အခန်း (၉၄၉+၉၅၀)

Chapter 949

Crazy Mining

တခဏအကြာတွင်မူ လောထျန်းတစ်ယောက် သူ့နဖူးသူ ပြန်ရိုက်၍ ပြော၏။

" ဘာလို့ အဲ့လိုခေါင်းခြောက်အောင် စဥ်းစားနေသေးတာလဲကွာ ။ အားလုံးကို တူးထုတ်လိုက်ရင် ပြီးသွားရော မဟုတ်ဘူးလား "

သူ ထိုသို့တွေးပြီး အသက်ပြင်းပြင်းရှိုက်၍ လှုပ်ရှားလိုက်သည်။

တဖက်မှ မြေပြင်စစ်ဆေးအစီအမံထဲ ရပ်နေသည့် ယင်ရှိမင်မှာလည်း မျက်လုံးများ အရောင်လက်သွား၏။

" ဟား ဟား.. ငါ့ကံကလဲ တော်တော်ကောင်းတာပဲ ။ နောက်ထပ် ကျောက်ရိုင်းတုံးတစ်ခုကိုတောင် တွေ့သွားပြီ ။ လောထျန်း.. မင်းကိုယ်မင်း ငါနဲ့ယှဥ်နိုင်မယ်လို့ ထင်နေသေးတာလား "

သူ့စိတ်ထဲမှ ကြိတ်တွေးလိုက်သည်။

သို့သော် ထိုစဥ်တွင်..

ဘုန်း... ဘုန်း ...

သူ့ဘေးနားဘက်မှ မြည်သံကျယ်တစ်သံ ရုတ်တရက်ပေါ်လာ၏။

" ဟင်... "

ယင်ရှီမင် အံ့သြသွားပြီး အသံလာရာဘက် လှည့်ကြည့်လိုက်ရာ.. တုန်လှုပ်စရာ မြင်ကွင်းတစ်ခုကို တွေ့လိုက်ရပါသည်။

တဖက်တွင်ကား.. လောထျန်းက ရွှေရောင်လက်ဝါးကြီးနှစ်ခုဖြင့် မြေပြင်သို့ တူးနေပါ၏။

ထိုတခဏ၌ ကျောက်တုံးများ လွင့်ထွက်လာပြီး ဖုန်မှုန့်များက ပတ်ဝန်းကျင်တစ်ခုလုံးကို ဖုံးလွှမ်းသွားသည်။

ယင်ရှီမင် မျက်မှောင်ကြုံ့သွားပြီး လှောင်ပြုံး ပြုံးလိုက်ပါ၏။

" ဟမ့်... အရှုပ်အထွေးကျောက်ရိုင်းကို ရှာမတွေ့

တော့ ကြုံရာနေရာကို တူးနေတာပဲ ။ သနားစရာကောင်း.... "

သို့သော် သူ့စကား မဆုံးခင်မှာပင် အနားမှတစ်ယောက်က တအံ့တသြ အော်ပြောပါသည်။

" ကြည့်လိုက်ဦးဟေ့... အရှုပ်အထွေးကျောက်ရိုင်းတွေ.. "

" တကယ်ကြီး အရှုပ်အထွေးကျောက်ရိုင်း တွေပဲ.. ဘာလို့ အဲ့လောက်များနေတာလဲ "

ထိုအသံများကြောင့် ယင်ရှီမင် စကားဆက်မပြောနိုင်ဘဲ သေချာ စူးစူးစိုက်စိုက် ကြည့်လိုက်၏။

ထိုအချိန်မှသာလည်း လောထျန်း၏လက် တစ်ခါလှုပ်ရှားသွားတိုင်း အရှုပ်အထွေးကျောက်ရိုင်း အနည်းဆုံးတစ်ခု ပါလာသည်ကို သူ မြင်လိုက်ရတော့သည်။

ထိုတခဏ၌ သူ ဖြစ်နိုင်ချေတစ်ခုကို တွေးမိလိုက်ပါ၏။

" သူ ဒီတိုင်းကြုံရာကို တူးနေတာမဟုတ်ဘဲ သေချာကြည့်ထားပြီးမှ တူးနေတာများလား ။ ဒါပေမယ့် ဘယ်လိုလုပ်ဖြစ်နိုင်မှာလဲ ... ဒီကောင်က မြေပြင်စစ်ဆေးအစီအမံ တစ်ခုလေးတောင် လုပ်ခဲ့တာမဟုတ်ဘူးလေ "

ယင်ရှီမင်တစ်ယောက် အမှန်တကယ်ပင် တုန်လှုပ်နေပါတော့သည်။

ထိုစဥ်...

ဝီ...

