပ်အခြေခံလှံပညာ (ကျွမ်းကျင်အဆင့်)]

[တိုးတက်မှု- (၁၂၀/၁၀၀၀)]

[စွမ်းဆောင်ရည်- လှံလှုပ်ရှားမှု လျင်မြန်ခြင်း၊ အံ့ဖွယ် ခံနိုင်ရည်၊ ချီ-သွေး ခိုင်မာခြင်း]

"ဒီကျားနှလုံးက တကယ်ကို ထူးခြားတဲ့ အာနိသင်ရှိတာပဲ"

"မနက်ဖြန် အားဖြည့်ဆေးတွေ ထပ်ဝယ်မယ် လဝက်အတွင်းမှာ ငါ ကျွမ်းကျင်မှု အနည်းငယ်ကို ထိုးဖောက်နိုင်ရမယ်"

"ဟူး..."

လှံသိုင်းကို နာရီပေါင်းများစွာ လေ့ကျင့်ပြီးနောက်တွင်ပင် ချန်ဆန်းရှီကကျားနှလုံးသားနှင့် သွေးဖြည့်ဟင်းချို၏ အာနိသင် ဆက်လက် အလုပ်လုပ်နေသည်ကို ခံစားနေရဆဲဖြစ်ပြီး သူ့သွေးများကို ဆူပွက်နေစေသော်လည်း သူ့ကြွက်သားများသည် ခဏတာ အနားယူရန် လိုအပ်နေသည်။

" ချွေးသုတ်ပါဦး"

ဂူရှင်းလန်သည် သဘက်ကို ကြိုတင် ပြင်ဆင်ထားပြီး လူငယ်ကဲ့နဖူးကို စိတ်ရှည်စွာ သုတ်ပေးနေသည် "ဗိုက်ဆာနေပြီလား ဘာစားချင်လဲ အင်း..."

သူမရဲ့ နူးညံ့သော လက်ကောက်ဝတ်ကို ရုတ်တရက် တင်းတင်း ဆုပ်ကိုင်ခံလိုက်ရသည်။

"အစ်ကို ရှီ ရှင်ဘာလုပ်နေတာလဲ"

"လုပ်မှာပေါ့.."

ချန်ဆန်းရှီက အမလန်ကို ခါးမှ ပွေ့ချီကာ အိပ်ခန်းဆီသို့ တန်းတန်းမတ်မတ် ဦးတည်လိုက်သည်။

"သားရဲနှလုံးတွေ အများကြီး မစားဖို့ ကျွန်မ ပြောသားပဲ"

နောက်တစ်နေ့။

ချန်ဆန်းရှီ စစ်တပ်စခန်းအဝင်ဝသို့ ရောက်သောအခါ ဖုန်မှုန့်များဖြင့် ဖုံးလွှမ်းနေသော လူတစ်စု ပြန်လာသည်နှင့် တိုက်ဆိုင်စွာ တွေ့လိုက်ရသည်။

ရှေ့မှ မြင်းစီးလာသူမှာ လော်တုန်ချွမ် ဖြစ်သည်။

တပ်သားများ အလယ်တွင် လှောင်အိမ်တစ်ခု၌ လူတစ်ဦးကို ထည့်

ထားပြီး

ထိုလူကရှင်မင်းဆက် ၏ အရပ်သား အဝတ်အစားကို ဝတ်ဆင်ထားသော်လည်း သူ့ရဲ့ပုံပန်းသဏ္ဌာန်သည် တစ်မျိုးတစ်မည် ထူးခြားနေပြီး သဟဇာတမဖြစ်သော ခံစားချက်ကို ပေးသည်။

လော်တုန်းချွမ်က သူ့ကို စကားတစ်ခွန်းမှ မပြောဘဲ ကြည့်လိုက်ပြီးနောက် တပ်ဖွဲ့ကို စစ်တပ်စခန်းထဲသို့ ဦးဆောင်သွားသည်။

"ရာစုမှူး ကျုံး"

ချန်ဆန်းရှီတပ်ဖွဲ့ရဲ့နောက်ဆုံးမှ လိုက်လာသော ရာစုမှူး ကျုံးကို တွေ့လိုက်သည်"ဒီလူက..."

