လှပရင့်ကျက်သော ကျန်းရွှဲ့ နှင့် နုနယ်သိမ်မွေ့သော ယင်းယင်း

“ဒိင်း၊ နောက်ထပ် ဆိုင်းအင် လုပ်ရန် နေရာအသစ် ပြန်လည်ပြောင်းလဲပြီးပါပီ ရှေးဟောင်းတောရိုင်း ချောက်ကမ်းပါးသို့ သွားရောက်၍ ဆိုင်းအင် လုပ်ပါ!”

စနစ်၏ အချက်ပြမှုကို ရရှိသည်နှင့် ဝူယွမ်နှင့် လင်းတုန်တို့သည် ယခင်နည်းအတိုင်း ပိုးကောင်အုပ်စု၏ စွမ်းအင်ကာရံကို ကျော်ဖြတ်ထွက်ခွာလာကြသည်။

ထိုနေရာတွင် တည်ရှိသော နေစွမ်းအင်စုပ်ယူသည့် အစီအရင်ကို ကောင်းကင်မှ ပိုးကောင်အုပ်စုများက ကျပ်တည်းစွာ ဝိုင်းရံထားဆဲဖြစ်ပြီး၊ မြေပြင်တွင် စွမ်းအားကြီးမားသော ကျားသစ်မိချောင်း များ ရှိနေကာ၊ နိဗ္ဗာန်အဆင့် စွမ်းအားရှင်များပင် ချိုးဖျက်ရန် ခက်ခဲသည့် ခိုင်မာသော စွမ်းအင်ကာရံလည်း ရှိနေသေးသည်။

မျှော်လင့်ထားသည့်အတိုင်းပင်၊ မဟာယန်ပြည်နယ် ၏ ယခုလက်ရှိ စွမ်းရည်ဖြင့် အခုနေရာသို့ ဝင်ရောက်နိုင်ရန်မှာ အလွန်ပင်ခက်ခဲလိမ့်မည်ဖြစ်သည်။

ဝူယွမ်သည် အခြားနည်းလမ်းများ အသုံးပြုရန် မလိုအပ်တော့သဖြင့်၊ ဤနေရာကို အလွယ်တကူ ရှာဖွေတွေ့ရှသွားမည်ကို စိုးရိမ်စရာမလိုတော့ပေ။

သူတို့က ရွှံ့နွံဧရိယာမှ ထွက်ခွာလာကြသည်။

သို့သော် ထွက်ပေါက်ကို ရှာမတွေ့သေးပေ။

မြူဆိုင်းသော သည် အလွန်ကျယ်ပြန့်လွန်းသဖြင့် ထွက်ခွာရန်ခက်ခဲလှသည်။

နေရောင်ခြည် မထိုးဖောက်နိုင်သဖြင့် လမ်းကြောင်းကို ခွဲခြားသိမြင်ရန် မလွယ်ပေ။

နောက်ထပ် နှစ်ရက်ကြာ လမ်းလျှောက်ပြီးနောက်...

ရှောင်တျောင်းက နောက်ဆုံးတွင် တစ်ခုခုကိုတွေ့လိုက်ရသည်။

“အမ်... ခဏ၊ ကြည့်ကြည့်အုံးမယ်၊ ညာဘက်တွင် ယွမ်စွမ်းအင် လှိုင်းလှုပ်ရှားမှုများစွာရှိနေတယ်၊ လူတွေရှိနေတဲ့ပုံဘဲ”

“အိုး... သွားကြည့်ကြရအောင်”

ဝူယွမ် အလွန်အမင်း ဝမ်းမြောက်ဝမ်းသာဖြစ်သွားသည်၊ “နောက်ဆုံးတော့... လူ‌ေတွနဲ့တွေ့ပီ”

ဤနေရာတွင် ရည်ရွယ်ချက်မရှိဘဲ ရက်အတန်ကြာ လျှောက်လမ်းနေရသည်မှာ သစ်တောထဲ၌ လမ်းပျောက်နေသကဲ့သို့ဖြစ်နေရာ၊ လူများကိုတွေ့ရသည်မှာ အတော်လေး ဝမ်းသာစရာကောင်းလှပေသည်...

ထူထပ်သော မြူများဖြင့် ဖုံးလွှမ်းနေသော ကွင်းပြင်လေးတစ်ခုတွင်၊ လူဦးရေ ဆယ်ကျော်ခန့် စုရုံးထားကြသည်။ သူတို့ပတ်လည်တွင်၊ သွေးနံ့ဆိုးဆိုးနှင့် ရက်စက်ကြမ်းကြုတ်သော မကောင်းဆိုးဝါး သားရဲများ မကြာခဏဆိုသလို ခုန်ထွက်လာကြပြီး၊ ချက်ချင်းဆိုသလို စွမ်းအားပြင်းထန်သော ယွမ်စွမ်းအင် တိုက်ခိုက်မှုဒဏ်များကြောင့် အသားစများအဖြစ် ချေမှုန်းခံလိုက်ကြရသည်။

“ဒီသားရဲတွေ တစ်ကယ်ကို စိတ်ရှုပ်ထွေးစရာဘဲ၊ ခေါင်းဆောင် ဒီဟာတွေက ဘယ်အချိန်မှ ပြီးဆုံးမှာလဲ”

သက်လက်ပိုင်းအရွယ် လူတစ်ဦးက သားရဲတစ်ကောင်ကို ဒေါသတကြီး သတ်ပြီးနောက် ညည်းညူခဲ့သည်။

“အာရုံစိုက်ထား။ ကျွန်ုပ်တို့ ထွက်ခွာသွားနိုင်ရင် အဆင်ပြေသွားလိမ့်မည်။”

ခိုင်ခံ့သော ကိုယ်ခန္ဓာရှိသည့် သက်လက်ပိုင်းအရွယ် လူတစ်ဦးက ပြန်လည်ဖြေကြားခဲ့သည်။ သူက အမည်းရောင် လေးလံသောဓားတစ်လက်ကို ကိုင်ဆောင်ထားသည်။ ထိုလေးလံသောဓား လှုပ်ရှားသည့်အခါတိုင် စွမ်းအင်များစွာ ပြည့်နှက်နေသည်။ အနည်းငယ် ထိခိုက်မိသည့် မည်သည့် သားရဲမဆို အပိုင်းပိုင်းပြတ်တောက်ကုန်ကြသည်။