လောထျန်းက ရုတ်တရက် ရပ်လိုက်၏။

" ဟင်... ဒီကောင် ရပ်သွားပါလား ။ သူ့လုပ်နိုင်စွမ်း ဂိတ်ဆုံးကို ရောက်သွားတာထင်တယ် "

ယင်ရှီမင် တီးတိုးရေရွတ်လိုက်သည်။

သို့သော်... လောထျန်းက လက်ဝါးနှစ်ဖက်ပွတ်ရင်း မျက်မှောင်ကြုံ့နေပါ၏။

" ဒီလောက်အချိန်ယူပြီးတာတောင် ထောင်ဂဏန်း

နည်းနည်းလောက်ပဲ တူးနိုင်သေးတာပဲ။ ဒီနေရာတစ်ခုလုံးကို တူးပြီးဖို့ဆို ဘယ်လောက်တောင် ကြာမလဲမသိဘူး ။ အချိန်ဖြုန်းရာ ကျလိုက်တာကွာ "

သို့သော် တခဏအကြာတွင် သူ့မျက်လုံးများ ရုတ်တရက်အရောင်လက်သွားကာ ပြောပါသည်။

" ဟုတ်သားပဲ... ဟိုနည်းကို သုံးလို့ရတယ် "

သူ ပြောကာ လူအုပ်၏ အံ့အားသင့်နေသော အကြည့်အောက်မှာပင် လက်ကွက်အချို့ လုပ်လိုက်သည်။

ထို့နောက်...

ဝီ....

လောထျန်းနောက်တွင် ရွှေရောင်လက်ဝါး တစ်ရာကျော် ချက်ချင်းစုစည်းလာ၏။

" ဟင်.. တကယ်ကြီးအလုပ်ဖြစ်သားပဲ။ ဒီအကွက်ကို ကောင်းကင်ဘုံမြေတူးသိုင်းကွက်လို့ ခေါ်လိုက်မယ် "

လောထျန်း သူ့အကွက်သစ်ကို နာမည်ပေးလိုက်

သည်။

ထို့နောက်တွင်..

ဝုန်း..

သူ ထပ်လှုပ်ရှားသွား၏။

ဤတစ်ကြိမ်တွင် လက်ဝါးရာကျော် လှုပ်ရှားနေသဖြင့် ယခင်ထက် များစွာပိုအလုပ်ဖြစ်သည်မှာ အမှန်ပင် ။

ဤသို့ဖြင့် မြေကြီးထဲမှ အရှုပ်အထွေးကျောက်ရိုင်း များ တစ်တုံးပြီးတစ်တုံး ထွက်လာပါတော့သည်။

" ကြည့်လိုက်ဦး... အခုထွက်လာတာ အဆင့်လေးကျောက်ရိုင်းတုံး မဟုတ်လား ။ ဘုရားရေ အဲ့ဒါနဲ့ဆို အဆင့်လေးကျောက်ရိုင်းတွေ အခုတစ်ရာလောက်တောင် ရှိနေပြီထင်တယ် "

" ခဏနေဦးကွ... အခု ထပ်တူးလိုက်တဲ့ဟာက အဆင့်လေးထက်တောင် အရှုပ်အထွေးစွမ်းအင်တွေ ပိုသိပ်သည်းသလိုပဲ ။ အဲ့ဒါ အဆင့်ငါး ကျောက်ရိုင်း

တုံးဖြစ်မယ်ထင်တယ် "

" ဘယ်လို.. အဆင့်ငါး.. ဟုတ်လား ။ နောက်များနေသလားကွာ ။ ဒဏ္ဍာရီတွေထဲမှာတောင် ဒီအဆင့်လောက်ဆို အဆင့်မြင့် ကျောက်ရိုင်းအဖြစ် သတ်မှတ်ခံထားရပြီ "

ဝုန်း...

အားလုံး၏ တအံ့တသြ စကားသံများကြားမှာပင် အသံကျယ်တစ်သံနှင့်အတူ အံ့သြစရာကောင်းလောက်သည့် အရှုပ်အထွေးအရောင်အဝါများ ထုတ်လွှတ်နေသော ကျောက်ရိုင်းတုံးတစ်ခု ထပ်ပေါ်လာပါ၏။

" အဲ့ဒါ.. အဆင့်ခြောက် ကျောက်ရိုင်းပဲဟေ့ "

" ဘယ်လို... အဲ့ဒါ တကယ့်ရှားပါး ရတနာပဲ ။ အဲ့ဒါကိုသာ အပြင်ကမ္ဘာကို ယူထုတ်သွားရင် မူလမသေမျိုးလက်နက်နဲ့တောင် ယှဥ်လို့ရမှာမဟုတ်လား "

လူအုပ်ကြီး တအံ့တသြ ရေရွတ်လိုက်ကြသည်။

လောထျန်းမှာကား အခြားသူများ ဘာတွေးနေသည်ကို အလျဥ်းပင် ဂရုမစိုက်ပါ ။

သူ ကျောက်ရိုင်းများတူးရင်း သီချင်းပင် ညည်းနေပါသေး၏။

" တူးမယ်ဟေ့.. တူးမယ်ဟေ့.. အရှုပ်အထွေး နတ်ဘုရားမြို့တော်ထဲမှာ တူးမယ်ဟေ့... အရှုပ်အထွေးကျောက်ရိုင်း တူးမယ်... ဟင်... "

