ရှေးဟောင်းတောင်ရိုင်းချောက်ကမ်းပါးတွင် ဆိုင်းအင်၀င်ခြင်း၊ ကောင်းကင်ပြာဧကရာဇ်သွေး ရရှိခြင်း
Vol. 11 Ch. 105
သုံးရက်ကြာပြီးနောက်။
ဝူယွမ်နှင့် လင်းတုန်တို့က ထောင်မတ်နေသော တောင်ထွတ်တစ်ခုပေါ်တွင် ရပ်နေကြသည်။
“ဟေး... နောက်ဆုံးတော့ ရောက်လာပြီ”
ရှေ့ရှိ ကြီးမားလှသော ရှေးဟောင်းတောင်တန်းကြီးကို ကြည့်ရင်း သူတို့၏ မျက်လုံးများတွင် နက်ရှိုင်းသော ရိုသေလေးစားမှုများ ခံစားနေရသည်။
ရှေးဟောင်း တေင်ရိုင်းချောက်အတွင်းသို့ နက်နက်ရှိုင်းရှိုင်း မဝင်ရောက်ရသေးသော်လည်း ထိုနေရာတွင် ရပ်နေစဉ်အတွင်း သူတို့က ချောက်ကမ်းပါးအတွင်း၌ ပုန်းကွယ်နေသော အားကြီးသည့် စွမ်းအင်အချို့ကို ခံစားနိုင်ခဲ့သည်။
ထိုစွမ်းအင်များက အလွန်ရက်စက်၍ ရှေးဟောင်းသဘောဆောင်သော အသွင်အပြင်ကို သိမ့်သိမ့်တုန် ထုတ်လွှင့်နေပြီး ရှေးဟောင်းသွေးမျိုးဆက်အနည်းငယ် ပိုင်ဆိုင်ထားသော အင်အားကြီး သားရဲများထံမှ ဖြစ်နိုင်ခြေရှိသည်။
“သတင်းအချက်အလက်အရ၊ ရှေးဟောင်းနဂါးမျောက်ဝံက ချောက်ကမ်းပါးရဲ့ အတွင်းဆုံးပိုင်းတွင် ရှိတယ်။ အစ်ကို၊ ကျွန်တော်တို့ တိုက်ရိုက်သွားသင့်လား။”
လင်းတုန်က ရှေးဟောင်းအငွေ့အသတ်များဖြင့် ပြည့်နှက်နေသော ချောက်ကမ်းပါးကို ညွှန်ပြကာ ပြောလိုက်သည်။
“ဟုတ်ပီ၊ တိုက်ရိုက်သွားမယ်။ ရှေးဟောင်းနဂါးမျောက်ဝံရဲ့ ေသွးအနှစ်သာရကို ယူပြီး၊ အခွင့်အရေးရတုန်း ဒီနေရာက ဘယ်လိုရတနာမျိုးကိုမဆို ရှာဖွေမယ်။ ဒီနေရာဟာ လူတွေကို ဆက်တိုက် ရတနာရှာဖွေဖို့ ဆွဲဆောင်နေတာကြောင့် အတွင်းမှာ ကောင်းတဲ့အရာတွေ အများကြီး ရှိရမယ်။”
ဝူယွမ်က ခေါင်းညိတ်ကာ နှစ်ဦးစလုံး ရှေးဟောင်းတောရိုင်းချောက်ထဲသို့ ပျံသန်းသွားကြသည်။
ချောက်ကမ်းပါးနှင့် နီးကပ်လာသည်နှင့်အမျှ လူဦးရေများလာကာ သူတို့နှင့် ရည်ရွယ်ချက်တူသော သူများစွာ ရှိနေပြီး ချောက်ကမ်းပါးအတွင်းသို့ ဝင်ရန် စိတ်ကူနေကြသည်။
သို့ရာတွင် ဝူယွမ် ၀ိညာဥ်စွမ်းအင်ဖြင့် စစ်ဆေးကြည့်သောအခါ ထိုလူများ၏ အဆင့်မှာ အလွန်မြင့်မားခြင်းမရှိဘဲ သဏ္ဍာန်ပြောင်းအဆင့်အောက် မှာသာ အားလုံးရှိနေကြောင်း တွေ့လိုက်ရသည်။
သို့သော် သူတို့၏ မျက်နှာအမူအရာများက ပြင်းထန်နေကြပြီး ဒေါသထွက်နေသကဲ့သို့ ပြောဆိုနေကြသည်။
“ငတုံး၊ ရှေးဟောင်းဓားဂိုဏ်းက လူယုတ်မာတွေက လွန်လွန်းလှတယ်! သူတို့က ရှေးဟောင်းတောရိုင်းချောက်ကမ်းပါးကို သွားတဲ့လမ်းကို ပိတ်ဆို့ထားကြတယ်။”
“ဒီလူယုတ်မာတွေက အာဏာရှင်ဆန်ဆန် လုပ်နေကြတာ၊ ရှေးဟောင်းတောရိုင်းချောက်ကမ်းပါးက သူတို့ပိုင်ဆိုင်တာ မဟုတ်ဘဲနဲ့ ဘာလို့ ကျွန်တော်တို့ကို ဝင်ခွင့်မပေးတာလဲ။”
“ဆဲဆိုတာတွေ ရပ်လိုက်ကြ၊ ရှေးဟောင်းဓားဂိုဏ်းက အင်အားကြီးလွန်တယ်၊ ငါတို့ ဘာမှမတတ်နိုင်ဘူး။ ဒါ့အပြင် သူတို့ဟာ ဒီလိုပိတ်ဆို့မှုမျိုးကို တစ်နှစ်ကို တစ်ကြိမ် နှစ်ကြိမ်လောက် လုပ်လေ့ရှိတယ်။ ဒီတစ်ကြိမ်မှာတော့ ငါတို့ ကံမကောင်းတာဘဲ တွက်လိုက်ကြတာပေါ့။”
“အိုး... ဒေသတွင်းက အနှိပ်စက်ခံရသူတွေဘဲ၊ ထပ်အုပ်စိုးနေကြပြန်ပြီ။”
လမ်းတစ်လျှောက်တွင် လူအနည်းငယ်၏ ဆွေးနွေးမှုများကို နားထောင်ပြီးနောက် ဝူယွမ် နားလည်သွားခဲ့သည်။
ရှေးဟောင်းဓားဂိုဏ်းသည် ရှေးဟောင်းတောရိုင်းချောက်ကမ်းပါးကို သူတို့ကိုယ်တိုင် ရှာဖွေနိုင်ရန် ပိတ်ဆို့ထားခြင်း ဖြစ်သည်။
လင်းတုန်က ပြုံးရယ်ကာ “ဟဲဟဲ... ရှေးဟောင်း တောရိုင်းချောက်ကမ်းပါးက ကျယ်ပြန့်လွန်းတယ်။ ရှေးဟောင်းဓားဂိုဏ်းက ပိတ်ဆို့ဖို့ လူဘယ်နှစ်ယောက်လိုအပ်မလဲ၊ သူတို့ အကုန်လုံးကို ပိတ်ဆို့လို့ မရဘူး။ အစ်ကို၊ ကျွန်တော်တို့ တိတ်တဆိတ် ခိုးဝင်သင့်လား၊ ဒါမှမဟုတ် တိုက်ခိုက်ဝင်သင့်လား။”