ရှေ့တွင်ရှိသော လူအားလုံးကို သူက ဦးဆောင်နေကာ သူ၏စွမ်းရည်သည် အဖွဲ့ထဲတွင် အပြင်းထန်ဆုံးဖြစ်ပြီး၊ သဏ္ဍာန်ပြောင်းအဆင့် ၏ အစောပိုင်းအဆင့်တွင် ရှိနေသည်။

သူက လက်ရှိအချိန်တွင် မြူထဲမှ ခုန်ထွက်လာသော သားရဲများကို သတ်ဖြတ်ရန် အားစိုက်ထုတ်နေသည်။

“အဖေ၊ အဖေလုပ်နိုင်ပါတယ် ”

ကျင့်ကြံသူများ၏၊ အလယ်ဗဟိုတွင်၊ အသက် ၁၂ နှစ် သို့မဟုတ် ၁၃ နှစ်ခန့်ရှိသော၊ အနီနုရောင်ချယ်ထားသည့် ဝတ်စုံကို ဝတ်ဆင်ထားသော မိန်းကလေးငယ်လေးတစ်ဦးသည်၊ သူမ၏လက်ကလေးများကို ပုတ်ကာ ချိုသာစွာပြောလိုက်သည်။

သူမ၏အသံသည် နုနယ်ပြီး သဘာဝအတိုင်းရှိသဖြင့်၊ ကောင်းကင်တမန်ငယ်လေး တစ်ဦးနှင့်တူကာ၊ သူမ၏ပတ်ဝန်းကျင်ရှိ လူအချို့ကို ရယ်မောစေခဲ့သည်။

မူလက လေးလံသောဝန်းကျင်သည် သူမ၏ကျေးဇူးကြောင့် အနည်းငယ်ပေါ့ပါးသွားခဲ့သည်။

အကြမ်းဖျင်းအားဖြင့် လူတိုင်းသည် ဤ လိုလီမလေး ကို နှစ်သက်ကြောင်းထင်ရှားပြီး၊ အားလုံးက သူမ၏အလယ်ဗဟိုတွင် အလွန်တင်းတင်းကျပ်ကျပ်ရပ်ကာ ကာကွယ်ပေးထားကြသည်။

“ယင်းယင်း၊ သတိထား”

လိုလီမလေး ၏ဘေးတွင်ရှိသော အသက် ၂၀ အရွယ် အမျိုးသမီးတစ်ဦးက၊ ယင်းယင်းကို သူမ၏နောက်သို့ ဆွဲခေါ်လိုက်သည်။

ထိုအမျိုးသမီးသည် အရပ်ရှည်ပြီး၊ သူမ၏ အနည်းငယ်တင်းကျပ်သော အဝတ်အစားသည် သူမ၏ကိုယ်ခန္ဓာ အကွေးအကောက်များကို ပြည့်ပြည့်စုံစုံဖော်ပြနေသည်။ သူမ၏အသွင်အပြင်သည်လည်း အတော်အတန်လှပသော်လည်း၊ အနည်းငယ် မာနထောင်လွှားသောအရိပ်အယောင်ကို သယ်ဆောင်နေသည်။

မကောင်းဆိုးဝါး သားရဲများက တောထဲမှ ဆက်တိုက်ထွက်လာကာ သူတို့ကို တိုက်ခိုက်နေကြသည်။ ဤမကောင်းဆိုးဝါး သတ္တဝါများသည် ယွမ်ဒန် အဆင့်သာရှိသော်လည်း၊ အဖွဲ့ထဲက မည်သူတစ်ဦးတစ်ယောက်မျှ စိတ်လွတ်ကိုယ်လွတ် မနေရဲကြပေ။

နာရီဝက်ကြာပြီးနောက်...

သူတို့သည် နောက်ဆုံးတွင် တိုက်ခိုက်လာသော မကောင်းဆိုးဝါး သတ္တဝါများအားလုံးကို သတ်ပြီးသွားကြပြီး၊ တစ်ယောက်ပြီးတစ်ယောက် မြေပြင်ပေါ်တွင် ထိုင်လျက် မူးယစ်ဆေးပြားများကို မျိုချပြီး၊ သူတို့၏ယွမ်စွမ်းအင်ကို အမြန်ဆုံးပြန်လည်ရရှိအောင် ကြိုးစားနေကြသည်။

“ဘယ်သူလဲ၊ ထွက်လာခဲ့”

အဖွဲ့ဦးဆောင်နေသော ခိုင်ခံ့သည့် လူကြီးက ရုတ်တရက် တင်းကျပ်သွားသည်။ သူက မြူထဲရှိ လမ်းကြောင်းတစ်ခုကို စူးစိုက်ကြည့်ကာ သူ၏လေးလံသောဓားကို တင်းတင်းကျပ်ကျပ် ဆုပ်ကိုင်လိုက်သည်။

အခုအချိန်အထိ အနားယူရန် ထိုင်နေကြသော အဖွဲ့သည်လည်း၊ ခေါင်းဆောင်နောက်မှ လိုက်ပါကာ လက်နက်များကို ကိုင်ဆောင်လျက် သတိထားနေကြသည်။

“အိုး... မိတ်ဆွေတို့ မစိုးရိမ်ပါနဲ့။ ကျွန်ုပ်တို့က မကောင်းတဲ့လူတွေ မဟုတ်ပါဘူး”

ဝူယွမ်နှင့် လင်းတုန်တို့သည် မြူထဲမှ ထွက်ပေါ်လာကြပြီး၊ တစ်ဦးစီတွင် ချစ်စရာကောင်းသော သားရဲကလေးတစ်ကောင်ကို ပွေ့ဖက်ထားကြသည်၊ တစ်ကောင်မှာ အဖြူရောင်သန့်သန့်ဖြစ်ပြီး၊ နောက်တစ်ကောင်မှာ အနီရောင်ဖျော့ဖျော့ဖြစ်သည်။