သူ ရုတ်တရက် ရပ်သွားသည်။

ထို့နောက်တွင် သူ့လက်ထဲ၌ အရှုပ်အထွေးကျောက်ရိုင်းတစ်ခု ပေါ်လာ၏။

၎င်းကျောက်ရိုင်းထဲတွင် ရှိနေသော အရှုပ်အထွေးအစွမ်းမှာ သိပ်သည်းလှကာ ၎င်းမှ အစွမ်းထက်သော တာအိုအရောင်အဝါတစ်ခုလည်း ထုတ်လွှတ်နေသေးပါသည်။ ထို့နောက်တွင် ၎င်းအရောင်အဝါက သားရဲငယ်လေးတစ်ကောင်အဖြစ် ပုံပေါ်လာပါ၏။

" ဒီတစ်ခုက အရင်ဟာတွေနဲ့ ကွဲတာပဲ ။ အင်း.. ဆက်တူးတာပဲ ကောင်းပါတယ်လေ "

လောထျန်း ပြောပြီး သူ့လက်ထဲမှ ကျောက်ရိုင်းတုံးအား ခပ်လှမ်းလှမ်းရှိ အရှုပ်အထွေးကျောက်ရိုင်းတုံး ပုံကြီးပေါ်သို့ ပစ်တင်လိုက်သည်။

အားလုံး၏ အကြည့်မှာလည်း ၎င်းကျောက်ရိုင်းတုံး လွင့်သွားရာသို့ ရောက်သွားကြပါ၏။

ထို့နောက်တွင်.. အရာအားလုံး တိတ်ဆိတ်သွားသည်။

တခဏကြာပြီးနောက်မှ.. ဝရုန်းသုန်းကား ပြန်ဖြစ်သွား၏။

" ဘုရားရေ.. ငါ အမြင်မှားနေတာများလား "

" ပံုရိပ်ယောင်အဖြစ် အသွင်ပြောင်းထားတဲ့ အရှုပ်အထွေးအစွမ်း ... အဲ့ဒါ အဆင့်၇ ကျောက်ရိုင်းတုံးမဟုတ်လား "

" အဆင့်၇..... အဲ့ဒါ ဟိုးရှေးခေတ်ကနေ ဒီနေ့အထိ အစွမ်းအထက်ဆုံး အရှုပ်အထွေးကျောက်ရိုင်းပဲ ဖြစ်ရမယ် ။ အဲ့လိုကျောက်ရိုင်းမျိုး ဒီနေ့ တကယ်ကြီး ပေါ်လာခဲ့တာလား "

" ငါ ရူးတောင်ရူးတော့မယ် ထင်ပါတယ်ကွာ "

အားလုံး အံ့သြတုန်လှုပ်စွာ ဆိုလိုက်ကြသည်။

ထိုစဥ် ချီလန့်ယွမ်နှင့် အခြားသူများလည်း ဆွံ့အနေကြပါ၏။

ယင်ရှီမင်တစ်ယောက်သည်လည်း မျက်လုံးအပြူးသားဖြင့် အူကြောင်ကြောင် ရပ်နေပြီး လောင်းကြေးစားကြေး ကိစ္စကိုပင် မေ့နေပါတော့သည်။

လောထျန်းက အဆင့်၇ ကျောက်ရိုင်းတုံးတစ်ခုကို ဘာမှမထူးခြားသည့်ပုံလို ပစ်ချထားနေပါသလား..

ထိုသို့သော ရလဒ်မျိုးနှင့် လောထျန်းကို ယင်ရှီမင် မဆိုထားဘိ ၊ ရှေးခေတ်မှလူများပင် ယှဥ်နိုင်ကြမည်

မဟုတ်ပါ ။

ထိုအခြေအနေမျိုးတွင် သူ ယှဥ်ပြိုင်ရန် ကြိုးစားနေ၍ရော ဘာထူးပါတော့မည်လဲ ။

ထိုစဥ် တဖက်မှ လောထျန်းမှာကား တူးစရာရှိသည်ကိုသာ ဆက်တူးနေပြီး အနည်းငယ်လည်း စိတ်မရှည်ဖြစ်လာဟန် တူပါသည်။

" ချီးကွာ.. ဘာတွေဖြစ်နေတာလဲ ။ ဘယ်လိုဖြစ်ပြီးတော့ ကျောက်ရိုင်းတုံးတွေ အဲ့လောက်များနေရတာလဲ "

လောထျန်း မျက်မှောင်ကြုံ့ရင်း ပြောလိုက်သည်။

သူ နေရာရွှေ့လိုက်သည်နှင့် များလှစွာသော အရှုပ်အထွေးအရောင်အဝါများကို စိတ်ဝိဥာဥ်အစွမ်းဖြင့် အာရုံခံမိနေပါ၏။

လက်ရှိတွင် သူ တွေ့ထားသည့် ကျောက်ရိုင်းများမှာ သန်းပေါင်းများစွာ ရှိနေခဲ့လေပြီ ။

သူ ဆက်တူးလေ​လေ ၊ အသစ်များအား ပိုရှာတွေ့လေပါပင်..

