အခန်း (၈၂)

ဤတစ်ကြိမ်တွင်လှံသုံးချောင်းက သူ့ဆီသို့ တစ်ပြိုင်နက်တည်း ထိုးသွင်းလာခဲ့သည်။

ချန်ဆန်းရှီကသရဲတစ္ဆေကဲ့သို့ လှုပ်ရှားလိုက်ပြီး မျက်တောင်တစ်ခတ်

အတွင်း မြင်းပေါ်တွင် မရှိတော့ဘဲ ကုန်းနှီးကို လက်တစ်ဖက်ဖြင့် ဆုပ်ကိုင်ထားကာ သူ့ကိုယ်သူ မြင်း၏ဘေးဘက်တွင် အပြည့်အဝ တွဲလောင်းဆွဲထားလိုက်ပြီးထိုးချက်များကို ထိခိုက်မှုမရှိဘဲ သီသီလေး ရှောင်တိမ်းနိုင်ခဲ့သည်။

ပြိုင်ဘက်က လှံကို ပြန်မဆုတ်နိုင်မီ ချန်ဆန်းရှီက သူ၏ခါးအားကို အသုံးချကာ စပရိန်တစ်ခုကဲ့သို့ မြင်းပေါ်သို့ ပြန်လည်ခုန်တက်လိုက်ပြီး ဝင်လာသည့် လှံတံများကို သူ၏လက်မောင်းအောက်တွင် ပိတ်မိစေခဲ့သည်။ သူ၏လက်မောင်းကြွက်သားများသည် နဂါးများကဲ့သို့ ခွေလိမ်နေသည်။ နဂါးဆင်သွေးနှင့် နဂါးကိုးကောင်အသက်သွေးကြော တို့ ပေါင်းစပ်လိုက်

သည့်အခါ အံ့မခန်းစွမ်းအားများ ပေါက်ကွဲထွက်လာပြီး သစ်သားလှံများကို အလွယ်တကူ ချိုးဖျက်ပစ်လိုက်သည်။

"ဟူး—"

ပြင်းထန်သောလက်နက်တစ်ခု နီးကပ်လာသည့်အသံက နောက်ကွယ်မှ ထွက်ပေါ်လာသည်။

သူ၏အကြားအာရုံကို အားပြုရင်း ချန်ဆန်းရှီက ဤတိုက်ခိုက်သူသည် လျင်မြန်သောသူ၏ခန္ဓာကိုယ်ကို ထိမှန်ရန် ခက်ခဲကြောင်းသိ၍ သူ့ရဲ့မြင်းကိုသာ ပစ်မှတ်ထားကြောင်း သိရှိလိုက်သည်။

"သွား.."

သူကလေထဲသို့ ခုန်တက်ကာ လှံရှည်ဖြင့် လက်နက်မဲ့ဖြစ်သွားသော လှံကိုင်စစ်သည်တစ်ဦးကို ထိုးသွင်းလိုက်ပြီး သူ၏မြင်းကို သိမ်းယူကာ ထိုအလောင်းကို နောက်ကွယ်မှလူများအား တိုက်မိစေရန် လက်နက်အဖြစ် အသုံးပြုလိုက်သည်။

ဗိုင်ဟူမြင်းသည် ဝန်ပိမှုမရှိတော့သည့်အတွက် ၎င်း၏အရှိန်သည် လျင်မြန်စွာတိုးလာပြီး နောက်ကွယ်မှ ခုတ်ချက်ကို အောင်မြင်စွာ ရှောင်တိမ်းလိုက်သည်။

'စိတ်နှင့်ကိုယ် တစ်သားတည်း'

တကယ်တမ်း စစ်မြေပြင်တွင် တိုက်ခိုက်နေမှသာ ချန်ဆန်းရှီက ၎င်းသည် မည်မျှအရေးကြီးကြောင်း နားလည်ခဲ့သည်။