ဝူယွမ်က သူ့ညီငယ်၏ အပြုအမူများ တဖြည်းဖြည်း ပိုမိုရက်စက်လာပုံကို ကြည့်ကာ သူ၏ခေါင်းကို ပွတ်သပ်လျက် ပြောသည်။
“အီး... တိုက်ခိုက်ဝင်ဖို့ မလိုပါဘူး။ ငါတို့ရဲ့ ရည်မှန်းချက်က ရှေးဟောင်းနဂါးမျောက်ဝံရဲ့ သွေးအစီအနှစ်ကို ရယူဖို့လေ။ ရှေးဟောင်းဓားဂိုဏ်းရဲ့ ပိတ်ဆို့မှုကို ကျော်လွှားနိုင်ဖို့ဘဖြ လိုတယ်၊ ဒုက္ခပေးဖို့ မလိုပါဘူး။
ရှေးဟောင်းဓားဂိုဏ်းက ၀မ့်လွန်ပြည်နယ်မှာ အတော်လေး နာမည်ကြီးတယ်၊ တစ်ကယ်လို့ ငါတို့က သူတို့နဲ့ ပဋိပက္ခဖြစ်ပြီး မတော်တဆ ရှေးဟောင်းဓားဂိုဏ်းကို သုတ်သင်ပစ်မိရင် ငါတို့ရဲ့ နာမည်တွေ ပျံ့နှံ့သွားမယ် မဟုတ်လား။ အဲ့လိုဆို ငါတို့ရဲ့ ၀က်ယောင်ဆောင်တဲ့ကျား ပုံစံက ပျက်စီးသွားလိမ့်မယ်”
“ဟမ်း... အစ်ကိုပြောတာ မှန်တယ်” လင်းတုန်က စဉ်းစားတွေးခေါ်ကာ ခေါင်းညိတ်လိုက်သည်။
ပိုင်ယွမ်နှင့် ရှောင်ယန်တို့သည် ချစ်စရာကောင်းသော အိမ်မွေးတိရစ္ဆာန်ပုံစံသို့ ထပ်မံပြောင်းလဲထားပြီး သူတို့၏ လက်ထဲတွင် ရှိနေခဲ့ကြသည်။
၀ူယွတ်ု့နှစ်ဦးသည် သစ်ပင်ကြီးတစ်ပင်ပေါ်သို့ ပျံတက်ပြီး တောအတွင်း လျင်မြန်စွာ ရွေ့လျားခဲ့သည်။ အတော်ကြာပြီးနောက် နောက်ဆုံးတွင် ထူထပ်သောသစ်ပင်၌ ရပ်တန့်ပြီး ရှေ့ရှိလမ်းကြောင်းကို ကြည့်လိုက်သည်။ ထိုနေရာတွင် ဓားများကိုင်ပြီး ရပ်နေသော ပုံရိပ်ဆယ်ခု ကျော်ခန့် ရှိပြီး ဝင်ပေါက်ကို အပြည့်အဝ ပိတ်ဆို့ထားသည်။
သူတို့က ရှေးဟောင်းဓားပုံသင်္ကေတ တပ်ဆင်ထားသော ပုံစံတူအဝတ်အစားများကို ဝတ်ဆင်ထားပြီး ရှေးဟောင်းဓားဂိုဏ်းမှ လူများဖြစ်ကြောင်း ရှင်းရှင်းလင်းလင်း ဖော်ပြနေသည်။
ဝူယွမ်တို့က အားပြင်းသော ဝိညာဉ်စွမ်းအင်ဖြင့် နှစ်ဦးစလုံးသည် ရှေးဟောင်းဓားဂိုဏ်း၏ တပည့်အားလုံးကို အလွယ်တကူ စူးစမ်းလေ့လာနိုင်ခဲ့သည်။
ရှေးဟောင်းဓားဂိုဏ်းသည် ချောက်ကမ်းပါးသို့ သွားရာလမ်းမကြီးများကိုသာ ပိတ်ဆို့ထားပြီး အခြားနေရာများစွာကို ဖွင့်ထားခဲ့သည်။
ထို့နောက် သူတို့နှစ်ဦးက ဝင်ပေါက်တစ်ခုကို ရှာဖွေတွေ့ရှိခဲ့ပြီး ဓားများကို အသုံးပြု၍ တိုက်ရိုက် ပျံသန်းဝင်ရောက်ခဲ့သည်။
ချောက်ကမ်းပါးအတွင်းတွင် သူတို့က ရှေးဟောင်းဓားဂိုဏ်း တပည့်များစွာကို မြင်တွေ့ခဲ့ရသေးသည်။ ဤလူများသည် အစီအစဉ်တစ်ကြ အဖွဲ့များဖွဲ့ကာ ဝိညာဉ်ဆေးပင်များနှင့် ပုန်းကွယ်နေသော ရတနာအမျိုးမျိုးကို ရှာဖွေရန် ပြန့်ကျဲနေကြသည်။ သူတို့က လူအင်အားကို အသုံးပြု၍ ရက်စက်ကြမ်းကြုတ်သော သားရဲများကို ထောင်ချောက်ဆင်ကာ သတ်ဖြတ်ပြီး သူတို့၏ နဂါးသွေးများကို ရှာဖွေနေကြသည်။
ထင်ရှားစွာပင်၊ သူတို့က ရှေးဟောင်းကန္တာရချောက်ကမ်းပါးကို ၎င်းတို့၏ကိုယ်ပိုင်ဥယျာဉ်အဖြစ် ဆက်ဆံနေခြင်းဖြစ်သည်။
“ရှေးဟောင်းဓားဂိုဏ်းက လွန်လွန်းတယ်။ ဒါကြောင့် လူတွေ မဝင်နိုင်ကြတာကိုး မဆန်းပါဘူး။ သူတို့ လူအင်အားနဲ့ အစီအရင်ပြင်ဆင်ပုံနဲ့ဆိုရင် ကူးပြောင်းခြင်းအဆင့် စွမ်းအားမရှိရင် မသိအောင် ကျော်ဖြတ်ဝင်ရောက်ဖို့ မဖြစ်နိုင်ဘူး။”
လင်းတုန်က ခပ်ဖြည်းဖြည်း သက်ပြင်းချလိုက်သည်။
သူတို့က ဝိညာဉ်စွမ်းအင် အားကောင်းနေသောကြောင့်သာ လှိုင်းတစ်လှိုင်းပြီးတစ်လှိုင်း ရောက်လာသော တပည့်များကို အလွယ်တကူ ရှောင်ရှားနိုင်ခဲ့ခြင်း ဖြစ်သည်။
“အိုး၊ ဒီလောက်မြန်မြန် ရတနာတစ်ခု တွေ့ပြီ”
ဝူယွမ်က အံ့အားသင့်စွာဖြင့် ပြောလိုက်ပြီး သူ၏လက်ထဲရှိ ဝိညာဉ်စုဆောင်းရူန်းသည် ရုတ်တရက်လင်းလက်လာသည်။
သူက ယွမ်စွမ်းအင် လှိုင်းထနေသော ဦးတည်ရာဘက်သို့ ကြည့်လိုက်သည်။