သူ ၎င်းတို့အားလုံးကို ကုန်အောင် မည်သို့ တူးနိုင်ပါမည်နည်း။

" ဟူး.. အချိန်ကုန်လိုက်တာကွာ ။ အဆင့်နိမ့် ကျောက်ရိုင်းတွေကို ဒီတိုင်းထားပြီး အဆင့်မြင့်ကျောက်ရိုင်းတွေပဲ တူးတာကောင်းမယ် "

လောထျန်း ထိုသို့တွေး​ပြီး နေရာသေချာရွေး၍ ထပ်တူးလိုက်သည်။

ဤသို့ဖြင့် သူ ကျောက်ရိုင်းများအား တူးသည့်နှုန်းက လျော့သွားခဲ့သည့်တိုင် သူရသည့် ကျောက်ရိုင်းတုံး အရည်အသွေးကမူ ယခင်ထက် များစွာတိုးလာခဲ့သည်။

" ဘာ.. ဘာတွေဖြစ်နေတာလဲ ။ သူ အခုတူးနေတဲ့ ကျောက်ရိုင်းတွေအားလုံးက အနည်းဆုံးတောင် အဆင့်လေးကျောက်ရိုင်းတွေချည်းပဲ "

" ဒါတင်ဘယ်ကမလဲကွ.. သူ အဆင့်ခြောက်ကျောက်ရိုင်းတုံး ဆယ်ခုကျော်ကိုလဲ တူးပြီးသွားပြီ "

အားလုံးမှာ လောထျန်းကိုကြည့်ရင်း ကျောရိုးထဲမှပင် အေးစိမ့်သွားသလို ခံစားနေရပါတော့၏။

ထိုစဥ်တွင်.. လောထျန်းက ရုတ်တရက် ရပ်လိုက်သည်။

" ဟင်.. ဒီကောင်က ဘာတွေကြံစည်နေပြန်ပြီလဲ "

အားလုံး တွေးလိုက်ကြ၏။

လောထျန်းမှာ သူ့ခြေထောက်အောက်မှ မြေပြင်ကို စူးစိုက်ကြည့်နေပြီး ...

" ဟင်.. ဒီနားလေးမှာ ခပ်ကြီးကြီးတစ်ခု ရှိတယ်နဲ့တူတယ် "

တစ်ကိုယ်တည်း တီးတိုးရေရွတ်သည်။

ထို့နောက်တွင် ရွှေရောင်လက်ဝါးကြီးတစ်ခု ​မြေကြီးထဲ တိုးဝင်သွား၏။

သို့သော်..

ချွှင်..

သတ္ထုတစ်ခုခုနှင့် ရိုက်မိသည့် ခပ်စူးစူးအသံသာ ထွက်လာသည်။

သူ့ ကြိုးစားမှု မအောင်မြင်ခဲ့ချေ။

" ဟင်.. "

လောထျန်း ၎င်းကိုမြင်ပြီး မှင်သက်မိသွား၏။

ခပ်လှမ်းလှမ်းမှ ကြည့်နေကြသူများလည်း အံ့အားသင့်ကုန်ကြကာ ဘာတွေဖြစ်သွားခဲ့သည်ကို နားမလည်နိုင်ကြပါချေ။

သို့သော် နားလည်လိုက်သူအချို့လည်း ရှိပါသည်။

ယင်ရှီမင်မှာ ထိုသူများထဲမှ တစ်ယောက်ပင် ။

" အဲ့ဒါ အရှုပ်အထွေး အကာအရံလား... သူက အရှုပ်အထွေးအကာအရံ ကို ထိမိသွားတာလား "

ယင်ရှီမင် တအံ့တသြ ရေရွတ်လိုက်သည်။

သူ့စကားကို ကြားသွားသော တဖက်မှ ချီလျန့်ယွမ်မှာလည်း မျက်နှာထား အနည်းငယ်ပြောင်းသွား၏။

" ဟာ.. မဖြစ်ဘူး ။ သခင်လေးလောထျန်းက အဲ့ဒါကို တကယ်ကြီး ထိမိသွားခဲ့တာလား ။ သခင်လေးလောထျန်းကို ဆက်မတူးအောင် မြန်မြန်တားမှဖြစ်မယ် "