သူကဗိုင်ဟူမြင်းပေါ်သို့ ပြန်ခုန်တက်ကာ မြင်းတပ်သားသုံးဦးကို ဆက်တိုက်ထိုးသတ်ခဲ့ပြီး ဝိုင်းရံထားခြင်းမှ တစ်ဖန် ထိုးဖောက်ထွက်ခွာသွားသည်။

ဤသည်မှာစက္ကန့်အနည်းငယ်မျှသာ ကြာမြင့်ခဲ့သည်။

မြင်းတပ်သားခြောက်ဦး သို့မဟုတ် ခုနစ်ဦးခန့် သေဆုံးခဲ့သည်။

"အရှင် "

လူရိုင်းမြင်းတပ်သားများသည် ခဏတာ တုံ့ဆိုင်းသွားပြီး တတိယအကြိမ် ချက်ချင်းတိုက်ခိုက်မှု မပြုလုပ်တော့ဘဲ ၎င်းတို့၏ 'ခေါင်းဆောင်'ထံသို့ တစ်ပြိုင်နက်တည်း ကြည့်ကာ အမိန့်များကို စောင့်ဆိုင်းနေကြသည်။

သို့သော် ၎င်းတို့ မည်သည့်အမိန့်ကိုမျှ မရရှိနိုင်မီ၊

ချန်ဆန်းရှီကအစပြု၍ ရှေ့သို့ ထိုးဖောက်တိုက်ခိုက်လိုက်သည်။

ရှုပ်ထွေးမှုကြားတွင်၊

ချန်ဆန်းရှီ၏အမြင်အာရုံမှာ ဓားလက်နက်အမျိုးမျိုးဖြင့် ပြည့်နှက်နေပြီး၊ လေထုမှာ အရပ်လေးမျက်နှာမှ သတ်ဖြတ်လိုသည့် စိတ်ဆန္ဒများဖြင့် ထူထပ်နေကာ ရန်သူများက နေရာအနှံ့အပြားတွင် ရှိနေသည်။ စစ်အရာရှိများနှင့် သာမန်စစ်သည်များကို ခွဲခြားရန် အချိန်မရှိဘဲ သူသည် ကျူရွက်လှံရှည်ကို ဆက်တိုက်ဝှေ့ယမ်း၍ လူရိုင်းတစ်ဦးပြီးတစ်ဦး ထိုးသတ်နေပြီး၊ တစ်ချိန်တည်းမှာပင် ဘေးပတ်ဝန်းကျင်မှ တိုက်ခိုက်မှုများကို ကာကွယ်နေရသည်။ လေထုသည် သွေးများဖြင့် ထူထပ်နေပြီး ကြောက်မက်ဖွယ်ကောင်းသော မိုးရေကဲ့သို့ ဖြစ်နေသည်။

ဤကဲ့သို့သော အခြေအနေတွင် အစွမ်းကုန်တိုက်ခိုက်ခြင်းသည် မည်

သည့်သိုင်းပညာရှင်အတွက်မဆို 'ချီ-သွေး' စွမ်းအင်ကို အလွန်လျင်မြန်စွာ ကုန်ခမ်းစေသည်။

သိုင်းပညာရှင်များသည် ၎င်းတို့၏ ရုပ်ခန္ဓာအပြင် ၎င်းတို့၏ တိုက်ခိုက်မှုများကို မြှင့်တင်ရန် 'ချီ-သွေး' ကို အားကိုးကြသည်။

၎င်းသည် 'စွမ်းရည်များ' ကို အဆက်မပြတ်အသုံးပြုခြင်းနှင့် 'ချီသွေး'ကို ကုန်ခန်းစေခြင်းနှင့် အတူတူပင်ဖြစ်သည်။