ဝူယွမ်၏ အာရုံစိုက်မှုက သိပ်မဝေးသော အရှေ့ဘက်ရှိ နေရာတစ်ခုတွင် မြန်မြန်ဆန်ဆန် ကြရောက်သွားသည်။ ထိုနေရာတွင် တောင်ချောက်ကမ်းပါးမှ စီးဆင်းလာသော ချောင်းငယ်တစ်ခုရှိပြီး ချောင်း၏အဆုံးတွင် အက်ကြောင်းတစ်ခုရှိပြီး ခရမ်းရောင်နက်နက်ပန်းပွင့်တစ်ပွင့်က ဖြည်းဖြည်းချင်း ပွင့်လန်းနေသည်။ ပန်းပွင့်လာသည်နှင့်အမျှ ကလေးသူငယ်၏ လက်မအရွယ်ခန့်ရှိသော ခရမ်းရောင်ပုလဲလုံးကဲ့သို့သော အလုံးတစ်ခုက ပန်းပွင့်၏အဖူးထဲတွင် ပေါ်လာသည်။ ကြွယ်ဝသော ရနံ့တစ်မျိုးက သိမ်မွေ့စွာ လေထဲသို့ ပျံ့လွင့်လာပြီး ရနံ့ရှူမိသူတိုင်းကို လန်းဆန်းစေသည်။
“ခရမ်းရောင်မိုးတိမ်သီး၊ အဆင့်ခုနှစ် ဝိညာဉ်ဆေးပင်နဲ့ နှိုင်းယှဉ်နိုင်တဲ့ အသီးတစ်လုံး”
လင်းတုန်သည်လည်း အံ့အားသင့်စွာ အော်ဟစ်လိုက်မိသည်။
သူတို့က အဆင့်ခုနှစ် ဝိညာဉ်ဆေးပင်များစွာကို အသုံးပြုခဲ့ ဖူးကြသည်။
သူတို့ အံ့အားသင့်ရသည်က ရှေးဟောင်းတောရိုင်းချောက်ကမ်းပါး အတွင်းသို့ ထိုကဲ့သို့ အဆင့်မြင့် ဝိညာဉ်ဆေးပင်တစ်ခုကို ခဏလေးနဲ့ တွေ့ရှိခဲ့သောကြောင့် ဖြစ်သည်။ ထိုသို့ဖြစ်ရခြင်းမှာ ရှေးဟောင်းကန္တာရချောက်ကမ်းပါးအတွင်း ရတနာအများအပြား ရှိမည်ဖြစ်ကြောင်း သက်သေပြနေသည်။
“ဟဲဟဲ၊ အစ်ကို၊ ကျွန်တော် သွားယူလိုက်မယ်”
လင်းတုန်က စေတနာ့ဝန်ထမ်းလုပ်ဖို့ပြင်လိုက်သည်။
“သတိထားပါ၊ အောက်ဘက်မှာ တစ်ခုခု ရှိနေတယ်။” ဝူယွမ်က သတိပေးလိုက်သည်။
အဆင့်မြင့် ဝိညာဉ်ဆေးပင်အများစုကို သားရဲများက စောင့်ရှောက်လေ့ရှိပြီး သူတို့ရှေ့ရှိ ချောင်းငယ်လေးက အလွန်တည်ငြိမ်နေသော်လည်း ဝူယွမ်က ၎င်းအတွင်းတွင် ပုန်းကွယ်နေသော ရက်စက်ကြမ်းကြုတ်သည့် စွမ်းအင်တစ်ခုကို ခံစားနိုင်ခဲ့သည်။
“စိတ်မပူပါနဲ့ အစ်ကို၊ ကျွန်တော် ခံစားမိပါတယ်။ ဒါက သဏ္ဍာန်ပြောင်းအဆင့် မြွေဟောက်တစ်ကောင်ပါပဲ။”
လင်းတုန်က ပြုံးရယ်လိုက်ပြီး ကောင်းကင်အကြေးခွံရှေးဟောင်းလှံတံက သူ့လက်ထဲ ပေါ်လာခဲ့သည်။
ရှောင်ယန်သည်လည်း လင်းတုန်ရင်ဘက်ထဲမှ ခုန်ဆင်းလာကာ သူ၏တိုက်ခိုက်ရေးပုံစံသို့ ပြောင်းလဲသွားသည်။
“ေဒါသမီးလျှံမြွေလှံ”
လင်းတုန်က မြွေဟောက်ပုံစံ လှံအလင်းတန်းတစ်ခုကို ထုတ်လွှတ်လိုက်ပြီး ချောင်းထဲသို့ ပစ်ခတ်လိုက်သည်။
“ဟောက်၊”
ချောင်းထဲမှ ဟောက်သံတစ်သံ ထွက်ပေါ်လာပြီး ရေလုံးကြီးတစ်ခု လင်းတုန်ဆီသို့ တိုး၀င်လာကာ ကြီးမားသော အပြာရောင်မြွေဟောက်တစ်ကောင် ပေါ်လာလေသည်။
သူ၏ကိုယ်ပေါ်တွင် ရွံစရာကောင်းပြီး သွေးထွက်နေသော ဒဏ်ရာတစ်ခု ရှိနေပြီးဖြစ်သည်။
ရှောင်ယန်က ခုန်ကျော်လာပြီး မြွေဟောက်နှင့် လုံးထွေးသွားခဲ့သည်။
ရှောင်ယန်၏ချွန်ထက်သော ကျားလက်သည်များက လျှပ်စီးကဲ့သို့ တောက်ပြောင်နေပြီး မြွေဟောက်၏ကိုယ်ကို အမြန်ဆုံး ခွဲဖြတ်လိုက်သည်။
လက်ရှိတွင် ရှောင်ယန်သည် လိန့်ယွမ်ပုံဆောင် သားရဲအလေုင်း၊ မိုးကြိုးပြစ်ဒဏ်အရည်အနည်းငယ်နှင့် ယန်အာရုံအရည် အချို့ကို စုပ်ယူပြီးနောက် သူ၏အလားအလာကို အလွန်တိုးမြှင့်ပေးနိုင်ခဲ့သည်။ အခု သူ၏စွမ်းအားက သဏ္ဍာန်ပြောင်းအဆင့် အစောပိုင်းကို နှိပ်စက်နိုင်နေပြီး သဏ္ဍာန်ပြောင်းအဆင့် အလယ်အလတ်ကို တိုက်ခိုက်ရန်ပင် ဝန်မလေးတော့ပါ။
သိပ်မကြာလိုက်ဘဲ ရှောင်ယန်က အပြာရောင်မြွေဟောက်ကို တိုက်ရိုက်နှစ်ပိုင်းခွဲလိုက်ပြီး မြွေဟောက်၏ကိုယ်ထဲမှ အမြုအတေကို ထုတ်ယူကာ တစ်ခါတည်း မျိုချလိုက်သည်။
လင်းတုန်က အနည်းငယ် ပြုံးရယ်လိုက်ပြီး သူ၏ပုံရိပ်က ရွေ့လျားကာ ချောင်းငယ်၏အဆုံးသို့ ရောက်သွားပြီး ခရမ်းရောင်ပန်းပွင့်ကို ဂရုတစိုက် တူးဖော်လိုက်သည်။