Chapter 950

Chaos Barrier

တဖက်မှ မဟူရာနဂါးခုံရုံး အဖွဲ့သားများ မျက်လုံးအရောင်လက်သွားကြသည်။

" အရူးကောင်.. အရှုပ်အထွေးအကာအရံ ကိုသာ တိုက်ခိုက်လို့ကတော့ ဒီကောင်သေပြီ "

" အရှုပ်အထွေး အကာအရံက တိုက်ခိုက်သမျှအားလုံးကို တန်ပြန်ကန်ထွက်အောင် လုပ်နိုင်တာ ။ ပြီးရင် အဲ့လိုအရာမျိုးကို အရှုပ်အထွေး မသေမျိုးဧကရာဇ်တစ်ယောက်တည်းပဲ ထိန်းချုပ်နိုင်တာ ။ တခြားဘယ်သူမှ ဘာမှမလုပ်နိုင်ဘူး "

" ဒီကောင်လေးသာ အရှုပ်အထွေး အကာအရံ လက်ချက်နဲ့ သေသွားရင် ငါတို့ နတ်ဘုရားသားတော် အနိုင်ရမှာပေါ့ "

" နိုင်ရုံတင်မကဘူး.. ဟို အရှုပ်အထွေး ကျောက်ရိုင်းတုံးတွေလဲ ငါတို့အပိုင် ဖြစ်သွားမှာကွ "

သူတို့ တစ်ယောက်တစ်ပေါက် ပြောလိုက်ကြသည်။

အခြားတဖက်မှ လူတစ်ယောက်ကလည်း များလှစွာသော မသေမျိုးအစီအမံပုံကြမ်းများကို ထုတ်လိုက်ပါ၏။

ဝီ...

၎င်းမသေမျိုးအစီအမံပုံကြမ်းများ တခဏအတွင်း အသက်ဝင်လာကာ ချီလျန့်ယွမ်နှင့် အခြားသူများကို သီးသန့်ခွဲထားလိုက်ပါသည်။

" ဟင်.. မင်း.. ဘာလုပ်နေတာလဲ "

ချီလျန့်ယွမ်တို့လူစု လန့်သွားပြီး အော်လိုက်ကြသော်လည်း.. သူတို့အသံက အစီအမံအပြင်ဘက်သို့ မထွက်နိုင်ပါတော့ချေ။

သူတို့ ၎င်းအစီအမံကို ချိုးဖျက်ရန် ကြိုးစားလိုက်ကြ၏။ သို့သော် ထိုကြိုးစားမှုများက အရာမထင်ခဲ့ပါ ။

" ဟမ့်.. ကိုယ့်အစွမ်းကို ကုန်အောင်လုပ်မနေစမ်းပါနဲ့

ကွာ ။ အဲ့ဒါ အဆင့်ရှစ် မသေမျိုးအစီအမံပုံကြမ်းကွ ။ မင်းတို့ရဲ့ ဘာမဟုတ်တဲ့အစွမ်းလောက်နဲ့များ ရမယ်ထင်နေတာလား "

အစီအမံပုံကြမ်းများနှင့် တိုက်ခိုက်ခဲ့သော မဟူရာနဂါးခုံရုံးမှ ဂိုဏ်းသားတစ်ယောက်က လှောင်ပြုံးဖြင့် ပြောလာသည်။

" ဟိုကောင်လောထျန်း သူ့ကိုယ်သူ သတ်သေတာကို ဒီတိုင်းပဲ ကြည့်နေစမ်းပါကွာ "

အခြားဂိုဏ်းသားတစ်ယောက်ကလည်း ဝင်ပြောသည်။

" မင်း.. မင်းတို့တွေ.. တော်တော်ယုတ်မာပက်စက်တာပဲ "

ချီလျန့်ယွမ် ဒေါသတကြီး အော်လိုက်၏။

သို့သော် သူ မည်မျှပင် ကျယ်ကျယ်အော်စေကာမူ အပြင်သို့ ဘာအသံမှ ထွက်မသွားခဲ့ပါ ။

ထိုစဥ် တဖက်မှလောထျန်းမှာလည်း လက်သီးဆုပ်၍ အရှုပ်အထွေးအကာအရံကို တိုက်ခိုက်ရန် ပြင်နေလေပြီ ။

ချီလျန့်ယွမ်တစ်ယောက် ကူကယ်ရာမဲ့ မျက်နှာထား ဖြစ်သွား၏။

အခြားတဖက်မှ မဟူရာနဂါးခုံရုံး ဂိုဏ်းသားများကမူ ပျော်ရွှင်နေပုံရကာ လောထျန်းတစ်ယောက် ကိုယ့်ကိုကိုယ် သတ်သေသလို ဖြစ်သွားတော့မည်ကို ဝမ်းသာအားရ စောင့်ကြည့်နေကြသည်။