သူတို့သည် မကောင်းသောလူများမဟုတ်ဟု ပြောသော်လည်း၊ ချစ်စရာကောင်းသော သားရဲကလေးများကို ခိုးယူထားသူနှစ်ဦးနှင့် တူနေသည်။

လူအားလုံးသည် ယောက်ျားနှစ်ယောက်နှင့် သားရဲနှစ်ကောင်ကို စစ်ဆေးကြည့်ကြသော်လည်း၊ သူတို့၏စွမ်းရည်ကို လုံးဝမသိရှိနိုင်ကြပေ။

လူများကို ထိတ်လန့်စေခြင်းနှင့် မလိုလားအပ်သော ပြဿနာများကို ရှောင်ရှားရန် ဝူယွမ်နှင့် လင်းတုန်နှစ်ဦးစလုံးသည် သူတို့၏စွမ်းအင်လွှတ်ထုတ်မှုကို ချုပ်တည်းထားကြပြီး၊ ကျားနှစ်ကောင်ကိုလည်း သူတို့၏ချစ်စရာကောင်းသော ပုံစံသို့ ပြောင်းလဲစေခဲ့သည်။

သူတို့၏ ဝိညာဉ်စွမ်းအင်က အဆင့်ငါး အဆောင်သခင် အဆင့်သို့ ရောက်ရှိနေပြီးဖြစ်ရာ၊ သူတို့ရဲ့စွမ်းအင်လွှတ်ထုတ်မှုကို ချုပ်တည်းထားသည့်အခါ၊ ပြောင်းလဲခြင်းအဆင့် စွမ်းအားရှင်တစ်ဦးပင် သတိပြုမိမှာမဟုတ်ပေ။

စွမ်းအင်လှိုင်းမထနေသော်လည်း ယောက်ျားနှစ်ယောက်က အမှန်တကယ် သာမန်လူများဖြစ်သည်ဟု မဆိုလိုပေ၊ အဘယ့်ကြောင့်ဆိုသော် သူတို့၏ ခိုင်ခံ့သော ကိုယ်ခန္ဓာမှ၊ အန္တရာယ် အရိပ်အယောင်ကို သူခံစားမိသောကြောင့်ဖြစ်သည်။

ဝူယွမ်သည် သူ၏ကိုယ်ပိုင်ယွမ်စွမ်းအင် ချုပ်တည်းနိုင်သော်လည်း၊ သူ၏ကိုယ်ခန္ဓာအတွင်းရှိ ကြီးမားလှသော စွမ်းအားက၊ အသစ်တဖန်မွေးဖွားလာသော မူလ ကိုယ်ခန္ဓာစွမ်းအား ကို အပြည့်အဝဖုံးကွယ်ရန်က ထင်သလောက် မရိုးရှင်းပေ။

“ဒီအမျိုးသားနှစ်ယောက်က အတော်လေး ချောမောကြတာဘဲ၊ ထင်ရှားတဲ့မိသားစုကြီးတွေကနေ အတွေ့အကြုံရှာဖွေဖို့ရာ ထွက်ခွာလာကြတဲ့ လူပျိုလေးတွေနဲ့ တူတယ်။”

“ကျွန်တော်ဟာ ဒီလိုပြည့်စုံတဲ့ ကောင်လေးတွေကို မမြင်ဖူးဘူး။ သူတို့ရဲ့အသွင်အပြင်က ကျွန်တော့်ရဲ့ အကောင်းဆုံးအချိန်တုန်းကထက် မလျော့ဘူး။”

“ပြောရရင် သူတို့ရဲ့ စရိုက်လက္ခဏာက သိသိသာသာ ထူးခြားနေတယ်။ အမျိုးသားတစ်ယောက်အနေနဲ့တောင် ကျွန်တော် သူတို့ကိုကြည့်ရင်း အံ့အားသင့်မိတယ်။”

“သူတို့ ပွေ့ဖက်ထားတဲ့ သားရဲလေးတွေက သာမန်သားရဲတွေလို့ မထင်ဘူး။ သူတို့က အလွန်ရှားပါးသလိုဘဲ။”

“ဟင်... ဒီနှစ်ယောက်က မထင်မရှားနဲ့ ကြီးမားတဲ့ စွမ်းအင်လွှတ်ထုတ်မှုတွေရှိနေတယ်။ သူတို့က သာမန်လူတွေ မဟုတ်ကြဘူး။”

...လူအားလုံးသည် သူတို့နှစ်ယောက်ကို စိုက်ကြည့်နေကြသည်။ သူတို့၏မျက်နှာအမူအရာများသည် အေးဆေးတည်ငြိမ်နေသော်လည်း၊ သူတို့၏စိတ်နှလုံးများမှာမူ လှိုင်းထနေကြပြီဖြစ်သည်။

ညီအစ်ကိုနှစ်ယောက်သည် ၎င်းတို့၏ မူလ ကိုယ်ခန္ဓာစွမ်းအား ကို ကျင့်ကြံခြင်း စတင်ပြီးနောက်၊ သူတို့၏အသွင်အပြင်နှင့် ကိုယ်ခန္ဓာပုံသဏ္ဍာန်သည် အဆင့်သစ်သို့ တက်လှမ်းသွားခဲ့ကြသည်။ သက်ကြီးရွယ်အိုအမျိုးသားများပင် သူတို့ကိုကြည့်ရှုသည့်အခါ ရှက်သွားကြရသည်။

အဖွဲ့ထဲရှိ အမျိုးသမီးနှစ်ဦးသည်လည်း သူတို့၏လှပသောမျက်လုံးများဖြင့် ဝူယွမ်တို့အပေါ် စိုက်ကြည့်နေကြသည်။

လှပပြီးရင့်ကျက်သော တစ်ဦးက၊ သူတို့၏ချောမောလှပသော အသွင်အပြင်ကို အံ့အားသင့်နေစဉ်၊ သူမ၏အာရုံစိုက်မှုက အဓိကအားဖြင့် အရှေ့တွင်ရပ်နေသော ဝူယွမ်အပေါ်တွင် ဖြစ်သည်။