သူက ဝိညာဉ်ဆေးပင်ကို အောင်မြင်စွာ စုဆောင်းနိုင်ခဲ့သည်။
လင်းတုန် ပြန်လှည့်ရန် စဉ်းစားနေစဉ် ဝူယွမ်က တစ်စုံတစ်ဦး ချဉ်းကပ်လာနေသည်ကို သတိပြုမိလိုက်ပြီး မျက်ခုံးကြုတ်သွားသည်။
“ဟဲဟဲ၊ ဒီနေရာမှာ ခရမ်းရောင်မိုးတိမ်သီးတစ်လုံး တွေ့လိမ့်မယ်လို့ မထင်မိဘူး။ ငါတို့ ကံကောင်းတာဘဲ။”
ပုံရိပ်လေးခုက သစ်ပင်များပေါ်မှ ဆင်းသက်လာပြီး ချောင်းအနီးတွင် ဆင်းသက်လာခဲ့သည်။
ဝူယွမ်နှင့် လင်းတုန်တို့က လေးဦးလုံးကို ကြည့်ရင်း အပြန်အလှန် အကြည့်များ ဖလှယ်နေကြသည်။ သူတို့အားလုံးက ရှေးဟောင်းဓားဂိုဏ်းရဲ့အဝတ်အစားများ ဝတ်ဆင်ထားပြီး သူတို့ထဲမှ သုံးဦးမှာ လူငယ်များဖြစ်ပြီး သူတို့၏ စွမ်းအင်အဆင့်မှာ ယွမ်ဒန်အဆင့်တွင်သာ ရှိနေသေးသည်။
အလယ်ရှိ သက်လက်ပိုင်းလူကြီးသာ သဏ္ဍာန်ပြောင်းအဆင့် အစောပိုင်း ရောက်ရှိနေသည်။
“ဟမ်၊ လူငယ်ေလးနှစ်ယောက်၊ ခရမ်းရောင်မိုးတိမ်သီးကို လက်လွှတ်လိုက်ပါ။ မင်တို့ ခိုးဝင်ခဲ့တဲ့ အကျိုးဆက်တွေကို ငါတို့မေ့လိုက်မယ်။”
အလယ်ကလူကြီးက ပြောလိုက်ပြီး။ သူ၏အကြည့်မျာူက လင်းတုန်၏လက်ထဲရှိ ခရမ်းရောင်အသီးကို လောဘတကြီး စိုက်ကြည့်နေသည်။
“ဘာလို့ မင်းကို ပေးရမှာလဲ” လင်းတုန်က မျက်လုံးလှိမ့်လိုက်သည်။ ရှေးဟောင်းဓားဂိုဏ်း၏ အာဏာရှင်ဆန်သော အပြုအမူကို သူ အရင်ကတည်းက စိတ်အနှောင့်အယှက် ဖြစ်နေခဲ့သည်။
“မိတ်ဆွေ၊ ကျွန်တော်က လျုယွမ်တျန်း၊ ရှေးဟောင်းဓားဂိုဏ်းရဲ့ အကြီးအကဲတစ်ဦးဘဲ၊ ဒီနေ့ ဒီနေရာက ကျွန်တော်တို့ ရှေးဟောင်းဓားဂိုဏ်းက ပိတ်ပင်ထားတဲ့ ဇုန်တစ်ခုမလို့ စည်းမျဉ်းအရ၊ ပြင်ပလူတွေ ဝင်ရောက်ခွင့် မပြုထားဘူး၊ ကျေးဇူးပြု၍ နားလည်ပေးပါ။”
အလယ်အလတ်အရွယ်လူကြီးက လင်းတုန်၏အဆင့်ကို သတိထားမိလိုက်ပြီး လက်အုပ်ချီကာ ပြုံးရယ်လိုက်သည်။
“ဟဲဟဲ၊ ဒါက တောရိုင်းနေရာဘဲ ဘာလို့ ပိတ်ဆို့လို့ရတယ်လို့ မင်းပြောရတာလဲ။ စည်းမျဉ်းတွေဆိုတာ ဘယ်သူ့ရဲ့ လက်သီးက ပိုကြီးလဲဆိုတာနဲ့ဘဲ ဆိုင်တယ် ခရမ်းရောင်မိုးတိမ်သီးကို လိုချင်ရင် ကိုယ့်အစွမ်းအစနဲ့ကိုယ်”
လင်းတုန်က မထီမဲ့မြင်ပြုလျက် ပြောလိုက်သည်။ ဤကဲ့သို့သော ယုတ်မာသည့် အပြုအမူမျိုးကို သူ အမုန်းဆုံးဖြစ်သည်။
“အကြီးအကဲသူ သူ့အတွက် ဘာဖြစ်လို့ အချိန်တွေ ဒီလောက်များများ အလဟဿ ဖြုန်းနေတာလဲ။ သတ်လိုက်ပါ။ ဒီကောင်လေးက ကျွန်တော်တိုါ ရှေးဟောင်းဓားဂိုဏ်းကို လုံးဝ မထီမဲ့မြင်ပြုနေတာ။”
“ဟမ်၊ ဒီမှာတော့ ငါတို့ ရှေးဟောင်းဓားဂိုဏ်းရဲ့ လက်သီးက အကြီးဆုံးပဲ။”
“မင်းက ရှေးဟောင်းဓားဂိုဏ်းကို စိန်ခေါ်နေတယ်၊ ကောင်လေး။ သေချာနားမလည်ဘူးလား၊ ဒါက ဘယ်သူ့နယ်မြေလဲ”
“မင်းက သေချင်နေတာဘဲ၊ ငါ့ကို ရိုင်းတယ်လို့ မပြောနဲ့။” လျုယွမ်တျန်းက မျက်လုံးထဲတွင် မဲမှောင်နေသော အကြည့်ဖြင့် ကြည့်ကာ ပြောလိုက်သည်။
ဝူယွမ် ဆက်နားမထောင်နိုင်တော့ပါ။ ဤလျုယွမ်တျန်းက ၏စကားများက အတော်လေးမောက်မာနေပြီး သူက ပေါ့ပေါ့တန်တန် ပြောလိုက်သည်။
“သူတို့ကို သတ်လိုက်။ ငါတို့ မြန်မြန်သွားရဦးမယ်”
“ဟုတ်၊ အစ်ကို”
လင်းတုန်က ပြုံးရယ်ကာ အားပြင်းသော မဟာနေ မိုးကြိုးယွမ်စွမ်းအင်သည် သူ့လက်ထဲရှိ ထူထဲသော အမည်းရောင် ကောင်းကင်အကြေးခွံလှံတံပေါ် စုသည်းလာခဲ့သည်။
“ငါးအကြေးခွံလှံ ”
“ဒေါသမီးလျှံမြွေလှံ”
“ေပြာင်းလဲနဂါးလှံ”
“ကောင်းကင်နဂါး လှံ”
သူက တိုက်ရိုက် လေးချက်လူံ ထုတ်လွှတ်လိုက်ကာ၊ လှံအလင်းလေးခုကို မျက်နှာချင်းဆိုင်ရှိ ရှေးဟောင်းဓားဂိုဏ်း လူလေးဦးဆီသို့ ပစ်လွှတ်လိုက်သည်။
အားအကြီးဆုံး ကောင်းကင်နဂါးလှံအလင်းက လျုယွမ်တျန်းကို ချိန်ရွယ်ထားသည်။
“သတိထားပါ!”
“အား!”