ထိုစဥ် လောထျန်းက အသက်ပြင်းပြင်းရှိုက်၍ အစွမ်းပြည့်သုံး တိုက်ခိုက်လိုက်၏။

" ကောင်းကင်ဘုံ လက်သီးသိုင်း "

သူ အော်ပြီး လက်သီးဖြင့်ထိုးလိုက်သည်။

" မဖြစ်ဘူး.... "

ချီလျန့်ယွမ်နှင့် ကျန်လူများ နီရဲနေသည့် မျက်လုံးများဖြင့် သံပြိုင်အော်လိုက်ကြသည်။ ယ

" သေတော့ဟေ့.. "

မဟူရာနဂါးခုံရုံး ဂိုဏ်းသားများကလည်း ဝမ်းသာ

အားရ အော်လိုက်ကြ၏။

ယခင် မျှော်လင့်ချက်မဲ့ အနေအထားမှ ယခုလို ပြောင်းလဲသွားလိမ့်မည်ဟု သူတို့ အမှန်ပင် ထင်မထားခဲ့ပါ ။

ဝီ...

ထိုစဥ်တွင် မြေပြင်အောက်မှ အရှုပ်အထွေးအကာအရံကလည်း တုန့်ပြန်လာပြီး အရှုပ်အထွေး နတ်ဘုရားအလင်းတန်းတစ်ခု ချက်ချင်းထုတ်လွှတ်လာသည်။

ဝုန်း...

၎င်းအလင်းတန်းမှာ ကြောက်မက်ဖွယ်လည်း ကောင်းလှပါ၏။

၎င်းနှင့်အတူ တွဲပါလာသည့် ကြောက်မက်ဖွယ် ဖိအားကြီးကြောင့်လည်း ရှိနေသူအားလုံး တုန်သွားကြရသည်။

" ကြောက်စရာကောင်းလိုက်တဲ့ ဖိအားပါလား.. "

" ဟူး.. အရှုပ်အထွေး အကာအရံက အစွမ်းထက်တာကို သိပေမယ့် ဒီလောက်ကြီးတောင်လားကွာ "

" အရှုပ်အထွေးမသေမျိုးဧကရာဇ် တစ်ယောက်တည်းကပဲ ထိန်းချုပ်နိုင်တဲ့အစွမ်း ဆိုတော့လဲကွာ... "

" တကယ်ကို ကြောက်စရာပဲ "

အားလုံးရင်ထဲမှ သက်ပြင်းကြိတ်ချလိုက်ကြသည်။

ထို့နောက်တွင် သူတို့၏ အကြည့်များက လောထျန်းဆီ ထပ်ရောက်သွားကြ၏။

ထိုစဥ်တွင် လောထျန်းတစ်ယောက်မှာ ကြောက်မက်ဖွယ် အစွမ်းထက်လှသော အရှုပ်အထွေး နတ်ဘုရားအလင်းတန်းနှင့် ယှဥ်ပါက ဘာမဟုတ်သည့် ပမွှားလေးတစ်ကောင်လို ဖြစ်နေပါတော့သည်။

သူ ၎င်းအလင်းတန်းလက်ချက်ဖြင့် တမဟုတ်ချင်းပင် ပျောက်ကွယ်သွားမလား မသိပါ ။

ဝုန်း..

ထိုစဥ်တွင် လောထျန်း၏ လက်သီးချက်က အရှုပ်အထွေး အကာအရံပေါ် ရောက်သွားပါ၏။

" ကောင်းတယ်ဟေ့... "

မဟူရာနဂါးခုံရုံး အဖွဲ့သားများ ဝမ်းသာအားရ ထပ်အော်လိုက်ကြပြန်သည်။

ချီလျန့်ယွမ်မှာ ရှေ့သို့ ထပ်မကြည့်ရဲတော့ဘဲ မျက်နှာလွှဲထားလိုက်ရ၏။

သခင်လေးလောထျန်းက အစွမ်းထက်သည့်တိုင် အရှုပ်အထွေး အကာအရံမှာ လုံးဝမတူသည့် အဆင့်တစ်ခု မဟုတ်ပါလား။

သို့သော် ချီလျန့်ယွမ်တစ်ယောက် ထိုသို့ စိတ်ပျက်ဝမ်းနည်းနေချိန်တွင် ... လူတစ်ယောက်က သူ့လက်မောင်းတစ်ဖက်ကို လာဆွဲပါသည်။

" ဟင်.. မင်း ဘာလုပ်တာလဲ "

သူ ဒေါသတကြီး ပြောလိုက်၏။

သူ့ဘေးတွင် ရှိနေသော ကောင်းကင်ဘုံကိုးဆင့် အစီအမံညီလာခံမှ ဂိုဏ်းသားတစ်ယောက်က တုန်တုန်ယင်ယင်အသံဖြင့် ပြောသည်။

" ဟိုကိုကြည့်လိုက်ဦးဗျ ... "