ချီသွေးကုန်သွားပါက ရုပ်ခန္ဓာ၏ခွန်အားကိုသာ အားကိုးရတော့မည်ဖြစ်သည်။

ကံကောင်းစွာဖြင့် သူ၏ချီသွေးသည် ပုံမှန်ထက် အနည်းငယ် ပိုကြီးမားသည်။

'နဂါးဆင်သွေး' သည် မရပ်မနားစီးဆင်းနေသဖြင့် ချန်ဆန်းရှီ၏ ခန္ဓာကိုယ်သည် အပူရှိန်ပြင်းစွာ တောက်လောင်နေသော်လည်း မောပန်းခြင်းကို မခံစားရဘဲ၊ သူ၏လှံသည် ပိုမိုတည်ငြိမ်၊ ပိုမိုတိကျပြီး ပိုမိုရက်စက်လာခဲ့သည်။ သူ၏ရှေ့တွင် မြင်းတပ်သားများသည် တစ်ဦးပြီးတစ်ဦး လဲကျနေကြပြီး နာကျင်စွာ အော်ဟစ်သံများ ဆက်တိုက်ထွက်ပေါ်လာသည်။

"ဆက်တိုက်ခိုက်ကြ"

လူရိုင်း ခေါင်းဆောင်ကသူ၏ဓားကောက်ကို တင်းကျပ်စွာ ဆုပ်ကိုင်ထားပြီး အခြေအနေကို သေသေချာချာ စောင့်ကြည့်နေကာ ပြိုင်ဘက်၏ ချီ-သွေးကို ပိုမိုကုန်ခန်းစေပြီးမှ ကိုယ်တိုင် ပါဝင်ရန် အသင့်ပြင်ထားသည်။

သိုင်းပညာရှင်တစ်ဦးသည် အရိုးဖွဲ့စည်းခြင်းအဆင့်သို့ ရောက်ရှိပြီးနောက် အဓိကအားဖြင့် ခံစစ်စွမ်းအား၊ ရုပ်ပိုင်းဆိုင်ရာခွန်အားနှင့် အရှိန်တို့ကိုသာ မြှင့်တင်ပြီး ချီ-သွေးကို များများစားစား မြှင့်တင်ခြင်းမရှိပေ။

ထို့ကြောင့် သီအိုရီအရဆိုလျှင်၊

မြင်းတပ်သားများဖြင့်သာ 'အရိုးဖွဲ့စည်းခြင်းအဆင့်' ကို သတ်ရန်ကြိုးစားခြင်းသည် အလွန်အမင်း အကုန်အကျများပေလိမ့်မည်။

သို့သော် မြင်းတပ်သား နှစ်ဆယ် သို့မဟုတ် နှစ်ဆယ်ကျော်၏ အသက်များသည် ပြိုင်ဘက်၏ ချီ-သွေး တစ်ဝက်ခန့်ကို ကုန်ခန်းစေနိုင်သည်။ ထိုအချိန်တွင် သူဝင်ရောက်တိုက်ခိုက်ပါက အသာစီးရမည်ဖြစ်ပြီး၊ တစ်စုံတစ်ဦးက လျို့ဝှက်တိုက်ခိုက်ပါက ရန်သူကို ခေါင်းဖြတ်သတ်ရန် လွယ်ကူလိမ့်မည်

အရိုးဖွဲ့စည်းခြင်းအဆင့် တပ်မှုးတစ်ဦး၏ အသက်အတွက် မြင်းတပ်သား နှစ်ဆယ်ခန့်ကို လဲလှယ်ခြင်းသည် အလွန်တန်ဖိုးရှိသော အပေးအယူဖြစ်သည်။

သို့သော် မကြာမီမှာပင်...

လူရိုင်း ခေါင်းဆောင်ကတစ်စုံတစ်ရာ မှားယွင်းနေကြောင်း သတိပြုမိလိုက်သည်။

ဤ ဒါရှန်စစ်အရာရှိငယ်လေးသည် သူစတင်တိုက်ခိုက်စဉ်က အခြေအနေနှင့် မည်သို့မျှ ကွာခြားမှုမရှိဘဲ မြင်းတပ်သား နှစ်ဆယ်ကျော်ကို သတ်ဖြတ်ခဲ့ပြီး ချီ-သွေး လျော့နည်းသွားသည့် လက္ခဏာကိုပင် မပြခဲ့ဘဲ၊ အရိုးဖွဲ့စည်းခြင်းအဆင့်ပိုင်ဆိုင်သည့် ထူးခြားသော ခံစစ်စွမ်းရည်များကိုပင် အသုံးမပြုခဲ့ပေ။