လေးဦးသည် မြန်မြန်ဆန်ဆန် ခုခံကာကွယ်ရန် ကြိုးစားခဲ့သော်လည်း လင်းတုန်နှင့် မယှဉ်နိုင်ခဲ့ပေ။
သူတို့အားလုံး ချက်ချင်း သတ်ခံခဲ့ရသည်။
လူလေးဦး၏ သိုလှောင်အိတ်များကို ရှာဖွေပြီးနောက် သူတို့က တောင်ပေါ်သို့ ဆက်တက်သွားကြသည်။
၀ူယွမ်က ဝိညာဉ်စုဆောင်းရေးရူန်းကို အသုံးပြု၍ လမ်းတစ်လျှောက်တွင် အဆင့်မြင့် ဝိညာဉ်ဆေးပင်များစွာကို ရှာဖွေတွေ့ရှိခဲ့သည်။
သူတို့က သားရဲအချို့ကိုလည်း သတ်ဖြတ်ခဲ့ကြသည်။
ရှေးဟောင်းတောရိုင်းချောက်ကမ်းပါးတွင် သားရဲများ အားလုံးလိုလို အတန်အသင့် အင်အားကြီးမားပြီး ရှေးဟောင်းဓားဂိုဏ်းကဲ့သို့သော အင်အားစုများက အမဲလိုက်တာခံရပြီးနောက် အသက်ရှင်ကျန်ရစ်သော တိရစ္ဆာန်အများစုက အတော်အားကောင်းကာ သဏ္ဍာန်ပြောင်းအဆင့်နှင့် အထက်တွင် ရှိကြသည်။
ဝူယွမ်နှစ်ဦးစလုံး နက်ရှိုင်းစွာ ဝင်ရောက်လာသည်နှင့်အမျှ သူတို့သည် ရှေးဟောင်းဓားဂိုဏ်းကလူများကို နောက်ထပ်မမြင်တွေ့ရတော့ပေ။
သူတို့၏ ပုံရိပ်များက တောအုပ်အတွင်း လျှပ်စီးကဲ့သို့ လျှင်မြန်စွာ ရွေ့လျားနေခဲ့သည်။ ဆယ်မိနစ်ခန့်ကြာပြီးနောက် သူတို့၏ အမြန်နှုန်းက နောက်ဆုံးတွင် စတင်နှေးကွေးလာခဲ့သည်။
ဤအချိန်တွင် ကြီးမားသော ချိုင့်ဝှမ်းတစ်ခုက ဝူယွမ်၏ရှေ့တွင် ပေါ်လာပြီး။ ချိုင့်ဝှမ်းကို အရိုးများစွာက ဝိုင်းရံထားကာ ထိုအရိုးများက သားရဲအရိုးများလား၊ လူသားအရိုးများလားတော့ မသိရပေ။ အလွန်ရက်စက်ကြမ်းကြုတ်ပြီး ရိုင်းစိုင်းသော စွမ်းအင်လှိုင်းများသည် ချိုင့်ဝှမ်းမှ ပြန့်ကျဲထွက်လာခဲ့သည်။
ပိုမြင့်မားသော နေရာသို့ ပျံတက်လိုက်သောအခါ ခရမ်းရောင်စွမ်းအားပြင်း နတ်ဆိုးမျက်စိအောက်တွင် ချိုင့်ဝှမ်းအတွင်း၌ ပုံရိပ်ကြီးတစ်ခု၊ ဆယ်မီတာခန့်ရှည်လျားသော ပုံရိပ်ကြီးတစ်ခု ပေါ်လာသည်ကို တွေ့လိုက်ရသည်။
ထိုကြီးမားသော ပုံရိပ်ကြီးက အလွန်တရာ ကြောက်မက်ဖွယ်ကောင်းပြီး ထိုပုံရိပ်မှ ထုတ်လွှတ်သော ဖိအားသည် အံ့သြဖွယ်ကောင်းလောက်အောင် အင်အားကြီးမားသည်။ သဏ္ဍာန်ပြောင်းအဆင့် ကျင့်ကြံသူတစ်ဦးပင်လျှင် ထိုကဲ့သို့သော ဖိအားအောက်တွင် ပုရွက်ဆိတ်တစ်ကောင်ကဲ့သို့ အားနည်းသည်ဟု ခံစားရမည်ဖြစ်သည်။
ဤအချိန်တွင် ကောင်းကင်ယံမှ နေရောင်အလင်းတန်းတစ်တန်း ထိုးကျလာကာ ချိုင့်ဝှမ်းအတွင်းရှိ ကြီးမားသောပုံရိပ်ကြီးကို အလင်းပေးလိုက်သည်။
နောက်ဆုံးတွင် သူရှင်းလင်းလင်းလင်းမြင်တွေ့ခဲ့ရသည်။ ထိုပုံရိပ်ကြီးက ဧရာမမျောက်ဝံတစ်ကောင်ဖြစ်ပြီး တစ်ကိုယ်လုံးအမည်းရောင်ရှိကာ ခန္ဓာကိုယ်တစ်ခုလုံးသည် အမာဆုံး ကျောက်မီးသွေးဖြင့် သွန်းလုပ်ထားသည်ဟု ထင်ရသည်။ အအေးဓာတ်နှင့် ခိုင်ခံ့သော တောက်ပမှုတစ်ခုက သူ၏မျက်နှာပြင်တစ်လျှောက် စီးဆင်းနေပြီး အနည်းငယ်သာ လှုပ်ရှားမှုဖြင့် ကမ္ဘာ့ဖျက်နိုင်သောအားကို ထုတ်လွှတ်နိုင်သကဲ့သို့ ရှိသည်။
ရှေးဟောင်းနဂါးမျောက်ဝံ၊
ထိုသားရဲ၏စွမ်းအားသည် ဝူယွမ် ကြုံတွေ့ဖူးသမျှ သားရဲများအနက် အင်အားကြီးဆုံးဖြစ်သည်။
သို့သော် မျောက်၀ံက လင်းချင်းကျူနှင့် ကြုံတွေ့ခဲ့ရသည့် ဖိအားကို သူ့အား မပေးစွမ်းနိုင်သေးပါ။
ခရမ်းရောင်စွမ်းအားပြင်း နတ်ဆိုးမျက်စိအောက်တွင် ဝူယွမ်က ဧရာမမျောက်ဝံ၏ နဖူးပေါ်မှ ထိုးထွက်နေသော ချွန်ထက်သော အမည်းရောင်ချိုတစ်ချောင်းကို အလွယ်တကူ သတိပြုမိခဲ့သည်။ ထိုချိုက မှောင်မှိုင်းပြီး ရှုပ်ထွေးသော အမှတ်အသားများဖြင့် ဖုံးအုပ်ထားကာ ရှေးဟောင်းဆန်ဆန် အင်အားကြီးမားသော စွမ်းအားတစ်ခု ချိုမှ ထွက်ပေါ်လာသည်။
ထိုအချိန်တွင် ရှောင်တျောင်း၏ သားရဲဝိညာဉ်သည်လည်း ပေါ်လာခဲ့သည်။
“ဒါက နဂါးချိုတစ်ချောင်းဘဲ၊ ရှေးဟောင်းနဂါးမျောက်ဝံရဲ့ ကိုယ်အတွင်းက နဂါးသွေးမျိုးဆက်က ပေးအပ်တဲ့ လက္ခဏာတစ်ခု။ ဒီနဂါးချိုရဲ့ တိုက်ခိုက်မှုက အလွန်အင်အားကြီးတယ်၊ ဒါပေမယ့် ရှေးဟောင်းနဂါးမျောက်ဝံဟာ လွယ်လွယ်ကူကူ အသုံးပြုလေ့မရှိဘူး၊ လုံးဝမဖြစ်မနေ မဟုတ်ရင် မသုံးဘူး။”
“ဒါက ရှေးဟောင်းနဂါးမျောက်ဝံကို ကောင်းကင်လှုပ်ခတ် နတ်ဆိုးမျောက်ဝံထက် ပိုအားစေကောင်းတဲ့ အဓိကအချက်ဘဲ။”