ချီလျန့်ယွမ်က အောင့်သက်သက်အပြုံးဖြင့် ပြော၏။

" မင်းက ဘာကိုကြည့်ခိုင်းနေတာလဲ ။ သခင်လေးလောထျန်း သေတာကို ကြည့်စေချင်နေတာလား "

သူ ထိုသို့သာ ပြောလိုက်သော်လည်း မနေနိုင်ဘဲ လောထျန်းရှိသည့်ဘက် ကြည့်မိသွားပါသည်။

​သို့သော်.. မြင်လိုက်ရသည့် မြင်ကွင်းကြောင့် သူ မှင်သက်မိသွားပါ၏။

တဖက်တွင်ကား.. သူ မျှော်လင့်ထားခဲ့သလို လောထျန်းတစ်ယောက် အသတ်ခံရသည့်မြင်ကွင်း ဟုတ်မနေခဲ့ပါ ။

ထိုအစား... လောထျန်း၏ လက်သီးချက်က အရှုပ်အထွေး အကာအရံမှ ဖြစ်ပေါ်နေသည့် အတားအဆီးပေါ်သို့သာ ကျသွားပါ၏။

" လက်ရည် တူနေတာလား "

ချီလျန့်ယွမ် တုန်လှုပ်သွားတော့သည်။

၎င်းမှာ အမှန်တကယ် အံ့ဖွယ်ပါပင် ။

လောထျန်းပ အရှုပ်အထွေး အကာအရံမှ ထွက်လာသည့် အစွမ်းနှင့်ပါ လက်ရည်တူနေသတဲ့လား ။

သို့သော်.. ထိုစဥ်မှာပင်..

ဂွပ်..

လောထျန်း၏ လက်သီးရှေ့ရှိ အရှုပ်အထွေး အကာအရံပေါ်၌ အက်ရာတစ်ခု ရုတ်တရက်ပေါ်လာပါ၏။

ထိုအက်ကွဲသံမှာ မကျယ်လှသော်လည်း အားလုံး၏ နားထဲတွင်မူ မိုးကြိုးသံတစ်ခုအလား...

" ဘယ်လိုဖြစ်ပြီး... "

အားလုံး ပါးစပ်အဟောင်းသား ဖြစ်ကုန်ကြတော့သည်။

အရှုပ်အထွေး အကာအရံက အမှန်တကယ် အက်ကွဲသွားခဲ့ပါသလား ။

" ဒါ.. ဟုတ်ရောဟုတ်သေးရဲ့လားကွာ "

တစ်ယောက်က တုန်လှုပ်စွာဆိုသည်။

" အရှုပ်အထွေး အကာအရံက ကွဲသွားခဲ့တာလား ။ မင်းတို့ရော ကြားလိုက်ကြလား "

" မဖြစ်ဘူး.. လုံးဝ မဖြစ်နိုင်ဘူး "

မဟူရာနဂါးခုံရုံးမှ ဂိုဏ်းသားများမှာလည်း အသံများတုန်လျက်...

တဖက်မှ... စိတ်ဝိဥာဥ်အဖြစ် ရှိနေသော စိတ်ဝိဥာဥ်သချ်ိုင်းတောင်ကြား သခင်ကြီးမှာလည်း တုန်လှုပ်

သွားပါ၏။

" သူက.. အရှုပ်အထွေး အကာအရံကိုအောင် အက်ရာထင်သွားအောင်လို့ တကယ်ကြီးလုပ်နိုင်ခဲ့တာလား ။ ဒီလိုအစွမ်းမျိုးနဲ့ဆို နတ်ဘုရားတောအုပ်ထဲက ဟိုဆယ်ယောက်နဲ့တောင် ယှဥ်လို့ရနေပြီ။ ဒီလိုဘီလူးမျိုး ဒေသကြီးကိုးခုမှာ တကယ်ပေါ်လာခဲ့တာလား။ မဖြစ်ဘူး.. ဒီကနေ အသက်ရှင်ရက် ပြန်ထွက်နိုင်တာနဲ့ ဒီကောင် အားနည်းနေတုန်းကို အခွင့်ကောင်းယူပြီး မြန်နိုင်သမျှ အမြန်ဆုံးရှင်းဖို့ နတ်ဘုရားတောအုပ်ထဲက သူတွေကို သတိပေးရမယ် "

သူ စိတ်ထဲမှ ကြိတ်တွေးလိုက်သည်။

ထိုစဥ်တွင်... အရှုပ်အထွေး အကာအရံရှေ့၌ ရှိနေသည့် လောထျန်းမှာလည်း ... သူ့ရှေ့မှမြင်ကွင်းကိုကြည့်ပြီး အံ့အားသင့်သွားပါ၏။.