ဤချောမောသန်မာသော အမျိုးသားထံမှ၊ သူမက မမြင်နိုင်သော ဖိအားကို ခံစားနေရသည်။

သူ့ထံမှ ကြီးကျယ်ခန်းနားသော စွမ်းအင်လွှတ်ထုတ်မှုတစ်ခုသည် သူမ၏အသက်ရှူမှုကို မမှန်ကန်စေဘဲ၊ သူမ၏အသက်ရှူမှုကိုပင် ရပ်တန့်သွားစေသည်။

သို့သော်၊ နုနယ်သိမ်မွေ့သော လိုလီမလေးကတော့ သူတို့၏လက်နှစ်ဖက်ထဲရှိ ကျားကလေးများအပေါ်တွင် အာရုံစိုက်နေပြီး၊ ပိုင်ယွမ်နှင့် ရှောင်ယန်တို့၏ သေးငယ်သောအခြေအနေများကို အပြည့်အဝစွဲမက်နေသည်။

ဝူယွမ် - “ကျွန် တော်နဲ့ ကျွန်တော့်ညီက မတော်တဆဒီအုပ်တောထဲသို့ ရောက်လာပြီး၊ လမ်းကြောင်းရှာမတွေ့‌ေတာ့တာပါ။ လတ်တလော၊ ကျွန်တော်တို့က တိုက်ခိုက်သံတွေကြားရလို့ စူးစမ်းလိုစိတ်ကြောင့် ဒီနေရာကို လာကြည့်တာပါ၊ မကောင်းသောရည်ရွယ်ချက်မရှိပါဘူး။”

“မင်းရဲ့စကားပြောဟန်အရ၊ မင်းတို့နှစ်ယောက်က အခြားပြည်နယ်က လူတွေဖြစ်မယ် ထင်တယ်၊ ဟုတ်လား?”

“အမ်း...” ဝူယွမ်က ပြုံးရီလျက် ခေါင်းညိတ်ပြလိုက်ပြီး၊ ထို့နောက် လက်သီးဆုပ်ကာ ဆက်လက်ပြောသည် - “ကျေးဇူးပြု၍ ခင်ဗျား၊ ကျွန်တော်တို့က ခဏ ခေါ်ဆောင်သွားနိုင်မလား။ အကယ်၍ ကျွန်တော်တို့ ဒီနေရာကနေ အောင်မြင်စွာ ထွက်ခွာနိုင်ပါက၊ ကျွန်တော်တို့က ခင်ဗျားကို လုံလောက်တဲ့ အကျိုးအမြတ်တွေ ပြန်ပေးမှာပါ။”

ဤအချိန်တွင်၊ သူတို့သည် တစ်စုံတစ်ဦးက လမ်းပြရန် အမှန်တကယ်လိုအပ်နေပြီး၊ သို့မဟုတ်ပါက သူတို့ ဒီနေရာမှ လုံးဝထွက်ခွာနိုင်မည် မဟုတ်ပေ။

“အဖေ၊ သူတို့ရဲ့ဇစ်မြစ်ကို မသိရသေးဘူး၊ ကျွန်မတို့ရဲ့လက်ရှိအခြေအနေကလည်း မကောင်းတော့၊ သူတို့ကိုခေါ်သွားရင် ပိုပြီးအန္တရာယ်ရှိလာနိုင်တယ်”

ပိုမိုလှပရင့်ကျက်သော အမျိုးသမီးသည် ခေါင်းဆောင်ဖြစ်သော ခိုင်ခံ့သည့် သက်လက်ပိုင်းအရွယ် လူနားကပ်လာပြီး ကပ်တိုးလေးပြောလိုက်သည်။

သူမက ယောက်ျားနှစ်ယောက်၏ ချောမောလှပသော အသွင်အပြင်ကြောင့် လှုံ့ဆော်ခံရခြင်းမရှိဘဲ၊ အေးဆေးတည်ငြိမ်စွာရှိနေပြီး၊ သူမ၏ဖခင်အား ဆင်ခြင်တုံတရားဖြင့် အကြံဉာဏ်ကို ပေးနိုင်သေးသည်။

ယောက်ျားနှစ်ယောက်၏ ကိုယ်ခန္ဓာက အလွန်စွမ်းအားကြီးမားသည်ဟု ခံစားရသော်လည်း၊ သူတို့၏စွမ်းရည်ကို ခွဲခြားသိမြင်နိုင်ခြင်းမရှိသဖြင့်၊ သူတို့ကိုခေါ်ဆောင်သွားပါက ဝန်ထုပ်ဝန်ပိုးဖြစ်စေမည်မှာ မလွဲဧကန်ဖြစ်ပြီး၊ တောရိုင်းထဲတွင်၊ သူစိမ်းများကို အဖွဲ့ထဲသို့ ၀င်ခွင့်ပြုခြင်းသည် ကြီးမားသော တားမြစ်ချက်တစ်ခုဖြစ်သည်။

“အမ်၊ သူတို့တကယ်ပဲ လမ်းပျောက်နေတယ်” နုနယ်သိမ်မွေ့သော လိုလီမလေးကလည်း နောက်ကနေ လိုက်လာပြီး တိုးတိုးတိတ်တိတ် ပြောလိုက်သည်။

“၀င်မပြောနဲ့” လှပရင့်ကျက်သော အစ်မဖြစ်သူက သူမကို အသံတိုးတိုးဖြင့် ဆူလိုက်သည်။

ခိုင်ခံ့သော သက်လက်ပိုင်းအရွယ် လူက ဝူယွမ်နှင့် လင်းတုန်ကို နောက်တစ်ကြိမ် စစ်ဆေးကြည့်ခဲ့ရာ သူသည် သူ၏သမီးထက် ပိုမိုရှင်းလင်းစွာမြင်တွေ့နိုင်သည်။ သူ၏စွမ်းရည်ဖြင့်ပင် ဤလူပျိုနှစ်ယောက်ထံမှ အန္တရာယ်ကို သူခံစားမိသောကြောင့်၊ သူတို့သည် ရိုးရှင်းသူများမဟုတ်ကြောင်း လုံလောက်သော သက်သေဖြစ်သည်။