ရှင်းရှင်းပြောရလျှင် အရေပြားပင် ပွန်းပဲ့ခြင်း မရှိခဲ့ပေ

သူသည် အရိုးဖွဲ့စည်းခြင်းအဆင့်၏ မည်သည့်အဆင့်တွင် ရှိသည်ကို ခန့်မှန်းရန် မဖြစ်နိုင်ပေ။

"မဖြစ်နိုင်ဘူး သူလျှိုတွေ လွန်ခဲ့တဲ့ နှစ်လက ပြန်ပို့တဲ့ သတင်းအချက်အလက်တွေမှာ အရိုးဖွဲ့စည်းခြင်းအဆင့် ရောက်ခါစ ရာစုမှုးငယ်လေးတစ်ယောက်အကြောင်းပဲ ဖော်ပြထားတာ။ ဒီလို တိုက်ခိုက်ရေးစွမ်းအားက ဘယ်ကလာတာလဲ။ နှစ်လအတွင်းမှာ အဆင့်တက်သွားတာ

လား။ ပြီးတော့ ဒါက 'အသေးစားအောင်မြင်မှု့ဒါမှမဟုတ် 'အကြီးစားတဲ့အောင်မြင်မှု'ရဲ့ စွမ်းအားနဲ့တူနေတယ်"

လူရိုင်း ခေါင်းဆောင်မှာ စကားပင် မပြောနိုင်အောင် ဖြစ်သွားခဲ့သည်။

ဤအစီရင်ခံစာကြောင့်ပင် သူကရန်သူကို လျင်မြန်စွာ ဝိုင်းရံသတ်ဖြတ်ရန် ဆုံးဖြတ်ခဲ့ခြင်းဖြစ်သည်။

သို့သော် ယခုမူ သတင်းအချက်အလက်သည် မှားယွင်းနေပုံရသည်။

"အချိန်မရှိတော့ဘူး"

သူတို့ တုံ့ဆိုင်းနေသည့်အချိန်တွင် 'ဒါရှန်' မြင်းစီးစစ်သည်များသည် လိုက်မီတော့မည်ဖြစ်သည်။

"ဆုတ်ခွာကြ.."

လူရိုင်း ခေါင်းဆောင်ကအော်ဟစ်ကာ ဆုတ်ခွာမှုကို ဦးဆောင်ခဲ့သည်။

ကျန်ရှိနေသော လူရိုင်း သုံးဆယ်ကျော်သည် တိုက်ခိုက်လိုစိတ် ပျောက်ဆုံးနေပြီဖြစ်၍ မြင်းများကို တစ်ဦးပြီးတစ်ဦး လှည့်ကာ မြောက်ဘက်သို့ ထွက်ပြေးကြသည်။

"အရှင်"

"သူ လိုက်နေတုန်းပဲ"

"ဘာ"

လူရိုင်းခေါင်းဆောင်ကလှည့်ကြည့်လိုက်ရာ မြင်းဖြူသည် ပြင်းထန်သောအရှိန်ဖြင့် ရှေ့သို့ အပြေးအလွှား လာနေသည်ကို တွေ့လိုက်ရပြီး၊ သူ၏လမ်းကို ပိတ်ဆို့ရန် ရဲရဲတင်းတင်းကြိုးစားသည့် မည်သည့်မြင်းစီးစစ်သည်မဆို မြက်ခင်းပြင်သို့ အော်ဟစ်ရင်း လဲကျသွားကာ၊ တားဆီး၍မရနိုင်ဘဲ မျက်တောင်တစ်ခတ်အတွင်း သူနှင့် ပေသုံးဆယ်ပင် မကွာတော့ပေ။

"မင်း သေချင်လို့လား"