" အဲ့လောက်တောင် ခိုင်တာလား.. ငါ့လက်သီးကိုတောင် တားလိုက်နိုင်တာ.. ဒီလိုဆိုရင်တော့ "

သူ ထိုသို့တွေးကာ မျက်လုံးမှိတ်လိုက်သည်။

ထို့နောက်..

ဝီ ....

သူ့ခေါင်းပေါ်တွင် ကျယ်ပြောလှသော ကြယ်ပင်လယ်ကြီး တမဟုတ်ချင်း ပေါ်လာသည်။

၎င်းမှာ သူ၏ ထူးခြားစိတ်စွမ်းအင်ပင်လယ် ပင်..

ဝုန်း....

တစ်ချိန်တည်းမှာပင် သူ့အရောင်အဝါလည်း ရုတ်ချည်းတိုးသွား၏။

" ပြိုကွဲစေ... "

သူ့အော်သံနှင့်အတူ ကောင်းကင်ဘုံလက်သီး အစွမ်းကလည်း အဆများစွာ တိုးလာသည်။

အစောပိုင်းက သူ့လက်သီးချက်ကို ခက်ခက်ခဲခဲ ခုခံထားနိုင်ခဲ့သော အရှုပ်အထွေး အကာအရံမှာလည်း ယခုတစ်ခေါက် ဆက်မခုခံနိုင်တော့ပါ။

ဝုန်း...

ကျွတ်ဆတ်ဆတ် အသံတစ်သံနှင့်အတူ အရှုပ်အထွေး အကာအရံ ပြိုကွဲသွားပြီး မရေမတွက်နိုင်သော အမှုန့်များအဖြစ် ပြောင်းကာ နေရာအနှံ့ လွင့်စင်သွားတော့၏။

" ဒါ.... "

အားလုံးမှာလည်း ကိုယ့်မျက်လုံးကိုယ် မယုံနိုင် ဖြစ်နေကြတော့သည်။

" ကြောက်မက်ဖွယ် ခုခံအစွမ်းနှင့် အရှုပ်အထွေး အကာအရံက လက်သီးချက်လေးတစ်ချက်ဖြင့် အမှန်တကယ် ပြိုကွဲသွားခဲ့ပါသလား ။

ဘာတွေ ဖြစ်နေပါသလဲ...

ထိုကောင်လေး၏ အစွမ်းက အရှုပ်အထွေး မသေမျိုးဧကရာဇ်ထက် ပိုသာသည်ဆိုသည့် သဘောလား...

လူတစ်ယောက် ခေါင်းထဲသို့ အတွေးတစ်ခု ဝင်လာ

သည်။

စိတ်ဝိဥာဥ်သချ်ိုင်းတောင်ကြား သခင်ကြီးမှာ ထိုအတွေးဖြင့် တုန်လှုပ်လွန်း၍ သူ့စိတ်ဝိဥာဥ်ပင် တုန်သွားရှာပါ၏။

" သူ့အစွမ်းက.. ငါ့မိတ်ဆွေ ဆယ်ယောက်ထက်တောင် သာနေတာပဲ ။ မဟုတ်သေးဘူး... ဟိုသုံးယောက်နဲ့တောင် ညီမယ်လို့ ပြောလို့ရတယ် "

" ဒီတိုင်းသာဆို သူ့ကို ရန်စလို့ လုံးဝမဖြစ်ဘူး ။ လုံးဝပဲ... "

စိတ်ဝိဥာဥ်သချ်ိုင်းတောင်ကြား သခင်ကြီး ကူကယ်ရာမဲ့ ခံစားလိုက်ရ၏။

မျှော်လင့်မထားစွာပင် လောထျန်းက သူထင်ထားသည်ထက် ပိုအစွမ်းထက်နေပါသည်။

ထိုသို့ ဖြစ်မည်ကိုသာ သူ ကြိုသိခဲ့ပါက လောထျန်းအား လုံးဝ ရန်စမိခဲ့မည် မဟုတ်ပါချေ။

ထိုစဥ်တွင် လောထျန်းမှာ အရှုပ်အထွေး အကာအရံကို ဖြိုခွဲပြီးနောက် အောက်ဘက်ရှိအရာများအား ငုံ့ကြည့်လိုက်၏။

" ဟင်.. အဲ့ဒါ ခုနရအရောင်အဝါရဲ့ အရင်းမြစ်ပဲ ဖြစ်ရမယ် "

လောထျန်း၏အကြည့် ရွေ့လျားသွားကာ အောက်ဘက်ရှိ အရာတစ်ခုပေါ် ရောက်သွားသည်။

ထို့နောက်တွင်.. သူ့လက် လှုပ်ရှားသွားပြီး ၎င်းအရာကို ကောက်ယူလိုက်ပါ၏။

ဝီ...

အစွမ်းထက်လှသော အရှုပ်အထွေးအစွမ်းတစ်ခု တမဟုတ်ချင်း ထွက်ပေါ်လာသည်။