လင်းတုန်က တံတွေးမျိုချလိုက်ပြီး ရှေးဟောင်းနဂါးမျောက်ဝံ၏ အင်အားက ပိုမိုကြီးမားလေ၊ သူ၏ သွေးအစီအနှစ်ကို ပိုလိုချင်လာလေဖြစ်သည်။
“အတွင်းဘက်မှာ ကောင်းတဲ့အရာ တစ်ခုခု ရှိရမယ်”
ဝူယွမ်၏ အာရုံစိုက်မှုက ရှေးဟောင်းနဂါးမျောက်ဝံ အတောက်ရှိ ချိုင့်ဝှမ်း၏ ပိုမိုနက်ရှိုင်းသော အပိုင်းဘက်သို့ ပြောင်းရွှေ့သွားပြီး လက်ကိုကြည့်လိုက်သောအခါ သူ၏လက်ထဲရှိ ဝိညာဉ်စုဆောင်းရူန်းက ယွမ်စွမ်းအင် တိမ်တိုက်တစ်ခု ဖွဲ့စည်းနေသည်။
ဝိညာဉ်စုဆောင်းရူန်းက ဤသို့တုံ့ပြန်ရန် ဤချိုင့်ဝှမ်းအတွင်း အဆင့်ကိုး ဝိညာဉ်ဆေးပင်နှင့် ညီမျှသော ရတနာတစ်ခု ရှိလိမ့်မည်။
“အစ်ကို၊ အခု ဘာလုပ်သင့်လဲ”
လင်းတုန်က ဝူယွမ်ကိုမေးလိုက်ပြီး မျောက်ဝံကို စမ်းသပ်ရန် စိတ်အားထက်သန်လာသည်။
သူ၏လက်ရှိစွမ်းအားက ရှေးဟောင်းနဂါးမျောက်ဝံနှင့် နှိုင်းယှဉ်၍မရသော်လည်း မသေဆုံးနိုင်သော ကင်းကောင် ကိုယ်ခနွာ၏ ကာကွယ်နိုင်စွမ်းက အလွန်အင်အားကြီးသည်။ လင်းတုန်က ရှေးဟောင်းနဂါးမျောက်ဝံကို မတိုက်ခိုက်နိုင်သော်လည်း တိုက်ချက်နှစ်ချက်လောက်ကို ခံယူရန် ပြဿနာမရှိဟု ခံစားနေရသည်။
“မလောနဲ့အုံး၊ ပထမဆုံး ပတ်ဝန်းကျင်ကို စူးစမ်းကြည့်ရအောင်။ အခု ရှေးဟောင်းနဂါးမျောက်ဝံကို တိုက်ခိုက်မယ်ဆိုရင် ချက်ချင်းသတ်လို့မရဘူး၊ ဆူညံသံကလည်း ကြီးမားလိမ့်မယ်၊ ပတ်ဝန်းကျင်က သားရဲ ရှေးဟောင်းဓားဂိုဏ်းကို ဆွဲဆောင်မိသွားရင် ငါတို့က အားလုံးရဲ့ ပစ်မှတ်ဖြစ်လာလိမ့်မယ်။”
သူကထပြီး ချိုင့်ဝှမ်းပတ်ဝန်းကျင်ကို စူးစမ်းကြည့်ပြီးနောက် ရူန်းများကို ထုတ်ကာ အစီအရင်တစ်ခု စတင်လုပ်ခဲ့သည်။
ဤသည်မှာ သဏ္ဍာန် ပြောင်းအဆင့်နှင့် ချီဖန်တီးခြင်းတို့ကြားက ပထမဆုံးတိုက်ပွဲတစ်ခုဖြစ်ပြီး သူတို့ကြား အဆင့်ကြီးတစ်ခုက ခွဲခြားထားဆဲဖြစ်သည်။
သူ၏စွမ်းအင် အလွန်အမင်း တိုးတက်လာပြီး နိုင်ဖို့ရာ ယုံကြည်မှုရှိနေသော်လည်း ဝူယွမ်က သတိကြီးစွာဖြင့် ဆက်လက်လုပ်ဆောင်နေလေသည်။
သိပ်မကြာမီ ရိုးရှင်းသော ပိတ်ဆို့ခြင်း အစီအရင်တစ်ခုက ချိုင့်ဝှမ်းကို ဖုံးလွှမ်းသွားခဲ့သည်။
အစီအရင်၏ အဓိကရည်ရွယ်ချက်မှာ ချိုင့်ဝှမ်း၏ စွမ်းအားကို ခွဲထုတ်ပြီး ယွမ်စွမ်းအင် လှိုင်းထခြင်းကို တားဆီးရန်ဖြစ်သည်။
ဤအရာအားလုံးပြီးစီးဖို့ရာ ဆယ့်ငါးမိနစ်လောက်ကြာမြင့်ခဲ့သည်။
“ကောင်းပြီ၊ အခု ငါတို့ စတိုက်လို့ရပြီ”
ဝူယွမ် လက်များကို ဆန့်ထုတ်ကာ အကြောဆန့်လိုက်သည်။ သူက မလုပ်ရှားရတာ ကြာပီဖြစ်ပြီး အခု ဤရှေးဟောင်းနဂါးမျောက်ဝံကို အသုံးပြုကာ သူစွမ်းအားအစစ်အမှန်စွမ်းအားကို စမ်းသပ်တော့မည်ဖြစ်သည်။
“ညီနှစ်၊ ညီသုံး ဘေးကနေဘဲ ပံ့ပိုးကူညီပေးပါ။ အရင်ဆုံး ငါကိုယ်တိုင် တိုက်ကြည့်မယ်”
“ဟုတ်ပီ၊ အစ်ကို”
လင်းတုန်နှင့် ရှောင်တျောင်းတို့က စိတ်အားထက်သန်စွာ သဘောတူခဲ့ကြသည်။ ဝူယွမ်ဘယ်လောက် အင်အားကြီးမလဲဆိုတာ သူတို့လည်း ကြည့်ချင်နေကြသည်။
ဝူယွမ်က ရေခဲပုံဆောင်ခဲဓားကိုထုတ်ကာ ချိုင့်ဝှမ်းထဲသို့ ခုန်ချပြီး ဓားပျံစီးလျက် ရှေးဟောင်းနဂါးမျောက်ဝံဆီသို့ ပျံသန်းသွားခဲ့သည်။
“ဟောက်”
ရှေးဟောင်းနဂါးမျောက်ဝံက နောက်ဆုံးတွင် တစ်စုံတစ်ဦး ချဉ်းကပ်လာသည်ကို သတိပြုမိသွားပြီး ဒေါသထွက်နေသော ဟောက်သံဖြင့် တုံ့ပြန်ခဲ့သည်။ သူက ဘေးနားရှိ ကျောက်တုံးကြီးတစ်တုံးကို တိုက်ရိုက်ကိုင်ဆွဲကာ ပျံသန်းနေသော ဝူယွမ်ဆီသို့ ပစ်လွှတ်လိုက်သည်။
ခရမ်းရောင်ရွှေရောင် အလင်းက ဝူယွမ်၏ကိုယ်မှ ပေါက်ကွဲထွက်လာပြီး ရေခဲပုံဆောင်ခဲဓားကို သူ၏သိုလှောင်အိတ်ထဲသို့ ထည့်လိုက်ကာ ဝူယွမ်က ကျောက်တုံးကို တိုက်ရိုက်ရင်ဆိုင်လိုက်ပြီး သူ၏ခြေဖြင့် နင်းလိုက်သည်။
ကြီးမားသော အလေးချိန်တစ်ခုက ပေါက်ကွဲထွက်လာခဲ့ကာ။
“ဗုံး”
ကျောက်တုံးက ကျိုးပဲ့သွားပြီး ဝူယွမ်က ကြီးမားသော ဆွဲငင်အားတစ်ခုကို ထုတ်လွှတ်ရင်း ရှေးဟောင်းနဂါးမျောက်ဝံ အပေါ်သို့ ဖိချလိုက်သည်။
ခမ်းနားသောတောင်ကိုယ်ခန္ဓာက ကိုယ်အလေးချိန်ကို အနန္တတိုးမြှင့်နိုင်ပြီး သဘာဝအားဖြင့် တိုက်ခိုက်မှုနှင့် ကာကွယ်မှုတို့သည်လည်း လိုက်ပြီး တိုးမြင့်လာမည်ဖြစ်သည်။
“ကောင်းကင်ဖြတ်ပိုင်းခြင်း မကောင်းဆိုးဝါး ကျောက်တိုင်လက်ဝါး!”