သူက လေးလေးနက်နက် ပြောလိုက်သည် - “ကောင်လေးနှစ်ယောက် ကျွန်တော်တို့အဖွဲ့က ဒီနေရာမှာရှိတဲ့ အရာဝတ္ထုအချို့ကို ဖျက်စီးမိခဲ့သည်။ အကယ်၍ မင်းတို့သာ ကျွန်တော်တို့နဲ့ အတူလိုက်ပါက၊ မင်းတို့ကိုယ်တိုင် အန္တရာယ်ထဲကို ရောက်ရှိသွားနိုင်တယ်

ဒါပေါ့၊ ကျွန်တော်တို့က ကူညီရန် ဆန္ဒမရှိတာမဟုတ်ပါဘူး၊ တစ်ကယ်လို့ မင်းတို့က ဒီအန္တရာယ်တွေကို မကြောက်ရွံ့ရင်၊ ကျွန်‌ေတာ်တို့နဲ့အတူ ခရီးထွက်လို့ရပါတယ်။ ကျွန်ုပ်တို့က မြူဆိုင်းတောထဲကို မကြာခဏဝင်ရောက်လေ့ရှိပြီး၊ ထွက်လမ်းကို သိထားတယ်၊ ကျွန်တော်တို့က မင်းတို့ကို ဒီနေရာကနေ ခေါ်သွားနိုင်တယ်”

“ကျေးဇူးတင်ပါတယ်၊ ကျေးဇူးပြု၍”

ဝူယွမ်နှင့် လင်းတုန်တို့သည် တစ်ချိန်တည်း လက်သီးဆုပ်၍ အ‌ရိုအသေးပေးလိုက်ကြသည်။

အန္တရာယ်ရှိမရှိ ကိစ္စမဟုတ်တော့ပေ၊ သူတို့က ဒီနေရာတွင် တစ်သက်လုံး မနေထိုင်ချင်ကြဘဲထွက်ခွာဖို့လောနေကြသည်။

“ကျွန်တော်က ဝူယွမ်၊ ဒီလူကတော့ ကျွန်တော့်ညီ လင်းတုန်ပါ”

အခြားတစ်ဖက်မှ သဘောတူညီချက်ရသည်နှင့်၊ ဝူယွမ်နှင့် လင်းတုန်တို့သည် ပျော်ရွှင်စွာဖြင့် လမ်းလျှောက်လာကြသည်။

“ဟားဟား... ကျွန်တော်က ကျန်းလဲ့၊ သိန်းငှက်သိုင်းပညာခန်းမ ရဲ့ ခေါင်းဆောင်ပါ၊ ဒါတွေကတော့ ကျွန်တော့်သမီးနှစ်ယောက် ကျန်းရွှဲ့ နဲ့ ကျန်းယင်းယင်းပါ။ ကျန်တဲ့သူတွေကတော့ ကျွန်တော့် သိန်းငှက်သိုင်းပညာခန်းမ က ညီအစ်ကိုတွေပါဘဲ” သက်လက်ပိုင်းအရွယ် လူသည် ရှင်းရှင်းလင်းလင်း ရီရီမောမောနှင့် မိတ်ဆက်ခဲ့သည်။

“ကျန်းရွှဲ့၊ ကျန်းယင်းယင်း”

ဤနာမည်နှစ်ခုက ရုတ်တရက် ဝူယွမ်၏ ဦးနှောက်ထဲတွင် ပေါ်လာခဲ့သည်။

အထူးသဖြင့် ကျန်းယင်းယင်း

သူတို့ဘဲ၊

ဝူယွမ် ချက်ချင်းပင် သတိရသွားသည်၊ မူရင်းဇာတ်လမ်းထဲမှာ မြူဆိုင်းတောထဲတွင် သူတို့နှင့် လင်တုန်တွေ့ခဲ့ရခြင်းဖြစ်သည်။

သူ၏ရှေ့တွင်ရှိသော အန္တရာယ်မရှိသော၊ နုနယ်သိမ်မွေ့သည့် လိုလီမလေး ကျန်းယင်းယင်းကို ကြည့်ရင်း၊ ဝူယွမ် သူမ၏အစစ်အမှန် ပုံစံကို မတွေးဘဲမနေနိုင်တော့ပေ။

ပြန်လည်မွေးဖွားသူတစ်ဦး၊ သေခြင်း၊ရှင်ခြင်း ဘိုးဘေးအဆောင်ကို ထိန်းချုပ်သူ၊ အဆောင်ဘိုးဘေး သခင် ရှစ်ဦးထဲတစ်ဦးအပါအ၀င်ဖြစ်ပြီး

မသေခြင်းစင်ကြယ်ဘီး ကလန်၏ ဘိုးဘေးတစ်ဦးဖြစ်သည်။

ဖုံးကွယ်နေသော စွမ်းအားရှင်တစ်ဦးက သူ၏ရှေ့တွင်ရှိနေသည်။

“အစ်ကိုကြီး၊ ဘာကြောင့် ကျွန်မကို ကြည့်နေတာလဲ”

ဝူယွမ်၏ ကြည့်ရှုမှုကို ခံနေရသော ကျန်းယင်းယင်းသည်၊ သူမ၏ရှင်းလင်းသော အသံ၊ ရှုပ်ထွေးသောအသွင်အပြင်ဖြင့် မေးမြန်းလိုက်သည်။

ကျန်းရှု့ဲသည် ချက်ချင်းပင် ကျန်းယင်းယင်းကို သူမ၏နောက်သို့ ဆွဲခေါ်ကာ၊ ဝူယွမ်ကို သတိထားပြီး ကြည့်နေသည်။

ဝူယွမ်သည် ချောမောလှပသော်လည်း၊ ချောမောသူများ ကောင်းမွန်သောလူများဖြစ်ရမည်ဟု မဆိုလိုပေ။