ဒေါသထွက်နေသော လူရိုင်းခေါင်းဆောင်သည် မည်သို့ပင်ဆိုစေ သူသည်'အောင်မြင်မှုအချို့' ရရှိထားသော 'အရိုးဖွဲ့စည်းခြင်းအဆင့်'သိုင်းပညာရှင် ဖြစ်သည် တိုက်ခိုက်ခြင်းမှ ရှောင်ကြဉ်နေခဲ့ခြင်းမှာ တည်ငြိမ်မှုရရှိရန်သာဖြစ်သည်။

ဆက်လက်ဆုတ်ခွာရန် မလိုအပ်တော့ပေ

ချန်ဆန်းရှီကအခြားမြင်းတပ်သားတစ်ဦးကို သတ်ပြီးနောက် သူ၏လှံကို ပြန်ရုပ်သိမ်းနေစဉ်တွင် လူရိုင်းခေါင်းဆောင်သည် အခွင့်ကောင်းယူ၍ တိုက်ခိုက်ခဲ့သည်။ သူ၏ဓားကောက်သည် ကောင်းကင်ယံတွင် အနက်ရောင်လရောင်ကို ပုံဖော်ကာ လည်ပင်းဆီသို့ အပေါ်စီးမှ တည့်တည့်ခုတ်ချလိုက်သည်။

"ဝှီး—"

ကျူရွက်လှံရှည်သည် မဖြစ်နိုင်သောထောင့်မှ ထိုးထွက်လာကာ ရန်သူ ဗိုလ်ချုပ်၏နှလုံးသားသို့ ဦးစွာရောက်ရှိသွားခဲ့သည်။

လူရိုင်း ခေါင်းဆောင်၏မျက်နှာသည် ထိတ်လန့်တုန်လှုပ်မှုဖြင့် ဖြူဖျော့သွားခဲ့သည်။

ရှောင်တိမ်းရန် အချိန်မရှိတော့ဘဲ၊ လက်မောင်းတွင် လက်ပတ်ဖြင့် ပတ်ထားသော လက်ဖြင့်သာ ကာကွယ်နိုင်ခဲ့သည်။

"ကျွီ—"

လက်ပတ်သည် စက္ကူကဲ့သို့ ကွဲကြေသွားပြီး ကြံ့ခိုင်သော လက်မောင်းရိုးကို အားစိုက်ထုတ်စရာမလိုဘဲ ဖောက်ထွင်းသွားခဲ့သည်။

လူရိုင်း ခေါင်းဆောင်သည် ပြင်းထန်သော နာကျင်မှုကို ခံရရင်း ပြိုင်ဘက်၏ လှုပ်ရှားမှုကို ကန့်သတ်ရန် လက်ဖြင့် လှံတံကို ဆုပ်ကိုင်ရန် ကြိုးစားခဲ့ပြီး၊ ဒဏ်ရာချင်း လဲလှယ်ရန် ရည်ရွယ်လိုက်သည်။

ကံမကောင်းစွာဖြင့် သူသည် အခွင့်အရေးမရလိုက်ပါ။

သုံးမီတာကျော်ရှည်သော လက်နက်သည် အလွန်လေးလံသင့်သော်လည်း ရန်သူ၏လက်ထဲတွင်မူ ဓားမြှောင်တစ်ချောင်းကဲ့သို့ လိုက်လျောညီထွေရှိလှသည်။ သူသေချာစွာ မြင်တွေ့နိုင်ခြင်း မရှိသေးမီတွင် လှံသွားသည် သူ၏လက်မောင်းသားနှင့်အရိုးမှ ပျောက်ကွယ်သွားပြီး၊ ပြန်ပေါ်လာချိန်၌ သူ၏ ရင်ဘတ်အပေါ်ပိုင်းကို ဖောက်ထွင်းဝင်ရောက်နေပြီဖြစ်သည်။

ချန်ဆန်းရှီက သူ၏ခန္ဓာကိုယ်အတွင်းမှ စီးဆင်းနေသော 'ချီ-သွေး' ကို ထုတ်လွှတ်လိုက်ရာ ပေါက်ကွဲအားဖြင့် ပွင့်ထွက်လာပြီး သူ၏ကြွက်သားများ ပြည့်နေသော လက်မောင်းများထဲသို့ ခွန်အားများ စုစည်းကာ ကျူရွက်လှံရှည်သို့ လွှဲပြောင်းသွားသည်။ လှံထိပ်သည် လှည့်ပတ်ပြီး အရိုးများကို အစိတ်စိတ်အမြွှာမြွှာ ကြိတ်ချေကာ နှလုံးသားဆီသို့ တိုးဝင်သွားခဲ့သည်။