ဝူယွမ်သည် ကောင်းကင်ယံမှ ဆင်းသက်လာပြီး လက်တစ်ဖက်စီတွင် ကျောက်တိုင်လက်ဝါးတစ်ခုစီကို စုစည်းကာ ဖိနှိပ်လိုက်သည်။
ကျောက်တုံးကွဲထွက်သွားသည့်နှင့် ရှေးဟောင်းနဂါးမျောက်ဝံက ကောင်းကင်ယံသို့ ဒေါသတကြီးဟိန်းဟောက်ကာ သူ၏လက်သီးကြီးများကို ဆုပ်ကိုင်ပြီး ရုတ်တရက် ထိုးချလိုက်သည်။ ချက်ချင်းပင် အမည်းရောင် စွမ်းအင် လှိုင်းတစ်ခုက ရိုင်းစိုင်းပြီး ရက်စက်ကြမ်းကြုတ်သော လှိုင်းထခြင်းကို သယ်ဆောင်လာကာ ကောင်းကင်ယံရှိ ဝူယွမ်ကို ပြင်းထန်စွာ ထိုးနှက်လိုက်သည်။
“ဗုံး”
ပြင်းထန်သော ထိတ်တိုက်တွေ့ဆုံမှုက ချိုင့်ဝှမ်းအနှံ့ ပဲ့တင်ထပ်သွားခဲ့သည်။
လေထုတစ်ခုလုံး ယွမ်စွမ်းအင် လှိုင်းများထနေခဲ့သည်။
ထိတ်တိုက်တွေ့ဆုံမှတွင် ရှေးဟောင်းနဂါးမျောက်ဝံ၏ ကြီးမားသော ကိုယ်ခန္ဓာက မြေကြီးပေါ်သို့ တိုက်ရိုက်လဲကြသွားခဲ့ရသည်။
ဝူယွမ်၏ အရေပြားတစ်ခုလုံးသက ခရမ်းရွှေရောင်သို့ ပြောင်းလဲသွားပြီး သူ၏ကိုယ်ခန္ဓာက လုံးဝပြောင်းလဲသွားကာ သူ့ကို ဗဟိုပြုထားသော ဆွဲငင်အားနယ်ပယ်ကြောင့် ချိုင့်ဝှမ်းတစ်ခုလုံးပါ ပုံပျက်နေခဲ့သည်။
“ဟစ်စ်၊ အစ်ကိုရဲ့ ကိုယ်ခန္ဓာ အင်အားက အရမ်း ကြံ့ခိုင်လွန်းတယ်။”
လင်းတုန်နှင့် ရှောင်တျောင်းတို့သည်လည်း အဝေးမှ နက်ရှိုင်းစွာ အံအားသင့်သွားကြသည်။
ဝူယွမ်၏ ယွမ်စွမ်းအင် အဆင့်က သဏ္ဍာန်ပြောင်းအဆင့် အလယ်အလတ်မှာသာ ရှိနေသေးသော်လည်း သူ၏ကိုယ်ခန္ဓာမှ ထုတ်လွှတ်သော စွမ်းအားသည် ရှေးဟောင်းနဂါးမျောက်ဝံကဲ့သို့သော ချီဖန်တီးချင်းအတင့် တိရစ္ဆာန်တစ်ကောင်နှင့် တိုက်ရိုက် ရင်ဆိုင်နိုင်ပြီ ဖြစ်သည်။
ထိုအချိန်တွင် ဖိအားအောက်ရှိ ရှေးဟောင်းနဂါးမျောက်ဝံက အမျက်ထွက်လာပြီး သူ၏ခြေထောက်များဖြင့် မြေကြီးကို နင်းကာ ချိုင့်ဝှမ်းတစ်ခုလုံးကို တုန်ခါစေသွားပြီး၊ ဝူယွမ်၏ ဖိအားအောက်မှ ဖြည်းဖြည်းချင်း ထရပ်လာခဲ့သည်။
သူ၏လက်များကို လက်သီးများအဖြစ် ပုံဖော်ပြီး အမည်းရောင်အလင်းက စွမ်းအင်လုံးများအဖြစ် စုစည်းလာကာ ဝူယွမ်နှင့် အနီးကပ် တိုက်ခိုက်ခဲ့သည်။
ခွမ်း၊ ဗုံး၊ ဘုန်း၊
လူတစ်ဦးနှင့် မျောက်ဝံတစ်ကောင်က ကိုယ်ခန္ဓာစွမ်းအား သက်သက်ဖြင့် တိုက်ခိုက်နေကြပြီး စွမ်းအားပြင်းထန် လှိုင်းထနေသော အင်အားသည် ချိုင့်ဝှမ်းကို ပြင်းထန်သော ငလျင်တစ်ခု ဖြစ်စေခဲ့ကာ ချိုင့်ဝှမ်းတစ်ခုလုံးပြင်းထန်စွာ တုန်ခါနေခဲ့သည်။
“အရမ်းမိုက်တယ်”
ဝူယွမ်က စိတ်လှုပ်ရှားစွာ အော်ဟစ်လိုက်သည်။
“ငါဒါကိုစမ်းကြည့်ရမယ် ငရဲနတ်ဘုရား လှံတံ”
သူ၏ ယွမ်စွမ်းအင်က အရူးအမူး လှိုင်းထလာပြီး သူ၏ကိုယ်အတွင်းရှိ အမှုန်များ အားလုံး တုန်ခါနေကာ ကိုယ်ခန္ဓာမျက်နှာပြင်ပေါ်တွင် ဝဲပြင်ကြီးတစ်ခု ပေါ်လာကာာ ယွမ်စွမ်းအင်ဖြင့် စုစည်းထားသည့် ထူးဆန်းသော ခရမ်းရွှေရောင် လှံရှည်တစ်ချောင်းက ထိုဝဲပြင်အတွင်းမှ ထွက်လာခဲ့သည်။
ချက်ချင်းပင် ပတ်ဝန်းကျင်တစ်ခုလုံး ငရဲနတ်ဘုရား၏စွမ်းအားဖြင့် ပြည့်နှက်သွားခဲ့သည်။
ဤငရဲနတ်ဘုရားလှံတံက ကျပန်းစုစည်းထားခြင်းမဟုတ်ပေ။ ဖိနှိပ်ခြင်း အကျင်းထောင်ဘုရင် ကိုယ်ခန္ဓာကို နယ်ပယ်တစ်ခုထိ လေ့ကျင့်ပြီးနောက် အလိုအလျောက် နိုးကြားလာသော နတ်ဘုရားတစ်ပါး၏ စွမ်းရည်ဖြစ်သည်။ ယွမ်စွမ်းအင်ကို အခြေခံအဖြစ် အသုံးပြုပြီး ခန္ဓာကိုယ်၏ အစိတ်အပိုင်းများမှ ထွက်ပေါ်လာသော လက်နက်တစ်ခုဖြစ်သည်။
ယွမ်စွမ်းအင်ကို နတ်လက်နက်အဖြစ် ပုံဖော်ရန် မဖြစ်နိုင်စရာအကြောင်းမရှိသော်လည်း အများစုမှာ ကစဉ့်ကလျားဖြစ်နေပြီး အင်အားမကြီးမားဘဲ သာမန်လက်နက်များထက်ပင် နိမ့်ကျနေတတ်သည်။ သို့သော် ဝူယွမ် စုစည်းထားသော ငရဲနတ်ဘုရား လှံတံမှာတော့ ကွဲပြားခြားနားသည်။
ဖိနှိပ်ခြင်း အကျင်းထောင်ဘုရင် ကိုယ်ခန္ဓာ ငရဲနတ်ဘုရားဝဲထဲမှ ယွမ်စွမ်းအင်ဖြင့် စုစည်းထားသော အပြင်းထန်ဆုံး တိုက်ခိုက်ရေး နည်းစနစ်တစ်ခု ဖြစ်သည်။
အံ့အားသင့်ဖွယ် စွမ်းအားတစ်ခုကို ပိုင်ဆိုင်ထားပြီး ငရဲနဆ်ဘုရားကဲ့သို့၊ ပြင်းထန်ပြီး၊ လှံထိပ်တွင် သွေးရောင်ဖြစ်နေကာ တစ်ချက်ကြည့်လိုက်ရုံဖြင့် လူတို့အား ငရဲထဲသို့ ကျရောက်သကဲ့သို့ ကြောက်မက်ဖွယ်စွမ်းအားကို ခံစားရစေသည်။