ကျန်းလဲ့၏ မျက်နှာအမူအရာပင် အနည်းငယ်ပြောင်းလဲသွားခဲ့သည်။

ပထမဆုံးတွေ့ဆုံချိန်တွင် လူတစ်ဦး၏သမီးကို ဤမျှပြင်းထန်စွာ စိုက်ကြည့်ခြင်းသည် အနည်းငယ် မယဉ်ကျေးသောအပြုအမူဘဲဖြစ်သည်။

ထို့အပြင်၊ ဝူယွမ်ကလူပျိုဖော်ဝင်စ အရွယ်တွင်ရှိနေဆဲဖြစ်သည်။

အစောက ဝူယွမ် စိုက်ကြည့်မိလိုက်တာကြောင့် လူများက သူ့ကို လိုလီ ကြိုက်နှစ်သတ်သူ သို့မဟုတ် ထူးဆန်းတဲ့အကြိုက်ရှိသူဟု မှားယွင်းနားလည်မိခြင်းက ရှောင်လွဲ၍မရနိုင်ပေ။

လှပသူများက မကောင်းသောအရာများကို ပိုလုပ်ဆောင်တတ်ကြသည်။

ဝူယွမ်က အမြန်ဘဲရှင်းပြလိုက်သည်။

“အိုး... အစ်ကိုကြီးက မင်းရဲ့ အရိုးတွေက သာမန်မဟုတ်ဘူးလို့ မြင်လိုက်တယ်၊ မင်းက တစ်သောင်းထဲက တစ်ယောက်၊ ရာစုနှစ်တစ်ခုမှာ တစ်ကြိမ်သာ ပေါ်ပေါက်တတ်တဲ့ ကျင့်ကြံခြင်း ပါရမီရှင်ဘဲ”

လှပရင့်ကျက်သော ကျန်းရွှဲ့က ဝူယွမ်ကို မျက်စိလှန်ပြကာ - “ဘာတွေ ပြောနေတာလဲ၊ ယင်းယင်းက အခုထိ ကျင့်ကြံခြင်း မလုပ်နိုင်သေးဘူး၊ သူမက ကျင့်ကြံခြင်း ပါရမီရှင် ဘယ်လိုဖြစ်နိုင်မှာလဲ”

ကျန်းရှု့ဲသည် ဝူယွမ်က ပါးစပ်ထဲရှိတဲ့ စကားများလျှောက်ပြောနေသည်ဟု ခံစားလိုက်ရပြီး၊ သူ့တွင် မကောင်းသောရည်ရွယ်ချက်များရှိသည်မှာ သေချာသည်။ ဝူယွမ်၏ ထူးခြားသောချောမောမှုကြောင့် သူမ၏အစပိုင်း ကောင်းမွန်သောအထင်အမြင်သည် ချက်ချင်းဆိုသလို အောက်ဆုံးထိ ကျဆင်းသွားခဲ့သည်။

အခြားသူများသည်လည်း ဝူယွမ်၏အဖြေက အလွန်အမင်း မဖြစ်နိုင်ဟု ခံစားမိကြသည်။ အကယ်၍ သူက အကြီးဆုံးအစ်မ ကျန်းရွှဲ့အကြောင်းကို ပြောခဲ့ပါက၊ အနည်းငယ်မျှယုံကြည်စရာဖြစ်နိုင်သော်လည်း အခုတော့…၊ အဘယ့်ကြောင့်ဆိုသော် ကျန်းရွှဲ့၏အရည်အချင်းသည် ခန်းမထဲတွင် အကောင်းဆုံးဖြစ်ပြီး၊ အသက်ငယ်ငယ်နှင့် ယွမ်ဒန်အဆင့် ပြီးပြည့်စုံသောအောင်မြင်မှု သို့ ရောက်ရှိခဲ့သည်။

သို့သော် ကျန်းယင်းယင်းနှင့် ပတ်သက်၍မူ၊ လူတိုင်းသိရှိထားသည်မှာ သူမက နားလည်မှုရှိသော်လည်း၊ ငယ်ရွယ်စဉ်ကတည်းက ကျင့်ကြံနိုင်ခြင်းမရှိခဲ့ဘဲ၊ ထိုကိစ္စက ခေါင်းဆောင်ကြီးကို စဉ်ဆက်မပြတ်နာကျင်မှုဖြစ်စေခဲ့သည်။

အဓိကအကြောင်းရင်းမှာ ဝူယွမ်က အလွန်ငယ်ရွယ်နေသေးသည်။ သူ၏စကားများသည် လူအိုကြီးတစ်ဦးက လူများကိုလှည့်စားရန် ကြိုးစားနေသကဲ့သို့ပင်၊ ယင်းယင်းက အမှန်တကယ် ကျင့်ကြံခြင်း ပါရမီရှင်ဆိုပြီး သူတို့ယုံကြည်ရန်အတွက် ပြောချင်ရင် ဆံဖြူနေသော သက်ကြီးရွယ်အို အဖိုးကြီးတစ်ဦးက ပြောသင့်သည်။

သူ၏အစ်ကိုကြီးကို အထင်လွှဲနေကြသည်ကို မြင်တွေ့ရသောအခါ လင်းတုန်က သူ့ကိုယ်သူ မထိန်းနိုင်တော့ပေ။ ပြန်လည်မွေးဖွားသူ အကြီးအကဲ၊ သူ၏အစ်ကိုကြီးစကားကို မည်သို့သံသယဝင်နိုင်မည်နည်း။

သူသည် ချက်ချင်းရှေ့သို့တက်လာပြီး ခိုင်မာစွာပြောသည် - “ကျွန်တော့်အစ်ကိုကြီးက ဘယ်တော့မှ မဟုတ်တာ မပြောဘူး။ သူက မိန်းကလေးယင်းယင်းဟာ ကျင့်ကြံခြင်းပါရမီရှင်လို့ ပြောရင်၊ သူမက သေချာပေါက် ကျင့်ကြံခြင်း ပါရမီရှင်ဘဲ၊ ကျင့်ကြံခြင်း မလုပ်နိုင်တာက သူမဟာ မှန်ကန်တဲ့လမ်းကြောင်းကို မရှာဖွေနိုင်သေးလို့ဘဲ။”