သူက သေလုမြောပါးဖြစ်နေသော လူရိုင်း ခေါင်းဆောင်၏ ခန္ဓာကိုယ်ကို လေထဲသို့ မြှောက်တင်ကာ အလံတစ်ခုကဲ့သို့ ကောင်းကင်ယံတွင် ဝှေ့ယမ်းလိုက်ပြီး၊ ထို့နောက် ထွက်ပြေးရန် ကြိုးစားနေသော မြင်းတပ်သားတစ်ဦးကို မြင်းနှင့်တကွ လဲကျသွားစေရန် ပစ်ထုတ်လိုက်သည်။

တစ်ချက်တည်းနှင့်

လူရိုင်းမြင်းတပ်သား များအံ့အားသင့်သွားကြသည်။

၎င်းတို့၏ ခေါင်းဆောင်သည် ဤလူနှင့် တစ်ချက်တည်း တိုက်ခိုက်ရာတွင်

ပင် ယှဉ်နိုင်ခြင်း မရှိခဲ့ပေ

"ဆုတ်ခွာ..."

"အမြန်ဆုတ်ခွာကြ"

အဓိကခေါင်းဆောင် သေဆုံးသွားသဖြင့် စိတ်ဓာတ်များ ပြိုလဲသွားသည်။

လူရိုင်းမြင်းတပ်သားများသည် ထိတ်လန့်တုန်လှုပ်ကာ ၎င်းတို့၏ စစ်ကြောင်း ပျက်ပြားသွားပြီး မြင်းများဖြင့် ထွက်ပြေးကြသည်။

သို့သော် ဗိုင်ဟူမြင်းသည် ၎င်းတို့၏ရှေ့တွင် ပိတ်ဆို့နေပြီး၊ အနီးသို့ ရဲရဲတင်းတင်း ချဉ်းကပ်သူတိုင်းကို ထိုးသတ်ခြင်းခံရသည်။

ထို့အပြင် 'ဒါရှန်' မြင်းတပ်သား တစ်ရာကျော်သည် အနောက်မှ ပြင်းပြင်းထန်ထန် လိုက်လံနေကြသည်။

ရှေ့သို့ ဆက်သွားရန် လမ်းမရှိဘဲ၊ နောက်ကွယ်မှ ရန်သူများက လိုက်လံနေသည်။

၎င်းသည် သေခြင်းလမ်းကြောင်းဖြစ်ကြောင်း ရှင်းနေသည်။

"ကျွန်တော်တို့ လက်နက်ချပါတယ်"

"အရှင် သနားပါ ကျွန်တော်တို့ လက်နက်ချဖို့ ဆန္ဒရှိပါတယ်"

လူရိုင်းအရာရှိများထဲမှ တစ်ဦးက ဦးဆောင်ခဲ့ပြီး ကျန်သူများကလည်း နောက်မှ လိုက်လံကာ၊

တစ်ဦးပြီးတစ်ဦး မြင်းပေါ်မှ ဆင်းလိုက်ကြသည်။

"လက်နက်ချမယ်"

ချန်ဆန်းရှီကမျက်မှောင်ကြုတ်လိုက်သည်"မင်းတို့ကို ဘယ်သူက လက်နက်ချခွင့်ပေးလို့လဲ"

"ဘယ်လိုဆိုလိုတာလဲ"

လူရိုင်းမြင်းတပ်သားများ အခြေအနေကို မတုံ့ပြန်နိုင်မီ ဗိုင်ဟူမြင်းသည် ၎င်းတို့ဆီသို့ တစ်ဖန် ပြန်လည်တိုက်ခိုက်လာသည်ကို တွေ့လိုက်ရပြီး၊ ၎င်းတို့ကို ပိတ်မိနေသော သားရဲများကဲ့သို့ တိုက်ခိုက်ရန် တွန်းအားပေးခဲ့သည်။

...