ရှေးဟောင်းနဂါးမျောက်ဝံက တဖြည်းဖြည်း ဖွဲ့စည်းလာသော ခရမ်းရောင်ရွှေရောင် လှံရှည်ကို ကြည့်ရင်း သူ၏ အနီရောင်မျက်လုံးများထဲတွင် ကြောက်ရွံ့မှုအနည်းငယ် ပေါ်လာခဲ့သည်။
ပတ်ဝန်းကျင်ရှိ လင်းတုန်နှင့် ရှောင်တျောင်းတို့ပင် ဤအချိန်တွင် သူတို့၏နှလုံးခုန်နှုန်းများ မြန်ဆန်လာသည်ကို ခံစားခဲ့ရသည်။
ရှောင်တျောင်း- “အစ်ကိုနှစ်၊ ဒါက ဘယ်လို နတ်ဘုရားစွမ်းရည်မျိုးလဲ? လက်နက်ကို ဒီလောက်ထူးဆန်းတဲ့နည်းနဲ့ ပုံဖော်နိုင်တယ်။ ဒီလှံပေါ်က စွမ်းအားကလည်း အတော်လေး ကြောက်စရာကောင်းတယ်။”
လင်းတုန်- “အစ်ကိုကြီးက သူ့ရဲ့တစ်ကယ့် စွမ်းအားကို ထုတ်ပြတော့မှာလား၊ ပြန်လည်မွေးဖွားသူတွေက ကြောက်စရာကောင်းလွန်းတယ်”
ခရမ်းရွှေရောင် လှံရှည်သည် လေထဲတွင် ပျံနေပြီး ဝူယွမ်ရှေ့တွင် လှည့်ပတ်နေကာ သူက လက်ဖြင့် ဆုပ်ကိုင်လိုက်သည်။
“ငရဲနတ်ဘုရား လှံတံ၊ ထိုးဖောက်”
ထိုသည်ကိုမြင်ပြီး ရှေးဟောင်းနဂါးမျောက်ဝံက လက်သီးများဖြင့် သူ၏ရင်ဘတ်ကို ကြမ်းကြမ်းတန်းတန်း ရိုက်ခတ်လိုက်ပြီး ကြားရဆိုးသော အသံကို ထုတ်လွှတ်လိုက်သည်။ သူ၏နဖူးမှ အမည်းရောင် နဂါးချိုသည်လည်း ဤအချိန်တွင် ထူးဆန်းသော အမည်းရောင်အလင်းများ ထုတ်လွှတ်နေခဲ့သည်။
ထိုချိုမှ သူ၏ နဂါးသွေးမျိုးဆက် စွမ်းအား အချို့ကို အသုံးပြုခဲ့ပြီး အမည်းရောင်အလင်းက ထွက်ပေါ်လာကာ ဝူယွမ်၏ ငရဲနတ်ဘုရား လှံတံကို တိုက်ရိုက် တားဆီးလိုက်သည်။
ဗုံး
ချိုင့်ဝှမ်းကို ဝန်းရံထားသော တောင်ကုန်းငယ်များက ပေါက်ကွဲမှုကြောင့် တိုက်ရိုက် ပြားချပ်သွားခဲ့ပြီး ဝူယွမ် ပြင်ဆင်ထားသော တံဆိပ်သည်လည်း ဖိအားအောက်တွင် ကျိုးပဲ့သွားခဲ့
ကြီးမားသော စွမ်းအင်လှိုင်းတစ်ခုက ချိုင့်ဝှမ်းကို ဗဟိုပြု၍ ရှေးဟောင်းတောရိုင်းချောက်ကမ်းပါး တစ်ခုလုံးကို ဖြတ်သန်းသွားခဲ့သည်။
ဤပေါက်ကွဲမှု၏အလယ်တွင်တော့ ခရမ်းရွှေရောင် လှံရှည်က ရှေးဟောင်းနဂါးမျောက်ဝံ၏ကိုယ်ထဲသို့ နက်ရှိုင်းစွာ ထိုးဖောက်ဝင်ရောက်နေပြီး မျောက်ဝံ၏အသက်ကို အဆုံးသတ်စေခဲ့သည်။
ဝူယွမ်က လေကို အတင်းရှုသွင်းလှိုက်ပြီး သူ၏လက်ထဲရှိ ခရမ်းရွှေရောင် လှံရှည်က ဖြည်းဖြည်းချင်း ပျောက်ကွယ်သွားကာ တစ်ခါမှ မရှိခဲ့ဖူးသလိုဖြစ်သွားသည်။
အားနည်းမှုခံစားချက် တစ်ခုက ဝူယွမ်၏ ခန္ဓာကိုယ်တစ်ခုလုံးသို့ ပြန့်နှံ့သွားခဲ့သည်။
ဤသည်က သူပထမဆုံးအကြိမ် ငရဲနတိဘုရား လှံတံကို အသုံးပြုခြင်းဖြစ်ပြီး သူ့ခန္ဓာကိုယ်အတွင်းရှိ စွမ်းအားအားလုံးကို ကုန်ဆုံးစေခဲ့သလို အကျိုးသက်ရောက်မှုသည်လညါး အလွန်ကောင်းမွန်ပြီး ချီဖန်တီးခြင်းအဆင့် အစောပိုင်း ရှေးဟောင်းနဂါးမျောက်ဝံတစ်ကောင်ကို ချက်ချင်း သတ်ဖြတ်နိုင်ခဲ့သည်။
သို့ရာတွင် ဤသည်မှာ ငရဲနတ်ဘုရား လှံတံ၏ပုံသဏ္ဍာန်ကို အနည်းငယ်သာ စုစည်းနိုင်ခဲ့ခြင်းဖြစ်ပြီး အစစ်အမှန် ငရဲနတ်ဘုရား လှံတံနှင့် အတော်လေး ကွာခြားနေဆဲဖြစ်သည်။
ထိုနတ်ဘုရားစွမ်းရည်ကိုသာ နောက်ဆုံးအထိ လေ့ကျင့်နိုင်ခဲ့ပါက နတ်ဘုရားများကိုသတ်ရခြင်းက ပြဿနာတစ်ခုမဟုတ်နိုင်တော့ပေ။
ငရဲနတ်ဘုရား လှံတံက အစပိုင်းဘဲရှိသေးသည်။ ဖိနှိပ်ခြင်း အကျင်းထောင်ဘုရင် ကိုယ်ခန္ဓာတွင် ဝူယွမ် သင်ယူရန် စောင့်ဆိုင်းနေသော နတ်ဘုရားစွမ်းရည်များစွာ ရှိသေးသည်။
ဝူယွမ်က ပထမအလွှာကို ရောက်ရှိယုံမျှသာ ရှိသေးသည်။ အကယ်၍ ဤကျင့်စဉ်ကိုသာ သူ၏အကန့်အသတ်အထိ ကျင့်ကြံနိုင်ပါက တျန်းရွှမ်တိုက်ကြီးကို ဖြတ်ကျော်ရန်က မပြောပလောက်ပေ။ မဟာလောကတစ်ထောင်ကိုတောင် အလွယ်တကူ ဖြတ်သန်းနိုင်ပေလိမ့်မည်။
“ကောင်းပြီ၊ လာပြီး ဒီသားရဲရဲ့ သွေးအနှစ်သာရကို ထုတ်ယူပါ။”
ဝူယွမ်က သူ၏သိုလှောင်အိတ်ထဲမှ ဆေးတစ်လုံးကို ထုတ်ယူပြီး မျိုချလိုက်ကာ လင်းတုန်နှင့် ရှောင်တျောင်းတို့ကို ပြောလိုက်သည်။
[ဒင်း! ရှေးဟောင်းတောရိုင်းချောက်ကမ်းပါးသို့ ရောက်ရှိပါပြီ။ ဆိုင်းအင် လုပ်လိုပါသလား]
စနစ်သတိပေးချက်က အချိန်ကိုက် ရောက်လာခဲ့သည်။
“ဆိုင်းအင် လုပ်မယ်”
[ဆိုင်းအင် ၀င်ခြင်းအောင်မြင်သည်၊ ဆုအဖြစ် - ကောင်းကင်ပြာဧကရာဇ်သွေးရည်]