ဝူယွမ်၏ ရွှတ်နောက်နောက် မျက်နှာအမူအရာက သူ့တို့ကိုယုံကြည်ရန် ခက်ခဲစေပါက၊ လင်းတုန်း၏ ခိုင်မာပြတ်သားပြီး၊ ကတိကဝတ်ပြည့်စုံသော တုံ့ပြန်မှုသည် သူတို့အား အနည်းငယ်ယုံကြည်စေခဲ့သည်။

ရှောင်တျောင်း - “ဒီ လိုလီမလေးက ထူးဆန်းတယ်။ မျက်နှာအမူအရာက ကြည့်ရတာ လန်းဆန်းနေပေမယ့်၊ နက်ရှိုင်းစွာ ကြည့်မယ်ဆိုရင် သူ့ခန္ဓာကိုယ်ထဲမှာ အသက်ကင်းမဲ့နေပြီး၊ ယွမ်စွမ်းအင်ကို စုစည်းဖို့ ခက်ခဲတယ်။ တစ်ကယ်ဘဲ ထူးဆန်းွန်းတယ်။”

ကျန်းယင်းယင်း၏ ခန္ဓာကိုယ်အတွင်းတွင် ရှင်ခြင်းနှင့်သေခြင်း စွမ်းအားနှစ်ခု ရှုပ်ထွေးနေပြီး၊ သူမက လက်ရှိအချိန်တွင် နိုးကြားမှုလက္ခဏာများ မပြသောကြောင့်၊ ရှောင်တျောင်းက ထိုအရာကို ခွဲခြားသိမြင်နိုင်ခြင်းမရှိပေ။

လင်းတုန်း၏ ခိုင်မာပြတ်သားသော စကားပြောဟန်ကို ကြားရသော ကျန်းလဲ့သည် ဝူယွမ်ကို ပြန်ကြည့်ရန် မတတ်သာခဲ့ပေ၊ စူးစမ်းလိုစိတ် မျှော်လင့်ချက်များဖြင့် မေးမြန်းလိုက်သည် - “ညီလေး ဝူယွမ်၊ ကျွန်တော့်သမီး ကျင့်ကြံခြင်း မလုပ်နိုင်တဲ့ အကြောင်းရင်းကို သိပြီး၊ သူမကို ကျင့်ကြံခြင်း လုပ်နိုင်အောင် ကူညီနိုင်တဲ့ နည်းလမ်းများရှိလား?”

ဝူယွမ်သည်လည်း ဤအချိန်တွင် စိတ်ရှုပ်ထွေးသွားခဲ့သည်။ သူက “ကျင့်ကြံခြင်း ပါရမီရှင်” ဟု ပေါ့ပေါ့တန်တန် ပြောမိခဲ့ပြီး၊ ပြန်လည်မွေးဖွားသူ စွမ်းအားရှင်တစ်ဦးက သာမန်လူများထဲတွင် မထင်ပေါ်ဘဲနေမည်မဟုတ်ဟု ထင်ခဲ့သည်။ သူမက လက်ရှိအချိန်တွင် မကျင့်ကြံနိုင်ဖြစ်နေမည်ဟု မျှော်လင့်မထားခဲ့ပေ။

ဤအချိန်တွင်၊ သူက လမ်းပေါ်ရှိ လှည့်စားသူအဖြစ် နောက်ထပ်ကစားရန်ကလွှဲပြီး ရွေးချယ်စရာမရှိတော့ပေ။

သူက ချက်ချင်းမဖြေဘဲ၊ သူ၏ စွမ်းအားပြင်း နတ်ဆိုးမျက်စိကို အသုံးပြုလိုက်သည်။

ခရမ်း‌ရောင် စွမ်းအားပြင်း နတ်ဆိုးမျက်စိ သည် အဆင့်လေးခုရှိပြီး - မြင်ကွင်းကျယ်, မိုက်ခရိုမြင်ကွင်း, မူလမျက်စိနှင့် စကြာ၀ဠာမြင်ကွင်း။

သူ၏ကိုယ်ခန္ဓာသည် မူလကိုယ်ခန္ဓာ အဆင့်သို့ ရောက်ရှိပြီးနောက်၊ သူ၏ စွမ်းအားပြင်း နတ်ဆိုးမျက်စိ သည်လည်း မိုက်ခရိုမြင်ကွင်း အဆင့်သို့ တိုးတက်လာခဲ့သည်။

ဝူယွမ်၏ မျက်နှာအမူအရာက လေးနက်လာပြီး သူက ကလေးမလေး ယင်းယင်း ကို အသေအချာ စစ်ဆေးကြည့်ခဲ့သည်။

“ကြည့်အုံး၊ သူ့မျက်လုံးတွေ ခရမ်းရောင်ပြောင်းသွားပြီ”

“အံ့ဖွယ်မျက်လုံးနည်းပညာတစ်ခုဘဲ၊ ဒါဟာ ဘယ်လိုမျိုးထူးဆန်းတဲ့ ကိုယ်ခန္ဓာပညာရပ်လဲ”

“သူက ပါးစပ်ထဲရှိတဲ့ စကားတွေလျှောက်ပြော နေတာတော့မဟုတ်ဘူးနဲ့ တူတယ်။ ယင်းယင်း ဆီမ? တစ်စုံတစ်ရာ ရှိနေနိုင်တယ်”

...ဤအံ့ဖွယ်မျက်လုံးကိုမြင်လိုက်ရသော လူများက သူ့ကို အနည်းငယ်ပိုမိုယုံကြည်လာကြသည်။

ကျန်းလဲ့နှင့် ကျန်းရွှဲ့တို့၏ မျက်လုံးများပင် တောက်ပလာခဲ့သည်။

ဝူယွမ်က တတစ်ကယ်ပြောခဲ့ဟန်ရသည်။

တစ်မိနစ်၊ နှစ်မိနစ်ခန့် စောင့်ကြည့်ပြီးနောက်၊ ဝူယွမ်သည် လိုလီမလေး ယင်းယင်း၏ ချွေးပေါက်တိုင်းကအစ အပြည့်အစုံ စစ်ဆေးပြီးပြီဖြစ်သည်။ ယင်းယင်း လေး၏ စူးစမ်းခြင်စိတ်အပြည့်ဖြင့် အကြည့်များအောက်တွင် သူ၏မျက်ဆန်များ ပုံမှန်အတိုင်းပြန်ဖြစ်သွားပြီး၊ သူကဖြည်းဖြည်းချင်းပြောလိုက်သည်။