"ဘာတွေဖြစ်နေတာလဲ"

နောက်ဆုံးတွင် စစ်မြေပြင်သို့ ရောက်လာသော ကျောက်ကန် သည်ဗိုင်ဟူမြင်းက ရှေ့နောက်ပြေးလွှားနေသည်ကို လည်းကောင်း၊ နေရာအနှံ့အပြားတွင် အလောင်းများ ပြန့်ကျဲနေသည်ကို လည်းကောင်း ကြည့်ရင်း အချိန်အတော်ကြာမှ သတိပြန်ဝင်လာသည်။

လူတစ်ဦးနဲ့ မြင်းတစ်ကောင်တည်း။

သူက မြင်းတပ်သား ငါးဆယ်ကျော်ကို ရှုံးနိမ့်စေခဲ့သည်။

'မြင်းတပ်သားငါးဆယ်ကျော်'

အရိုးဖွဲ့စည်းခြင်းအဆင့် မှ သိုင်းပညာရှင်တစ်ဦးပင် ချီ-သွေး ကုန်ခန်းသွားပြီး ရုပ်ပိုင်းဆိုင်ရာ ခွန်အားသက်သက်ကိုသာ အားကိုး၍ ရက်စက်စွာ တိုက်ခိုက်ရပေလိမ့်မည်

သို့သော် ၎င်းသည် အဓိကပြဿနာပင် မဟုတ်ခဲ့ပါ။

အဓိကမှာ ရန်သူတွင် အရိုးဖွဲ့စည်းခြင်းအဆင့်ခေါင်းဆောင်လည်း ရှိနေခြင်းပင် ချန်ဆန်းရှီက အနည်းငယ်မျှ အားနည်းချက်ပြပါက ပြန်လည်ပြုပြင်၍ မရနိုင်တော့ပေ

၎င်းသည် အရေးကြီးသောအခြေအနေဖြစ်ပြီး အံ့အားသင့်နေရန် အချိန်မဟုတ်ပေ။

ကျောက်ကန်က သူ၏လူများကို တိုက်ပွဲထဲသို့ ဦးဆောင်ခဲ့သည် "ညီအစ်ကိုတို့၊ အားလုံးကို သတ်၊ တစ်ယောက်မှ မလွတ်စေနဲ့"

...

လိုက်လံတိုက်ခိုက်မှုသည် 'ဖယောင်းတိုင်တစ်တိုင်စာမျှ' အတွင်း ပြီးဆုံးခဲ့သည်။

ရောက်လာသော လူရိုင်းမြင်းတပ်သားငါးဆယ်ကျော်သည် ပြန်မလာခဲ့ကြဘဲ၊ အများစုကို ထိုနေရာတွင် သတ်ပစ်ခဲ့ပြီး စစ်ဆေးမေးမြန်းရန်အတွက် နှစ်ဦးသာ အသက်ရှင်လျက်ထားလိုက်သည်။

၎င်းတို့ကစစ်မြင်းနှစ်ဆယ်ကျော်နှင့် လှံရှည်များ၊ ဓားရှည်အချို့ကိုလည်း သိမ်းဆည်းရမိခဲ့သည်။

"ရာစုမှုးချန်၊ ဒါက နည်းနည်းတော့ လွန်သွားပြီဗျာ" ဟု ကျောက်ကန်က ရှက်ရွံ့စွာ ပြောသည် "ကျွန်တော်သာဆိုရင် ပင်ပန်းနွမ်းနယ်ပြီး၊ ရန်သူ့ခေါင်းဆောင်က ကျွန်တော့်အားနည်းချက်ကို အခွင့်ကောင်းယူပြီး လှီးဖြတ်သတ်ပစ်မှာ သေချာတယ်။

"ခင်ဗျား တစ်ယောက်တည်း မြင်းတပ်သား သုံးဆယ်ကျော်ကို သတ်လိုက်

တယ်၊ ဒါ့အပြင် အဆင့်ကိုကျော်ပြီး ရန်သူ့ခေါင်းဆောင်ကိုပါ သတ်လိုက်တယ်...