"ဟုတ်တယ် သူက မိစ္စာဂိုဏ်း ကပဲ"

ရာစုမှူး ကျုံးက ကျိန်ဆဲရင်း "ဒီကောင်ကရဲတင်းတယ် ငါတို့ တစ်မြို့လုံး လိုက်လံ ဖမ်းဆီးနေတာကို သူက နွေဦးဆောင် ကို သွားပြီး မိန်းကလေးတွေနဲ့ ပျော်ပါးရဲသေးတယ်"

"သူက အဲ့ဒီလောက် တောင်ရဲတင်း ရှိတာလား" ဟု ချန်ဆန်းရှီက မေးသည်။

"ရဲတင်းတယ်"

ရာစုမှူး ကျုံးက "ငါသာ ဘေးခန်းမှာ အစ်မ ရူယန် နဲ့ အပြိုင်အဆိုင် မလုပ်ခဲ့ရင် ဘယ်သူ သိမှာလဲ တကယ်ကို မီးခွက်အောက်က အမှောင် ပဲ"

"..."

ချန်ဆန်းရှီကထိုကိစ္စကို ဂရုမစိုက်ပေ။

သူ စိတ်ဝင်စားသည်မှာ နတ်ဘုရားရတနာ ဖြစ်သည်"မိစ္စာဂိုဏ်းက လူအားလုံး ဖမ်းမိပြီလား"

"အားလုံးတော့ မမိသေးဘူး"

ရာစုမှူး ကျုံးကသူ့ရဲ့ နှာခေါင်းကို တို့ထိလိုက်သည် "ဒါပေမဲ့ မကြာခင် ဖြစ်လာမှာပါ တစ်ယောက်ကို ဖမ်းမိထားပြီဆိုတော့ ကျန်တဲ့သူတွေ ဘယ်မှာ ပုန်းနေလဲဆိုတာ ထုတ်ပြောအောင် မလုပ်နိုင်မှာ စိုးရိမ်စရာ ရှိသေးလို့လားနောက်ထပ် ရက်အနည်းငယ်ပဲ ကြာပါလိမ့်မယ်"

ချန်ဆန်းရှီ သက်ပြင်းချလိုက်သည်။

ကိစ္စက မပြီးဆုံးသေးဘူး ဆိုလိုတာက နတ်ဘုရားရတနာရဲ့ သော့ကို မတွေ့သေးဘူး အခွင့်အရေး ရှိနေသေးတယ်။

ဟုတ်ပါတယ် သူကအခြေအနေအရ လုပ်ဆောင်မည်ဖြစ်ပြီး သူ့အသက်ကို စွန့်စားမည်မဟုတ်ပေ။

နောက်ဆုံးတော့ သူက သေတ္တာကို ကိုင်ထားပြီး သော့က ဘယ်သူ့လက်ထဲ ရောက်နေလဲဆိုတာ သိဖို့သာ လိုအပ်ပြီး အဲဒီနောက် ဖြည်းဖြည်းချင်း အစီအစဉ်ဆွဲလို့ ရပြီ။

တပ်ဖွဲ့ စစ်တပ်စခန်းထဲသို့ ဝင်သွားသည်ကို ကြည့်ပြီး ချန်ဆန်းရှီကလည်း သူ့ရဲ့ကိစ္စများနှင့် အလုပ်ရှုပ်နေသည်။

သူက ပန်းပဲရုံသို့ သွားပြီး သူ့ရဲ့လိုအပ်ချက်များကို ဖော်ပြလိုက်သည်။

တာဝန်ခံဖြစ်သူမှာ ကိုယ်အပေါ်ပိုင်း ဗလာကျင်းထားသော နူကိုင်ဟု အမည်ရသည့် သတ်လတ်ပိုင်းအရွယ် အမျိုးသားတစ်ဦးဖြစ်ပြီး သူ့တွင် ကြွက်သားများ အံ့ဩလောက်အောင် ဖွံ့ဖြိုးနေသည်။