“မိန်းကလေးယင်းယင်းရဲ့ ခန္ဓာကိုယ်မှာ ပြဿနာမရှိဘူး။ ဆန့်ကျင်ဘက်အနေနဲ့၊ သူမရဲ့ ကိုယ်ခန္ဓာက ဒီမှာရှိတဲ့ လူတိုင်းထက် ပိုကောင်းတယ်။

ဒါပေမဲ့ သူက ယာယီအားဖြင့် ယွမ်စွမ်းအင်ကို မကျင့်ကြံနိုင်သေးပေမဲ့ အဲ့တာကအခုအချိန်မှာမလို့ပါ၊ သူမ ယွမ်စွမ်းအင်ပိုင်ဆိုင်နိုင်တဲ့အချိန်၊ အဲ့အချိန်က သူမရဲ့ ကောင်းကင်ပေါ် ပျံတက်ရမယ့်အချိန်ဖြစ်လိမ့်မယ်။

အခုလောလောဆယ် သူမက ဝိညာဉ်စွမ်းအင်ကို ကျင့်ကြံခြင်း သို့မဟုတ် ကိုယ်ခန္ဓာကျင့်ကြ့ခြင်းကို ကြိုးစားကြည့်နိုင်တယ်၊

ကျွန်တော့်မှာ ဝိညာဉ်စွမ်းအင်နှင့် ကကိုယ်ခန္ဓာ ကျင့်ကြံခြင်း နည်းလမ်းနှစ်ခုစလုံးရှိတယ်၊ သမူက အဲ့တာတွေကို ကြိုးစားကြည့်နိုင်တယ်။ ဒါပေမဲ့ သူမ နားလည် သဘောပေါက်မ‌ေပါက်က‌တော့ သူမအပေါ်ဘဲမူတည်တယ်”

ကျန်းလဲ့က စိတ်လှုပ်ရှားစွာဖြင့် မေးလိုက်သည် - “ညီလေး ဝူယွမ်၊ ဒါတကယ်ဘဲလား”

“သေချာတာပေါ့” ဝူယွမ်သည် မတွန့်ဆုတ်ဘဲ ပြန်ဖြေလိုက်သည်။

ပြန်လည်မွေးဖွားသူ စွမ်းအားရှင်တစ်ဦးနှင့် ပတ်သက်လာလျှင်၊ သင်မည်မျှပင်ကြွားနိုင်သည်ဖြစ်စေ ကြွားသာကြွားပါ။

ထို့အပြင်၊ သူက တိကျသောပြဿနာကို ခွဲခြားသိမြင်နိုင်ခြင်းမရှိသော်လည်း၊ ကျန်းယင်းယင်း၏ကိုယ်ခန္ဓာ သန့်ရှင်းမှုအရဆိုလျှင် မူလ အဆင့်သို့ ရောက်ရှိနေပြီးဖြစ်သည်။

“ဒီအစ်ကိုကြီးက တစ်ခုတောင်းဆိုချင်ပါတယ်၊ ညီလေး ဝူယွမ်၊ ကျေးဇူးပြု၍ ကျွန်တော့်ကို ဒီလေ့ကျင့်ရေးနည်းလမ်းကို ပြသပေးနိုင်မလား၊ ဒါမှမဟုတ် ကျွန်တော့်ကို ရောင်းပေးနိုင်မလား”

ကျန်းလဲ့က ချက်ချင်း တောင်းဆိုခဲ့သည်။ ဖခင်တစ်ဦးအနေဖြင့်၊ သူသည် သူ၏သမီးအတွက် အမြဲတမ်းစိုးရိမ်နေခဲ့ရသည်။

ဝူယွမ် - “ဝိညာဉ်စွမ်းအင် ကျင့်ကြံခြင်းနည်းလမ်းတွေကို အဓိကမြို့ကြီးတိုင်းမှာ တွေ့နိုင်တာကြောင့်၊ အဲ့လောက် မခက်ခဲပါဘူး။ ကျွန်တော် အစ်ကိုကြီးကို မိတ္တူတစ်စောင်ချက်ချင်း ကူးပေးနိုင်တယ် ဒါပေမဲ့ ကျွန်တော့်ရဲ့ ကိုယ်ခန္ဓာ ကျင့်ကြံခြင်း နည်းလမ်းနဲ့ ပတ်သက်ပြီးတော့က….၊ ကျွန်တော်က အစ်ကိုကြီးကို မထီမဲ့မြင်ပြုလိုတာမဟုတ်ပါဘူး ကျွန်တော် အဲ့တာကိုရောင်းချချင်ရင်တောင် အစ်ကိုကြီး အဲ့တာကို ဝယ်ဖို့ တတ်နိုင်မှာမဟုတ်ဘူး။”

“ဒီလိုလုပ်ကြအောငါ၊ အစ်ကိုကြီးက ကျွန်တော်တို့ကို မြူဆိုင်းတော ထဲကနေ ထုတ်ပေးပါ၊ ကျွန်တော်က မိန်းကလေးယင်းယင်းကို အစွမ်းကုန် ကူညီပါမယ့် ဘာလို့ဆို ဒီလောက်အားကောင်းတဲ့ ကျင့်ကြံခြင်း ပါရမီရှင်ကို လျစ်လျူရှုထားတာက အတော်လေး ကြေကွဲချင်စရာဘဲ”

ကျန်းလဲ - “ကောင်းပြီ၊ ဒါဆို သဘောတူညီချက်ရပြီ လို့ဘဲမှတ်လိုက်မယ်”