"ကျွန်တော်တို့ ပြန်ရောက်တဲ့အခါ ပုံမှန်ဆုလာဘ်တွေအပြင် ရာထူးတိုးမှာကတော့ အသေချာဘဲ"

"ရာစုမှုးကျောက် ချီးမွမ်းလွန်းနေပါပြီဗျာ"

ချန်ဆန်းရှီကသွေးများဖြင့် ဖုံးလွှမ်းနေသော်လည်း အလွန်စိတ်အားတက်ကြွနေသည်။

သူ၏စိတ်အားထက်သန်မှုသည် သူရရှိခဲ့သော ဂုဏ်ကျက်သရေကြောင့် မဟုတ်ဘဲ၊ တိုက်ပွဲသည် အလွန်ထိရောက်မှုရှိသောကြောင့် ဖြစ်သည်သူ၏ခန္ဓာကိုယ်ရှိ သွေးကြောများသည် အဆိပ်အတောက်များ ကင်းစင်လုနီးပါးဖြစ်ပြီး သူ၏လှံပညာသည် အကြီးအကျယ် တိုးတက်လာခဲ့သည်။

သွေးထွက်သံယိုတိုက်ခိုက်မှု၊ အထူးသဖြင့် ဝိုင်းရံခံရခြင်းကြောင့် ဖြစ်ပေါ်လာသည့်အခါ၊ ၎င်းသည် ပုံမှန်သိုင်းပညာ ကျင့်ကြံခြင်းထက် အလားအလာကို အဆပေါင်းများစွာ ပိုမိုထုတ်ဖော်ပေးနိုင်သည်ဟု ထင်ရသည်။

ရိုးရှင်းစွာပြောရလျှင် တိုက်ခိုက်ခြင်းသည် အလွန်စိတ်လှုပ်ရှားစရာ ကောင်းသည်

[ကျွမ်းကျင်မှု့ - မသေနိုင်သောရွှေမြွေလှံ - ပထမပိုင်း(ကျွမ်းကျင်မှု့)]

[တိုးတက်မှု့ - 205/1000]

သူ၏ခန္ဓာကိုယ်အတွင်းရှိ ဝိညာဉ်အစေ့ကိုအပြည့်အဝစုပ်ယူခဲ့ပြီး ရက်အတော်ကြာ ကြိုးစားလေ့ကျင့်ခြင်းနှင့် ညီမျှသည်။

ကျောက်ကန်က သူ၏လူများကို စစ်မြေပြင်ရှင်းလင်းရန် ညွှန်ကြားခဲ့ပြီးနောက် အောင်ပွဲခံ၍ လျှင်မြန်စွာပြန်လာခဲ့သည်။

သို့သော် ၎င်းတို့ကို ကြိုဆိုခဲ့သည်မှာ ပျော်ရွှင်မှုနှင့် စိတ်အားထက်သန်မှု မဟုတ်ဘဲ၊ လေးနက်ပြီး တင်းမာသော လေထုဖြစ်သည်။

"အရေးပေါ် စစ်သတင်း"

'မြက်ခင်းပြင်မျိုးနွယ်စုလေးစုက လျှို့ဝှက်မဟာမိတ်ဖွဲ့ခဲ့ပြီး၊ လွန်ခဲ့တဲ့ငါးရက်က အနောက်မြောက်နယ်စပ်ရှိ ပြည်နယ်သုံးခုလုံးကို ရုတ်တရက် စစ်ကြေညာခဲ့သည်'

'ထို့အပြင် ဘာရမ်မင်းသားသည် သံမဏိမြင်းစစ်သည်ငါးသောင်းကို ဦးဆောင်ကာ အန်းဒင်စီရင်စု သို့ တည့်တည့်ချီတက်လာနေသည်'

'ယွမ်ကျိုး အန္တရာယ်ကျရောက်နေပြီ'