သူရဲ့အလုပ်ကို ရပ်လိုက်ပြီး အဝတ်စဖြင့် ချွေးများကို သုတ်လိုက်ပြီး"မင်း ဘယ်လောက် အားရှိတဲ့ လေးကို လိုချင်တာလဲ"

"ဆယ်ပိသာ"

ချန်ဆန်းရှီ ကျားရိုးရဲ့ ပိုမိုမာကျောသော အပိုင်းအစ အနည်းငယ်သာ ကျန်တော့သည်။

"ကျားရိုးလား"

နူကိုင်က ဦးခေါင်းခွံကို ကောက်ယူ ကိုင်ကြည့်လိုက်ပြီး "နွားချို သစ်မာကို အစားထိုးပြီး လေးလုပ်ရင် ကောင်းတယ် ဒါပေမဲ့ လေးရဲ့ ကိုယ်ထည်ကို လုပ်ဖို့တော့ ပြန်လည်ခုန်နိုင်စွမ်း အနည်းငယ် လျော့နည်းနေတယ် ငါ အကြံပေးချင်တာက အနှစ်ငါးဆယ်ကျော် သက်တမ်းရှိတဲ့ ခရမ်းရွှေဝါး ကို သုံးဖို့ပဲ အဲဒါနဲ့တောင် ဆယ်ပိသာလေး လုပ်ဖို့ ခက်တယ် အများဆုံး ခြောက်

ပိသာဒါမှမဟုတ် ခုနစ်ပိသာပဲ ရမယ်"

"ခြောက်ပိသာဒါမှမဟုတ် ခုနစ်ပိသာလား"

ချန်ဆန်းရှီက "ဆယ်ပိသာလေးကို ဘယ်လိုလုပ်လို့ ရနိုင်မလဲ"

သူက လေ့ကျင့်ရေးအတွက် အသုံးဝင်မည့် လေးကြီးတစ်လက် ပြုလုပ်ရန် မျှော်လင့်နေဆဲဖြစ်ပြီး လေးနှင့် မြှားများကို အဆက်မပြတ် ပြောင်းလဲနေစရာ မလိုတော့ချေ။

နူကိုင်က "ယေဘူယျအားဖြင့် လေးကြိုးတွေကို နွားချိုနဲ့ နွားအရွတ်တွေနဲ့

လုပ်တာ အပေါ်ပိုင်း ကန့်သတ်ချက် ရှိတယ် ဆယ်ပိဿာ ဆွဲအားရှိတဲ့ လေးကို အတင်းအကျပ် လုပ်ရင်တောင် လက်တွေ့ အသုံးဝင်မှုက အလွန် ညံ့ဖျင်းလိမ့်မယ် ကျားအရွတ်ကလည်း အလုပ်မဖြစ်ဘူး ကြိုးအမျိုးအစားက ထူးဆန်းတဲ့ သားရဲ ရဲ့ အရွတ် ဒါမှမဟုတ် ပိုကောင်းတဲ့ ထူးဆန်းတဲ့ သားရဲရဲ့ အရွတ်ကို သုံးမှ ရမယ်"

"သမင်ကော"

ချန်ဆန်းရှီ ခဏ ရပ်သွားပြီး "ကျွန်တော် ပြောတာက ထူးဆန်းတဲ့ သားရဲ သမင်ဖြူ ကို ဆိုလိုတာပါ"

"သမင်အရွတ်က ပျော့ပြောင်းမှုရှိတယ် ထူးဆန်းတဲ့ သားရဲတွေဆိုရင် ပိုလို့တောင် ကောင်းတယ် သေချာပေါက် လုပ်နိုင်ပါတယ်"

နူကိုင်က "မင်းသာ သမင်အမျိုးအစားက ထူးဆန်းတဲ့ သားရဲကို တကယ် ရှာနိုင်ရင် ဆယ်ပိသာကို ကျော်လွန်တဲ့ လေးတစ်လက်ကို ငါ မင်းအတွက် သေချာပေါက် လုပ်ပေးနိုင်တယ်"